দাল্ভ্য়ঃ
কার্য়ারংভেষু সর্বেষু দুঃস্বপ্নেষু চ সত্তম ।
অমাংগল্য়েষু দৃষ্টেষু যজ্জপ্তব্য়ং তদুচ্যতাম্ ॥ 1 ॥

যেনারংভাশ্চ সিদ্ধ্য়ংতি দুঃস্বপ্নশ্চোপশাম্যতি ।
অমংগলানাং দৃষ্টানাং পরিহারশ্চ জাযতে ॥ 2 ॥

শ্রী পুলস্ত্য়ঃ:
জনার্দনং ভূতপতিং জগদ্গুরুং স্মরন্ মনুষ্য়ঃ সততং মহামুনে ।
দুষ্টান্যশেষণ্যপহংতি সাধযতি অশেষকার্য়াণি চ যান্যভীপ্সতি ॥ 3 ॥

শৃণুষ্ব চান্যত্ গদতো মমাখিলং বদামি যত্ তে দ্বিজবর্য়! মংগলম্ ।
সর্বার্থসিদ্ধিং প্রদদাতি যত্ সদা নিহংত্য়্শেষাণি চ পাতকানি ॥ 4 ॥

প্রতিষ্টিতং যত্র জগচ্চরাচরং জগত্ত্রয়ে যো জগতশ্চ হেতুঃ ।
জগচ্চ পাত্যত্তি চ যঃ স সর্বদা মমাস্তু মাংগল্যবিবৃদ্ধয়ে হরিঃ ॥ 5 ॥

ব্য়োমাংবুবায়্বগ্নিমহীস্বরূপৈঃ বিস্তারবান্ যোঽণুতরোঽণুভাবাত্ ।
অস্থূলসূক্ষ্মঃ সততং পরেশ্বরো মমাস্তু মাংগল্যবিবৃদ্ধয়ে হরিঃ ॥ 6 ॥

যস্মাত্ পরস্মাত্ পুরুষাদনংতাত্ অনাদিমধ্য়াদধিকং ন কিংচিত্ ।
স হেতুহেতুঃ পরমেশ্বরেশ্বরঃ মমাস্তু মাংগল্যবিবৃদ্ধয়ে হরিঃ ॥ 7 ॥

হিরণ্যগর্ভাচ্য়ুতরুদ্ররূপী সৃজত্যশেষং পরিপাতি হংতি ।
গুণাগ্রণীর্য়ো ভগবান্ স সর্বদা মমাস্তু মাংগল্যবিবৃদ্ধয়ে হরিঃ ॥ 8 ॥

পরঃ সুরাণাং পরমোঽসুরাণাং পরো যতীনাং পরমো মুনীনাম্ ।
পরঃ সমস্তস্য় চ যঃ স সর্বদা মমাস্তু মাংগল্যবিবৃদ্ধয়ে হরিঃ ॥ 9 ॥

ধ্য়াতো মুনীনামপকল্মষৈর্য়ো দদাতি মুক্তিং পরমেশ্বরেশ্বরঃ ।
মনোভিরামঃ পুরুষঃ স সর্বদা মমাস্তু মাংগল্যবিবৃদ্ধয়ে হরিঃ ॥ 10 ॥

সুরেংদ্রবৈবস্বতবিত্তপাংবুপস্বরূপরূপী পরিপাতি যো জগত্ ।
স শুদ্ধশুদ্ধঃ পরমেশ্বরেশ্বরো মমাস্তু মাংগল্যবিবৃদ্ধয়ে হরিঃ ॥ 11 ॥

যন্নামসংকীর্তনতো বিমুচ্যতে হ্যনেকজন্মার্জিতপাপসংচয়াত্ ।
পাপেংধনাগ্নিঃ স সদৈব নির্মলো মমাস্তু মাংগল্যবিবৃদ্ধয়ে হরিঃ ॥ 12 ॥

যেনোদ্ধৃতেয়ং ধরণী রসাতলাত্ অশেষসৃষ্টিস্থিতিকারণাদিকম্ ।
বিভর্তি বিশ্বং জগতঃ স মূলং মমাস্তু মাংগল্যবিবৃদ্ধয়ে হরিঃ ॥ 13 ॥

