𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌤𑍃𑌤𑍀𑌯𑌾𑌷𑍍𑌟𑌕𑍇 𑌷𑌷𑍍𑌠𑌃 𑌪𑍍𑌰𑌪𑌾𑌠𑌕𑌃 - 𑌪𑌶𑍁𑌹𑍌𑌤𑍍𑌰𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 - 𑌯𑍂𑌪𑌸𑌂𑌸𑍍𑌕𑌾𑌰𑌾𑌃
𑌅॒𑌞𑍍𑌜𑌨𑍍𑌤𑌿॒ 𑌤𑍍𑌵𑌾𑌮॑𑌦𑍍𑌧𑍍𑌵॒𑌰𑍇 𑌦𑍇॑𑌵॒𑌯𑌨𑍍𑌤𑌃॑ । 𑌵𑌨॑𑌸𑍍𑌪𑌤𑍇॒ 𑌮𑌧𑍁॑𑌨𑌾॒ 𑌦𑍈𑌵𑍍𑌯𑍇॑𑌨 । 𑌯𑌦𑍂॒𑌰𑍍𑌧𑍍𑌵𑌸𑍍𑌤𑌿॑𑌷𑍍𑌠𑌾॒-𑌦𑍍𑌦𑍍𑌰𑌵𑌿॑𑌣𑍇॒𑌹 𑌧॑𑌤𑍍𑌤𑌾𑌤𑍍 । 𑌯𑌦𑍍𑌵𑌾॒ 𑌕𑍍𑌷𑌯𑍋॑ 𑌮𑌾॒𑌤𑍁𑌰॒𑌸𑍍𑌯𑌾 𑌉॒𑌪𑌸𑍍𑌥𑍇᳚ ॥ 𑌉𑌚𑍍𑌛𑍍𑌰॑𑌯𑌸𑍍𑌵 𑌵𑌨𑌸𑍍𑌪𑌤𑍇 । 𑌵𑌰𑍍​𑌷𑍍𑌮॑-𑌨𑍍𑌪𑍃𑌥𑌿॒𑌵𑍍𑌯𑌾 𑌅𑌧𑌿॑ । 𑌸𑍁𑌮𑌿॑𑌤𑍀 𑌮𑍀॒𑌯𑌮𑌾॑𑌨𑌃 ।
𑌵𑌰𑍍𑌚𑍋॑𑌧𑌾 𑌯॒𑌜𑍍𑌞𑌵𑌾॑𑌹𑌸𑍇 ॥ 𑌸𑌮𑌿॑𑌦𑍍𑌧𑌸𑍍𑌯॒ 𑌶𑍍𑌰𑌯॑𑌮𑌾𑌣𑌃 𑌪𑍁॒𑌰𑌸𑍍𑌤𑌾᳚𑌤𑍍 । 𑌬𑍍𑌰𑌹𑍍𑌮॑ 𑌵𑌨𑍍𑌵𑌾॒𑌨𑍋 𑌅॒𑌜𑌰𑌗𑍍​𑌮𑍍॑ 𑌸𑍁॒𑌵𑍀𑌰᳚𑌮𑍍 ॥ 1 ॥

𑌆॒𑌰𑍇 𑌅॒𑌸𑍍𑌮𑌦𑌮॑𑌤𑌿॒-𑌮𑍍𑌬𑌾𑌧॑𑌮𑌾𑌨𑌃 । 𑌉𑌚𑍍𑌛𑍍𑌰॑𑌯𑌸𑍍𑌵 𑌮𑌹॒𑌤𑍇 𑌸𑍌𑌭॑𑌗𑌾𑌯 ॥ 𑌊॒𑌰𑍍𑌧𑍍𑌵 𑌊॒𑌷𑍁𑌣॑ 𑌊॒𑌤𑌯𑍇᳚ । 𑌤𑌿𑌷𑍍𑌠𑌾॑ 𑌦𑍇॒𑌵𑍋 𑌨 𑌸॑𑌵𑌿॒𑌤𑌾 । 𑌊॒𑌰𑍍𑌧𑍍𑌵𑍋 𑌵𑌾𑌜॑𑌸𑍍𑌯॒ 𑌸𑌨𑌿॑𑌤𑌾॒ 𑌯𑌦॒𑌞𑍍𑌜𑌿𑌭𑌿𑌃॑ । 𑌵𑌾॒𑌘𑌦𑍍𑌭𑌿॑-𑌰𑍍𑌵𑌿॒𑌹𑍍𑌵𑌯𑌾॑𑌮𑌹𑍇 ॥
𑌊॒𑌰𑍍𑌧𑍍𑌵𑍋 𑌨𑌃॑ 𑌪𑌾॒𑌹𑍍𑌯𑌗𑍍​𑌮𑍍𑌹॑𑌸𑍋॒ 𑌨𑌿 𑌕𑍇॒𑌤𑍁𑌨𑌾᳚ । 𑌵𑌿𑌶𑍍𑌵॒𑌗𑍍​𑌮𑍍॒ 𑌸𑌮॒𑌤𑍍𑌰𑌿𑌣॑-𑌨𑍍𑌦𑌹 ।
𑌕𑍃॒𑌧𑍀 𑌨॑ 𑌊॒𑌰𑍍𑌧𑍍𑌵𑌾𑌞𑍍𑌚॒ 𑌰𑌥𑌾॑𑌯 𑌜𑍀॒𑌵𑌸𑍇᳚ ।
𑌵𑌿॒𑌦𑌾 𑌦𑍇॒𑌵𑍇𑌷𑍁॑ 𑌨𑍋॒ 𑌦𑍁𑌵𑌃॑ ॥ 2 ॥

𑌜𑌾॒𑌤𑍋 𑌜𑌾॑𑌯𑌤𑍇 𑌸𑍁𑌦𑌿𑌨॒𑌤𑍍𑌵𑍇 𑌅𑌹𑍍𑌨𑌾᳚𑌮𑍍 । 𑌸𑌮॒𑌰𑍍𑌯 𑌆 𑌵𑌿॒𑌦𑌥𑍇॒ 𑌵𑌰𑍍𑌧॑𑌮𑌾𑌨𑌃 । 𑌪𑍁॒𑌨𑌨𑍍𑌤𑌿॒ 𑌧𑍀𑌰𑌾॑ 𑌅॒𑌪𑌸𑍋॑ 𑌮𑌨𑍀॒𑌷𑌾 । 𑌦𑍇॒𑌵॒𑌯𑌾 𑌵𑌿𑌪𑍍𑌰॒ 𑌉𑌦𑌿॑𑌯𑌰𑍍𑌤𑌿॒ 𑌵𑌾𑌚᳚𑌮𑍍 ॥ 𑌯𑍁𑌵𑌾॑ 𑌸𑍁॒𑌵𑌾𑌸𑌾𑌃॒ 𑌪𑌰𑌿॑𑌵𑍀𑌤॒ 𑌆𑌗𑌾᳚𑌤𑍍 । 𑌸 𑌉॒ 𑌶𑍍𑌰𑍇𑌯𑌾᳚-𑌨𑍍𑌭𑌵𑌤𑌿॒ 𑌜𑌾𑌯॑𑌮𑌾𑌨𑌃 ।
𑌤-𑌨𑍍𑌧𑍀𑌰𑌾॑𑌸𑌃 𑌕॒𑌵𑌯॒ 𑌉𑌨𑍍𑌨॑𑌯𑌨𑍍𑌤𑌿 । 𑌸𑍍𑌵𑌾॒𑌧𑌿𑌯𑍋॒ 𑌮𑌨॑𑌸𑌾 𑌦𑍇𑌵॒𑌯𑌨𑍍𑌤𑌃॑ ॥ 𑌪𑍃॒𑌥𑍁॒𑌪𑌾𑌜𑌾॒ 𑌅𑌮॑𑌰𑍍𑌤𑍍𑌯𑌃 । 𑌘𑍃॒𑌤𑌨𑌿॑𑌰𑍍𑌣𑌿॒𑌖𑍍-𑌸𑍍𑌵𑌾॑𑌹𑍁𑌤𑌃 ॥ 3 ॥

𑌅॒𑌗𑍍𑌨𑌿-𑌰𑍍𑌯॒𑌜𑍍𑌞𑌸𑍍𑌯॑ 𑌹𑌵𑍍𑌯॒𑌵𑌾𑌟𑍍 ॥ 𑌤𑌗𑍍​𑌮𑍍 𑌸॒𑌬𑌾𑌧𑍋॑ 𑌯॒𑌤𑌸𑍍𑌰𑍁॑𑌚𑌃 । 𑌇॒𑌤𑍍𑌥𑌾 𑌧𑌿॒𑌯𑌾 𑌯॒𑌜𑍍𑌞𑌵॑𑌨𑍍𑌤𑌃 । 𑌆𑌚॑𑌕𑍍𑌰𑍁𑌰॒𑌗𑍍𑌨𑌿-𑌮𑍂॒𑌤𑌯𑍇᳚ ॥ 𑌤𑍍𑌵𑌂-𑌵𑌁𑌰𑍁॑𑌣 𑌉॒𑌤 𑌮𑌿॒𑌤𑍍𑌰𑍋 𑌅॑𑌗𑍍𑌨𑍇 । 𑌤𑍍𑌵𑌾𑌂-𑌵𑌁॑𑌰𑍍𑌧𑌨𑍍𑌤𑌿 𑌮॒𑌤𑌿𑌭𑌿॒-𑌰𑍍𑌵𑌸𑌿॑𑌷𑍍𑌠𑌾𑌃 ।
𑌤𑍍𑌵𑍇 𑌵𑌸𑍁॑ 𑌸𑍁𑌷𑌣॒𑌨𑌾𑌨𑌿॑ 𑌸𑌨𑍍𑌤𑍁 ।
𑌯𑍂॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑ 𑌨𑌃 ॥ 4 ॥
(𑌸𑍁॒𑌵𑍀𑌰𑌂॒ - 𑌦𑍁𑌵𑌃॒ - 𑌸𑍍𑌵𑌾॑𑌹𑍁𑌤𑍋॒ - +-𑌽𑌷𑍍𑌟𑍌 𑌚॑) (𑌅. 1)

𑌅𑌨𑍁𑌵𑌾𑌕𑌂 2 - 𑌪𑍍𑌰𑌯𑌾𑌜𑌵𑌿𑌷𑌯𑌾 𑌮𑍈𑌤𑍍𑌰𑌾𑌵𑌰𑍁𑌣𑌪𑍍𑌰𑍈𑌷𑌾𑌃
𑌹𑍋𑌤𑌾॑ 𑌯𑌕𑍍𑌷𑌦॒𑌗𑍍𑌨𑌿𑌗𑍍​𑌮𑍍 𑌸॒𑌮𑌿𑌧𑌾॑ 𑌸𑍁𑌷॒𑌮𑌿𑌧𑌾॒ 𑌸𑌮𑌿॑𑌦𑍍𑌧॒-𑌨𑍍𑌨𑌾𑌭𑌾॑ 𑌪𑍃𑌥𑌿॒𑌵𑍍𑌯𑌾-𑌸𑍍𑌸॑𑌗॒𑌨𑍍𑌥𑍇 𑌵𑌾॒𑌮𑌸𑍍𑌯॑ ।
𑌵𑌰𑍍​𑌷𑍍𑌮॑𑌨𑍍𑌦𑌿॒𑌵 𑌇॒𑌡𑌸𑍍𑌪॒𑌦𑍇 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥
𑌹𑍋𑌤𑌾॑ 𑌯𑌕𑍍𑌷॒𑌤𑍍-𑌤𑌨𑍂॒𑌨𑌪𑌾॑𑌤॒-𑌮𑌦𑌿॑𑌤𑍇॒-𑌰𑍍𑌗𑌰𑍍𑌭॒-𑌮𑍍𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌮𑍍 । 𑌮𑌦𑍍𑌧𑍍𑌵𑌾॒-𑌽𑌦𑍍𑌯 𑌦𑍇॒𑌵𑍋 𑌦𑍇॒𑌵𑍇𑌭𑍍𑌯𑍋॑ 𑌦𑍇𑌵॒𑌯𑌾𑌨𑌾᳚𑌨𑍍𑌪॒𑌥𑍋 𑌅॑𑌨𑌕𑍍𑌤𑍁॒ 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥
𑌹𑍋𑌤𑌾॑ 𑌯𑌕𑍍𑌷॒-𑌨𑍍𑌨𑌰𑌾॒𑌶𑌗𑍍​𑌮𑍍𑌸॑-𑌨𑍍𑌨𑍃𑌶॒𑌸𑍍𑌤𑍍𑌰-𑌨𑍍𑌨𑍄𑌗𑍍​𑌮𑍍𑌃 𑌪𑍍𑌰॑𑌣𑍇𑌤𑍍𑌰𑌮𑍍 । 𑌗𑍋𑌭𑌿॑-𑌰𑍍𑌵॒𑌪𑌾𑌵𑌾॒𑌨𑍍-𑌥𑍍𑌸𑍍𑌯𑌾-𑌦𑍍𑌵𑍀॒𑌰𑍈-𑌶𑍍𑌶𑌕𑍍𑌤𑍀॑𑌵𑌾॒𑌨𑍍-𑌰𑌥𑍈𑌃᳚ 𑌪𑍍𑌰𑌥𑌮॒𑌯𑌾𑌵𑌾॒ 𑌹𑌿𑌰॑𑌣𑍍𑌯𑍈𑌶𑍍𑌚॒𑌨𑍍𑌦𑍍𑌰𑍀 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷𑌦॒𑌗𑍍𑌨𑌿𑌮𑌿॒𑌡 𑌈॑𑌡𑌿॒𑌤𑍋 𑌦𑍇॒𑌵𑍋 𑌦𑍇॒𑌵𑌾𑌗𑍍​𑌮𑍍 𑌆𑌵॑𑌕𑍍𑌷-𑌦𑍍𑌦𑍂॒𑌤𑍋 𑌹॑𑌵𑍍𑌯॒𑌵𑌾𑌡𑌮𑍂॑𑌰𑌃 ।
𑌉𑌪𑍇॒𑌮𑌂-𑌯𑌁॒𑌜𑍍𑌞𑌮𑍁𑌪𑍇॒𑌮𑌾-𑌨𑍍𑌦𑍇॒𑌵𑍋 𑌦𑍇॒𑌵𑌹𑍂॑𑌤𑌿𑌮𑌵𑌤𑍁॒ 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 𑌹𑍋𑌤𑌾॑ 𑌯𑌕𑍍𑌷-𑌦𑍍𑌬॒𑌰𑍍॒𑌹𑌿-𑌸𑍍𑌸𑍁॒𑌷𑍍𑌟𑌰𑍀॒𑌮𑍋𑌰𑍍𑌣॑𑌮𑍍𑌰𑌦𑌾 𑌅॒𑌸𑍍𑌮𑌿𑌨𑍍. 𑌯॒𑌜𑍍𑌞𑍇 𑌵𑌿 𑌚॒ 𑌪𑍍𑌰 𑌚॑ 𑌪𑍍𑌰𑌥𑌤𑌾𑌗𑍍​ 𑌸𑍍𑌵𑌾𑌸॒𑌸𑍍𑌥-𑌨𑍍𑌦𑍇॒𑌵𑍇𑌭𑍍𑌯𑌃॑ ।
𑌏𑌮𑍇॑𑌨𑌦॒𑌦𑍍𑌯 𑌵𑌸॑𑌵𑍋 𑌰𑍁॒𑌦𑍍𑌰𑌾 𑌆॑𑌦𑌿𑌤𑍍𑌯𑌾-𑌸𑍍𑌸॑𑌦𑌨𑍍𑌤𑍁 𑌪𑍍𑌰𑌿॒𑌯𑌮𑌿𑌨𑍍𑌦𑍍𑌰॑𑌸𑍍𑌯𑌾𑌸𑍍𑌤𑍁॒ 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥ 5 ॥

