𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑍇 𑌪𑍍𑌰𑌥𑌮𑌃 𑌪𑍍𑌰𑌪𑌾𑌠𑌕𑌃 - 𑌅𑌗𑍍𑌨𑌿𑌹𑍋𑌤𑍍𑌰𑌬𑍍𑌰𑌾𑌹𑍍𑌮𑌣𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 - 𑌅𑌗𑍍𑌨𑌿𑌹𑍋𑌤𑍍𑌰𑌸𑍍𑌯𑍋𑌪𑍋𑌦𑍍𑌧𑌾𑌤𑌃
𑌅𑌙𑍍𑌗𑌿॑𑌰𑌸𑍋॒ 𑌵𑍈 𑌸॒𑌤𑍍𑌰𑌮𑌾॑𑌸𑌤 । 𑌤𑍇𑌷𑌾॒-𑌮𑍍𑌪𑍃𑌶𑍍𑌨𑌿॑-𑌰𑍍𑌘𑌰𑍍𑌮॒𑌧𑍁𑌗𑌾॑𑌸𑍀𑌤𑍍 । 𑌸𑌰𑍍𑌜𑍀॒𑌷𑍇𑌣𑌾॑𑌜𑍀𑌵𑌤𑍍 । 𑌤𑍇᳚-𑌽𑌬𑍍𑌰𑍁𑌵𑌨𑍍𑌨𑍍 । 𑌕𑌸𑍍𑌮𑍈॒ 𑌨𑍁 𑌸॒𑌤𑍍𑌰𑌮𑌾᳚𑌸𑍍𑌮𑌹𑍇 । 𑌯𑍇᳚-𑌽𑌸𑍍𑌯𑌾 𑌓𑌷॑𑌧𑍀॒𑌰𑍍𑌨 𑌜॒𑌨𑌯𑌾॑𑌮॒ 𑌇𑌤𑌿॑ । 𑌤𑍇 𑌦𑌿॒𑌵𑍋 𑌵𑍃𑌷𑍍𑌟𑌿॑-𑌮𑌸𑍃𑌜𑌨𑍍𑌤 । 𑌯𑌾𑌵॑𑌨𑍍𑌤-𑌸𑍍𑌸𑍍𑌤𑍋॒𑌕𑌾 𑌅॒𑌵𑌾𑌪॑𑌦𑍍𑌯𑌨𑍍𑌤 । 𑌤𑌾𑌵॑𑌤𑍀॒𑌰𑍋𑌷॑𑌧𑌯𑍋 𑌽𑌜𑌾𑌯𑌨𑍍𑌤 ॥ 𑌤𑌾 𑌜𑌾॒𑌤𑌾𑌃 𑌪𑌿॒𑌤𑌰𑍋॑ 𑌵𑌿॒𑌷𑍇𑌣𑌾॑𑌲𑌿𑌮𑍍𑌪𑌨𑍍𑌨𑍍 ॥ 1 ॥

𑌤𑌾𑌸𑌾᳚-𑌞𑍍𑌜॒𑌗𑍍𑌧𑍍𑌵𑌾 𑌰𑍁𑌪𑍍𑌯॒𑌨𑍍𑌤𑍍𑌯𑍈𑌤𑍍 । 𑌤𑍇᳚-𑌽𑌬𑍍𑌰𑍁𑌵𑌨𑍍𑌨𑍍 । 𑌕 𑌇॒𑌦𑌮𑌿॒𑌤𑍍𑌥-𑌮॑𑌕॒𑌰𑌿𑌤𑌿॑ । 𑌵॒𑌯-𑌮𑍍𑌭𑌾॑𑌗॒𑌧𑍇𑌯॑-𑌮𑌿॒𑌚𑍍𑌛𑌮𑌾॑𑌨𑌾॒ 𑌇𑌤𑌿॑ 𑌪𑌿॒𑌤𑌰𑍋᳚-𑌽𑌬𑍍𑌰𑍁𑌵𑌨𑍍𑌨𑍍 । 𑌕𑌿𑌂-𑌵𑍋𑌁॑ 𑌭𑌾𑌗॒𑌧𑍇𑌯॒𑌮𑌿𑌤𑌿॑ । 𑌅॒𑌗𑍍𑌨𑌿॒𑌹𑍋॒𑌤𑍍𑌰 𑌏॒𑌵 𑌨𑍋-𑌽𑌪𑍍𑌯॒𑌸𑍍𑌤𑍍𑌵𑌿𑌤𑍍𑌯॑-𑌬𑍍𑌰𑍁𑌵𑌨𑍍𑌨𑍍 । 𑌤𑍇𑌭𑍍𑌯॑ 𑌏॒𑌤-𑌦𑍍𑌭𑌾॑𑌗॒𑌧𑍇𑌯॒-𑌮𑍍𑌪𑍍𑌰𑌾𑌯॑𑌚𑍍𑌛𑌨𑍍𑌨𑍍 । 𑌯𑌦𑍍𑌧𑍁॒𑌤𑍍𑌵𑌾 𑌨𑌿॒𑌮𑌾𑌰𑍍​𑌷𑍍𑌟𑌿॑ । 𑌤𑌤𑍋॒ 𑌵𑍈 𑌤 𑌓𑌷॑𑌧𑍀𑌰-𑌸𑍍𑌵𑌦𑌯𑌨𑍍𑌨𑍍 ॥ 𑌯 𑌏॒𑌵𑌂-𑌵𑍇𑌁𑌦॑ ॥ 2 ॥

𑌸𑍍𑌵𑌦॑𑌨𑍍𑌤𑍇-𑌽𑌸𑍍𑌮𑌾॒ 𑌓𑌷॑𑌧𑌯𑌃 । 𑌤𑍇 𑌵॒𑌥𑍍𑌸𑌮𑍁॒-𑌪𑌾𑌵𑌾॑𑌸𑍃𑌜𑌨𑍍𑌨𑍍 । 𑌇॒𑌦-𑌨𑍍𑌨𑍋॑ 𑌹॒𑌵𑍍𑌯-𑌮𑍍𑌪𑍍𑌰𑌦𑌾॑𑌪॒𑌯𑍇𑌤𑌿॑ । 𑌸𑍋᳚-𑌽𑌬𑍍𑌰𑌵𑍀॒𑌦𑍍𑌵𑌰𑌂॑-𑌵𑍃𑌁𑌣𑍈 । 𑌦𑌶॑ 𑌮𑌾॒ 𑌰𑌾𑌤𑍍𑌰𑍀᳚𑌰𑍍𑌜𑌾॒𑌤-𑌨𑍍𑌨 𑌦𑍋॑𑌹𑌨𑍍𑌨𑍍 । 𑌆॒𑌸॒𑌙𑍍𑌗॒𑌵-𑌮𑍍𑌮𑌾॒𑌤𑍍𑌰𑌾 𑌸॒𑌹 𑌚॑𑌰𑌾॒𑌣𑍀𑌤𑌿॑ । 𑌤𑌸𑍍𑌮𑌾᳚-𑌦𑍍𑌵॒𑌥𑍍𑌸-𑌞𑍍𑌜𑌾॒𑌤-𑌨𑍍𑌦𑌶॒ 𑌰𑌾𑌤𑍍𑌰𑍀॒𑌰𑍍𑌨 𑌦𑍁॑𑌹𑌨𑍍𑌤𑌿 । 𑌆॒𑌸॒𑌙𑍍𑌗॒𑌵-𑌮𑍍𑌮𑌾॒𑌤𑍍𑌰𑌾 𑌸॒𑌹 𑌚𑌰॑𑌤𑌿 । 𑌵𑌾𑌰𑍇॑𑌵𑍃𑌤॒𑌗𑍍𑌗𑍍॒𑌹𑍍𑌯॑𑌸𑍍𑌯 । 𑌤𑌸𑍍𑌮𑌾᳚-𑌦𑍍𑌵॒𑌥𑍍𑌸𑌗𑍍​𑌮𑍍 𑌸𑌗𑍍​𑌮𑍍॑𑌸𑍃𑌷𑍍𑌟𑌧॒𑌯𑌗𑍍​𑌮𑍍 𑌰𑍁॒𑌦𑍍𑌰𑍋 𑌘𑌾𑌤𑍁॑𑌕𑌃 । 𑌅𑌤𑌿॒ 𑌹𑌿 𑌸॒𑌨𑍍𑌧𑌾-𑌨𑍍𑌧𑌯॑𑌤𑌿 ॥ 3 ॥
(𑌅॒𑌲𑌿॒𑌮𑍍𑌪॒𑌨𑍍 - 𑌵𑍇𑌦॒ - 𑌘𑌾𑌤𑍁॑𑌕॒ 𑌏𑌕॑-𑌞𑍍𑌚) (𑌅. 1)

𑌅𑌨𑍁𑌵𑌾𑌕𑌂 2 - 𑌅𑌗𑍍𑌨𑌿𑌹𑍋𑌤𑍍𑌰𑌨𑌿𑌰𑍂𑌪𑌣𑌮𑍍
𑌪𑍍𑌰॒𑌜𑌾𑌪॑𑌤𑌿-𑌰॒𑌗𑍍𑌨𑌿-𑌮॑𑌸𑍃𑌜𑌤 । 𑌤-𑌮𑍍𑌪𑍍𑌰॒𑌜𑌾 𑌅𑌨𑍍𑌵॑𑌸𑍃𑌜𑍍𑌯𑌨𑍍𑌤 । 𑌤𑌮॑𑌭𑌾॒𑌗 𑌉𑌪𑌾᳚𑌸𑍍𑌤 । 𑌸𑍋᳚-𑌽𑌸𑍍𑌯 𑌪𑍍𑌰॒𑌜𑌾𑌭𑌿॒-𑌰𑌪𑌾᳚𑌕𑍍𑌰𑌾𑌮𑌤𑍍 । 𑌤𑌮॑𑌵॒𑌰𑍁𑌰𑍁॑-𑌥𑍍𑌸𑌮𑌾॒𑌨𑍋-𑌽𑌨𑍍𑌵𑍈᳚𑌤𑍍 । 𑌤𑌮॑𑌵॒𑌰𑍁𑌧॒-𑌨𑍍𑌨𑌾𑌶॑𑌕𑍍𑌨𑍋𑌤𑍍 । 𑌸 𑌤𑌪𑍋॑ 𑌽𑌤𑌪𑍍𑌯𑌤 । 𑌸𑍋᳚-𑌽𑌗𑍍𑌨𑌿-𑌰𑍁𑌪𑌾॑𑌰𑌮॒𑌤𑌾𑌤𑌾॑𑌪𑌿॒ 𑌵𑍈 𑌸𑍍𑌯 𑌪𑍍𑌰॒𑌜𑌾𑌪॑𑌤𑌿॒𑌰𑌿𑌤𑌿॑ । 𑌸 𑌰॒𑌰𑌾𑌟𑌾॒𑌦𑍁𑌦॑𑌮𑍃𑌷𑍍𑌟 ॥ 4 ॥

𑌤-𑌦𑍍𑌘𑍃॒𑌤𑌮॑𑌭𑌵𑌤𑍍 । 𑌤𑌸𑍍𑌮𑌾॒𑌦𑍍𑌯𑌸𑍍𑌯॑ 𑌦𑌕𑍍𑌷𑌿𑌣॒𑌤𑌃 𑌕𑍇𑌶𑌾॒ 𑌉𑌨𑍍𑌮𑍃॑𑌷𑍍𑌟𑌾𑌃 । 𑌤𑌾-𑌞𑍍𑌜𑍍𑌯𑍇᳚𑌷𑍍𑌠𑌲॒𑌕𑍍𑌷𑍍𑌮𑍀 𑌪𑍍𑌰𑌾॑𑌜𑌾𑌪॒𑌤𑍍𑌯𑍇𑌤𑍍𑌯𑌾॑𑌹𑍁𑌃 । 𑌯-𑌦𑍍𑌰॒𑌰𑌾𑌟𑌾॑𑌦𑍁॒𑌦𑌮𑍃॑𑌷𑍍𑌟 । 𑌤𑌸𑍍𑌮𑌾᳚-𑌦𑍍𑌰॒𑌰𑌾𑌟𑍇॒ 𑌕𑍇𑌶𑌾॒ 𑌨 𑌸॑𑌨𑍍𑌤𑌿 । 𑌤𑌦॒𑌗𑍍𑌨𑍌 𑌪𑍍𑌰𑌾𑌗𑍃॑𑌹𑍍𑌣𑌾𑌤𑍍 । 𑌤𑌦𑍍𑌵𑍍𑌯॑𑌚𑌿𑌕𑌿॒𑌥𑍍𑌸𑌤𑍍 । 𑌜𑍁॒𑌹𑌵𑌾॒𑌨𑍀(3) 𑌮𑌾 𑌹𑍌॒𑌷𑌾(3)𑌮𑌿𑌤𑌿॑ । 𑌤-𑌦𑍍𑌵𑌿॑𑌚𑌿𑌕𑌿॒𑌥𑍍𑌸𑌾𑌯𑍈॒ 𑌜𑌨𑍍𑌮॑ ॥ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍. 𑌵𑌿॑𑌚𑌿॒𑌕𑌿𑌥𑍍𑌸॑𑌤𑌿 ॥ 5 ॥

𑌵𑌸𑍀॑𑌯 𑌏॒𑌵 𑌚𑍇॑𑌤𑌯𑌤𑍇 ॥ 𑌤𑌂-𑌵𑌾𑌁𑌗॒𑌭𑍍𑌯॑𑌵𑌦-𑌜𑍍𑌜𑍁॒𑌹𑍁𑌧𑍀𑌤𑌿॑ । 𑌸𑍋᳚-𑌽𑌬𑍍𑌰𑌵𑍀𑌤𑍍 । 𑌕𑌸𑍍𑌤𑍍𑌵𑌮॒𑌸𑍀𑌤𑌿॑ । 𑌸𑍍𑌵𑍈𑌵 𑌤𑍇॒ 𑌵𑌾𑌗𑌿𑌤𑍍𑌯॑𑌬𑍍𑌰𑌵𑍀𑌤𑍍 । 𑌸𑍋॑-𑌽𑌜𑍁𑌹𑍋॒-𑌥𑍍𑌸𑍍𑌵𑌾𑌹𑍇𑌤𑌿॑ । 𑌤𑌥𑍍𑌸𑍍𑌵𑌾॑𑌹𑌾𑌕𑌾॒𑌰𑌸𑍍𑌯॒ 𑌜𑌨𑍍𑌮॑ ॥ 𑌯 𑌏॒𑌵𑌗𑍍𑌗𑍍​ 𑌸𑍍𑌵𑌾॑𑌹𑌾𑌕𑌾॒𑌰𑌸𑍍𑌯॒ 𑌜𑌨𑍍𑌮॒ 𑌵𑍇𑌦॑ । 𑌕॒𑌰𑍋𑌤𑌿॑ 𑌸𑍍𑌵𑌾𑌹𑌾𑌕𑌾॒𑌰𑍇𑌣॑ 𑌵𑍀॒𑌰𑍍𑌯᳚𑌮𑍍 ॥ 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷॑-𑌸𑍍𑌸𑍍𑌵𑌾𑌹𑌾𑌕𑌾॒𑌰𑍇𑌣॒ 𑌜𑍁𑌹𑍍𑌵॑𑌤𑌿 ॥ 6 ॥

𑌭𑍋𑌗𑌾॑𑌯𑍈॒𑌵𑌾𑌸𑍍𑌯॑ 𑌹𑍁॒𑌤-𑌮𑍍𑌭॑𑌵𑌤𑌿 ॥ 𑌤𑌸𑍍𑌯𑌾॒ 𑌆𑌹𑍁॑𑌤𑍍𑌯𑍈॒ 𑌪𑍁𑌰𑍁॑𑌷-𑌮𑌸𑍃𑌜𑌤 । 𑌦𑍍𑌵𑌿॒𑌤𑍀𑌯॑-𑌮𑌜𑍁𑌹𑍋𑌤𑍍 । 𑌸𑍋-𑌽𑌶𑍍𑌵॑-𑌮𑌸𑍃𑌜𑌤 । 𑌤𑍃॒𑌤𑍀𑌯॑-𑌮𑌜𑍁𑌹𑍋𑌤𑍍 । 𑌸 𑌗𑌾॑𑌮𑌸𑍃𑌜𑌤 । 𑌚॒𑌤𑍁॒𑌰𑍍𑌥-𑌮॑𑌜𑍁𑌹𑍋𑌤𑍍 । 𑌸𑍋-𑌽𑌵𑌿॑𑌮𑌸𑍃𑌜𑌤 । 𑌪॒𑌞𑍍𑌚॒𑌮-𑌮॑𑌜𑍁𑌹𑍋𑌤𑍍 । 𑌸𑍋॑-𑌽𑌜𑌾𑌮॑𑌸𑍃𑌜𑌤 ॥ 𑍭 ॥

𑌸𑍋᳚-𑌽𑌗𑍍𑌨𑌿-𑌰॑𑌬𑌿𑌭𑍇𑌤𑍍 । 𑌆𑌹𑍁॑𑌤𑍀𑌭𑌿॒𑌰𑍍𑌵𑍈 𑌮𑌾᳚-𑌽𑌽𑌪𑍍𑌨𑍋॒𑌤𑍀𑌤𑌿॑ । 𑌸 𑌪𑍍𑌰॒𑌜𑌾𑌪॑𑌤𑌿॒-𑌮𑍍𑌪𑍁𑌨𑌃॒ 𑌪𑍍𑌰𑌾𑌵𑌿॑𑌶𑌤𑍍 । 𑌤-𑌮𑍍𑌪𑍍𑌰॒𑌜𑌾𑌪॑𑌤𑌿-𑌰𑌬𑍍𑌰𑌵𑍀𑌤𑍍 । 𑌜𑌾𑌯॒𑌸𑍍𑌵𑍇𑌤𑌿॑ । 𑌸𑍋᳚-𑌽𑌬𑍍𑌰𑌵𑍀𑌤𑍍 । 𑌕𑌿-𑌮𑍍𑌭𑌾॑𑌗॒𑌧𑍇𑌯॑𑌮॒𑌭𑌿 𑌜॑𑌨𑌿𑌷𑍍𑌯॒ 𑌇𑌤𑌿॑ । 𑌤𑍁𑌭𑍍𑌯॑𑌮𑍇॒𑌵𑍇𑌦𑌗𑍍​𑌮𑍍 𑌹𑍂॑𑌯𑌾𑌤𑌾॒ 𑌇𑌤𑍍𑌯॑𑌬𑍍𑌰𑌵𑍀𑌤𑍍 । 𑌸 𑌏॒𑌤-𑌦𑍍𑌭𑌾॑𑌗॒𑌧𑍇𑌯॑𑌮॒𑌭𑍍𑌯॑𑌜𑌾𑌯𑌤 । 𑌯𑌦॑𑌗𑍍𑌨𑌿𑌹𑍋॒𑌤𑍍𑌰𑌮𑍍 ॥ 𑍮 ॥

