𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨𑌃 - 𑌅𑌗𑍍𑌨𑌿𑌷𑍍𑌟𑍋𑌮𑍇 𑌪𑌶𑍁𑌃

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇᳚-𑌽𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾᳚-𑌮𑍍𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒𑌮𑌾 𑌦॒𑌦𑍇-𑌽𑌭𑍍𑌰𑌿॑𑌰𑌸𑌿॒ 𑌨𑌾𑌰𑌿॑𑌰𑌸𑌿॒ 𑌪𑌰𑌿॑𑌲𑌿𑌖𑌿𑌤॒𑌗𑍍​𑌮𑍍॒ 𑌰𑌕𑍍𑌷𑌃॒ 𑌪𑌰𑌿॑𑌲𑌿𑌖𑌿𑌤𑌾॒ 𑌅𑌰𑌾॑𑌤𑌯 𑌇॒𑌦𑌮॒𑌹𑌗𑍍​𑌮𑍍 𑌰𑌕𑍍𑌷॑𑌸𑍋 𑌗𑍍𑌰𑍀॒𑌵𑌾 𑌅𑌪𑌿॑ 𑌕𑍃𑌨𑍍𑌤𑌾𑌮𑌿॒ 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮 𑌇॒𑌦𑌮॑𑌸𑍍𑌯 𑌗𑍍𑌰𑍀॒𑌵𑌾 𑌅𑌪𑌿॑ 𑌕𑍃𑌨𑍍𑌤𑌾𑌮𑌿 𑌦𑌿॒𑌵𑍇 𑌤𑍍𑌵𑌾॒-𑌽𑌨𑍍𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾 𑌪𑍃𑌥𑌿॒𑌵𑍍𑌯𑍈 𑌤𑍍𑌵𑌾॒ 𑌶𑍁𑌨𑍍𑌧॑𑌤𑌾𑌂-𑌲𑍋𑌁॒𑌕𑌃 𑌪𑌿॑𑌤𑍃॒𑌷𑌦॑𑌨𑍋॒ 𑌯𑌵𑍋॑-𑌽𑌸𑌿 𑌯॒𑌵𑌯𑌾॒𑌸𑍍𑌮-𑌦𑍍𑌦𑍍𑌵𑍇𑌷𑍋॑ [𑌯॒𑌵𑌯𑌾॒𑌸𑍍𑌮-𑌦𑍍𑌦𑍍𑌵𑍇𑌷𑌃॑, 𑌯॒𑌵𑌯𑌾𑌰𑌾॑𑌤𑍀𑌃] 1

𑌯॒𑌵𑌯𑌾𑌰𑌾॑𑌤𑍀𑌃 𑌪𑌿𑌤𑍃॒𑌣𑌾𑌗𑍍​𑌮𑍍 𑌸𑌦॑𑌨𑌮॒𑌸𑍍𑌯𑍁𑌦𑍍𑌦𑌿𑌵𑌗𑍍𑌗𑍍॑ 𑌸𑍍𑌤𑌭𑌾॒𑌨𑌾-𑌽𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍃𑌣 𑌪𑍃𑌥𑌿॒𑌵𑍀-𑌨𑍍𑌦𑍃𑌗𑍍​𑌮𑍍॑𑌹 𑌦𑍍𑌯𑍁𑌤𑌾॒𑌨𑌸𑍍𑌤𑍍𑌵𑌾॑ 𑌮𑌾𑌰𑍁॒𑌤𑍋 𑌮𑌿॑𑌨𑍋𑌤𑍁 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋-𑌰𑍍𑌧𑍍𑌰𑍁॒𑌵𑍇𑌣॒ 𑌧𑌰𑍍𑌮॑𑌣𑌾 𑌬𑍍𑌰𑌹𑍍𑌮॒𑌵𑌨𑌿॑-𑌨𑍍𑌤𑍍𑌵𑌾 𑌕𑍍𑌷𑌤𑍍𑌰॒𑌵𑌨𑌿𑌗𑍍​𑌮𑍍॑ 𑌸𑍁𑌪𑍍𑌰𑌜𑌾॒𑌵𑌨𑌿𑌗𑍍​𑌮𑍍॑ 𑌰𑌾𑌯𑌸𑍍𑌪𑍋𑌷॒𑌵𑌨𑌿॒-𑌮𑍍𑌪𑌰𑍍𑌯𑍂॑𑌹𑌾𑌮𑌿॒ 𑌬𑍍𑌰𑌹𑍍𑌮॑ 𑌦𑍃𑌗𑍍​𑌮𑍍𑌹 𑌕𑍍𑌷॒𑌤𑍍𑌰-𑌨𑍍𑌦𑍃𑌗𑍍​𑌮𑍍॑𑌹 𑌪𑍍𑌰॒𑌜𑌾-𑌨𑍍𑌦𑍃𑌗𑍍​𑌮𑍍॑𑌹 𑌰𑌾॒𑌯𑌸𑍍𑌪𑍋𑌷॑-𑌨𑍍𑌦𑍃𑌗𑍍​𑌮𑍍𑌹 𑌘𑍃॒𑌤𑍇𑌨॑ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌆 𑌪𑍃॑𑌣𑍇𑌥𑌾॒𑌮𑌿𑌨𑍍𑌦𑍍𑌰॑𑌸𑍍𑌯॒ 𑌸𑌦𑍋॑-𑌽𑌸𑌿 𑌵𑌿𑌶𑍍𑌵𑌜॒𑌨𑌸𑍍𑌯॑ 𑌛𑌾॒𑌯𑌾 𑌪𑌰𑌿॑ 𑌤𑍍𑌵𑌾 𑌗𑌿𑌰𑍍𑌵𑌣𑍋॒ 𑌗𑌿𑌰॑ 𑌇॒𑌮𑌾 𑌭॑𑌵𑌨𑍍𑌤𑍁 𑌵𑌿॒𑌶𑍍𑌵𑌤𑍋॑ 𑌵𑍃॒𑌦𑍍𑌧𑌾𑌯𑍁॒𑌮𑌨𑍁॒ 𑌵𑍃𑌦𑍍𑌧॑𑌯𑍋॒ 𑌜𑍁𑌷𑍍𑌟𑌾॑ 𑌭𑌵𑌨𑍍𑌤𑍁॒ 𑌜𑍁𑌷𑍍𑌟॑𑌯॒ 𑌇𑌨𑍍𑌦𑍍𑌰॑𑌸𑍍𑌯॒ 𑌸𑍍𑌯𑍂𑌰॒𑌸𑍀𑌨𑍍𑌦𑍍𑌰॑𑌸𑍍𑌯 𑌧𑍍𑌰𑍁॒𑌵𑌮॑𑌸𑍍𑌯𑍈॒𑌨𑍍𑌦𑍍𑌰𑌮॒𑌸𑍀𑌨𑍍𑌦𑍍𑌰𑌾॑𑌯 𑌤𑍍𑌵𑌾 ॥ 2 ॥
(𑌦𑍍𑌵𑍇𑌷॑ - 𑌇॒𑌮𑌾 - 𑌅॒𑌷𑍍𑌟𑌾𑌦॑𑌶 𑌚 ) (𑌅. 1)

𑌰॒𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋॑ 𑌵𑍈𑌷𑍍𑌣॒𑌵𑌾-𑌨𑍍𑌖॑𑌨𑌾𑌮𑍀॒𑌦𑌮॒𑌹-𑌨𑍍𑌤𑌂-𑌵𑌁॑𑌲॒𑌗𑌮𑍁𑌦𑍍𑌵॑𑌪𑌾𑌮𑌿॒ 𑌯-𑌨𑍍𑌨॑-𑌸𑍍𑌸𑌮𑌾॒𑌨𑍋 𑌯𑌮𑌸॑𑌮𑌾𑌨𑍋 𑌨𑌿𑌚॒𑌖𑌾𑌨𑍇॒𑌦𑌮𑍇॑𑌨॒𑌮𑌧॑𑌰-𑌙𑍍𑌕𑌰𑍋𑌮𑌿॒ 𑌯𑍋 𑌨॑-𑌸𑍍𑌸𑌮𑌾॒𑌨𑍋 𑌯𑍋-𑌽𑌸॑𑌮𑌾𑌨𑍋-𑌽𑌰𑌾𑌤𑍀॒𑌯𑌤𑌿॑ 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॒𑌸𑌾-𑌽𑌵॑𑌬𑌾𑌢𑍋 𑌵𑌲॒𑌗𑌃 𑌕𑌿𑌮𑌤𑍍𑌰॑ 𑌭॒𑌦𑍍𑌰-𑌨𑍍𑌤𑌨𑍍𑌨𑍌॑ 𑌸॒𑌹 𑌵𑌿॒𑌰𑌾𑌡॑𑌸𑌿 𑌸𑌪𑌤𑍍𑌨॒𑌹𑌾 𑌸॒𑌮𑍍𑌰𑌾𑌡॑𑌸𑌿 𑌭𑍍𑌰𑌾𑌤𑍃𑌵𑍍𑌯॒𑌹𑌾 𑌸𑍍𑌵॒𑌰𑌾𑌡॑𑌸𑍍𑌯𑌭𑌿𑌮𑌾𑌤𑌿॒𑌹𑌾 𑌵𑌿॑𑌶𑍍𑌵𑌾॒𑌰𑌾𑌡॑𑌸𑌿॒ 𑌵𑌿𑌶𑍍𑌵𑌾॑𑌸𑌾-𑌨𑍍𑌨𑌾॒𑌷𑍍𑌟𑍍𑌰𑌾𑌣𑌾𑌗𑍍​𑌮𑍍॑ 𑌹॒𑌨𑍍𑌤𑌾 [𑌹॒𑌨𑍍𑌤𑌾, 𑌰॒𑌕𑍍𑌷𑍋॒𑌹𑌣𑍋॑] 3

𑌰॑𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑌃॒ 𑌪𑍍𑌰𑍋𑌕𑍍𑌷𑌾॑𑌮𑌿 𑌵𑍈𑌷𑍍𑌣॒𑌵𑌾-𑌨𑍍𑌰॑𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋-𑌽𑌵॑ 𑌨𑌯𑌾𑌮𑌿 𑌵𑍈𑌷𑍍𑌣॒𑌵𑌾𑌨𑍍 𑌯𑌵𑍋॑-𑌽𑌸𑌿 𑌯॒𑌵𑌯𑌾॒𑌸𑍍𑌮-𑌦𑍍𑌦𑍍𑌵𑍇𑌷𑍋॑ 𑌯॒𑌵𑌯𑌾𑌰𑌾॑𑌤𑍀 𑌰𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋-𑌽𑌵॑ 𑌸𑍍𑌤𑍃𑌣𑌾𑌮𑌿 𑌵𑍈𑌷𑍍𑌣॒𑌵𑌾-𑌨𑍍𑌰॑𑌕𑍍𑌷𑍋॒𑌹𑌣𑍋॑ 𑌵𑌲𑌗॒𑌹𑌨𑍋॒-𑌽𑌭𑌿 𑌜𑍁॑𑌹𑍋𑌮𑌿 𑌵𑍈𑌷𑍍𑌣॒𑌵𑌾-𑌨𑍍𑌰॑𑌕𑍍𑌷𑍋॒𑌹𑌣𑍌॑ 𑌵𑌲𑌗॒𑌹𑌨𑌾॒𑌵𑍁𑌪॑ 𑌦𑌧𑌾𑌮𑌿 𑌵𑍈𑌷𑍍𑌣॒𑌵𑍀 𑌰॑𑌕𑍍𑌷𑍋॒𑌹𑌣𑍌॑ 𑌵𑌲𑌗॒𑌹𑌨𑍌॒ 𑌪𑌰𑍍𑌯𑍂॑𑌹𑌾𑌮𑌿 𑌵𑍈𑌷𑍍𑌣॒𑌵𑍀 𑌰॑𑌕𑍍𑌷𑍋॒𑌹𑌣𑍌॑ 𑌵𑌲𑌗॒𑌹𑌨𑍌॒ 𑌪𑌰𑌿॑ 𑌸𑍍𑌤𑍃𑌣𑌾𑌮𑌿 𑌵𑍈𑌷𑍍𑌣॒𑌵𑍀 𑌰॑𑌕𑍍𑌷𑍋॒𑌹𑌣𑍌॑ 𑌵𑌲𑌗॒𑌹𑌨𑍌॑ 𑌵𑍈𑌷𑍍𑌣॒𑌵𑍀 𑌬𑍃॒𑌹𑌨𑍍𑌨॑𑌸𑌿 𑌬𑍃॒𑌹𑌦𑍍𑌗𑍍𑌰𑌾॑𑌵𑌾 𑌬𑍃𑌹॒𑌤𑍀𑌮𑌿𑌨𑍍𑌦𑍍𑌰𑌾॑𑌯॒ 𑌵𑌾𑌚𑌂॑-𑌵𑌁𑌦 ॥ 4 ॥
( 𑌹॒𑌨𑍍𑌤𑍇-𑌨𑍍𑌦𑍍𑌰𑌾॑𑌯॒ 𑌦𑍍𑌵𑍇 𑌚॑ ) (𑌅. 2)