𑌹𑍋𑌤𑌾॑ 𑌯𑌕𑍍𑌷॒-𑌦𑍍𑌦𑍁𑌰॑ 𑌋॒𑌷𑍍𑌵𑌾𑌃 𑌕॑𑌵॒𑌷𑍍𑌯𑍋-𑌽𑌕𑍋॑𑌷𑌧𑌾𑌵𑌨𑍀॒-𑌰𑍁𑌦𑌾𑌤𑌾॑𑌭𑌿॒-𑌰𑍍𑌜𑌿𑌹॑𑌤𑌾𑌂॒-𑌵𑌿𑌁 𑌪𑌕𑍍𑌷𑍋॑𑌭𑌿-𑌶𑍍𑌶𑍍𑌰𑌯𑌨𑍍𑌤𑌾𑌮𑍍 । 𑌸𑍁॒𑌪𑍍𑌰𑌾॒𑌯॒𑌣𑌾 𑌅॒𑌸𑍍𑌮𑌿𑌨𑍍. 𑌯॒𑌜𑍍𑌞𑍇 𑌵𑌿𑌶𑍍𑌰॑𑌯𑌨𑍍𑌤𑌾-𑌮𑍃𑌤𑌾॒𑌵𑍃𑌧𑍋॑ 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥
𑌹𑍋𑌤𑌾॑ 𑌯𑌕𑍍𑌷𑌦𑍁॒𑌷𑌾𑌸𑌾॒𑌨𑌕𑍍𑌤𑌾॑ 𑌬𑍃𑌹॒𑌤𑍀 𑌸𑍁॒𑌪𑍇𑌶॑𑌸𑌾॒ 𑌨𑍄𑌗𑍍​𑌮𑍍𑌃 𑌪𑌤𑌿॑𑌭𑍍𑌯𑍋॒ 𑌯𑍋𑌨𑌿॑-𑌙𑍍𑌕𑍃𑌣𑍍𑌵𑌾॒𑌨𑍇 ।
𑌸॒𑌗𑍍𑌗𑍍॒𑌸𑍍𑌮𑌯॑𑌮𑌾𑌨𑍇॒ 𑌇𑌨𑍍𑌦𑍍𑌰𑍇॑𑌣 𑌦𑍇॒𑌵𑍈𑌰𑍇𑌦-𑌮𑍍𑌬॒𑌰𑍍॒𑌹𑌿-𑌸𑍍𑌸𑍀॑𑌦𑌤𑌾𑌂-𑌵𑍀𑌁॒𑌤𑌾𑌮𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥
𑌹𑍋𑌤𑌾॑ 𑌯𑌕𑍍𑌷॒-𑌦𑍍𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾 𑌮॒𑌨𑍍𑌦𑍍𑌰𑌾 𑌪𑍋𑌤𑌾॑𑌰𑌾 𑌕॒𑌵𑍀 𑌪𑍍𑌰𑌚𑍇॑𑌤𑌸𑌾 ।
𑌸𑍍𑌵𑌿॑𑌷𑍍𑌟𑌮॒𑌦𑍍𑌯𑌾𑌨𑍍𑌯𑌃 𑌕॑𑌰𑌦𑌿॒𑌷𑌾 𑌸𑍍𑌵॑𑌭𑌿𑌗𑍂𑌰𑍍𑌤𑌮॒𑌨𑍍𑌯 𑌊॒𑌰𑍍𑌜𑌾 𑌸𑌤॑𑌵𑌸𑍇॒𑌮𑌂-𑌯𑌁॒𑌜𑍍𑌞-𑌨𑍍𑌦𑌿॒𑌵𑌿 𑌦𑍇॒𑌵𑍇𑌷𑍁॑ 𑌧𑌤𑍍𑌤𑌾𑌂-𑌵𑍀𑌁॒𑌤𑌾𑌮𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥
𑌹𑍋𑌤𑌾॑ 𑌯𑌕𑍍𑌷𑌤𑍍-𑌤𑌿॒𑌸𑍍𑌰𑍋 𑌦𑍇॒𑌵𑍀𑌰॒𑌪𑌸𑌾॑𑌮॒𑌪𑌸𑍍𑌤॑𑌮𑌾॒ 𑌅𑌚𑍍𑌛𑌿॑𑌦𑍍𑌰-𑌮॒𑌦𑍍𑌯𑍇𑌦𑌮𑌪॑-𑌸𑍍𑌤𑌨𑍍𑌵𑌤𑌾𑌮𑍍 ।
𑌦𑍇॒𑌵𑍇𑌭𑍍𑌯𑍋॑ 𑌦𑍇॒𑌵𑍀-𑌰𑍍𑌦𑍇॒𑌵𑌮𑌪𑍋॑ 𑌵𑌿॒𑌯𑌨𑍍𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥
𑌹𑍋𑌤𑌾॑ 𑌯𑌕𑍍𑌷॒𑌤𑍍-𑌤𑍍𑌵𑌷𑍍𑌟𑌾॑𑌰॒-𑌮𑌚𑌿॑𑌷𑍍𑌟𑍁॒𑌮𑌪𑌾॑𑌕𑌗𑍍​𑌮𑍍 𑌰𑍇𑌤𑍋॒𑌧𑌾𑌂-𑌵𑌿𑌁𑌶𑍍𑌰॑𑌵𑌸𑌂-𑌯𑌁𑌶𑍋॒𑌧𑌾𑌮𑍍 ।
𑌪𑍁॒𑌰𑍁॒𑌰𑍂𑌪॒𑌮𑌕𑌾॑𑌮𑌕𑌰𑍍​𑌶𑌨𑌗𑍍​𑌮𑍍 𑌸𑍁॒𑌪𑍋𑌷𑌃॒ 𑌪𑍋𑌷𑍈॒-𑌸𑍍𑌸𑍍𑌯𑌾-𑌥𑍍𑌸𑍁॒𑌵𑍀𑌰𑍋॑ 𑌵𑍀॒𑌰𑍈-𑌰𑍍𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥
𑌹𑍋𑌤𑌾॑ 𑌯𑌕𑍍𑌷॒-𑌦𑍍𑌵𑌨॒𑌸𑍍𑌪𑌤𑌿॑-𑌮𑍁॒𑌪𑌾𑌵॑𑌸𑍍𑌰𑌕𑍍𑌷𑌦𑍍𑌧𑌿॒𑌯𑍋 𑌜𑍋॒𑌷𑍍𑌟𑌾𑌰𑌗𑍍​𑌮𑍍॑ 𑌶॒𑌶𑌮॒𑌨𑍍𑌨𑌰𑌃॑ ।
𑌸𑍍𑌵𑌦𑌾॒-𑌥𑍍𑌸𑍍𑌵𑌧𑌿॑𑌤𑌿𑌰𑍍-𑌋𑌤𑍁॒𑌥𑌾-𑌽𑌦𑍍𑌯 𑌦𑍇॒𑌵𑍋 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌾-𑌽𑌵𑌾॒𑌡𑍍-𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ ॥
𑌹𑍋𑌤𑌾॑ 𑌯𑌕𑍍𑌷𑌦॒𑌗𑍍𑌨𑌿𑌗𑍍𑌗𑍍​ 𑌸𑍍𑌵𑌾𑌹𑌾-𑌽𑌽𑌜𑍍𑌯॑𑌸𑍍𑌯॒ 𑌸𑍍𑌵𑌾𑌹𑌾॒ 𑌮𑍇𑌦॑𑌸॒-𑌸𑍍𑌸𑍍𑌵𑌾𑌹𑌾᳚ 𑌸𑍍𑌤𑍋॒𑌕𑌾𑌨𑌾॒𑌗𑍍॒ 𑌸𑍍𑌵𑌾𑌹𑌾॒ 𑌸𑍍𑌵𑌾𑌹𑌾॑ 𑌕𑍃𑌤𑍀𑌨𑌾॒𑌗𑍍॒ 𑌸𑍍𑌵𑌾𑌹𑌾॑ 𑌹॒𑌵𑍍𑌯𑌸𑍂᳚𑌕𑍍𑌤𑍀𑌨𑌾𑌮𑍍 ।
𑌸𑍍𑌵𑌾𑌹𑌾॑ 𑌦𑍇॒𑌵𑌾𑌗𑍍​𑌮𑍍 𑌆᳚𑌜𑍍𑌯॒𑌪𑌾𑌨𑍍-𑌥𑍍𑌸𑍍𑌵𑌾𑌹𑌾॒-𑌽𑌗𑍍𑌨𑌿𑌗𑍍​𑌮𑍍 𑌹𑍋॒𑌤𑍍𑌰𑌾𑌜𑍍𑌜𑍁॑𑌷𑌾॒𑌣𑌾 𑌅𑌗𑍍𑌨॒ 𑌆𑌜𑍍𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌹𑍋𑌤॒𑌰𑍍𑌯𑌜॑ ॥ 6 ॥
(𑌪𑍍𑌰𑌿॒𑌯𑌮𑌿𑌨𑍍𑌦𑍍𑌰॑𑌸𑍍𑌯𑌾𑌸𑍍𑌤𑍁॒ 𑌵𑍇𑌤𑍍𑌵𑌾𑌜𑍍𑌯𑍍॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ - 𑌸𑍁॒𑌵𑍀𑌰𑍋॑ 𑌵𑍀॒𑌰𑍈-𑌰𑍍𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌹𑍋𑌤॒𑌰𑍍𑌯𑌜॑ 𑌚॒𑌤𑍍𑌵𑌾𑌰𑌿॑ 𑌚) (𑌅. 2)

(𑌅॒𑌗𑍍𑌨𑌿-𑌨𑍍𑌤𑌨𑍂॒𑌨𑌪𑌾॑𑌤॒-𑌨𑍍𑌨𑌰𑌾॒𑌶𑌗𑍍​𑌮𑍍𑌸॑𑌮॒𑌗𑍍𑌨𑌿𑌮𑌿॒𑌡 𑌈॑𑌡𑌿॒𑌤𑍋 𑌬॒𑌰𑍍॒𑌹𑌿𑌰𑍍𑌦𑍁𑌰॑ 𑌉॒𑌷𑌾𑌸𑌾॒𑌨𑌕𑍍𑌤𑌾॒ 𑌦𑍈𑌵𑍍𑌯𑌾॑ 𑌤𑌿॒𑌸𑍍𑌰𑌸𑍍𑌤𑍍𑌵𑌷𑍍𑌟𑌾॑𑌰𑌂॒-𑌵𑌁𑌨॒𑌸𑍍𑌪𑌤𑌿॑𑌮॒𑌗𑍍𑌨𑌿𑌮𑍍 )
(𑌪𑌞𑍍𑌚॒ 𑌵𑍇𑌤𑍍𑌵𑍇𑌕𑍋॑ 𑌵𑌿॒𑌯𑌨𑍍𑌤𑍁॒ 𑌦𑍍𑌵𑌿𑌰𑍍𑌵𑍀॒𑌤𑌾𑌮𑍇𑌕𑍋॑ 𑌵𑌿॒𑌯𑌨𑍍𑌤𑍁॒ 𑌦𑍍𑌵𑌿𑌰𑍍𑌵𑍇𑌤𑍍𑌵𑍇𑌕𑍋॑ 𑌵𑌿𑌯𑌨𑍍𑌤𑍁॒ 𑌹𑍋𑌤॒𑌰𑍍𑌯𑌜॑)

𑌅𑌨𑍁𑌵𑌾𑌕𑌂 3 - 𑌆𑌪𑍍𑌰𑌿𑌯 𑌪𑍍𑌰𑌯𑌾𑌜𑌾𑌨𑌾𑌂-𑌯𑌾𑌁𑌜𑍍𑌯𑌾𑌃
𑌸𑌮𑌿॑𑌦𑍍𑌧𑍋 𑌅॒𑌦𑍍𑌯 𑌮𑌨𑍁॑𑌷𑍋 𑌦𑍁𑌰𑍋॒𑌣𑍇 । 𑌦𑍇॒𑌵𑍋 𑌦𑍇॒𑌵𑌾𑌨𑍍. 𑌯॑𑌜𑌸𑌿 𑌜𑌾𑌤𑌵𑍇𑌦𑌃 । 𑌆 𑌚॒ 𑌵𑌹॑ 𑌮𑌿𑌤𑍍𑌰𑌮𑌹-𑌶𑍍𑌚𑌿𑌕𑌿॒𑌤𑍍𑌵𑌾𑌨𑍍 । 𑌤𑍍𑌵-𑌨𑍍𑌦𑍂॒𑌤𑌃 𑌕॒𑌵𑌿𑌰॑𑌸𑌿॒ 𑌪𑍍𑌰𑌚𑍇॑𑌤𑌾𑌃 ॥ 𑌤𑌨𑍂॑𑌨𑌪𑌾𑌤𑍍𑌪॒𑌥 𑌋॒𑌤𑌸𑍍𑌯॒ 𑌯𑌾𑌨𑌾𑌨𑍍॑ । 𑌮𑌦𑍍𑌧𑍍𑌵𑌾॑ 𑌸𑌮॒𑌞𑍍𑌜𑌨𑍍-𑌥𑍍𑌸𑍍𑌵॑𑌦𑌯𑌾 𑌸𑍁𑌜𑌿𑌹𑍍𑌵 ।
𑌮𑌨𑍍𑌮𑌾॑𑌨𑌿 𑌧𑍀॒𑌭𑌿𑌰𑍁॒𑌤 𑌯॒𑌜𑍍𑌞𑌮𑍃॒𑌨𑍍𑌧𑌨𑍍𑌨𑍍 । 𑌦𑍇॒𑌵॒𑌤𑍍𑌰𑌾 𑌚॑ 𑌕𑍃𑌣𑍁𑌹𑍍𑌯𑌦𑍍𑌧𑍍𑌵॒𑌰-𑌨𑍍𑌨𑌃॑ ॥ 𑌨𑌰𑌾॒𑌶𑌗𑍍​𑌮𑍍𑌸॑𑌸𑍍𑌯 𑌮𑌹𑌿॒𑌮𑌾𑌨॑𑌮𑍇𑌷𑌾𑌮𑍍 । 𑌉𑌪॑𑌸𑍍𑌤𑍋𑌷𑌾𑌮 𑌯𑌜॒𑌤𑌸𑍍𑌯॑ 𑌯॒𑌜𑍍𑌞𑍈𑌃 ॥ 𑍭 ॥

𑌤𑍇 𑌸𑍁॒𑌕𑍍𑌰𑌤॑𑌵॒-𑌶𑍍𑌶𑍁𑌚॑𑌯𑍋 𑌧𑌿𑌯॒𑌧𑌾𑌂𑌃 । 𑌸𑍍𑌵𑌦॑𑌨𑍍𑌤𑍁 𑌦𑍇॒𑌵𑌾 𑌉॒𑌭𑌯𑌾॑𑌨𑌿 𑌹॒𑌵𑍍𑌯𑌾 ॥ 𑌆॒𑌜𑍁𑌹𑍍𑌵𑌾॑𑌨॒ 𑌈𑌡𑍍𑌯𑍋॒ 𑌵𑌨𑍍𑌦𑍍𑌯॑𑌶𑍍𑌚 । 𑌆𑌯𑌾᳚𑌹𑍍𑌯𑌗𑍍𑌨𑍇॒ 𑌵𑌸𑍁॑𑌭𑌿-𑌸𑍍𑌸॒𑌜𑍋𑌷𑌾𑌃᳚ ।
𑌤𑍍𑌵-𑌨𑍍𑌦𑍇॒𑌵𑌾𑌨𑌾॑𑌮𑌸𑌿 𑌯𑌹𑍍𑌵॒ 𑌹𑍋𑌤𑌾᳚ । 𑌸 𑌏॑𑌨𑌾𑌨𑍍. 𑌯𑌕𑍍𑌷𑍀𑌷𑌿॒𑌤𑍋 𑌯𑌜𑍀॑𑌯𑌾𑌨𑍍 ॥ 𑌪𑍍𑌰𑌾॒𑌚𑍀𑌨॑-𑌮𑍍𑌬॒𑌰𑍍॒𑌹𑌿𑌃 𑌪𑍍𑌰॒𑌦𑌿𑌶𑌾॑ 𑌪𑍃𑌥𑌿॒𑌵𑍍𑌯𑌾𑌃 । 𑌵𑌸𑍍𑌤𑍋॑𑌰॒𑌸𑍍𑌯𑌾 𑌵𑍃॑𑌜𑍍𑌯𑌤𑍇॒ 𑌅𑌗𑍍𑌰𑍇॒ 𑌅𑌹𑍍𑌨𑌾᳚𑌮𑍍 ।
𑌵𑍍𑌯𑍁॑ 𑌪𑍍𑌰𑌥𑌤𑍇 𑌵𑌿𑌤॒𑌰𑌂-𑌵𑌁𑌰𑍀॑𑌯𑌃 । 𑌦𑍇॒𑌵𑍇𑌭𑍍𑌯𑍋॒ 𑌅𑌦𑌿॑𑌤𑌯𑍇 𑌸𑍍𑌯𑍋॒𑌨𑌮𑍍 ॥ 𑍮 ॥