পাদেষু বেদা জঠরে চরাচরং রোমস্বশেষা মুনয়ো মুখে মখাঃ ।
যস্য়েশ্বরেশস্য় স সর্বদা প্রভুঃ মমাস্তু মাংগল্যবিবৃদ্ধয়ে হরিঃ ॥ 14 ॥

সমস্ত যজ্ঞাংগময়ং বপুঃ প্রভোঃ যস্য়াংগমীশেশ্বরসংস্তুতস্য় ।
বরাহরূপী ভগবান্ স সর্বদা মমাস্তু মাংগল্যবিবৃদ্ধয়ে হরিঃ ॥ 15 ॥

বিক্ষোভ্য় সর্বোদধিতোযসংভবং দধার ধাত্রীং জগতশ্চ যো ভুবম্ ।
যজ্ঞেশ্বরো যজ্ঞপুমান্ স সর্বদা মমাস্তু মাংগল্যবিবৃদ্ধয়ে হরিঃ ॥ 16 ॥

পাতালমূলেশ্বরভোগিসংহতো বিন্যস্য় পাদৌ পৃতিবীং চ বিভ্রতঃ ।
যস্য়োপমানং ন বভূব সোঽচ্য়ুতো মমাস্তু মাংগল্যবিবৃদ্ধয়ে হরিঃ ॥ 17 ॥

সঘর্ঘরং যস্য় চ বৃংহিতং মুহুঃ সনংদনাদ্য়ৈর্জনলোকসংশ্রিতৈঃ ।
শ্রুতং জয়েত্য়ুক্তিপরৈঃ স সর্বদা মমাস্তু মাংগল্যবিবৃদ্ধয়ে হরিঃ ॥ 18 ॥

একার্ণবাদ্ যস্য় মহীযসৌ মহীং আদায় বেগেন খমুত্পতিষ্যতঃ ।
নতং বপুর্য়োগিবরৈঃ স সর্বদা মমাস্তু মাংগল্যবিবৃদ্ধয়ে হরিঃ ॥ 19 ॥

হতো হিরণ্য়াক্ষমহাসুরঃ পুরা পুরাণপুংসা পরমেণ যেন ।
বরাহরূপঃ স পতিঃ প্রজাপতিঃ মমাস্তু মাংগল্যবিবৃদ্ধয়ে হরিঃ ॥ 20 ॥

দংষ্ট্রাকরালং সুরভীতিনাশকং কৃতং বপুর্দিব্যনৃসিংহরূপিণা ।
ত্রাতুং জগত্ যেন স সর্বদা প্রভুঃ মমাস্তু মাংগল্যবিবৃদ্ধয়ে হরিঃ ॥ 21 ॥

দৈত্য়েংদ্রবক্ষঃস্থলদারদারুণৈঃ
করেরুহৈর্য়ঃ ক্রকচানুকারিভিঃ ।
বিচ্ছেদ লোকস্য় ভয়ানি সোঽচ্য়ুতো
মমাস্তু মাংগল্যবিবৃদ্ধয়ে হরিঃ ॥ 22 ॥

দংতাংতদীপ্তদ্য়ুতিনির্মলানি যঃ চকার সর্বাণি দিশাং মুখানি ।
নিনাদবিত্রাসিতদানবো হ্যসৌ মমাস্তু মাংগল্যবিবৃদ্ধয়ে হরিঃ ॥ 23 ॥

যন্নামসংকীর্তনতো মহাভয়াত্ বিমোক্ষমাপ্নোতি ন সংশয়ং নরঃ ।
স সর্বলোকার্তিহরো নৃকেসরী মমাস্তু মাংগল্যবিবৃদ্ধয়ে হরিঃ ॥ 24 ॥

সটাকরালভ্রমণানিলাহতাঃ স্ফুটংতি যস্য়াংবুধরাঃ সমংততঃ ।
স দিব্যসিংহঃ স্ফুরিতানলেক্ষণো মমাস্তু মাংগল্যবিবৃদ্ধয়ে হরিঃ ॥ 25 ॥

