ද්විතීයඃ ප්රශ්නඃ
අථ හෛනං භාර්ගවෝ වෛදර්භිඃ පප්රච්ඡ।
භගවන්‌ කත්යේව දේවාඃ ප්රජාං-විඁධාරයංතේ කතර ඒතත්ප්රකාශයංතේ කඃ පුනරේෂාං-වඁරිෂ්ඨඃ ඉති ॥1॥
තස්මෛ ස හෝවාචාකාශෝ හ වා ඒෂ දේවෝ වායුරග්නිරාපඃ පෘථිවී වාඞ්මනශ්චක්ෂුඃ ශ්රෝත්රං ච।
තේ ප්රකාශ්යාභිවදංති වයමේතද්බාණමවෂ්ටභ්ය විධාරයාමඃ ॥2॥
තාන්‌ වරිෂ්ඨඃ ප්රාණ උවාච।
මා මෝහමාපද්යථ අහමේවෛතත්පංචධාත්මානං ප්රවිභජ්යෛතද්බාණමවෂ්ටභ්ය විධාරයාමීති තේऽශ්රද්දධානා බභූවුඃ ॥3॥
සෝऽභිමානාදූර්ධ්වමුත්ක්රාමත ඉව තස්මින්නුත්ක්රාමත්යථේතරේ සර්ව ඒවෝත්ක්රාමංතේ තස්මිංශ්ච ප්රතිෂ්ඨමානේ සර්ව ඒව ප්රතිෂ්ඨංතේ।
තද්යථා මක්ෂිකා මධුකරරාජානමුත්ක්රාමංතං සර්ව ඒවෝත්ක්රාමංතේ තස්මිංශ්ච ප්රතිෂ්ඨමානේ සර්ව ඒව ප්රතිෂ්ටංත ඒවම්‌ වාඞ්මනෂ්චක්ෂුඃ ශ්රෝත්රං ච තේ ප්රීතාඃ ප්රාණං ස්තුන්වංති ॥4॥
ඒෂෝऽග්නිස්තපත්යේෂ සූර්ය ඒෂ පර්ජන්යෝ මඝවානේෂ වායුඃ।
ඒෂ පෘථිවී රයිර්දේවඃ සදසච්චාමෘතං ච යත්‌ ॥5॥
අරා ඉව රථනාභෞ ප්රාණේ සර්වං ප්රතිෂ්ඨිතම්‌।
ඍචෝ යජූෂි සාමානි යජ්ඤඃ ක්ෂත්රං බ්රහ්ම ච ॥6॥
ප්රජාපතිශ්චරසි ගර්භේ ත්වමේව ප්රතිජායසේ।
තුභ්යං ප්රාණ ප්රජාස්ත්විමා බලිං හරංති යඃ ප්රාණෛඃ ප්රතිතිෂ්ඨසි ॥7॥
දේවානාමසි වහ්නිතමඃ පිතෘණාං ප්රථමා ස්වධා।
ඍෂීණාං චරිතං සත්යමථර්වාංගිරසාමසි ॥8॥
ඉංද්රස්ත්වං ප්රාණ තේජසා රුද්රෝऽසි පරිරක්ෂිතා।
ත්වමංතරික්ෂේ චරසි සූර්යස්ත්වං ජ්යෝතිෂාං පතිඃ ॥9॥
යදා ත්වමභිවර්ෂස්යථේමාඃ ප්රාණ තේ ප්රජාඃ।
ආනංදරූපාස්තිෂ්ඨංති කාමායාන්නං භවිෂ්යතීති ॥10॥
ව්රාත්යස්ත්වං ප්රාණෛකර්ෂරත්තා විශ්වස්ය සත්පතිඃ।
වයමාද්යස්ය දාතාරඃ පිතා ත්වං මාතරිශ්ව නඃ ॥11॥
යා තේ තනූර්වාචි ප්රතිෂ්ඨිතා යා ශ්රෝත්රේ යා ච චක්ෂුෂි।
යා ච මනසි සංතතා ශිවාං තාං කුරූ මෝත්ක්රමීඃ ॥12॥
ප්රාණස්යේදං-වඁශේ සර්වං ත්රිදිවේ යත්‌ ප්රතිෂ්ඨිතම්‌।
මාතේව පුත්රාන්‌ රක්ෂස්ව ශ්රීශ්ච ප්රජ්ඤාං ච විධේහි න ඉති ॥13॥