𑌵𑌿॒𑌭𑍂𑌰॑𑌸𑌿 𑌪𑍍𑌰॒𑌵𑌾𑌹॑𑌣𑍋॒ 𑌵𑌹𑍍𑌨𑌿॑𑌰𑌸𑌿 𑌹𑌵𑍍𑌯॒𑌵𑌾𑌹॑𑌨-𑌶𑍍𑌶𑍍𑌵𑌾॒𑌤𑍍𑌰𑍋॑-𑌽𑌸𑌿॒ 𑌪𑍍𑌰𑌚𑍇॑𑌤𑌾𑌸𑍍𑌤𑍁॒𑌥𑍋॑-𑌽𑌸𑌿 𑌵𑌿॒𑌶𑍍𑌵𑌵𑍇॑𑌦𑌾 𑌉॒𑌶𑌿𑌗॑𑌸𑌿 𑌕॒𑌵𑌿𑌰𑌙𑍍𑌘𑌾॑𑌰𑌿𑌰𑌸𑌿॒ 𑌬𑌮𑍍𑌭𑌾॑𑌰𑌿𑌰𑌵॒𑌸𑍍𑌯𑍁𑌰॑𑌸𑌿॒ 𑌦𑍁𑌵॑𑌸𑍍𑌵𑌾𑌞𑍍𑌛𑍁॒𑌨𑍍𑌧𑍍𑌯𑍂𑌰॑𑌸𑌿 𑌮𑌾𑌰𑍍𑌜𑌾॒𑌲𑍀𑌯॑-𑌸𑍍𑌸॒𑌮𑍍𑌰𑌾𑌡॑𑌸𑌿 𑌕𑍃॒𑌶𑌾𑌨𑍁𑌃॑ 𑌪𑌰𑌿॒𑌷𑌦𑍍𑌯𑍋॑-𑌽𑌸𑌿॒ 𑌪𑌵॑𑌮𑌾𑌨𑌃 𑌪𑍍𑌰॒𑌤𑌕𑍍𑌵𑌾॑-𑌽𑌸𑌿॒ 𑌨𑌭॑𑌸𑍍𑌵𑌾॒𑌨𑌸॑𑌮𑍍𑌮𑍃𑌷𑍍𑌟𑍋-𑌽𑌸𑌿 𑌹𑌵𑍍𑌯॒𑌸𑍂𑌦॑ 𑌋॒𑌤𑌧𑌾॑𑌮𑌾-𑌽𑌸𑌿॒ 𑌸𑍁𑌵𑌰𑍍𑌜𑍍𑌯𑍋𑌤𑌿॒-𑌰𑍍𑌬𑍍𑌰𑌹𑍍𑌮॑𑌜𑍍𑌯𑍋𑌤𑌿𑌰𑌸𑌿॒ 𑌸𑍁𑌵॑𑌰𑍍𑌧𑌾𑌮𑌾॒-𑌽𑌜𑍋᳚ 𑌽𑌸𑍍𑌯𑍇𑌕॑𑌪𑌾॒𑌦𑌹𑌿॑𑌰𑌸𑌿 𑌬𑍁॒𑌦𑍍𑌧𑍍𑌨𑌿𑌯𑍋॒ 𑌰𑍌𑌦𑍍𑌰𑍇॒𑌣𑌾𑌨𑍀॑𑌕𑍇𑌨 𑌪𑌾॒𑌹𑌿 𑌮𑌾᳚-𑌽𑌗𑍍𑌨𑍇 𑌪𑌿𑌪𑍃॒𑌹𑌿 𑌮𑌾॒ 𑌮𑌾 𑌮𑌾॑ 𑌹𑌿𑌗𑍍​𑌮𑍍𑌸𑍀𑌃 ॥ 5 ॥
(𑌅𑌨𑍀॑𑌕𑍇𑌨𑌾॒-𑌷𑍍𑌟𑍌 𑌚॑) (𑌅. 3)

𑌤𑍍𑌵𑌗𑍍​𑌮𑍍 𑌸𑍋॑𑌮 𑌤𑌨𑍂॒𑌕𑍃𑌦𑍍𑌭𑍍𑌯𑍋॒ 𑌦𑍍𑌵𑍇𑌷𑍋᳚𑌭𑍍𑌯𑍋॒-𑌽𑌨𑍍𑌯𑌕𑍃॑𑌤𑍇𑌭𑍍𑌯 𑌉॒𑌰𑍁 𑌯॒𑌨𑍍𑌤𑌾-𑌽𑌸𑌿॒ 𑌵𑌰𑍂॑𑌥॒𑌗𑍍𑌗𑍍॒ 𑌸𑍍𑌵𑌾𑌹𑌾॑ 𑌜𑍁𑌷𑌾॒𑌣𑍋 𑌅॒𑌪𑍍𑌤𑍁𑌰𑌾𑌜𑍍𑌯॑𑌸𑍍𑌯 𑌵𑍇𑌤𑍁॒ 𑌸𑍍𑌵𑌾𑌹𑌾॒-𑌽𑌯𑌨𑍍𑌨𑍋॑ 𑌅॒𑌗𑍍𑌨𑌿𑌰𑍍𑌵𑌰𑌿॑𑌵𑌃 𑌕𑍃𑌣𑍋𑌤𑍍𑌵॒𑌯-𑌮𑍍𑌮𑍃𑌧𑌃॑ 𑌪𑍁॒𑌰 𑌏॑𑌤𑍁 𑌪𑍍𑌰𑌭𑌿॒𑌨𑍍𑌦𑌨𑍍𑌨𑍍 । 𑌅॒𑌯𑌗𑍍​𑌮𑍍 𑌶𑌤𑍍𑌰𑍂᳚𑌞𑍍𑌜𑌯𑌤𑍁॒ 𑌜𑌰𑍍​𑌹𑍃॑𑌷𑌾𑌣𑍋॒-𑌽𑌯𑌂-𑌵𑌾𑌁𑌜॑-𑌞𑍍𑌜𑌯𑌤𑍁॒ 𑌵𑌾𑌜॑𑌸𑌾𑌤𑍌 । 𑌉॒𑌰𑍁 𑌵𑌿॑𑌷𑍍𑌣𑍋॒ 𑌵𑌿 𑌕𑍍𑌰॑𑌮𑌸𑍍𑌵𑍋॒𑌰𑍁 𑌕𑍍𑌷𑌯𑌾॑𑌯 𑌨𑌃 𑌕𑍃𑌧𑌿 । 𑌘𑍃॒𑌤-𑌙𑍍𑌘𑍃॑𑌤𑌯𑍋𑌨𑍇 𑌪𑌿𑌬॒ 𑌪𑍍𑌰𑌪𑍍𑌰॑ 𑌯॒𑌜𑍍𑌞𑌪॑𑌤𑌿-𑌨𑍍𑌤𑌿𑌰 । 𑌸𑍋𑌮𑍋॑ 𑌜𑌿𑌗𑌾𑌤𑌿 𑌗𑌾𑌤𑍁॒𑌵𑌿- [𑌗𑌾𑌤𑍁॒𑌵𑌿𑌤𑍍, 𑌦𑍇॒𑌵𑌾𑌨𑌾॑𑌮𑍇𑌤𑌿] 6

𑌦𑍍𑌦𑍇॒𑌵𑌾𑌨𑌾॑𑌮𑍇𑌤𑌿 𑌨𑌿𑌷𑍍𑌕𑍃॒𑌤𑌮𑍃॒𑌤𑌸𑍍𑌯॒ 𑌯𑍋𑌨𑌿॑𑌮𑌾॒𑌸𑌦॒𑌮𑌦𑌿॑𑌤𑍍𑌯𑌾॒-𑌸𑍍𑌸𑌦𑍋॒-𑌽𑌸𑍍𑌯𑌦𑌿॑𑌤𑍍𑌯𑌾॒-𑌸𑍍𑌸𑌦॒ 𑌆 𑌸𑍀॑𑌦𑍈॒𑌷 𑌵𑍋॑ 𑌦𑍇𑌵 𑌸𑌵𑌿𑌤॒-𑌸𑍍𑌸𑍋𑌮॒𑌸𑍍𑌤𑌗𑍍​𑌮𑍍 𑌰॑𑌕𑍍𑌷𑌦𑍍𑌧𑍍𑌵॒-𑌮𑍍𑌮𑌾 𑌵𑍋॑ 𑌦𑌭𑌦𑍇॒𑌤𑌤𑍍𑌤𑍍𑌵𑌗𑍍​𑌮𑍍 𑌸𑍋॑𑌮 𑌦𑍇॒𑌵𑍋 𑌦𑍇॒𑌵𑌾𑌨𑍁𑌪𑌾॑𑌗𑌾 𑌇॒𑌦𑌮॒𑌹-𑌮𑍍𑌮॑𑌨𑍁॒𑌷𑍍𑌯𑍋॑ 𑌮𑌨𑍁॒𑌷𑍍𑌯𑌾᳚𑌨𑍍-𑌥𑍍𑌸॒𑌹 𑌪𑍍𑌰॒𑌜𑌯𑌾॑ 𑌸॒𑌹 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌨𑌮𑍋॑ 𑌦𑍇॒𑌵𑍇𑌭𑍍𑌯॑-𑌸𑍍𑌸𑍍𑌵॒𑌧𑌾 𑌪𑌿॒𑌤𑍃𑌭𑍍𑌯॑ 𑌇॒𑌦𑌮॒𑌹-𑌨𑍍𑌨𑌿𑌰𑍍𑌵𑌰𑍁॑𑌣𑌸𑍍𑌯॒ 𑌪𑌾𑌶𑌾॒-𑌥𑍍𑌸𑍁𑌵॑𑌰॒𑌭𑌿 [ ] 𑍭

𑌵𑌿 𑌖𑍍𑌯𑍇॑𑌷𑌂-𑌵𑍈𑌁𑌶𑍍𑌵𑌾𑌨॒𑌰-𑌞𑍍𑌜𑍍𑌯𑍋𑌤𑌿॒𑌰𑌗𑍍𑌨𑍇᳚ 𑌵𑍍𑌰𑌤𑌪𑌤𑍇॒ 𑌤𑍍𑌵𑌂-𑌵𑍍𑌰𑌁॒𑌤𑌾𑌨𑌾𑌂᳚-𑌵𑍍𑌰𑌁॒𑌤𑌪॑𑌤𑌿𑌰𑌸𑌿॒ 𑌯𑌾 𑌮𑌮॑ 𑌤॒𑌨𑍂𑌸𑍍𑌤𑍍𑌵𑌯𑍍𑌯𑌭𑍂॑𑌦𑌿॒𑌯𑌗𑍍​𑌮𑍍 𑌸𑌾 𑌮𑌯𑌿॒ 𑌯𑌾 𑌤𑌵॑ 𑌤॒𑌨𑍂-𑌰𑍍𑌮𑌯𑍍𑌯𑌭𑍂॑𑌦𑍇॒𑌷𑌾 𑌸𑌾 𑌤𑍍𑌵𑌯𑌿॑ 𑌯𑌥𑌾𑌯॒𑌥-𑌨𑍍𑌨𑍌᳚ 𑌵𑍍𑌰𑌤𑌪𑌤𑍇 𑌵𑍍𑌰॒𑌤𑌿𑌨𑍋᳚-𑌰𑍍𑌵𑍍𑌰॒𑌤𑌾𑌨𑌿॑ ॥ 𑍮 ॥
(𑌗𑌾॒𑌤𑍁॒𑌵𑌿𑌦॒-𑌭𑍍𑌯𑍇-𑌕॑𑌤𑍍𑌰𑌿𑌗𑍍​𑌮𑍍𑌶𑌚𑍍𑌚) (𑌅. 4)

