വ്യാസ ഉവാച ।
ഇത്യുക്തേ താഭിരാശ്വാസ്യ ക്ലാംതദേഹോഽപി പന്നഗഃ ।
പ്രസീദ ദേവദേവേതി പ്രാഹ വാക്യം ശനൈഃ ശനൈഃ ॥ 43 ॥
കാലീയ ഉവാച ।
തവാഷ്ടഗുണമൈശ്വര്യം നാഥ സ്വാഭവികം പരമ് ।
നിരസ്താതിശയം യസ്യ തസ്യ സ്തോഷ്യാമി കിന്വഹമ് ॥ 44 ॥
ത്വം പരസ്ത്വം പരസ്യാഽദ്യഃ പരം ത്വം തത്പരാത്മകമ് ।
പരസ്മാത്പരമോ യസ്ത്വം തസ്യ സ്തോഷ്യാമി കിം ന്വഹമ് ॥ 45 ॥
യഥാഽഹം ഭവതാ സൃഷ്ടോ ജാത്യാ രൂപേണ ചേശ്വരഃ ।
സ്വഭാവേന ച സംയുക്തസ്തഥേദം ചേഷ്ടിതം മയാ ॥ 46 ॥
യദ്യന്യഥാ പ്രവര്തേയ ദേവദേവ തതോ മയി ।
ന്യായ്യോ ദംഡനിപാതസ്തേ തവൈവ വചനം യഥാ ॥ 47 ॥
തഥാഽപി യം ജഗത്സ്വാമീ ദംഡം പാതിതവാന്മയി ।
സ സോഢോഽയം വരോ ദംഡസ്ത്വത്തോ നാന്യോഽസ്തു മേ വരഃ ॥ 48 ॥
ഹതവീര്യോ ഹതവിഷോ ദമിതോഽഹം ത്വയാഽച്യുത ।
ജീവിതം ദീയതാമേകമാജ്ഞാപയ കരോമി കിമ് ॥ 49 ॥
ഇതി ബ്രഹ്മപുരാണേ പംചാശീത്യധികശതതമാധ്യായാംതര്ഗതം
കാലിയകൃതം ശ്രീകൃഷ്ണസ്തോത്രം സമാപ്തമ് ।
ബ്രഹ്മപുരാണ . അധ്യായ 185/43-49 . ।