যদীক্ষণজ্য়োতিষি রশ্মিমংডলং প্রলীনমীষন্ন ররাজ ভাস্বতঃ ।
কুতঃ শশাংকস্য় স দিব্যরূপধৃক্ মমাস্তু মাংগল্যবিবৃদ্ধয়ে হরিঃ ॥ 26 ॥

অশেষদেবেশনরেশ্বরেশ্বরৈঃ সদা স্তুতং যচ্চরিতং মহাদ্ভুতম্ ।
স সর্বলোকার্তিহরো মহাহরিঃ মমাস্তু মাংগল্যবিবৃদ্ধয়ে হরিঃ ॥ 27 ॥

দ্রবংতি দৈত্য়াঃ প্রণমংতি দেবতাঃ নশ্য়ংতি রক্ষাংসি অপয়াংতি চারয়ঃ ।
যত্কীর্তনাত্ সোঽদ্ভুতরূপকেসরী মমাস্তু মাংগল্যবিবৃদ্ধয়ে হরিঃ ॥ 28 ॥

ঋক্পাবিতং যো যজুষা হি শ্রীমত্ সামধ্বনিধ্বস্তসমস্তপাতকম্ ।
চক্রে জগত্ বামনকঃ স সর্বদা মমাস্তু মাংগল্যবিবৃদ্ধয়ে হরিঃ ॥ 29 ॥

যত্পাদবিন্য়াসপবিত্রতাং মহী যয়ৌ বিযচ্চর্গ্যজুষামুদীরণাত্ ।
স বামনো দিব্যশরীররূপদৃং মমাস্তু মাংগল্যবিবৃদ্ধয়ে হরিঃ ॥ 30 ॥

যস্মিন্ প্রয়াতেঽসুরভূভৃতোঽধ্বরাত্ ননাম খেদাদবনিঃ সসাগরা ।
স বামনঃ সর্বজগন্ময়ঃ সদা মমাস্তু মাংগল্যবিবৃদ্ধয়ে হরিঃ ॥ 31 ॥

মহাদ্ভুতে দৈত্যপতের্মহাধ্বরে যস্মিন্ প্রবিষ্টে ক্ষুভিতং মহাসুরৈঃ ।
স বামনোঽংতস্থিতসপ্তলোকধৃং মমাস্তু মাংগল্যবিবৃদ্ধয়ে হরিঃ ॥ 32 ॥

সংঘৈঃ সুরাণাং দিবি ভূতলস্থিতৈঃ তথা মনুষ্য়ৈর্গগনে চ খেচরৈঃ ।
স্তুতঃ ক্রমাদ্ যঃ প্রচ্চার সর্বদা মমাস্তু মাংগল্যবিবৃদ্ধয়ে হরিঃ ॥ 33 ॥

ক্রাংত্বা ধরিত্রীং গগনং তথা দিবং মরুত্পতের্য়ঃ প্রদদৌ ত্রিবিষ্টপম্ ।
স দেবদেবো ভুবনেশ্বরেশ্বরো মমাস্তু মাংগল্যবিবৃদ্ধয়ে হরিঃ ॥ 34 ॥

অনুগ্রহং চাপি বলেরনুত্ত্মং চকার যশ্চেংদ্রপদোপমং ক্ষণাত্ ।
সুরাংশ্চ যজ্ঞাংশভুজঃ স সর্বদা মমাস্তু মাংগল্যবিবৃদ্ধয়ে হরিঃ ॥ 35 ॥

রসাতলাদ্ যেন পুরা সমাহৃতাঃ সমস্তবেদা জলচাররিরূপিণা ।
স কৈটভারিমধুহাঽংবুশায়ী মমাস্তু মাংগল্যবিবৃদ্ধয়ে হরিঃ ॥ 36 ॥

নিঃক্ষত্রিয়ং যশ্চ চকার মেদিনীং অনেকশো বাহুবনং তথাঽচ্ছিনত্ ।
যঃ কার্তবীর্যস্য় স ভার্গবোত্তমো মমাস্তু মাংগল্যবিবৃদ্ধয়ে হরিঃ ॥ 37 ॥

নিহত্য় যো বালিনমুগ্রবিক্রমং
নিবদ্ধ্য় সেতুং জলধৌ দশাননম্ ।
জঘান চান্য়ান্ রজনীচরান্ অসৌ
মমাস্তু মাংগল্যবিবৃদ্ধয়ে হরিঃ ॥ 38 ॥

