ව්යාස උවාච ।
ඉත්යුක්තේ තාභිරාශ්වාස්ය ක්ලාංතදේහෝऽපි පන්නගඃ ।
ප්රසීද දේවදේවේති ප්රාහ වාක්යං ශනෛඃ ශනෛඃ ॥ 43 ॥
කාලීය උවාච ।
තවාෂ්ටගුණමෛශ්වර්යං නාථ ස්වාභවිකං පරම් ।
නිරස්තාතිශයං යස්ය තස්ය ස්තෝෂ්යාමි කින්වහම් ॥ 44 ॥
ත්වං පරස්ත්වං පරස්යාऽද්යඃ පරං ත්වං තත්පරාත්මකම් ।
පරස්මාත්පරමෝ යස්ත්වං තස්ය ස්තෝෂ්යාමි කිං න්වහම් ॥ 45 ॥
යථාऽහං භවතා සෘෂ්ටෝ ජාත්යා රූපේණ චේශ්වරඃ ।
ස්වභාවේන ච සංයුක්තස්තථේදං චේෂ්ටිතං මයා ॥ 46 ॥
යද්යන්යථා ප්රවර්තේය දේවදේව තතෝ මයි ।
න්යාය්යෝ දංඩනිපාතස්තේ තවෛව වචනං යථා ॥ 47 ॥
තථාऽපි යං ජගත්ස්වාමී දංඩං පාතිතවාන්මයි ।
ස සෝඪෝऽයං වරෝ දංඩස්ත්වත්තෝ නාන්යෝऽස්තු මේ වරඃ ॥ 48 ॥
හතවීර්යෝ හතවිෂෝ දමිතෝऽහං ත්වයාऽච්යුත ।
ජීවිතං දීයතාමේකමාජ්ඤාපය කරෝමි කිම් ॥ 49 ॥
ඉති බ්රහ්මපුරාණේ පංචාශීත්යධිකශතතමාධ්යායාංතර්ගතං
කාලියකෘතං ශ්රීකෘෂ්ණස්තෝත්රං සමාප්තම් ।
බ්රහ්මපුරාණ . අධ්යාය 185/43-49 . ।