𑌵𑍍𑌯𑌚॑𑌸𑍍𑌵𑌤𑍀𑌰𑍁𑌰𑍍𑌵𑌿॒𑌯𑌾 𑌵𑌿𑌶𑍍𑌰॑𑌯𑌨𑍍𑌤𑌾𑌮𑍍 । 𑌪𑌤𑌿॑𑌭𑍍𑌯𑍋॒ 𑌨𑌜𑌨॑𑌯॒-𑌶𑍍𑌶𑍁𑌮𑍍𑌭॑𑌮𑌾𑌨𑌾𑌃 । 𑌦𑍇𑌵𑍀᳚𑌰𑍍𑌦𑍍𑌵𑌾𑌰𑍋 𑌬𑍃𑌹𑌤𑍀-𑌰𑍍𑌵𑌿𑌶𑍍𑌵𑌮𑌿𑌨𑍍𑌵𑌾𑌃 । 𑌦𑍇॒𑌵𑍇𑌭𑍍𑌯𑍋॑ 𑌭𑌵𑌥 𑌸𑍁𑌪𑍍𑌰𑌾𑌯॒𑌣𑌾𑌃 ॥ 𑌆 𑌸𑍁॒𑌷𑍍𑌵𑌯॑𑌨𑍍𑌤𑍀 𑌯𑌜॒𑌤𑍇 𑌉𑌪𑌾॑𑌕𑍇 । 𑌉॒𑌷𑌾𑌸𑌾॒𑌨𑌕𑍍𑌤𑌾॑ 𑌸𑌦𑌤𑌾॒-𑌨𑍍𑌨𑌿 𑌯𑍋𑌨𑍌᳚ ।
𑌦𑌿॒𑌵𑍍𑌯𑍇 𑌯𑍋𑌷॑𑌣𑍇 𑌬𑍃𑌹॒𑌤𑍀 𑌸𑍁॑𑌰𑍁॒𑌕𑍍𑌮𑍇 । 𑌅𑌧𑌿॒ 𑌶𑍍𑌰𑌿𑌯𑌗𑍍​𑌮𑍍॑ 𑌶𑍁𑌕𑍍𑌰॒𑌪𑌿𑌶॒-𑌨𑍍𑌦𑌧𑌾॑𑌨𑍇 ॥ 𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾 𑌪𑍍𑌰𑌥॒𑌮𑌾 𑌸𑍁॒𑌵𑌾𑌚𑌾᳚ । 𑌮𑌿𑌮𑌾॑𑌨𑌾 𑌯॒𑌜𑍍𑌞-𑌮𑍍𑌮𑌨𑍁॑𑌷𑍋॒ 𑌯𑌜॑𑌦𑍍𑌧𑍍𑌯𑍈 ॥ 𑍯 ॥

𑌪𑍍𑌰॒𑌚𑍋॒𑌦𑌯॑𑌨𑍍𑌤𑌾 𑌵𑌿॒𑌦𑌥𑍇॑𑌷𑍁 𑌕𑌾॒𑌰𑍂 । 𑌪𑍍𑌰𑌾॒𑌚𑍀𑌨॒-𑌞𑍍𑌜𑍍𑌯𑍋𑌤𑌿𑌃॑ 𑌪𑍍𑌰॒𑌦𑌿𑌶𑌾॑ 𑌦𑌿॒𑌶𑌨𑍍𑌤𑌾᳚ ॥ 𑌆𑌨𑍋॑ 𑌯॒𑌜𑍍𑌞-𑌮𑍍𑌭𑌾𑌰॑𑌤𑍀॒ 𑌤𑍂𑌯॑𑌮𑍇𑌤𑍁 । 𑌇𑌡𑌾॑ 𑌮𑌨𑍁॒𑌷𑍍𑌵𑌦𑌿॒𑌹 𑌚𑍇॒𑌤𑌯॑𑌨𑍍𑌤𑍀 । 𑌤𑌿॒𑌸𑍍𑌰𑍋 𑌦𑍇॒𑌵𑍀-𑌰𑍍𑌬॒𑌰𑍍॒𑌹𑌿𑌰𑍇𑌦𑌗𑍍𑌗𑍍​ 𑌸𑍍𑌯𑍋॒𑌨𑌮𑍍 । 𑌸𑌰॑𑌸𑍍𑌵𑌤𑍀॒ 𑌸𑍍𑌵𑌪॑𑌸-𑌸𑍍𑌸𑌦𑌨𑍍𑌤𑍁 ॥
𑌯 𑌇॒𑌮𑍇 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌜𑌨𑌿॑𑌤𑍍𑌰𑍀 । 𑌰𑍂॒𑌪𑍈𑌰𑌪𑌿𑌗𑍍​𑌮𑍍॑𑌶॒-𑌦𑍍𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ । 𑌤𑌮॒𑌦𑍍𑌯 𑌹𑍋॑𑌤𑌰𑌿𑌷𑌿॒𑌤𑍋 𑌯𑌜𑍀॑𑌯𑌾𑌨𑍍 ।
𑌦𑍇॒𑌵-𑌨𑍍𑌤𑍍𑌵𑌷𑍍𑌟𑌾॑𑌰𑌮𑌿॒𑌹 𑌯॑𑌕𑍍𑌷𑌿 𑌵𑌿॒𑌦𑍍𑌵𑌾𑌨𑍍 ॥ 10 ॥

𑌉॒𑌪𑌾𑌵॑𑌸𑍃𑌜॒𑌤𑍍-𑌤𑍍𑌮𑌨𑍍𑌯𑌾॑ 𑌸𑌮॒𑌞𑍍𑌜𑌨𑍍𑌨𑍍 । 𑌦𑍇॒𑌵𑌾𑌨𑌾॒-𑌮𑍍𑌪𑌾𑌥॑ 𑌋𑌤𑍁॒𑌥𑌾 𑌹॒𑌵𑍀𑌗𑍍​𑌮𑍍𑌷𑌿॑ । 𑌵𑌨॒𑌸𑍍𑌪𑌤𑌿॑-𑌶𑍍𑌶𑌮𑌿॒𑌤𑌾 𑌦𑍇॒𑌵𑍋 𑌅॒𑌗𑍍𑌨𑌿𑌃 । 𑌸𑍍𑌵𑌦॑𑌨𑍍𑌤𑍁 𑌹॒𑌵𑍍𑌯-𑌮𑍍𑌮𑌧𑍁॑𑌨𑌾 𑌘𑍃॒𑌤𑍇𑌨॑ ॥
𑌸॒𑌦𑍍𑌯𑍋 𑌜𑌾॒𑌤𑍋 𑌵𑍍𑌯॑𑌮𑌿𑌮𑍀𑌤 𑌯॒𑌜𑍍𑌞𑌮𑍍 । 𑌅॒𑌗𑍍𑌨𑌿-𑌰𑍍𑌦𑍇॒𑌵𑌾𑌨𑌾॑-𑌮𑌭𑌵𑌤𑍍-𑌪𑍁𑌰𑍋॒𑌗𑌾𑌃 । 𑌅॒𑌸𑍍𑌯 𑌹𑍋𑌤𑍁𑌃॑ 𑌪𑍍𑌰॒𑌦𑌿𑌶𑍍𑌯𑍃॒𑌤𑌸𑍍𑌯॑ 𑌵𑌾॒𑌚𑌿 ।
𑌸𑍍𑌵𑌾𑌹𑌾॑𑌕𑍃𑌤𑌗𑍍​𑌮𑍍 𑌹॒𑌵𑌿𑌰॑𑌦𑌨𑍍𑌤𑍁 𑌦𑍇॒𑌵𑌾𑌃 ॥ 11 ॥
(𑌯॒𑌜𑍍𑌞𑍈𑌃 - 𑌸𑍍𑌯𑍋॒𑌨𑌂 - 𑌁𑌯𑌜॑𑌦𑍍𑌧𑍍𑌯𑍈 - 𑌵𑌿॒𑌦𑍍𑌵𑌾𑌨॒ - +𑌷𑍍𑌟𑍌 𑌚॑) (𑌅. 3)

𑌅𑌨𑍁𑌵𑌾𑌕𑌂 4 - 𑌪𑌰𑍍𑌯𑌗𑍍𑌨𑌿𑌕𑌰𑌣𑍀𑌯𑌾 𑌋𑌚𑌃
𑌅॒𑌗𑍍𑌨𑌿𑌰𑍍-𑌹𑍋𑌤𑌾॑ 𑌨𑍋 𑌅𑌦𑍍𑌧𑍍𑌵॒𑌰𑍇 । 𑌵𑌾॒𑌜𑍀 𑌸𑌨𑍍-𑌪𑌰𑌿॑𑌣𑍀𑌯𑌤𑍇 ।
𑌦𑍇॒𑌵𑍋 𑌦𑍇॒𑌵𑍇𑌷𑍁॑ 𑌯॒𑌜𑍍𑌞𑌿𑌯𑌃॑ ॥ 𑌪𑌰𑌿॑ 𑌤𑍍𑌰𑌿𑌵𑌿॒𑌷𑍍𑌟𑍍𑌯॑𑌦𑍍𑌧𑍍𑌵॒𑌰𑌮𑍍 । 𑌯𑌾𑌤𑍍𑌯॒𑌗𑍍𑌨𑍀 𑌰॒𑌥𑍀𑌰𑌿॑𑌵 । 𑌆 𑌦𑍇॒𑌵𑍇𑌷𑍁॒ 𑌪𑍍𑌰𑌯𑍋॒ 𑌦𑌧॑𑌤𑍍 ॥ 𑌪𑌰𑌿॒ 𑌵𑌾𑌜॑𑌪𑌤𑌿𑌃 𑌕॒𑌵𑌿𑌃 । 𑌅॒𑌗𑍍𑌨𑌿𑌰𑍍-𑌹॒𑌵𑍍𑌯𑌾 𑌨𑍍𑌯॑𑌕𑍍𑌰𑌮𑍀𑌤𑍍 ।
𑌦𑌧॒-𑌦𑍍𑌰𑌤𑍍𑌨𑌾॑𑌨𑌿 𑌦𑌾॒𑌶𑍁𑌷𑍇᳚ ॥ 12 ॥
(𑌅॒𑌗𑍍𑌨𑌿𑌰𑍍-𑌹𑍋𑌤𑌾॑ 𑌨𑍋॒ 𑌨𑌵॑) (𑌅. 4)

𑌅𑌨𑍁𑌵𑌾𑌕𑌂 5 - 𑌮𑍈𑌤𑍍𑌰𑌾𑌵𑌰𑍁𑌣𑌪𑍍𑌰𑍈𑌷𑌃
𑌅𑌜𑍈॑𑌦॒𑌗𑍍𑌨𑌿𑌃 । 𑌅𑌸॑𑌨॒𑌦𑍍𑌵𑌾𑌜॒-𑌨𑍍𑌨𑌿 । 𑌦𑍇॒𑌵𑍋 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌾-𑌽𑌵𑌾᳚𑌟𑍍 । 𑌪𑍍𑌰𑌾𑌞𑍍𑌜𑍋॑𑌭𑌿𑌰𑍍-𑌹𑌿𑌨𑍍𑌵𑌾॒𑌨𑌃 ।
𑌧𑍇𑌨𑌾॑𑌭𑌿𑌃॒ 𑌕𑌲𑍍𑌪॑𑌮𑌾𑌨𑌃 । 𑌯॒𑌜𑍍𑌞𑌸𑍍𑌯𑌾𑌯𑍁𑌃॑ 𑌪𑍍𑌰𑌤𑌿॒𑌰𑌨𑍍𑌨𑍍 ।
𑌉𑌪॒ 𑌪𑍍𑌰𑍇𑌷𑍍𑌯॑ 𑌹𑍋𑌤𑌃 । 𑌹॒𑌵𑍍𑌯𑌾 𑌦𑍇॒𑌵𑍇𑌭𑍍𑌯𑌃॑ ॥ 13 ॥
(𑌅𑌜𑍈॑𑌦॒𑌷𑍍𑌟𑍌) (𑌅. 5)

𑌅𑌨𑍁𑌵𑌾𑌕𑌂 6 - 𑌹𑍋𑌤𑍁𑌰𑌧𑍍𑌰𑌿𑌗𑍁𑌪𑍍𑌰𑍈𑌷𑌃
𑌦𑍈𑌵𑍍𑌯𑌾᳚-𑌶𑍍𑌶𑌮𑌿𑌤𑌾𑌰 𑌉॒𑌤 𑌮॑𑌨𑍁𑌷𑍍𑌯𑌾॒ 𑌆𑌰॑𑌭𑌦𑍍𑌧𑍍𑌵𑌮𑍍 । 𑌉𑌪॑ 𑌨𑌯𑌤॒ 𑌮𑍇𑌦𑍍𑌧𑍍𑌯𑌾॒ 𑌦𑍁𑌰𑌃॑ । 𑌆॒𑌶𑌾𑌸𑌾॑𑌨𑌾॒ 𑌮𑍇𑌧॑𑌪𑌤𑌿𑌭𑍍𑌯𑌾॒-𑌮𑍍𑌮𑍇𑌧᳚𑌮𑍍 । 𑌪𑍍𑌰𑌾𑌸𑍍𑌮𑌾॑ 𑌅॒𑌗𑍍𑌨𑌿-𑌮𑍍𑌭॑𑌰𑌤 । 𑌸𑍍𑌤𑍃॒𑌣𑍀॒𑌤 𑌬॒𑌰𑍍॒𑌹𑌿𑌃 । 𑌅𑌨𑍍𑌵𑍇॑𑌨-𑌮𑍍𑌮𑌾॒𑌤𑌾 𑌮॑𑌨𑍍𑌯𑌤𑌾𑌮𑍍 । 𑌅𑌨𑍁॑ 𑌪𑌿॒𑌤𑌾 ।
𑌅𑌨𑍁॒ 𑌭𑍍𑌰𑌾𑌤𑌾॒ 𑌸𑌗॑𑌰𑍍𑌭𑍍𑌯𑌃 । 𑌅𑌨𑍁॒ 𑌸𑌖𑌾॒ 𑌸𑌯𑍂᳚𑌥𑍍𑌯𑌃 ॥
𑌉॒𑌦𑍀॒𑌚𑍀𑌨𑌾𑌗𑍍​𑌮𑍍॑ 𑌅𑌸𑍍𑌯 𑌪॒𑌦𑍋 𑌨𑌿𑌧॑𑌤𑍍𑌤𑌾𑌤𑍍 ॥ 14 ॥

𑌸𑍂𑌰𑍍𑌯॒-𑌞𑍍𑌚𑌕𑍍𑌷𑍁॑𑌰𑍍𑌗𑌮𑌯𑌤𑌾𑌤𑍍 । 𑌵𑌾𑌤॑-𑌮𑍍𑌪𑍍𑌰𑌾॒𑌣𑌮॒𑌨𑍍𑌵-𑌵॑𑌸𑍃𑌜𑌤𑌾𑌤𑍍 । 𑌦𑌿𑌶॒-𑌶𑍍𑌶𑍍𑌰𑍋𑌤𑍍𑌰᳚𑌮𑍍 । 𑌅॒𑌨𑍍𑌤𑌰𑌿॑𑌕𑍍𑌷॒𑌮𑌸𑍁᳚𑌮𑍍 । 𑌪𑍃॒𑌥𑌿॒𑌵𑍀𑌗𑍍​𑌮𑍍 𑌶𑌰𑍀॑𑌰𑌮𑍍 । 𑌏॒𑌕॒𑌧𑌾-𑌽𑌸𑍍𑌯॒ 𑌤𑍍𑌵𑌚॒𑌮𑌾𑌚𑍍𑌛𑍍𑌯॑𑌤𑌾𑌤𑍍 । 𑌪𑍁॒𑌰𑌾 𑌨𑌾𑌭𑍍𑌯𑌾॑ 𑌅𑌪𑌿॒𑌶𑌸𑍋॑ 𑌵॒𑌪𑌾𑌮𑍁𑌤𑍍𑌖𑌿॑𑌦𑌤𑌾𑌤𑍍 । 𑌅॒𑌨𑍍𑌤𑌰𑍇॒𑌵𑍋𑌷𑍍𑌮𑌾𑌣𑌂॑-𑌵𑌾𑌁𑌰𑌯𑌤𑌾𑌤𑍍 । 𑌶𑍍𑌯𑍇॒𑌨𑌮॑𑌸𑍍𑌯॒ 𑌵𑌕𑍍𑌷𑌃॑ 𑌕𑍃𑌣𑍁𑌤𑌾𑌤𑍍 । 𑌪𑍍𑌰॒𑌶𑌸𑌾॑ 𑌬𑌾॒𑌹𑍂 ॥ 15 ॥