চিক্ষেপ বালঃ শকটং, বভংজ যো যমার্জুনং, কংসমরিং জঘান চ ।
মমর্দ চাণূরমুখান্ স সর্বদা মমাস্তু মাংগল্যবিবৃদ্ধয়ে হরিঃ ॥ 39 ॥

প্রাতঃ সহস্রাংশুমরীচিনির্মলং করেণ বিভ্রত্ ভগবান্ সুদর্শনম্ ।
কৌমোদকী চাপি গদামনংতো মমাস্তু মাংগল্যবিবৃদ্ধয়ে হরিঃ ॥ 40 ॥

হিমেংদুকুংদস্ফটিকাভনির্মলং মুখানিলাপূরিতমীশ্বরেশ্বরঃ ।
মধ্য়াহ্নকালেঽপি স শন্খমুদ্বহন্ মমাস্তু মাংগল্যবিবৃদ্ধয়ে হরিঃ ॥ 41 ॥

তথাপরাহ্ণে প্রবিকাসি পংকজং বক্ষস্থলেন শ্রিযমুদ্বহন্ হরিঃ ।
বিস্তারিপদ্মাযতপত্রলোচনো মমাস্তু মাংগল্যবিবৃদ্ধয়ে হরিঃ ॥ 42 ॥

সর্বেষু কালেষু সমস্তদেশেষু অশেষকার্য়েষু তথেশ্বরেশ্বরঃ ।
সর্বৈঃ স্বরূপৈর্ভগবান্ অনাদিমান্ মমাস্তু মাংগল্যবিবৃদ্ধয়ে হরিঃ ॥ 43 ॥

এতত্ পঠন্ দাল্ভ্য় সমস্তপাপৈঃ
বিমুচ্যতে বিষ্ণুপরো মনুষ্য়ঃ ।
সিদ্ধ্য়ংতি কার্য়াণি তথাঽস্য় সর্বান্
অর্থানবাপ্নোতি যথেচ্ছতে তান্ ॥ 44 ॥

দুঃস্বপ্নঃ প্রশমমুপৈতি পঠ্যমানে
স্তোত্রেঽস্মিন্ শ্রবণবিধৌ সদোদ্যতস্য় ।
প্রারংভো দ্রুতমুপয়াতি সিদ্ধিমীশঃ
পাপানি ক্ষপযতি চাস্য় দেবদেবঃ ॥ 45 ॥

মাংগল্য়ং পরমপদং সদাঽর্থসিদ্ধিং
নির্বিঘ্নামধিকফলাং শ্রিয়ং দদাতি ।
কিং লোকে তদিহ পরত্র চাপি পুংসাং
যদ্বিষ্ণুপ্রবণধিয়াং ন দাল্ভ্য়! সাধ্যম্ ॥ 46 ॥

দেবেংদ্রস্ত্রিভুবনমর্থমেকপিংগঃ
সংসিদ্ধিং ত্রিভুবনগাং চ কার্তবীর্য়ঃ ।
বৈদেহঃ পরমপদং প্রসাদ্য় বিষ্ণুং
সংপ্রাপ্তাঃ সকলফলপ্রদো হি বিষ্ণুঃ ॥ 47 ॥

সর্বারংভেষু দাল্ভ্য়ৈতদ্ দুঃস্বপ্নেষু চ পংডিতঃ ।
জপেদেকমনা বিষ্ণৌ তথাঽমংগল্যদর্শনে ॥ 48 ॥

শমং প্রয়াংতি দুষ্টানি গ্রহপীডাশ্চ দারুণাঃ ।
কর্মারংভাশ্চ সিদ্ধ্য়ংতি পুণ্যমাপ্নোতি চোত্তমম্ ॥ 49 ॥

হরির্দদাতি ভদ্রাণি মংগল্যস্তুতিসংস্তুতঃ ।
করোত্যখিলরূপৈস্তু রক্ষামক্ষতশক্তিভৃত্ ॥ 50 ॥

॥ শ্রীবিষ্ণুধর্মোত্তরাংতর্গতঃ মাংগল্যস্তবঃ সংপূর্ণঃ ॥