𑌅𑌤𑍍𑌯॒𑌨𑍍𑌯𑌾𑌨𑌗𑌾॒-𑌨𑍍𑌨𑌾𑌨𑍍𑌯𑌾𑌨𑍁𑌪𑌾॑𑌗𑌾𑌮॒𑌰𑍍𑌵𑌾𑌕𑍍𑌤𑍍𑌵𑌾॒ 𑌪𑌰𑍈॑𑌰𑌵𑌿𑌦-𑌮𑍍𑌪॒𑌰𑍋-𑌽𑌵॑𑌰𑍈॒𑌸𑍍𑌤-𑌨𑍍𑌤𑍍𑌵𑌾॑ 𑌜𑍁𑌷𑍇 𑌵𑍈𑌷𑍍𑌣॒𑌵-𑌨𑍍𑌦𑍇॑𑌵𑌯॒𑌜𑍍𑌯𑌾𑌯𑍈॑ 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌮𑌦𑍍𑌧𑍍𑌵𑌾॑-𑌽𑌨॒𑌕𑍍𑌤𑍍𑌵𑍋𑌷॑𑌧𑍇॒ 𑌤𑍍𑌰𑌾𑌯॑𑌸𑍍𑌵𑍈𑌨॒𑌗𑍍𑌗𑍍॒ 𑌸𑍍𑌵𑌧𑌿॑𑌤𑍇॒ 𑌮𑍈𑌨𑌗𑍍​𑌮𑍍॑ 𑌹𑌿𑌗𑍍​𑌮𑍍𑌸𑍀॒-𑌰𑍍𑌦𑌿𑌵॒𑌮𑌗𑍍𑌰𑍇॑𑌣॒ 𑌮𑌾 𑌲𑍇॑𑌖𑍀𑌰॒𑌨𑍍𑌤𑌰𑌿॑𑌕𑍍𑌷॒-𑌮𑍍𑌮𑌦𑍍𑌧𑍍𑌯𑍇॑𑌨॒ 𑌮𑌾 𑌹𑌿𑌗𑍍​𑌮𑍍॑𑌸𑍀𑌃 𑌪𑍃𑌥𑌿॒𑌵𑍍𑌯𑌾 𑌸-𑌮𑍍𑌭॑𑌵॒ 𑌵𑌨॑𑌸𑍍𑌪𑌤𑍇 𑌶॒𑌤𑌵॑𑌲𑍍​𑌶𑍋॒ 𑌵𑌿 𑌰𑍋॑𑌹 𑌸॒𑌹𑌸𑍍𑌰॑𑌵𑌲𑍍​𑌶𑌾॒ 𑌵𑌿 𑌵॒𑌯𑌗𑍍​𑌮𑍍 𑌰𑍁॑𑌹𑍇𑌮॒ 𑌯-𑌨𑍍𑌤𑍍𑌵𑌾॒-𑌽𑌯𑌗𑍍𑌗𑍍​ 𑌸𑍍𑌵𑌧𑌿॑𑌤𑌿॒𑌸𑍍𑌤𑍇𑌤𑌿॑𑌜𑌾𑌨𑌃 𑌪𑍍𑌰𑌣𑌿॒𑌨𑌾𑌯॑ 𑌮𑌹॒𑌤𑍇 𑌸𑍌𑌭॑𑌗𑌾॒𑌯𑌾𑌚𑍍𑌛𑌿॑𑌨𑍍𑌨𑍋॒ 𑌰𑌾𑌯॑-𑌸𑍍𑌸𑍁॒𑌵𑍀𑌰𑌃॑ ॥ 𑍯 ॥
(𑌯𑌂-𑌦𑌶॑ 𑌚) (𑌅. 5)

𑌪𑍃॒𑌥𑌿॒𑌵𑍍𑌯𑍈 𑌤𑍍𑌵𑌾॒𑌨𑍍𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾 𑌦𑌿॒𑌵𑍇 𑌤𑍍𑌵𑌾॒ 𑌶𑍁𑌨𑍍𑌧॑𑌤𑌾𑌂-𑌲𑍋𑌁॒𑌕𑌃 𑌪𑌿॑𑌤𑍃॒𑌷𑌦॑𑌨𑍋॒ 𑌯𑌵𑍋॑-𑌽𑌸𑌿 𑌯॒𑌵𑌯𑌾॒𑌸𑍍𑌮-𑌦𑍍𑌦𑍍𑌵𑍇𑌷𑍋॑ 𑌯॒𑌵𑌯𑌾𑌰𑌾॑𑌤𑍀𑌃 𑌪𑌿𑌤𑍃॒𑌣𑌾𑌗𑍍​𑌮𑍍 𑌸𑌦॑𑌨𑌮𑌸𑌿 𑌸𑍍𑌵𑌾𑌵𑍇॒𑌶𑍋᳚-𑌽𑌸𑍍𑌯𑌗𑍍𑌰𑍇॒𑌗𑌾 𑌨𑍇॑𑌤𑍃॒𑌣𑌾𑌂-𑌵𑌁𑌨॒𑌸𑍍𑌪𑌤𑌿॒𑌰𑌧𑌿॑ 𑌤𑍍𑌵𑌾 𑌸𑍍𑌥𑌾𑌸𑍍𑌯𑌤𑌿॒ 𑌤𑌸𑍍𑌯॑ 𑌵𑌿𑌤𑍍𑌤𑌾-𑌦𑍍𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌮𑌦𑍍𑌧𑍍𑌵𑌾॑-𑌽𑌨𑌕𑍍𑌤𑍁 𑌸𑍁𑌪𑌿𑌪𑍍𑌪॒𑌲𑌾𑌭𑍍𑌯॒-𑌸𑍍𑌤𑍍𑌵𑍌𑌷॑𑌧𑍀𑌭𑍍𑌯॒ 𑌉𑌦𑍍𑌦𑌿𑌵𑌗𑍍𑌗𑍍॑ 𑌸𑍍𑌤𑌭𑌾॒𑌨𑌾-𑌽𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍃𑌣 𑌪𑍃𑌥𑌿॒𑌵𑍀𑌮𑍁𑌪॑𑌰𑍇𑌣 𑌦𑍃𑌗𑍍​𑌮𑍍𑌹॒ 𑌤𑍇 𑌤𑍇॒ 𑌧𑌾𑌮𑌾᳚𑌨𑍍𑌯𑍁𑌶𑍍𑌮𑌸𑍀 [𑌧𑌾𑌮𑌾᳚𑌨𑍍𑌯𑍁𑌶𑍍𑌮𑌸𑌿, 𑌗॒𑌮𑌦𑍍𑌧𑍍𑌯𑍇॒ 𑌗𑌾𑌵𑍋॒] 10

𑌗॒𑌮𑌦𑍍𑌧𑍍𑌯𑍇॒ 𑌗𑌾𑌵𑍋॒ 𑌯𑌤𑍍𑌰॒ 𑌭𑍂𑌰𑌿॑𑌶𑍃𑌙𑍍𑌗𑌾 𑌅॒𑌯𑌾𑌸𑌃॑ । 𑌅𑌤𑍍𑌰𑌾𑌹॒ 𑌤𑌦𑍁॑𑌰𑍁𑌗𑌾॒𑌯𑌸𑍍𑌯॒ 𑌵𑌿𑌷𑍍𑌣𑍋𑌃᳚ 𑌪॒𑌰𑌮-𑌮𑍍𑌪॒𑌦𑌮𑌵॑ 𑌭𑌾𑌤𑌿॒ 𑌭𑍂𑌰𑍇𑌃᳚ ॥ 𑌵𑌿𑌷𑍍𑌣𑍋𑌃॒ 𑌕𑌰𑍍𑌮𑌾॑𑌣𑌿 𑌪𑌶𑍍𑌯𑌤॒ 𑌯𑌤𑍋᳚ 𑌵𑍍𑌰॒𑌤𑌾𑌨𑌿॑ 𑌪𑌸𑍍𑌪॒𑌶𑍇 । 𑌇𑌨𑍍𑌦𑍍𑌰॑𑌸𑍍𑌯॒ 𑌯𑍁𑌜𑍍𑌯॒-𑌸𑍍𑌸𑌖𑌾᳚ ॥ 𑌤-𑌦𑍍𑌵𑌿𑌷𑍍𑌣𑍋𑌃᳚ 𑌪𑌰॒𑌮-𑌮𑍍𑌪॒𑌦𑌗𑍍​𑌮𑍍 𑌸𑌦𑌾॑ 𑌪𑌶𑍍𑌯𑌨𑍍𑌤𑌿 𑌸𑍂॒𑌰𑌯𑌃॑ । 𑌦𑌿॒𑌵𑍀𑌵॒ 𑌚𑌕𑍍𑌷𑍁॒𑌰𑌾𑌤॑𑌤𑌮𑍍 ॥ 𑌬𑍍𑌰॒𑌹𑍍𑌮॒𑌵𑌨𑌿॑-𑌨𑍍𑌤𑍍𑌵𑌾 𑌕𑍍𑌷𑌤𑍍𑌰॒𑌵𑌨𑌿𑌗𑍍​𑌮𑍍॑ 𑌸𑍁𑌪𑍍𑌰𑌜𑌾॒𑌵𑌨𑌿𑌗𑍍​𑌮𑍍॑ 𑌰𑌾𑌯𑌸𑍍𑌪𑍋𑌷॒𑌵𑌨𑌿॒-𑌮𑍍𑌪𑌰𑍍𑌯𑍂॑𑌹𑌾𑌮𑌿॒ 𑌬𑍍𑌰𑌹𑍍𑌮॑ 𑌦𑍃𑌗𑍍​𑌮𑍍𑌹 𑌕𑍍𑌷॒𑌤𑍍𑌰-𑌨𑍍𑌦𑍃𑌗𑍍​𑌮𑍍॑𑌹 𑌪𑍍𑌰॒𑌜𑌾-𑌨𑍍𑌦𑍃𑌗𑍍​𑌮𑍍॑𑌹 𑌰𑌾॒𑌯𑌸𑍍𑌪𑍋𑌷॑-𑌨𑍍𑌦𑍃𑌗𑍍​𑌮𑍍𑌹 𑌪𑌰𑌿॒𑌵𑍀𑌰॑𑌸𑌿॒ 𑌪𑌰𑌿॑ 𑌤𑍍𑌵𑌾॒ 𑌦𑍈𑌵𑍀॒𑌰𑍍𑌵𑌿𑌶𑍋᳚ 𑌵𑍍𑌯𑌯𑌨𑍍𑌤𑌾॒-𑌮𑍍𑌪𑌰𑍀॒𑌮𑌗𑍍​𑌮𑍍 𑌰𑌾॒𑌯𑌸𑍍𑌪𑍋𑌷𑍋॒ 𑌯𑌜॑𑌮𑌾𑌨-𑌮𑍍𑌮𑌨𑍁॒𑌷𑍍𑌯𑌾॑ 𑌅॒𑌨𑍍𑌤𑌰𑌿॑𑌕𑍍𑌷𑌸𑍍𑌯 𑌤𑍍𑌵𑌾॒ 𑌸𑌾𑌨𑌾॒𑌵𑌵॑ 𑌗𑍂𑌹𑌾𑌮𑌿 ॥ 11 ॥
(𑌉॒𑌶𑍍𑌮॒𑌸𑍀॒-𑌪𑍋𑌷॒𑌮𑍇-𑌕𑌾॒𑌨𑍍𑌨𑌵𑌿𑌗𑍍​𑌮𑍍॑𑌶॒𑌤𑌿𑌶𑍍𑌚॑) (𑌅. 6)