𑌶॒𑌲𑌾 𑌦𑍋॒𑌷𑌣𑍀᳚ । 𑌕॒𑌶𑍍𑌯𑌪𑍇॒𑌵𑌾𑌗𑍍​𑌮𑍍𑌸𑌾᳚ । 𑌅𑌚𑍍𑌛𑌿॑𑌦𑍍𑌰𑍇॒ 𑌶𑍍𑌰𑍋𑌣𑍀᳚ ।
𑌕॒𑌵𑌷𑍋॒𑌰𑍂 𑌸𑍍𑌰𑍇॒𑌕𑌪॑𑌰𑍍𑌣𑌾-𑌽𑌷𑍍𑌠𑍀॒𑌵𑌨𑍍𑌤𑌾᳚ । 𑌷𑌡𑍍𑌵𑌿𑌗𑍍​𑌮𑍍॑𑌶𑌤𑌿𑌰𑌸𑍍𑌯॒ 𑌵𑌙𑍍𑌕𑍍𑌰॑𑌯𑌃 ।
𑌤𑌾 𑌅॑𑌨𑍁॒𑌷𑍍𑌠𑍍𑌯𑍋𑌚𑍍𑌚𑍍𑌯𑌾॑𑌵𑌯𑌤𑌾𑌤𑍍 । 𑌗𑌾𑌤𑍍𑌰॑-𑌙𑍍𑌗𑌾𑌤𑍍𑌰𑌮॒𑌸𑍍𑌯𑌾𑌨𑍂॑𑌨-𑌙𑍍𑌕𑍃𑌣𑍁𑌤𑌾𑌤𑍍 । 𑌊॒𑌵॒𑌦𑍍𑌧𑍍𑌯॒𑌗𑍋॒𑌹-𑌮𑍍𑌪𑌾𑌰𑍍𑌥𑌿॑𑌵-𑌙𑍍𑌖𑌨𑌤𑌾𑌤𑍍 । 𑌅॒𑌸𑍍𑌨𑌾 𑌰𑌕𑍍𑌷॒-𑌸𑍍𑌸𑌗𑍍​𑌮𑍍𑌸𑍃॑𑌜𑌤𑌾𑌤𑍍 ।
𑌵॒𑌨𑌿॒𑌷𑍍𑌠𑍁𑌮॑𑌸𑍍𑌯॒ 𑌮𑌾 𑌰𑌾॑𑌵𑌿𑌷𑍍𑌟 ॥ 16 ॥

𑌉𑌰𑍂॑𑌕॒-𑌮𑍍𑌮𑌨𑍍𑌯॑𑌮𑌾𑌨𑌾𑌃 ॥ 𑌨𑍇𑌦𑍍𑌵॑𑌸𑍍𑌤𑍋॒𑌕𑍇 𑌤𑌨॑𑌯𑍇 । 𑌰𑌵𑌿॑𑌤𑌾॒ 𑌰𑌵॑𑌚𑍍𑌛𑌮𑌿𑌤𑌾𑌰𑌃 । 𑌅𑌦𑍍𑌧𑍍𑌰𑌿॑𑌗𑍋 𑌶𑌮𑍀॒𑌦𑍍𑌧𑍍𑌵𑌮𑍍 । 𑌸𑍁॒𑌶𑌮𑌿॑ 𑌶𑌮𑍀𑌦𑍍𑌧𑍍𑌵𑌮𑍍 । 𑌶॒𑌮𑍀॒𑌦𑍍𑌧𑍍𑌵-𑌮॑𑌦𑍍𑌧𑍍𑌰𑌿𑌗𑍋 ॥
𑌅𑌦𑍍𑌧𑍍𑌰𑌿॑𑌗𑍁॒𑌶𑍍𑌚𑌾𑌪𑌾॑𑌪𑌶𑍍𑌚 । 𑌉॒𑌭𑍌 𑌦𑍇॒𑌵𑌾𑌨𑌾𑌗𑍍​𑌮𑍍॑ 𑌶𑌮𑌿॒𑌤𑌾𑌰𑍌᳚ । 𑌤𑌾𑌵𑌿॒𑌮-𑌮𑍍𑌪॒𑌶𑍁𑌗𑍍𑌗𑍍​ 𑌶𑍍𑌰॑𑌪𑌯𑌤𑌾-𑌮𑍍𑌪𑍍𑌰𑌵𑌿॒𑌦𑍍𑌵𑌾𑌗𑍍​𑌮𑍍𑌸𑍌᳚ ।
𑌯𑌥𑌾॑ 𑌯𑌥𑌾-𑌽𑌸𑍍𑌯॒ 𑌶𑍍𑌰𑌪॑𑌣॒-𑌨𑍍𑌤𑌥𑌾॑𑌤𑌥𑌾 ॥ 1𑍭 ॥
[𑌧॒𑌤𑍍𑌤𑌾॒-𑌦𑍍- 𑌬𑌾॒𑌹𑍂 - 𑌮𑌾 𑌰𑌾॑𑌵𑌿𑌷𑍍𑌟॒ - 𑌤𑌥𑌾॑𑌤𑌥𑌾 ] (𑌅. 6)

𑌅𑌨𑍁𑌵𑌾𑌕𑌂 𑍭 - 𑌸𑍍𑌤𑍋𑌕𑌵𑌿𑌷𑌯-𑌮𑍍𑌮𑍈𑌤𑍍𑌰𑌾𑌵𑌰𑍁𑌣𑌾𑌨𑍁𑌵𑌚𑌨𑌮𑍍
𑌜𑍁॒𑌷𑌸𑍍𑌵॑ 𑌸॒𑌪𑍍𑌰𑌥॑𑌸𑍍𑌤𑌮𑌮𑍍 । 𑌵𑌚𑍋॑ 𑌦𑍇॒𑌵𑌫𑍍𑌸॑𑌰𑌸𑍍𑌤𑌮𑌮𑍍 ।
𑌹॒𑌵𑍍𑌯𑌾 𑌜𑍁𑌹𑍍𑌵𑌾॑𑌨 𑌆॒𑌸𑌨𑌿॑ ॥ 𑌇॒𑌮-𑌨𑍍𑌨𑍋॑ 𑌯॒𑌜𑍍𑌞𑌮॒𑌮𑍃𑌤𑍇॑𑌷𑍁 𑌧𑍇𑌹𑌿 । 𑌇॒𑌮𑌾 𑌹॒𑌵𑍍𑌯𑌾 𑌜𑌾॑𑌤𑌵𑍇𑌦𑍋 𑌜𑍁𑌷𑌸𑍍𑌵 । 𑌸𑍍𑌤𑍋॒𑌕𑌾𑌨𑌾॑𑌮𑌗𑍍𑌨𑍇॒ 𑌮𑍇𑌦॑𑌸𑍋 𑌘𑍃॒𑌤𑌸𑍍𑌯॑ । 𑌹𑍋𑌤𑌃॒ 𑌪𑍍𑌰𑌾𑌶𑌾॑𑌨 𑌪𑍍𑌰𑌥॒𑌮𑍋 𑌨𑌿॒𑌷𑌦𑍍𑌯॑ ॥ 𑌘𑍃॒𑌤𑌵॑𑌨𑍍𑌤𑌃 𑌪𑌾𑌵𑌕 𑌤𑍇 ।
𑌸𑍍𑌤𑍋॒𑌕𑌾𑌸𑍍𑌶𑍍𑌚𑍋॑𑌤𑌨𑍍𑌤𑌿॒ 𑌮𑍇𑌦॑𑌸𑌃 । 𑌸𑍍𑌵𑌧॑𑌰𑍍𑌮-𑌨𑍍𑌦𑍇॒𑌵𑌵𑍀॑𑌤𑌯𑍇 ॥ 1𑍮 ॥

𑌶𑍍𑌰𑍇𑌷𑍍𑌠॑-𑌨𑍍𑌨𑍋 𑌧𑍇𑌹𑌿॒ 𑌵𑌾𑌰𑍍𑌯᳚𑌮𑍍 ॥ 𑌤𑍁𑌭𑍍𑌯𑌗𑍍𑌗𑍍॑ 𑌸𑍍𑌤𑍋॒𑌕𑌾 𑌘𑍃॑𑌤॒𑌶𑍍𑌚𑍁𑌤𑌃॑ । 𑌅𑌗𑍍𑌨𑍇॒ 𑌵𑌿𑌪𑍍𑌰𑌾॑𑌯 𑌸𑌨𑍍𑌤𑍍𑌯 । 𑌋𑌷𑌿॒-𑌶𑍍𑌶𑍍𑌰𑍇𑌷𑍍𑌠॒-𑌸𑍍𑌸𑌮𑌿॑𑌦𑍍𑌧𑍍𑌯𑌸𑍇 । 𑌯॒𑌜𑍍𑌞𑌸𑍍𑌯॑ 𑌪𑍍𑌰𑌾𑌵𑌿॒𑌤𑌾 𑌭॑𑌵 ॥
𑌤𑍁𑌭𑍍𑌯𑌗𑍍𑌗𑍍॑ 𑌶𑍍𑌚𑍋𑌤𑌨𑍍𑌤𑍍𑌯𑌦𑍍𑌧𑍍𑌰𑌿𑌗𑍋 𑌶𑌚𑍀𑌵𑌃 । 𑌸𑍍𑌤𑍋॒𑌕𑌾𑌸𑍋॑ 𑌅𑌗𑍍𑌨𑍇॒ 𑌮𑍇𑌦॑𑌸𑍋 𑌘𑍃॒𑌤𑌸𑍍𑌯॑ । 𑌕॒𑌵𑌿॒𑌶॒𑌸𑍍𑌤𑍋 𑌬𑍃॑𑌹॒𑌤𑌾 𑌭𑌾॒𑌨𑍁𑌨𑌾-𑌽𑌽𑌗𑌾𑌃᳚ । 𑌹॒𑌵𑍍𑌯𑌾 𑌜𑍁॑𑌷𑌸𑍍𑌵 𑌮𑍇𑌧𑌿𑌰 ॥
𑌓𑌜𑌿॑𑌷𑍍𑌠-𑌨𑍍𑌤𑍇 𑌮𑌦𑍍𑌧𑍍𑌯॒𑌤𑍋 𑌮𑍇𑌦॒ 𑌉𑌦𑍍𑌭𑍃॑𑌤𑌮𑍍 । 𑌪𑍍𑌰𑌤𑍇॑ 𑌵॒𑌯-𑌨𑍍𑌦॑𑌦𑌾𑌮𑌹𑍇 । 𑌶𑍍𑌚𑍋𑌤॑𑌨𑍍𑌤𑌿 𑌤𑍇 𑌵𑌸𑍋 𑌸𑍍𑌤𑍋॒𑌕𑌾 𑌅𑌧𑌿॑ 𑌤𑍍𑌵॒𑌚𑌿 ।
𑌪𑍍𑌰𑌤𑌿॒ 𑌤𑌾𑌨𑍍𑌦𑍇॑𑌵॒𑌶𑍋 𑌵𑌿॑𑌹𑌿 ॥ 1𑍯 ॥
(𑌦𑍇॒𑌵𑌵𑍀॑𑌤𑌯॒-𑌉𑌦𑍍𑌭𑍃॑𑌤॒-𑌨𑍍𑌤𑍍𑌰𑍀𑌣𑌿॑ 𑌚) (𑌅. 𑍭)

𑌅𑌨𑍁𑌵𑌾𑌕𑌂 𑍮 - 𑌵𑌪𑌾 𑌪𑍁𑌰𑍋𑌡𑌾𑌶𑌸𑍍𑌵𑌿𑌷𑍍𑌟𑌕𑍃𑌤𑌾-𑌮𑍍𑌪𑍁𑌰𑍋𑌨𑍁𑌵𑌾𑌕𑍍𑌯𑌾𑌃 𑌪𑍍𑌰𑍈𑌷𑌾𑌶𑍍𑌚
𑌆 𑌵𑍃॑𑌤𑍍𑌰𑌹𑌣𑌾 𑌵𑍃𑌤𑍍𑌰॒𑌹𑌭𑌿॒-𑌶𑍍𑌶𑍁𑌷𑍍𑌮𑍈𑌃᳚ । 𑌇𑌨𑍍𑌦𑍍𑌰॑ 𑌯𑌾॒𑌤-𑌨𑍍𑌨𑌮𑍋॑𑌭𑌿𑌰𑌗𑍍𑌨𑍇 𑌅॒𑌰𑍍𑌵𑌾𑌕𑍍 । 𑌯𑍁॒𑌵𑌗𑍍​𑌮𑍍 𑌰𑌾𑌧𑍋॑𑌭𑌿॒𑌰𑌕॑𑌵𑍇𑌭𑌿𑌰𑌿𑌨𑍍𑌦𑍍𑌰 । 𑌅𑌗𑍍𑌨𑍇॑ 𑌅॒𑌸𑍍𑌮𑍇 𑌭॑𑌵𑌤𑌮𑍁𑌤𑍍𑌤॒𑌮𑍇𑌭𑌿𑌃॑ ॥ 𑌹𑍋𑌤𑌾॑ 𑌯𑌕𑍍𑌷𑌦𑌿𑌨𑍍𑌦𑍍𑌰𑌾॒𑌗𑍍𑌨𑍀 । 𑌛𑌾𑌗॑𑌸𑍍𑌯 𑌵॒𑌪𑌾𑌯𑌾॒ 𑌮𑍇𑌦॑𑌸𑌃 । 𑌜𑍁॒𑌷𑍇𑌤𑌾𑌗𑍍​𑌮𑍍॑ 𑌹॒𑌵𑌿𑌃 । 𑌹𑍋𑌤॒𑌰𑍍𑌯𑌜॑ ॥ 𑌵𑌿 𑌹𑍍𑌯𑌖𑍍𑌯॒-𑌨𑍍𑌮𑌨॑𑌸𑌾॒ 𑌵𑌸𑍍𑌯॑ 𑌇॒𑌚𑍍𑌛𑌨𑍍𑌨𑍍 । 𑌇𑌨𑍍𑌦𑍍𑌰𑌾᳚𑌗𑍍𑌨𑍀 𑌜𑍍𑌞𑌾॒𑌸 𑌉॒𑌤 𑌵𑌾॑ 𑌸𑌜𑌾॒𑌤𑌾𑌨𑍍 ॥ 20 ॥

𑌨𑌾𑌨𑍍𑌯𑌾 𑌯𑍁॒𑌵𑌤𑍍𑌪𑍍𑌰𑌮॑𑌤𑌿𑌰𑌸𑍍𑌤𑌿॒ 𑌮𑌹𑍍𑌯᳚𑌮𑍍 । 𑌸 𑌵𑌾॒-𑌨𑍍𑌧𑌿𑌯𑌂॑-𑌵𑌾𑌁𑌜॒𑌯𑌨𑍍𑌤𑍀॑𑌮𑌤𑌕𑍍𑌷𑌮𑍍 ॥ 𑌹𑍋𑌤𑌾॑ 𑌯𑌕𑍍𑌷𑌦𑌿𑌨𑍍𑌦𑍍𑌰𑌾॒𑌗𑍍𑌨𑍀 । 𑌪𑍁॒𑌰𑍋॒𑌡𑌾𑌶॑𑌸𑍍𑌯 𑌜𑍁॒𑌷𑍇𑌤𑌾𑌗𑍍​𑌮𑍍॑ 𑌹॒𑌵𑌿𑌃 । 𑌹𑍋𑌤॒𑌰𑍍𑌯𑌜॑ ॥
𑌤𑍍𑌵𑌾𑌮𑍀॑𑌡𑌤𑍇 𑌅𑌜𑌿॒𑌰-𑌨𑍍𑌦𑍂॒𑌤𑍍𑌯𑌾॑𑌯 । 𑌹॒𑌵𑌿𑌷𑍍𑌮॑𑌨𑍍𑌤॒-𑌸𑍍𑌸𑌦॒𑌮𑌿-𑌨𑍍𑌮𑌾𑌨𑍁॑𑌷𑌾𑌸𑌃 । 𑌯𑌸𑍍𑌯॑ 𑌦𑍇॒𑌵𑍈𑌰𑌾𑌸॑𑌦𑍋 𑌬॒𑌰𑍍॒𑌹𑌿𑌰॑𑌗𑍍𑌨𑍇 । 𑌅𑌹𑌾᳚𑌨𑍍𑌯𑌸𑍍𑌮𑍈 𑌸𑍁॒𑌦𑌿𑌨𑌾॑ 𑌭𑌵𑌨𑍍𑌤𑍁 ॥ 𑌹𑍋𑌤𑌾॑ 𑌯𑌕𑍍𑌷𑌦॒𑌗𑍍𑌨𑌿𑌮𑍍 । 𑌪𑍁॒𑌰𑍋॒𑌡𑌾𑌶॑𑌸𑍍𑌯 𑌜𑍁॒𑌷𑌤𑌾𑌗𑍍​𑌮𑍍॑ 𑌹॒𑌵𑌿𑌃 ।
𑌹𑍋𑌤॒𑌰𑍍𑌯𑌜॑ ॥ 21 ॥
(𑌸॒𑌜𑌾॒𑌤𑌾 - 𑌨॒𑌗𑍍𑌨𑌿-𑌨𑍍𑌦𑍍𑌵𑍇 𑌚॑) (𑌅. 𑍮)

𑌅𑌨𑍁𑌵𑌾𑌕𑌂 𑍯 - 𑌤𑍇𑌷𑌾𑌮𑍇𑌵 𑌯𑌾𑌜𑍍𑌯𑌾𑌃
𑌗𑍀॒𑌰𑍍𑌭𑌿𑌰𑍍𑌵𑌿𑌪𑍍𑌰𑌃॒ 𑌪𑍍𑌰𑌮॑𑌤𑌿𑌮𑌿॒𑌚𑍍𑌛𑌮𑌾॑𑌨𑌃 । 𑌈॒॑ 𑌰॒𑌯𑌿𑌂-𑌯𑌁॒𑌶𑌸॑-𑌮𑍍𑌪𑍂𑌰𑍍𑌵॒𑌭𑌾𑌜᳚𑌮𑍍 । 𑌇𑌨𑍍𑌦𑍍𑌰𑌾᳚𑌗𑍍𑌨𑍀 𑌵𑍃𑌤𑍍𑌰𑌹𑌣𑌾 𑌸𑍁𑌵𑌜𑍍𑌰𑌾 । 𑌪𑍍𑌰𑌣𑍋॒ 𑌨𑌵𑍍𑌯𑍇॑𑌭𑌿𑌸𑍍𑌤𑌿𑌰𑌤-𑌨𑍍𑌦𑍇॒𑌷𑍍𑌣𑍈𑌃 ॥ 𑌮𑌾𑌚𑍍𑌛𑍇᳚𑌦𑍍𑌮 𑌰॒𑌶𑍍𑌮𑍀𑌗𑍍​𑌮𑍍𑌰𑌿𑌤𑌿॒ 𑌨𑌾𑌧॑𑌮𑌾𑌨𑌾𑌃 । 𑌪𑌿॒𑌤𑍃॒𑌣𑌾𑌗𑍍​𑌮𑍍 𑌶𑌕𑍍𑌤𑍀॑𑌰𑌨𑍁॒ 𑌯𑌚𑍍𑌛॑𑌮𑌾𑌨𑌾𑌃 । 𑌇॒𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾॒-𑌙𑍍𑌕𑌂-𑌵𑍃𑌁𑌷॑𑌣𑍋 𑌮𑌦𑌨𑍍𑌤𑌿 । 𑌤𑌾 𑌹𑍍𑌯𑌦𑍍𑌰𑍀॑ 𑌧𑌿॒𑌷𑌣𑌾॑𑌯𑌾 𑌉॒𑌪𑌸𑍍𑌥𑍇᳚ ॥
𑌅॒𑌗𑍍𑌨𑌿𑌗𑍍​𑌮𑍍 𑌸𑍁॑𑌦𑍀॒𑌤𑌿𑌗𑍍​𑌮𑍍 𑌸𑍁॒𑌦𑍃𑌶॑-𑌙𑍍𑌗𑍃॒𑌣𑌨𑍍𑌤𑌃॑ ।
𑌨॒𑌮॒𑌸𑍍𑌯𑌾𑌮॒𑌸𑍍𑌤𑍍𑌵𑍇𑌡𑍍𑌯॑-𑌞𑍍𑌜𑌾𑌤𑌵𑍇𑌦𑌃 ।
𑌤𑍍𑌵𑌾-𑌨𑍍𑌦𑍂॒𑌤𑌮॑𑌰॒𑌤𑌿𑌗𑍍​𑌮𑍍 𑌹॑𑌵𑍍𑌯॒𑌵𑌾𑌹᳚𑌮𑍍 ।
𑌦𑍇॒𑌵𑌾 𑌅॑𑌕𑍃𑌣𑍍𑌵-𑌨𑍍𑌨॒𑌮𑍃𑌤॑𑌸𑍍𑌯॒ 𑌨𑌾𑌭𑌿᳚𑌮𑍍 ॥ 22 ॥
(𑌜𑌾॒𑌤॒𑌵𑍇॒𑌦𑍋॒ 𑌦𑍍𑌵𑍇 𑌚॑) (𑌅. 𑍯)

𑌅𑌨𑍁𑌵𑌾𑌕𑌂 10 - 𑌮𑌨𑍋𑌤𑌾𑌸𑍂𑌕𑍍𑌤𑌮𑍍
𑌤𑍍𑌵𑌗𑍍𑌗𑍍​ 𑌹𑍍𑌯॑𑌗𑍍𑌨𑍇 𑌪𑍍𑌰𑌥॒𑌮𑍋 𑌮॒𑌨𑍋𑌤𑌾᳚ । 𑌅॒𑌸𑍍𑌯𑌾 𑌧𑌿॒𑌯𑍋 𑌅𑌭॑𑌵𑍋 𑌦𑌸𑍍𑌮॒ 𑌹𑍋𑌤𑌾᳚ । 𑌤𑍍𑌵𑌗𑍍​𑌮𑍍 𑌸𑍀𑌂᳚-𑌵𑍃𑌁𑌷-𑌨𑍍𑌨𑌕𑍃𑌣𑍋-𑌰𑍍𑌦𑍁॒𑌷𑍍𑌟𑌰𑍀॑𑌤𑍁 । 𑌸𑌹𑍋॒ 𑌵𑌿𑌶𑍍𑌵॑𑌸𑍍𑌮𑍈॒ 𑌸𑌹॑𑌸𑍇॒ 𑌸𑌹॑𑌦𑍍𑌧𑍍𑌯𑍈 ॥ 𑌅𑌧𑌾॒ 𑌹𑍋𑌤𑌾॒ 𑌨𑍍𑌯॑𑌸𑍀𑌦𑍋॒ 𑌯𑌜𑍀॑𑌯𑌾𑌨𑍍 । 𑌇॒𑌡𑌸𑍍𑌪॒𑌦 𑌇॒𑌷𑌯॒𑌨𑍍𑌨𑍀𑌡𑍍𑌯॒-𑌸𑍍𑌸𑌨𑍍𑌨𑍍 । 𑌤-𑌨𑍍𑌤𑍍𑌵𑌾॒ 𑌨𑌰𑌃॑ 𑌪𑍍𑌰𑌥॒𑌮-𑌨𑍍𑌦𑍇॑𑌵॒𑌯𑌨𑍍𑌤𑌃॑ । 𑌮॒𑌹𑍋 𑌰𑌾॒𑌯𑍇 𑌚𑌿॒𑌤𑌯॑𑌨𑍍𑌤𑍋॒ 𑌅𑌨𑍁॑ 𑌗𑍍𑌮𑌨𑍍𑌨𑍍 ॥ 𑌵𑍃॒𑌤𑍇𑌵॒ 𑌯𑌨𑍍𑌤॑-𑌮𑍍𑌬॒𑌹𑍁𑌭𑌿॑-𑌰𑍍𑌵𑌸॒𑌵𑍍𑌯𑍈𑌃᳚ ।
𑌤𑍍𑌵𑍇 𑌰॒𑌯𑌿-𑌞𑍍𑌜𑌾॑𑌗𑍃॒𑌵𑌾𑌗𑍍​𑌮𑍍𑌸𑍋॒ 𑌅𑌨𑍁॑ 𑌗𑍍𑌮𑌨𑍍𑌨𑍍 ॥ 23 ॥

𑌰𑍁𑌶॑𑌨𑍍𑌤𑌮॒𑌗𑍍𑌨𑌿-𑌨𑍍𑌦॑𑌰𑍍​𑌶॒𑌤-𑌮𑍍𑌬𑍃॒𑌹𑌨𑍍𑌤᳚𑌮𑍍 । 𑌵॒𑌪𑌾𑌵॑𑌨𑍍𑌤𑌂-𑌵𑌿𑌁॒𑌶𑍍𑌵𑌹𑌾॑ 𑌦𑍀𑌦𑌿॒𑌵𑌾𑌗𑍍​𑌮𑍍𑌸᳚𑌮𑍍 ॥ 𑌪॒𑌦-𑌨𑍍𑌦𑍇॒𑌵𑌸𑍍𑌯॒ 𑌨𑌮॑𑌸𑌾 𑌵𑌿॒𑌯𑌨𑍍𑌤𑌃॑ । 𑌶𑍍𑌰॒𑌵॒𑌸𑍍𑌯𑌵॒-𑌶𑍍𑌶𑍍𑌰𑌵॑ 𑌆𑌪॒𑌨𑍍𑌨𑌮𑍃॑𑌕𑍍𑌤𑌮𑍍 ।
𑌨𑌾𑌮𑌾॑𑌨𑌿 𑌚𑌿-𑌦𑍍𑌦𑌧𑌿𑌰𑍇 𑌯॒𑌜𑍍𑌞𑌿𑌯𑌾॑𑌨𑌿 । 𑌭॒𑌦𑍍𑌰𑌾𑌯𑌾᳚-𑌨𑍍𑌤𑍇 𑌰𑌣𑌯𑌨𑍍𑌤॒ 𑌸𑌨𑍍𑌦𑍃॑𑌷𑍍𑌟𑍌 ॥ 𑌤𑍍𑌵𑌾𑌂-𑌵𑌁॑𑌰𑍍𑌧𑌨𑍍𑌤𑌿 𑌕𑍍𑌷𑌿॒𑌤𑌯𑌃॑ 𑌪𑍃𑌥𑌿॒𑌵𑍍𑌯𑌾𑌮𑍍 । 𑌤𑍍𑌵𑌗𑍍​𑌮𑍍 𑌰𑌾𑌯॑ 𑌉॒𑌭𑌯𑌾॑𑌸𑍋॒ 𑌜𑌨𑌾॑𑌨𑌾𑌮𑍍 ।
𑌤𑍍𑌵-𑌨𑍍𑌤𑍍𑌰𑌾॒𑌤𑌾 𑌤॑𑌰𑌣𑍇॒ 𑌚𑍇𑌤𑍍𑌯𑍋॑ 𑌭𑍂𑌃 ।
𑌪𑌿॒𑌤𑌾 𑌮𑌾॒𑌤𑌾 𑌸𑌦॒𑌮𑌿-𑌨𑍍𑌮𑌾𑌨𑍁॑𑌷𑌾𑌣𑌾𑌮𑍍 ॥ 24 ॥

𑌸 𑌪॒𑌰𑍍𑌯𑍇𑌣𑍍𑌯॒-𑌸𑍍𑌸 𑌪𑍍𑌰𑌿॒𑌯𑍋 𑌵𑌿॒𑌕𑍍𑌷𑍍𑌵॑𑌗𑍍𑌨𑌿𑌃 । 𑌹𑍋𑌤𑌾॑ 𑌮॒𑌨𑍍𑌦𑍍𑌰𑍋 𑌨𑌿𑌷॑𑌸𑌾𑌦𑌾॒ 𑌯𑌜𑍀॑𑌯𑌾𑌨𑍍 । 𑌤-𑌨𑍍𑌤𑍍𑌵𑌾॑ 𑌵॒𑌯-𑌨𑍍𑌦𑌮॒ 𑌆 𑌦𑍀॑𑌦𑌿॒𑌵𑌾𑌗𑍍​𑌮𑍍𑌸᳚𑌮𑍍 । 𑌉𑌪॑𑌜𑍍𑌞𑍁॒𑌬𑌾𑌧𑍋॒ 𑌨𑌮॑𑌸𑌾 𑌸𑌦𑍇𑌮 ॥
𑌤-𑌨𑍍𑌤𑍍𑌵𑌾॑ 𑌵॒𑌯𑌗𑍍​𑌮𑍍 𑌸𑍁॒𑌧𑌿𑌯𑍋॒ 𑌨𑌵𑍍𑌯॑𑌮𑌗𑍍𑌨𑍇 । 𑌸𑍁॒𑌮𑍍𑌨𑌾॒𑌯𑌵॑ 𑌈𑌮𑌹𑍇 𑌦𑍇𑌵॒𑌯𑌨𑍍𑌤𑌃॑ । 𑌤𑍍𑌵𑌂-𑌵𑌿𑌁𑌶𑍋॑ 𑌅𑌨𑌯𑍋॒ 𑌦𑍀𑌦𑍍𑌯𑌾॑𑌨𑌃 । 𑌦𑌿॒𑌵𑍋 𑌅॑𑌗𑍍𑌨𑍇 𑌬𑍃𑌹॒𑌤𑌾 𑌰𑍋॑𑌚॒𑌨𑍇𑌨॑ ॥
𑌵𑌿॒𑌶𑌾-𑌙𑍍𑌕॒𑌵𑌿𑌂-𑌵𑌿𑌁॒𑌶𑍍𑌪𑌤𑌿॒𑌗𑍍​𑌮𑍍॒ 𑌶𑌶𑍍𑌵॑𑌤𑍀𑌨𑌾𑌮𑍍 ।
𑌨𑌿॒𑌤𑍋𑌶॑𑌨𑌂-𑌵𑍃𑌁𑌷॒𑌭-𑌞𑍍𑌚॑𑌰𑍍​𑌷𑌣𑍀॒𑌨𑌾𑌮𑍍 ॥ 25 ॥

𑌪𑍍𑌰𑍇𑌤𑍀॑𑌷𑌣𑌿𑌮𑌿॒𑌷𑌯॑𑌨𑍍𑌤-𑌮𑍍𑌪𑌾𑌵॒𑌕𑌮𑍍 । 𑌰𑌾𑌜॑𑌨𑍍𑌤𑌮॒𑌗𑍍𑌨𑌿𑌂-𑌯𑌁॑𑌜॒𑌤𑌗𑍍​𑌮𑍍 𑌰॑𑌯𑍀॒𑌣𑌾𑌮𑍍 ॥ 𑌸𑍋 𑌅॑𑌗𑍍𑌨 𑌈𑌜𑍇 𑌶𑌶॒𑌮𑍇 𑌚॒ 𑌮𑌰𑍍𑌤𑌃॑ । 𑌯𑌸𑍍𑌤॒ 𑌆𑌨॑𑌟𑍍-𑌥𑍍𑌸॒𑌮𑌿𑌧𑌾॑ 𑌹॒𑌵𑍍𑌯𑌦𑌾॑𑌤𑌿𑌮𑍍 ।
𑌯 𑌆𑌹𑍁॑𑌤𑌿॒-𑌮𑍍𑌪𑌰𑌿॒ 𑌵𑍇𑌦𑌾॒ 𑌨𑌮𑍋॑𑌭𑌿𑌃 । 𑌵𑌿𑌶𑍍𑌵𑍇𑌥𑍍𑌸 𑌵𑌾॒𑌮𑌾 𑌦॑𑌧𑌤𑍇॒ 𑌤𑍍𑌵𑍋𑌤𑌃॑ ॥ 𑌅॒𑌸𑍍𑌮𑌾 𑌉॑ 𑌤𑍇॒ 𑌮𑌹𑌿॑ 𑌮॒𑌹𑍇 𑌵𑌿॑𑌧𑍇𑌮 । 𑌨𑌮𑍋॑𑌭𑌿𑌰𑌗𑍍𑌨𑍇 𑌸॒𑌮𑌿𑌧𑍋॒𑌤 𑌹॒𑌵𑍍𑌯𑍈𑌃 ।
𑌵𑍇𑌦𑍀॑ 𑌸𑍂𑌨𑍋 𑌸𑌹𑌸𑍋 𑌗𑍀॒𑌰𑍍𑌭𑌿𑌰𑍁॒𑌕𑍍𑌥𑍈𑌃 ।
𑌆 𑌤𑍇॑ 𑌭॒𑌦𑍍𑌰𑌾𑌯𑌾𑌗𑍍​𑌮𑍍॑ 𑌸𑍁𑌮॒𑌤𑍌 𑌯॑𑌤𑍇𑌮 ॥ 26 ॥

