𑌕𑌾𑌲𑌿𑌯 𑌕𑍃𑌤𑌾 𑌕𑍃𑌷𑍍𑌣 𑌸𑍍𑌤𑍋𑌤𑍍𑌰𑌮𑍍

𑌵𑍍𑌯𑌾𑌸 𑌉𑌵𑌾𑌚 ।
𑌇𑌤𑍍𑌯𑍁𑌕𑍍𑌤𑍇 𑌤𑌾𑌭𑌿𑌰𑌾𑌶𑍍𑌵𑌾𑌸𑍍𑌯 𑌕𑍍𑌲𑌾𑌂𑌤𑌦𑍇𑌹𑍋𑌽𑌪𑌿 𑌪𑌨𑍍𑌨𑌗𑌃 ।
𑌪𑍍𑌰𑌸𑍀𑌦 𑌦𑍇𑌵𑌦𑍇𑌵𑍇𑌤𑌿 𑌪𑍍𑌰𑌾𑌹 𑌵𑌾𑌕𑍍𑌯𑌂 𑌶𑌨𑍈𑌃 𑌶𑌨𑍈𑌃 ॥ 43 ॥
𑌕𑌾𑌲𑍀𑌯 𑌉𑌵𑌾𑌚 ।
𑌤𑌵𑌾𑌷𑍍𑌟𑌗𑍁𑌣𑌮𑍈𑌶𑍍𑌵𑌰𑍍𑌯𑌂 𑌨𑌾𑌥 𑌸𑍍𑌵𑌾𑌭𑌵𑌿𑌕𑌂 𑌪𑌰𑌮𑍍 ।
𑌨𑌿𑌰𑌸𑍍𑌤𑌾𑌤𑌿𑌶𑌯𑌂 𑌯𑌸𑍍𑌯 𑌤𑌸𑍍𑌯 𑌸𑍍𑌤𑍋𑌷𑍍𑌯𑌾𑌮𑌿 𑌕𑌿𑌨𑍍𑌵𑌹𑌮𑍍 ॥ 44 ॥
𑌤𑍍𑌵𑌂 𑌪𑌰𑌸𑍍𑌤𑍍𑌵𑌂 𑌪𑌰𑌸𑍍𑌯𑌾𑌽𑌦𑍍𑌯𑌃 𑌪𑌰𑌂 𑌤𑍍𑌵𑌂 𑌤𑌤𑍍𑌪𑌰𑌾𑌤𑍍𑌮𑌕𑌮𑍍 ।
𑌪𑌰𑌸𑍍𑌮𑌾𑌤𑍍𑌪𑌰𑌮𑍋 𑌯𑌸𑍍𑌤𑍍𑌵𑌂 𑌤𑌸𑍍𑌯 𑌸𑍍𑌤𑍋𑌷𑍍𑌯𑌾𑌮𑌿 𑌕𑌿𑌂 𑌨𑍍𑌵𑌹𑌮𑍍 ॥ 45 ॥
𑌯𑌥𑌾𑌽𑌹𑌂 𑌭𑌵𑌤𑌾 𑌸𑍃𑌷𑍍𑌟𑍋 𑌜𑌾𑌤𑍍𑌯𑌾 𑌰𑍂𑌪𑍇𑌣 𑌚𑍇𑌶𑍍𑌵𑌰𑌃 ।
𑌸𑍍𑌵𑌭𑌾𑌵𑍇𑌨 𑌚 𑌸𑌂𑌯𑍁𑌕𑍍𑌤𑌸𑍍𑌤𑌥𑍇𑌦𑌂 𑌚𑍇𑌷𑍍𑌟𑌿𑌤𑌂 𑌮𑌯𑌾 ॥ 46 ॥
𑌯𑌦𑍍𑌯𑌨𑍍𑌯𑌥𑌾 𑌪𑍍𑌰𑌵𑌰𑍍𑌤𑍇𑌯 𑌦𑍇𑌵𑌦𑍇𑌵 𑌤𑌤𑍋 𑌮𑌯𑌿 ।
𑌨𑍍𑌯𑌾𑌯𑍍𑌯𑍋 𑌦𑌂𑌡𑌨𑌿𑌪𑌾𑌤𑌸𑍍𑌤𑍇 𑌤𑌵𑍈𑌵 𑌵𑌚𑌨𑌂 𑌯𑌥𑌾 ॥ 4𑍭 ॥
𑌤𑌥𑌾𑌽𑌪𑌿 𑌯𑌂 𑌜𑌗𑌤𑍍𑌸𑍍𑌵𑌾𑌮𑍀 𑌦𑌂𑌡𑌂 𑌪𑌾𑌤𑌿𑌤𑌵𑌾𑌨𑍍𑌮𑌯𑌿 ।
𑌸 𑌸𑍋𑌢𑍋𑌽𑌯𑌂 𑌵𑌰𑍋 𑌦𑌂𑌡𑌸𑍍𑌤𑍍𑌵𑌤𑍍𑌤𑍋 𑌨𑌾𑌨𑍍𑌯𑍋𑌽𑌸𑍍𑌤𑍁 𑌮𑍇 𑌵𑌰𑌃 ॥ 4𑍮 ॥
𑌹𑌤𑌵𑍀𑌰𑍍𑌯𑍋 𑌹𑌤𑌵𑌿𑌷𑍋 𑌦𑌮𑌿𑌤𑍋𑌽𑌹𑌂 𑌤𑍍𑌵𑌯𑌾𑌽𑌚𑍍𑌯𑍁𑌤 ।
𑌜𑍀𑌵𑌿𑌤𑌂 𑌦𑍀𑌯𑌤𑌾𑌮𑍇𑌕𑌮𑌾𑌜𑍍𑌞𑌾𑌪𑌯 𑌕𑌰𑍋𑌮𑌿 𑌕𑌿𑌮𑍍 ॥ 4𑍯 ॥

𑌇𑌤𑌿 𑌬𑍍𑌰𑌹𑍍𑌮𑌪𑍁𑌰𑌾𑌣𑍇 𑌪𑌂𑌚𑌾𑌶𑍀𑌤𑍍𑌯𑌧𑌿𑌕𑌶𑌤𑌤𑌮𑌾𑌧𑍍𑌯𑌾𑌯𑌾𑌂𑌤𑌰𑍍𑌗𑌤𑌂
𑌕𑌾𑌲𑌿𑌯𑌕𑍃𑌤𑌂 𑌶𑍍𑌰𑍀𑌕𑍃𑌷𑍍𑌣𑌸𑍍𑌤𑍋𑌤𑍍𑌰𑌂 𑌸𑌮𑌾𑌪𑍍𑌤𑌮𑍍 ।

𑌬𑍍𑌰𑌹𑍍𑌮𑌪𑍁𑌰𑌾𑌣 . 𑌅𑌧𑍍𑌯𑌾𑌯 1𑍮5/43-4𑍯 . ।

Browse Related Categories: