𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌕𑌾𑌠𑌕𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨𑌃 - 𑌨𑌾𑌚𑌿𑌕𑍇𑌤𑌚𑌯𑌨𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 - 𑌇𑌷𑍍𑌟𑌕𑍋𑌪𑌧𑌾𑌨𑌮𑌨𑍍𑌤𑍍𑌰𑌾𑌃
𑌲𑍋॒𑌕𑍋॑-𑌽𑌸𑌿 𑌸𑍍𑌵॒𑌰𑍍𑌗𑍋॑-𑌽𑌸𑌿 । 𑌅॒𑌨॒𑌨𑍍𑌤𑍋᳚-𑌽𑌸𑍍𑌯 𑌪𑌾॒𑌰𑍋॑-𑌽𑌸𑌿 ।
𑌅𑌕𑍍𑌷𑌿॑𑌤𑍋-𑌽𑌸𑍍𑌯 𑌕𑍍𑌷॒𑌯𑍍𑌯𑍋॑-𑌽𑌸𑌿 । 𑌤𑌪॑𑌸𑌃 𑌪𑍍𑌰𑌤𑌿॒𑌷𑍍𑌠𑌾 । 𑌤𑍍𑌵𑌯𑍀॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 । 𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑌾 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑌾 । 𑌤𑌨𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘॒-𑌮𑌕𑍍𑌷𑌿॑𑌤𑌮𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 1 ॥

𑌤𑌪𑍋॑-𑌽𑌸𑌿 𑌲𑍋॒𑌕𑍇 𑌶𑍍𑌰𑌿॒𑌤𑌮𑍍 । 𑌤𑍇𑌜॑𑌸𑌃 𑌪𑍍𑌰𑌤𑌿॒𑌷𑍍𑌠𑌾 । 𑌤𑍍𑌵𑌯𑍀॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑍃 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑍃 ।
𑌤-𑌤𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘॒-𑌮𑌕𑍍𑌷𑌿॑𑌤𑌮𑍍 ।
𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 2 ॥

𑌤𑍇𑌜𑍋॑-𑌽𑌸𑌿॒ 𑌤𑌪॑𑌸𑌿 𑌶𑍍𑌰𑌿॒𑌤𑌮𑍍 । 𑌸॒𑌮𑍁॒𑌦𑍍𑌰𑌸𑍍𑌯॑ 𑌪𑍍𑌰𑌤𑌿॒𑌷𑍍𑌠𑌾 ।
𑌤𑍍𑌵𑌯𑍀॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑍃𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑍃 ।
𑌤-𑌤𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘॒-𑌮𑌕𑍍𑌷𑌿॑𑌤𑌮𑍍 ।
𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 3 ॥

𑌸॒𑌮𑍁॒𑌦𑍍𑌰𑍋॑-𑌽𑌸𑌿॒ 𑌤𑍇𑌜॑𑌸𑌿 𑌶𑍍𑌰𑌿॒𑌤𑌃 । 𑌅॒𑌪𑌾-𑌮𑍍𑌪𑍍𑌰॑𑌤𑌿॒𑌷𑍍𑌠𑌾 । 𑌤𑍍𑌵𑌯𑍀॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑌾 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑌾 ।
𑌤-𑌨𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘॒-𑌮𑌕𑍍𑌷𑌿॑𑌤𑌮𑍍 ।
𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 4 ॥

𑌆𑌪॑-𑌸𑍍𑌸𑍍𑌥 𑌸𑌮𑍁॒𑌦𑍍𑌰𑍇 𑌶𑍍𑌰𑌿॒𑌤𑌾𑌃 । 𑌪𑍃॒𑌥𑌿॒𑌵𑍍𑌯𑌾𑌃 𑌪𑍍𑌰॑𑌤𑌿॒𑌷𑍍𑌠𑌾 𑌯𑍁॒𑌷𑍍𑌮𑌾𑌸𑍁॑ । 𑌇॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 । 𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑍍𑌰𑍍𑌯𑍋॑ 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑍍𑌰𑍍𑌯𑌃॑ । 𑌤𑌾 𑌵॒ 𑌉𑌪॑𑌦𑌧𑍇 𑌕𑌾𑌮॒𑌦𑍁𑌘𑌾॒ 𑌅𑌕𑍍𑌷𑌿॑𑌤𑌾𑌃 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 5 ॥

𑌪𑍃॒𑌥𑌿॒𑌵𑍍𑌯॑-𑌸𑍍𑌯॒𑌫𑍍𑌸𑍁 𑌶𑍍𑌰𑌿॒𑌤𑌾 । 𑌅॒𑌗𑍍𑌨𑍇𑌃 𑌪𑍍𑌰॑𑌤𑌿॒𑌷𑍍𑌠𑌾 । 𑌤𑍍𑌵𑌯𑍀॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 । 𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑍍𑌰𑍀 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑍍𑌰𑍀 । 𑌤𑌾-𑌨𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘𑌾॒-𑌮𑌕𑍍𑌷𑌿॑𑌤𑌾𑌮𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 6 ॥

𑌅॒𑌗𑍍𑌨𑌿𑌰॑𑌸𑌿 𑌪𑍃𑌥𑌿॒𑌵𑍍𑌯𑌾𑌗𑍍​ 𑌶𑍍𑌰𑌿॒𑌤𑌃 । 𑌅॒𑌨𑍍𑌤𑌰𑌿॑𑌕𑍍𑌷𑌸𑍍𑌯 𑌪𑍍𑌰𑌤𑌿॒𑌷𑍍𑌠𑌾 । 𑌤𑍍𑌵𑌯𑍀॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑌾 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑌾 । 𑌤-𑌨𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘॒-𑌮𑌕𑍍𑌷𑌿॑𑌤𑌮𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 𑍭 ॥

𑌅॒𑌨𑍍𑌤𑌰𑌿॑𑌕𑍍𑌷-𑌮𑌸𑍍𑌯॒𑌗𑍍𑌨𑍌 𑌶𑍍𑌰𑌿॒𑌤𑌮𑍍 ।
𑌵𑌾॒𑌯𑍋𑌃 𑌪𑍍𑌰॑𑌤𑌿॒𑌷𑍍𑌠𑌾 । 𑌤𑍍𑌵𑌯𑍀॒𑌦𑌮॒𑌨𑍍𑌤𑌃 ।
𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑍃 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑍃 ।
𑌤-𑌤𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘॒-𑌮𑌕𑍍𑌷𑌿॑𑌤𑌮𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 𑍮 ॥

𑌵𑌾॒𑌯𑍁𑌰॑𑌸𑍍𑌯॒𑌨𑍍𑌤𑌰𑌿॑𑌕𑍍𑌷𑍇 𑌶𑍍𑌰𑌿॒𑌤𑌃 । 𑌦𑌿॒𑌵𑌃 𑌪𑍍𑌰॑𑌤𑌿॒𑌷𑍍𑌠𑌾 । 𑌤𑍍𑌵𑌯𑍀॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑌾 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑌾 ।
𑌤-𑌨𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘॒-𑌮𑌕𑍍𑌷𑌿॑𑌤𑌮𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 𑍯 ॥

𑌦𑍍𑌯𑍌𑌰॑𑌸𑌿 𑌵𑌾॒𑌯𑍌 𑌶𑍍𑌰𑌿॒𑌤𑌾 । 𑌆॒𑌦𑌿॒𑌤𑍍𑌯𑌸𑍍𑌯॑ 𑌪𑍍𑌰𑌤𑌿॒𑌷𑍍𑌠𑌾 । 𑌤𑍍𑌵𑌯𑍀॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑍍𑌰𑍀 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑍍𑌰𑍀 ।
𑌤𑌾-𑌨𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘𑌾॒-𑌮𑌕𑍍𑌷𑌿॑𑌤𑌾𑌮𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 10 ॥

𑌆॒𑌦𑌿॒𑌤𑍍𑌯𑍋॑-𑌽𑌸𑌿 𑌦𑌿॒𑌵𑌿 𑌶𑍍𑌰𑌿॒𑌤𑌃 । 𑌚॒𑌨𑍍𑌦𑍍𑌰𑌮॑𑌸𑌃 𑌪𑍍𑌰𑌤𑌿॒𑌷𑍍𑌠𑌾 । 𑌤𑍍𑌵𑌯𑍀॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑌾 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑌾 ।
𑌤-𑌨𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘॒-𑌮𑌕𑍍𑌷𑌿॑𑌤𑌮𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 11 ॥

𑌚॒𑌨𑍍𑌦𑍍𑌰𑌮𑌾॑ 𑌅𑌸𑍍𑌯𑌾𑌦𑌿॒𑌤𑍍𑌯𑍇 𑌶𑍍𑌰𑌿॒𑌤𑌃 ।
𑌨𑌕𑍍𑌷॑𑌤𑍍𑌰𑌾𑌣𑌾-𑌮𑍍𑌪𑍍𑌰𑌤𑌿॒𑌷𑍍𑌠𑌾 । 𑌤𑍍𑌵𑌯𑍀॒𑌦𑌮॒𑌨𑍍𑌤𑌃 ।
𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 । 𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑌾 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑌾 । 𑌤-𑌨𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘॒-𑌮𑌕𑍍𑌷𑌿॑𑌤𑌮𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 12 ॥

𑌨𑌕𑍍𑌷॑𑌤𑍍𑌰𑌾𑌣𑌿 𑌸𑍍𑌥 𑌚॒𑌨𑍍𑌦𑍍𑌰𑌮॑𑌸𑌿 𑌶𑍍𑌰𑌿॒𑌤𑌾𑌨𑌿॑ । 𑌸𑌂॒​𑌵𑌁॒𑌥𑍍𑌸॒𑌰𑌸𑍍𑌯॑ 𑌪𑍍𑌰𑌤𑌿॒𑌷𑍍𑌠𑌾 𑌯𑍁॒𑌷𑍍𑌮𑌾𑌸𑍁॑ ।
𑌇॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑍄𑌣𑌿॒ 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑍄𑌣𑌿॑ ।
𑌤𑌾𑌨𑌿॑ 𑌵॒ 𑌉𑌪॑𑌦𑌧𑍇 𑌕𑌾𑌮॒𑌦𑍁𑌘𑌾॒-𑌨𑍍𑌯𑌕𑍍𑌷𑌿॑𑌤𑌾𑌨𑌿 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 13 ॥

𑌸𑌂॒​𑌵𑌁॒𑌥𑍍𑌸॒𑌰𑍋॑-𑌽𑌸𑌿॒ 𑌨𑌕𑍍𑌷॑𑌤𑍍𑌰𑍇𑌷𑍁 𑌶𑍍𑌰𑌿॒𑌤𑌃 । 𑌋॒𑌤𑍂॒𑌨𑌾-𑌮𑍍𑌪𑍍𑌰॑𑌤𑌿॒𑌷𑍍𑌠𑌾 । 𑌤𑍍𑌵𑌯𑍀॒𑌦𑌮॒𑌨𑍍𑌤𑌃 ।
𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 । 𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑌾 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑌾 । 𑌤-𑌨𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘॒-𑌮𑌕𑍍𑌷𑌿॑𑌤𑌮𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 14 ॥
𑌋॒𑌤𑌵॑-𑌸𑍍𑌸𑍍𑌥 𑌸𑌂​𑌵𑌁𑌥𑍍𑌸॒𑌰𑍇 𑌶𑍍𑌰𑌿॒𑌤𑌾𑌃 ।
𑌮𑌾𑌸𑌾॑𑌨𑌾-𑌮𑍍𑌪𑍍𑌰𑌤𑌿॒𑌷𑍍𑌠𑌾 𑌯𑍁॒𑌷𑍍𑌮𑌾𑌸𑍁॑ ।
𑌇॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑌾𑌰𑍋॒ 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑌾𑌰𑌃॑ ।
𑌤𑌾𑌨𑍍. 𑌵॒ 𑌉𑌪॑𑌦𑌧𑍇 𑌕𑌾𑌮॒𑌦𑍁𑌘𑌾॒-𑌨𑌕𑍍𑌷𑌿॑𑌤𑌾𑌨𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 15 ॥

𑌮𑌾𑌸𑌾᳚-𑌸𑍍𑌸𑍍𑌥॒𑌰𑍍𑌤𑍁𑌷𑍁॑ 𑌶𑍍𑌰𑌿॒𑌤𑌾𑌃 । 𑌅॒𑌦𑍍𑌰𑍍𑌧॒𑌮𑌾॒𑌸𑌾𑌨𑌾᳚-𑌮𑍍𑌪𑍍𑌰𑌤𑌿॒𑌷𑍍𑌠𑌾 𑌯𑍁॒𑌷𑍍𑌮𑌾𑌸𑍁॑ । 𑌇॒𑌦𑌮॒𑌨𑍍𑌤𑌃 ।
𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 । 𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑌾𑌰𑍋॒ 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑌾𑌰𑌃॑ । 𑌤𑌾𑌨𑍍. 𑌵॒ 𑌉𑌪॑𑌦𑌧𑍇 𑌕𑌾𑌮॒𑌦𑍁𑌘𑌾॒-𑌨𑌕𑍍𑌷𑌿॑𑌤𑌾𑌨𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 16 ॥

𑌅॒𑌦𑍍𑌰𑍍𑌧॒𑌮𑌾॒𑌸𑌾-𑌸𑍍𑌸𑍍𑌥॑ 𑌮𑌾॒𑌸𑍁 𑌶𑍍𑌰𑌿॒𑌤𑌾𑌃 । 𑌅॒𑌹𑍋॒𑌰𑌾॒𑌤𑍍𑌰𑌯𑍋𑌃᳚ 𑌪𑍍𑌰𑌤𑌿॒𑌷𑍍𑌠𑌾 𑌯𑍁॒𑌷𑍍𑌮𑌾𑌸𑍁॑ ।
𑌇॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑌾𑌰𑍋॒ 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑌾𑌰𑌃॑ ।
𑌤𑌾𑌨𑍍. 𑌵॒ 𑌉𑌪॑𑌦𑌧𑍇 𑌕𑌾𑌮॒𑌦𑍁𑌘𑌾॒-𑌨𑌕𑍍𑌷𑌿॑𑌤𑌾𑌨𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 1𑍭 ॥

𑌅॒𑌹𑍋॒𑌰𑌾॒𑌤𑍍𑌰𑍇 𑌸𑍍𑌥𑍋᳚-𑌽𑌦𑍍𑌰𑍍𑌧𑌮𑌾॒𑌸𑍇𑌷𑍁॑ 𑌶𑍍𑌰𑌿॒𑌤𑍇 । 𑌭𑍂॒𑌤𑌸𑍍𑌯॑ 𑌪𑍍𑌰𑌤𑌿॒𑌷𑍍𑌠𑍇 𑌭𑌵𑍍𑌯॑𑌸𑍍𑌯 𑌪𑍍𑌰𑌤𑌿॒𑌷𑍍𑌠𑍇 ।
𑌯𑍁॒𑌵𑌯𑍋॑-𑌰𑌿॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑍍𑌰𑍍𑌯𑍌॑ 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑍍𑌰𑍍𑌯𑍌᳚ । 𑌤𑍇 𑌵𑌾॒𑌮𑍁𑌪॑𑌦𑌧𑍇 𑌕𑌾𑌮॒𑌦𑍁𑌘𑍇॒ 𑌅𑌕𑍍𑌷𑌿॑𑌤𑍇 ।
𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 1𑍮 ॥

𑌪𑍌॒𑌰𑍍𑌣॒𑌮𑌾॒𑌸𑍍𑌯𑌷𑍍𑌟॑𑌕𑌾 𑌽𑌮𑌾𑌵𑌾॒𑌸𑍍𑌯𑌾᳚ । 𑌅॒𑌨𑍍𑌨𑌾॒𑌦𑌾-𑌸𑍍𑌸𑍍𑌥𑌾᳚𑌨𑍍𑌨॒𑌦𑍁𑌘𑍋॑ 𑌯𑍁॒𑌷𑍍𑌮𑌾𑌸𑍁॑ ।
𑌇॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑍍𑌰𑍍𑌯𑍋॑ 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑍍𑌰𑍍𑌯𑌃॑ ।
𑌤𑌾 𑌵॒ 𑌉𑌪॑𑌦𑌧𑍇 𑌕𑌾𑌮॒𑌦𑍁𑌘𑌾॒-𑌅𑌕𑍍𑌷𑌿॑𑌤𑌾𑌃 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 1𑍯 ॥

𑌰𑌾𑌡॑𑌸𑌿 𑌬𑍃𑌹॒𑌤𑍀 𑌶𑍍𑌰𑍀𑌰॒𑌸𑍀𑌨𑍍𑌦𑍍𑌰॑𑌪𑌤𑍍𑌨𑍀॒ 𑌧𑌰𑍍𑌮॑𑌪𑌤𑍍𑌨𑍀 । 𑌵𑌿𑌶𑍍𑌵॑-𑌮𑍍𑌭𑍂॒𑌤𑌮𑌨𑍁॒ 𑌪𑍍𑌰𑌭𑍂॑𑌤𑌾 ।
𑌤𑍍𑌵𑌯𑍀॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑍍𑌰𑍀 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑍍𑌰𑍀 । 𑌤𑌾-𑌨𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘𑌾॒-𑌮𑌕𑍍𑌷𑌿॑𑌤𑌾𑌮𑍍 ।
𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 । 𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 20 ॥

𑌓𑌜𑍋॑-𑌽𑌸𑌿॒ 𑌸𑌹𑍋॑-𑌽𑌸𑌿 । 𑌬𑌲॑𑌮𑌸𑌿॒ 𑌭𑍍𑌰𑌾𑌜𑍋॑-𑌽𑌸𑌿 ।
𑌦𑍇॒𑌵𑌾𑌨𑌾॒-𑌨𑍍𑌧𑌾𑌮𑌾॒𑌮𑍃𑌤᳚𑌮𑍍 । 𑌅𑌮॑𑌰𑍍𑌤𑍍𑌯-𑌸𑍍𑌤𑌪𑍋॒𑌜𑌾𑌃 । 𑌤𑍍𑌵𑌯𑍀॒𑌦𑌮॒𑌨𑍍𑌤𑌃 । 𑌵𑌿𑌶𑍍𑌵𑌂॑-𑌯𑌁॒𑌕𑍍𑌷𑌂-𑌵𑌿𑌁𑌶𑍍𑌵॑-𑌮𑍍𑌭𑍂॒𑌤𑌂-𑌵𑌿𑌁𑌶𑍍𑌵𑌗𑍍​𑌮𑍍॑ 𑌸𑍁𑌭𑍂॒𑌤𑌮𑍍 ।
𑌵𑌿𑌶𑍍𑌵॑𑌸𑍍𑌯 𑌭॒𑌰𑍍𑌤𑌾 𑌵𑌿𑌶𑍍𑌵॑𑌸𑍍𑌯 𑌜𑌨𑌯𑌿॒𑌤𑌾 ।
𑌤-𑌨𑍍𑌤𑍍𑌵𑍋𑌪॑𑌦𑌧𑍇 𑌕𑌾𑌮॒𑌦𑍁𑌘॒-𑌮𑌕𑍍𑌷𑌿॑𑌤𑌮𑍍 । 𑌪𑍍𑌰॒𑌜𑌾𑌪॑𑌤𑌿𑌸𑍍𑌤𑍍𑌵𑌾 𑌸𑌾𑌦𑌯𑌤𑍁 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥ 21 ॥
𑌲𑍋॒𑌕 - 𑌸𑍍𑌤𑌪॒ - 𑌸𑍍𑌤𑍇𑌜𑌃॑ - 𑌸𑌮𑍁॒𑌦𑍍𑌰 - 𑌆𑌪𑌃॑ - 𑌪𑍃𑌥𑌿॒𑌵𑍍𑌯॑ - 𑌗𑍍𑌨𑌿 - 𑌰॒𑌨𑍍𑌤𑌰𑌿॑𑌕𑍍𑌷𑌮𑍍 - 𑌵𑌾॒𑌯𑍁--𑌰𑍍 𑌦𑍍𑌯𑍌 - 𑌰𑌾॑𑌦𑌿॒𑌤𑍍𑌯 - 𑌶𑍍𑌚॒𑌨𑍍𑌦𑍍𑌰𑌮𑌾॒ - 𑌨𑌕𑍍𑌷॑𑌤𑍍𑌰𑌾𑌣𑌿 - 𑌸𑌂​𑌵𑌁𑌥𑍍𑌸॒𑌰 - 𑌋॒𑌤𑌵𑍋॒ - 𑌮𑌾𑌸𑌾॑ - 𑌅𑌦𑍍𑌰𑍍𑌧𑌮𑌾॒𑌸𑌾 - 𑌅॑𑌹𑍋𑌰𑌾॒𑌤𑍍𑌰𑍇 - 𑌪𑍌᳚𑌰𑍍𑌣𑌮𑌾॒𑌸𑍀 - 𑌰𑌾𑌡॒ - 𑌸𑍍𑌯𑍋𑌜𑍋॒-𑌽𑌸𑍍𑌯𑍇𑌕॑𑌵𑌿𑌗𑍍​𑌮𑍍𑌶𑌤𑌿𑌃 (𑌅. 1)

𑌲𑍋॒𑌕𑍋॑-𑌽𑌸𑌿 𑌭॒𑌰𑍍𑌤𑌾 𑌤𑌮𑍍 । 𑌤𑌪॒𑌸𑍍𑌤𑍇𑌜𑍋॑-𑌽𑌸𑌿 𑌭॒𑌰𑍍𑌤𑍃 𑌤𑌤𑍍 ।
𑌸॒𑌮𑍁॒𑌦𑍍𑌰𑍋॑-𑌽𑌸𑌿 𑌭॒𑌰𑍍𑌤𑌾 𑌤𑌮𑍍 । 𑌆𑌪॑-𑌸𑍍𑌸𑍍𑌥 𑌭॒𑌰𑍍𑌤𑍍𑌰𑍍𑌯॑𑌸𑍍𑌤𑌾 𑌵𑌃॑ । 𑌪𑍃॒𑌥𑌿॒𑌵𑍀 𑌭॒𑌰𑍍𑌤𑍍𑌰𑍀 𑌤𑌾𑌮𑍍 ।
𑌅॒𑌗𑍍𑌨𑌿𑌰॑𑌸𑌿 𑌭॒𑌰𑍍𑌤𑌾 𑌤𑌮𑍍 । 𑌅॒𑌨𑍍𑌤𑌰𑌿॑𑌕𑍍𑌷-𑌮𑍍𑌭॒𑌰𑍍𑌤𑍃 𑌤𑌤𑍍 । 𑌵𑌾॒𑌯𑍁𑌰॑𑌸𑌿 𑌭॒𑌰𑍍𑌤𑌾 𑌤𑌮𑍍 । 𑌦𑍍𑌯𑍌𑌰॑𑌸𑌿 𑌭॒𑌰𑍍𑌤𑍍𑌰𑍀 𑌤𑌾𑌮𑍍 ।
𑌆॒𑌦𑌿॒𑌤𑍍𑌯𑌶𑍍𑌚॒𑌨𑍍𑌦𑍍𑌰𑌮𑌾॑ 𑌭॒𑌰𑍍𑌤𑌾 𑌤𑌮𑍍 । 𑌨𑌕𑍍𑌷॑𑌤𑍍𑌰𑌾𑌣𑌿 𑌸𑍍𑌥 𑌭॒𑌰𑍍𑌤𑍄𑌣𑌿॒ 𑌤𑌾𑌨𑌿॑ 𑌵𑌃 । 𑌸𑌂॒​𑌵𑌁॒𑌥𑍍𑌸॒𑌰𑍋॑-𑌽𑌸𑌿 𑌭॒𑌰𑍍𑌤𑌾 𑌤𑌮𑍍 ।
𑌋॒𑌤𑌵𑍋॒ 𑌮𑌾𑌸𑌾॑ 𑌅𑌦𑍍𑌰𑍍𑌧𑌮𑌾॒𑌸𑌾 𑌭॒𑌰𑍍𑌤𑌾𑌰॒𑌸𑍍𑌤𑌾𑌨𑍍. 𑌵𑌃॑ ।
𑌅॒𑌹𑍋॒𑌰𑌾॒𑌤𑍍𑌰𑍇 𑌭॒𑌰𑍍𑌤𑍍𑌰𑍍𑌯𑍌॑ 𑌤𑍇 𑌵𑌾᳚𑌮𑍍 । 𑌪𑍌॒𑌰𑍍𑌣॒𑌮𑌾॒𑌸𑍀 𑌭॒𑌰𑍍𑌤𑍍𑌰𑍍𑌯॑𑌸𑍍𑌤𑌾 𑌵𑌃॑ । 𑌰𑌾𑌡॑𑌸𑌿 𑌭॒𑌰𑍍𑌤𑍍𑌰𑍀 𑌤𑌾𑌮𑍍 । 𑌓𑌜𑍋॑-𑌽𑌸𑌿 𑌭॒𑌰𑍍𑌤𑌾 𑌤𑌮𑍇𑌕॑𑌵𑌿𑌗𑍍​𑌮𑍍𑌶𑌤𑌿𑌃 ।

𑌅𑌨𑍁𑌵𑌾𑌕𑌂 2 - 𑌚𑌤𑍁𑌰𑍍𑌭𑌿𑌰𑌨𑍁𑌵𑌾𑌕𑍈-𑌶𑍍𑌚𑌤𑌸𑍍𑌰 𑌆𑌹𑍁𑌤𑍀𑌰𑍍𑌜𑍁𑌹𑍋𑌤𑌿
𑌤𑍍𑌵𑌮॑𑌗𑍍𑌨𑍇 𑌰𑍁॒𑌦𑍍𑌰𑍋 𑌅𑌸𑍁॑𑌰𑍋 𑌮॒𑌹𑍋 𑌦𑌿॒𑌵𑌃 ।
𑌤𑍍𑌵𑌗𑍍​𑌮𑍍 𑌶𑌰𑍍𑌧𑍋॒ 𑌮𑌾𑌰𑍁॑𑌤-𑌮𑍍𑌪𑍃॒𑌕𑍍𑌷 𑌈॑𑌶𑌿𑌷𑍇 ।
𑌤𑍍𑌵𑌂-𑌵𑌾𑌁𑌤𑍈॑𑌰𑌰𑍁॒𑌣𑍈𑌰𑍍𑌯𑌾॑𑌸𑌿 𑌶𑌙𑍍𑌗॒𑌯𑌃 ।
𑌤𑍍𑌵-𑌮𑍍𑌪𑍂॒𑌷𑌾 𑌵𑌿॑𑌧॒𑌤𑌃 𑌪𑌾॑𑌸𑌿॒ 𑌨𑍁 𑌤𑍍𑌮𑌨𑌾᳚ ।
𑌦𑍇𑌵𑌾॑ 𑌦𑍇॒𑌵𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 । 𑌪𑍍𑌰𑌥॑𑌮𑌾 𑌦𑍍𑌵𑌿॒𑌤𑍀𑌯𑍇॑𑌷𑍁 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌦𑍍𑌵𑌿𑌤𑍀॑𑌯𑌾-𑌸𑍍𑌤𑍃॒𑌤𑍀𑌯𑍇॑𑌷𑍁 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌤𑍃𑌤𑍀॑𑌯𑌾-𑌶𑍍𑌚𑌤𑍁॒𑌰𑍍𑌥𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌚॒𑌤𑍁॒𑌰𑍍𑌥𑌾𑌃 𑌪॑𑌞𑍍𑌚॒𑌮𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 । 𑌪॒𑌞𑍍𑌚॒𑌮𑌾-𑌷𑍍𑌷॒𑌷𑍍𑌠𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ॥ 22 ॥

𑌷॒𑌷𑍍𑌠𑌾-𑌸𑍍𑌸॑𑌪𑍍𑌤॒𑌮𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 । 𑌸॒𑌪𑍍𑌤॒𑌮𑌾 𑌅॑𑌷𑍍𑌟॒𑌮𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌅॒𑌷𑍍𑌟॒𑌮𑌾 𑌨॑𑌵॒𑌮𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌨॒𑌵॒𑌮𑌾 𑌦॑𑌶॒𑌮𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌦॒𑌶॒𑌮𑌾 𑌏॑𑌕𑌾𑌦॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 । 𑌏॒𑌕॒𑌦॒𑌶𑌾 𑌦𑍍𑌵𑌾॑𑌦॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌦𑍍𑌵𑌾॒𑌦॒𑌶𑌾-𑌸𑍍𑌤𑍍𑌰॑𑌯𑍋𑌦॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌤𑍍𑌰॒𑌯𑍋॒𑌦॒𑌶𑌾-𑌶𑍍𑌚॑𑌤𑍁𑌰𑍍𑌦॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 । 𑌚॒𑌤𑍁॒𑌰𑍍𑌦॒𑌶𑌾𑌃 𑌪॑𑌞𑍍𑌚𑌦॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌪॒𑌞𑍍𑌚॒𑌦॒𑌶𑌾-𑌷𑍍𑌷𑍋॑𑌡॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ॥ 23 ॥

𑌷𑍋॒𑌡॒𑌶𑌾-𑌸𑍍𑌸॑𑌪𑍍𑌤𑌦॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 । 𑌸॒𑌪𑍍𑌤॒𑌦॒𑌶𑌾 𑌅॑𑌷𑍍𑌟𑌾𑌦॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌅॒𑌷𑍍𑌟𑌾॒𑌦॒𑌶𑌾 𑌏॑𑌕𑌾𑌨𑍍𑌨𑌵𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌏॒𑌕𑌾॒𑌨𑍍𑌨॒𑌵𑌿॒𑌗𑍍​𑌮𑍍॒𑌶𑌾 𑌵𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌵𑌿॒𑌗𑍍​𑌮𑍍॒𑌶𑌾 𑌏॑𑌕𑌵𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌏॒𑌕॒𑌵𑌿॒𑌗𑍍​𑌮𑍍॒𑌶𑌾 𑌦𑍍𑌵𑌾॑𑌵𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌦𑍍𑌵𑌾॒𑌵𑌿॒𑌗𑍍​𑌮𑍍॒𑌶𑌾 𑌸𑍍𑌤𑍍𑌰॑𑌯𑍋𑌵𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌤𑍍𑌰॒𑌯𑍋॒𑌵𑌿॒𑌗𑍍​𑌮𑍍॒𑌶𑌾 𑌶𑍍𑌚॑𑌤𑍁𑌰𑍍𑌵𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌚॒𑌤𑍁॒𑌰𑍍𑌵𑌿॒𑌗𑍍​𑌮𑍍॒𑌶𑌾𑌃 𑌪॑𑌞𑍍𑌚𑌵𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌪॒𑌞𑍍𑌚॒𑌵𑌿॒𑌗𑍍​𑌮𑍍॒𑌶𑌾-𑌷𑍍𑌷॑𑌡𑍍𑌵𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ॥ 24 ॥

𑌷॒𑌡𑍍𑌵𑌿॒𑌗𑍍​𑌮𑍍॒𑌶𑌾-𑌸𑍍𑌸॑𑌪𑍍𑌤𑌵𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌸॒𑌪𑍍𑌤॒𑌵𑌿॒𑌗𑍍​𑌮𑍍॒𑌶𑌾 𑌅॑𑌷𑍍𑌟𑌾𑌵𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌅॒𑌷𑍍𑌟𑌾॒𑌵𑌿॒𑌗𑍍​𑌮𑍍॒𑌶𑌾 𑌏॑𑌕𑌾𑌨𑍍𑌨𑌤𑍍𑌰𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌏॒𑌕𑌾॒𑌨𑍍𑌨॒𑌤𑍍𑌰𑌿॒𑌗𑍍​𑌮𑍍॒𑌶𑌾 𑌸𑍍𑌤𑍍𑌰𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌤𑍍𑌰𑌿॒𑌗𑍍​𑌮𑍍॒𑌶𑌾 𑌏॑𑌕𑌤𑍍𑌰𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌏॒𑌕॒𑌤𑍍𑌰𑌿॒𑌗𑍍​𑌮𑍍॒𑌶𑌾 𑌦𑍍𑌵𑌾᳚𑌤𑍍𑌰𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌦𑍍𑌵𑌾॒𑌤𑍍𑌰𑌿॒𑌗𑍍​𑌮𑍍॒𑌶𑌾 𑌸𑍍𑌤𑍍𑌰॑𑌯𑌸𑍍𑌤𑍍𑌰𑌿॒𑌗𑍍​𑌮𑍍॒𑌶𑍇𑌷𑍁॑
𑌶𑍍𑌰𑌯𑌦𑍍𑌧𑍍𑌵𑌮𑍍 ।
𑌦𑍇𑌵𑌾᳚𑌸𑍍𑌤𑍍𑌰𑌿𑌰𑍇-𑌕𑌾𑌦𑌶𑌾॒ 𑌸𑍍𑌤𑍍𑌰𑌿𑌸𑍍𑌤𑍍𑌰॑𑌯𑌸𑍍𑌤𑍍𑌰𑌿𑌗𑍍​𑌮𑍍𑌶𑌾𑌃 ।
𑌉𑌤𑍍𑌤॑𑌰𑍇 𑌭𑌵𑌤 । 𑌉𑌤𑍍𑌤॑𑌰 𑌵𑌰𑍍𑌤𑍍𑌮𑌾𑌨॒ 𑌉𑌤𑍍𑌤॑𑌰 𑌸𑌤𑍍𑌵𑌾𑌨𑌃 ।
𑌯𑌤𑍍𑌕𑌾॑𑌮 𑌇॒𑌦-𑌞𑍍𑌜𑍁॒𑌹𑍋𑌮𑌿॑ । 𑌤𑌨𑍍𑌮𑍇॒ 𑌸𑌮𑍃॑𑌦𑍍𑌧𑍍𑌯𑌤𑌾𑌮𑍍 ।
𑌵॒𑌯𑌗𑍍𑌗𑍍​ 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 । 𑌭𑍂𑌰𑍍𑌭𑍁𑌵॒𑌸𑍍𑌵॑-𑌸𑍍𑌸𑍍𑌵𑌾𑌹𑌾᳚ ॥ 25 ॥
(𑌷॒𑌷𑍍𑌠𑍇𑌷𑍁॑ 𑌶𑍍𑌰𑌯𑌦𑍍𑌧𑌵𑌗𑍍​𑌮𑍍 - 𑌷𑍋𑌡॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑌵𑌗𑍍​𑌮𑍍 - 𑌷𑌡𑍍𑌵𑌿॒𑌗𑍍​𑌮𑍍॒𑌶𑍇𑌷𑍁॑ 𑌶𑍍𑌰𑌯𑌦𑍍𑌧𑍍𑌵॒ - 𑌮𑍁𑌤𑍍𑌤॑𑌰𑌸𑌤𑍍𑌵𑌾𑌨𑌶𑍍𑌚॒𑌤𑍍𑌵𑌾𑌰𑌿॑ 𑌚) (𑌅. 2)

𑌅𑌨𑍁𑌵𑌾𑌕𑌂 3 - 𑌚𑌤𑍁𑌰𑍍𑌭𑌿𑌰𑌨𑍁𑌵𑌾𑌕𑍈-𑌶𑍍𑌚𑌤𑌸𑍍𑌰 𑌆𑌹𑍁𑌤𑍀𑌰𑍍𑌜𑍁𑌹𑍋𑌤𑌿
𑌅𑌗𑍍𑌨𑌾॑𑌵𑌿𑌷𑍍𑌣𑍂 𑌸॒𑌜𑍋𑌷॑𑌸𑌾 । 𑌇॒𑌮𑌾 𑌵॑𑌰𑍍𑌧𑌨𑍍𑌤𑍁 𑌵𑌾॒𑌙𑍍𑌗𑌿𑌰𑌃॑ । 𑌦𑍍𑌯𑍁॒𑌮𑍍𑌨𑍈 𑌰𑍍𑌵𑌾𑌜𑍇॑𑌭𑌿॒-𑌰𑌾𑌗॑𑌤𑌮𑍍 । 𑌰𑌾𑌜𑍍𑌞𑍀॑ 𑌵𑌿॒𑌰𑌾𑌜𑍍𑌞𑍀᳚ । 𑌸॒𑌮𑍍𑌰𑌾𑌜𑍍𑌞𑍀᳚ 𑌸𑍍𑌵॒𑌰𑌾𑌜𑍍𑌞𑍀᳚ । 𑌅॒𑌰𑍍𑌚𑌿-𑌶𑍍𑌶𑍋॒𑌚𑌿𑌃 । 𑌤𑌪𑍋॒ 𑌹𑌰𑍋॒ 𑌭𑌾𑌃 । 𑌅॒𑌗𑍍𑌨𑌿-𑌸𑍍𑌸𑍋𑌮𑍋॒ 𑌬𑍃𑌹॒𑌸𑍍𑌪𑌤𑌿𑌃॑ ।
𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌃 । 𑌤𑍇 𑌸𑌰𑍍𑌵𑍇॑ 𑌸॒𑌙𑍍𑌗𑌤𑍍𑌯॑ । 𑌇॒𑌦-𑌮𑍍𑌮𑍇॒ 𑌪𑍍𑌰𑌾𑌵॑𑌤𑌾॒ 𑌵𑌚𑌃॑ । 𑌵॒𑌯𑌗𑍍𑌗𑍍​ 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ।
𑌭𑍂-𑌰𑍍𑌭𑍁𑌵॒𑌸𑍍-𑌸𑍍𑌵॑𑌸𑍍 𑌸𑍍𑌵𑌾𑌹𑌾᳚ ॥ 26 ॥
(𑌸॒𑌙𑍍𑌗𑌤𑍍𑌯॒ 𑌤𑍍𑌰𑍀𑌣𑌿॑ 𑌚) (𑌅. 3)

𑌅𑌨𑍁𑌵𑌾𑌕𑌂 4 - 𑌚𑌤𑍁𑌰𑍍𑌭𑌿𑌰𑌨𑍁𑌵𑌾𑌕𑍈-𑌶𑍍𑌚𑌤𑌸𑍍𑌰 𑌆𑌹𑍁𑌤𑍀𑌰𑍍𑌜𑍁𑌹𑍋𑌤𑌿
𑌅𑌨𑍍𑌨॑𑌪॒𑌤𑍇 𑌽𑌨𑍍𑌨॑𑌸𑍍𑌯 𑌨𑍋 𑌦𑍇𑌹𑌿 । 𑌅॒𑌨॒𑌮𑍀॒𑌵𑌸𑍍𑌯॑ 𑌶𑍁॒𑌷𑍍𑌮𑌿𑌣𑌃॑ । 𑌪𑍍𑌰𑌪𑍍𑌰॑𑌦𑌾॒𑌤𑌾𑌰॑𑌨𑍍𑌤𑌾𑌰𑌿𑌷𑌃 । 𑌊𑌰𑍍𑌜॑-𑌨𑍍𑌨𑍋 𑌧𑍇𑌹𑌿 𑌦𑍍𑌵𑌿॒𑌪𑌦𑍇॒ 𑌚𑌤𑍁॑𑌷𑍍𑌪𑌦𑍇 । 𑌅𑌗𑍍𑌨𑍇॑ 𑌪𑍃𑌥𑌿𑌵𑍀𑌪𑌤𑍇 । 𑌸𑍋𑌮॑ 𑌵𑍀𑌰𑍁𑌧𑌾-𑌮𑍍𑌪𑌤𑍇 । 𑌤𑍍𑌵𑌷𑍍𑌟॑-𑌸𑍍𑌸𑌮𑌿𑌧𑌾-𑌮𑍍𑌪𑌤𑍇 ।
𑌵𑌿𑌷𑍍𑌣॑𑌵𑌾𑌶𑌾𑌨𑌾-𑌮𑍍𑌪𑌤𑍇 । 𑌮𑌿𑌤𑍍𑌰॑ 𑌸𑌤𑍍𑌯𑌾𑌨𑌾-𑌮𑍍𑌪𑌤𑍇 । 𑌵𑌰𑍁॑𑌣 𑌧𑌰𑍍𑌮𑌣𑌾-𑌮𑍍𑌪𑌤𑍇 ॥ 2𑍭 ॥

𑌮॒𑌰𑍁𑌤𑍋॑ 𑌗𑌣𑌾𑌨𑌾-𑌮𑍍𑌪𑌤𑌯𑌃 । 𑌰𑍁𑌦𑍍𑌰॑ 𑌪𑌶𑍂𑌨𑌾-𑌮𑍍𑌪𑌤𑍇 । 𑌇𑌨𑍍𑌦𑍍𑌰𑍌॑𑌜𑌸𑌾-𑌮𑍍𑌪𑌤𑍇 । 𑌬𑍃𑌹॑𑌸𑍍𑌪𑌤𑍇 𑌬𑍍𑌰𑌹𑍍𑌮𑌣𑌸𑍍𑌪𑌤𑍇 ।
𑌆 𑌰𑍁॒𑌚𑌾 𑌰𑍋॑𑌚𑍇॒-𑌽𑌹𑌗𑍍𑌗𑍍​ 𑌸𑍍𑌵॒𑌯𑌮𑍍 ।
𑌰𑍁॒𑌚𑌾 𑌰𑍁॑𑌰𑍁𑌚𑍇॒-𑌰𑍋𑌚॑𑌮𑌾𑌨𑌃 । 𑌅॒𑌤𑍀𑌤𑍍𑌯𑌾॒𑌦-𑌸𑍍𑌸𑍍𑌵॑𑌰𑌾𑌭॑𑌰𑍇॒𑌹 । 𑌤𑌸𑍍𑌮𑌿॒𑌨𑍍॒. 𑌯𑍋𑌨𑍌᳚ 𑌪𑍍𑌰𑌜॒𑌨𑍌 𑌪𑍍𑌰𑌜𑌾॑𑌯𑍇𑌯 । 𑌵॒𑌯𑌗𑍍𑌗𑍍​ 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ।
𑌭𑍂𑌰𑍍𑌭𑍁𑌵॒-𑌸𑍍𑌸𑍍𑌵॑-𑌸𑍍𑌸𑍍𑌵𑌾𑌹𑌾᳚ ॥ 2𑍮 ॥
[𑌵𑌰𑍁॑𑌣 𑌧𑌰𑍍𑌮𑌣𑌾-𑌮𑍍𑌪𑌤𑍇॒ 𑌸𑍍𑌵𑌃॑ - 𑌸𑍍𑌵𑌾𑌹𑌾᳚ ] (𑌅. 4)

𑌅𑌨𑍁𑌵𑌾𑌕𑌂 5 - 𑌚𑌤𑍁𑌰𑍍𑌭𑌿𑌰𑌨𑍁𑌵𑌾𑌕𑍈-𑌶𑍍𑌚𑌤𑌸𑍍𑌰 𑌆𑌹𑍁𑌤𑍀𑌰𑍍𑌜𑍁𑌹𑍋𑌤𑌿
𑌸॒𑌪𑍍𑌤 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌧॑-𑌸𑍍𑌸॒𑌪𑍍𑌤 𑌜𑌿॒𑌹𑍍𑌵𑌾𑌃 ।
𑌸॒𑌪𑍍𑌤𑌰𑍍​𑌷॑𑌯-𑌸𑍍𑌸॒𑌪𑍍𑌤𑌧𑌾𑌮॑ 𑌪𑍍𑌰𑌿॒𑌯𑌾𑌣𑌿॑ ।
𑌸॒𑌪𑍍𑌤 𑌹𑍋𑌤𑍍𑌰𑌾॑ 𑌅𑌨𑍁 𑌵𑌿॒𑌦𑍍𑌵𑌾𑌨𑍍 ।
𑌸॒𑌪𑍍𑌤 𑌯𑍋𑌨𑍀॒-𑌰𑌾𑌪𑍃॑𑌣𑌸𑍍𑌵𑌾 𑌘𑍃॒𑌤𑍇𑌨॑ । 𑌪𑍍𑌰𑌾𑌚𑍀॒ 𑌦𑌿𑌕𑍍 । 𑌅॒𑌗𑍍𑌨𑌿 𑌰𑍍𑌦𑍇॒𑌵𑌤𑌾᳚ । 𑌅॒𑌗𑍍𑌨𑌿𑌗𑍍​𑌮𑍍 𑌸 𑌦𑌿॒𑌶𑌾-𑌨𑍍𑌦𑍇॒𑌵-𑌨𑍍𑌦𑍇॒𑌵𑌤𑌾॑𑌨𑌾-𑌮𑍃𑌚𑍍𑌛𑌤𑍁 । 𑌯𑍋 𑌮𑍈॒𑌤𑌸𑍍𑌯𑍈॑
𑌦𑌿॒𑌶𑍋॑ 𑌽𑌭𑌿॒𑌦𑌾𑌸॑𑌤𑌿 । 𑌦॒𑌕𑍍𑌷𑌿॒𑌣𑌾 𑌦𑌿𑌕𑍍 । 𑌇𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾᳚ ॥ 2𑍯 ॥

𑌇𑌨𑍍𑌦𑍍𑌰॒𑌗𑍍​𑌮𑍍॒ 𑌸 𑌦𑌿॒𑌶𑌾-𑌨𑍍𑌦𑍇॒𑌵-𑌨𑍍𑌦𑍇॒𑌵𑌤𑌾॑𑌨𑌾-𑌮𑍃𑌚𑍍𑌛𑌤𑍁 ।
𑌯𑍋 𑌮𑍈॒𑌤𑌸𑍍𑌯𑍈॑ 𑌦𑌿॒𑌶𑍋॑ 𑌽𑌭𑌿॒𑌦𑌾𑌸॑𑌤𑌿 । 𑌪𑍍𑌰॒𑌤𑍀𑌚𑍀॒ 𑌦𑌿𑌕𑍍 । 𑌸𑍋𑌮𑍋॑ 𑌦𑍇॒𑌵𑌤𑌾᳚ । 𑌸𑍋𑌮॒𑌗𑍍​𑌮𑍍॒ 𑌸 𑌦𑌿॒𑌶𑌾-𑌨𑍍𑌦𑍇॒𑌵-𑌨𑍍𑌦𑍇॒𑌵𑌤𑌾॑𑌨𑌾-𑌮𑍃𑌚𑍍𑌛𑌤𑍁 । 𑌯𑍋 𑌮𑍈॒𑌤𑌸𑍍𑌯𑍈॑ 𑌦𑌿॒𑌶𑍋॑ 𑌽𑌭𑌿॒𑌦𑌾𑌸॑𑌤𑌿 । 𑌉𑌦𑍀॑𑌚𑍀॒ 𑌦𑌿𑌕𑍍 । 𑌮𑌿॒𑌤𑍍𑌰𑌾𑌵𑌰𑍁॑𑌣𑍌 𑌦𑍇॒𑌵𑌤𑌾᳚ ।
𑌮𑌿॒𑌤𑍍𑌰𑌾𑌵𑌰𑍁॑𑌣𑍌॒ 𑌸 𑌦𑌿॒𑌶𑌾-𑌨𑍍𑌦𑍇॒𑌵𑍌 𑌦𑍇॒𑌵𑌤𑌾॑𑌨𑌾-𑌮𑍃𑌚𑍍𑌛𑌤𑍁 । 𑌯𑍋 𑌮𑍈॒𑌤𑌸𑍍𑌯𑍈॑ 𑌦𑌿॒𑌶𑍋॑ 𑌽𑌭𑌿॒𑌦𑌾𑌸॑𑌤𑌿 ॥ 30 ॥

𑌊॒𑌦𑍍𑌰𑍍𑌧𑍍𑌵𑌾 𑌦𑌿𑌕𑍍 । 𑌬𑍃𑌹॒𑌸𑍍𑌪𑌤𑌿॑ 𑌰𑍍𑌦𑍇॒𑌵𑌤𑌾᳚ ।
𑌬𑍃𑌹॒𑌸𑍍𑌪𑌤𑌿॒𑌗𑍍​𑌮𑍍॒ 𑌸 𑌦𑌿॒𑌶𑌾-𑌨𑍍𑌦𑍇॒𑌵-𑌨𑍍𑌦𑍇॒𑌵𑌤𑌾॑𑌨𑌾-𑌮𑍃𑌚𑍍𑌛𑌤𑍁 । 𑌯𑍋 𑌮𑍈॒𑌤𑌸𑍍𑌯𑍈॑ 𑌦𑌿॒𑌶𑍋॑ 𑌽𑌭𑌿॒𑌦𑌾𑌸॑𑌤𑌿 ।
𑌇॒𑌯𑌨𑍍𑌦𑌿𑌕𑍍 । 𑌅𑌦𑌿॑𑌤𑌿 𑌰𑍍𑌦𑍇॒𑌵𑌤𑌾᳚ । 𑌅𑌦𑌿॑𑌤𑌿॒𑌗𑍍​𑌮𑍍 ॒ 𑌸 𑌦𑌿॒𑌶𑌾-𑌨𑍍𑌦𑍇॒𑌵𑍀-𑌨𑍍𑌦𑍇॒𑌵𑌤𑌾॑𑌨𑌾-𑌮𑍃𑌚𑍍𑌛𑌤𑍁 ।
𑌯𑍋 𑌮𑍈॒𑌤𑌸𑍍𑌯𑍈॑ 𑌦𑌿॒𑌶𑍋॑ 𑌽𑌭𑌿॒𑌦𑌾𑌸॑𑌤𑌿 ।
𑌪𑍁𑌰𑍁॑𑌷𑍋॒ 𑌦𑌿𑌕𑍍 । 𑌪𑍁𑌰𑍁॑𑌷𑍋 𑌮𑍇॒ 𑌕𑌾𑌮𑌾॒-𑌨𑍍𑌥𑍍𑌸𑌮॑𑌰𑍍𑌧𑌯𑌤𑍁 ॥ 31 ॥

𑌅॒𑌨𑍍𑌧𑍋 𑌜𑌾𑌗𑍃॑𑌵𑌿𑌃 𑌪𑍍𑌰𑌾𑌣 । 𑌅𑌸𑌾॒𑌵𑍇𑌹𑌿॑ । 𑌬॒𑌧𑌿॒𑌰 𑌆᳚𑌕𑍍𑌰𑌨𑍍𑌦𑌯𑌿𑌤-𑌰𑌪𑌾𑌨 । 𑌅𑌸𑌾॒𑌵𑍇𑌹𑌿॑ । 𑌉॒𑌷𑌸॑-𑌮𑍁𑌷𑌸-𑌮𑌶𑍀𑌯 । 𑌅॒𑌹𑌮𑌸𑍋॒ 𑌜𑍍𑌯𑍋𑌤𑌿॑𑌰𑌶𑍀𑌯 ।
𑌅॒𑌹𑌮𑌸𑍋॒ 𑌽𑌪𑍋॑𑌶𑍀𑌯 । 𑌵॒𑌯𑌗𑍍𑌗𑍍​ 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 । 𑌭𑍂𑌰𑍍𑌭𑍁𑌵॒-𑌸𑍍𑌸𑍍𑌵॑-𑌸𑍍𑌸𑍍𑌵𑌾𑌹𑌾᳚ ॥ 32 ॥
(𑌦॒𑌕𑍍𑌷𑌿॒𑌣𑌾 𑌦𑌿𑌗𑌿𑌨𑍍𑌦𑍍𑌰𑍋॑ 𑌦𑍇॒𑌵𑌤𑌾॑ - 𑌮𑌿॒𑌤𑍍𑌰𑌾𑌵𑌰𑍁॑𑌣𑍌॒ 𑌸 𑌦𑌿॒𑌶𑌾-𑌨𑍍𑌦𑍇॒𑌵𑍌 𑌦𑍇॒𑌵𑌤𑌾॑𑌨𑌾𑌮𑍃𑌚𑍍𑌛𑌤𑍁॒
𑌯𑍋 𑌮𑍈॒𑌤𑌸𑍍𑌯𑍈॑ 𑌦𑌿॒𑌶𑍋॑-𑌽𑌭𑌿॒𑌦𑌾 - 𑌸॑𑌤𑍍𑌯𑌦𑍍𑌰𑍍𑌧𑌯𑌤𑍁॒ - +𑌨𑌵॑ 𑌚) (𑌅. 5)

𑌅𑌨𑍁𑌵𑌾𑌕𑌂 6 - 𑌉𑌪𑌸𑍍𑌥𑌾𑌨𑌮𑍍
𑌯𑌤𑍍𑌤𑍇-𑌽𑌚𑌿॑𑌤𑌂॒-𑌯𑌁𑌦𑍁॑ 𑌚𑌿॒𑌤𑌨𑍍𑌤𑍇॑ 𑌅𑌗𑍍𑌨𑍇 । 𑌯𑌤𑍍𑌤॑ 𑌊॒𑌨𑌂-𑌯𑌁𑌦𑍁॒ 𑌤𑍇-𑌽𑌤𑌿॑𑌰𑌿𑌕𑍍𑌤𑌮𑍍 । 𑌆॒𑌦𑌿॒𑌤𑍍𑌯𑌾𑌸𑍍𑌤-𑌦𑌙𑍍𑌗𑌿॑𑌰𑌸-𑌶𑍍𑌚𑌿𑌨𑍍𑌵𑌨𑍍𑌤𑍁 । 𑌵𑌿𑌶𑍍𑌵𑍇॑ 𑌤𑍇 𑌦𑍇॒𑌵𑌾𑌶𑍍𑌚𑌿𑌤𑌿॒-𑌮𑌾𑌪𑍂॑𑌰𑌯𑌨𑍍𑌤𑍁 ।
𑌚𑌿॒𑌤𑌶𑍍𑌚𑌾𑌸𑌿॒ 𑌸𑌞𑍍𑌚𑌿॑𑌤𑌶𑍍𑌚𑌾-𑌸𑍍𑌯𑌗𑍍𑌨𑍇 । 𑌏॒𑌤𑌾𑌵𑌾॒𑌗𑍍॒𑌶𑍍𑌚𑌾𑌸𑌿॒ 𑌭𑍂𑌯𑌾𑌗𑍍॑𑌶𑍍𑌚𑌾𑌸𑍍𑌯𑌗𑍍𑌨𑍇 ॥ 𑌲𑍋॒𑌕-𑌮𑍍𑌪𑍃॑𑌣 𑌚𑍍𑌛𑌿॒𑌦𑍍𑌰-𑌮𑍍𑌪𑍃॑𑌣 । 𑌅𑌥𑍋॑ 𑌸𑍀𑌦 𑌶𑌿॒𑌵𑌾 𑌤𑍍𑌵𑌮𑍍 ।
𑌇॒𑌨𑍍𑌦𑍍𑌰𑌾॒𑌗𑍍𑌨𑍀 𑌤𑍍𑌵𑌾॒ 𑌬𑍃𑌹॒𑌸𑍍𑌪𑌤𑌿𑌃॑ । 𑌅॒𑌸𑍍𑌮𑌿𑌨𑍍. 𑌯𑍋𑌨𑌾॑𑌵𑌸𑍀𑌷𑌦𑌨𑍍𑌨𑍍 ॥ 33 ॥

𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥
𑌤𑌾 𑌅॑𑌸𑍍𑌯॒ 𑌸𑍂𑌦॑𑌦𑍋𑌹𑌸𑌃 ।
𑌸𑍋𑌮𑌗𑍍𑌗𑍍॑ 𑌶𑍍𑌰𑍀𑌣𑌨𑍍𑌤𑌿॒ 𑌪𑍃𑌶𑍍𑌨॑𑌯𑌃 ।
𑌜𑌨𑍍𑌮॑-𑌨𑍍𑌦𑍇॒𑌵𑌾𑌨𑌾𑌂॒-𑌵𑌿𑌁𑌶𑌃॑ ।
𑌤𑍍𑌰𑌿॒𑌷𑍍𑌵𑌾 𑌰𑍋॑𑌚॒𑌨𑍇 𑌦𑌿॒𑌵𑌃 ।
𑌤𑌯𑌾॑ 𑌦𑍇॒𑌵𑌤॑𑌯𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌧𑍍𑌰𑍁॒𑌵𑌾 𑌸𑍀॑𑌦 ॥
𑌅𑌗𑍍𑌨𑍇॑ 𑌦𑍇॒𑌵𑌾𑌗𑍍​𑌮𑍍 𑌇॒𑌹𑌾𑌵॑𑌹 । 𑌜॒𑌜𑍍𑌞𑌾॒𑌨𑍋 𑌵𑍃॒𑌕𑍍𑌤 𑌬॑𑌰𑍍​𑌹𑌿𑌷𑍇 । 𑌅𑌸𑌿॒ 𑌹𑍋𑌤𑌾॑ 𑌨॒ 𑌈𑌡𑍍𑌯𑌃॑ ॥
𑌅𑌗॑𑌨𑍍𑌮 𑌮॒𑌹𑌾 𑌮𑌨॑𑌸𑌾॒ 𑌯𑌵𑌿॑𑌷𑍍𑌠𑌮𑍍 ॥ 34 ॥

𑌯𑍋 𑌦𑍀॒𑌦𑌾𑌯॒ 𑌸𑌮𑌿॑𑌦𑍍𑌧॒-𑌸𑍍𑌸𑍍𑌵𑍇 𑌦𑍁॑𑌰𑍋॒𑌣𑍇 । 𑌚𑌿॒𑌤𑍍𑌰𑌭𑌾॑𑌨𑍂॒ 𑌰𑍋𑌦॑𑌸𑍀 𑌅॒𑌨𑍍𑌤𑌰𑍁॒𑌰𑍍𑌵𑍀 ।
𑌸𑍍𑌵𑌾॑𑌹𑍁𑌤𑌂-𑌵𑌿𑌁॒𑌶𑍍𑌵𑌤𑌃॑ 𑌪𑍍𑌰॒𑌤𑍍𑌯𑌞𑍍𑌚᳚𑌮𑍍 ॥ 𑌮𑍇॒𑌧𑌾॒𑌕𑌾॒𑌰𑌂-𑌵𑌿𑌁॒𑌦𑌥॑𑌸𑍍𑌯 𑌪𑍍𑌰॒𑌸𑌾𑌧॑𑌨𑌮𑍍 ।
𑌅॒𑌗𑍍𑌨𑌿𑌗𑍍​𑌮𑍍 𑌹𑍋𑌤𑌾॑𑌰-𑌮𑍍𑌪𑌰𑌿॒𑌭𑍂𑌤॑𑌮-𑌮𑍍𑌮॒𑌤𑌿𑌮𑍍 । 𑌤𑍍𑌵𑌾𑌮𑌰𑍍𑌭॑𑌸𑍍𑌯 𑌹॒𑌵𑌿𑌷॑-𑌸𑍍𑌸𑌮𑌾॒𑌨𑌮𑌿𑌤𑍍 ।
𑌤𑍍𑌵𑌾-𑌮𑍍𑌮॒𑌹𑍋 𑌵𑍃॑𑌣𑌤𑍇॒ 𑌨𑌰𑍋॒ 𑌨𑌾𑌨𑍍𑌯𑌨𑍍-𑌤𑍍𑌵𑌤𑍍 ॥ 𑌮॒𑌨𑍁॒𑌷𑍍𑌵𑌤𑍍𑌤𑍍𑌵𑌾॒ 𑌨𑌿𑌧𑍀॑𑌮𑌹𑌿 ।
𑌮॒𑌨𑍁॒𑌷𑍍𑌵-𑌥𑍍𑌸𑌮𑌿॑𑌧𑍀𑌮𑌹𑌿 ।
𑌅𑌗𑍍𑌨𑍇॑ 𑌮𑌨𑍁॒𑌷𑍍𑌵-𑌦॑𑌙𑍍𑌗𑌿𑌰𑌃 ॥ 35 ॥

𑌦𑍇॒𑌵𑌾-𑌨𑍍𑌦𑍇॑𑌵𑌾𑌯॒𑌤𑍇 𑌯॑𑌜 ॥ 𑌅॒𑌗𑍍𑌨𑌿𑌰𑍍-𑌹𑌿 𑌵𑌾॒𑌜𑌿𑌨𑌂॑-𑌵𑌿𑌁॒𑌶𑍇 । 𑌦𑌦𑌾॑𑌤𑌿 𑌵𑌿॒𑌶𑍍𑌵𑌚॑𑌰𑍍​𑌷𑌣𑌿𑌃 ।
𑌅॒𑌗𑍍𑌨𑍀 𑌰𑌾॒𑌯𑍇 𑌸𑍍𑌵𑌾॒𑌭𑍁𑌵᳚𑌮𑍍 । 𑌸 𑌪𑍍𑌰𑍀॒𑌤𑍋 𑌯𑌾॑𑌤𑌿॒ 𑌵𑌾𑌰𑍍𑌯᳚𑌮𑍍 । 𑌇𑌷𑌗𑍍𑌗𑍍॑ 𑌸𑍍𑌤𑍋॒𑌤𑍃𑌭𑍍𑌯॒ 𑌆𑌭॑𑌰 ॥
𑌪𑍃॒𑌷𑍍𑌟𑍋 𑌦𑌿॒𑌵𑌿 𑌪𑍃॒𑌷𑍍𑌟𑍋 𑌅॒𑌗𑍍𑌨𑌿𑌃 𑌪𑍃॑𑌥𑌿॒𑌵𑍍𑌯𑌾𑌮𑍍 । 𑌪𑍃॒𑌷𑍍𑌟𑍋 𑌵𑌿𑌶𑍍𑌵𑌾॒ 𑌓𑌷॑𑌧𑍀॒-𑌰𑌾𑌵𑌿॑𑌵𑍇𑌶 ।
𑌵𑍈॒𑌶𑍍𑌵𑌾॒𑌨॒𑌰-𑌸𑍍𑌸𑌹॑𑌸𑌾 𑌪𑍃॒𑌷𑍍𑌟𑍋 𑌅॒𑌗𑍍𑌨𑌿𑌃 ।
𑌸 𑌨𑍋॒ 𑌦𑌿𑌵𑌾॒ 𑌸 𑌰𑌿॒𑌷𑌃 𑌪𑌾॑𑌤𑍁॒ 𑌨𑌕𑍍𑌤᳚𑌮𑍍 ॥ 36 ॥
[𑌅॒𑌸𑍀॒𑌷॒𑌦॒𑌨𑍍॒. - 𑌯𑌵𑌿॑𑌷𑍍𑌠 - 𑌮𑌙𑍍𑌗𑌿𑌰𑍋॒ - 𑌨𑌕𑍍𑌤𑌂᳚ ] (𑌅. 6)
𑌅𑌨𑍁𑌵𑌾𑌕𑌂 𑍭 - 𑌨𑌾𑌚𑌿𑌕𑍇𑌤𑌬𑍍𑌰𑌾𑌹𑍍𑌮𑌣-𑌨𑍍𑌤𑌤𑍍𑌰 𑌆𑌗𑍍𑌨𑌿𑌦𑍇𑌵𑌤𑍋𑌪𑌾𑌸𑌨𑌮𑍍
𑌅॒𑌯𑌂-𑌵𑌾𑌁𑌵 𑌯𑌃 𑌪𑌵॑𑌤𑍇 । 𑌸𑍋᳚-𑌽𑌗𑍍𑌨𑌿 𑌨𑌾॑𑌰𑍍𑌚𑌿𑌕𑍇॒𑌤𑌃 ।
𑌸 𑌯-𑌤𑍍𑌪𑍍𑌰𑌾-𑌮𑍍𑌪𑌵॑𑌤𑍇 । 𑌤𑌦॑𑌸𑍍𑌯॒ 𑌶𑌿𑌰𑌃॑ । 𑌅𑌥॒ 𑌯-𑌦𑍍𑌦॑𑌕𑍍𑌷𑌿॒𑌣𑌾 । 𑌸 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 ।
𑌅𑌥॒ 𑌯-𑌤𑍍𑌪𑍍𑌰॒𑌤𑍍𑌯𑌕𑍍 । 𑌤-𑌤𑍍𑌪𑍁𑌚𑍍𑌛᳚𑌮𑍍 । 𑌯 𑌦𑍁𑌦𑌙𑍍𑌙𑍍॑ ।
𑌸 𑌉𑌤𑍍𑌤॑𑌰𑌃 𑌪॒𑌕𑍍𑌷𑌃 ॥ 3𑍭 ॥

𑌅𑌥॒ 𑌯-𑌥𑍍𑌸𑌂॒​𑌵𑌾𑌁𑌤𑌿॑ । 𑌤𑌦॑𑌸𑍍𑌯 𑌸॒𑌮𑌞𑍍𑌚॑𑌨-𑌞𑍍𑌚 𑌪𑍍𑌰॒𑌸𑌾𑌰॑𑌣-𑌞𑍍𑌚 । 𑌅𑌥𑍋॑ 𑌸॒𑌪𑌨𑍍𑌦𑍇॒𑌵𑌾𑌸𑍍𑌯॒ 𑌸𑌾 ॥ 𑌸𑌗𑍍​𑌮𑍍 𑌹॒ 𑌵𑌾 𑌅॑𑌸𑍍𑌮𑍈॒ 𑌸 𑌕𑌾𑌮𑌃॑ 𑌪𑌦𑍍𑌯𑌤𑍇 ।
𑌯-𑌤𑍍𑌕𑌾॑𑌮𑍋॒ 𑌯𑌜॑𑌤𑍇 । 𑌯𑍋᳚-𑌽𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 ।
𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥ 𑌯𑍋 𑌹॒ 𑌵𑌾 𑌅॒𑌗𑍍𑌨𑍇 𑌰𑍍𑌨𑌾॑𑌚𑌿𑌕𑍇॒𑌤𑌸𑍍𑌯𑌾॒𑌯𑌤॑𑌨-𑌮𑍍𑌪𑍍𑌰𑌤𑌿॒𑌷𑍍𑌠𑌾𑌂-𑌵𑍇𑌁𑌦॑ । 𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌗𑌚𑍍𑌛॑𑌤𑌿 𑌪𑍍𑌰𑌤𑌿॒𑌷𑍍𑌠𑌾𑌮𑍍 ॥ 3𑍮 ॥

𑌹𑌿𑌰॑𑌣𑍍𑌯𑌂॒-𑌵𑌾𑌁 𑌅॒𑌗𑍍𑌨𑍇 𑌰𑍍𑌨𑌾॑𑌚𑌿𑌕𑍇॒𑌤𑌸𑍍𑌯𑌾॒𑌯𑌤॑𑌨-𑌮𑍍𑌪𑍍𑌰𑌤𑌿॒𑌷𑍍𑌠𑌾 । 𑌯 𑌏॒𑌵𑌂-𑌵𑍇𑌁𑌦॑ ।
𑌆॒𑌯𑌤॑𑌨𑌵𑌾-𑌨𑍍𑌭𑌵𑌤𑌿 । 𑌗𑌚𑍍𑌛॑𑌤𑌿 𑌪𑍍𑌰𑌤𑌿॒𑌷𑍍𑌠𑌾𑌮𑍍 ॥
𑌯𑍋 𑌹॒ 𑌵𑌾 𑌅॒𑌗𑍍𑌨𑍇 𑌰𑍍𑌨𑌾॑𑌚𑌿𑌕𑍇॒𑌤𑌸𑍍𑌯॒ 𑌶𑌰𑍀॑𑌰𑌂॒-𑌵𑍇𑌁𑌦॑ ।
𑌸 𑌶॑𑌰𑍀𑌰 𑌏॒𑌵 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 ।
𑌹𑌿𑌰॑𑌣𑍍𑌯𑌂॒-𑌵𑌾𑌁 𑌅॒𑌗𑍍𑌨𑍇 𑌰𑍍𑌨𑌾॑𑌚𑌿𑌕𑍇॒𑌤𑌸𑍍𑌯॒ 𑌶𑌰𑍀॑𑌰𑌮𑍍 ।
𑌯 𑌏॒𑌵𑌂-𑌵𑍇𑌁𑌦॑ । 𑌸 𑌶॑𑌰𑍀𑌰 𑌏॒𑌵 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 ॥ 𑌅𑌥𑍋॒ 𑌯𑌥𑌾॑ 𑌰𑍁॒𑌕𑍍𑌮 𑌉𑌤𑍍-𑌤॑𑌪𑍍𑌤𑍋
𑌭𑌾॒𑌯𑍍𑌯𑌾𑌤𑍍 ॥ 3𑍯 ॥

𑌏॒𑌵𑌮𑍇॒𑌵 𑌸 𑌤𑍇𑌜॑𑌸𑌾॒ 𑌯𑌶॑𑌸𑌾 ।
𑌅॒𑌸𑍍𑌮𑌿𑌗𑍍𑌗𑍍​𑌶𑍍𑌚॑ 𑌲𑍋॒𑌕𑍇॑-𑌽𑌮𑍁𑌷𑍍𑌮𑌿𑌗𑍍𑌗𑍍॑𑌶𑍍𑌚 𑌭𑌾𑌤𑌿 ॥
𑌉॒𑌰𑌵𑍋॑ 𑌹॒ 𑌵𑍈 𑌨𑌾𑌮𑍈॒𑌤𑍇 𑌲𑍋॒𑌕𑌾𑌃 ।
𑌯𑍇-𑌽𑌵॑𑌰𑍇𑌣𑌾𑌦𑌿॒𑌤𑍍𑌯𑌮𑍍 । 𑌅𑌥॑ 𑌹𑍈॒𑌤𑍇 𑌵𑌰𑍀॑𑌯𑌾𑌗𑍍​𑌮𑍍𑌸𑍋 𑌲𑍋॒𑌕𑌾𑌃 । 𑌯𑍇 𑌪𑌰𑍇॑𑌣𑌾𑌦𑌿॒𑌤𑍍𑌯𑌮𑍍 । 𑌅𑌨𑍍𑌤॑𑌵𑌨𑍍𑌤𑌗𑍍​𑌮𑍍 𑌹॒ 𑌵𑌾 𑌏॒𑌷 𑌕𑍍𑌷॒𑌯𑍍𑌯𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿 ।
𑌯𑍋-𑌽𑌵॑𑌰𑍇𑌣𑌾𑌦𑌿॒𑌤𑍍𑌯𑌮𑍍 ।
𑌅𑌥॑ 𑌹𑍈॒𑌷𑍋॑-𑌽𑌨॒𑌨𑍍𑌤-𑌮॑𑌪𑌾॒𑌰-𑌮॑𑌕𑍍𑌷॒𑌯𑍍𑌯𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿 । 𑌯𑌃 𑌪𑌰𑍇॑𑌣𑌾𑌦𑌿॒𑌤𑍍𑌯𑌮𑍍 ॥ 40 ॥

𑌅॒𑌨॒𑌨𑍍𑌤𑌗𑍍​𑌮𑍍 𑌹॒ 𑌵𑌾 𑌅॑𑌪𑌾॒𑌰-𑌮॑𑌕𑍍𑌷॒𑌯𑍍𑌯𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿 । 𑌯𑍋᳚-𑌽𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 ।
𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥
𑌅𑌥𑍋॒ 𑌯𑌥𑌾॒ 𑌰𑌥𑍇॒ 𑌤𑌿𑌷𑍍𑌠॒-𑌨𑍍𑌪𑌕𑍍𑌷॑𑌸𑍀 𑌪𑌰𑍍𑌯𑌾॒-𑌵𑌰𑍍𑌤॑𑌮𑌾𑌨𑍇 𑌪𑍍𑌰॒𑌤𑍍𑌯𑌪𑍇᳚𑌕𑍍𑌷𑌤𑍇 ।
𑌏॒𑌵-𑌮॑𑌹𑍋𑌰𑌾॒𑌤𑍍𑌰𑍇 𑌪𑍍𑌰॒𑌤𑍍𑌯𑌪𑍇᳚𑌕𑍍𑌷𑌤𑍇 ।
𑌨𑌾𑌸𑍍𑌯𑌾॑-𑌹𑍋𑌰𑌾॒𑌤𑍍𑌰𑍇 𑌲𑍋॒𑌕𑌮𑌾᳚𑌪𑍍𑌨𑍁𑌤𑌃 ।
𑌯𑍋᳚-𑌽𑌗𑍍𑌨𑌿-𑌨𑍍𑌨𑌾॑𑌚𑌿॒𑌕𑍇𑌤-𑌞𑍍𑌚𑌿॑𑌨𑍁॒𑌤𑍇 ।
𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥ 41 ॥
(𑌉𑌤𑍍𑌤॑𑌰𑌃 𑌪॒𑌕𑍍𑌷𑍋 - 𑌗𑌚𑍍𑌛॑𑌤𑌿 𑌪𑍍𑌰𑌤𑌿॒𑌷𑍍𑌠𑌾𑌂 - 𑌭𑌾॒𑌯𑍍𑌯𑌾--𑌦𑍍𑌯𑌃 𑌪𑌰𑍇॑𑌣𑌾𑌦𑌿॒𑌤𑍍𑌯 - +𑌮॒𑌷𑍍𑌟𑍌 𑌚॑) (𑌅. 𑍭)

𑌅𑌨𑍁𑌵𑌾𑌕𑌂 𑍮 - 𑌨𑌾𑌚𑌿𑌕𑍇𑌤𑍋𑌪𑌾𑌖𑍍𑌯𑌾𑌨𑌮𑍍
𑌉॒𑌶𑌨𑍍. 𑌹॒ 𑌵𑍈 𑌵𑌾॑𑌜𑌶𑍍𑌰𑌵॒𑌸-𑌸𑍍𑌸॑𑌰𑍍𑌵𑌵𑍇𑌦॒𑌸-𑌨𑍍𑌦॑𑌦𑍌 । 𑌤𑌸𑍍𑌯॑ 𑌹॒ 𑌨𑌚𑌿॑𑌕𑍇𑌤𑌾॒ 𑌨𑌾𑌮॑ 𑌪𑍁॒𑌤𑍍𑌰 𑌆॑𑌸 । 𑌤𑌗𑍍​𑌮𑍍 𑌹॑ 𑌕𑍁𑌮𑌾॒𑌰𑌗𑍍​𑌮𑍍 𑌸𑌨𑍍𑌤᳚𑌮𑍍 । 𑌦𑌕𑍍𑌷𑌿॑𑌣𑌾𑌸𑍁 𑌨𑍀॒𑌯𑌮𑌾॑𑌨𑌾𑌸𑍁 𑌶𑍍𑌰॒𑌦𑍍𑌧𑌾 𑌽𑌽𑌵𑌿॑𑌵𑍇𑌶 । 𑌸 𑌹𑍋॑𑌵𑌾𑌚 ।
𑌤𑌤॒ 𑌕𑌸𑍍𑌮𑍈॒ 𑌮𑌾-𑌨𑍍𑌦𑌾᳚𑌸𑍍𑌯॒𑌸𑍀𑌤𑌿॑ । 𑌦𑍍𑌵𑌿॒𑌤𑍀𑌯॑-𑌨𑍍𑌤𑍃॒𑌤𑍀𑌯᳚𑌮𑍍 ॥ 𑌤𑌗𑍍​𑌮𑍍 𑌹॒ 𑌪𑌰𑍀॑𑌤 𑌉𑌵𑌾𑌚 ।
𑌮𑍃॒𑌤𑍍𑌯𑌵𑍇᳚ 𑌤𑍍𑌵𑌾 𑌦𑌦𑌾॒𑌮𑍀𑌤𑌿॑ ॥ 𑌤𑌗𑍍​𑌮𑍍 𑌹॒ 𑌸𑍍𑌮𑍋𑌤𑍍𑌥𑌿॑𑌤𑌂॒-𑌵𑌾𑌁𑌗॒𑌭𑌿𑌵॑𑌦𑌤𑌿 ॥ 42 ॥

𑌗𑍌𑌤॑𑌮 𑌕𑍁𑌮𑌾॒𑌰𑌮𑌿𑌤𑌿॑ । 𑌸 𑌹𑍋॑𑌵𑌾𑌚 । 𑌪𑌰𑍇॑𑌹𑌿 𑌮𑍃॒𑌤𑍍𑌯𑍋 𑌰𑍍𑌗𑍃॒𑌹𑌾𑌨𑍍 । 𑌮𑍃॒𑌤𑍍𑌯𑌵𑍇॒ 𑌵𑍈 𑌤𑍍𑌵𑌾॑-𑌽𑌦𑌾॒-𑌮𑌿𑌤𑌿॑ ॥ 𑌤𑌂-𑌵𑍈𑌁 𑌪𑍍𑌰॒𑌵𑌸॑𑌨𑍍𑌤-𑌙𑍍𑌗॒𑌨𑍍𑌤𑌾𑌸𑍀𑌤𑌿॑ 𑌹𑍋𑌵𑌾𑌚 । 𑌤𑌸𑍍𑌯॑ 𑌸𑍍𑌮 𑌤𑌿॒𑌸𑍍𑌰𑍋 𑌰𑌾𑌤𑍍𑌰𑍀॒-𑌰𑌨𑌾᳚𑌶𑍍𑌵𑌾-𑌨𑍍𑌗𑍃॒𑌹𑍇 𑌵॑𑌸𑌤𑌾𑌤𑍍 । 𑌸 𑌯𑌦𑌿॑ 𑌤𑍍𑌵𑌾 𑌪𑍃॒𑌚𑍍𑌛𑍇𑌤𑍍 । 𑌕𑍁𑌮𑌾॑𑌰॒ 𑌕𑌤𑌿॒ 𑌰𑌾𑌤𑍍𑌰𑍀॑-𑌰𑌵𑌾𑌥𑍍𑌸𑍀॒-𑌰𑌿𑌤𑌿॑ । 𑌤𑌿॒𑌸𑍍𑌰 𑌇𑌤𑌿॒ 𑌪𑍍𑌰𑌤𑌿॑ 𑌬𑍍𑌰𑍂𑌤𑌾𑌤𑍍 । 𑌕𑌿-𑌮𑍍𑌪𑍍𑌰॑𑌥॒𑌮𑌾𑌗𑍍​𑌮𑍍 𑌰𑌾𑌤𑍍𑌰𑌿॑-𑌮𑌾𑌶𑍍𑌞𑌾॒ 𑌇𑌤𑌿॑ ॥ 43 ॥

𑌪𑍍𑌰॒𑌜𑌾-𑌨𑍍𑌤॒ 𑌇𑌤𑌿॑ । 𑌕𑌿-𑌨𑍍𑌦𑍍𑌵𑌿॒𑌤𑍀𑌯𑌾॒-𑌮𑌿𑌤𑌿॑ । 𑌪॒𑌶𑍂𑌗𑍍​𑌸𑍍𑌤॒ 𑌇𑌤𑌿॑ ।
𑌕𑌿-𑌨𑍍𑌤𑍃॒𑌤𑍀𑌯𑌾॒-𑌮𑌿𑌤𑌿॑ । 𑌸𑌾॒𑌧𑍁॒𑌕𑍃॒𑌤𑍍𑌯𑌾-𑌨𑍍𑌤॒ 𑌇𑌤𑌿॑ ॥ 𑌤𑌂-𑌵𑍈𑌁 𑌪𑍍𑌰॒𑌵𑌸॑𑌨𑍍𑌤-𑌞𑍍𑌜𑌗𑌾𑌮 । 𑌤𑌸𑍍𑌯॑ 𑌹 𑌤𑌿॒𑌸𑍍𑌰𑍋 𑌰𑌾𑌤𑍍𑌰𑍀॒-𑌰𑌨𑌾᳚𑌶𑍍𑌵𑌾-𑌨𑍍𑌗𑍃॒𑌹 𑌉॑𑌵𑌾𑌸 । 𑌤𑌮𑌾॒𑌗𑌤𑍍𑌯॑ 𑌪𑌪𑍍𑌰𑌚𑍍𑌛 ।
𑌕𑍁𑌮𑌾॑𑌰॒ 𑌕𑌤𑌿॒ 𑌰𑌾𑌤𑍍𑌰𑍀॑-𑌰𑌵𑌾𑌥𑍍𑌸𑍀॒-𑌰𑌿𑌤𑌿॑ । 𑌤𑌿॒𑌸𑍍𑌰 𑌇𑌤𑌿॒ 𑌪𑍍𑌰𑌤𑍍𑌯𑍁॑𑌵𑌾𑌚 ॥ 44 ॥

𑌕𑌿-𑌮𑍍𑌪𑍍𑌰॑𑌥॒𑌮𑌾𑌗𑍍​𑌮𑍍 𑌰𑌾𑌤𑍍𑌰𑌿॑-𑌮𑌾𑌶𑍍𑌞𑌾॒ 𑌇𑌤𑌿॑ । 𑌪𑍍𑌰॒𑌜𑌾-𑌨𑍍𑌤॒ 𑌇𑌤𑌿॑ । 𑌕𑌿-𑌨𑍍𑌦𑍍𑌵𑌿॒𑌤𑍀𑌯𑌾॒-𑌮𑌿𑌤𑌿॑ । 𑌪॒𑌶𑍂𑌗𑍍​𑌸𑍍𑌤॒ 𑌇𑌤𑌿॑ । 𑌕𑌿-𑌨𑍍𑌤𑍃॒𑌤𑍀𑌯𑌾॒-𑌮𑌿𑌤𑌿॑ । 𑌸𑌾॒𑌧𑍁॒𑌕𑍃॒𑌤𑍍𑌯𑌾-𑌨𑍍𑌤॒ 𑌇𑌤𑌿॑ ॥ 𑌨𑌮॑𑌸𑍍𑌤𑍇 𑌅𑌸𑍍𑌤𑍁 𑌭𑌗𑌵॒ 𑌇𑌤𑌿॑ 𑌹𑍋𑌵𑌾𑌚 । 𑌵𑌰𑌂॑-𑌵𑍃𑌁𑌣𑍀॒𑌷𑍍𑌵𑍇𑌤𑌿॑ ॥ 𑌪𑌿॒𑌤𑌰॑𑌮𑍇॒𑌵 𑌜𑍀𑌵॑𑌨𑍍𑌨𑌯𑌾॒𑌨𑍀𑌤𑌿॑ ॥
𑌦𑍍𑌵𑌿॒𑌤𑍀𑌯𑌂॑-𑌵𑍃𑌁𑌣𑍀॒𑌷𑍍𑌵𑍇𑌤𑌿॑ ॥ 45 ॥

𑌇॒𑌷𑍍𑌟𑌾॒𑌪𑍂॒𑌰𑍍𑌤𑌯𑍋॒ 𑌰𑍍𑌮𑍇 𑌽𑌕𑍍𑌷𑌿॑𑌤𑌿-𑌮𑍍𑌬𑍍𑌰𑍂॒𑌹𑍀𑌤𑌿॑ 𑌹𑍋𑌵𑌾𑌚 ।
𑌤𑌸𑍍𑌮𑍈॑ 𑌹𑍈॒𑌤𑌮॒𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌮𑍁॑𑌵𑌾𑌚 ।
𑌤𑌤𑍋॒ 𑌵𑍈 𑌤𑌸𑍍𑌯𑍇᳚-𑌷𑍍𑌟𑌾𑌪𑍂॒𑌰𑍍𑌤𑍇 𑌨𑌾 𑌕𑍍𑌷𑍀॑𑌯𑍇𑌤𑍇 ॥
𑌨𑌾𑌸𑍍𑌯𑍇᳚𑌷𑍍𑌟𑌾-𑌪𑍂॒𑌰𑍍𑌤𑍇 𑌕𑍍𑌷𑍀॑𑌯𑍇𑌤𑍇 । 𑌯𑍋-𑌽᳚𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 । 𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥ 𑌤𑍃॒𑌤𑍀𑌯𑌂॑-𑌵𑍃𑌁𑌣𑍀॒𑌷𑍍𑌵𑍇𑌤𑌿॑ । 𑌪𑍁॒𑌨॒ 𑌮𑍃॒𑌰𑍍𑌤𑍍𑌯𑍋 𑌰𑍍𑌮𑍇 𑌽𑌪॑𑌜𑌿𑌤𑌿-𑌮𑍍𑌬𑍍𑌰𑍂॒𑌹𑍀𑌤𑌿॑ 𑌹𑍋𑌵𑌾𑌚 । 𑌤𑌸𑍍𑌮𑍈॑ 𑌹𑍈॒𑌤𑌮॒𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌮𑍁॑𑌵𑌾𑌚 । 𑌤𑌤𑍋॒ 𑌵𑍈 𑌸𑍋-𑌽𑌪॑ 𑌪𑍁𑌨 𑌰𑍍𑌮𑍃॒𑌤𑍍𑌯𑍁-𑌮॑𑌜𑌯𑌤𑍍 ॥ 46 ॥

𑌅𑌪॑ 𑌪𑍁𑌨 𑌰𑍍𑌮𑍃॒𑌤𑍍𑌯𑍁-𑌞𑍍𑌜॑𑌯𑌤𑌿 । 𑌯𑍋-𑌽᳚𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 ॥ 𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥ 𑌪𑍍𑌰॒𑌜𑌾𑌪॑𑌤𑌿॒ 𑌰𑍍𑌵𑍈 𑌪𑍍𑌰॒𑌜𑌾𑌕𑌾॑𑌮॒-𑌸𑍍𑌤𑌪𑍋॑-𑌽𑌤𑌪𑍍𑌯𑌤 ।
𑌸 𑌹𑌿𑌰॑𑌣𑍍𑌯॒-𑌮𑍁𑌦𑌾᳚𑌸𑍍𑌯𑌤𑍍 । 𑌤-𑌦॒𑌗𑍍𑌨𑍌 𑌪𑍍𑌰𑌾𑌸𑍍𑌯॑𑌤𑍍 ।
𑌤-𑌦॑𑌸𑍍𑌮𑍈॒ 𑌨𑌾𑌚𑍍𑌛॑𑌦𑌯𑌤𑍍 । 𑌤-𑌦𑍍𑌦𑍍𑌵𑌿॒𑌤𑍀𑌯॒-𑌮𑍍𑌪𑍍𑌰𑌾𑌸𑍍𑌯॑𑌤𑍍 । 𑌤-𑌦॑𑌸𑍍𑌮𑍈॒ 𑌨𑍈 𑌵𑌾𑌚𑍍𑌛॑𑌦𑌯𑌤𑍍 । 𑌤-𑌤𑍍𑌤𑍃॒𑌤𑍀𑌯॒-𑌮𑍍𑌪𑍍𑌰𑌾𑌸𑍍𑌯॑𑌤𑍍 ॥ 4𑍭 ॥

𑌤-𑌦॑𑌸𑍍𑌮𑍈॒ 𑌨𑍈 𑌵𑌾𑌚𑍍𑌛॑𑌦𑌯𑌤𑍍 । 𑌤-𑌦𑌾॒𑌤𑍍𑌮-𑌨𑍍𑌨𑍇॒𑌵 𑌹𑍃॑𑌦॒𑌯𑍍𑌯𑍇᳚-𑌽𑌗𑍍𑌨𑍌 𑌵𑍈᳚𑌶𑍍𑌵𑌾𑌨॒𑌰𑍇 𑌪𑍍𑌰𑌾𑌸𑍍𑌯॑𑌤𑍍 ।
𑌤-𑌦॑𑌸𑍍𑌮𑌾 𑌅𑌚𑍍𑌛𑌦𑌯𑌤𑍍 । 𑌤𑌸𑍍𑌮𑌾॒𑌦𑍍𑌧𑌿𑌰॑𑌣𑍍𑌯॒-𑌙𑍍𑌕𑌨𑌿॑𑌷𑍍𑌠॒-𑌨𑍍𑌧𑌨𑌾॑𑌨𑌾𑌮𑍍 । 𑌭𑍁॒𑌞𑍍𑌜-𑌤𑍍𑌪𑍍𑌰𑌿॒𑌯𑌤॑𑌮𑌮𑍍 । 𑌹𑍃॒𑌦॒𑌯॒𑌜𑌗𑍍​𑌮𑍍 𑌹𑌿 । 𑌸 𑌵𑍈 𑌤𑌮𑍇॒𑌵 𑌨𑌾𑌵𑌿॑𑌨𑍍𑌦𑌤𑍍 ।
𑌯𑌸𑍍𑌮𑍈॒ 𑌤𑌾-𑌨𑍍𑌦𑌕𑍍𑌷𑌿॑𑌣𑌾॒-𑌮𑌨𑍇᳚𑌷𑍍𑌯𑌤𑍍 ।
𑌤𑌾𑌗𑍍​ 𑌸𑍍𑌵𑌾𑌯𑍈॒𑌵 𑌹𑌸𑍍𑌤𑌾॑𑌯॒ 𑌦𑌕𑍍𑌷𑌿॑𑌣𑌾𑌯𑌾𑌨𑌯𑌤𑍍 ।
𑌤𑌾-𑌮𑍍𑌪𑍍𑌰𑌤𑍍𑌯॑𑌗𑍃𑌹𑍍𑌣𑌾𑌤𑍍 ॥ 4𑍮 ॥

𑌦𑌕𑍍𑌷𑌾॑𑌯 𑌤𑍍𑌵𑌾॒ 𑌦𑌕𑍍𑌷𑌿॑𑌣𑌾॒-𑌮𑍍𑌪𑍍𑌰𑌤𑌿॑𑌗𑍃𑌹𑍍𑌣𑌾॒𑌮𑍀𑌤𑌿॑ ।
𑌸𑍋॑ 𑌽𑌦𑌕𑍍𑌷𑌤॒ 𑌦𑌕𑍍𑌷𑌿॑𑌣𑌾-𑌮𑍍𑌪𑍍𑌰𑌤𑌿॒𑌗𑍃𑌹𑍍𑌯॑ ।
𑌦𑌕𑍍𑌷॑𑌤𑍇 𑌹॒ 𑌵𑍈 𑌦𑌕𑍍𑌷𑌿॑𑌣𑌾-𑌮𑍍𑌪𑍍𑌰𑌤𑌿॒𑌗𑍃𑌹𑍍𑌯॑ ।
𑌯 𑌏॒𑌵𑌂-𑌵𑍇𑌁𑌦॑ ॥ 𑌏॒𑌤𑌦𑍍𑌧॑ 𑌸𑍍𑌮॒ 𑌵𑍈 𑌤-𑌦𑍍𑌵𑌿॒𑌦𑍍𑌵𑌾𑌗𑍍​𑌮𑍍𑌸𑍋॑ 𑌵𑌾𑌜𑌶𑍍𑌰𑌵॒𑌸𑌾 𑌗𑍋𑌤॑𑌮𑌾𑌃 ।
𑌅𑌪𑍍𑌯॑𑌨𑍂𑌦𑍇॒𑌶𑍍𑌯𑌾᳚-𑌨𑍍𑌦𑌕𑍍𑌷𑌿॑𑌣𑌾॒-𑌮𑍍𑌪𑍍𑌰𑌤𑌿॑𑌗𑍃𑌹𑍍𑌣𑌨𑍍𑌤𑌿 ।
𑌉॒𑌭𑌯𑍇॑𑌨 𑌵॒𑌯-𑌨𑍍𑌦॑𑌕𑍍𑌷𑌿𑌷𑍍𑌯𑌾𑌮𑌹 𑌏॒𑌵 𑌦𑌕𑍍𑌷𑌿॑𑌣𑌾-𑌮𑍍𑌪𑍍𑌰𑌤𑌿॒𑌗𑍃𑌹𑍍𑌯𑍇𑌤𑌿॑ ।
𑌤𑍇॑ 𑌽𑌦𑌕𑍍𑌷𑌨𑍍𑌤॒ 𑌦𑌕𑍍𑌷𑌿॑𑌣𑌾-𑌮𑍍𑌪𑍍𑌰𑌤𑌿॒𑌗𑍃𑌹𑍍𑌯॑ ।
𑌦𑌕𑍍𑌷॑𑌤𑍇 𑌹॒ 𑌵𑍈 𑌦𑌕𑍍𑌷𑌿॑𑌣𑌾-𑌮𑍍𑌪𑍍𑌰𑌤𑌿॒𑌗𑍃𑌹𑍍𑌯॑ ।
𑌯 𑌏॒𑌵𑌂-𑌵𑍇𑌁𑌦॑ ।
𑌪𑍍𑌰 𑌹𑌾॒𑌨𑍍𑌯𑌂-𑌵𑍍𑌲𑍀𑌁॑𑌨𑌾𑌤𑌿 ॥ 4𑍯 ॥
(𑌵॒𑌦॒ - 𑌤𑍍𑌯𑌾॒𑌶𑍍𑌨𑌾॒ 𑌇𑌤𑍍 - 𑌯𑍁॑𑌵𑌾𑌚 - 𑌦𑍍𑌵𑌿॒𑌤𑍀𑌯𑌂॑-𑌵𑍃𑌁𑌣𑍀॒𑌷𑍍𑌵𑍇 - 𑌤𑍍𑌯॑𑌜𑌯𑌤𑍍 - 𑌤𑍃॒𑌤𑍀𑌯॒-𑌮𑍍𑌪𑍍𑌰𑌾𑌸𑍍𑌯॑ - 𑌦𑌗𑍃𑌹𑍍𑌣𑌾॒--𑌦𑍍𑌯 𑌏॒𑌵𑌂-𑌵𑍇𑌁𑌦𑍈𑌕॑-𑌞𑍍𑌚) (𑌅. 𑍮)

𑌅𑌨𑍁𑌵𑌾𑌕𑌂 𑍯 - 𑌚𑌯𑌨𑌪𑍍𑌰𑌯𑍋𑌗𑌃
𑌤𑌗𑍍​𑌮𑍍 𑌹𑍈॒𑌤-𑌮𑍇𑌕𑍇॑ 𑌪𑌶𑍁𑌬॒𑌨𑍍𑌧 𑌏॒𑌵𑍋𑌤𑍍𑌤॑𑌰𑌵𑍇॒𑌦𑍍𑌯𑌾-𑌞𑍍𑌚𑌿॑𑌨𑍍𑌵𑌤𑍇 । 𑌉॒𑌤𑍍𑌤॒𑌰॒𑌵𑍇॒𑌦𑌿𑌸॑𑌮𑍍𑌮𑌿𑌤 𑌏॒𑌷𑍋᳚-𑌽𑌗𑍍𑌨𑌿𑌰𑌿𑌤𑌿॒ 𑌵𑌦॑𑌨𑍍𑌤𑌃 । 𑌤𑌨𑍍𑌨 𑌤𑌥𑌾॑ 𑌕𑍁॒𑌰𑍍𑌯𑌾𑌤𑍍 । 𑌏॒𑌤-𑌮॒𑌗𑍍𑌨𑌿-𑌙𑍍𑌕𑌾𑌮𑍇॑𑌨॒ 𑌵𑍍𑌯॑𑌰𑍍𑌧𑌯𑍇𑌤𑍍 । 𑌸 𑌏॑𑌨॒-𑌙𑍍𑌕𑌾𑌮𑍇॑𑌨॒ 𑌵𑍍𑌯𑍃॑𑌦𑍍𑌧𑌃 । 𑌕𑌾𑌮𑍇॑𑌨॒ 𑌵𑍍𑌯॑𑌰𑍍𑌧𑌯𑍇𑌤𑍍 ।
𑌸𑍌॒𑌮𑍍𑌯𑍇 𑌵𑌾𑌵𑍈 𑌨॑𑌮𑌧𑍍𑌵॒𑌰𑍇 𑌚𑌿॑𑌨𑍍𑌵𑍀॒𑌤 ।
𑌯𑌤𑍍𑌰॑ 𑌵𑌾॒ 𑌭𑍂𑌯𑌿॑𑌷𑍍𑌠𑌾॒ 𑌆𑌹𑍁॑𑌤𑌯𑍋 𑌹𑍂॒𑌯𑍇𑌰𑌨𑍍𑌨𑍍॑ ।
𑌏॒𑌤-𑌮॒𑌗𑍍𑌨𑌿-𑌙𑍍𑌕𑌾𑌮𑍇॑𑌨॒ 𑌸𑌮॑𑌰𑍍𑌧𑌯𑌤𑌿 । 𑌸 𑌏॑𑌨॒-𑌙𑍍𑌕𑌾𑌮𑍇॑𑌨॒ 𑌸𑌮𑍃॑𑌦𑍍𑌧𑌃 ॥ 50 ॥

𑌕𑌾𑌮𑍇॑𑌨॒ 𑌸𑌮॑𑌰𑍍𑌧𑌯𑌤𑌿 ॥ 𑌅𑌥॑ 𑌹𑍈𑌨-𑌮𑍍𑌪𑍁॒𑌰𑌰𑍍​𑌷॑𑌯𑌃 । 𑌉॒𑌤𑍍𑌤॒𑌰॒𑌵𑍇॒𑌦𑍍𑌯𑌾-𑌮𑍇॒𑌵 𑌸॒𑌤𑍍𑌰𑌿𑌯॑-𑌮𑌚𑌿𑌨𑍍𑌵𑌤 । 𑌤𑌤𑍋॒ 𑌵𑍈 𑌤𑍇-𑌽𑌵𑌿॑𑌨𑍍𑌦𑌨𑍍𑌤 𑌪𑍍𑌰॒𑌜𑌾𑌮𑍍 ।
𑌅॒𑌭𑌿 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕-𑌮॑𑌜𑌯𑌨𑍍𑌨𑍍 ।
𑌵𑌿॒𑌨𑍍𑌦𑌤॑ 𑌏॒𑌵 𑌪॒𑌜𑌾𑌮𑍍 । 𑌅॒𑌭𑌿 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿 । 𑌯𑍋᳚-𑌽𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 ।
𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥ 𑌅𑌥॑ 𑌹𑍈𑌨𑌂-𑌵𑌾𑌁॒𑌯𑍁𑌰𑍍-𑌋𑌦𑍍𑌧𑌿॑𑌕𑌾𑌮𑌃 ॥ 51 ॥

𑌯॒𑌥𑌾॒𑌨𑍍𑌯𑍁॒𑌪𑍍𑌤-𑌮𑍇॒𑌵𑍋𑌪॑𑌦𑌧𑍇 ।
𑌤𑌤𑍋॒ 𑌵𑍈 𑌸 𑌏॒𑌤𑌾-𑌮𑍃𑌦𑍍𑌧𑌿॑-𑌮𑌾𑌦𑍍𑌰𑍍𑌧𑍍𑌨𑍋𑌤𑍍 ।
𑌯𑌾𑌮𑌿॒𑌦𑌂-𑌵𑌾𑌁॒𑌯𑍁𑌰𑍍-𑌋॒𑌦𑍍𑌧𑌃 ।
𑌏॒𑌤𑌾-𑌮𑍃𑌦𑍍𑌧𑌿॑-𑌮𑍃𑌦𑍍𑌧𑍍𑌨𑍋𑌤𑌿 ।
𑌯𑌾𑌮𑌿॒𑌦𑌂-𑌵𑌾𑌁॒𑌯𑍁𑌰𑍍-𑌋॒𑌦𑍍𑌧𑌃 ।
𑌯𑍋᳚-𑌽𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 ।
𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥ 𑌅𑌥॑ 𑌹𑍈𑌨-𑌙𑍍𑌗𑍋𑌬॒𑌲𑍋 𑌵𑌾𑌰𑍍​𑌷𑍍𑌣𑌃॑ 𑌪॒𑌶𑍁𑌕𑌾॑𑌮𑌃 । 𑌪𑌾𑌙𑍍𑌕𑍍𑌤॑𑌮𑍇॒𑌵 𑌚𑌿॑𑌕𑍍𑌯𑍇 । 𑌪𑌞𑍍𑌚॑ 𑌪𑍁॒𑌰𑌸𑍍𑌤𑌾᳚𑌤𑍍 ॥ 52 ॥

𑌪𑌞𑍍𑌚॑ 𑌦𑌕𑍍𑌷𑌿𑌣॒𑌤𑌃 । 𑌪𑌞𑍍𑌚॑ 𑌪॒𑌶𑍍𑌚𑌾𑌤𑍍 । 𑌪𑌞𑍍𑌚𑍋᳚𑌤𑍍𑌤𑌰॒𑌤𑌃 । 𑌏𑌕𑌾॒-𑌮𑍍𑌮𑌦𑍍𑌧𑍍𑌯𑍇᳚ ।
𑌤𑌤𑍋॒ 𑌵𑍈 𑌸 𑌸॒𑌹𑌸𑍍𑌰॑-𑌮𑍍𑌪॒𑌶𑍂-𑌨𑍍𑌪𑍍𑌰𑌾𑌪𑍍𑌨𑍋᳚𑌤𑍍 ।
𑌪𑍍𑌰 𑌸॒𑌹𑌸𑍍𑌰॑-𑌮𑍍𑌪॒𑌶𑍂-𑌨𑌾᳚𑌪𑍍𑌨𑍋𑌤𑌿 ।
𑌯𑍋᳚-𑌽𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 । 𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥ 𑌅𑌥॑ 𑌹𑍈𑌨-𑌮𑍍𑌪𑍍𑌰॒𑌜𑌾𑌪॑𑌤𑌿॒ 𑌰𑍍𑌜𑍍𑌯𑍈𑌷𑍍𑌠𑍍𑌯॑𑌕𑌾𑌮𑍋॒ 𑌯𑌶॑𑌸𑍍𑌕𑌾𑌮𑌃 𑌪𑍍𑌰॒𑌜𑌨॑𑌨𑌕𑌾𑌮𑌃 ।
𑌤𑍍𑌰𑌿॒𑌵𑍃𑌤॑𑌮𑍇॒𑌵 𑌚𑌿॑𑌕𑍍𑌯𑍇 ॥ 53 ॥

𑌸॒𑌪𑍍𑌤 𑌪𑍁॒𑌰𑌸𑍍𑌤𑌾᳚𑌤𑍍 । 𑌤𑌿॒𑌸𑍍𑌰𑍋 𑌦॑𑌕𑍍𑌷𑌿𑌣॒𑌤𑌃 । 𑌸॒𑌪𑍍𑌤 𑌪॒𑌶𑍍𑌚𑌾𑌤𑍍 । 𑌤𑌿॒𑌸𑍍𑌰 𑌉॑𑌤𑍍𑌤𑌰॒𑌤𑌃 । 𑌏𑌕𑌾॒-𑌮𑍍𑌮𑌦𑍍𑌧𑍍𑌯𑍇᳚ । 𑌤𑌤𑍋॒ 𑌵𑍈 𑌸 𑌪𑍍𑌰 𑌯𑌶𑍋॒ 𑌜𑍍𑌯𑍈𑌷𑍍𑌠𑍍𑌯॑-𑌮𑌾𑌪𑍍𑌨𑍋𑌤𑍍 ।
𑌏॒𑌤𑌾-𑌮𑍍𑌪𑍍𑌰𑌜𑌾॑𑌤𑌿॒-𑌮𑍍𑌪𑍍𑌰𑌾𑌜𑌾॑𑌯𑌤 । 𑌯𑌾𑌮𑌿॒𑌦-𑌮𑍍𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌯॑𑌨𑍍𑌤𑍇 । 𑌤𑍍𑌰𑌿॒𑌵𑍃-𑌦𑍍𑌵𑍈 𑌜𑍍𑌯𑍈𑌷𑍍𑌠𑍍𑌯᳚𑌮𑍍 । 𑌮𑌾॒𑌤𑌾 𑌪𑌿॒𑌤𑌾 𑌪𑍁॒𑌤𑍍𑌰𑌃 ॥ 54 ॥

𑌤𑍍𑌰𑌿॒𑌵𑍃-𑌤𑍍𑌪𑍍𑌰॒𑌜𑌨॑𑌨𑌮𑍍 । 𑌉॒𑌪𑌸𑍍𑌥𑍋॒ 𑌯𑍋𑌨𑌿॑ 𑌰𑍍𑌮𑌦𑍍𑌧𑍍𑌯॒𑌮𑌾 । 𑌪𑍍𑌰𑌯𑌶𑍋॒ 𑌜𑍍𑌯𑍈𑌷𑍍𑌠𑍍𑌯॑-𑌮𑌾𑌪𑍍𑌨𑍋𑌤𑌿 । 𑌏॒𑌤𑌾-𑌮𑍍𑌪𑍍𑌰॑𑌜𑌾𑌤𑌿॒-𑌮𑍍𑌪𑍍𑌰𑌜𑌾॑𑌯𑌤𑍇 । 𑌯𑌾𑌮𑌿॒𑌦-𑌮𑍍𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌯॑𑌨𑍍𑌤𑍇 । 𑌯𑍋᳚-𑌽𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 । 𑌯 𑌉॑ 𑌚𑍈𑌨𑌮𑍇॒𑌵𑌂-𑌵𑍇𑌁𑌦॑ ॥ 𑌅𑌥॑ 𑌹𑍈𑌨॒-𑌮𑌿𑌨𑍍𑌦𑍍𑌰𑍋॒ 𑌜𑍍𑌯𑍈𑌷𑍍𑌠𑍍𑌯॑𑌕𑌾𑌮𑌃 ।
𑌊॒𑌦𑍍𑌰𑍍𑌧𑍍𑌵𑌾 𑌏॒𑌵𑍋𑌪॑𑌦𑌧𑍇 । 𑌤𑌤𑍋॒ 𑌵𑍈 𑌸 𑌜𑍍𑌯𑍈𑌷𑍍𑌠𑍍𑌯॑-𑌮𑌗𑌚𑍍𑌛𑌤𑍍 ॥ 55 ॥

𑌜𑍍𑌯𑍈𑌷𑍍𑌠𑍍𑌯॑-𑌙𑍍𑌗𑌚𑍍𑌛𑌤𑌿 । 𑌯𑍋᳚-𑌽𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 । 𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥ 𑌅𑌥॑ 𑌹𑍈𑌨-𑌮॒𑌸𑌾𑌵𑌾॑𑌦𑌿॒𑌤𑍍𑌯-𑌸𑍍𑌸𑍍𑌵॒𑌰𑍍𑌗𑌕𑌾॑𑌮𑌃 ।
𑌪𑍍𑌰𑌾𑌚𑍀॑𑌰𑍇॒𑌵𑍋𑌪॑𑌦𑌧𑍇 । 𑌤𑌤𑍋॒ 𑌵𑍈 𑌸𑍋॑-𑌽𑌭𑌿 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕-𑌮॑𑌜𑌯𑌤𑍍 । 𑌅॒𑌭𑌿 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿 । 𑌯𑍋᳚-𑌽𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 ।
𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥ 𑌸 𑌯𑌦𑍀॒𑌚𑍍𑌛𑍇𑌤𑍍 ॥ 56 ॥

𑌤𑍇॒𑌜॒𑌸𑍍𑌵𑍀 𑌯॑𑌶॒𑌸𑍍𑌵𑍀 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍀 𑌸𑍍𑌯𑌾॒𑌮𑌿𑌤𑌿॑ । 𑌪𑍍𑌰𑌾𑌂𑌆 𑌹𑍋𑌤𑍁॒𑌰𑍍𑌧𑌿𑌷𑍍𑌣𑍍𑌯𑌾॒-𑌦𑍁𑌥𑍍𑌸॑𑌰𑍍𑌪𑍇𑌤𑍍 ।
𑌯𑍇𑌯-𑌮𑍍𑌪𑍍𑌰𑌾𑌗𑌾॒-𑌦𑍍𑌯𑌶॑𑌸𑍍𑌵𑌤𑍀 । 𑌸𑌾 𑌮𑌾॒ 𑌪𑍍𑌰𑍋𑌰𑍍𑌣𑍋॑𑌤𑍁 ।
𑌤𑍇𑌜॑𑌸𑌾॒ 𑌯𑌶॑𑌸𑌾 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨𑍇𑌤𑌿॑ ।
𑌤𑍇॒𑌜॒𑌸𑍍𑌵𑍍𑌯𑍇॑𑌵 𑌯॑𑌶॒𑌸𑍍𑌵𑍀 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍀 𑌭॑𑌵𑌤𑌿 ॥ 𑌅𑌥॒ 𑌯𑌦𑍀॒𑌚𑍍𑌛𑍇𑌤𑍍 । 𑌭𑍂𑌯𑌿॑𑌷𑍍𑌠-𑌮𑍍𑌮𑍇॒ 𑌶𑍍𑌰𑌦𑍍𑌦॑𑌧𑍀𑌰𑌨𑍍𑌨𑍍 । 𑌭𑍂𑌯𑌿॑𑌷𑍍𑌠𑌾॒ 𑌦𑌕𑍍𑌷𑌿॑𑌣𑌾 𑌨𑌯𑍇𑌯𑍁॒𑌰𑌿𑌤𑌿॑ ।
𑌦𑌕𑍍𑌷𑌿॑𑌣𑌾𑌸𑍁 𑌨𑍀॒𑌯𑌮𑌾॑𑌨𑌾𑌸𑍁॒ 𑌪𑍍𑌰𑌾𑌚𑍍𑌯𑍇𑌹𑌿॒ 𑌪𑍍𑌰𑌾𑌚𑍍𑌯𑍇॒𑌹𑍀𑌤𑌿॒ 𑌪𑍍𑌰𑌾𑌚𑍀॑ 𑌜𑍁𑌷𑌾॒𑌣𑌾 𑌵𑍇𑌤𑍍𑌵𑌾𑌜𑍍𑌯॑𑌸𑍍𑌯॒ 𑌸𑍍𑌵𑌾𑌹𑍇𑌤𑌿॑ 𑌸𑍍𑌰𑍁॒𑌵𑍇𑌣𑍋॑-𑌪॒𑌹𑌤𑍍𑌯𑌾॑ 𑌹𑌵॒𑌨𑍀𑌯𑍇॑ 𑌜𑍁𑌹𑍁𑌯𑌾𑌤𑍍 ॥ 5𑍭 ॥

𑌭𑍂𑌯𑌿॑𑌷𑍍𑌠-𑌮𑍇॒𑌵𑌾𑌸𑍍𑌮𑍈॒ 𑌶𑍍𑌰𑌦𑍍𑌦॑𑌧𑌤𑍇 । 𑌭𑍂𑌯𑌿॑𑌷𑍍𑌠𑌾॒ 𑌦𑌕𑍍𑌷𑌿॑𑌣𑌾 𑌨𑌯𑌨𑍍𑌤𑌿 ॥ 𑌪𑍁𑌰𑍀॑𑌷-𑌮𑍁𑌪॒𑌧𑌾𑌯॑ । 𑌚𑌿॒𑌤𑌿॒-𑌕𑍍𑌲𑍃॒𑌪𑍍𑌤𑌿𑌭𑌿॑-𑌰𑌭𑌿॒𑌮𑍃𑌶𑍍𑌯॑ । 𑌅॒𑌗𑍍𑌨𑌿-𑌮𑍍𑌪𑍍𑌰॒𑌣𑍀𑌯𑍋॑𑌪𑌸𑌮𑌾॒𑌧𑌾𑌯॑ । 𑌚𑌤॑𑌸𑍍𑌰 𑌏॒𑌤𑌾 𑌆𑌹𑍁॑𑌤𑍀 𑌰𑍍𑌜𑍁𑌹𑍋𑌤𑌿 । 𑌤𑍍𑌵𑌮॑𑌗𑍍𑌨𑍇 𑌰𑍁॒𑌦𑍍𑌰 𑌇𑌤𑌿॑ 𑌶𑌤𑌰𑍁॒𑌦𑍍𑌰𑍀𑌯॑𑌸𑍍𑌯 𑌰𑍂॒𑌪𑌮𑍍 ।
𑌅𑌗𑍍𑌨𑌾॑-𑌵𑌿𑌷𑍍𑌣𑍂॒ 𑌇𑌤𑌿॑ 𑌵𑌸𑍋॒𑌦𑍍𑌰𑍍𑌧𑌾𑌰𑌾॑𑌯𑌾𑌃 । 𑌅𑌨𑍍𑌨॑𑌪𑌤॒ 𑌇𑌤𑍍𑌯॑𑌨𑍍𑌨 𑌹𑍋॒𑌮𑌃 । 𑌸॒𑌪𑍍𑌤 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌧॑-𑌸𑍍𑌸॒𑌪𑍍𑌤 𑌜𑌿॒𑌹𑍍𑌵𑌾 𑌇𑌤𑌿॑ 𑌵𑌿𑌶𑍍𑌵॒𑌪𑍍𑌰𑍀𑌃 ॥ 5𑍮 ॥
[𑌸𑌮𑍃॑𑌦𑍍𑌧॒ - 𑌋𑌦𑍍𑌧𑌿॑𑌕𑌾𑌮𑌃 - 𑌪॒𑌰𑌸𑍍𑌤𑌾᳚𑌚𑍍 - 𑌚𑌿𑌕𑍍𑌯𑍇 - 𑌪𑍁॒𑌤𑍍𑌰𑍋॑ - 𑌽𑌗𑌚𑍍𑌛 - 𑌦𑌿॒𑌚𑍍𑌛𑍇 - 𑌜𑍍𑌜𑍁॑𑌹𑍁𑌯𑌾-𑌦𑍍- 𑌵𑌿𑌶𑍍𑌵॒𑌪𑍍𑌰𑌿𑌃 ] (𑌅. 𑍯)

(𑌪𑍁𑌰𑌰𑍍​𑌷॑𑌯𑍋 𑌵𑌾॒𑌯𑍁-𑌰𑍍𑌗𑍋॑𑌬॒𑌲-𑌸𑍍𑌸॒𑌹𑌸𑍍𑌰॑-𑌮𑍍𑌪𑍍𑌰॒𑌜𑌾𑌪॑𑌤𑌿 𑌸𑍍𑌤𑍍𑌰𑌿॒𑌵𑍃𑌦𑌿𑌨𑍍𑌦𑍍𑌰𑍋॒ 𑌽𑌸𑌾𑌵𑌾॑𑌦𑌿॒𑌤𑍍𑌯-𑌸𑍍𑌸 𑌯𑌦𑍀॒𑌚𑍍𑌛𑍇𑌤𑍍 )

𑌅𑌨𑍁𑌵𑌾𑌕𑌂 10 - 𑌤𑌤𑍍𑌪𑍍𑌰𑌶𑌂𑌸𑌾
𑌯𑌾-𑌮𑍍𑌪𑍍𑌰॑𑌥॒𑌮𑌾-𑌮𑌿𑌷𑍍𑌟॑𑌕𑌾-𑌮𑍁𑌪॒𑌦𑌧𑌾॑𑌤𑌿 । 𑌇॒𑌮-𑌨𑍍𑌤𑌯𑌾॑ 𑌲𑍋॒𑌕-𑌮॒𑌭𑌿 𑌜॑𑌯𑌤𑌿 ।
𑌅𑌥𑍋॒ 𑌯𑌾 𑌅॒𑌸𑍍𑌮𑌿𑌨𑍍 𑌁𑌲𑍋॒𑌕𑍇 𑌦𑍇॒𑌵𑌤𑌾𑌃᳚ ।
𑌤𑌾𑌸𑌾॒𑌗𑍍​𑌮𑍍॒ 𑌸𑌾𑌯𑍁॑𑌜𑍍𑌯𑌗𑍍​𑌮𑍍 𑌸𑌲𑍋॒𑌕𑌤𑌾॑-𑌮𑌾𑌪𑍍𑌨𑍋𑌤𑌿 । 𑌯𑌾-𑌨𑍍𑌦𑍍𑌵𑌿॒𑌤𑍀𑌯𑌾॑-𑌮𑍁𑌪॒𑌦𑌧𑌾॑𑌤𑌿 ।
𑌅॒𑌨𑍍𑌤॒𑌰𑌿॒𑌕𑍍𑌷॒𑌲𑍋॒𑌕-𑌨𑍍𑌤𑌯𑌾॒-𑌽𑌭𑌿 𑌜𑌯॑𑌤𑌿 । 𑌅𑌥𑍋॒ 𑌯𑌾 𑌅॑𑌨𑍍𑌤𑌰𑌿𑌕𑍍𑌷 𑌲𑍋॒𑌕𑍇 𑌦𑍇॒𑌵𑌤𑌾𑌃᳚ ।
𑌤𑌾𑌸𑌾॒𑌗𑍍​𑌮𑍍॒ 𑌸𑌾𑌯𑍁॑𑌜𑍍𑌯𑌗𑍍​𑌮𑍍 𑌸𑌲𑍋॒𑌕𑌤𑌾॑-𑌮𑌾𑌪𑍍𑌨𑍋𑌤𑌿 ।
𑌯𑌾-𑌨𑍍𑌤𑍃॒𑌤𑍀𑌯𑌾॑-𑌮𑍁𑌪॒𑌦𑌧𑌾॑𑌤𑌿 ।
𑌅॒𑌮𑍁-𑌨𑍍𑌤𑌯𑌾॑ 𑌲𑍋॒𑌕-𑌮॒𑌭𑌿𑌜॑𑌯𑌤𑌿 ॥ 5𑍯 ॥

𑌅𑌥𑍋॒ 𑌯𑌾 𑌅॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌦𑍇॒𑌵𑌤𑌾𑌃᳚ ।
𑌤𑌾𑌸𑌾॒𑌗𑍍​𑌮𑍍॒ 𑌸𑌾𑌯𑍁॑𑌜𑍍𑌯𑌗𑍍​𑌮𑍍 𑌸𑌲𑍋॒𑌕𑌤𑌾॑-𑌮𑌾𑌪𑍍𑌨𑍋𑌤𑌿 ।
𑌅𑌥𑍋॒ 𑌯𑌾 𑌅॒𑌮𑍂𑌰𑌿𑌤॑𑌰𑌾 𑌅॒𑌷𑍍𑌟𑌾𑌦॑𑌶 ।
𑌯 𑌏॒𑌵𑌾𑌮𑍀 𑌉॒𑌰𑌵॑𑌶𑍍𑌚॒ 𑌵𑌰𑍀॑𑌯𑌾𑌗𑍍​𑌮𑍍𑌸𑌶𑍍𑌚 𑌲𑍋॒𑌕𑌾𑌃 ।
𑌤𑌾𑌨𑍇॒𑌵 𑌤𑌾𑌭𑌿॑-𑌰॒𑌭𑌿𑌜॑𑌯𑌤𑌿 ॥ 𑌕𑌾॒𑌮॒𑌚𑌾𑌰𑍋॑ 𑌹॒ 𑌵𑌾 𑌅॑𑌸𑍍𑌯𑍋॒𑌰𑍁𑌷𑍁॑ 𑌚॒ 𑌵𑌰𑍀॑𑌯𑌸𑍍𑌸𑍁 𑌚 𑌲𑍋॒𑌕𑍇𑌷𑍁॑ 𑌭𑌵𑌤𑌿 ।
𑌯𑍋᳚-𑌽𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 । 𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥ 𑌸𑌂॒​𑌵𑌁॒𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿 𑌨𑌾॑𑌰𑍍𑌚𑌿𑌕𑍇॒𑌤𑌃 । 𑌤𑌸𑍍𑌯॑ 𑌵𑌸॒𑌨𑍍𑌤-𑌶𑍍𑌶𑌿𑌰𑌃॑ ॥ 60 ॥

𑌗𑍍𑌰𑍀॒𑌷𑍍𑌮𑍋 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌵॒𑌰𑍍॒𑌷𑌾 𑌉𑌤𑍍𑌤॑𑌰𑌃 । 𑌶॒𑌰-𑌤𑍍𑌪𑍁𑌚𑍍𑌛᳚𑌮𑍍 । 𑌮𑌾𑌸𑌾𑌃᳚ 𑌕𑌰𑍍𑌮𑌕𑌾॒𑌰𑌾𑌃 । 𑌅॒𑌹𑍋॒𑌰𑌾॒𑌤𑍍𑌰𑍇 𑌶॑𑌤𑌰𑍁॒𑌦𑍍𑌰𑍀𑌯᳚𑌮𑍍 । 𑌪॒𑌰𑍍𑌜𑌨𑍍𑌯𑍋॒ 𑌵𑌸𑍋॒𑌦𑍍𑌰𑍍𑌧𑌾𑌰𑌾᳚ ।
𑌯𑌥𑌾॒ 𑌵𑍈 𑌪॒𑌰𑍍𑌜𑌨𑍍𑌯॒-𑌸𑍍𑌸𑍁𑌵𑍃॑𑌷𑍍𑌟𑌂-𑌵𑍃𑌁॒𑌷𑍍𑌟𑍍𑌵𑌾 ।
𑌪𑍍𑌰॒𑌜𑌾𑌭𑍍𑌯॒-𑌸𑍍𑌸𑌰𑍍𑌵𑌾॒𑌨𑍍 𑌕𑌾𑌮𑌾᳚𑌨𑍍-𑌥𑍍𑌸𑌮𑍍𑌪𑍂॒𑌰𑌯॑𑌤𑌿 ।
𑌏॒𑌵-𑌮𑍇॒𑌵 𑌸 𑌤𑌸𑍍𑌯॒ 𑌸𑌰𑍍𑌵𑌾॒𑌨𑍍 𑌕𑌾𑌮𑌾॒𑌨𑍍-𑌥𑍍𑌸𑌮𑍍𑌪𑍂॑𑌰𑌯𑌤𑌿 । 𑌯𑍋᳚-𑌽𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 ॥ 61 ॥

𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥ 𑌸𑌂॒​𑌵𑌁॒𑌥𑍍𑌸॒𑌰𑍋 𑌵𑌾 𑌅॒𑌗𑍍𑌨𑌿 𑌰𑍍𑌨𑌾॑𑌚𑌿𑌕𑍇॒𑌤𑌃 । 𑌤𑌸𑍍𑌯॑ 𑌵𑌸॒𑌨𑍍𑌤-𑌶𑍍𑌶𑌿𑌰𑌃॑ । 𑌗𑍍𑌰𑍀॒𑌷𑍍𑌮𑍋 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 ।
𑌵॒𑌰𑍍॒𑌷𑌾𑌃 𑌪𑍁𑌚𑍍𑌛᳚𑌮𑍍 । 𑌶॒𑌰𑌦𑍁𑌤𑍍𑌤॑𑌰𑌃 𑌪॒𑌕𑍍𑌷𑌃 । 𑌹𑍇॒𑌮॒𑌨𑍍𑌤𑍋 𑌮𑌦𑍍𑌧𑍍𑌯᳚𑌮𑍍 ।
𑌪𑍂॒𑌰𑍍𑌵॒𑌪॒𑌕𑍍𑌷𑌾𑌶𑍍𑌚𑌿𑌤॑𑌯𑌃 । 𑌅॒𑌪॒𑌰॒𑌪॒𑌕𑍍𑌷𑌾𑌃 𑌪𑍁𑌰𑍀॑𑌷𑌮𑍍 । 𑌅॒𑌹𑍋॒𑌰𑌾॒𑌤𑍍𑌰𑌾𑌣𑍀𑌷𑍍𑌟॑𑌕𑌾𑌃 ।
𑌏॒𑌷 𑌵𑌾𑌵 𑌸𑍋᳚-𑌽𑌗𑍍𑌨𑌿-𑌰॑𑌗𑍍𑌨𑌿॒𑌮𑌯𑌃॑ 𑌪𑍁𑌨𑌰𑍍𑌣॒𑌵𑌃 ।
𑌅॒𑌗𑍍𑌨𑌿॒𑌮𑌯𑍋॑ 𑌹॒ 𑌵𑍈 𑌪𑍁॑𑌨𑌰𑍍𑌣॒𑌵𑍋 𑌭𑍂॒𑌤𑍍𑌵𑌾 । 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕-𑌮𑍇॑𑌤𑌿 । 𑌆॒𑌦𑌿॒𑌤𑍍𑌯𑌸𑍍𑌯॒ 𑌸𑌾𑌯𑍁॑𑌜𑍍𑌯𑌮𑍍 । 𑌯𑍋᳚-𑌽𑌗𑍍𑌨𑌿-𑌨𑍍𑌨𑌾॑𑌚𑌿𑌕𑍇॒𑌤-𑌞𑍍𑌚𑌿॑𑌨𑍁॒𑌤𑍇 । 𑌯 𑌉॑ 𑌚𑍈𑌨-𑌮𑍇॒𑌵𑌂-𑌵𑍇𑌁𑌦॑ ॥ 62 ॥
𑌅॒𑌮𑍁-𑌨𑍍𑌤𑌯𑌾॑ 𑌲𑍋॒𑌕𑌮॒𑌭𑌿𑌜॑𑌯𑌤𑌿॒ - 𑌶𑌿𑌰॑ - 𑌶𑍍𑌚𑌿𑌨𑍁॒𑌤 - 𑌇𑌷𑍍𑌟॑𑌕𑌾॒-𑌷𑍍𑌷𑌟𑍍𑌚॑) (𑌅. 10)

(𑌲𑍋॒𑌕 - 𑌸𑍍𑌤𑍍𑌵𑌮॒𑌗𑍍𑌨𑍇 - 𑌽𑌗𑍍𑌨𑌾॑𑌵𑌿𑌷𑍍𑌣𑍂॒ - 𑌅𑌨𑍍𑌨॑𑌪𑌤𑍇 - 𑌸॒𑌪𑍍𑌤 𑌤𑍇॑ 𑌅𑌗𑍍𑌨𑍇॒ - 𑌯𑌤𑍍𑌤𑍇 𑌽𑌚𑌿॑𑌤𑌮॒ - 𑌯𑌂-𑌵𑌾𑌁 - 𑌵𑍋𑌶𑌨𑍍. 𑌹॒ 𑌵𑍈 - 𑌤𑌗𑍍​𑌮𑍍 𑌹𑍈॒𑌤𑌂 - 𑌁𑌯𑌾-𑌮𑍍𑌪𑍍𑌰॑𑌥॒𑌮𑌾𑌮𑌿𑌷𑍍𑌟॑𑌕𑌾॒-𑌨𑍍𑌦𑌶॑)

(𑌲𑍋॒𑌕 - 𑌆॑𑌦𑌿॒𑌤𑍍𑌯 - 𑌓𑌜𑍋᳚ - 𑌽𑌸𑍍𑌯𑍂॒𑌦𑍍𑌰𑍍𑌧𑍍𑌵𑌾 𑌦𑌿𑌗॑ - 𑌨॒𑌨𑍍𑌤𑌗𑍍​𑌮𑍍 𑌹॒ 𑌵𑍈 - 𑌕𑌾𑌮𑍇॑𑌨 - 𑌗𑍍𑌰𑍀॒𑌷𑍍𑌮𑍋 𑌦𑍍𑌵𑌿𑌷॑𑌷𑍍𑌟𑌿𑌃)

(𑌲𑍋॒𑌕𑍋 - 𑌵𑍇𑌦॑)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌤𑍈𑌤𑍍𑌤𑌰𑍀𑌯 𑌯𑌜𑍁𑌬𑍍𑌰𑌾𑌹𑍍𑌮𑌣𑍇 𑌕𑌾𑌠𑌕𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
+++++++++++++++++++++++++++++++++