𑌆 𑌯𑌸𑍍𑌤॒𑌤𑌨𑍍𑌥॒ 𑌰𑍋𑌦॑𑌸𑍀॒ 𑌵𑌿 𑌭𑌾॒𑌸𑌾 । 𑌶𑍍𑌰𑌵𑍋॑𑌭𑌿𑌶𑍍𑌚 𑌶𑍍𑌰𑌵॒𑌸𑍍𑌯॑𑌸𑍍𑌤𑌰𑍁॑𑌤𑍍𑌰𑌃 । 𑌬𑍃॒𑌹𑌦𑍍𑌭𑌿॒-𑌰𑍍𑌵𑌾𑌜𑍈॒-𑌸𑍍𑌸𑍍𑌥𑌵𑌿॑𑌰𑍇𑌭𑌿𑌰॒𑌸𑍍𑌮𑍇 । 𑌰𑍇॒𑌵𑌦𑍍𑌭𑌿॑𑌰𑌗𑍍𑌨𑍇 𑌵𑌿𑌤॒𑌰𑌂-𑌵𑌿𑌁𑌭𑌾॑𑌹𑌿 ॥
𑌨𑍃॒𑌵𑌦𑍍𑌵॑𑌸𑍋॒ 𑌸𑌦॒𑌮𑌿𑌦𑍍𑌧𑍇᳚𑌹𑍍𑌯॒𑌸𑍍𑌮𑍇 । 𑌭𑍂𑌰𑌿॑ 𑌤𑍋॒𑌕𑌾𑌯॒ 𑌤𑌨॑𑌯𑌾𑌯 𑌪॒𑌰𑍍​𑌶𑍍𑌵𑌃 । 𑌪𑍂॒𑌰𑍍𑌵𑍀𑌰𑌿𑌷𑍋॑ 𑌬𑍃𑌹॒𑌤𑍀𑌰𑌾॒𑌰𑍇 𑌅॑𑌘𑌾𑌃 । 𑌅॒𑌸𑍍𑌮𑍇 𑌭॒𑌦𑍍𑌰𑌾 𑌸𑍌᳚𑌶𑍍𑌰𑌵॒𑌸𑌾𑌨𑌿॑ 𑌸𑌨𑍍𑌤𑍁 ॥
𑌪𑍁॒𑌰𑍂𑌣𑍍𑌯॑𑌗𑍍𑌨𑍇 𑌪𑍁𑌰𑍁॒𑌧𑌾 𑌤𑍍𑌵𑌾॒𑌯𑌾 । 𑌵𑌸𑍂॑𑌨𑌿 𑌰𑌾𑌜𑌨𑍍-𑌵॒𑌸𑍁𑌤𑌾॑𑌤𑍇 𑌅𑌶𑍍𑌯𑌾𑌮𑍍 । 𑌪𑍁॒𑌰𑍂𑌣𑌿॒ 𑌹𑌿 𑌤𑍍𑌵𑍇 𑌪𑍁॑𑌰𑍁𑌵𑌾𑌰॒ 𑌸𑌨𑍍𑌤𑌿॑ ।
𑌅𑌗𑍍𑌨𑍇॒ 𑌵𑌸𑍁॑ 𑌵𑌿𑌧॒𑌤𑍇 𑌰𑌾𑌜॑𑌨𑌿॒ 𑌤𑍍𑌵𑍇 ॥ 2𑍭 ॥
(𑌜𑌾॒𑌗𑍃॒𑌵𑌾𑌗𑍍​𑌮𑍍𑌸𑍋॒ 𑌅𑌨𑍁॑ 𑌗𑍍𑌮॒𑌨𑍍 - 𑌮𑌾𑌨𑍁॑𑌷𑌾𑌣𑌾𑌂 - 𑌚𑌰𑍍​𑌷𑌣𑍀॒𑌨𑌾𑌂 - 𑌁𑌯॑𑌤𑍇 - 𑌮𑌾𑌶𑍍𑌯𑌾॒-𑌨𑍍𑌦𑍍𑌵𑍇 𑌚॑) (𑌅. 10)

𑌅𑌨𑍁𑌵𑌾𑌕𑌂 11 - 𑌹𑌵𑌿𑌰𑍍𑌵𑌨𑌸𑍍𑌪𑌤𑌿𑌸𑍍𑌵𑌿𑌷𑍍𑌟𑌕𑍃𑌤𑌾-𑌮𑍍𑌪𑍁𑌰𑍋𑌨𑍁𑌵𑌾𑌕𑍍𑌯𑌾𑌃 𑌪𑍍𑌰𑍈𑌷𑌾𑌶𑍍𑌚
𑌆 𑌭॑𑌰𑌤𑌗𑍍​𑌮𑍍 𑌶𑌿𑌕𑍍𑌷𑌤𑌂-𑌵𑌁𑌜𑍍𑌰𑌬𑌾𑌹𑍂 ।
𑌅॒𑌸𑍍𑌮𑌾𑌗𑍍​𑌮𑍍 𑌇॑𑌨𑍍𑌦𑍍𑌰𑌾𑌗𑍍𑌨𑍀 𑌅𑌵𑌤॒𑌗𑍍​𑌮𑍍॒ 𑌶𑌚𑍀॑𑌭𑌿𑌃 ।
𑌇॒𑌮𑍇 𑌨𑍁 𑌤𑍇 𑌰॒𑌶𑍍𑌮𑌯॒-𑌸𑍍𑌸𑍂𑌰𑍍𑌯॑𑌸𑍍𑌯 ।
𑌯𑍇𑌭𑌿॑-𑌸𑍍𑌸𑌪𑌿॒𑌤𑍍𑌵-𑌮𑍍𑌪𑌿॒𑌤𑌰𑍋॑ 𑌨॒ 𑌆𑌯𑌨𑍍𑌨𑍍॑ ॥
𑌹𑍋𑌤𑌾॑ 𑌯𑌕𑍍𑌷𑌦𑌿𑌨𑍍𑌦𑍍𑌰𑌾॒𑌗𑍍𑌨𑍀 । 𑌛𑌾𑌗॑𑌸𑍍𑌯 𑌹॒𑌵𑌿𑌷॒ 𑌆𑌤𑍍𑌤𑌾॑𑌮॒𑌦𑍍𑌯 । 𑌮॒𑌦𑍍𑌧𑍍𑌯॒𑌤𑍋 𑌮𑍇𑌦॒ 𑌉𑌦𑍍𑌭𑍃॑𑌤𑌮𑍍 । 𑌪𑍁॒𑌰𑌾 𑌦𑍍𑌵𑍇𑌷𑍋᳚𑌭𑍍𑌯𑌃 । 𑌪𑍁॒𑌰𑌾 𑌪𑍌𑌰𑍁॑𑌷𑍇𑌯𑍍𑌯𑌾 𑌗𑍃॒𑌭𑌃 । 𑌘𑌸𑍍𑌤𑌾᳚𑌨𑍍𑌨𑍂॒𑌨𑌮𑍍 ॥ 2𑍮 ॥

𑌘𑌾॒𑌸𑍇 𑌅॑𑌜𑍍𑌰𑌾𑌣𑌾𑌂॒-𑌯𑌁𑌵॑𑌸𑌪𑍍𑌰𑌥𑌮𑌾𑌨𑌾𑌮𑍍 । 𑌸𑍁॒𑌮𑌤𑍍𑌕𑍍𑌷॑𑌰𑌾𑌣𑌾𑌗𑍍​𑌮𑍍 𑌶॒𑌤𑌰𑍁॑𑌦𑍍𑌰𑌿𑌯𑌾𑌣𑌾𑌮𑍍 ।
𑌅॒𑌗𑍍𑌨𑌿॒𑌷𑍍𑌵𑌾॒𑌤𑍍𑌤𑌾𑌨𑌾॒-𑌮𑍍𑌪𑍀𑌵𑍋॑𑌪𑌵𑌸𑌨𑌾𑌨𑌾𑌮𑍍 ।
𑌪𑌾॒𑌰𑍍​𑌶𑍍𑌵॒𑌤-𑌶𑍍𑌶𑍍𑌰𑍋॑𑌣𑌿॒𑌤-𑌶𑍍𑌶𑌿॑𑌤𑌾𑌮॒𑌤 𑌉॑𑌥𑍍𑌸𑌾𑌦॒𑌤𑌃 । 𑌅𑌙𑍍𑌗𑌾॑𑌦𑌙𑍍𑌗𑌾॒𑌦𑌵॑𑌤𑍍𑌤𑌾𑌨𑌾𑌮𑍍 । 𑌕𑌰॑𑌤 𑌏॒𑌵𑍇𑌨𑍍𑌦𑍍𑌰𑌾॒𑌗𑍍𑌨𑍀 । 𑌜𑍁॒𑌷𑍇𑌤𑌾𑌗𑍍​𑌮𑍍॑ 𑌹॒𑌵𑌿𑌃 । 𑌹𑍋𑌤॒𑌰𑍍𑌯𑌜॑ ॥
𑌦𑍇॒𑌵𑍇𑌭𑍍𑌯𑍋॑ 𑌵𑌨𑌸𑍍𑌪𑌤𑍇 𑌹॒𑌵𑍀𑌗𑍍​𑌮𑍍𑌷𑌿॑ ।
𑌹𑌿𑌰॑𑌣𑍍𑌯𑌪𑌰𑍍𑌣 𑌪𑍍𑌰॒𑌦𑌿𑌵॑𑌸𑍍𑌤𑍇॒ 𑌅𑌰𑍍𑌥᳚𑌮𑍍 ॥ 2𑍯 ॥

𑌪𑍍𑌰॒𑌦॒𑌕𑍍𑌷𑌿॒𑌣𑌿-𑌦𑍍𑌰॑𑌶॒𑌨𑌯𑌾॑ 𑌨𑌿॒𑌯𑍂𑌯॑ । 𑌋॒𑌤𑌸𑍍𑌯॑ 𑌵𑌕𑍍𑌷𑌿 𑌪॒𑌥𑌿𑌭𑍀॒ 𑌰𑌜𑌿॑𑌷𑍍𑌠𑍈𑌃 ॥ 𑌹𑍋𑌤𑌾॑ 𑌯𑌕𑍍𑌷॒-𑌦𑍍𑌵𑌨॒𑌸𑍍𑌪𑌤𑌿॑𑌮॒𑌭𑌿 𑌹𑌿 । 𑌪𑌿॒𑌷𑍍𑌟𑌤॑𑌮𑌯𑌾॒ 𑌰𑌭𑌿॑𑌷𑍍𑌠𑌯𑌾 𑌰𑌶॒𑌨𑌯𑌾-𑌽𑌽𑌧𑌿॑𑌤 ।
𑌯𑌤𑍍𑌰𑍇᳚𑌨𑍍𑌦𑍍𑌰𑌾𑌗𑍍𑌨𑌿॒𑌯𑍋-𑌶𑍍𑌛𑌾𑌗॑𑌸𑍍𑌯 𑌹॒𑌵𑌿𑌷𑌃॑ 𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 ।
𑌯𑌤𑍍𑌰॒ 𑌵𑌨॒𑌸𑍍𑌪𑌤𑍇𑌃᳚ 𑌪𑍍𑌰𑌿॒𑌯𑌾 𑌪𑌾𑌥𑌾𑌗𑍍​𑌮𑍍॑𑌸𑌿 ।
𑌯𑌤𑍍𑌰॑ 𑌦𑍇॒𑌵𑌾𑌨𑌾॑𑌮𑌾𑌜𑍍𑌯॒𑌪𑌾𑌨𑌾᳚-𑌮𑍍𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 । 𑌯𑌤𑍍𑌰𑌾॒𑌗𑍍𑌨𑍇𑌰𑍍-𑌹𑍋𑌤𑍁𑌃॑ 𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 ।
𑌤𑌤𑍍𑌰𑍈॒𑌤-𑌮𑍍𑌪𑍍𑌰॒𑌸𑍍𑌤𑍁-𑌤𑍍𑌯𑍇॑𑌵𑍋-𑌪॒𑌸𑍍𑌤𑍁𑌤𑍍𑌯𑍇॑𑌵𑍋॒𑌪𑌾𑌵॑𑌸𑍍𑌰𑌕𑍍𑌷𑌤𑍍 ।
𑌰𑌭𑍀॑𑌯𑌾𑌗𑍍​𑌮𑍍 𑌸𑌮𑌿𑌵 𑌕𑍃॒𑌤𑍍𑌵𑍀 ॥ 30 ॥

𑌕𑌰॑𑌦𑍇॒𑌵-𑌨𑍍𑌦𑍇॒𑌵𑍋 𑌵𑌨॒𑌸𑍍𑌪𑌤𑌿𑌃॑ । 𑌜𑍁॒𑌷𑌤𑌾𑌗𑍍​𑌮𑍍॑ 𑌹॒𑌵𑌿𑌃 । 𑌹𑍋𑌤॒𑌰𑍍𑌯𑌜॑ ॥ 𑌪𑌿॒𑌪𑍍𑌰𑍀॒𑌹𑌿 𑌦𑍇॒𑌵𑌾𑌗𑍍​𑌮𑍍 𑌉॑𑌶॒𑌤𑍋 𑌯॑𑌵𑌿𑌷𑍍𑌠 । 𑌵𑌿॒𑌦𑍍𑌵𑌾𑌂 𑌋॒𑌤𑍂𑌗𑍍​𑌮𑍍𑌰𑍍-𑌋॑𑌤𑍁𑌪𑌤𑍇 𑌯𑌜𑍇॒𑌹 ।
𑌯𑍇 𑌦𑍈𑌵𑍍𑌯𑌾॑ 𑌋॒𑌤𑍍𑌵𑌿𑌜॒𑌸𑍍𑌤𑍇𑌭𑌿॑𑌰𑌗𑍍𑌨𑍇 ।
𑌤𑍍𑌵𑌗𑍍​𑌮𑍍 𑌹𑍋𑌤𑍄॑𑌣𑌾𑌮॒𑌸𑍍𑌯𑌾𑌯॑𑌜𑌿𑌷𑍍𑌠𑌃 ॥
𑌹𑍋𑌤𑌾॑ 𑌯𑌕𑍍𑌷𑌦॒𑌗𑍍𑌨𑌿𑌗𑍍𑌗𑍍​ 𑌸𑍍𑌵𑌿॑𑌷𑍍𑌟॒𑌕𑍃𑌤᳚𑌮𑍍 ।
𑌅𑌯𑌾॑𑌡॒𑌗𑍍𑌨𑌿-𑌰𑌿॑𑌨𑍍𑌦𑍍𑌰𑌾𑌗𑍍𑌨𑌿॒𑌯𑍋-𑌶𑍍𑌛𑌾𑌗॑𑌸𑍍𑌯 𑌹॒𑌵𑌿𑌷𑌃॑ 𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 । 𑌅𑌯𑌾॒𑌡𑍍𑌵𑌨॒𑌸𑍍𑌪𑌤𑍇𑌃᳚ 𑌪𑍍𑌰𑌿॒𑌯𑌾 𑌪𑌾𑌥𑌾𑌗𑍍​𑌮𑍍॑𑌸𑌿 ।
𑌅𑌯𑌾᳚𑌡𑍍𑌦𑍇॒𑌵𑌾𑌨𑌾॑-𑌮𑌾𑌜𑍍𑌯॒𑌪𑌾𑌨𑌾᳚-𑌮𑍍𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 ।
𑌯𑌕𑍍𑌷॑𑌦॒𑌗𑍍𑌨𑍇𑌰𑍍-𑌹𑍋𑌤𑍁𑌃॑ 𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 । 𑌯𑌕𑍍𑌷॒-𑌥𑍍𑌸𑍍𑌵-𑌮𑍍𑌮॑𑌹𑌿॒𑌮𑌾𑌨᳚𑌮𑍍 । 𑌆𑌯॑𑌜𑌤𑌾॒𑌮𑍇𑌜𑍍𑌯𑌾॒ 𑌇𑌷𑌃॑ । 𑌕𑍃॒𑌣𑍋𑌤𑍁॒ 𑌸𑍋 𑌅॑𑌦𑍍𑌧𑍍𑌵॒𑌰𑌾 𑌜𑌾॒𑌤𑌵𑍇॑𑌦𑌾𑌃 । 𑌜𑍁॒𑌷𑌤𑌾𑌗𑍍​𑌮𑍍॑ 𑌹॒𑌵𑌿𑌃 । 𑌹𑍋𑌤॒𑌰𑍍𑌯𑌜॑ ॥ 31 ॥
(𑌨𑍂॒𑌨 - 𑌮𑌰𑍍𑌥𑌂॑ - 𑌕𑍃॒𑌤𑍍𑌵𑍀 - 𑌪𑌾𑌥𑌾𑌗𑍍​𑌮𑍍॑𑌸𑌿 𑌸॒𑌪𑍍𑌤 𑌚॑) (𑌅. 11)

𑌅𑌨𑍁𑌵𑌾𑌕𑌂 12 - 𑌤𑍇𑌷𑌾𑌮𑍇𑌵 𑌯𑌾𑌜𑍍𑌯𑌾𑌃
𑌉𑌪𑍋॑𑌹॒ 𑌯𑌦𑍍𑌵𑌿॒𑌦𑌥𑌂॑-𑌵𑌾𑌁॒𑌜𑌿𑌨𑍋॒ 𑌗𑍂𑌃 । 𑌗𑍀॒𑌰𑍍𑌭𑌿-𑌰𑍍𑌵𑌿𑌪𑍍𑌰𑌾𑌃॒ 𑌪𑍍𑌰𑌮॑𑌤𑌿-𑌮𑌿॒𑌚𑍍𑌛𑌮𑌾॑𑌨𑌾𑌃 । 𑌅॒𑌰𑍍𑌵𑌨𑍍𑌤𑍋॒ 𑌨 𑌕𑌾𑌷𑍍𑌠𑌾॒-𑌨𑍍𑌨𑌕𑍍𑌷॑𑌮𑌾𑌣𑌾𑌃 । 𑌇॒𑌨𑍍𑌦𑍍𑌰𑌾॒𑌗𑍍𑌨𑍀 𑌜𑍋𑌹𑍁॑𑌵𑌤𑍋॒ 𑌨𑌰॒𑌸𑍍𑌤𑍇 ॥
𑌵𑌨॑𑌸𑍍𑌪𑌤𑍇 𑌰𑌶॒𑌨𑌯𑌾॑-𑌽𑌭𑌿॒𑌧𑌾𑌯॑ । 𑌪𑌿॒𑌷𑍍𑌟𑌤॑𑌮𑌯𑌾 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾𑌨𑍍 । 𑌵𑌹॑ 𑌦𑍇𑌵॒𑌤𑍍𑌰𑌾 𑌦𑌿॑𑌧𑌿𑌷𑍋 𑌹॒𑌵𑍀𑌗𑍍​𑌮𑍍𑌷𑌿॑ । 𑌪𑍍𑌰 𑌚॑ 𑌦𑌾॒𑌤𑌾𑌰॑𑌮॒𑌮𑍃𑌤𑍇॑𑌷𑍁 𑌵𑍋𑌚𑌃 ॥ 𑌅॒𑌗𑍍𑌨𑌿𑌗𑍍𑌗𑍍​ 𑌸𑍍𑌵𑌿॑𑌷𑍍𑌟॒𑌕𑍃𑌤᳚𑌮𑍍 । 𑌅𑌯𑌾॑𑌡॒𑌗𑍍𑌨𑌿-𑌰𑌿॑𑌨𑍍𑌦𑍍𑌰𑌾𑌗𑍍𑌨𑌿॒𑌯𑍋-𑌶𑍍𑌛𑌾𑌗॑𑌸𑍍𑌯 𑌹॒𑌵𑌿𑌷𑌃॑ 𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 ॥ 32 ॥

𑌅𑌯𑌾॒𑌡𑍍𑌵𑌨॒𑌸𑍍𑌪𑌤𑍇𑌃᳚ 𑌪𑍍𑌰𑌿॒𑌯𑌾 𑌪𑌾𑌥𑌾𑌗𑍍​𑌮𑍍॑𑌸𑌿 ।
𑌅𑌯𑌾᳚𑌡𑍍𑌦𑍇॒𑌵𑌾𑌨𑌾॑-𑌮𑌾𑌜𑍍𑌯॒𑌪𑌾𑌨𑌾᳚-𑌮𑍍𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 ।
𑌯𑌕𑍍𑌷॑𑌦॒𑌗𑍍𑌨𑍇𑌰𑍍-𑌹𑍋𑌤𑍁𑌃॑ 𑌪𑍍𑌰𑌿॒𑌯𑌾 𑌧𑌾𑌮𑌾॑𑌨𑌿 । 𑌯𑌕𑍍𑌷॒-𑌥𑍍𑌸𑍍𑌵-𑌮𑍍𑌮॑𑌹𑌿॒𑌮𑌾𑌨᳚𑌮𑍍 । 𑌆𑌯॑𑌜𑌤𑌾॒𑌮𑍇𑌜𑍍𑌯𑌾॒ 𑌇𑌷𑌃॑ । 𑌕𑍃॒𑌣𑍋𑌤𑍁॒ 𑌸𑍋 𑌅॑𑌦𑍍𑌧𑍍𑌵॒𑌰𑌾 𑌜𑌾॒𑌤𑌵𑍇॑𑌦𑌾𑌃 । 𑌜𑍁॒𑌷𑌤𑌾𑌗𑍍​𑌮𑍍॑ 𑌹॒𑌵𑌿𑌃 । 𑌅𑌗𑍍𑌨𑍇॒ 𑌯𑌦॒𑌦𑍍𑌯 𑌵𑌿॒𑌶𑍋 𑌅॑𑌦𑍍𑌧𑍍𑌵𑌰𑌸𑍍𑌯 𑌹𑍋𑌤𑌃 ।
𑌪𑌾𑌵॑𑌕 𑌶𑍋𑌚𑍇॒ 𑌵𑍇𑌷𑍍𑌟𑍍𑌵𑌗𑍍​𑌮𑍍 𑌹𑌿 𑌯𑌜𑍍𑌵𑌾᳚ ।
𑌋॒𑌤𑌾 𑌯॑𑌜𑌾𑌸𑌿 𑌮𑌹𑌿॒𑌨𑌾 𑌵𑌿 𑌯-𑌦𑍍𑌭𑍂𑌃 ।
𑌹॒𑌵𑍍𑌯𑌾 𑌵॑𑌹 𑌯𑌵𑌿𑌷𑍍𑌠॒ 𑌯𑌾 𑌤𑍇॑ 𑌅॒𑌦𑍍𑌯 ॥ 33 ॥
(𑌧𑌾𑌮𑌾॑𑌨𑌿॒ - 𑌭𑍁𑌰𑍇𑌕॑-𑌞𑍍𑌚) (𑌅. 12)

𑌅𑌨𑍁𑌵𑌾𑌕𑌂 13 - 𑌅𑌨𑍂𑌯𑌾𑌜𑌪𑍍𑌰𑍈𑌷𑌾𑌃
𑌦𑍇॒𑌵-𑌮𑍍𑌬॒𑌰𑍍॒𑌹𑌿-𑌸𑍍𑌸𑍁॑𑌦𑍇॒𑌵-𑌨𑍍𑌦𑍇॒𑌵𑍈-𑌸𑍍𑌸𑍍𑌯𑌾-𑌥𑍍𑌸𑍁॒𑌵𑍀𑌰𑌂॑-𑌵𑍀𑌁॒𑌰𑍈𑌰𑍍𑌵𑌸𑍍𑌤𑍋᳚-𑌰𑍍𑌵𑍃॒𑌜𑍍𑌯𑍇𑌤𑌾॒𑌕𑍍𑌤𑍋𑌃 𑌪𑍍𑌰𑌭𑍍𑌰𑌿॑-𑌯𑍇॒𑌤𑌾𑌤𑍍𑌯॒𑌨𑍍𑌯𑌾𑌨𑍍-𑌰𑌾॒𑌯𑌾 𑌬॒𑌰𑍍॒𑌹𑌿𑌷𑍍𑌮॑𑌤𑍋 𑌮𑌦𑍇𑌮 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥ 𑌦𑍇॒𑌵𑍀-𑌰𑍍𑌦𑍍𑌵𑌾𑌰॑-𑌸𑍍𑌸𑌙𑍍𑌘𑌾॒𑌤𑍇 𑌵𑌿॒𑌡𑍍𑌵𑍀𑌰𑍍𑌯𑌾𑌮॑𑌞𑍍𑌛𑌿𑌥𑌿॒𑌰𑌾 𑌧𑍍𑌰𑍁॒𑌵𑌾 𑌦𑍇॒𑌵𑌹𑍂॑𑌤𑍌 𑌵॒𑌥𑍍𑌸
𑌈॑𑌮𑍇𑌨𑌾॒𑌸𑍍𑌤𑌰𑍁॑𑌣॒ 𑌆𑌮𑌿॑𑌮𑍀𑌯𑌾𑌤𑍍-𑌕𑍁𑌮𑌾॒𑌰𑍋 𑌵𑌾॒ 𑌨𑌵॑𑌜𑌾𑌤𑍋॒ 𑌮𑍈𑌨𑌾॒ 𑌅𑌰𑍍𑌵𑌾॑ 𑌰𑍇॒𑌣𑍁𑌕॑𑌕𑌾𑌟𑌃॒ 𑌪𑍃𑌣॑𑌗𑍍𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥ 𑌦𑍇॒𑌵𑍀 𑌉॒𑌷𑌾𑌸𑌾॒ 𑌨𑌕𑍍𑌤𑌾-𑌽𑌦𑍍𑌯𑌾॒𑌸𑍍𑌮𑌿𑌨𑍍. 𑌯॒𑌜𑍍𑌞𑍇 𑌪𑍍𑌰॑𑌯॒𑌤𑍍𑌯॑𑌹𑍍𑌵𑍇𑌤𑌾॒𑌮𑌪𑌿॑ 𑌨𑍂॒𑌨-𑌨𑍍𑌦𑍈𑌵𑍀॒𑌰𑍍𑌵𑌿𑌶𑌃॒ 𑌪𑍍𑌰𑌾𑌯𑌾॑𑌸𑌿𑌷𑍍𑌟𑌾॒𑌗𑍍​𑌮𑍍॒ 𑌸𑍁𑌪𑍍𑌰𑍀॑𑌤𑍇॒ 𑌸𑍁𑌧𑌿॑𑌤𑍇 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥
𑌦𑍇॒𑌵𑍀 𑌜𑍋𑌷𑍍𑌟𑍍𑌰𑍀॒ 𑌵𑌸𑍁॑𑌧𑌿𑌤𑍀॒ 𑌯𑌯𑍋॑𑌰॒𑌨𑍍𑌯𑌾-𑌽𑌘𑌾 𑌦𑍍𑌵𑍇𑌷𑌾𑌗𑍍​𑌮𑍍॑𑌸𑌿 𑌯𑍁॒𑌯𑌵॒𑌦𑌾-𑌽𑌨𑍍𑌯𑌾 𑌵॑𑌕𑍍𑌷॒-𑌦𑍍𑌵𑌸𑍁॒ 𑌵𑌾𑌰𑍍𑌯𑌾॑𑌣𑌿॒ 𑌯𑌜॑𑌮𑌾𑌨𑌾𑌯 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥
𑌦𑍇॒𑌵𑍀 𑌊॒𑌰𑍍𑌜𑌾𑌹𑍁॑𑌤𑍀॒ 𑌇𑌷॒𑌮𑍂𑌰𑍍𑌜॑𑌮॒𑌨𑍍𑌯𑌾 𑌵॑𑌕𑍍𑌷॒𑌥𑍍𑌸𑌗𑍍𑌧𑌿॒𑌗𑍍​𑌮𑍍॒ 𑌸𑌪𑍀॑𑌤𑌿𑌮॒𑌨𑍍𑌯𑌾 𑌨𑌵𑍇॑𑌨॒ 𑌪𑍂𑌰𑍍𑌵॒-𑌨𑍍𑌦𑌯॑𑌮𑌾𑌨𑌾॒-𑌸𑍍𑌸𑍍𑌯𑌾𑌮॑ 𑌪𑍁𑌰𑌾॒𑌣𑍇𑌨॒ 𑌨𑌵॒-𑌨𑍍𑌤𑌾𑌮𑍂𑌰𑍍𑌜॑𑌮𑍂॒𑌰𑍍𑌜𑌾𑌹𑍁॑𑌤𑍀 𑌊॒𑌰𑍍𑌜𑌯॑𑌮𑌾𑌨𑍇 𑌅𑌧𑌾𑌤𑌾𑌂-𑌵𑌁𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥
𑌦𑍇॒𑌵𑌾 𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾॒ 𑌨𑍇𑌷𑍍𑌟𑌾॑𑌰𑌾॒ 𑌪𑍋𑌤𑌾॑𑌰𑌾 𑌹॒𑌤𑌾𑌘॑𑌶𑌗𑍍​𑌮𑍍𑌸𑌾-𑌵𑌾𑌭॒𑌰𑌦𑍍𑌵॑𑌸𑍂 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌂॒-𑌯𑌁𑌜॑ ॥
𑌦𑍇॒𑌵𑍀𑌸𑍍𑌤𑌿॒𑌸𑍍𑌰𑌸𑍍𑌤𑌿॒𑌸𑍍𑌰𑍋 𑌦𑍇॒𑌵𑍀𑌰𑌿𑌡𑌾॒ 𑌸𑌰॑𑌸𑍍𑌵𑌤𑍀॒ 𑌭𑌾𑌰॑𑌤𑍀॒ 𑌦𑍍𑌯𑌾-𑌮𑍍𑌭𑌾𑌰॑𑌤𑍍𑌯𑌾𑌦𑌿॒𑌤𑍍𑌯𑍈-𑌰॑𑌸𑍍𑌪𑍃𑌕𑍍𑌷॒-𑌥𑍍𑌸𑌰॑𑌸𑍍𑌵𑌤𑍀॒𑌮𑌗𑍍​𑌮𑍍 𑌰𑍁॒𑌦𑍍𑌰𑍈-𑌰𑍍𑌯॒𑌜𑍍𑌞𑌮𑌾॑𑌵𑍀-𑌦𑌿॒𑌹𑍈𑌵𑍇𑌡॑𑌯𑌾॒ 𑌵𑌸𑍁॑𑌮𑌤𑍍𑌯𑌾
𑌸𑌧॒𑌮𑌾𑌦॑-𑌮𑍍𑌮𑌦𑍇𑌮 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁॒ 𑌯𑌜॑ ॥
𑌦𑍇॒𑌵𑍋 𑌨𑌰𑌾॒𑌶𑌗𑍍​𑌮𑍍𑌸॑-𑌸𑍍𑌤𑍍𑌰𑌿𑌶𑍀॒𑌰𑍍॒𑌷𑌾 𑌷॑𑌡॒𑌕𑍍𑌷-𑌶𑍍𑌶॒𑌤𑌮𑌿𑌦𑍇॑𑌨𑌗𑍍​𑌮𑍍 𑌶𑌿𑌤𑌿𑌪𑍃॒𑌷𑍍𑌠𑌾 𑌆𑌦॑𑌧𑌤𑌿 𑌸॒𑌹𑌸𑍍𑌰॑𑌮𑍀॒-𑌮𑍍𑌪𑍍𑌰𑌵॑𑌹𑌨𑍍𑌤𑌿 𑌮𑌿॒𑌤𑍍𑌰𑌾𑌵𑌰𑍁॒𑌣𑍇𑌦॑𑌸𑍍𑌯 𑌹𑍋॒𑌤𑍍𑌰𑌮𑌰𑍍​𑌹॑𑌤𑍋॒
𑌬𑍃𑌹॒𑌸𑍍𑌪𑌤𑌿॑-𑌸𑍍𑌸𑍍𑌤𑍋॒𑌤𑍍𑌰𑌮॒𑌶𑍍𑌵𑌿𑌨𑌾 𑌽𑌽𑌦𑍍𑌧𑍍𑌵॑𑌰𑍍𑌯𑌵𑌂-𑌵𑌁𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥
𑌦𑍇॒𑌵𑍋 𑌵𑌨॒𑌸𑍍𑌪𑌤𑌿॑-𑌰𑍍𑌵॒𑌰𑍍॒𑌷𑌪𑍍𑌰𑌾॑𑌵𑌾 𑌘𑍃॒𑌤𑌨𑌿॑𑌰𑍍𑌣𑌿॒𑌗𑍍-𑌦𑍍𑌯𑌾-
𑌮𑌗𑍍𑌰𑍇॒𑌣𑌾𑌸𑍍𑌪𑍃॑𑌕𑍍𑌷॒𑌦𑌾-𑌽𑌨𑍍𑌤𑌰𑌿॑𑌕𑍍𑌷॒-𑌮𑍍𑌮𑌦𑍍𑌧𑍍𑌯𑍇॑𑌨𑌾𑌪𑍍𑌰𑌾𑌃 𑌪𑍃𑌥𑌿॒𑌵𑍀-𑌮𑍁𑌪॑𑌰𑍇𑌣𑌾𑌦𑍃𑌗𑍍​𑌮𑍍𑌹𑍀-𑌦𑍍𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥
𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌰𑍍𑌵𑌾𑌰𑌿॑𑌤𑍀𑌨𑌾-𑌨𑍍𑌨𑌿॒𑌧𑍇 𑌧𑌾॑𑌸𑌿॒ 𑌪𑍍𑌰𑌚𑍍𑌯𑍁॑𑌤𑍀𑌨𑌾॒𑌮-𑌪𑍍𑌰॑𑌚𑍍𑌯𑍁𑌤-𑌨𑍍𑌨𑌿𑌕𑌾𑌮॒𑌧𑌰॑𑌣-𑌮𑍍𑌪𑍁𑌰𑍁𑌸𑍍𑌪𑌾॒𑌰𑍍॒𑌹𑌂-𑌯𑌁𑌶॑𑌸𑍍𑌵𑌦𑍇॒𑌨𑌾 𑌬॒𑌰𑍍॒𑌹𑌿𑌷𑌾॒-𑌽𑌨𑍍𑌯𑌾 𑌬॒𑌰𑍍॒𑌹𑍀𑌗𑍍​𑌷𑍍𑌯॒𑌭𑌿𑌷𑍍𑌯𑌾॑𑌮 𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁॒ 𑌯𑌜॑ ॥
𑌦𑍇॒𑌵𑍋 𑌅॒𑌗𑍍𑌨𑌿-𑌸𑍍𑌸𑍍𑌵𑌿॑𑌷𑍍𑌟॒𑌕𑍃-𑌥𑍍𑌸𑍁॒𑌦𑍍𑌰𑌵𑌿॑𑌣𑌾 𑌮॒𑌨𑍍𑌦𑍍𑌰𑌃 𑌕॒𑌵𑌿-𑌸𑍍𑌸॒𑌤𑍍𑌯𑌮॑𑌨𑍍𑌮𑌾-𑌽𑌽𑌯॒𑌜𑍀 𑌹𑍋𑌤𑌾॒ 𑌹𑍋𑌤𑍁॑𑌰𑍍-𑌹𑍋𑌤𑍁॒𑌰𑌾𑌯॑𑌜𑍀𑌯𑌾॒𑌨𑌗𑍍𑌨𑍇॒ 𑌯𑌾𑌨𑍍-𑌦𑍇॒𑌵𑌾𑌨𑌯𑌾॒𑌡𑍍𑌯𑌾𑌗𑍍​𑌮𑍍 𑌅𑌪𑌿॑𑌪𑍍𑌰𑍇॒𑌰𑍍𑌯𑍇 𑌤𑍇॑ 𑌹𑍋॒𑌤𑍍𑌰𑍇 𑌅𑌮॑𑌥𑍍𑌸𑌤॒ 𑌤𑌾𑌗𑍍​𑌮𑍍 𑌸॑𑌸॒𑌨𑍁𑌷𑍀॒𑌗𑍍​𑌮𑍍॒ 𑌹𑍋𑌤𑍍𑌰𑌾᳚-𑌨𑍍𑌦𑍇𑌵-𑌙𑍍𑌗॒𑌮𑌾-𑌨𑍍𑌦𑌿॒𑌵𑌿 𑌦𑍇॒𑌵𑍇𑌷𑍁॑ 𑌯॒𑌜𑍍𑌞𑌮𑍇𑌰॑𑌯𑍇॒𑌮𑌗𑍍𑌗𑍍​
𑌸𑍍𑌵𑌿॑𑌷𑍍𑌟॒𑌕𑍃𑌚𑍍𑌚𑌾𑌗𑍍𑌨𑍇॒ 𑌹𑍋𑌤𑌾-𑌽𑌭𑍂᳚𑌰𑍍𑌵𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌨𑌮𑍋𑌵𑌾॒𑌕𑍇 𑌵𑍀𑌹𑌿॒ 𑌯𑌜॑ ॥ 34 ॥
(𑌯𑌜𑍈𑌕॑-𑌞𑍍𑌚) (𑌅. 13)

𑌅𑌨𑍁𑌵𑌾𑌕𑌂 14 - 𑌅𑌨𑍂𑌯𑌾𑌜𑌯𑌾𑌜𑍍𑌯𑌾𑌃
𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌃 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁 ।
𑌦𑍇॒𑌵𑍀𑌰𑍍𑌦𑍍𑌵𑌾𑌰𑌃॑ । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁 । 𑌦𑍇॒𑌵𑍀 𑌉॒𑌷𑌾𑌸𑌾॒ 𑌨𑌕𑍍𑌤𑌾᳚ । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌮𑍍 । 𑌦𑍇॒𑌵𑍀 𑌜𑍋𑌷𑍍𑌟𑍍𑌰𑍀᳚ । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌮𑍍 ।
𑌦𑍇॒𑌵𑍀 𑌊॒𑌰𑍍𑌜𑌾𑌹𑍁॑𑌤𑍀 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌮𑍍 ॥ 35 ॥

𑌦𑍇॒𑌵𑌾 𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰𑌾 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍀𑌤𑌾𑌮𑍍 । 𑌦𑍇॒𑌵𑍀𑌸𑍍𑌤𑌿॒𑌸𑍍𑌰-𑌸𑍍𑌤𑌿॒𑌸𑍍𑌰𑍋 𑌦𑍇॒𑌵𑍀𑌃 ।
𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑌿𑌯𑌨𑍍𑌤𑍁 ।
𑌦𑍇॒𑌵𑍋 𑌨𑌰𑌾॒𑌶𑌗𑍍​𑌮𑍍𑌸𑌃॑ । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁 । 𑌦𑍇॒𑌵𑍋 𑌵𑌨॒𑌸𑍍𑌪𑌤𑌿𑌃॑ । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁 । 𑌦𑍇॒𑌵-𑌮𑍍𑌬॒𑌰𑍍॒𑌹𑌿𑌰𑍍𑌵𑌾𑌰𑌿॑𑌤𑍀𑌨𑌾𑌮𑍍 । 𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌵𑍇𑌤𑍁 ॥ 36 ॥

𑌦𑍇॒𑌵𑍋 𑌅॒𑌗𑍍𑌨𑌿-𑌸𑍍𑌸𑍍𑌵𑌿॑𑌷𑍍𑌟॒𑌕𑍃𑌤𑍍 । 𑌸𑍁॒𑌦𑍍𑌰𑌵𑌿॑𑌣𑌾 𑌮॒𑌨𑍍𑌦𑍍𑌰𑌃 𑌕॒𑌵𑌿𑌃 । 𑌸॒𑌤𑍍𑌯𑌮॑𑌨𑍍𑌮𑌾-𑌽𑌽𑌯॒𑌜𑍀 𑌹𑍋𑌤𑌾᳚ । 𑌹𑍋𑌤𑍁॑𑌰𑍍-𑌹𑍋𑌤𑍁॒𑌰𑌾𑌯॑𑌜𑍀𑌯𑌾𑌨𑍍 ।
𑌅𑌗𑍍𑌨𑍇॒ 𑌯𑌾𑌨𑍍𑌦𑍇॒𑌵𑌾𑌨𑌯𑌾᳚𑌟𑍍 । 𑌯𑌾𑌗𑍍​𑌮𑍍 𑌅𑌪𑌿॑𑌪𑍍𑌰𑍇𑌃 । 𑌯𑍇 𑌤𑍇॑ 𑌹𑍋॒𑌤𑍍𑌰𑍇 𑌅𑌮॑𑌥𑍍𑌸𑌤 । 𑌤𑌾𑌗𑍍​𑌮𑍍 𑌸॑𑌸॒𑌨𑍁𑌷𑍀॒𑌗𑍍​𑌮𑍍॒ 𑌹𑍋𑌤𑍍𑌰𑌾᳚-𑌨𑍍𑌦𑍇𑌵-𑌙𑍍𑌗॒𑌮𑌾𑌮𑍍 । 𑌦𑌿॒𑌵𑌿 𑌦𑍇॒𑌵𑍇𑌷𑍁॑ 𑌯॒𑌜𑍍𑌞𑌮𑍇𑌰॑𑌯𑍇॒𑌮𑌮𑍍 । 𑌸𑍍𑌵𑌿॒𑌷𑍍𑌟॒𑌕𑍃𑌚𑍍𑌚𑌾𑌗𑍍𑌨𑍇॒ 𑌹𑍋𑌤𑌾-𑌽𑌭𑍂𑌃᳚ ।
𑌵॒𑌸𑍁॒𑌵𑌨𑍇॑ 𑌵𑌸𑍁॒𑌧𑍇𑌯॑𑌸𑍍𑌯 𑌨𑌮𑍋𑌵𑌾॒𑌕𑍇 𑌵𑍀𑌹𑌿॑ ॥ 3𑍭 ॥
(𑌵𑍀॒𑌤𑌾𑌂॒ - 𑌁𑌵𑍇॒𑌤𑍍𑌵 - 𑌭𑍂॒𑌰𑍇𑌕॑-𑌞𑍍𑌚) (𑌅. 14)

𑌅𑌨𑍁𑌵𑌾𑌕𑌂 15 - 𑌸𑍂𑌕𑍍𑌤𑌵𑌾𑌕𑌪𑍍𑌰𑍈𑌷𑌾𑌃
𑌅॒𑌗𑍍𑌨𑌿𑌮॒𑌦𑍍𑌯 𑌹𑍋𑌤𑌾॑𑌰𑌮𑌵𑍃𑌣𑍀𑌤𑌾॒𑌯𑌂-𑌯𑌁𑌜॑𑌮𑌾𑌨𑌃॒ 𑌪𑌚॑-𑌨𑍍𑌪॒𑌕𑍍𑌤𑍀𑌃 𑌪𑌚॑-𑌨𑍍𑌪𑍁𑌰𑍋॒𑌡𑌾𑌶𑌂॑
𑌬॒𑌦𑍍𑌧𑍍𑌨-𑌨𑍍𑌨𑌿॑𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾॒-𑌞𑍍𑌛𑌾𑌗𑌗𑍍​𑌮𑍍॑ 𑌸𑍂𑌪॒𑌸𑍍𑌥𑌾 𑌅॒𑌦𑍍𑌯 𑌦𑍇॒𑌵𑍋 𑌵𑌨॒𑌸𑍍𑌪𑌤𑌿॑-𑌰𑌭𑌵-𑌦𑌿𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾॒-𑌞𑍍𑌛𑌾𑌗𑍇॒𑌨𑌾𑌘॑𑌸𑍍𑌤𑌾॒-𑌨𑍍𑌤-𑌮𑍍𑌮𑍇॑𑌦॒𑌸𑍍𑌤𑌃 𑌪𑍍𑌰𑌤𑌿॑ 𑌪𑌚॒𑌤𑌾-𑌽𑌗𑍍𑌰॑𑌭𑍀𑌷𑍍𑌟𑌾॒𑌮𑌵𑍀॑𑌵𑍃𑌧𑍇𑌤𑌾-𑌮𑍍𑌪𑍁𑌰𑍋॒𑌡𑌾𑌶𑍇॑𑌨॒ 𑌤𑍍𑌵𑌾𑌮॒𑌦𑍍𑌯𑌰𑍍​𑌷॑ 𑌆𑌰𑍍​𑌷𑍇𑌯𑌰𑍍​𑌷𑍀𑌣𑌾-𑌨𑍍𑌨𑌪𑌾𑌦𑌵𑍃𑌣𑍀𑌤𑌾॒𑌯𑌂-𑌯𑌁𑌜॑𑌮𑌾𑌨𑍋 𑌬॒𑌹𑍁𑌭𑍍𑌯॒ 𑌆 𑌸𑌙𑍍𑌗॑𑌤𑍇𑌭𑍍𑌯 𑌏॒𑌷 𑌮𑍇॑ 𑌦𑍇॒𑌵𑍇𑌷𑍁॒ 𑌵𑌸𑍁॒ 𑌵𑌾𑌰𑍍𑌯𑌾 𑌯॑𑌕𑍍𑌷𑍍𑌯𑌤॒ 𑌇𑌤𑌿॒ 𑌤𑌾 𑌯𑌾
𑌦𑍇॒𑌵𑌾 𑌦𑍇॑𑌵॒-𑌦𑌾𑌨𑌾॒𑌨𑍍𑌯𑌦𑍁॒𑌸𑍍𑌤𑌾𑌨𑍍𑌯॑𑌸𑍍𑌮𑌾॒ 𑌆 𑌚॒ 𑌶𑌾𑌸𑍍𑌵𑌾 𑌚॑ 𑌗𑍁𑌰𑌸𑍍𑌵𑍇𑌷𑌿॒𑌤𑌶𑍍𑌚॑ 𑌹𑍋𑌤॒𑌰𑌸𑌿॑ 𑌭𑌦𑍍𑌰॒𑌵𑌾𑌚𑍍𑌯𑌾॑𑌯॒ 𑌪𑍍𑌰𑍇𑌷𑌿॑𑌤𑍋॒ 𑌮𑌾𑌨𑍁॑𑌷-𑌸𑍍𑌸𑍂𑌕𑍍𑌤𑌵𑌾॒𑌕𑌾𑌯॑ 𑌸𑍂॒𑌕𑍍𑌤𑌾 𑌬𑍍𑌰𑍂॑𑌹𑌿 ॥ 3𑍮 ॥
(𑌅॒𑌗𑍍𑌨𑌿𑌮॒𑌦𑍍𑌯𑍈𑌕᳚𑌮𑍍) (𑌅. 15)

(𑌅॒𑌞𑍍𑌜𑌨𑍍𑌤𑌿॒ - 𑌹𑍋𑌤𑌾॑ 𑌯𑌕𑍍𑌷॒𑌥𑍍 - 𑌸𑌮𑌿॑𑌦𑍍𑌵𑍋 𑌅॒𑌦𑍍𑌯𑌾 - 𑌗𑍍𑌨𑌿 - 𑌰𑌜𑍈॒-𑌦𑍍- 𑌦𑍈𑌵𑍍𑌯𑌾॑ - 𑌜𑍁॒𑌷𑌸𑍍 - 𑌵𑌾 𑌵𑍃॑𑌤𑍍𑌰𑌹𑌣𑌾 - 𑌗𑍀॒𑌰𑍍𑌭𑌿 - 𑌸𑍍𑌤𑍍𑌵𑌗𑍍𑌗𑍍​ 𑌹𑍍𑌯𑌾 - 𑌭॑𑌰𑌤॒ - 𑌮𑍁𑌪𑍋॑𑌹॒ 𑌯-𑌦𑍍- 𑌦𑍇॒𑌵-𑌮𑍍𑌬॒𑌰𑍍॒𑌹𑌿-𑌸𑍍𑌸𑍁॑𑌦𑍇॒𑌵𑌂 - 𑌦𑍇॒𑌵-𑌮𑍍𑌬॒𑌰𑍍॒𑌹𑌿 - 𑌰॒𑌗𑍍𑌨𑌿𑌮॒𑌦𑍍𑌯 𑌪𑌞𑍍𑌚॑𑌦𑌶)

(𑌅॒𑌞𑍍𑌜𑌨𑍍 - 𑌤𑍍𑌯𑍁॒𑌪𑌾𑌵॑𑌸𑍃𑌜॒𑌨𑍍 - 𑌨𑌾𑌨𑍍𑌯𑌾 𑌯𑍁॒𑌵𑌤𑍍 - 𑌕𑌰॑𑌦𑍇॒𑌵 𑌮॒𑌷𑍍𑌟𑌾𑌤𑍍𑌰𑌿𑌗𑍍​𑌮𑍍॑𑌶𑌤𑍍)

(𑌅॒𑌞𑍍𑌜𑌨𑍍𑌤𑌿॑ - 𑌸𑍂॒𑌕𑍍𑌤𑌾 𑌬𑍍𑌰𑍂॑𑌹𑌿)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌤𑍃𑌤𑍀𑌯𑌾𑌷𑍍𑌟𑌕𑍇 𑌷𑌷𑍍𑌠𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