𑌇॒𑌷𑍇 𑌤𑍍𑌵𑍋॑𑌪॒𑌵𑍀𑌰॒𑌸𑍍𑌯𑍁𑌪𑍋॑ 𑌦𑍇॒𑌵𑌾-𑌨𑍍𑌦𑍈𑌵𑍀॒-𑌰𑍍𑌵𑌿𑌶𑌃॒ 𑌪𑍍𑌰𑌾𑌗𑍁॒-𑌰𑍍𑌵𑌹𑍍𑌨𑍀॑𑌰𑍁॒𑌶𑌿𑌜𑍋॒ 𑌬𑍃𑌹॑𑌸𑍍𑌪𑌤𑍇 𑌧𑌾॒𑌰𑌯𑌾॒ 𑌵𑌸𑍂॑𑌨𑌿 𑌹॒𑌵𑍍𑌯𑌾 𑌤𑍇᳚ 𑌸𑍍𑌵𑌦𑌨𑍍𑌤𑌾॒-𑌨𑍍𑌦𑍇𑌵॑ 𑌤𑍍𑌵𑌷𑍍𑌟॒𑌰𑍍𑌵𑌸𑍁॑ 𑌰𑌣𑍍𑌵॒ 𑌰𑍇𑌵॑𑌤𑍀॒ 𑌰𑌮॑𑌦𑍍𑌧𑍍𑌵-𑌮॒𑌗𑍍𑌨𑍇-𑌰𑍍𑌜॒𑌨𑌿𑌤𑍍𑌰॑𑌮𑌸𑌿॒ 𑌵𑍃𑌷॑𑌣𑍌 𑌸𑍍𑌥 𑌉॒𑌰𑍍𑌵𑌶𑍍𑌯॑𑌸𑍍𑌯𑌾॒𑌯𑍁𑌰॑𑌸𑌿 𑌪𑍁𑌰𑍂॒𑌰𑌵𑌾॑ 𑌘𑍃॒𑌤𑍇𑌨𑌾॒𑌕𑍍𑌤𑍇 𑌵𑍃𑌷॑𑌣-𑌨𑍍𑌦𑌧𑌾𑌥𑌾-𑌙𑍍𑌗𑌾𑌯॒𑌤𑍍𑌰-𑌞𑍍𑌛𑌨𑍍𑌦𑍋-𑌽𑌨𑍁॒ 𑌪𑍍𑌰 𑌜𑌾॑𑌯𑌸𑍍𑌵॒ 𑌤𑍍𑌰𑍈𑌷𑍍𑌟𑍁॑𑌭॒-𑌞𑍍𑌜𑌾𑌗॑𑌤॒-𑌞𑍍𑌛𑌨𑍍𑌦𑍋-𑌽𑌨𑍁॒ 𑌪𑍍𑌰 𑌜𑌾॑𑌯𑌸𑍍𑌵॒ 𑌭𑌵॑𑌤- [𑌭𑌵॑𑌤𑌮𑍍, 𑌨॒-𑌸𑍍𑌸𑌮॑𑌨𑌸𑍌॒] 12

𑌨𑍍𑌨॒-𑌸𑍍𑌸𑌮॑𑌨𑌸𑍌॒ 𑌸𑌮𑍋॑𑌕𑌸𑌾𑌵𑌰𑍇॒𑌪𑌸𑍌᳚ । 𑌮𑌾 𑌯॒𑌜𑍍𑌞𑌗𑍍​𑌮𑍍 𑌹𑌿𑌗𑍍​𑌮𑍍॑𑌸𑌿𑌷𑍍𑌟॒-𑌮𑍍𑌮𑌾 𑌯॒𑌜𑍍𑌞𑌪॑𑌤𑌿-𑌞𑍍𑌜𑌾𑌤𑌵𑍇𑌦𑌸𑍌 𑌶𑌿॒𑌵𑍌 𑌭॑𑌵𑌤𑌮॒𑌦𑍍𑌯 𑌨𑌃॑ ॥ 𑌅॒𑌗𑍍𑌨𑌾𑌵॒𑌗𑍍𑌨𑌿𑌶𑍍𑌚॑𑌰𑌤𑌿॒ 𑌪𑍍𑌰𑌵𑌿॑𑌷𑍍𑌟॒ 𑌋𑌷𑍀॑𑌣𑌾-𑌮𑍍𑌪𑍁॒𑌤𑍍𑌰𑍋 𑌅॑𑌧𑌿𑌰𑌾॒𑌜 𑌏॒𑌷𑌃 । 𑌸𑍍𑌵𑌾॒𑌹𑌾॒𑌕𑍃𑌤𑍍𑌯॒ 𑌬𑍍𑌰𑌹𑍍𑌮॑𑌣𑌾 𑌤𑍇 𑌜𑍁𑌹𑍋𑌮𑌿॒ 𑌮𑌾 𑌦𑍇॒𑌵𑌾𑌨𑌾᳚-𑌮𑍍𑌮𑌿𑌥𑍁॒𑌯𑌾 𑌕॑𑌰𑍍𑌭𑌾𑌗॒𑌧𑍇𑌯᳚𑌮𑍍 ॥ 13 ॥
(𑌭𑌵॑𑌤॒-𑌮𑍇𑌕॑𑌤𑍍𑌰𑌿𑌗𑍍​𑌮𑍍𑌶𑌚𑍍𑌚) (𑌅. 𑍭)

𑌆 𑌦॑𑌦 𑌋॒𑌤𑌸𑍍𑌯॑ 𑌤𑍍𑌵𑌾 𑌦𑍇𑌵𑌹𑌵𑌿𑌃॒ 𑌪𑌾𑌶𑍇॒𑌨𑌾-𑌽𑌽𑌰॑𑌭𑍇॒ 𑌧𑌰𑍍​𑌷𑌾॒ 𑌮𑌾𑌨𑍁॑𑌷𑌾𑌨॒𑌦𑍍𑌭𑍍𑌯𑌸𑍍𑌤𑍍𑌵𑍌𑌷॑𑌧𑍀𑌭𑍍𑌯𑌃॒ 𑌪𑍍𑌰𑍋𑌕𑍍𑌷𑌾᳚𑌮𑍍𑌯॒𑌪𑌾-𑌮𑍍𑌪𑍇॒𑌰𑍁𑌰॑𑌸𑌿 𑌸𑍍𑌵𑌾॒𑌤𑍍𑌤-𑌞𑍍𑌚𑌿॒-𑌥𑍍𑌸𑌦𑍇॑𑌵𑌗𑍍​𑌮𑍍 𑌹॒𑌵𑍍𑌯𑌮𑌾𑌪𑍋॑ 𑌦𑍇𑌵𑍀॒-𑌸𑍍𑌸𑍍𑌵𑌦॑𑌤𑍈𑌨॒𑌗𑍍​𑌮𑍍॒ 𑌸-𑌨𑍍𑌤𑍇᳚ 𑌪𑍍𑌰𑌾॒𑌣𑍋 𑌵𑌾॒𑌯𑍁𑌨𑌾॑ 𑌗𑌚𑍍𑌛𑌤𑌾॒𑌗𑍍​𑌮𑍍॒ 𑌸𑌂-𑌯𑌁𑌜॑𑌤𑍍𑌰𑍈॒𑌰𑌙𑍍𑌗𑌾॑𑌨𑌿॒ 𑌸𑌂-𑌯𑌁॒𑌜𑍍𑌞𑌪॑𑌤𑌿𑌰𑌾॒𑌶𑌿𑌷𑌾॑ 𑌘𑍃॒𑌤𑍇𑌨𑌾॒𑌕𑍍𑌤𑍌 𑌪॒𑌶𑍁-𑌨𑍍𑌤𑍍𑌰𑌾॑𑌯𑍇𑌥𑌾॒𑌗𑍍​𑌮𑍍॒ 𑌰𑍇𑌵॑𑌤𑍀-𑌰𑍍𑌯॒𑌜𑍍𑌞𑌪॑𑌤𑌿-𑌮𑍍𑌪𑍍𑌰𑌿𑌯॒𑌧𑌾-𑌽𑌽 𑌵𑌿॑𑌶॒𑌤𑍋𑌰𑍋॑ 𑌅𑌨𑍍𑌤𑌰𑌿𑌕𑍍𑌷 𑌸॒𑌜𑍂-𑌰𑍍𑌦𑍇॒𑌵𑍇𑌨॒ [𑌸॒𑌜𑍂-𑌰𑍍𑌦𑍇॒𑌵𑍇𑌨॑, 𑌵𑌾𑌤𑍇॑𑌨𑌾॒-𑌽𑌸𑍍𑌯] 14

𑌵𑌾𑌤𑍇॑𑌨𑌾॒-𑌽𑌸𑍍𑌯 𑌹॒𑌵𑌿𑌷॒𑌸𑍍𑌤𑍍𑌮𑌨𑌾॑ 𑌯𑌜॒ 𑌸𑌮॑𑌸𑍍𑌯 𑌤॒𑌨𑍁𑌵𑌾॑ 𑌭𑌵॒ 𑌵𑌰𑍍​𑌷𑍀॑𑌯𑍋॒ 𑌵𑌰𑍍​𑌷𑍀॑𑌯𑌸𑌿 𑌯॒𑌜𑍍𑌞𑍇 𑌯॒𑌜𑍍𑌞𑌪𑌤𑌿॑-𑌨𑍍𑌧𑌾𑌃 𑌪𑍃॑𑌥𑌿॒𑌵𑍍𑌯𑌾-𑌸𑍍𑌸॒𑌮𑍍𑌪𑍃𑌚𑌃॑ 𑌪𑌾𑌹𑌿॒ 𑌨𑌮॑𑌸𑍍𑌤 𑌆𑌤𑌾𑌨𑌾-𑌽𑌨॒𑌰𑍍𑌵𑌾 𑌪𑍍𑌰𑍇𑌹𑌿॑ 𑌘𑍃॒𑌤𑌸𑍍𑌯॑ 𑌕𑍁॒𑌲𑍍𑌯𑌾𑌮𑌨𑍁॑ 𑌸॒𑌹 𑌪𑍍𑌰॒𑌜𑌯𑌾॑ 𑌸॒𑌹 𑌰𑌾॒𑌯𑌸𑍍𑌪𑍋𑌷𑍇॒𑌣𑌾 𑌽𑌽𑌪𑍋॑ 𑌦𑍇𑌵𑍀-𑌶𑍍𑌶𑍁𑌦𑍍𑌧𑌾𑌯𑍁𑌵-𑌶𑍍𑌶𑍁॒𑌦𑍍𑌧𑌾 𑌯𑍂॒𑌯-𑌨𑍍𑌦𑍇॒𑌵𑌾𑌗𑍍​𑌮𑍍 𑌊᳚𑌢𑍍𑌵𑌗𑍍​𑌮𑍍 𑌶𑍁॒𑌦𑍍𑌧𑌾 𑌵॒𑌯-𑌮𑍍𑌪𑌰𑌿॑𑌵𑌿𑌷𑍍𑌟𑌾𑌃 𑌪𑌰𑌿𑌵𑍇॒𑌷𑍍𑌟𑌾𑌰𑍋॑ 𑌵𑍋 𑌭𑍂𑌯𑌾𑌸𑍍𑌮 ॥ 15 ॥
(𑌦𑍇॒𑌵𑌨॒-𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 𑍮)

𑌵𑌾𑌕𑍍𑌤॒ 𑌆 𑌪𑍍𑌯𑌾॑𑌯𑌤𑌾-𑌮𑍍𑌪𑍍𑌰𑌾॒𑌣𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾॒-𑌞𑍍𑌚𑌕𑍍𑌷𑍁॑𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾॒𑌗𑍍॒ 𑌶𑍍𑌰𑍋𑌤𑍍𑌰॑-𑌨𑍍𑌤॒ 𑌆 𑌪𑍍𑌯𑌾॑𑌯𑌤𑌾𑌂॒-𑌯𑌾𑌁 𑌤𑍇᳚ 𑌪𑍍𑌰𑌾॒𑌣𑌾𑌞𑍍𑌛𑍁𑌗𑍍𑌜॒𑌗𑌾𑌮॒ 𑌯𑌾 𑌚𑌕𑍍𑌷𑍁॒𑌰𑍍𑌯𑌾 𑌶𑍍𑌰𑍋𑌤𑍍𑌰𑌂॒-𑌯𑌁𑌤𑍍𑌤𑍇᳚ 𑌕𑍍𑌰𑍂॒𑌰𑌂-𑌯𑌁𑌦𑌾𑌸𑍍𑌥𑌿॑𑌤॒-𑌨𑍍𑌤𑌤𑍍𑌤॒ 𑌆 𑌪𑍍𑌯𑌾॑𑌯𑌤𑌾॒-𑌨𑍍𑌤𑌤𑍍𑌤॑ 𑌏॒𑌤𑍇𑌨॑ 𑌶𑍁𑌨𑍍𑌧𑌤𑌾॒-𑌨𑍍𑌨𑌾𑌭𑌿॑𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾-𑌮𑍍𑌪𑌾॒𑌯𑍁𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾𑌗𑍍​𑌮𑍍 𑌶𑍁॒𑌦𑍍𑌧𑌾𑌶𑍍𑌚॒𑌰𑌿𑌤𑍍𑌰𑌾॒-𑌶𑍍𑌶𑌮॒𑌦𑍍𑌭𑍍𑌯- [𑌮॒𑌧𑍍𑌭𑍍𑌯𑌃, 𑌶𑌮𑍋𑌷॑𑌧𑍀𑌭𑍍𑌯॒-𑌶𑍍𑌶𑌂] 16

𑌶𑍍𑌶𑌮𑍋𑌷॑𑌧𑍀𑌭𑍍𑌯॒-𑌶𑍍𑌶-𑌮𑍍𑌪𑍃॑𑌥𑌿॒𑌵𑍍𑌯𑍈 𑌶𑌮𑌹𑍋᳚𑌭𑍍𑌯𑌾॒-𑌮𑍋𑌷॑𑌧𑍇॒ 𑌤𑍍𑌰𑌾𑌯॑𑌸𑍍𑌵𑍈𑌨॒𑌗𑍍𑌗𑍍॒ 𑌸𑍍𑌵𑌧𑌿॑𑌤𑍇॒ 𑌮𑍈𑌨𑌗𑍍​𑌮𑍍॑ 𑌹𑌿𑌗𑍍​𑌮𑍍𑌸𑍀॒ 𑌰𑌕𑍍𑌷॑𑌸𑌾-𑌮𑍍𑌭𑌾॒𑌗𑍋॑-𑌽𑌸𑍀॒𑌦𑌮॒𑌹𑌗𑍍​𑌮𑍍 𑌰𑌕𑍍𑌷𑍋॑-𑌽𑌧॒𑌮-𑌨𑍍𑌤𑌮𑍋॑ 𑌨𑌯𑌾𑌮𑌿॒ 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮 𑌇॒𑌦𑌮𑍇॑𑌨𑌮𑌧॒𑌮-𑌨𑍍𑌤𑌮𑍋॑ 𑌨𑌯𑌾𑌮𑍀॒𑌷𑍇 𑌤𑍍𑌵𑌾॑ 𑌘𑍃॒𑌤𑍇𑌨॑ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌪𑍍𑌰𑍋𑌰𑍍𑌣𑍍𑌵𑌾॑𑌥𑌾॒-𑌮𑌚𑍍𑌛𑌿॑𑌨𑍍𑌨𑍋॒ 𑌰𑌾𑌯॑-𑌸𑍍𑌸𑍁॒𑌵𑍀𑌰॑ 𑌉॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷॒𑌮𑌨𑍍𑌵𑌿॑𑌹𑌿॒ 𑌵𑌾𑌯𑍋॒ 𑌵𑍀𑌹𑌿॑ 𑌸𑍍𑌤𑍋॒𑌕𑌾𑌨𑌾॒𑌗𑍍॒ 𑌸𑍍𑌵𑌾𑌹𑍋॒𑌰𑍍𑌧𑍍𑌵𑌨॑𑌭𑌸-𑌮𑍍𑌮𑌾𑌰𑍁॒𑌤-𑌙𑍍𑌗॑𑌚𑍍𑌛𑌤𑌮𑍍 ॥ 1𑍭 ॥
(𑌅॒𑌦𑍍𑌭𑍍𑌯𑍋-𑌵𑍀𑌹𑌿॒-𑌪𑌞𑍍𑌚॑ 𑌚) (𑌅. 𑍯)

𑌸-𑌨𑍍𑌤𑍇॒ 𑌮𑌨॑𑌸𑌾॒ 𑌮𑌨𑌃॒ 𑌸-𑌮𑍍𑌪𑍍𑌰𑌾॒𑌣𑍇𑌨॑ 𑌪𑍍𑌰𑌾॒𑌣𑍋 𑌜𑍁𑌷𑍍𑌟॑-𑌨𑍍𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯-𑌙𑍍𑌘𑍃॒𑌤𑌵॒-𑌥𑍍𑌸𑍍𑌵𑌾𑌹𑍈॒𑌨𑍍𑌦𑍍𑌰𑌃 𑌪𑍍𑌰𑌾॒𑌣𑍋 𑌅𑌙𑍍𑌗𑍇॑𑌅𑌙𑍍𑌗𑍇॒ 𑌨𑌿 𑌦𑍇᳚𑌦𑍍𑌧𑍍𑌯𑌦𑍈॒𑌨𑍍𑌦𑍍𑌰𑍋॑ 𑌽𑌪𑌾॒𑌨𑍋 𑌅𑌙𑍍𑌗𑍇॑𑌅𑌙𑍍𑌗𑍇॒ 𑌵𑌿 𑌬𑍋॑𑌭𑍁𑌵॒𑌦𑍍𑌦𑍇𑌵॑ 𑌤𑍍𑌵𑌷𑍍𑌟॒𑌰𑍍𑌭𑍂𑌰𑌿॑ 𑌤𑍇॒ 𑌸𑌗𑍍​𑌮𑍍𑌸॑𑌮𑍇𑌤𑍁॒ 𑌵𑌿𑌷𑍁॑𑌰𑍂𑌪𑌾॒ 𑌯-𑌥𑍍𑌸𑌲॑𑌕𑍍𑌷𑍍𑌮𑌾𑌣𑍋॒ 𑌭𑌵॑𑌥 𑌦𑍇𑌵॒𑌤𑍍𑌰𑌾 𑌯𑌨𑍍𑌤॒𑌮𑌵॑𑌸𑍇॒ 𑌸𑌖𑌾॒𑌯𑍋-𑌽𑌨𑍁॑ 𑌤𑍍𑌵𑌾 𑌮𑌾॒𑌤𑌾 𑌪𑌿॒𑌤𑌰𑍋॑ 𑌮𑌦𑌨𑍍𑌤𑍁॒ 𑌶𑍍𑌰𑍀𑌰॑𑌸𑍍𑌯॒𑌗𑍍𑌨𑌿𑌸𑍍𑌤𑍍𑌵𑌾᳚ 𑌶𑍍𑌰𑍀𑌣𑌾॒𑌤𑍍𑌵𑌾𑌪॒-𑌸𑍍𑌸𑌮॑𑌰𑌿𑌣॒𑌨𑍍 𑌵𑌾𑌤॑𑌸𑍍𑌯 [ ] 1𑍮

𑌤𑍍𑌵𑌾॒ 𑌧𑍍𑌰𑌜𑍍𑌯𑍈॑ 𑌪𑍂॒𑌷𑍍𑌣𑍋 𑌰𑌗𑍍𑌗𑍍​𑌹𑍍𑌯𑌾॑ 𑌅॒𑌪𑌾𑌮𑍋𑌷॑𑌧𑍀𑌨𑌾॒𑌗𑍍​𑌮𑍍॒ 𑌰𑍋𑌹𑌿॑𑌷𑍍𑌯𑍈 𑌘𑍃॒𑌤-𑌙𑍍𑌘𑍃॑𑌤𑌪𑌾𑌵𑌾𑌨𑌃 𑌪𑌿𑌬𑌤॒ 𑌵𑌸𑌾𑌂᳚-𑌵𑌁𑌸𑌾𑌪𑌾𑌵𑌾𑌨𑌃 𑌪𑌿𑌬𑌤𑌾॒-𑌽𑌨𑍍𑌤𑌰𑌿॑𑌕𑍍𑌷𑌸𑍍𑌯 𑌹॒𑌵𑌿𑌰॑𑌸𑌿॒ 𑌸𑍍𑌵𑌾𑌹𑌾᳚ 𑌤𑍍𑌵𑌾॒-𑌽𑌨𑍍𑌤𑌰𑌿॑𑌕𑍍𑌷𑌾𑌯॒ 𑌦𑌿𑌶𑌃॑ 𑌪𑍍𑌰॒𑌦𑌿𑌶॑ 𑌆॒𑌦𑌿𑌶𑍋॑ 𑌵𑌿॒𑌦𑌿𑌶॑ 𑌉॒𑌦𑍍𑌦𑌿𑌶॒-𑌸𑍍𑌸𑍍𑌵𑌾𑌹𑌾॑ 𑌦𑌿॒𑌗𑍍𑌭𑍍𑌯𑍋 𑌨𑌮𑍋॑ 𑌦𑌿॒𑌗𑍍𑌭𑍍𑌯𑌃 ॥ 1𑍯 ॥
(𑌵𑌾॑𑌤𑌸𑍍𑌯𑌾॒-𑌷𑍍𑌟𑌾𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) (𑌅. 10)

𑌸॒𑌮𑍁॒𑌦𑍍𑌰-𑌙𑍍𑌗॑𑌚𑍍𑌛॒ 𑌸𑍍𑌵𑌾𑌹𑌾॒-𑌽𑌨𑍍𑌤𑌰𑌿॑𑌕𑍍𑌷-𑌙𑍍𑌗𑌚𑍍𑌛॒ 𑌸𑍍𑌵𑌾𑌹𑌾॑ 𑌦𑍇॒𑌵𑌗𑍍​𑌮𑍍 𑌸॑𑌵𑌿॒𑌤𑌾𑌰॑-𑌙𑍍𑌗𑌚𑍍𑌛॒ 𑌸𑍍𑌵𑌾𑌹𑌾॑-𑌽𑌹𑍋𑌰𑌾॒𑌤𑍍𑌰𑍇 𑌗॑𑌚𑍍𑌛॒ 𑌸𑍍𑌵𑌾𑌹𑌾॑ 𑌮𑌿॒𑌤𑍍𑌰𑌾𑌵𑌰𑍁॑𑌣𑍌 𑌗𑌚𑍍𑌛॒ 𑌸𑍍𑌵𑌾𑌹𑌾॒ 𑌸𑍋𑌮॑-𑌙𑍍𑌗𑌚𑍍𑌛॒ 𑌸𑍍𑌵𑌾𑌹𑌾॑ 𑌯॒𑌜𑍍𑌞-𑌙𑍍𑌗॑𑌚𑍍𑌛॒ 𑌸𑍍𑌵𑌾𑌹𑌾॒ 𑌛𑌨𑍍𑌦𑌾𑌗𑍍​𑌮𑍍॑𑌸𑌿 𑌗𑌚𑍍𑌛॒ 𑌸𑍍𑌵𑌾𑌹𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌗॑𑌚𑍍𑌛॒ 𑌸𑍍𑌵𑌾𑌹𑌾॒ 𑌨𑌭𑍋॑ 𑌦𑌿॒𑌵𑍍𑌯-𑌙𑍍𑌗॑𑌚𑍍𑌛॒ 𑌸𑍍𑌵𑌾𑌹𑌾॒-𑌽𑌗𑍍𑌨𑌿𑌂-𑌵𑍈𑌁᳚𑌶𑍍𑌵𑌾𑌨॒𑌰-𑌙𑍍𑌗॑𑌚𑍍𑌛॒ 𑌸𑍍𑌵𑌾𑌹𑌾॒-𑌽𑌦𑍍𑌭𑍍𑌯𑌸𑍍𑌤𑍍𑌵𑍌𑌷॑𑌧𑍀𑌭𑍍𑌯𑍋॒ 𑌮𑌨𑍋॑ 𑌮𑍇॒ 𑌹𑌾𑌰𑍍𑌦𑌿॑ 𑌯𑌚𑍍𑌛 𑌤॒𑌨𑍂-𑌨𑍍𑌤𑍍𑌵𑌚॑-𑌮𑍍𑌪𑍁॒𑌤𑍍𑌰-𑌨𑍍𑌨𑌪𑍍𑌤𑌾॑𑌰𑌮𑌶𑍀𑌯॒ 𑌶𑍁𑌗॑𑌸𑌿॒ 𑌤𑌮॒𑌭𑌿 𑌶𑍋॑𑌚॒ 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑍋 𑌧𑌾𑌮𑍍𑌨𑍋॑𑌧𑌾𑌮𑍍𑌨𑍋 𑌰𑌾𑌜𑌨𑍍𑌨𑌿॒𑌤𑍋 𑌵॑𑌰𑍁𑌣 𑌨𑍋 𑌮𑍁𑌞𑍍𑌚॒ 𑌯𑌦𑌾𑌪𑍋॒ 𑌅𑌘𑍍𑌨𑌿॑𑌯𑌾॒ 𑌵𑌰𑍁॒𑌣𑍇𑌤𑌿॒ 𑌶𑌪𑌾॑𑌮𑌹𑍇॒ 𑌤𑌤𑍋॑ 𑌵𑌰𑍁𑌣 𑌨𑍋 𑌮𑍁𑌞𑍍𑌚 ॥ 20
(𑌅॒𑌸𑌿॒-𑌷𑌡𑍍𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚 ) (𑌅. 11)

𑌹॒𑌵𑌿𑌷𑍍𑌮॑𑌤𑍀𑌰𑌿॒𑌮𑌾 𑌆𑌪𑍋॑ 𑌹॒𑌵𑌿𑌷𑍍𑌮𑌾᳚-𑌨𑍍𑌦𑍇॒𑌵𑍋 𑌅॑𑌦𑍍𑌧𑍍𑌵॒𑌰𑍋 𑌹॒𑌵𑌿𑌷𑍍𑌮𑌾॒𑌗𑍍​𑌮𑍍॒ 𑌆 𑌵𑌿॑𑌵𑌾𑌸𑌤𑌿 𑌹॒𑌵𑌿𑌷𑍍𑌮𑌾𑌗𑍍​𑌮𑍍॑ 𑌅𑌸𑍍𑌤𑍁॒ 𑌸𑍂𑌰𑍍𑌯𑌃॑ ॥ 𑌅॒𑌗𑍍𑌨𑍇𑌰𑍍𑌵𑍋 𑌽𑌪॑𑌨𑍍𑌨𑌗𑍃𑌹𑌸𑍍𑌯॒ 𑌸𑌦॑𑌸𑌿 𑌸𑌾𑌦𑌯𑌾𑌮𑌿 𑌸𑍁॒𑌮𑍍𑌨𑌾𑌯॑ 𑌸𑍁𑌮𑍍𑌨𑌿𑌨𑍀-𑌸𑍍𑌸𑍁॒𑌮𑍍𑌨𑍇 𑌮𑌾॑ 𑌧𑌤𑍍𑌤𑍇𑌨𑍍𑌦𑍍𑌰𑌾𑌗𑍍𑌨𑌿॒𑌯𑍋-𑌰𑍍𑌭𑌾॑𑌗॒𑌧𑍇𑌯𑍀᳚-𑌸𑍍𑌸𑍍𑌥 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋-𑌰𑍍𑌭𑌾𑌗॒𑌧𑍇𑌯𑍀᳚-𑌸𑍍𑌸𑍍𑌥॒ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌭𑌾𑌗॒𑌧𑍇𑌯𑍀᳚-𑌸𑍍𑌸𑍍𑌥 𑌯॒𑌜𑍍𑌞𑍇 𑌜𑌾॑𑌗𑍃𑌤 ॥ 21 ॥
(𑌹॒𑌵𑌿𑌷𑍍𑌮॑𑌤𑍀॒-𑌶𑍍𑌚𑌤𑍁॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌤𑍍) (𑌅. 12)

𑌹𑍃॒𑌦𑍇 𑌤𑍍𑌵𑌾॒ 𑌮𑌨॑𑌸𑍇 𑌤𑍍𑌵𑌾 𑌦𑌿॒𑌵𑍇 𑌤𑍍𑌵𑌾॒ 𑌸𑍂𑌰𑍍𑌯𑌾॑𑌯 𑌤𑍍𑌵𑍋॒𑌰𑍍𑌧𑍍𑌵𑌮𑌿॒𑌮𑌮॑𑌦𑍍𑌧𑍍𑌵॒𑌰-𑌙𑍍𑌕𑍃॑𑌧𑌿 𑌦𑌿॒𑌵𑌿 𑌦𑍇॒𑌵𑍇𑌷𑍁॒ 𑌹𑍋𑌤𑍍𑌰𑌾॑ 𑌯𑌚𑍍𑌛॒ 𑌸𑍋𑌮॑ 𑌰𑌾𑌜॒𑌨𑍍𑌨𑍇𑌹𑍍𑌯𑌵॑ 𑌰𑍋𑌹॒ 𑌮𑌾 𑌭𑍇𑌰𑍍𑌮𑌾 𑌸𑌂-𑌵𑌿𑌁॑𑌕𑍍𑌥𑌾॒ 𑌮𑌾 𑌤𑍍𑌵𑌾॑ 𑌹𑌿𑌗𑍍​𑌮𑍍𑌸𑌿𑌷-𑌮𑍍𑌪𑍍𑌰॒𑌜𑌾𑌸𑍍𑌤𑍍𑌵𑌮𑍁॒𑌪𑌾𑌵॑𑌰𑍋𑌹 𑌪𑍍𑌰॒𑌜𑌾𑌸𑍍𑌤𑍍𑌵𑌾𑌮𑍁॒𑌪𑌾𑌵॑𑌰𑍋𑌹𑌨𑍍𑌤𑍁 𑌶𑍃॒𑌣𑍋𑌤𑍍𑌵॒𑌗𑍍𑌨𑌿-𑌸𑍍𑌸॒𑌮𑌿𑌧𑌾॒ 𑌹𑌵॑-𑌮𑍍𑌮𑍇 𑌶𑍃॒𑌣𑍍𑌵𑌨𑍍𑌤𑍍𑌵𑌾𑌪𑍋॑ 𑌧𑌿॒𑌷𑌣𑌾᳚𑌶𑍍𑌚 𑌦𑍇॒𑌵𑍀𑌃 । 𑌶𑍃॒𑌣𑍋𑌤॑ 𑌗𑍍𑌰𑌾𑌵𑌾𑌣𑍋 𑌵𑌿॒𑌦𑍁𑌷𑍋॒ 𑌨𑍁 [ ] 22

𑌯॒𑌜𑍍𑌞𑌗𑍍​𑌮𑍍 𑌶𑍃॒𑌣𑍋𑌤𑍁॑ 𑌦𑍇॒𑌵-𑌸𑍍𑌸॑𑌵𑌿॒𑌤𑌾 𑌹𑌵॑-𑌮𑍍𑌮𑍇 । 𑌦𑍇𑌵𑍀॑𑌰𑌾𑌪𑍋 𑌅𑌪𑌾-𑌨𑍍𑌨𑌪𑌾॒𑌦𑍍𑌯 𑌊॒𑌰𑍍𑌮𑌿𑌰𑍍​𑌹॑𑌵𑌿॒𑌷𑍍𑌯॑ 𑌇𑌨𑍍𑌦𑍍𑌰𑌿॒𑌯𑌾𑌵𑌾᳚-𑌨𑍍𑌮॒𑌦𑌿𑌨𑍍𑌤॑𑌮॒𑌸𑍍𑌤-𑌨𑍍𑌦𑍇॒𑌵𑍇𑌭𑍍𑌯𑍋॑ 𑌦𑍇𑌵॒𑌤𑍍𑌰𑌾 𑌧॑𑌤𑍍𑌤 𑌶𑍁॒𑌕𑍍𑌰𑌗𑍍​𑌮𑍍 𑌶𑍁॑𑌕𑍍𑌰॒𑌪𑍇𑌭𑍍𑌯𑍋॒ 𑌯𑍇𑌷𑌾᳚-𑌮𑍍𑌭𑌾॒𑌗-𑌸𑍍𑌸𑍍𑌥 𑌸𑍍𑌵𑌾𑌹𑌾॒ 𑌕𑌾𑌰𑍍​𑌷𑌿॑𑌰॒𑌸𑍍𑌯𑌪𑌾॒-𑌽𑌪𑌾-𑌮𑍍𑌮𑍃॒𑌦𑍍𑌧𑍍𑌰𑌗𑍍​𑌮𑍍 𑌸॑𑌮𑍁॒𑌦𑍍𑌰𑌸𑍍𑌯॒ 𑌵𑍋-𑌽𑌕𑍍𑌷𑌿॑𑌤𑍍𑌯𑌾॒ 𑌉𑌨𑍍𑌨॑𑌯𑍇 । 𑌯𑌮॑𑌗𑍍𑌨𑍇 𑌪𑍃॒𑌥𑍍𑌸𑍁 𑌮𑌰𑍍𑌤𑍍𑌯॒𑌮𑌾𑌵𑍋॒ 𑌵𑌾𑌜𑍇॑𑌷𑍁॒ 𑌯-𑌞𑍍𑌜𑍁॒𑌨𑌾𑌃 । 𑌸 𑌯𑌨𑍍𑌤𑌾॒ 𑌶𑌶𑍍𑌵॑𑌤𑍀॒𑌰𑌿𑌷𑌃॑ ॥ 23 ॥
( 𑌨𑍁-𑌸॒𑌪𑍍𑌤𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 13)

𑌤𑍍𑌵𑌮॑𑌗𑍍𑌨𑍇 𑌰𑍁॒𑌦𑍍𑌰𑍋 𑌅𑌸𑍁॑𑌰𑍋 𑌮॒𑌹𑍋 𑌦𑌿॒𑌵𑌸𑍍𑌤𑍍𑌵𑌗𑍍​𑌮𑍍 𑌶𑌰𑍍𑌧𑍋॒ 𑌮𑌾𑌰𑍁॑𑌤-𑌮𑍍𑌪𑍃॒𑌕𑍍𑌷 𑌈॑𑌶𑌿𑌷𑍇 । 𑌤𑍍𑌵𑌂-𑌵𑌾𑌁𑌤𑍈॑𑌰𑌰𑍁॒𑌣𑍈𑌰𑍍𑌯𑌾॑𑌸𑌿 𑌶𑌙𑍍𑌗॒𑌯𑌸𑍍𑌤𑍍𑌵-𑌮𑍍𑌪𑍂॒𑌷𑌾 𑌵𑌿॑𑌧॒𑌤𑌃 𑌪𑌾॑𑌸𑌿॒ 𑌨𑍁𑌤𑍍𑌮𑌨𑌾᳚ ॥ 𑌆 𑌵𑍋॒ 𑌰𑌾𑌜𑌾॑𑌨𑌮𑌦𑍍𑌧𑍍𑌵॒𑌰𑌸𑍍𑌯॑ 𑌰𑍁॒𑌦𑍍𑌰𑌗𑍍​𑌮𑍍 𑌹𑍋𑌤𑌾॑𑌰𑌗𑍍​𑌮𑍍 𑌸𑌤𑍍𑌯॒𑌯𑌜॒𑌗𑍍​𑌮𑍍॒ 𑌰𑍋𑌦॑𑌸𑍍𑌯𑍋𑌃 । 𑌅॒𑌗𑍍𑌨𑌿-𑌮𑍍𑌪𑍁॒𑌰𑌾 𑌤॑𑌨𑌯𑌿॒𑌤𑍍𑌨𑍋 𑌰॒𑌚𑌿𑌤𑍍𑌤𑌾॒𑌦𑍍𑌧𑌿𑌰॑𑌣𑍍𑌯𑌰𑍂𑌪॒𑌮𑌵॑𑌸𑍇 𑌕𑍃𑌣𑍁𑌦𑍍𑌧𑍍𑌵𑌮𑍍 ॥ 𑌅॒𑌗𑍍𑌨𑌿𑌰𑍍​𑌹𑍋𑌤𑌾॒ 𑌨𑌿 𑌷॑𑌸𑌾𑌦𑌾॒ 𑌯𑌜𑍀॑𑌯𑌾𑌨𑍁॒𑌪𑌸𑍍𑌥𑍇॑ 𑌮𑌾॒𑌤𑍁-𑌸𑍍𑌸𑍁॑𑌰॒𑌭𑌾𑌵𑍁॑ 𑌲𑍋॒𑌕𑍇 । 𑌯𑍁𑌵𑌾॑ 𑌕॒𑌵𑌿𑌃 𑌪𑍁॑𑌰𑍁𑌨𑌿॒𑌷𑍍𑌠 [𑌪𑍁॑𑌰𑍁𑌨𑌿॒𑌷𑍍𑌠𑌃, 𑌋॒𑌤𑌾𑌵𑌾॑ 𑌧॒𑌰𑍍𑌤𑌾] 24

𑌋॒𑌤𑌾𑌵𑌾॑ 𑌧॒𑌰𑍍𑌤𑌾 𑌕𑍃॑𑌷𑍍𑌟𑍀॒𑌨𑌾𑌮𑍁॒𑌤 𑌮𑌦𑍍𑌧𑍍𑌯॑ 𑌇॒𑌦𑍍𑌧𑌃 ॥𑌸𑌾॒𑌦𑍍𑌧𑍍𑌵𑍀𑌮॑𑌕-𑌰𑍍𑌦𑍇॒𑌵𑌵𑍀॑𑌤𑌿-𑌨𑍍𑌨𑍋 𑌅॒𑌦𑍍𑌯 𑌯॒𑌜𑍍𑌞𑌸𑍍𑌯॑ 𑌜𑌿॒𑌹𑍍𑌵𑌾𑌮॑𑌵𑌿𑌦𑌾𑌮॒ 𑌗𑍁𑌹𑍍𑌯𑌾᳚𑌮𑍍 । 𑌸 𑌆𑌯𑍁॒𑌰𑌾-𑌽𑌗𑌾᳚-𑌥𑍍𑌸𑍁𑌰॒𑌭𑌿𑌰𑍍𑌵𑌸𑌾॑𑌨𑍋 𑌭॒𑌦𑍍𑌰𑌾𑌮॑𑌕-𑌰𑍍𑌦𑍇॒𑌵𑌹𑍂॑𑌤𑌿-𑌨𑍍𑌨𑍋 𑌅॒𑌦𑍍𑌯 ॥ 𑌅𑌕𑍍𑌰॑𑌨𑍍𑌦𑌦॒𑌗𑍍𑌨𑌿-𑌸𑍍𑌸𑍍𑌤॒𑌨𑌯॑𑌨𑍍𑌨𑌿𑌵॒ 𑌦𑍍𑌯𑍌𑌃, 𑌕𑍍𑌷𑌾𑌮𑌾॒ 𑌰𑍇𑌰𑌿॑𑌹𑌦𑍍𑌵𑍀॒𑌰𑍁𑌧॑-𑌸𑍍𑌸𑌮॒𑌞𑍍𑌜𑌨𑍍𑌨𑍍 । 𑌸॒𑌦𑍍𑌯𑍋 𑌜॑𑌜𑍍𑌞𑌾॒𑌨𑍋 𑌵𑌿 𑌹𑍀𑌮𑌿॒𑌦𑍍𑌧𑍋 𑌅𑌖𑍍𑌯॒𑌦𑌾 𑌰𑍋𑌦॑𑌸𑍀 𑌭𑌾॒𑌨𑍁𑌨𑌾॑ 𑌭𑌾𑌤𑍍𑌯॒𑌨𑍍𑌤𑌃 ॥ 𑌤𑍍𑌵𑍇 𑌵𑌸𑍂॑𑌨𑌿 𑌪𑍁𑌰𑍍𑌵𑌣𑍀𑌕 [𑌪𑍁𑌰𑍍𑌵𑌣𑍀𑌕, 𑌹𑍋॒𑌤॒𑌰𑍍𑌦𑍋॒𑌷𑌾] 25

𑌹𑍋𑌤𑌰𑍍𑌦𑍋॒𑌷𑌾 𑌵𑌸𑍍𑌤𑍋॒𑌰𑍇𑌰𑌿॑𑌰𑍇 𑌯॒𑌜𑍍𑌞𑌿𑌯𑌾॑𑌸𑌃 । 𑌕𑍍𑌷𑌾𑌮𑍇॑𑌵॒ 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿॒ 𑌯𑌸𑍍𑌮𑌿॒𑌨𑍍-𑌥𑍍𑌸𑌗𑍍​𑌮𑍍 𑌸𑍌𑌭॑𑌗𑌾𑌨𑌿 𑌦𑌧𑌿॒𑌰𑍇 𑌪𑌾॑𑌵॒𑌕𑍇 ॥ 𑌤𑍁𑌭𑍍𑌯॒-𑌨𑍍𑌤𑌾 𑌅॑𑌙𑍍𑌗𑌿𑌰𑌸𑍍𑌤𑌮॒ 𑌵𑌿𑌶𑍍𑌵𑌾᳚-𑌸𑍍𑌸𑍁𑌕𑍍𑌷𑌿॒𑌤𑌯𑌃॒ 𑌪𑍃𑌥॑𑌕𑍍 । 𑌅𑌗𑍍𑌨𑍇॒ 𑌕𑌾𑌮𑌾॑𑌯 𑌯𑍇𑌮𑌿𑌰𑍇 ॥ 𑌅॒𑌶𑍍𑌯𑌾𑌮॒ 𑌤-𑌙𑍍𑌕𑌾𑌮॑𑌮𑌗𑍍𑌨𑍇॒ 𑌤𑌵𑍋॒𑌤𑍍𑌯॑𑌶𑍍𑌯𑌾𑌮॑ 𑌰॒𑌯𑌿𑌗𑍍​𑌮𑍍 𑌰॑𑌯𑌿𑌵-𑌸𑍍𑌸𑍁॒𑌵𑍀𑌰᳚𑌮𑍍 । 𑌅॒𑌶𑍍𑌯𑌾𑌮॒ 𑌵𑌾𑌜॑𑌮॒𑌭𑌿 𑌵𑌾॒𑌜𑌯॑𑌨𑍍𑌤𑍋॒ 𑌽𑌶𑍍𑌯𑌾𑌮॑ 𑌦𑍍𑌯𑍁॒𑌮𑍍𑌨𑌮॑𑌜𑌰𑌾॒𑌜𑌰॑-𑌨𑍍𑌤𑍇 ॥𑌶𑍍𑌰𑍇𑌷𑍍𑌠𑌂॑-𑌯𑌁𑌵𑌿𑌷𑍍𑌠 𑌭𑌾𑌰॒𑌤𑌾𑌗𑍍𑌨𑍇᳚ 𑌦𑍍𑌯𑍁॒𑌮𑌨𑍍𑌤॒𑌮𑌾 𑌭॑𑌰 ॥ 26 ॥

𑌵𑌸𑍋॑ 𑌪𑍁𑌰𑍁॒𑌸𑍍𑌪𑍃𑌹𑌗𑍍​𑌮𑍍॑ 𑌰॒𑌯𑌿𑌮𑍍 ॥ 𑌸 𑌶𑍍𑌵𑌿॑𑌤𑌾॒𑌨𑌸𑍍𑌤॑𑌨𑍍𑌯॒𑌤𑍂 𑌰𑍋॑𑌚𑌨॒𑌸𑍍𑌥𑌾 𑌅॒𑌜𑌰𑍇॑𑌭𑌿॒-𑌰𑍍𑌨𑌾𑌨॑𑌦𑌦𑍍𑌭𑌿॒𑌰𑍍𑌯𑌵𑌿॑𑌷𑍍𑌠𑌃 । 𑌯𑌃 𑌪𑌾॑𑌵॒𑌕𑌃 𑌪𑍁॑𑌰𑍁॒𑌤𑌮𑌃॑ 𑌪𑍁॒𑌰𑍂𑌣𑌿॑ 𑌪𑍃॒𑌥𑍂𑌨𑍍𑌯॒𑌗𑍍𑌨𑌿𑌰॑𑌨𑍁॒𑌯𑌾𑌤𑌿॒ 𑌭𑌰𑍍𑌵𑌨𑍍𑌨𑍍॑ ॥ 𑌆𑌯𑍁॑𑌷𑍍𑌟𑍇 𑌵𑌿॒𑌶𑍍𑌵𑌤𑍋॑ 𑌦𑌧𑌦॒𑌯𑌮॒𑌗𑍍𑌨𑌿-𑌰𑍍𑌵𑌰𑍇᳚𑌣𑍍𑌯𑌃 । 𑌪𑍁𑌨॑𑌸𑍍𑌤𑍇 𑌪𑍍𑌰𑌾॒𑌣 𑌆-𑌽𑌯॑𑌤𑌿॒ 𑌪𑌰𑌾॒ 𑌯𑌕𑍍𑌷𑍍𑌮𑌗𑍍​𑌮𑍍॑ 𑌸𑍁𑌵𑌾𑌮𑌿 𑌤𑍇 ॥ 𑌆॒𑌯𑍁॒𑌰𑍍𑌦𑌾 𑌅॑𑌗𑍍𑌨𑍇 𑌹॒𑌵𑌿𑌷𑍋॑ 𑌜𑍁𑌷𑌾॒𑌣𑍋 𑌘𑍃॒𑌤𑌪𑍍𑌰॑𑌤𑍀𑌕𑍋 𑌘𑍃॒𑌤𑌯𑍋॑𑌨𑌿𑌰𑍇𑌧𑌿 । 𑌘𑍃॒𑌤-𑌮𑍍𑌪𑍀॒𑌤𑍍𑌵𑌾 𑌮𑌧𑍁॒ 𑌚𑌾𑌰𑍁॒ 𑌗𑌵𑍍𑌯॑-𑌮𑍍𑌪𑌿॒𑌤𑍇𑌵॑ 𑌪𑍁॒𑌤𑍍𑌰𑌮॒𑌭𑌿 [𑌪𑍁॒𑌤𑍍𑌰𑌮॒𑌭𑌿, 𑌰॒𑌕𑍍𑌷॒𑌤𑌾॒𑌦𑌿॒𑌮𑌮𑍍] 2𑍭

𑌰॑𑌕𑍍𑌷𑌤𑌾𑌦𑌿॒𑌮𑌮𑍍 । 𑌤𑌸𑍍𑌮𑍈॑ 𑌤𑍇 𑌪𑍍𑌰𑌤𑌿॒𑌹𑌰𑍍𑌯॑𑌤𑍇॒ 𑌜𑌾𑌤॑𑌵𑍇𑌦𑍋॒ 𑌵𑌿𑌚॑𑌰𑍍​𑌷𑌣𑍇 । 𑌅𑌗𑍍𑌨𑍇॒ 𑌜𑌨𑌾॑𑌮𑌿 𑌸𑍁𑌷𑍍𑌟𑍁॒𑌤𑌿𑌮𑍍 ॥ 𑌦𑌿॒𑌵𑌸𑍍𑌪𑌰𑌿॑ 𑌪𑍍𑌰𑌥॒𑌮-𑌞𑍍𑌜॑𑌜𑍍𑌞𑍇 𑌅॒𑌗𑍍𑌨𑌿𑌰॒𑌸𑍍𑌮-𑌦𑍍𑌦𑍍𑌵𑌿॒𑌤𑍀𑌯॒-𑌮𑍍𑌪𑌰𑌿॑ 𑌜𑌾॒𑌤𑌵𑍇॑𑌦𑌾𑌃 । 𑌤𑍃॒𑌤𑍀𑌯॑𑌮॒𑌫𑍍𑌸𑍁 𑌨𑍃॒𑌮𑌣𑌾॒ 𑌅𑌜॑𑌸𑍍𑌰॒𑌮𑌿𑌨𑍍𑌧𑌾॑𑌨 𑌏𑌨-𑌞𑍍𑌜𑌰𑌤𑍇 𑌸𑍍𑌵𑌾॒𑌧𑍀𑌃 ॥ 𑌶𑍁𑌚𑌿𑌃॑ 𑌪𑌾𑌵𑌕॒ 𑌵𑌨𑍍𑌦𑍍𑌯𑍋-𑌽𑌗𑍍𑌨𑍇॑ 𑌬𑍃॒𑌹𑌦𑍍𑌵𑌿 𑌰𑍋॑𑌚𑌸𑍇 । 𑌤𑍍𑌵-𑌙𑍍𑌘𑍃॒𑌤𑍇𑌭𑌿॒𑌰𑌾𑌹𑍁॑𑌤𑌃 ॥ 𑌦𑍃॒𑌶𑌾॒𑌨𑍋 𑌰𑍁॒𑌕𑍍𑌮 𑌉॒𑌰𑍍𑌵𑍍𑌯𑌾 𑌵𑍍𑌯॑𑌦𑍍𑌯𑍌-𑌦𑍍𑌦𑍁॒𑌰𑍍𑌮𑌰𑍍​𑌷॒𑌮𑌾𑌯𑍁॑-𑌶𑍍𑌶𑍍𑌰𑌿॒𑌯𑍇 𑌰𑍁॑𑌚𑌾॒𑌨𑌃 । 𑌅॒𑌗𑍍𑌨𑌿𑌰॒𑌮𑍃𑌤𑍋॑ 𑌅𑌭𑌵॒𑌦𑍍𑌵𑌯𑍋॑𑌭𑌿॒- [𑌅𑌭𑌵॒𑌦𑍍𑌵𑌯𑍋॑𑌭𑌿𑌃, 𑌯𑌦𑍇॑𑌨𑌂॒] 2𑍮

-𑌰𑍍𑌯𑌦𑍇॑𑌨॒-𑌨𑍍𑌦𑍍𑌯𑍌𑌰𑌜॑𑌨𑌯-𑌥𑍍𑌸𑍁॒𑌰𑍇𑌤𑌾𑌃᳚ ॥ 𑌆 𑌯𑌦𑌿॒𑌷𑍇 𑌨𑍃॒𑌪𑌤𑌿॒-𑌨𑍍𑌤𑍇𑌜॒ 𑌆𑌨॒𑌟𑍍𑌛𑍁𑌚𑌿॒ 𑌰𑍇𑌤𑍋॒ 𑌨𑌿𑌷𑌿॑𑌕𑍍𑌤॒-𑌨𑍍𑌦𑍍𑌯𑍌𑌰॒𑌭𑍀𑌕𑍇᳚ । 𑌅॒𑌗𑍍𑌨𑌿-𑌶𑍍𑌶𑌰𑍍𑌧॑𑌮𑌨𑌵॒𑌦𑍍𑌯𑌂-𑌯𑍁𑌁𑌵𑌾॑𑌨𑌗𑍍𑌗𑍍​ 𑌸𑍍𑌵𑌾॒𑌧𑌿𑌯॑-𑌞𑍍𑌜𑌨𑌯-𑌥𑍍𑌸𑍂॒𑌦𑌯॑𑌚𑍍𑌚 ॥ 𑌸 𑌤𑍇𑌜𑍀॑𑌯𑌸𑌾॒ 𑌮𑌨॑𑌸𑌾॒ 𑌤𑍍𑌵𑍋𑌤॑ 𑌉॒𑌤 𑌶𑌿॑𑌕𑍍𑌷 𑌸𑍍𑌵𑌪॒𑌤𑍍𑌯𑌸𑍍𑌯॑ 𑌶𑌿॒𑌕𑍍𑌷𑍋𑌃 । 𑌅𑌗𑍍𑌨𑍇॑ 𑌰𑌾॒𑌯𑍋 𑌨𑍃𑌤॑𑌮𑌸𑍍𑌯॒ 𑌪𑍍𑌰𑌭𑍂॑𑌤𑍌 𑌭𑍂॒𑌯𑌾𑌮॑ 𑌤𑍇 𑌸𑍁𑌷𑍍𑌟𑍁॒𑌤𑌯॑𑌶𑍍𑌚॒ 𑌵𑌸𑍍𑌵𑌃॑ ॥ 𑌅𑌗𑍍𑌨𑍇॒ 𑌸𑌹॑𑌨𑍍𑌤॒𑌮𑌾 𑌭॑𑌰 𑌦𑍍𑌯𑍁॒𑌮𑍍𑌨𑌸𑍍𑌯॑ 𑌪𑍍𑌰𑌾॒𑌸𑌹𑌾॑ 𑌰॒𑌯𑌿𑌮𑍍 । 𑌵𑌿𑌶𑍍𑌵𑌾॒ 𑌯- [𑌵𑌿𑌶𑍍𑌵𑌾॒ 𑌯𑌃, 𑌚॒𑌰𑍍॒𑌷॒𑌣𑍀𑌰॒𑌭𑍍𑌯𑌾॑𑌸𑌾 𑌵𑌾𑌜𑍇॑𑌷𑍁] 2𑍯

𑌶𑍍𑌚॑𑌰𑍍॒𑌷॒𑌣𑍀𑌰॒𑌭𑍍𑌯𑌾॑𑌸𑌾 𑌵𑌾𑌜𑍇॑𑌷𑍁 𑌸𑌾॒𑌸𑌹॑𑌤𑍍 ॥ 𑌤𑌮॑𑌗𑍍𑌨𑍇 𑌪𑍃𑌤𑌨𑌾॒𑌸𑌹𑌗𑍍​𑌮𑍍॑ 𑌰॒𑌯𑌿𑌗𑍍​𑌮𑍍 𑌸॑𑌹𑌸𑍍𑌵॒ 𑌆 𑌭॑𑌰 । 𑌤𑍍𑌵𑌗𑍍​𑌮𑍍 𑌹𑌿 𑌸॒𑌤𑍍𑌯𑍋 𑌅𑌦𑍍𑌭𑍁॑𑌤𑍋 𑌦𑌾॒𑌤𑌾 𑌵𑌾𑌜॑𑌸𑍍𑌯॒ 𑌗𑍋𑌮॑𑌤𑌃 ॥ 𑌉॒𑌕𑍍𑌷𑌾𑌨𑍍𑌨𑌾॑𑌯 𑌵॒𑌶𑌾𑌨𑍍𑌨𑌾॑𑌯॒ 𑌸𑍋𑌮॑𑌪𑍃𑌷𑍍𑌠𑌾𑌯 𑌵𑍇॒𑌧𑌸𑍇᳚ । 𑌸𑍍𑌤𑍋𑌮𑍈᳚-𑌰𑍍𑌵𑌿𑌧𑍇𑌮𑌾॒-𑌽𑌗𑍍𑌨𑌯𑍇᳚ ॥ 𑌵॒𑌦𑍍𑌮𑌾 𑌹𑌿 𑌸𑍂॑𑌨𑍋॒ 𑌅𑌸𑍍𑌯॑𑌦𑍍𑌮॒𑌸𑌦𑍍𑌵𑌾॑ 𑌚॒𑌕𑍍𑌰𑍇 𑌅॒𑌗𑍍𑌨𑌿-𑌰𑍍𑌜॒𑌨𑍁𑌷𑌾 𑌽𑌜𑍍𑌮𑌾-𑌽𑌨𑍍𑌨᳚𑌮𑍍 । 𑌸 𑌤𑍍𑌵-𑌨𑍍𑌨॑ 𑌊𑌰𑍍𑌜𑌸𑌨॒ 𑌊𑌰𑍍𑌜॑-𑌨𑍍𑌧𑌾॒ 𑌰𑌾𑌜𑍇॑𑌵 𑌜𑍇𑌰𑌵𑍃॒𑌕𑍇 𑌕𑍍𑌷𑍇᳚𑌷𑍍𑌯॒𑌨𑍍𑌤𑌃 ॥ 𑌅𑌗𑍍𑌨॒ 𑌆𑌯𑍂𑌗𑍍​𑌮𑍍॑𑌷𑌿 [𑌅𑌗𑍍𑌨॒ 𑌆𑌯𑍂𑌗𑍍​𑌮𑍍॑𑌷𑌿, 𑌪॒𑌵॒𑌸॒ 𑌆] 30

𑌪𑌵𑌸॒ 𑌆 𑌸𑍁॒𑌵𑍋𑌰𑍍𑌜॒𑌮𑌿𑌷॑-𑌞𑍍𑌚 𑌨𑌃 । 𑌆॒𑌰𑍇 𑌬𑌾॑𑌧𑌸𑍍𑌵 𑌦𑍁॒𑌚𑍍𑌛𑍁𑌨𑌾᳚𑌮𑍍 ॥ 𑌅𑌗𑍍𑌨𑍇॒ 𑌪𑌵॑𑌸𑍍𑌵॒ 𑌸𑍍𑌵𑌪𑌾॑ 𑌅॒𑌸𑍍𑌮𑍇 𑌵𑌰𑍍𑌚॑-𑌸𑍍𑌸𑍁॒𑌵𑍀𑌰𑍍𑌯᳚𑌮𑍍 । 𑌦𑌧॒𑌤𑍍𑌪𑍋𑌷𑌗𑍍​𑌮𑍍॑ 𑌰॒𑌯𑌿-𑌮𑍍𑌮𑌯𑌿॑ ॥ 𑌅𑌗𑍍𑌨𑍇॑ 𑌪𑌾𑌵𑌕 𑌰𑍋॒𑌚𑌿𑌷𑌾॑ 𑌮॒𑌨𑍍𑌦𑍍𑌰𑌯𑌾॑ 𑌦𑍇𑌵 𑌜𑌿॒𑌹𑍍𑌵𑌯𑌾᳚ । 𑌆 𑌦𑍇॒𑌵𑌾𑌨𑍍. 𑌵॑𑌕𑍍𑌷𑌿॒ 𑌯𑌕𑍍𑌷𑌿॑ 𑌚 ॥ 𑌸 𑌨𑌃॑ 𑌪𑌾𑌵𑌕 𑌦𑍀𑌦𑌿॒𑌵𑍋-𑌽𑌗𑍍𑌨𑍇॑ 𑌦𑍇॒𑌵𑌾𑌗𑍍​𑌮𑍍 𑌇॒𑌹𑌾 𑌵॑𑌹 । 𑌉𑌪॑ 𑌯॒𑌜𑍍𑌞𑌗𑍍​𑌮𑍍 𑌹॒𑌵𑌿𑌶𑍍𑌚॑ 𑌨𑌃 ॥ 𑌅॒𑌗𑍍𑌨𑌿-𑌶𑍍𑌶𑍁𑌚𑌿॑𑌵𑍍𑌰𑌤𑌤𑌮॒-𑌶𑍍𑌶𑍁𑌚𑌿॒-𑌰𑍍𑌵𑌿𑌪𑍍𑌰॒-𑌶𑍍𑌶𑍁𑌚𑌿𑌃॑ 𑌕॒𑌵𑌿𑌃 । 𑌶𑍁𑌚𑍀॑ 𑌰𑍋𑌚𑌤॒ 𑌆𑌹𑍁॑𑌤𑌃 ॥ 𑌉𑌦॑𑌗𑍍𑌨𑍇॒ 𑌶𑍁𑌚॑𑌯॒𑌸𑍍𑌤𑌵॑ 𑌶𑍁॒𑌕𑍍𑌰𑌾 𑌭𑍍𑌰𑌾𑌜॑𑌨𑍍𑌤 𑌈𑌰𑌤𑍇 । 𑌤𑌵॒ 𑌜𑍍𑌯𑍋𑌤𑍀𑌗𑍍॑𑌷𑍍𑌯॒𑌰𑍍𑌚𑌯𑌃॑ ॥ 31 ॥
(𑌪𑍁॒𑌰𑍁॒𑌨𑌿॒𑌷𑍍𑌠𑌃-𑌪𑍁॑𑌰𑍍𑌵𑌣𑍀𑌕-𑌭𑌰𑌾॒-𑌽𑌭𑌿-𑌵𑌯𑍋॑𑌭𑌿॒-𑌰𑍍𑌯-𑌆𑌯𑍂𑌗𑍍​𑌮𑍍॑𑌷𑌿॒ -𑌵𑌿𑌪𑍍𑌰॒-𑌶𑍍𑌶𑍁𑌚𑌿॒-𑌶𑍍𑌚𑌤𑍁॑𑌰𑍍𑌦𑌶 𑌚) (𑌅. 14)

(𑌦𑍇॒𑌵𑌸𑍍𑌯॑ - 𑌰𑌕𑍍𑌷𑍋॒𑌹𑌣𑍋॑ - 𑌵𑌿॒𑌭𑍂-𑌸𑍍𑌤𑍍𑌵𑌗𑍍​𑌮𑍍 𑌸𑍋॒𑌮𑌾 - 𑌽𑌤𑍍𑌯॒𑌨𑍍𑌯𑌾𑌨𑌗𑌾𑌂᳚ - 𑌪𑍃𑌥𑌿॒𑌵𑍍𑌯𑌾 - 𑌇॒𑌷𑍇 𑌤𑍍𑌵𑌾 - 𑌽𑌽𑌦॑𑌦𑍇॒ - 𑌵𑌾𑌕𑍍𑌤॒-𑌸𑌨𑍍𑌤𑍇॑ - 𑌸𑌮𑍁॒𑌦𑍍𑌰𑌗𑍍​𑌮𑍍 - 𑌹॒𑌵𑌿𑌷𑍍𑌮॑𑌤𑍀𑌰𑍍-𑌹𑍃॒𑌦𑍇 - 𑌤𑍍𑌵𑌮॑𑌗𑍍𑌨𑍇 𑌰𑍁॒𑌦𑍍𑌰 - 𑌶𑍍𑌚𑌤𑍁॑𑌰𑍍𑌦𑌶)

(𑌦𑍇॒𑌵𑌸𑍍𑌯॑ - 𑌗॒𑌮𑌧𑍍𑌯𑍇॑ - 𑌹॒𑌵𑌿𑌷𑍍𑌮॑𑌤𑍀𑌃 - 𑌪𑌵𑌸॒ - 𑌏𑌕॑𑌤𑍍𑌰𑌿𑌗𑍍​𑌮𑍍𑌶𑌤𑍍)

(𑌦𑍇॒𑌵𑌸𑍍𑌯𑌾॒, 𑌰𑍍𑌚𑌯𑌃॑)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑍍𑌰𑌥𑌮𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