𑌤𑌸𑍍𑌮𑌾॑𑌦𑌗𑍍𑌨𑌿𑌹𑍋॒𑌤𑍍𑌰-𑌮𑍁॑𑌚𑍍𑌯𑌤𑍇 ॥ 𑌤𑌦𑍍𑌧𑍂॒𑌯𑌮𑌾॑𑌨-𑌮𑌾𑌦𑌿॒𑌤𑍍𑌯𑍋᳚-𑌽𑌬𑍍𑌰𑌵𑍀𑌤𑍍 । 𑌮𑌾 𑌹𑍌॑𑌷𑍀𑌃 । 𑌉॒𑌭𑌯𑍋॒𑌰𑍍𑌵𑍈-𑌨𑌾॑𑌵𑍇॒𑌤𑌦𑌿𑌤𑌿॑ । 𑌸𑍋᳚-𑌽𑌗𑍍𑌨𑌿-𑌰॑𑌬𑍍𑌰𑌵𑍀𑌤𑍍 । 𑌕॒𑌥-𑌨𑍍𑌨𑍌॑ 𑌹𑍋𑌷𑍍𑌯॒𑌨𑍍𑌤𑍀𑌤𑌿॑ । 𑌸𑌾॒𑌯𑌮𑍇॒𑌵 𑌤𑍁𑌭𑍍𑌯॑-𑌞𑍍𑌜𑍁॒𑌹𑌵𑌨𑍍𑌨𑍍॑ । 𑌪𑍍𑌰𑌾॒𑌤𑌰𑍍𑌮𑌹𑍍𑌯॒-𑌮𑌿𑌤𑍍𑌯॑𑌬𑍍𑌰𑌵𑍀𑌤𑍍 । 𑌤𑌸𑍍𑌮𑌾॑𑌦॒𑌗𑍍𑌨𑌯𑍇॑ 𑌸𑌾॒𑌯𑌗𑍍​𑌮𑍍 𑌹𑍂॑𑌯𑌤𑍇 । 𑌸𑍂𑌰𑍍𑌯𑌾॑𑌯 𑌪𑍍𑌰𑌾॒𑌤𑌃 ॥ 𑍯 ॥

𑌆॒𑌗𑍍𑌨𑍇॒𑌯𑍀 𑌵𑍈 𑌰𑌾𑌤𑍍𑌰𑌿𑌃॑ । 𑌐॒𑌨𑍍𑌦𑍍𑌰𑌮𑌹𑌃॑ । 𑌯𑌦𑌨𑍁॑𑌦𑌿𑌤𑍇॒ 𑌸𑍂𑌰𑍍𑌯𑍇᳚ 𑌪𑍍𑌰𑌾॒𑌤𑌰𑍍𑌜𑍁॑𑌹𑍁॒𑌯𑌾𑌤𑍍 । 𑌉॒𑌭𑌯॑𑌮𑍇॒𑌵𑌾𑌗𑍍𑌨𑍇॒𑌯𑌗𑍍𑌗𑍍​ 𑌸𑍍𑌯𑌾᳚𑌤𑍍 । 𑌉𑌦𑌿॑𑌤𑍇॒ 𑌸𑍂𑌰𑍍𑌯𑍇᳚ 𑌪𑍍𑌰𑌾॒𑌤𑌰𑍍𑌜𑍁॑𑌹𑍋𑌤𑌿 । 𑌤𑌥𑌾॒-𑌽𑌗𑍍𑌨𑌯𑍇॑ 𑌸𑌾॒𑌯𑌗𑍍​𑌮𑍍 𑌹𑍂॑𑌯𑌤𑍇 । 𑌸𑍂𑌰𑍍𑌯𑌾॑𑌯 𑌪𑍍𑌰𑌾॒𑌤𑌃 ॥ 𑌰𑌾𑌤𑍍𑌰𑌿𑌂॒-𑌵𑌾𑌁 𑌅𑌨𑍁॑ 𑌪𑍍𑌰॒𑌜𑌾𑌃 𑌪𑍍𑌰 𑌜𑌾॑𑌯𑌨𑍍𑌤𑍇 । 𑌅𑌹𑍍𑌨𑌾॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌨𑍍𑌤𑌿 । 𑌯𑌥𑍍𑌸𑌾॒𑌯-𑌞𑍍𑌜𑍁॒𑌹𑍋𑌤𑌿॑ ॥ 10 ॥

𑌪𑍍𑌰𑍈𑌵 𑌤𑍇𑌨॑ 𑌜𑌾𑌯𑌤𑍇 । 𑌉𑌦𑌿॑𑌤𑍇॒ 𑌸𑍂𑌰𑍍𑌯𑍇᳚ 𑌪𑍍𑌰𑌾॒𑌤-𑌰𑍍𑌜𑍁॑𑌹𑍋𑌤𑌿 । 𑌪𑍍𑌰𑌤𑍍𑌯𑍇॒𑌵 𑌤𑍇𑌨॑ 𑌤𑌿𑌷𑍍𑌠𑌤𑌿 ॥ 𑌪𑍍𑌰॒𑌜𑌾𑌪॑𑌤𑌿𑌰-𑌕𑌾𑌮𑌯𑌤॒ 𑌪𑍍𑌰𑌜𑌾॑𑌯𑍇॒𑌯𑍇𑌤𑌿॑ । 𑌸 𑌏॒𑌤𑌦॑𑌗𑍍𑌨𑌿𑌹𑍋॒𑌤𑍍𑌰-𑌮𑍍𑌮𑌿॑𑌥𑍁॒𑌨-𑌮॑𑌪𑌶𑍍𑌯𑌤𑍍 । 𑌤𑌦𑍁𑌦𑌿॑𑌤𑍇॒ 𑌸𑍂𑌰𑍍𑌯𑍇॑-𑌽𑌜𑍁𑌹𑍋𑌤𑍍 । 𑌯𑌜𑍁॑𑌷𑌾॒ 𑌽𑌨𑍍𑌯𑌤𑍍 । 𑌤𑍂॒𑌷𑍍𑌣𑍀𑌮॒𑌨𑍍𑌯𑌤𑍍 । 𑌤𑌤𑍋॒ 𑌵𑍈 𑌸 𑌪𑍍𑌰𑌾𑌜𑌾॑𑌯𑌤 । 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷॒ 𑌉𑌦𑌿॑𑌤𑍇॒ 𑌸𑍂𑌰𑍍𑌯𑍇᳚-𑌽𑌗𑍍𑌨𑌿𑌹𑍋॒𑌤𑍍𑌰-𑌞𑍍𑌜𑍁𑌹𑍍𑌵॑𑌤𑌿 ॥ 11 ॥

𑌪𑍍𑌰𑍈𑌵 𑌜𑌾॑𑌯𑌤𑍇 । 𑌅𑌥𑍋॒ 𑌯𑌥𑌾॒ 𑌦𑌿𑌵𑌾᳚ 𑌪𑍍𑌰𑌜𑌾॒𑌨𑌨𑍍𑌨𑍇𑌤𑌿॑ । 𑌤𑌾॒𑌦𑍃𑌗𑍇॒𑌵 𑌤𑌤𑍍 ॥ 𑌅𑌥𑍋॒ 𑌖𑌲𑍍𑌵𑌾॑𑌹𑍁𑌃 । 𑌯𑌸𑍍𑌯॒ 𑌵𑍈 𑌦𑍍𑌵𑍌 𑌪𑍁𑌣𑍍𑌯𑍌॑ 𑌗𑍃॒𑌹𑍇 𑌵𑌸॑𑌤𑌃 । 𑌯𑌸𑍍𑌤𑌯𑍋॑𑌰॒𑌨𑍍𑌯𑌗𑍍​𑌮𑍍 𑌰𑌾॒𑌧𑌯॑𑌤𑍍𑌯॒𑌨𑍍𑌯-𑌨𑍍𑌨 । 𑌉॒𑌭𑍌 𑌵𑌾𑌵 𑌸 𑌤𑌾𑌵𑍃॑𑌚𑍍𑌛॒𑌤𑍀𑌤𑌿॑ । 𑌅॒𑌗𑍍𑌨𑌿𑌂-𑌵𑌾𑌁𑌵𑌾𑌦𑌿॒𑌤𑍍𑌯-𑌸𑍍𑌸𑌾॒𑌯-𑌮𑍍𑌪𑍍𑌰𑌵𑌿॑𑌶𑌤𑌿 । 𑌤𑌸𑍍𑌮𑌾॑𑌦॒𑌗𑍍𑌨𑌿𑌰𑍍𑌦𑍂॒𑌰𑌾𑌨𑍍𑌨𑌕𑍍𑌤॑-𑌨𑍍𑌦𑌦𑍃𑌶𑍇 ।
𑌉॒𑌭𑍇 𑌹𑌿 𑌤𑍇𑌜॑𑌸𑍀 𑌸॒𑌪𑌨𑍍𑌦𑍍𑌯𑍇॑𑌤𑍇 ॥ 12 ॥

𑌉॒𑌦𑍍𑌯𑌨𑍍𑌤𑌂॒-𑌵𑌾𑌁𑌵𑌾𑌦𑌿॒𑌤𑍍𑌯-𑌮॒𑌗𑍍𑌨𑌿𑌰𑌨𑍁॑ 𑌸॒𑌮𑌾𑌰𑍋॑𑌹𑌤𑌿 । 𑌤𑌸𑍍𑌮𑌾᳚𑌦𑍍𑌧𑍂॒𑌮 𑌏॒𑌵𑌾𑌗𑍍𑌨𑍇𑌰𑍍𑌦𑌿𑌵𑌾॑ 𑌦𑌦𑍃𑌶𑍇 । 𑌯𑌦॒𑌗𑍍𑌨𑌯𑍇॑ 𑌸𑌾॒𑌯-𑌞𑍍𑌜𑍁॑𑌹𑍁॒𑌯𑌾𑌤𑍍 । 𑌆 𑌸𑍂𑌰𑍍𑌯𑌾॑𑌯 𑌵𑍃𑌶𑍍𑌚𑍍𑌯𑍇𑌤 । 𑌯𑌥𑍍𑌸𑍂𑌰𑍍𑌯𑌾॑𑌯 𑌪𑍍𑌰𑌾॒𑌤-𑌰𑍍𑌜𑍁॑𑌹𑍁॒𑌯𑌾𑌤𑍍 । 𑌆-𑌽𑌗𑍍𑌨𑌯𑍇॑ 𑌵𑍃𑌶𑍍𑌚𑍍𑌯𑍇𑌤 । 𑌦𑍇॒𑌵𑌤𑌾᳚𑌭𑍍𑌯-𑌸𑍍𑌸॒𑌮𑌦॑-𑌨𑍍𑌦𑌦𑍍𑌧𑍍𑌯𑌾𑌤𑍍 । 𑌅॒𑌗𑍍𑌨𑌿𑌰𑍍𑌜𑍍𑌯𑍋𑌤𑌿॒-𑌰𑍍𑌜𑍍𑌯𑍋𑌤𑌿॒-𑌸𑍍𑌸𑍂𑌰𑍍𑌯॒-𑌸𑍍𑌸𑍍𑌵𑌾𑌹𑍇𑌤𑍍𑌯𑍇॒𑌵 𑌸𑌾॒𑌯𑌗𑍍​𑌮𑍍 𑌹𑍋॑𑌤॒𑌵𑍍𑌯᳚𑌮𑍍 । 𑌸𑍂𑌰𑍍𑌯𑍋॒ 𑌜𑍍𑌯𑍋𑌤𑌿॒-𑌰𑍍𑌜𑍍𑌯𑍋𑌤𑌿॑𑌰॒𑌗𑍍𑌨𑌿-𑌸𑍍𑌸𑍍𑌵𑌾𑌹𑍇𑌤𑌿॑ 𑌪𑍍𑌰𑌾॒𑌤𑌃 । 𑌤𑌥𑍋॒𑌭𑌾𑌭𑍍𑌯𑌾𑌗𑍍​𑌮𑍍॑ 𑌸𑌾॒𑌯𑌗𑍍​𑌮𑍍 𑌹𑍂॑𑌯𑌤𑍇 ॥ 13 ॥

𑌉॒𑌭𑌾𑌭𑍍𑌯𑌾᳚-𑌮𑍍𑌪𑍍𑌰𑌾॒𑌤𑌃 । 𑌨 𑌦𑍇॒𑌵𑌤𑌾᳚𑌭𑍍𑌯-𑌸𑍍𑌸॒𑌮𑌦॑-𑌨𑍍𑌦𑌧𑌾𑌤𑌿 ॥ 𑌅॒𑌗𑍍𑌨𑌿𑌰𑍍𑌜𑍍𑌯𑍋𑌤𑌿॒𑌰𑌿𑌤𑍍𑌯𑌾॑𑌹 । 𑌅॒𑌗𑍍𑌨𑌿𑌰𑍍𑌵𑍈 𑌰𑍇॑𑌤𑍋॒𑌧𑌾𑌃 ॥ 𑌪𑍍𑌰॒𑌜𑌾 𑌜𑍍𑌯𑍋𑌤𑌿॒𑌰𑌿𑌤𑍍𑌯𑌾॑𑌹 । 𑌪𑍍𑌰॒𑌜𑌾 𑌏॒𑌵𑌾𑌸𑍍𑌮𑍈॒ 𑌪𑍍𑌰 𑌜॑𑌨𑌯𑌤𑌿 ॥ 𑌸𑍂𑌰𑍍𑌯𑍋॒ 𑌜𑍍𑌯𑍋𑌤𑌿॒𑌰𑌿𑌤𑍍𑌯𑌾॑𑌹 । 𑌪𑍍𑌰॒𑌜𑌾𑌸𑍍𑌵𑍇॒𑌵 𑌪𑍍𑌰𑌜𑌾॑𑌤𑌾𑌸𑍁॒ 𑌰𑍇𑌤𑍋॑ 𑌦𑌧𑌾𑌤𑌿 ॥ 𑌜𑍍𑌯𑍋𑌤𑌿॑𑌰॒𑌗𑍍𑌨𑌿-𑌸𑍍𑌸𑍍𑌵𑌾𑌹𑍇𑌤𑍍𑌯𑌾॑𑌹 । 𑌪𑍍𑌰॒𑌜𑌾 𑌏॒𑌵 𑌪𑍍𑌰𑌜𑌾॑𑌤𑌾 𑌅॒𑌸𑍍𑌯𑌾-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ॥ 14 ॥

𑌤𑍂॒𑌷𑍍𑌣𑍀𑌮𑍁𑌤𑍍𑌤॑𑌰𑌾॒-𑌮𑌾𑌹𑍁॑𑌤𑌿-𑌞𑍍𑌜𑍁𑌹𑍋𑌤𑌿 । 𑌮𑌿॒𑌥𑍁॒𑌨॒𑌤𑍍𑌵𑌾𑌯॒ 𑌪𑍍𑌰𑌜𑌾᳚𑌤𑍍𑌯𑍈 ॥ 𑌯𑌦𑍁𑌦𑌿॑𑌤𑍇॒ 𑌸𑍂𑌰𑍍𑌯𑍇᳚ 𑌪𑍍𑌰𑌾॒𑌤-𑌰𑍍𑌜𑍁॑𑌹𑍁॒𑌯𑌾𑌤𑍍 । 𑌯𑌥𑌾-𑌽𑌤𑌿॑𑌥𑌯𑍇॒ 𑌪𑍍𑌰𑌦𑍍𑌰𑍁॑𑌤𑌾𑌯 𑌶𑍂॒𑌨𑍍𑌯𑌾𑌯𑌾॑𑌵𑌸॒𑌥𑌾-𑌯𑌾॑𑌹𑌾॒𑌰𑍍𑌯𑌗𑍍​𑌮𑍍॑ 𑌹𑌰॑𑌨𑍍𑌤𑌿 । 𑌤𑌾॒𑌦𑍃𑌗𑍇॒𑌵 𑌤𑌤𑍍 ।
𑌕𑍍𑌵𑌾𑌹॒ 𑌤𑌤॒𑌸𑍍𑌤-𑌦𑍍𑌭𑌵॒𑌤𑍀𑌤𑍍𑌯𑌾॑𑌹𑍁𑌃 । 𑌯𑌥𑍍𑌸 𑌨 𑌵𑍇𑌦॑ । 𑌯𑌸𑍍𑌮𑍈॒ 𑌤𑌦𑍍𑌧𑌰॒𑌨𑍍𑌤𑍀𑌤𑌿॑ । 𑌤𑌸𑍍𑌮𑌾॒-𑌦𑍍𑌯𑌦𑍌॑𑌷॒𑌸-𑌞𑍍𑌜𑍁॒𑌹𑍋𑌤𑌿॑ । 𑌤𑌦𑍇॒𑌵 𑌸॑𑌪𑍍𑌰॒𑌨𑍍𑌤𑌿 । 𑌅𑌥𑍋॒ 𑌯𑌥𑌾॒ 𑌪𑍍𑌰𑌾𑌰𑍍𑌥॑𑌮𑍌𑌷॒𑌸-𑌮𑍍𑌪॑𑌰𑌿॒ 𑌵𑍇𑌵𑍇᳚𑌷𑍍𑌟𑌿 । 𑌤𑌾॒𑌦𑍃𑌗𑍇॒𑌵 𑌤𑌤𑍍 ॥ 15 ॥
(𑌅॒𑌮𑍃॒𑌷𑍍𑌟॒ - 𑌵𑌿॒𑌚𑌿॒𑌕𑌿𑌥𑍍𑌸॑𑌤𑌿॒ - 𑌜𑍁𑌹𑍍𑌵॑ - 𑌤𑍍𑌯॒𑌜𑌾𑌮॑𑌸𑍃𑌜 - 𑌤𑌾𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 - 𑌸𑍂𑌰𑍍𑌯𑌾॑𑌯 𑌪𑍍𑌰𑌾॒𑌤--𑌰𑍍 𑌜𑍁॒𑌹𑍋𑌤𑌿॒ - 𑌜𑍁𑌹𑍍𑌵॑𑌤𑌿 - 𑌸॒𑌮𑍍𑌪𑌦𑍍𑌯𑍇॑𑌤𑍇 - 𑌹𑍂𑌯𑌤𑍇 - 𑌸𑍍𑌥𑌾𑌪𑌯𑌤𑌿 - 𑌸𑌮𑍍𑌪𑍍𑌰॒𑌤𑌿 𑌦𑍍𑌵𑍇 𑌚॑) (𑌅. 2)

𑌅𑌨𑍁𑌵𑌾𑌕𑌂 3 - 𑌉𑌪𑌯𑍋𑌕𑍍𑌷𑍍𑌯𑌮𑌾𑌣𑌸𑍍𑌯 𑌹𑌵𑌿𑌷-𑌸𑍍𑌸𑌂𑌸𑍍𑌕𑌾𑌰𑌃
𑌰𑍁॒𑌦𑍍𑌰𑍋 𑌵𑌾 𑌏॒𑌷𑌃 । 𑌯𑌦॒𑌗𑍍𑌨𑌿𑌃 । 𑌪𑌤𑍍𑌨𑍀᳚ 𑌸𑍍𑌥𑌾॒𑌲𑍀 । 𑌯𑌨𑍍𑌮𑌦𑍍𑌧𑍍𑌯𑍇॒-𑌽𑌗𑍍𑌨𑍇-𑌰॑𑌧𑌿॒𑌶𑍍𑌰𑌯𑍇᳚𑌤𑍍 । 𑌰𑍁॒𑌦𑍍𑌰𑌾𑌯॒ 𑌪𑌤𑍍𑌨𑍀॒𑌮𑌪𑌿॑ 𑌦𑌦𑍍𑌧𑍍𑌯𑌾𑌤𑍍 । 𑌪𑍍𑌰॒𑌮𑌾𑌯𑍁॑𑌕𑌾 𑌸𑍍𑌯𑌾𑌤𑍍 । 𑌉𑌦𑍀॒𑌚𑍋-𑌽𑌙𑍍𑌗𑌾॑𑌰𑌾𑌨𑍍𑌨𑌿॒𑌰𑍂𑌹𑍍𑌯𑌾𑌧𑌿॑ 𑌶𑍍𑌰𑌯𑌤𑌿 । 𑌪𑌤𑍍𑌨𑌿॑𑌯𑍈 𑌗𑍋𑌪𑍀॒𑌥𑌾𑌯॑ ॥ 𑌵𑍍𑌯॑𑌨𑍍𑌤𑌾𑌨𑍍 𑌕𑌰𑍋𑌤𑌿 । 𑌤𑌥𑌾॒ 𑌪𑌤𑍍𑌨𑍍𑌯-𑌪𑍍𑌰॑𑌮𑌾𑌯𑍁𑌕𑌾 𑌭𑌵𑌤𑌿 ॥ 16 ॥

𑌘॒𑌰𑍍𑌮𑍋 𑌵𑌾 𑌏॒𑌷𑍋-𑌽𑌶𑌾᳚𑌨𑍍𑌤𑌃 । 𑌅𑌹॑𑌰𑌹𑌃॒ 𑌪𑍍𑌰𑌵𑍃॑𑌜𑍍𑌯𑌤𑍇 । 𑌯𑌦॑𑌗𑍍𑌨𑌿𑌹𑍋॒𑌤𑍍𑌰𑌮𑍍 । 𑌪𑍍𑌰𑌤𑌿॑𑌷𑌿𑌞𑍍𑌚𑍇-𑌤𑍍𑌪॒𑌶𑍁𑌕𑌾॑𑌮𑌸𑍍𑌯 । 𑌶𑌾॒𑌨𑍍𑌤𑌮𑌿॑𑌵॒ 𑌹𑌿 𑌪॑𑌶॒𑌵𑍍𑌯᳚𑌮𑍍 ॥ 𑌨 𑌪𑍍𑌰𑌤𑌿॑𑌷𑌿𑌞𑍍𑌚𑍇-𑌦𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑌕𑌾॑𑌮𑌸𑍍𑌯 । 𑌸𑌮𑌿॑𑌦𑍍𑌧𑌮𑌿𑌵॒ 𑌹𑌿 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌮𑍍 ॥ 𑌅𑌥𑍋॒ 𑌖𑌲𑍁॑ । 𑌪𑍍𑌰॒𑌤𑌿॒𑌷𑌿𑌚𑍍𑌯॑𑌮𑍇॒𑌵 । 𑌯𑌤𑍍-𑌪𑍍𑌰॑𑌤𑌿𑌷𑌿॒𑌞𑍍𑌚𑌤𑌿॑ ॥ 1𑍭 ॥

𑌤𑌤𑍍-𑌪॑𑌶॒𑌵𑍍𑌯᳚𑌮𑍍 । 𑌯𑌜𑍍𑌜𑍁॒𑌹𑍋𑌤𑌿॑ । 𑌤𑌦𑍍𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌿 । 𑌉॒𑌭𑌯॑𑌮𑍇॒𑌵𑌾𑌕𑌃॑ ॥ 𑌪𑍍𑌰𑌚𑍍𑌯𑍁॑𑌤𑌂॒-𑌵𑌾𑌁 𑌏॒𑌤𑌦॒𑌸𑍍𑌮𑌾-𑌲𑍍𑌲𑍋॒𑌕𑌾𑌤𑍍 । 𑌅𑌗॑𑌤-𑌨𑍍𑌦𑍇𑌵𑌲𑍋॒𑌕𑌮𑍍 । 𑌯𑌚𑍍𑌛𑍃॒𑌤𑌗𑍍​𑌮𑍍 𑌹॒𑌵𑌿𑌰𑌨॑𑌭𑌿𑌘𑌾𑌰𑌿𑌤𑌮𑍍 । 𑌅॒𑌭𑌿𑌦𑍍𑌯𑍋॑𑌤𑌯𑌤𑌿 । 𑌅॒𑌭𑍍𑌯𑍇॑𑌵𑍈𑌨॑𑌦𑍍𑌘𑌾𑌰𑌯𑌤𑌿 । 𑌅𑌥𑍋॑ 𑌦𑍇𑌵॒𑌤𑍍𑌰𑍈𑌵𑍈𑌨॑-𑌦𑍍𑌗𑌮𑌯𑌤𑌿 ॥ 1𑍮 ॥

𑌪𑌰𑍍𑌯॑𑌗𑍍𑌨𑌿 𑌕𑌰𑍋𑌤𑌿 । 𑌰𑌕𑍍𑌷॑𑌸𑌾॒-𑌮𑌪॑𑌹𑌤𑍍𑌯𑍈 ॥ 𑌤𑍍𑌰𑌿𑌃 𑌪𑌰𑍍𑌯॑𑌗𑍍𑌨𑌿 𑌕𑌰𑍋𑌤𑌿 । 𑌤𑍍𑌰𑍍𑌯𑌾॑𑌵𑍃॒𑌦𑍍𑌧𑌿 𑌯॒𑌜𑍍𑌞𑌃 । 𑌅𑌥𑍋॑ 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ ॥ 𑌯𑌤𑍍-𑌪𑍍𑌰𑌾॒𑌚𑍀𑌨॑-𑌮𑍁𑌦𑍍𑌵𑌾॒𑌸𑌯𑍇᳚𑌤𑍍 । 𑌯𑌜॑𑌮𑌾𑌨𑌗𑍍​𑌮𑍍 𑌶𑍁॒𑌚𑌾 𑌽𑌰𑍍𑌪॑𑌯𑍇𑌤𑍍 । 𑌯-𑌦𑍍𑌦॑𑌕𑍍𑌷𑌿॒𑌣𑌾 । 𑌪𑌿॒𑌤𑍃॒𑌦𑍇॒𑌵॒𑌤𑍍𑌯𑌗𑍍𑌗𑍍॑ 𑌸𑍍𑌯𑌾𑌤𑍍 । 𑌯𑌤𑍍-𑌪𑍍𑌰॒𑌤𑍍𑌯𑌕𑍍 ॥ 1𑍯 ॥

𑌪𑌤𑍍𑌨𑍀𑌗𑍍​𑌮𑍍॑ 𑌶𑍁॒𑌚𑌾 𑌽𑌰𑍍𑌪॑𑌯𑍇𑌤𑍍 । 𑌉॒𑌦𑍀॒𑌚𑍀𑌨॒-𑌮𑍁𑌦𑍍𑌵𑌾॑𑌸𑌯𑌤𑌿 । 𑌏॒𑌷𑌾 𑌵𑍈 𑌦𑍇॑𑌵𑌮𑌨𑍁॒𑌷𑍍𑌯𑌾𑌣𑌾𑌗𑍍​𑌮𑍍॑ 𑌶𑌾॒𑌨𑍍𑌤𑌾 𑌦𑌿𑌕𑍍 । 𑌤𑌾𑌮𑍇॒𑌵𑍈𑌨॒𑌦𑌨𑍂-𑌦𑍍𑌵𑌾॑𑌸𑌯𑌤𑌿॒ 𑌶𑌾𑌨𑍍𑌤𑍍𑌯𑍈᳚ ॥ 𑌵𑌰𑍍𑌤𑍍𑌮॑ 𑌕𑌰𑍋𑌤𑌿 । 𑌯॒𑌜𑍍𑌞𑌸𑍍𑌯॒ 𑌸𑌨𑍍𑌤॑𑌤𑍍𑌯𑍈 ॥ 𑌨𑌿𑌷𑍍𑌟॑𑌪𑌤𑌿 । 𑌉𑌪𑍈॒𑌵 𑌤𑌥𑍍𑌸𑍍𑌤𑍃॑𑌣𑌾𑌤𑌿 ॥ 𑌚॒𑌤𑍁𑌰𑍁𑌨𑍍𑌨॑𑌯𑌤𑌿 । 𑌚𑌤𑍁॑𑌷𑍍𑌪𑌾𑌦𑌃 𑌪॒𑌶𑌵𑌃॑ ॥ 20 ॥

𑌪॒𑌶𑍂𑌨𑍇॒𑌵𑌾-𑌵॑𑌰𑍁𑌨𑍍𑌧𑍇 ॥ 𑌸𑌰𑍍𑌵𑌾᳚𑌨𑍍-𑌪𑍂॒𑌰𑍍𑌣𑌾𑌨𑍁𑌨𑍍𑌨॑𑌯𑌤𑌿 । 𑌸𑌰𑍍𑌵𑍇॒ 𑌹𑌿 𑌪𑍁𑌣𑍍𑌯𑌾॑ 𑌰𑌾॒𑌦𑍍𑌧𑌾𑌃 ॥ 𑌅॒𑌨𑍂𑌚॒ 𑌉𑌨𑍍𑌨॑𑌯𑌤𑌿 । 𑌪𑍍𑌰॒𑌜𑌾𑌯𑌾॑ 𑌅𑌨𑍂𑌚𑍀𑌨॒𑌤𑍍𑌵𑌾𑌯॑ । 𑌅॒𑌨𑍂𑌚𑍍𑌯𑍇॒𑌵𑌾𑌸𑍍𑌯॑ 𑌪𑍍𑌰॒𑌜𑌾 𑌽𑌰𑍍𑌧𑍁॑𑌕𑌾 𑌭𑌵𑌤𑌿 ॥ 𑌸-𑌮𑍍𑌮𑍃॑𑌶𑌤𑌿॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈 ॥ 𑌨𑌾𑌹𑍋᳚𑌷𑍍𑌯॒𑌨𑍍𑌨𑍁𑌪॑ 𑌸𑌾𑌦𑌯𑍇𑌤𑍍 । 𑌯𑌦𑌹𑍋᳚𑌷𑍍𑌯𑌨𑍍𑌨𑍁𑌪 𑌸𑌾॒𑌦𑌯𑍇᳚𑌤𑍍 । 𑌯𑌥𑌾॒ 𑌽𑌨𑍍𑌯𑌸𑍍𑌮𑌾॑ 𑌉𑌪𑌨𑌿॒𑌧𑌾𑌯॑ ॥ 21 ॥

𑌅॒𑌨𑍍𑌯𑌸𑍍𑌮𑍈᳚ 𑌪𑍍𑌰॒𑌯𑌚𑍍𑌛॑𑌤𑌿 । 𑌤𑌾॒𑌦𑍃𑌗𑍇॒𑌵 𑌤𑌤𑍍 । 𑌆-𑌽𑌸𑍍𑌮𑍈॑ 𑌵𑍃𑌶𑍍𑌚𑍍𑌯𑍇𑌤 । 𑌯𑌦𑍇॒𑌵 𑌗𑌾𑌰𑍍​𑌹॑𑌪𑌤𑍍𑌯𑍇-𑌽𑌧𑌿॒𑌶𑍍𑌰𑌯॑𑌤𑌿 । 𑌤𑍇𑌨॒ 𑌗𑌾𑌰𑍍​𑌹॑𑌪𑌤𑍍𑌯-𑌮𑍍𑌪𑍍𑌰𑍀𑌣𑌾𑌤𑌿 ॥ 𑌅॒𑌗𑍍𑌨𑌿𑌰॑𑌬𑌿𑌭𑍇𑌤𑍍 । 𑌆𑌹𑍁॑𑌤𑌯𑍋॒ 𑌮𑌾-𑌽𑌤𑍍𑌯𑍇᳚𑌷𑍍𑌯॒𑌨𑍍𑌤𑍀𑌤𑌿॑ । 𑌸 𑌏॒𑌤𑌾𑌗𑍍​𑌮𑍍 𑌸॒𑌮𑌿𑌧॑-𑌮𑌪𑌶𑍍𑌯𑌤𑍍 । 𑌤𑌾𑌮𑌾-𑌽𑌧॑𑌤𑍍𑌤 । 𑌤𑌤𑍋॒ 𑌵𑌾 𑌅॒𑌗𑍍𑌨𑌾𑌵𑌾𑌹𑍁॑𑌤𑌯𑍋-𑌽𑌦𑍍𑌧𑍍𑌰𑌿𑌯𑌨𑍍𑌤 ॥ 22 ॥

𑌯𑌦𑍇॑𑌨𑌗𑍍​𑌮𑍍 𑌸॒𑌮𑌯॑𑌚𑍍𑌛𑌤𑍍 । 𑌤𑌥𑍍𑌸॒𑌮𑌿𑌧॑-𑌸𑍍𑌸𑌮𑌿॒𑌤𑍍𑌤𑍍𑌵𑌮𑍍 । 𑌸॒𑌮𑌿𑌧॒𑌮𑌾𑌦॑𑌧𑌾𑌤𑌿 । 𑌸𑌮𑍇॒𑌵𑍈𑌨𑌂॑-𑌯𑌁𑌚𑍍𑌛𑌤𑌿 । 𑌆𑌹𑍁॑𑌤𑍀𑌨𑌾॒-𑌨𑍍𑌧𑍃𑌤𑍍𑌯𑍈᳚ । 𑌅𑌥𑍋॑ 𑌅𑌗𑍍𑌨𑌿𑌹𑍋॒𑌤𑍍𑌰𑌮𑍇॒𑌵𑍇𑌦𑍍𑌧𑍍𑌮𑌵॑𑌤𑍍-𑌕𑌰𑍋𑌤𑌿 । 𑌆𑌹𑍁॑𑌤𑍀𑌨𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌯𑌦𑍇𑌕𑌾𑌗𑍍​𑌮𑍍॑ 𑌸॒𑌮𑌿𑌧॑𑌮𑌾॒𑌧𑌾𑌯॒ 𑌦𑍍𑌵𑍇 𑌆𑌹𑍁॑𑌤𑍀 𑌜𑍁॒𑌹𑍋𑌤𑌿॑ । 𑌅𑌥॒ 𑌕𑌸𑍍𑌯𑌾𑌗𑍍​𑌮𑍍॑ 𑌸॒𑌮𑌿𑌧𑌿॑ 𑌦𑍍𑌵𑌿॒𑌤𑍀𑌯𑌾॒-𑌮𑌾𑌹𑍁॑𑌤𑌿-𑌞𑍍𑌜𑍁𑌹𑍋॒𑌤𑍀𑌤𑌿॑ ॥ 23 ॥

𑌯-𑌦𑍍𑌦𑍍𑌵𑍇 𑌸॒𑌮𑌿𑌧𑌾॑𑌵𑌾𑌦॒𑌦𑍍𑌧𑍍𑌯𑌾𑌤𑍍 । 𑌭𑍍𑌰𑌾𑌤𑍃॑𑌵𑍍𑌯𑌮𑌸𑍍𑌮𑍈 𑌜𑌨𑌯𑍇𑌤𑍍 । 𑌏𑌕𑌾𑌗𑍍​𑌮𑍍॑ 𑌸॒𑌮𑌿𑌧॑𑌮𑌾॒𑌧𑌾𑌯॑ । 𑌯𑌜𑍁॑𑌷𑌾॒ 𑌽𑌨𑍍𑌯𑌾𑌮𑌾𑌹𑍁॑𑌤𑌿-𑌞𑍍𑌜𑍁𑌹𑍋𑌤𑌿 । 𑌉॒𑌭𑍇 𑌏॒𑌵 𑌸॒𑌮𑌿𑌦𑍍𑌵॑𑌤𑍀॒ 𑌆𑌹𑍁॑𑌤𑍀 𑌜𑍁𑌹𑍋𑌤𑌿 । 𑌨𑌾𑌸𑍍𑌮𑍈॒ 𑌭𑍍𑌰𑌾𑌤𑍃॑𑌵𑍍𑌯-𑌞𑍍𑌜𑌨𑌯𑌤𑌿 ॥ 𑌆𑌦𑍀᳚𑌪𑍍𑌤𑌾𑌯𑌾-𑌞𑍍𑌜𑍁𑌹𑍋𑌤𑌿 । 𑌸𑌮𑌿॑𑌦𑍍𑌧𑌮𑌿𑌵॒ 𑌹𑌿 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌮𑍍 । 𑌅𑌥𑍋॒ 𑌯𑌥𑌾-𑌽𑌤𑌿॑𑌥𑌿॒-𑌞𑍍𑌜𑍍𑌯𑍋𑌤𑌿॑𑌷𑍍𑌕𑍃॒𑌤𑍍𑌵𑌾 𑌪॑𑌰𑌿॒𑌵𑍇𑌵𑍇᳚𑌷𑍍𑌟𑌿 । 𑌤𑌾॒𑌦𑍃𑌗𑍇॒𑌵 𑌤𑌤𑍍 ॥ 𑌚॒𑌤𑍁𑌰𑍁𑌨𑍍𑌨॑𑌯𑌤𑌿 । 𑌦𑍍𑌵𑌿𑌰𑍍𑌜𑍁॑𑌹𑍋𑌤𑌿 । 𑌤𑌸𑍍𑌮𑌾᳚-𑌦𑍍𑌦𑍍𑌵𑌿॒𑌪𑌾-𑌚𑍍𑌚𑌤𑍁॑𑌷𑍍𑌪𑌾𑌦𑌮𑌤𑍍𑌤𑌿 । 𑌅𑌥𑍋᳚ 𑌦𑍍𑌵𑌿॒𑌪𑌦𑍍𑌯𑍇॒𑌵 𑌚𑌤𑍁॑𑌷𑍍𑌪𑌦𑌃॒ 𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ॥ 24 ॥
(𑌭॒𑌵॒𑌤𑌿॒ - 𑌪𑍍𑌰॒𑌤𑌿॒𑌷𑌿॒𑌞𑍍𑌚𑌤𑌿॑ - 𑌗𑌮𑌯𑌤𑌿 - 𑌪𑍍𑌰॒𑌤𑍍𑌯𑌕𑍍 - 𑌪॒𑌶𑌵॑ - 𑌉𑌪𑌨𑌿॒𑌧𑌾 - 𑌯𑌾᳚𑌦𑍍𑌘𑍍𑌰𑌿𑌯॒𑌨𑍍 - 𑌤𑍇𑌤𑌿॒ - 𑌤𑌚𑍍𑌚॒𑌤𑍍𑌵𑌾𑌰𑌿॑ 𑌚) (𑌅. 3)

𑌅𑌨𑍁𑌵𑌾𑌕𑌂 4 - 𑌉𑌪𑌯𑍁𑌕𑍍𑌤𑌸𑍍𑌯 𑌹𑌵𑌿𑌷-𑌸𑍍𑌸𑌂𑌸𑍍𑌕𑌾𑌰𑌃
𑌉॒𑌤𑍍𑌤॒𑌰𑌾𑌵॑𑌤𑍀𑌂॒-𑌵𑍈𑌁 𑌦𑍇॒𑌵𑌾 𑌆𑌹𑍁॑𑌤𑌿॒𑌮𑌜𑍁॑𑌹𑌵𑍁𑌃 । 𑌅𑌵𑌾॑𑌚𑍀॒𑌮𑌸𑍁॑𑌰𑌾𑌃 । 𑌤𑌤𑍋॑ 𑌦𑍇॒𑌵𑌾 𑌅𑌭॑𑌵𑌨𑍍𑌨𑍍 । 𑌪𑌰𑌾-𑌽𑌸𑍁॑𑌰𑌾𑌃 । 𑌯-𑌙𑍍𑌕𑌾॒𑌮𑌯𑍇॑𑌤॒ 𑌵𑌸𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑌿॑ । 𑌕𑌨𑍀॑𑌯॒𑌸𑍍𑌤𑌸𑍍𑌯॒ 𑌪𑍂𑌰𑍍𑌵𑌗𑍍​𑌮𑍍॑ 𑌹𑍁॒𑌤𑍍𑌵𑌾 । 𑌉𑌤𑍍𑌤॑𑌰॒-𑌮𑍍𑌭𑍂𑌯𑍋॑ 𑌜𑍁𑌹𑍁𑌯𑌾𑌤𑍍 । 𑌏॒𑌷𑌾 𑌵𑌾 𑌉॑𑌤𑍍𑌤॒𑌰𑌾𑌵॒𑌤𑍍𑌯𑌾𑌹𑍁॑𑌤𑌿𑌃 । 𑌤𑌾-𑌨𑍍𑌦𑍇॒𑌵𑌾 𑌅॑𑌜𑍁𑌹𑌵𑍁𑌃 । 𑌤𑌤॒𑌸𑍍𑌤𑍇॑-𑌽𑌭𑌵𑌨𑍍𑌨𑍍 ॥ 25 ॥

𑌯𑌸𑍍𑌯𑍈॒𑌵-𑌞𑍍𑌜𑍁𑌹𑍍𑌵॑𑌤𑌿 । 𑌭𑌵॑𑌤𑍍𑌯𑍇॒𑌵 ॥ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌪𑌾𑌪𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑌿॑ । 𑌭𑍂𑌯॒𑌸𑍍𑌤𑌸𑍍𑌯॒ 𑌪𑍂𑌰𑍍𑌵𑌗𑍍​𑌮𑍍॑ 𑌹𑍁॒𑌤𑍍𑌵𑌾 । 𑌉𑌤𑍍𑌤॑𑌰॒-𑌙𑍍𑌕𑌨𑍀॑𑌯𑍋 𑌜𑍁𑌹𑍁𑌯𑌾𑌤𑍍 । 𑌏॒𑌷𑌾 𑌵𑌾 𑌅𑌵𑌾॒𑌚𑍍𑌯𑌾𑌹𑍁॑𑌤𑌿𑌃 । 𑌤𑌾𑌮𑌸𑍁॑𑌰𑌾 𑌅𑌜𑍁𑌹𑌵𑍁𑌃 । 𑌤𑌤॒𑌸𑍍𑌤𑍇 𑌪𑌰𑌾॑-𑌽𑌭𑌵𑌨𑍍𑌨𑍍 । 𑌯𑌸𑍍𑌯𑍈॒𑌵-𑌞𑍍𑌜𑍁𑌹𑍍𑌵॑𑌤𑌿 । 𑌪𑌰𑍈॒𑌵 𑌭॑𑌵𑌤𑌿 ॥ 26 ॥

𑌹𑍁॒𑌤𑍍𑌵𑍋𑌪॑ 𑌸𑌾𑌦𑌯॒𑌤𑍍𑌯𑌜𑌾॑𑌮𑌿𑌤𑍍𑌵𑌾𑌯 । 𑌅𑌥𑍋॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈 ॥ 𑌗𑌾𑌰𑍍​𑌹॑𑌪𑌤𑍍𑌯॒-𑌮𑍍𑌪𑍍𑌰𑌤𑍀᳚𑌕𑍍𑌷𑌤𑍇 । 𑌅𑌨॑𑌨𑍁𑌦𑍍𑌧𑍍𑌯𑌾𑌯𑌿𑌨-𑌮𑍇॒𑌵𑍈𑌨॑-𑌙𑍍𑌕𑌰𑍋𑌤𑌿 ॥ 𑌅॒𑌗𑍍𑌨𑌿॒𑌹𑍋॒𑌤𑍍𑌰𑌸𑍍𑌯॒ 𑌵𑍈 𑌸𑍍𑌥𑌾॒𑌣𑍁𑌰॑𑌸𑍍𑌤𑌿 । 𑌤𑌂-𑌯𑌁 𑌋॒𑌚𑍍𑌛𑍇𑌤𑍍 । 𑌯॒𑌜𑍍𑌞॒𑌸𑍍𑌥𑌾॒𑌣𑍁𑌮𑍃॑𑌚𑍍𑌛𑍇𑌤𑍍 । 𑌏॒𑌷 𑌵𑌾 𑌅॑𑌗𑍍𑌨𑌿𑌹𑍋॒𑌤𑍍𑌰𑌸𑍍𑌯॑ 𑌸𑍍𑌥𑌾॒𑌣𑍁𑌃 । 𑌯𑌤𑍍-𑌪𑍂𑌰𑍍𑌵𑌾-𑌽𑌽𑌹𑍁॑𑌤𑌿𑌃 । 𑌤𑌾𑌂-𑌯𑌁𑌦𑍁𑌤𑍍𑌤॑𑌰𑌯𑌾॒-𑌽𑌭𑌿 𑌜𑍁॑𑌹𑍁॒𑌯𑌾𑌤𑍍 ॥ 2𑍭 ॥

𑌯॒𑌜𑍍𑌞॒𑌸𑍍𑌥𑌾॒𑌣𑍁-𑌮𑍃॑𑌚𑍍𑌛𑍇𑌤𑍍 । 𑌅॒𑌤𑌿॒𑌹𑌾𑌯॒ 𑌪𑍂𑌰𑍍𑌵𑌾॒𑌮𑌾𑌹𑍁॑𑌤𑌿-𑌞𑍍𑌜𑍁𑌹𑍋𑌤𑌿 । 𑌯॒𑌜𑍍𑌞॒𑌸𑍍𑌥𑌾॒𑌣𑍁𑌮𑍇॒𑌵 𑌪𑌰𑌿॑ 𑌵𑍃𑌣𑌕𑍍𑌤𑌿 । 𑌅𑌥𑍋॒ 𑌭𑍍𑌰𑌾𑌤𑍃॑𑌵𑍍𑌯𑌮𑍇॒𑌵𑌾𑌪𑍍𑌤𑍍𑌵𑌾 𑌽𑌤𑌿॑𑌕𑍍𑌰𑌾𑌮𑌤𑌿 ॥ 𑌅॒𑌵𑌾॒𑌚𑍀𑌨𑌗𑍍​𑌮𑍍॑ 𑌸𑌾॒𑌯𑌮𑍁𑌪॑ 𑌮𑌾𑌰𑍍​𑌷𑍍𑌟𑌿 । 𑌰𑍇𑌤॑ 𑌏॒𑌵 𑌤-𑌦𑍍𑌦॑𑌧𑌾𑌤𑌿 । 𑌊॒𑌰𑍍𑌧𑍍𑌵-𑌮𑍍𑌪𑍍𑌰𑌾॒𑌤𑌃 । 𑌪𑍍𑌰 𑌜॑𑌨𑌯𑌤𑍍𑌯𑍇॒𑌵 𑌤𑌤𑍍 ॥ 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌚॒𑌤𑍁𑌰𑍁𑌨𑍍𑌨॑𑌯𑌤𑌿 ॥ 2𑍮 ॥

𑌦𑍍𑌵𑌿𑌰𑍍𑌜𑍁॑𑌹𑍋𑌤𑌿 । 𑌅𑌥॒ 𑌕𑍍𑌵॑ 𑌦𑍍𑌵𑍇 𑌆𑌹𑍁॑𑌤𑍀 𑌭𑌵𑌤॒ 𑌇𑌤𑌿॑ । 𑌅॒𑌗𑍍𑌨𑍌 𑌵𑍈᳚𑌶𑍍𑌵𑌾𑌨॒𑌰 𑌇𑌤𑌿॑ 𑌬𑍍𑌰𑍂𑌯𑌾𑌤𑍍 । 𑌏॒𑌷 𑌵𑌾 𑌅॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰𑌃 । 𑌯𑌦𑍍𑌬𑍍𑌰𑌾᳚𑌹𑍍𑌮॒𑌣𑌃 । 𑌹𑍁॒𑌤𑍍𑌵𑌾 𑌦𑍍𑌵𑌿𑌃 𑌪𑍍𑌰𑌾𑌶𑍍𑌞𑌾॑𑌤𑌿 । 𑌅॒𑌗𑍍𑌨𑌾𑌵𑍇॒𑌵 𑌵𑍈᳚𑌶𑍍𑌵𑌾𑌨॒𑌰𑍇 𑌦𑍍𑌵𑍇 𑌆𑌹𑍁॑𑌤𑍀 𑌜𑍁𑌹𑍋𑌤𑌿 ॥ 𑌦𑍍𑌵𑌿𑌰𑍍𑌜𑍁॒𑌹𑍋𑌤𑌿॑ । 𑌦𑍍𑌵𑌿𑌰𑍍𑌨𑌿𑌮𑌾᳚𑌰𑍍​𑌷𑍍𑌟𑌿 । 𑌦𑍍𑌵𑌿𑌃 𑌪𑍍𑌰𑌾𑌶𑍍𑌞𑌾॑𑌤𑌿 ॥ 2𑍯 ॥

𑌷𑌟𑍍-𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌷𑌡𑍍𑌵𑌾 𑌋॒𑌤𑌵𑌃॑ । 𑌋॒𑌤𑍂𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌕𑌿॒-𑌨𑍍𑌦𑍇॒𑌵॒𑌤𑍍𑌯॑-𑌮𑌗𑍍𑌨𑌿𑌹𑍋॒𑌤𑍍𑌰𑌮𑌿𑌤𑌿॑ । 𑌵𑍈॒𑌶𑍍𑌵॒𑌦𑍇॒𑌵𑌮𑌿𑌤𑌿॑ 𑌬𑍍𑌰𑍂𑌯𑌾𑌤𑍍 । 𑌯-𑌦𑍍𑌯𑌜𑍁॑𑌷𑌾 𑌜𑍁॒𑌹𑍋𑌤𑌿॑ । 𑌤𑌦𑍈᳚𑌨𑍍𑌦𑍍𑌰𑌾॒𑌗𑍍𑌨𑌮𑍍 । 𑌯𑌤𑍍-𑌤𑍂॒𑌷𑍍𑌣𑍀𑌮𑍍 । 𑌤𑌤𑍍-𑌪𑍍𑌰𑌾॑𑌜𑌾𑌪॒𑌤𑍍𑌯𑌮𑍍 ॥ 30 ॥

𑌯𑌨𑍍𑌨𑌿॒𑌮𑌾𑌰𑍍​𑌷𑍍𑌟𑌿॑ । 𑌤𑌦𑍋𑌷॑𑌧𑍀𑌨𑌾𑌮𑍍 । 𑌯𑌦𑍍𑌦𑍍𑌵𑌿॒𑌤𑍀𑌯᳚𑌮𑍍 । 𑌤𑌤𑍍-𑌪𑌿॑𑌤𑍃॒𑌣𑌾𑌮𑍍 । 𑌯𑌤𑍍-𑌪𑍍𑌰𑌾𑌶𑍍𑌞𑌾॑𑌤𑌿 । 𑌤-𑌦𑍍𑌗𑌰𑍍𑌭𑌾॑𑌣𑌾𑌮𑍍 । 𑌤𑌸𑍍𑌮𑌾॒-𑌦𑍍𑌗𑌰𑍍𑌭𑌾॒ 𑌅𑌨॑𑌶𑍍𑌨𑌨𑍍𑌤𑍋 𑌵𑌰𑍍𑌧𑌨𑍍𑌤𑍇 । 𑌯𑌦𑌾॒𑌚𑌾𑌮॑𑌤𑌿 । 𑌤𑌨𑍍𑌮॑𑌨𑍁॒𑌷𑍍𑌯𑌾॑𑌣𑌾𑌮𑍍 ॥ 𑌉𑌦॑𑌮𑍍𑌪𑌰𑍍𑌯𑌾॒𑌵𑍃𑌤𑍍𑌯𑌾𑌚𑌾॑𑌮𑌤𑌿 ॥ 31 ॥

𑌆॒𑌤𑍍𑌮𑌨𑍋॑ 𑌗𑍋𑌪𑍀॒𑌥𑌾𑌯॑ ॥ 𑌨𑌿𑌰𑍍𑌣𑍇॑𑌨𑍇𑌕𑍍𑌤𑌿॒ 𑌶𑍁𑌦𑍍𑌧𑍍𑌯𑍈᳚ ॥ 𑌨𑌿𑌷𑍍𑌟॑𑌪𑌤𑌿 𑌸𑍍𑌵॒𑌗𑌾𑌕𑍃॑𑌤𑍍𑌯𑍈 । 𑌉-𑌦𑍍𑌦𑌿॑𑌶𑌤𑌿 । 𑌸॒𑌪𑍍𑌤॒𑌰𑍍॒𑌷𑍀𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 ॥ 𑌦॒𑌕𑍍𑌷𑌿॒𑌣𑌾 𑌪॒𑌰𑍍𑌯𑌾𑌵॑𑌰𑍍𑌤𑌤𑍇 । 𑌸𑍍𑌵𑌮𑍇॒𑌵 𑌵𑍀॒𑌰𑍍𑌯॑𑌮𑌨𑍁॑ 𑌪॒𑌰𑍍𑌯𑌾𑌵॑𑌰𑍍𑌤𑌤𑍇 । 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॒𑌣𑍋-𑌽𑌰𑍍𑌧॑ 𑌆॒𑌤𑍍𑌮𑌨𑍋॑ 𑌵𑍀॒𑌰𑍍𑌯𑌾॑𑌵𑌤𑍍𑌤𑌰𑌃 । 𑌅𑌥𑍋॑ 𑌆𑌦𑌿॒𑌤𑍍𑌯𑌸𑍍𑌯𑍈॒𑌵𑌾𑌵𑍃𑌤॒𑌮𑌨𑍁॑ 𑌪॒𑌰𑍍𑌯𑌾𑌵॑𑌰𑍍𑌤𑌤𑍇 ॥ 𑌹𑍁॒𑌤𑍍𑌵𑍋𑌪॒ 𑌸𑌮𑌿॑𑌨𑍍𑌧𑍇 ॥ 32 ॥

𑌬𑍍𑌰॒𑌹𑍍𑌮॒𑌵॒𑌰𑍍𑌚॒𑌸𑌸𑍍𑌯॒ 𑌸𑌮𑌿॑𑌦𑍍𑌧𑍍𑌯𑍈 ॥ 𑌨 𑌬॒𑌰॒𑌃𑌇𑌰𑌨𑍁॒ 𑌪𑍍𑌰 𑌹॑𑌰𑍇𑌤𑍍 । 𑌅𑌸𑌗𑍍𑌗𑍍॑𑌸𑍍𑌥𑌿𑌤𑍋॒ 𑌵𑌾 𑌏॒𑌷 𑌯॒𑌜𑍍𑌞𑌃 । 𑌯𑌦॑𑌗𑍍𑌨𑌿𑌹𑍋॒𑌤𑍍𑌰𑌮𑍍 । 𑌯𑌦॑𑌨𑍁 𑌪𑍍𑌰॒𑌹𑌰𑍇᳚𑌤𑍍 । 𑌯॒𑌜𑍍𑌞𑌂-𑌵𑌿𑌁𑌚𑍍𑌛𑌿॑𑌨𑍍𑌦𑍍𑌯𑌾𑌤𑍍 । 𑌤𑌸𑍍𑌮𑌾॒𑌨𑍍𑌨𑌾𑌨𑍁॑ 𑌪𑍍𑌰॒𑌹𑍃𑌤𑍍𑌯᳚𑌮𑍍 । 𑌯॒𑌜𑍍𑌞𑌸𑍍𑌯॒ 𑌸𑌨𑍍𑌤॑𑌤𑍍𑌯𑍈 ॥ 𑌅॒𑌪𑍋 𑌨𑌿 𑌨॑𑌯𑌤𑌿 । 𑌅॒𑌵॒𑌭𑍃॒𑌥𑌸𑍍𑌯𑍈॒𑌵 𑌰𑍂॒𑌪𑌮॑𑌕𑌃 ॥ 33 ॥
(𑌅॒𑌭॒𑌵॒𑌨𑍍 - 𑌭॒𑌵॒𑌤𑌿॒ - 𑌜𑍁॒𑌹𑍁॒𑌯𑌾𑌨𑍍 - 𑌨॑𑌯𑌤𑌿 - 𑌮𑌾𑌰𑍍​𑌷𑍍𑌟𑌿॒ 𑌦𑍍𑌵𑌿𑌃 𑌪𑍍𑌰𑌾𑌶𑍍𑌞𑌾॑𑌤𑌿 - 𑌪𑍍𑌰𑌾𑌜𑌾𑌪॒𑌤𑍍𑌯 - 𑌮𑌾𑌚𑌾॑𑌮𑌤𑍀 - 𑌨𑍍𑌧𑍇 - 𑌽𑌕𑌃) (𑌅. 4)

𑌅𑌨𑍁𑌵𑌾𑌕𑌂 5 - 𑌕𑌾𑌮𑍍𑌯𑌾𑌨𑌿 𑌹𑍋𑌮𑌦𑍍𑌰𑌵𑍍𑌯𑌾𑌣𑌿
𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 । 𑌅॒𑌗𑍍𑌨𑌿॒𑌹𑍋॒𑌤𑍍𑌰𑌪𑍍𑌰𑌾॑𑌯𑌣𑌾 𑌯॒𑌜𑍍𑌞𑌾𑌃 । 𑌕𑌿-𑌮𑍍𑌪𑍍𑌰𑌾॑𑌯𑌣-𑌮𑌗𑍍𑌨𑌿𑌹𑍋॒𑌤𑍍𑌰𑌮𑌿𑌤𑌿॑ । 𑌵॒𑌥𑍍𑌸𑍋 𑌵𑌾 𑌅॑𑌗𑍍𑌨𑌿𑌹𑍋॒𑌤𑍍𑌰𑌸𑍍𑌯॒ 𑌪𑍍𑌰𑌾𑌯॑𑌣𑌮𑍍 । 𑌅॒𑌗𑍍𑌨𑌿॒𑌹𑍋॒𑌤𑍍𑌰𑌂-𑌯𑌁𑌜𑍍𑌞𑌾𑌨𑌾᳚𑌮𑍍 ॥ 𑌤𑌸𑍍𑌯॑ 𑌪𑍃𑌥𑌿॒𑌵𑍀 𑌸𑌦𑌃॑ । 𑌅॒𑌨𑍍𑌤𑌰𑌿॑𑌕𑍍𑌷॒-𑌮𑌾𑌗𑍍𑌨𑍀᳚𑌦𑍍𑌧𑍍𑌰𑌮𑍍 । 𑌦𑍍𑌯𑍌𑌰𑍍-𑌹॑𑌵𑌿॒𑌰𑍍𑌧𑌾𑌨᳚𑌮𑍍 । 𑌦𑌿॒𑌵𑍍𑌯𑌾 𑌆𑌪𑌃॒ 𑌪𑍍𑌰𑍋𑌕𑍍𑌷॑𑌣𑌯𑌃 । 𑌓𑌷॑𑌧𑌯𑍋 𑌬॒𑌰॒𑌃𑌇𑌃 ॥ 34 ॥
𑌵𑌨॒𑌸𑍍𑌪𑌤॑𑌯 𑌇॒𑌦𑍍𑌧𑍍𑌮𑌃 । 𑌦𑌿𑌶𑌃॑ 𑌪𑌰𑌿॒𑌧𑌯𑌃॑ । 𑌆॒𑌦𑌿॒𑌤𑍍𑌯𑍋 𑌯𑍂𑌪𑌃॑ । 𑌯𑌜॑𑌮𑌾𑌨𑌃 𑌪॒𑌶𑍁𑌃 । 𑌸॒𑌮𑍁॒𑌦𑍍𑌰𑍋॑-𑌽𑌵𑌭𑍃॒𑌥𑌃 । 𑌸𑌂॒​𑌵𑌁॒𑌥𑍍𑌸॒𑌰-𑌸𑍍𑌸𑍍𑌵॑𑌗𑌾𑌕𑌾॒𑌰𑌃 । 𑌤𑌸𑍍𑌮𑌾॒𑌦𑌾𑌹𑌿॑𑌤𑌾𑌗𑍍𑌨𑍇॒-𑌸𑍍𑌸𑌰𑍍𑌵॑𑌮𑍇॒𑌵 𑌬॑𑌰𑍍​𑌹𑌿॒𑌷𑍍𑌯॑-𑌨𑍍𑌦॒𑌤𑍍𑌤-𑌮𑍍𑌭॑𑌵𑌤𑌿 । 𑌯-𑌥𑍍𑌸𑌾॒𑌯-𑌞𑍍𑌜𑍁॒𑌹𑍋𑌤𑌿॑ । 𑌰𑌾𑌤𑍍𑌰𑌿॑𑌮𑍇॒𑌵 𑌤𑍇𑌨॑ 𑌦𑌕𑍍𑌷𑌿॒𑌣𑍍𑌯𑌾᳚-𑌙𑍍𑌕𑍁𑌰𑍁𑌤𑍇 । 𑌯𑌤𑍍-𑌪𑍍𑌰𑌾॒𑌤𑌃 ॥ 35 ॥

𑌅𑌹॑𑌰𑍇॒𑌵 𑌤𑍇𑌨॑ 𑌦𑌕𑍍𑌷𑌿॒𑌣𑍍𑌯॑-𑌙𑍍𑌕𑍁𑌰𑍁𑌤𑍇 । 𑌯𑌤𑍍-𑌤𑌤𑍋॒ 𑌦𑌦𑌾॑𑌤𑌿 । 𑌸𑌾 𑌦𑌕𑍍𑌷𑌿॑𑌣𑌾 ॥ 𑌯𑌾𑌵॑𑌨𑍍𑌤𑍋॒ 𑌵𑍈 𑌦𑍇॒𑌵𑌾 𑌅𑌹𑍁॑𑌤॒𑌮𑌾𑌦𑌨𑍍𑌨𑍍॑ । 𑌤𑍇 𑌪𑌰𑌾॑-𑌽𑌭𑌵𑌨𑍍𑌨𑍍 । 𑌤 𑌏॒𑌤𑌦॑𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌸𑌰𑍍𑌵॑𑌸𑍍𑌯𑍈॒𑌵 𑌸॑𑌮𑌵॒𑌦𑌾𑌯𑌾॑𑌜𑍁𑌹𑌵𑍁𑌃 । 𑌤𑌸𑍍𑌮𑌾॑𑌦𑌾𑌹𑍁𑌃 । 𑌅॒𑌗𑍍𑌨𑌿॒𑌹𑍋॒𑌤𑍍𑌰𑌂-𑌵𑍈𑌁 𑌦𑍇॒𑌵𑌾 𑌗𑍃॒𑌹𑌾𑌣𑌾॒-𑌨𑍍𑌨𑌿𑌷𑍍𑌕𑍃॑𑌤𑌿-𑌮𑌪𑌶𑍍𑌯॒𑌨𑍍𑌨𑌿𑌤𑌿॑ । 𑌯-𑌥𑍍𑌸𑌾॒𑌯-𑌞𑍍𑌜𑍁॒𑌹𑍋𑌤𑌿॑ । 𑌰𑌾𑌤𑍍𑌰𑌿॑𑌯𑌾 𑌏॒𑌵 𑌤𑌦𑍍𑌧𑍁॒𑌤𑌾𑌦𑍍𑌯𑌾॑𑌯 ॥ 36 ॥

𑌯𑌜॑𑌮𑌾𑌨॒𑌸𑍍𑌯𑌾-𑌪॑𑌰𑌾𑌭𑌾𑌵𑌾𑌯 । 𑌯𑌤𑍍-𑌪𑍍𑌰𑌾॒𑌤𑌃 । 𑌅𑌹𑍍𑌨॑ 𑌏॒𑌵 𑌤𑌦𑍍𑌧𑍁॒𑌤𑌾𑌦𑍍𑌯𑌾॑𑌯 । 𑌯𑌜॑𑌮𑌾𑌨॒𑌸𑍍𑌯𑌾-𑌪॑𑌰𑌾𑌭𑌾𑌵𑌾𑌯 । 𑌯𑌤𑍍-𑌤𑌤𑍋॒-𑌽𑌶𑍍𑌨𑌾𑌤𑌿॑ । 𑌹𑍁॒𑌤𑌮𑍇॒𑌵 𑌤𑌤𑍍 ॥ 𑌦𑍍𑌵𑌯𑍋𑌃॒ 𑌪𑌯॑𑌸𑌾 𑌜𑍁𑌹𑍁𑌯𑌾𑌤𑍍-𑌪॒𑌶𑍁𑌕𑌾॑𑌮𑌸𑍍𑌯 । 𑌏॒𑌤𑌦𑍍𑌵𑌾 𑌅॑𑌗𑍍𑌨𑌿𑌹𑍋॒𑌤𑍍𑌰-𑌮𑍍𑌮𑌿॑𑌥𑍁॒𑌨𑌮𑍍 । 𑌯 𑌏॒𑌵𑌂-𑌵𑍇𑌁𑌦॑ । 𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌮𑌿𑌥𑍁॒𑌨𑍈-𑌰𑍍𑌜𑌾॑𑌯𑌤𑍇 ॥ 3𑍭 ॥

𑌇॒𑌮𑌾𑌮𑍇॒𑌵 𑌪𑍂𑌰𑍍𑌵॑𑌯𑌾 𑌦𑍁॒𑌹𑍇 । 𑌅॒𑌮𑍂𑌮𑍁𑌤𑍍𑌤॑𑌰𑌯𑌾 । 𑌅॒𑌧𑌿॒𑌶𑍍𑌰𑌿𑌤𑍍𑌯𑍋𑌤𑍍𑌤॑𑌰॒𑌮𑌾 𑌨॑𑌯𑌤𑌿 । 𑌯𑍋𑌨𑌾॑𑌵𑍇॒𑌵 𑌤-𑌦𑍍𑌰𑍇𑌤॑-𑌸𑍍𑌸𑌿𑌞𑍍𑌚𑌤𑌿 𑌪𑍍𑌰॒𑌜𑌨॑𑌨𑍇 ॥ 𑌆𑌜𑍍𑌯𑍇॑𑌨 𑌜𑍁𑌹𑍁𑌯𑌾॒𑌤𑍍-𑌤𑍇𑌜॑𑌸𑍍𑌕𑌾𑌮𑌸𑍍𑌯 । 𑌤𑍇𑌜𑍋॒ 𑌵𑌾 𑌆𑌜𑍍𑌯᳚𑌮𑍍 । 𑌤𑍇॒𑌜॒𑌸𑍍𑌵𑍍𑌯𑍇॑𑌵 𑌭॑𑌵𑌤𑌿 । 𑌪𑌯॑𑌸𑌾 𑌪॒𑌶𑍁𑌕𑌾॑𑌮𑌸𑍍𑌯 । 𑌏॒𑌤𑌦𑍍𑌵𑍈 𑌪॑𑌶𑍂॒𑌨𑌾𑌗𑍍​𑌮𑍍 𑌰𑍂॒𑌪𑌮𑍍 । 𑌰𑍂॒𑌪𑍇𑌣𑍈॒𑌵𑌾𑌸𑍍𑌮𑍈॑ 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 ॥ 3𑍮 ॥

𑌪॒𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿 । 𑌦॒𑌦𑍍𑌧𑍍𑌨𑍇𑌨𑍍𑌦𑍍𑌰𑌿॒𑌯 𑌕𑌾॑𑌮𑌸𑍍𑌯 । 𑌇॒𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌦𑌧𑌿॑ । 𑌇॒𑌨𑍍𑌦𑍍𑌰𑌿॒𑌯𑌾॒𑌵𑍍𑌯𑍇॑𑌵 𑌭॑𑌵𑌤𑌿 । 𑌯॒𑌵𑌾॒𑌗𑍍𑌵𑌾᳚ 𑌗𑍍𑌰𑌾𑌮॑𑌕𑌾𑌮𑌸𑍍𑌯𑍌𑌷॒𑌧𑌾 𑌵𑍈 𑌮॑𑌨𑍁॒𑌷𑍍𑌯𑌾𑌃᳚ । 𑌭𑌾॒𑌗॒𑌧𑍇𑌯𑍇॑𑌨𑍈॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾𑌨𑌵॑-𑌰𑍁𑌨𑍍𑌧𑍇 । 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿 ॥
𑌅𑌯॑𑌜𑍍𑌞𑍋॒ 𑌵𑌾 𑌏॒𑌷𑌃 । 𑌯𑍋॑𑌸𑌾॒𑌮𑌾 ॥ 3𑍯 ॥

𑌚॒𑌤𑍁𑌰𑍁𑌨𑍍𑌨॑𑌯𑌤𑌿 । 𑌚𑌤𑍁॑𑌰𑌕𑍍𑌷𑌰𑌗𑍍​𑌮𑍍 𑌰𑌥𑌨𑍍𑌤॒𑌰𑌮𑍍 । 𑌰॒𑌥॒𑌨𑍍𑌤॒𑌰𑌸𑍍𑌯𑍈॒𑌷 𑌵𑌰𑍍𑌣𑌃॑ । 𑌉॒𑌪𑌰𑍀॑𑌵 𑌹𑌰𑌤𑌿 । 𑌅॒𑌨𑍍𑌤𑌰𑌿॑𑌕𑍍𑌷𑌂-𑌵𑌾𑌁𑌮𑌦𑍇॒𑌵𑍍𑌯𑌮𑍍 । 𑌵𑌾॒𑌮॒𑌦𑍇॒𑌵𑍍𑌯𑌸𑍍𑌯𑍈॒𑌷 𑌵𑌰𑍍𑌣𑌃॑ । 𑌦𑍍𑌵𑌿𑌰𑍍𑌜𑍁॑𑌹𑍋𑌤𑌿 । 𑌦𑍍𑌵𑍍𑌯॑𑌕𑍍𑌷𑌰-𑌮𑍍𑌬𑍃॒𑌹𑌤𑍍 । 𑌬𑍃॒𑌹॒𑌤 𑌏॒𑌷 𑌵𑌰𑍍𑌣𑌃॑ । 𑌅॒𑌗𑍍𑌨𑌿॒𑌹𑍋॒𑌤𑍍𑌰𑌮𑍇॒𑌵 𑌤-𑌥𑍍𑌸𑌾𑌮॑𑌨𑍍𑌵𑌤𑍍-𑌕𑌰𑍋𑌤𑌿 ॥ 40 ॥

𑌯𑍋 𑌵𑌾 𑌅॑𑌗𑍍𑌨𑌿𑌹𑍋॒𑌤𑍍𑌰𑌸𑍍𑌯𑍋॑𑌪॒𑌸𑌦𑍋॒ 𑌵𑍇𑌦॑ । 𑌉𑌪𑍈॑𑌨𑌮𑍁𑌪॒𑌸𑌦𑍋॑ 𑌨𑌮𑌨𑍍𑌤𑌿 । 𑌵𑌿॒𑌨𑍍𑌦𑌤॑ 𑌉𑌪𑌸॒𑌤𑍍𑌤𑌾𑌰᳚𑌮𑍍 । 𑌉॒𑌨𑍍𑌨𑍀𑌯𑍋𑌪॑ 𑌸𑌾𑌦𑌯𑌤𑌿 । 𑌪𑍃॒𑌥𑌿॒𑌵𑍀𑌮𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌹𑍋॒𑌷𑍍𑌯𑌨𑍍𑌨𑍁𑌪॑ 𑌸𑌾𑌦𑌯𑌤𑌿 । 𑌅॒𑌨𑍍𑌤𑌰𑌿॑𑌕𑍍𑌷𑌮𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌹𑍁॒𑌤𑍍𑌵𑍋𑌪॑ 𑌸𑌾𑌦𑌯𑌤𑌿 । 𑌦𑌿𑌵॑𑌮𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌏॒𑌤𑌾 𑌵𑌾 𑌅॑𑌗𑍍𑌨𑌿𑌹𑍋॒𑌤𑍍𑌰𑌸𑍍𑌯𑍋॑𑌪॒𑌸𑌦𑌃॑ ॥ 41 ॥

𑌯 𑌏॒𑌵𑌂-𑌵𑍇𑌁𑌦॑ । 𑌉𑌪𑍈॑𑌨-𑌮𑍁𑌪॒𑌸𑌦𑍋॑ 𑌨𑌮𑌨𑍍𑌤𑌿 । 𑌵𑌿॒𑌨𑍍𑌦𑌤॑ 𑌉𑌪𑌸॒𑌤𑍍𑌤𑌾𑌰᳚𑌮𑍍 ॥ 𑌯𑍋 𑌵𑌾 𑌅॑𑌗𑍍𑌨𑌿𑌹𑍋॒𑌤𑍍𑌰𑌸𑍍𑌯𑌾𑌶𑍍𑌰𑌾॑𑌵𑌿𑌤-𑌮𑍍𑌪𑍍𑌰॒𑌤𑍍𑌯𑌾𑌶𑍍𑌰𑌾॑𑌵𑌿𑌤॒𑌗𑍍​𑌮𑍍॒ 𑌹𑍋𑌤𑌾॑𑌰-𑌮𑍍𑌬𑍍𑌰॒𑌹𑍍𑌮𑌾𑌣𑌂॑-𑌵𑌁𑌷𑌟𑍍𑌕𑌾॒𑌰𑌂-𑌵𑍇𑌁𑌦॑ । 𑌤𑌸𑍍𑌯॒ 𑌤𑍍𑌵𑍇॑𑌵 𑌹𑍁॒𑌤𑌮𑍍 । 𑌪𑍍𑌰𑌾॒𑌣𑍋 𑌵𑌾 𑌅॑𑌗𑍍𑌨𑌿𑌹𑍋॒𑌤𑍍𑌰𑌸𑍍𑌯𑌾𑌶𑍍𑌰𑌾॑𑌵𑌿𑌤𑌮𑍍 । 𑌅॒𑌪𑌾॒𑌨𑌃 𑌪𑍍𑌰॒𑌤𑍍𑌯𑌾𑌶𑍍𑌰𑌾॑𑌵𑌿𑌤𑌮𑍍 । 𑌮𑌨𑍋॒ 𑌹𑍋𑌤𑌾᳚ । 𑌚𑌕𑍍𑌷𑍁॑-𑌰𑍍𑌬𑍍𑌰॒𑌹𑍍𑌮𑌾 । 𑌨𑌿॒𑌮𑍇॒𑌷𑍋 𑌵॑𑌷𑌟𑍍𑌕𑌾॒𑌰𑌃 ॥ 42 ॥

𑌯 𑌏॒𑌵𑌂-𑌵𑍇𑌁𑌦॑ । 𑌤𑌸𑍍𑌯॒ 𑌤𑍍𑌵𑍇॑𑌵 𑌹𑍁॒𑌤𑌮𑍍 ॥ 𑌸𑌾॒𑌯𑌂॒-𑌯𑌾𑌁𑌵𑌾॑𑌨𑌶𑍍𑌚॒ 𑌵𑍈 𑌦𑍇॒𑌵𑌾𑌃 𑌪𑍍𑌰𑌾॑𑌤॒𑌰𑍍𑌯𑌾𑌵𑌾॑𑌣𑌶𑍍𑌚𑌾-𑌗𑍍𑌨𑌿𑌹𑍋॒𑌤𑍍𑌰𑌿𑌣𑍋॑ 𑌗𑍃॒𑌹𑌮𑌾𑌗॑𑌚𑍍𑌛𑌨𑍍𑌤𑌿 । 𑌤𑌾𑌨𑍍. 𑌯𑌨𑍍𑌨 𑌤॒𑌰𑍍𑌪𑌯𑍇᳚𑌤𑍍 । 𑌪𑍍𑌰॒𑌜𑌯𑌾᳚-𑌽𑌸𑍍𑌯 𑌪॒𑌶𑍁𑌭𑌿॒𑌰𑍍𑌵𑌿 𑌤𑌿॑𑌷𑍍𑌠𑍇𑌰𑌨𑍍𑌨𑍍 । 𑌯𑌤𑍍𑌤॒𑌰𑍍𑌪𑌯𑍇᳚𑌤𑍍 । 𑌤𑍃॒𑌪𑍍𑌤𑌾 𑌏॑𑌨-𑌮𑍍𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑𑌸𑍍𑌤𑌰𑍍𑌪𑌯𑍇𑌯𑍁𑌃 ॥ 𑌸॒𑌜𑍂𑌰𑍍𑌦𑍇॒𑌵𑍈-𑌸𑍍𑌸𑌾॒𑌯𑌂-𑌯𑌾𑌁𑌵॑𑌭𑌿॒𑌰𑌿𑌤𑌿॑ 𑌸𑌾॒𑌯𑌗𑍍​𑌮𑍍 𑌸-𑌮𑍍𑌮𑍃॑𑌶𑌤𑌿 । 𑌸॒𑌜𑍂𑌰𑍍𑌦𑍇॒𑌵𑍈𑌃 𑌪𑍍𑌰𑌾॒𑌤𑌰𑍍𑌯𑌾𑌵॑𑌭𑌿॒𑌰𑌿𑌤𑌿॑ 𑌪𑍍𑌰𑌾॒𑌤𑌃 । 𑌯𑍇 𑌚𑍈॒𑌵 𑌦𑍇॒𑌵𑌾-𑌸𑍍𑌸𑌾॑𑌯𑌂॒-𑌯𑌾𑌁𑌵𑌾॑𑌨𑍋॒ 𑌯𑍇 𑌚॑ 𑌪𑍍𑌰𑌾𑌤॒𑌰𑍍𑌯𑌾𑌵𑌾॑𑌣𑌃 ॥ 43 ॥

𑌤𑌾𑌨𑍇॒𑌵𑍋𑌭𑌯𑌾𑌗𑍍॑ 𑌸𑍍𑌤𑌰𑍍𑌪𑌯𑌤𑌿 । 𑌤 𑌏॑𑌨-𑌨𑍍𑌤𑍃॒𑌪𑍍𑌤𑌾𑌃 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑ 𑌸𑍍𑌤𑌰𑍍𑌪𑌯𑌨𑍍𑌤𑌿 ॥ 𑌅॒𑌰𑍁॒𑌣𑍋 𑌹॑ 𑌸𑍍𑌮𑌾॒𑌹𑍌𑌪॑𑌵𑍇𑌶𑌿𑌃 । 𑌅॒𑌗𑍍𑌨𑌿॒𑌹𑍋॒𑌤𑍍𑌰 𑌏॒𑌵𑌾𑌹𑌗𑍍​𑌮𑍍 𑌸𑌾॒𑌯-𑌮𑍍𑌪𑍍𑌰𑌾॑𑌤॒𑌰𑍍𑌵𑌜𑍍𑌰॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑍇𑌭𑍍𑌯𑌃॒ 𑌪𑍍𑌰 𑌹॑𑌰𑌾𑌮𑌿 । 𑌤𑌸𑍍𑌮𑌾॒-𑌨𑍍𑌮𑌤𑍍𑌪𑌾𑌪𑍀॑𑌯𑌾𑌗𑍍​𑌮𑍍𑌸𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾॒ 𑌇𑌤𑌿॑ । 𑌚॒𑌤𑍁𑌰𑍁𑌨𑍍𑌨॑𑌯𑌤𑌿 । 𑌦𑍍𑌵𑌿𑌰𑍍𑌜𑍁॑𑌹𑍋𑌤𑌿 । 𑌸॒𑌮𑌿-𑌥𑍍𑌸॑𑌪𑍍𑌤॒𑌮𑍀 । 𑌸॒𑌪𑍍𑌤𑌪॑𑌦𑌾॒ 𑌶𑌕𑍍𑌵॑𑌰𑍀 । 𑌶𑌾॒𑌕𑍍𑌵॒𑌰𑍋 𑌵𑌜𑍍𑌰𑌃॑ । 𑌅॒𑌗𑍍𑌨𑌿॒𑌹𑍋॒𑌤𑍍𑌰 𑌏॒𑌵 𑌤𑌥𑍍𑌸𑌾॒𑌯-𑌮𑍍𑌪𑍍𑌰𑌾॑𑌤॒𑌰𑍍𑌵𑌜𑍍𑌰𑌂॒-𑌯𑌁𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾𑌯॒ 𑌪𑍍𑌰 𑌹॑𑌰𑌤𑌿 । 𑌭𑌵॑𑌤𑍍𑌯𑌾॒𑌤𑍍𑌮𑌨𑌾᳚ । 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿 ॥ 44 ॥
(𑌬॒𑌰𑍍॒𑌹𑌿𑌃 - 𑌪𑍍𑌰𑌾॒𑌤--𑌰𑍍 𑌹𑍁॒𑌤𑌾𑌦𑍍𑌯𑌾॑𑌯 - 𑌜𑌾𑌯𑌤𑍇 - 𑌰𑍁𑌨𑍍𑌧𑍇 - 𑌽𑌸𑌾॒𑌮𑌾 - 𑌕॑𑌰𑍋 - 𑌤𑍍𑌯𑍇॒𑌤𑌾 𑌵𑌾 𑌅॑𑌗𑍍𑌨𑌿𑌹𑍋॒𑌤𑍍𑌰𑌸𑍍𑌯𑍋॑ 𑌪॒𑌸𑌦𑍋॑ - 𑌵𑌷𑌟𑍍𑌕𑌾॒𑌰 - 𑌶𑍍𑌚॑ 𑌪𑍍𑌰𑌾𑌤॒𑌰𑍍𑌯𑌾𑌵𑌾॑𑌣𑍋॒ - 𑌵𑌜𑍍𑌰॒𑌸𑍍𑌤𑍍𑌰𑍀𑌣𑌿॑ 𑌚) (𑌅. 5)

𑌅𑌨𑍁𑌵𑌾𑌕𑌂 6 - 𑌅𑌭𑍍𑌯𑍁𑌦𑍍𑌦𑍍𑌰𑌵𑌣𑌮𑍍, 𑌹𑍋𑌮𑌾𑌭𑌾𑌵𑌪𑍍𑌰𑌤𑍀𑌕𑌾𑌰𑌶𑍍𑌚
𑌪𑍍𑌰॒𑌜𑌾𑌪॑𑌤𑌿-𑌰𑌕𑌾𑌮𑌯-𑌤𑌾𑌤𑍍𑌮॒𑌨𑍍 𑌵𑌨𑍍𑌮𑍇॑ 𑌜𑌾𑌯𑍇॒𑌤𑍇𑌤𑌿॑ । 𑌸𑍋॑-𑌽𑌜𑍁𑌹𑍋𑌤𑍍 । 𑌤𑌸𑍍𑌯𑌾᳚𑌤𑍍𑌮॒𑌨𑍍 𑌵𑌦॑𑌜𑌾𑌯𑌤 । 𑌅॒𑌗𑍍𑌨𑌿-𑌰𑍍𑌵𑌾॒𑌯𑍁𑌰𑌾॑-𑌦𑌿॒𑌤𑍍𑌯𑌃 । 𑌤𑍇᳚-𑌽𑌬𑍍𑌰𑍁𑌵𑌨𑍍𑌨𑍍 । 𑌪𑍍𑌰॒𑌜𑌾𑌪॑𑌤𑌿-𑌰𑌹𑍌𑌷𑍀-𑌦𑌾𑌤𑍍𑌮॒𑌨𑍍-𑌵𑌨𑍍𑌮𑍇॑ 𑌜𑌾𑌯𑍇॒𑌤𑍇𑌤𑌿॑ । 𑌤𑌸𑍍𑌯॑ 𑌵॒𑌯𑌮॑𑌜𑌨𑌿𑌷𑍍𑌮𑌹𑌿 । 𑌜𑌾𑌯॑𑌤𑌾-𑌨𑍍𑌨 𑌆𑌤𑍍𑌮॒𑌨𑍍-𑌵𑌦𑌿𑌤𑌿॒ 𑌤𑍇॑-𑌽𑌜𑍁𑌹𑌵𑍁𑌃 । 𑌪𑍍𑌰𑌾॒𑌣𑌾𑌨𑌾॑𑌮॒𑌗𑍍𑌨𑌿𑌃 । 𑌤॒𑌨𑍁𑌵𑍈॑ 𑌵𑌾॒𑌯𑍁𑌃 ॥ 45 ॥

𑌚𑌕𑍍𑌷𑍁॑𑌷 𑌆𑌦𑌿॒𑌤𑍍𑌯𑌃 । 𑌤𑍇𑌷𑌾𑌗𑍍​𑌮𑍍॑ 𑌹𑍁॒𑌤𑌾𑌦॑𑌜𑌾𑌯𑌤॒ 𑌗𑍌𑌰𑍇॒𑌵 ॥ 𑌤𑌸𑍍𑌯𑍈॒ 𑌪𑌯॑𑌸𑌿॒ 𑌵𑍍𑌯𑌾𑌯॑𑌚𑍍𑌛𑌨𑍍𑌤 । 𑌮𑌮॑ 𑌹𑍁॒𑌤𑌾𑌦॑𑌜𑌨𑌿॒ 𑌮𑌮𑍇𑌤𑌿॑ । 𑌤𑍇 𑌪𑍍𑌰॒𑌜𑌾𑌪॑𑌤𑌿-𑌮𑍍𑌪𑍍𑌰॒𑌶𑍍𑌨𑌮𑌾॑𑌯𑌨𑍍𑌨𑍍 । 𑌸 𑌆॑𑌦𑌿॒𑌤𑍍𑌯𑍋᳚-𑌽𑌗𑍍𑌨𑌿-𑌮॑𑌬𑍍𑌰𑌵𑍀𑌤𑍍 । 𑌯॒𑌤॒𑌰𑍋 𑌨𑍌॒ 𑌜𑌯𑌾᳚𑌤𑍍 । 𑌤𑌨𑍍𑌨𑍌॑ 𑌸॒𑌹𑌾𑌸॒𑌦𑌿𑌤𑌿॑ । 𑌕𑌸𑍍𑌯𑍈 𑌕𑍋-𑌽𑌹𑍌॑𑌷𑍀॒𑌦𑌿𑌤𑌿॑ 𑌪𑍍𑌰॒𑌜𑌾𑌪॑𑌤𑌿-𑌰𑌬𑍍𑌰𑌵𑍀॒𑌤𑍍-𑌕𑌸𑍍𑌯𑍈 𑌕॒ 𑌇𑌤𑌿॑ । 𑌪𑍍𑌰𑌾॒𑌣𑌾𑌨𑌾॑𑌮॒𑌹𑌮𑌿𑌤𑍍𑌯॒𑌗𑍍𑌨𑌿𑌃 ॥ 46 ॥

𑌤॒𑌨𑍁𑌵𑌾॑ 𑌅॒𑌹𑌮𑌿𑌤𑌿॑ 𑌵𑌾॒𑌯𑍁𑌃 । 𑌚𑌕𑍍𑌷𑍁॑𑌷𑍋॒-𑌽𑌹𑌮𑌿𑌤𑍍𑌯𑌾॑𑌦𑌿॒𑌤𑍍𑌯𑌃 । 𑌯 𑌏॒𑌵 𑌪𑍍𑌰𑌾॒𑌣𑌾𑌨𑌾॒𑌮𑌹𑍌॑𑌷𑍀𑌤𑍍 । 𑌤𑌸𑍍𑌯॑ 𑌹𑍁॒𑌤𑌾𑌦॑𑌜॒𑌨𑍀𑌤𑌿॑ । 𑌅॒𑌗𑍍𑌨𑍇𑌰𑍍-𑌹𑍁॒𑌤𑌾𑌦॑𑌜॒𑌨𑍀𑌤𑌿॑ । 𑌤𑌦॑𑌗𑍍𑌨𑌿𑌹𑍋॒𑌤𑍍𑌰𑌸𑍍𑌯𑌾᳚-𑌗𑍍𑌨𑌿𑌹𑍋𑌤𑍍𑌰॒𑌤𑍍𑌵𑌮𑍍 । 𑌗𑍌𑌰𑍍𑌵𑌾 𑌅॑𑌗𑍍𑌨𑌿𑌹𑍋॒𑌤𑍍𑌰𑌮𑍍 । 𑌯 𑌏॒𑌵𑌂-𑌵𑍇𑌁𑌦॒ 𑌗𑍌𑌰॑𑌗𑍍𑌨𑌿𑌹𑍋॒𑌤𑍍𑌰𑌮𑌿𑌤𑌿॑ । 𑌪𑍍𑌰𑌾॒𑌣𑌾॒𑌪𑌾॒𑌨𑌾𑌭𑍍𑌯𑌾॑-𑌮𑍇॒𑌵𑌾𑌗𑍍𑌨𑌿𑌗𑍍​𑌮𑍍 𑌸𑌮॑𑌰𑍍𑌧𑌯𑌤𑌿 । 𑌅𑌵𑍍𑌯॑𑌰𑍍𑌧𑍁𑌕𑌃 𑌪𑍍𑌰𑌾𑌣𑌾𑌪𑌾॒𑌨𑌾𑌭𑍍𑌯𑌾᳚-𑌮𑍍𑌭𑌵𑌤𑌿 ॥ 4𑍭 ॥

𑌯 𑌏॒𑌵𑌂-𑌵𑍇𑌁𑌦॑ ॥ 𑌤𑍌 𑌵𑌾॒𑌯𑍁𑌰॑𑌬𑍍𑌰𑌵𑍀𑌤𑍍 । 𑌅𑌨𑍁॒ 𑌮𑌾 𑌭॑𑌜𑌤॒𑌮𑌿𑌤𑌿॑ । 𑌯𑌦𑍇॒𑌵 𑌗𑌾𑌰𑍍​𑌹॑𑌪𑌤𑍍𑌯𑍇-𑌽𑌧𑌿॒𑌶𑍍𑌰𑌿𑌤𑍍𑌯𑌾॑-𑌹𑌵॒𑌨𑍀𑌯॑-𑌮॒𑌭𑍍𑌯𑍁॑𑌦𑍍𑌦𑍍𑌰𑌵𑌾𑌨𑍍॑ । 𑌤𑍇𑌨॒ 𑌤𑍍𑌵𑌾-𑌮𑍍𑌪𑍍𑌰𑍀॑𑌣𑌾॒𑌨𑌿𑌤𑍍𑌯॑-𑌬𑍍𑌰𑍂𑌤𑌾𑌮𑍍 । 𑌤𑌸𑍍𑌮𑌾॒-𑌦𑍍𑌯-𑌦𑍍𑌗𑌾𑌰𑍍​𑌹॑𑌪𑌤𑍍𑌯𑍇-𑌽𑌧𑌿॒-𑌶𑍍𑌰𑌿𑌤𑍍𑌯𑌾॑𑌹𑌵॒𑌨𑍀𑌯॑-𑌮॒𑌭𑍍𑌯𑍁॑𑌦𑍍𑌦𑍍𑌰𑌵॑𑌤𑌿 । 𑌵𑌾॒𑌯𑍁𑌮𑍇॒𑌵 𑌤𑍇𑌨॑ 𑌪𑍍𑌰𑍀𑌣𑌾𑌤𑌿 ॥ 𑌪𑍍𑌰॒𑌜𑌾𑌪॑𑌤𑌿-𑌰𑍍𑌦𑍇॒𑌵𑌤𑌾᳚-𑌸𑍍𑌸𑍃॒𑌜𑌮𑌾॑𑌨𑌃 । 𑌅॒𑌗𑍍𑌨𑌿𑌮𑍇॒𑌵 𑌦𑍇॒𑌵𑌤𑌾॑𑌨𑌾-𑌮𑍍𑌪𑍍𑌰𑌥॒𑌮-𑌮॑𑌸𑍃𑌜𑌤 । 𑌸𑍋᳚-𑌽𑌨𑍍𑌯𑌦𑌾॑𑌲॒𑌮𑍍-𑌭𑍍𑌯॑𑌮𑌵𑌿॑𑌤𑍍𑌤𑍍𑌵𑌾 ॥ 4𑍮 ॥

𑌪𑍍𑌰॒𑌜𑌾𑌪॑𑌤𑌿𑌮॒𑌭𑌿 𑌪॒𑌰𑍍𑌯𑌾𑌵॑𑌰𑍍𑌤𑌤 । 𑌸 𑌮𑍃॒𑌤𑍍𑌯𑍋-𑌰॑𑌬𑌿𑌭𑍇𑌤𑍍 । 𑌸𑍋॑-𑌽𑌮𑍁𑌮𑌾॑𑌦𑌿॒𑌤𑍍𑌯-𑌮𑌾॒𑌤𑍍𑌮𑌨𑍋॒ 𑌨𑌿𑌰॑𑌮𑌿𑌮𑍀𑌤 । 𑌤𑌗𑍍​𑌮𑍍𑌹𑍁॒𑌤𑍍𑌵𑌾 𑌪𑌰𑌾᳚𑌮𑍍𑌪॒𑌰𑍍𑌯𑌾𑌵॑𑌰𑍍𑌤𑌤 । 𑌤𑌤𑍋॒ 𑌵𑍈 𑌸 𑌮𑍃॒𑌤𑍍𑌯𑍁𑌮𑌪𑌾॑𑌜𑌯𑌤𑍍 । 𑌅𑌪॑ 𑌮𑍃॒𑌤𑍍𑌯𑍁-𑌞𑍍𑌜॑𑌯𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 𑌤𑌸𑍍𑌮𑌾॒-𑌦𑍍𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑌃॑ । 𑌉॒𑌤𑍈𑌕𑌾॒𑌹𑌮𑍁॒𑌤 𑌦𑍍𑌵𑍍𑌯॒𑌹-𑌨𑍍𑌨 𑌜𑍁𑌹𑍍𑌵॑𑌤𑌿 । 𑌹𑍁॒𑌤𑌮𑍇॒𑌵𑌾𑌸𑍍𑌯॑ 𑌭𑌵𑌤𑌿 । 𑌅॒𑌸𑍌 𑌹𑍍𑌯𑌾॑𑌦𑌿॒𑌤𑍍𑌯𑍋᳚-𑌽𑌗𑍍𑌨𑌿𑌹𑍋॒𑌤𑍍𑌰𑌮𑍍 ॥ 4𑍯 ॥
(𑌤॒𑌨𑍁𑌵𑍈॑ 𑌵𑌾॒𑌯𑍁 - 𑌰॒𑌗𑍍𑌨𑌿--𑌰𑍍 𑌭॑𑌵॒ - 𑌤𑍍𑌯𑌵𑌿॑𑌤𑍍𑌤𑍍𑌵𑌾 - 𑌭𑌵॒𑌤𑍍𑌯𑍇𑌕॑-𑌞𑍍𑌚) (𑌅. 6)

𑌅𑌨𑍁𑌵𑌾𑌕𑌂 𑍭 - 𑌹𑌵𑌿𑌷-𑌸𑍍𑌸𑌰𑍍𑌵𑌦𑍇𑌵𑌤𑌾𑌸𑌮𑍍𑌬𑌨𑍍𑌧𑍇𑌨 𑌪𑍍𑌰𑌶𑌂𑌸𑌾
𑌰𑍌॒𑌦𑍍𑌰-𑌙𑍍𑌗𑌵𑌿॑ । 𑌵𑌾॒𑌯॒𑌵𑍍𑌯॑-𑌮𑍁𑌪॑𑌸𑍃𑌷𑍍𑌟𑌮𑍍 । 𑌆॒𑌶𑍍𑌵𑌿॒𑌨-𑌨𑍍𑌦𑍁॒𑌹𑍍𑌯𑌮𑌾॑𑌨𑌮𑍍 । 𑌸𑍌॒𑌮𑍍𑌯-𑌨𑍍𑌦𑍁॒𑌗𑍍𑌧𑌮𑍍 । 𑌵𑌾॒𑌰𑍁॒𑌣𑌮𑌧𑌿॑𑌶𑍍𑌰𑌿𑌤𑌮𑍍 । 𑌵𑍈॒𑌶𑍍𑌵॒𑌦𑍇॒𑌵𑌾 𑌭𑌿॒𑌨𑍍𑌦𑌵𑌃॑ । 𑌪𑍌॒𑌷𑍍𑌣𑌮𑍁𑌦॑𑌨𑍍𑌤𑌮𑍍 । 𑌸𑌾॒𑌰॒𑌸𑍍𑌵॒𑌤𑌂-𑌵𑌿𑌁॒𑌷𑍍𑌯𑌨𑍍𑌦॑𑌮𑌾𑌨𑌮𑍍 । 𑌮𑍈॒𑌤𑍍𑌰𑌗𑍍​𑌮𑍍 𑌶𑌰𑌃॑ । 𑌧𑌾॒𑌤𑍁𑌰𑍁𑌦𑍍𑌵𑌾॑𑌸𑌿𑌤𑌮𑍍 । 𑌬𑍃𑌹॒𑌸𑍍𑌪𑌤𑍇॒𑌰𑍁𑌨𑍍𑌨𑍀॑𑌤𑌮𑍍 । 𑌸॒𑌵𑌿॒𑌤𑍁𑌃 𑌪𑍍𑌰𑌕𑍍𑌰𑌾᳚𑌨𑍍𑌤𑌮𑍍 । 𑌦𑍍𑌯𑌾॒𑌵𑌾॒𑌪𑍃॒𑌥𑌿॒𑌵𑍍𑌯𑌗𑍍𑌗𑍍॑ 𑌹𑍍𑌰𑌿॒𑌯𑌮𑌾॑𑌣𑌮𑍍 । 𑌐॒𑌨𑍍𑌦𑍍𑌰𑌾॒𑌗𑍍𑌨-𑌮𑍁𑌪॑𑌸𑌨𑍍𑌨𑌮𑍍 । 𑌅॒𑌗𑍍𑌨𑍇𑌃 𑌪𑍂𑌰𑍍𑌵𑌾 𑌽𑌽𑌹𑍁॑𑌤𑌿𑌃 । 𑌪𑍍𑌰॒𑌜𑌾𑌪॑𑌤𑍇॒-𑌰𑍁𑌤𑍍𑌤॑𑌰𑌾 । 𑌐॒𑌨𑍍𑌦𑍍𑌰𑌗𑍍​𑌮𑍍 𑌹𑍁॒𑌤𑌮𑍍 ॥ 50 ॥
(𑌉𑌦𑍍𑌵𑌾॑𑌸𑌿𑌤𑌗𑍍​𑌮𑍍 𑌸॒𑌪𑍍𑌤 𑌚॑) (𑌅. 𑍭)

𑌅𑌨𑍁𑌵𑌾𑌕𑌂 𑍮 - 𑌦𑍋𑌹𑌨𑌪𑍍𑌰𑌕𑌾𑌰𑍋-𑌽𑌗𑍍𑌨𑌿𑌹𑍋𑌤𑍍𑌰𑌹𑍋𑌤𑍍𑌰𑌶𑍍𑌚
𑌦॒𑌕𑍍𑌷𑌿॒𑌣॒𑌤 𑌉𑌪॑ 𑌸𑍃𑌜𑌤𑌿 । 𑌪𑌿॒𑌤𑍃॒𑌲𑍋॒𑌕𑌮𑍇॒𑌵 𑌤𑍇𑌨॑ 𑌜𑌯𑌤𑌿 ॥ 𑌪𑍍𑌰𑌾𑌚𑍀॒𑌮𑌾𑌵॑𑌰𑍍𑌤𑌯𑌤𑌿 । 𑌦𑍇॒𑌵॒𑌲𑍋॒𑌕𑌮𑍇॒𑌵 𑌤𑍇𑌨॑ 𑌜𑌯𑌤𑌿 । 𑌉𑌦𑍀॑𑌚𑍀𑌮𑌾॒𑌵𑍃𑌤𑍍𑌯॑ 𑌦𑍋𑌗𑍍𑌧𑌿 । 𑌮॒𑌨𑍁॒𑌷𑍍𑌯॒𑌲𑍋॒𑌕𑌮𑍇॒𑌵 𑌤𑍇𑌨॑ 𑌜𑌯𑌤𑌿 ॥ 𑌪𑍂𑌰𑍍𑌵𑍌॑ 𑌦𑍁𑌹𑍍𑌯𑌾𑌜𑍍𑌜𑍍𑌯𑍇॒𑌷𑍍𑌠𑌸𑍍𑌯॑ 𑌜𑍍𑌯𑍈𑌷𑍍𑌠𑌿𑌨𑍇॒𑌯𑌸𑍍𑌯॑ । 𑌯𑍋 𑌵𑌾॑ 𑌗॒𑌤𑌶𑍍𑌰𑍀॒-𑌸𑍍𑌸𑍍𑌯𑌾𑌤𑍍 । 𑌅𑌪॑𑌰𑍌 𑌦𑍁𑌹𑍍𑌯𑌾𑌤𑍍-𑌕𑌨𑌿॒𑌷𑍍𑌠𑌸𑍍𑌯॑ 𑌕𑌾𑌨𑌿𑌷𑍍𑌠𑌿𑌨𑍇॒𑌯𑌸𑍍𑌯॑ । 𑌯𑍋 𑌵𑌾॒ 𑌬𑍁𑌭𑍂॑𑌷𑍇𑌤𑍍 ॥ 51 ॥

𑌨 𑌸-𑌮𑍍𑌮𑍃॑𑌶𑌤𑌿 । 𑌪𑌾॒𑌪॒𑌵॒𑌸𑍍𑌯॒𑌸𑌸𑍍𑌯॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈 ॥ 𑌵𑌾॒𑌯॒𑌵𑍍𑌯𑌂॑-𑌵𑌾𑌁 𑌏॒𑌤𑌦𑍁𑌪॑𑌸𑍃𑌷𑍍𑌟𑌮𑍍 । 𑌆॒𑌶𑍍𑌵𑌿॒𑌨-𑌨𑍍𑌦𑍁॒𑌹𑍍𑌯𑌮𑌾॑𑌨𑌮𑍍 । 𑌮𑍈॒𑌤𑍍𑌰-𑌨𑍍𑌦𑍁॒𑌗𑍍𑌧𑌮𑍍 । 𑌅॒𑌰𑍍𑌯॒𑌮𑍍𑌣 𑌉॑𑌦𑍍𑌵𑌾॒𑌸𑍍𑌯𑌮𑌾॑𑌨𑌮𑍍 । 𑌤𑍍𑌵𑌾॒𑌷𑍍𑌟𑍍𑌰-𑌮𑍁॑𑌨𑍍𑌨𑍀॒𑌯𑌮𑌾॑𑌨𑌮𑍍 । 𑌬𑍃𑌹॒𑌸𑍍𑌪𑌤𑍇॒-𑌰𑍁𑌨𑍍𑌨𑍀॑𑌤𑌮𑍍 । 𑌸॒𑌵𑌿॒𑌤𑍁𑌃 𑌪𑍍𑌰𑌕𑍍𑌰𑌾᳚𑌨𑍍𑌤𑌮𑍍 । 𑌦𑍍𑌯𑌾॒𑌵𑌾॒𑌪𑍃॒𑌥𑌿॒𑌵𑍍𑌯𑌗𑍍𑌗𑍍॑ 𑌹𑍍𑌰𑌿॒𑌯𑌮𑌾॑𑌣𑌮𑍍 ॥ 52 ॥

𑌐॒𑌨𑍍𑌦𑍍𑌰𑌾॒𑌗𑍍𑌨𑌮𑍁𑌪॑ 𑌸𑌾𑌦𑌿𑌤𑌮𑍍 । 𑌸𑌰𑍍𑌵𑌾᳚𑌭𑍍𑌯𑍋॒ 𑌵𑌾 𑌏॒𑌷 𑌦𑍇॒𑌵𑌤𑌾᳚𑌭𑍍𑌯𑍋 𑌜𑍁𑌹𑍋𑌤𑌿 । 𑌯𑍋᳚-𑌽𑌗𑍍𑌨𑌿𑌹𑍋॒𑌤𑍍𑌰-𑌞𑍍𑌜𑍁॒𑌹𑍋𑌤𑌿॑ ॥ 𑌯𑌥𑌾॒ 𑌖𑌲𑍁॒ 𑌵𑍈 𑌧𑍇॒𑌨𑍁-𑌨𑍍𑌤𑍀॒𑌰𑍍𑌥𑍇 𑌤॒𑌰𑍍𑌪𑌯॑𑌤𑌿 । 𑌏॒𑌵𑌮॑𑌗𑍍𑌨𑌿𑌹𑍋॒𑌤𑍍𑌰𑍀 𑌯𑌜॑𑌮𑌾𑌨-𑌨𑍍𑌤𑌰𑍍𑌪𑌯𑌤𑌿 । 𑌤𑍃𑌪𑍍𑌯॑𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿𑌃॑ । 𑌪𑍍𑌰𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌞𑍍𑌜𑌾॑𑌨𑌾𑌤𑌿 । 𑌪𑌶𑍍𑌯॑𑌤𑌿 𑌪𑍁॒𑌤𑍍𑌰𑌮𑍍 । 𑌪𑌶𑍍𑌯॑𑌤𑌿॒ 𑌪𑍌𑌤𑍍𑌰᳚𑌮𑍍 । 𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌮𑌿𑌥𑍁॒𑌨𑍈-𑌰𑍍𑌜𑌾॑𑌯𑌤𑍇 । 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑍋᳚-𑌽𑌗𑍍𑌨𑌿𑌹𑍋॒𑌤𑍍𑌰-𑌞𑍍𑌜𑍁𑌹𑍍𑌵॑𑌤𑌿 । 𑌯 𑌉॑ 𑌚𑍈𑌨 𑌦𑍇॒𑌵𑌂-𑌵𑍇𑌁𑌦॑ ॥ 53 ॥
(𑌬𑌭𑍂॑𑌷𑍇- 𑌦𑍍𑌧𑍍𑌰𑌿॒𑌯𑌮𑌾॑𑌣𑌂 - 𑌜𑌾𑌯𑌤𑍇॒ 𑌦𑍍𑌵𑍇 𑌚॑) (𑌅. 𑍮)

𑌅𑌨𑍁𑌵𑌾𑌕𑌂 𑍯 - 𑌅𑌗𑍍𑌨𑌿𑌹𑍋𑌤𑍍𑌰𑌸𑍍𑌯𑌾𑌸𑌂𑌸𑍃𑌷𑍍𑌟𑌹𑍋𑌮𑌮𑌨𑍍𑌤𑍍𑌰𑍌
𑌤𑍍𑌰𑌯𑍋॒ 𑌵𑍈 𑌪𑍍𑌰𑍈॑𑌯𑌮𑍇॒𑌧𑌾 𑌆॑𑌸𑌨𑍍𑌨𑍍 । 𑌤𑍇𑌷𑌾॒-𑌨𑍍𑌤𑍍𑌰𑌿𑌰𑍇𑌕𑍋᳚-𑌽𑌗𑍍𑌨𑌿𑌹𑍋॒𑌤𑍍𑌰-𑌮॑𑌜𑍁𑌹𑍋𑌤𑍍 । 𑌦𑍍𑌵𑌿𑌰𑍇𑌕𑌃॑ । 𑌸॒𑌕𑍃𑌦𑍇𑌕𑌃॑ । 𑌤𑍇𑌷𑌾𑌂॒-𑌯𑌁𑌸𑍍𑌤𑍍𑌰𑌿𑌰𑌜𑍁॑𑌹𑍋𑌤𑍍 । 𑌸 𑌋॒𑌚𑌾-𑌽𑌜𑍁॑𑌹𑍋𑌤𑍍 । 𑌯𑍋 𑌦𑍍𑌵𑌿𑌃 । 𑌸 𑌯𑌜𑍁॑𑌷𑌾 । 𑌯-𑌸𑍍𑌸॒𑌕𑍃𑌤𑍍 । 𑌸 𑌤𑍂॒𑌷𑍍𑌣𑍀𑌮𑍍 ॥ 54 ॥

𑌯𑌶𑍍𑌚॒ 𑌯𑌜𑍁॒𑌷𑌾 𑌽𑌜𑍁॑𑌹𑍋॒𑌦𑍍𑌯𑌶𑍍𑌚॑ 𑌤𑍂॒𑌷𑍍𑌣𑍀𑌮𑍍 । 𑌤𑌾𑌵𑍁॒𑌭𑌾𑌵𑌾᳚𑌰𑍍𑌧𑍍𑌨𑍁𑌤𑌾𑌮𑍍 । 𑌤𑌸𑍍𑌮𑌾॒-𑌦𑍍𑌯𑌜𑍁॒𑌷𑌾 𑌽𑌽𑌹𑍁॑𑌤𑌿𑌃॒ 𑌪𑍂𑌰𑍍𑌵𑌾॑ 𑌹𑍋𑌤॒𑌵𑍍𑌯𑌾᳚ । 𑌤𑍂॒𑌷𑍍𑌣𑍀𑌮𑍁𑌤𑍍𑌤॑𑌰𑌾 । 𑌉॒𑌭𑍇 𑌏॒𑌵𑌰𑍍𑌧𑍀 𑌅𑌵॑𑌰𑍁𑌨𑍍𑌧𑍇 । 𑌅॒𑌗𑍍𑌨𑌿-𑌰𑍍𑌜𑍍𑌯𑍋𑌤𑌿॒-𑌰𑍍𑌜𑍍𑌯𑍋𑌤𑌿॑𑌰॒𑌗𑍍𑌨𑌿-𑌸𑍍𑌸𑍍𑌵𑌾𑌹𑍇𑌤𑌿॑ 𑌸𑌾॒𑌯-𑌞𑍍𑌜𑍁॑𑌹𑍋𑌤𑌿 । 𑌰𑍇𑌤॑ 𑌏॒𑌵 𑌤-𑌦𑍍𑌦॑𑌧𑌾𑌤𑌿 । 𑌸𑍂𑌰𑍍𑌯𑍋॒ 𑌜𑍍𑌯𑍋𑌤𑌿॒-𑌰𑍍𑌜𑍍𑌯𑍋𑌤𑌿॒-𑌸𑍍𑌸𑍂𑌰𑍍𑌯॒-𑌸𑍍𑌸𑍍𑌵𑌾𑌹𑍇𑌤𑌿॑ 𑌪𑍍𑌰𑌾॒𑌤𑌃 । 𑌰𑍇𑌤॑ 𑌏॒𑌵 𑌹𑌿॒𑌤-𑌮𑍍𑌪𑍍𑌰 𑌜॑𑌨𑌯𑌤𑌿 ॥ 𑌰𑍇𑌤𑍋॒ 𑌵𑌾 𑌏॒𑌤𑌸𑍍𑌯॑ 𑌹𑌿॒𑌤-𑌨𑍍𑌨 𑌪𑍍𑌰 𑌜𑌾॑𑌯𑌤𑍇 ॥ 55 ॥

𑌯𑌸𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰𑌮𑌹𑍁॑𑌤॒𑌗𑍍​𑌮𑍍॒ 𑌸𑍂𑌰𑍍𑌯𑍋॒-𑌽𑌭𑍍𑌯𑍁॑𑌦𑍇𑌤𑌿॑ । 𑌯-𑌦𑍍𑌯𑌨𑍍𑌤𑍇॒ 𑌸𑍍𑌯𑌾𑌤𑍍 । 𑌉॒𑌨𑍍𑌨𑍀𑌯॒ 𑌪𑍍𑌰𑌾𑌂𑌉॒𑌦𑌾𑌦𑍍𑌰॑𑌵𑍇𑌤𑍍 । 𑌸 𑌉॑𑌪॒𑌸𑌾𑌦𑍍𑌯𑌾𑌤𑌮𑌿॑𑌤𑍋-𑌰𑌾𑌸𑍀𑌤 । 𑌸 𑌯॒𑌦𑌾 𑌤𑌾𑌮𑍍𑌯𑍇᳚𑌤𑍍 । 𑌅𑌥॒ 𑌭𑍂-𑌸𑍍𑌸𑍍𑌵𑌾𑌹𑍇𑌤𑌿॑ 𑌜𑍁𑌹𑍁𑌯𑌾𑌤𑍍 । 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑍈 𑌭𑍂॒𑌤𑌃 । 𑌤𑌮𑍇॒𑌵𑍋-𑌪𑌾॑𑌸𑌰𑌤𑍍 । 𑌸 𑌏॒𑌵𑍈𑌨॒-𑌨𑍍𑌤𑌤॒ 𑌉𑌨𑍍𑌨॑𑌯𑌤𑌿 । 𑌨𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯𑌜॑𑌮𑌾𑌨𑌃 ॥ 56 ॥
(𑌤𑍂॒𑌷𑍍𑌣𑍀𑌂 - 𑌜𑌾॑𑌯𑌤𑍇॒ - 𑌯𑌜॑𑌮𑌾𑌨𑌃) (𑌅. 𑍯)

𑌅𑌨𑍁𑌵𑌾𑌕𑌂 10 - 𑌵𑌹𑍍𑌨𑍇𑌰𑌵𑌸𑍍𑌥𑌾𑌵𑌿𑌶𑍇𑌷𑌾𑌨𑍁𑌸𑌾𑌰𑍇𑌣 𑌹𑍋𑌮𑌃
𑌯𑌦॒𑌗𑍍𑌨𑌿-𑌮𑍁॒𑌦𑍍𑌧𑌰॑𑌤𑌿 । 𑌵𑌸॑𑌵॒𑌸𑍍𑌤𑌰𑍍​𑌹𑍍𑌯॒𑌗𑍍𑌨𑌿𑌃 । 𑌤𑌸𑍍𑌮𑌿॒𑌨𑍍॒. 𑌯𑌸𑍍𑌯॒ 𑌤𑌥𑌾॑𑌵𑌿𑌧𑍇॒ 𑌜𑍁𑌹𑍍𑌵॑𑌤𑌿 । 𑌵𑌸𑍁॑𑌷𑍍𑌵𑍇॒𑌵𑌾𑌸𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 ॥ 𑌨𑌿𑌹𑌿॑𑌤𑍋 𑌧𑍂𑌪𑌾॒𑌯𑌞𑍍𑌛𑍇॑𑌤𑍇 । 𑌰𑍁॒𑌦𑍍𑌰𑌾𑌸𑍍𑌤𑌹𑍍𑌯॒𑌰𑍍𑌗𑍍𑌨𑌿𑌃 । 𑌤𑌸𑍍𑌮𑌿॒𑌨𑍍.॒ 𑌯𑌸𑍍𑌯॒ 𑌤𑌥𑌾॑𑌵𑌿𑌧𑍇॒ 𑌜𑍁𑌹𑍍𑌵॑𑌤𑌿 । 𑌰𑍁॒𑌦𑍍𑌰𑍇𑌷𑍍𑌵𑍇॒𑌵𑌾𑌸𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 ॥ 𑌪𑍍𑌰॒𑌥॒𑌮𑌮𑌿॒𑌦𑍍𑌧𑍍𑌮𑌮॒𑌰𑍍𑌚𑌿𑌰𑌾 𑌲॑𑌭𑌤𑍇 । 𑌆॒𑌦𑌿॒𑌤𑍍𑌯𑌾𑌸𑍍𑌤𑌰𑍍​𑌹𑍍𑌯॒𑌗𑍍𑌨𑌿𑌃 ॥ 5𑍭 ॥

𑌤𑌸𑍍𑌮𑌿॒𑌨𑍍॒. 𑌯𑌸𑍍𑌯॒ 𑌤𑌥𑌾॑𑌵𑌿𑌧𑍇॒ 𑌜𑍁𑌹𑍍𑌵॑𑌤𑌿 । 𑌆॒𑌦𑌿॒𑌤𑍍𑌯𑍇𑌷𑍍𑌵𑍇॒𑌵𑌾𑌸𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 ॥ 𑌸𑌰𑍍𑌵॑ 𑌏॒𑌵 𑌸॑𑌰𑍍𑌵॒𑌶 𑌇॒𑌦𑍍𑌧𑍍𑌮 𑌆𑌦𑍀᳚𑌪𑍍𑌤𑍋 𑌭𑌵𑌤𑌿 । 𑌵𑌿𑌶𑍍𑌵𑍇॑ 𑌦𑍇॒𑌵𑌾𑌸𑍍𑌤𑌹𑍍𑌯॒𑌰𑍍𑌗𑍍𑌨𑌿𑌃 । 𑌤𑌸𑍍𑌮𑌿॒𑌨𑍍॒. 𑌯𑌸𑍍𑌯॒ 𑌤𑌥𑌾॑𑌵𑌿𑌧𑍇॒ 𑌜𑍁𑌹𑍍𑌵॑𑌤𑌿 । 𑌵𑌿𑌶𑍍𑌵𑍇᳚𑌷𑍍𑌵𑍇॒𑌵𑌾𑌸𑍍𑌯॑ 𑌦𑍇॒𑌵𑍇𑌷𑍍𑌵॑𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 ॥ 𑌨𑌿॒𑌤॒𑌰𑌾𑌮॒𑌰𑍍𑌚𑌿𑌰𑍁॒𑌪𑌾𑌵𑍈॑𑌤𑌿 𑌲𑍋𑌹𑌿॒𑌨𑍀𑌕𑍇॑𑌵 𑌭𑌵𑌤𑌿 । 𑌇𑌨𑍍𑌦𑍍𑌰॒𑌸𑍍𑌤𑌰𑍍​𑌹𑍍𑌯॒𑌗𑍍𑌨𑌿𑌃 । 𑌤𑌸𑍍𑌮𑌿॒𑌨𑍍॒. 𑌯𑌸𑍍𑌯॒ 𑌤𑌥𑌾॑𑌵𑌿𑌧𑍇॒ 𑌜𑍁𑌹𑍍𑌵॑𑌤𑌿 । 𑌇𑌨𑍍𑌦𑍍𑌰॑ 𑌏॒𑌵𑌾𑌸𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 ॥ 5𑍮 ॥

𑌅𑌙𑍍𑌗𑌾॑𑌰𑌾 𑌭𑌵𑌨𑍍𑌤𑌿 । 𑌤𑍇𑌭𑍍𑌯𑍋-𑌽𑌙𑍍𑌗𑌾॑𑌰𑍇𑌭𑍍𑌯𑍋॒-𑌽𑌰𑍍𑌚𑌿𑌰𑍁𑌦𑍇॑𑌤𑌿 । 𑌪𑍍𑌰॒𑌜𑌾𑌪॑𑌤𑌿॒𑌸𑍍𑌤𑌰𑍍​𑌹𑍍𑌯॒𑌗𑍍𑌨𑌿𑌃 । 𑌤𑌸𑍍𑌮𑌿॒𑌨𑍍॒. 𑌯𑌸𑍍𑌯॒ 𑌤𑌥𑌾॑𑌵𑌿𑌧𑍇॒ 𑌜𑍁𑌹𑍍𑌵॑𑌤𑌿 । 𑌪𑍍𑌰॒𑌜𑌾𑌪॑𑌤𑌾𑌵𑍇॒𑌵𑌾𑌸𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 ॥ 𑌶𑌰𑍋-𑌽𑌙𑍍𑌗𑌾॑𑌰𑌾॒ 𑌅𑌦𑍍𑌧𑍍𑌯𑍂॑𑌹𑌨𑍍𑌤𑍇 । 𑌬𑍍𑌰𑌹𑍍𑌮॒-𑌤𑌰𑍍​𑌹𑍍𑌯॒𑌗𑍍𑌨𑌿𑌃 । 𑌤𑌸𑍍𑌮𑌿॒𑌨𑍍.॒ 𑌯𑌸𑍍𑌯॒ 𑌤𑌥𑌾॑𑌵𑌿𑌧𑍇॒ 𑌜𑍁𑌹𑍍𑌵॑𑌤𑌿 । 𑌬𑍍𑌰𑌹𑍍𑌮॑𑌨𑍍𑌨𑍇॒𑌵𑌾𑌸𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 ॥ 𑌵𑌸𑍁॑𑌷𑍁 𑌰𑍁॒𑌦𑍍𑌰𑍇𑌷𑍍𑌵𑌾॑𑌦𑌿॒𑌤𑍍𑌯𑍇𑌷𑍁॒ 𑌵𑌿𑌶𑍍𑌵𑍇॑𑌷𑍁 𑌦𑍇॒𑌵𑍇𑌷𑍁॑ । 𑌇𑌨𑍍𑌦𑍍𑌰𑍇᳚ 𑌪𑍍𑌰॒𑌜𑌾𑌪॑𑌤𑍌॒ 𑌬𑍍𑌰𑌹𑍍𑌮𑌨𑍍𑌨𑍍॑ । 𑌅𑌪॑𑌰𑌿𑌵𑌰𑍍𑌗𑌮𑍇॒𑌵𑌾𑌸𑍍𑌯𑍈॒𑌤𑌾𑌸𑍁॑ 𑌦𑍇॒𑌵𑌤𑌾॑𑌸𑍁 𑌹𑍁॒𑌤-𑌮𑍍𑌭॑𑌵𑌤𑌿 । 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑍋᳚-𑌽𑌗𑍍𑌨𑌿𑌹𑍋॒𑌤𑍍𑌰-𑌞𑍍𑌜𑍁𑌹𑍍𑌵॑𑌤𑌿 । 𑌯 𑌉॑ 𑌚𑍈𑌨 𑌦𑍇॒𑌵𑌂-𑌵𑍇𑌁𑌦॑ ॥ 5𑍯 ॥
(𑌆॒𑌦𑌿॒𑌤𑍍𑌯𑌾𑌸𑍍𑌤𑌰𑍍​𑌹𑍍𑌯॒𑌗𑍍𑌨𑌿--𑌰𑍍 𑌇𑌨𑍍𑌦𑍍𑌰॑ 𑌏॒𑌵𑌾𑌸𑍍𑌯𑌾᳚𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌹𑍁॒𑌤-𑌮𑍍𑌭॑𑌵𑌤𑌿 - 𑌦𑍇॒𑌵𑍇𑌷𑍁॑ 𑌚॒𑌤𑍍𑌵𑌾𑌰𑌿॑ 𑌚) (𑌅. 10)

(𑌯𑌦॒𑌗𑍍𑌨𑌿-𑌨𑍍𑌨𑌿𑌹𑌿॑𑌤𑌃 𑌪𑍍𑌰𑌥॒𑌮𑌗𑍍​𑌮𑍍 𑌸𑌰𑍍𑌵॑ 𑌏॒𑌵 𑌨𑌿॑𑌤॒𑌰𑌾𑌮𑌙𑍍𑌗𑌾॑𑌰𑌾॒-𑌶𑍍𑌶𑌰𑍋-𑌽𑌙𑍍𑌗𑌾॑𑌰𑌾॒
𑌬𑍍𑌰𑌹𑍍𑌮॒𑌵𑌸𑍁॑𑌷𑍍𑌵॒𑌷𑍍𑌟𑍌)

𑌅𑌨𑍁𑌵𑌾𑌕𑌂 11 - 𑌕𑌾𑌲𑌭𑍇𑌦𑍇𑌨 𑌸𑌮𑌨𑍍𑌤𑍍𑌰𑌕-𑌮𑍍𑌪𑌰𑌿𑌷𑍇𑌚𑌨𑌮𑍍
𑌋॒𑌤-𑌨𑍍𑌤𑍍𑌵𑌾॑ 𑌸॒𑌤𑍍𑌯𑍇𑌨॒ 𑌪𑌰𑌿॑𑌷𑌿𑌞𑍍𑌚𑌾॒𑌮𑍀𑌤𑌿॑ 𑌸𑌾॒𑌯-𑌮𑍍𑌪𑌰𑌿॑𑌷𑌿𑌞𑍍𑌚𑌤𑌿 । 𑌸॒𑌤𑍍𑌯-𑌨𑍍𑌤𑍍𑌵॒𑌰𑍍𑌤𑍇𑌨॒ 𑌪𑌰𑌿॑𑌷𑌿𑌞𑍍𑌚𑌾॒𑌮𑍀𑌤𑌿॑ 𑌪𑍍𑌰𑌾॒𑌤𑌃 । 𑌅॒𑌗𑍍𑌨𑌿𑌰𑍍𑌵𑌾 𑌋॒𑌤𑌮𑍍 । 𑌅॒𑌸𑌾𑌵𑌾॑𑌦𑌿॒𑌤𑍍𑌯-𑌸𑍍𑌸॒𑌤𑍍𑌯𑌮𑍍 । 𑌅॒𑌗𑍍𑌨𑌿𑌮𑍇॒𑌵 𑌤𑌦𑌾॑𑌦𑌿॒𑌤𑍍𑌯𑍇𑌨॑ 𑌸𑌾॒𑌯-𑌮𑍍𑌪𑌰𑌿॑𑌷𑌿𑌞𑍍𑌚𑌤𑌿 । 𑌅॒𑌗𑍍𑌨𑌿𑌨𑌾॑ 𑌽𑌽𑌦𑌿॒𑌤𑍍𑌯-𑌮𑍍𑌪𑍍𑌰𑌾॒𑌤𑌸𑍍𑌸𑌃 । 𑌯𑌾𑌵॑𑌦𑌹𑍋𑌰𑌾॒𑌤𑍍𑌰𑍇 𑌭𑌵॑𑌤𑌃 । 𑌤𑌾𑌵॑𑌦𑌸𑍍𑌯 𑌲𑍋॒𑌕𑌸𑍍𑌯॑ । 𑌨𑌾𑌰𑍍𑌤𑌿॒𑌰𑍍𑌨 𑌰𑌿𑌷𑍍𑌟𑌿𑌃॑ । 𑌨𑌾𑌨𑍍𑌤𑍋॒ 𑌨 𑌪॑𑌰𑍍𑌯॒𑌨𑍍𑌤𑍋᳚-𑌽𑌸𑍍𑌤𑌿 । 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑍋᳚-𑌽𑌗𑍍𑌨𑌿𑌹𑍋॒𑌤𑍍𑌰-𑌞𑍍𑌜𑍁𑌹𑍍𑌵॑𑌤𑌿 । 𑌯 𑌉॑ 𑌚𑍈𑌨 𑌦𑍇॒𑌵𑌂-𑌵𑍇𑌁𑌦॑ ॥ 60 ॥
(𑌅॒𑌸𑍍𑌤𑌿॒ 𑌦𑍍𑌵𑍇 𑌚॑) (𑌅. 11)

(𑌅𑌙𑍍𑌗𑌿॑𑌰𑌸𑌃 - 𑌪𑍍𑌰॒𑌜𑌾𑌪॑𑌤𑌿𑌰॒𑌗𑍍𑌨𑌿𑌗𑍍​𑌮𑍍 - 𑌰𑍁॒𑌦𑍍𑌰 - 𑌉॑𑌤𑍍𑌤॒𑌰𑌾𑌵॑𑌤𑍀𑌂 - 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋᳚ 𑌽𑌗𑍍𑌨𑌿𑌹𑍋॒𑌤𑍍𑌰𑌪𑍍𑌰𑌾॑𑌯𑌣𑌾 𑌯॒𑌜𑍍𑌞𑌾𑌃 - 𑌪𑍍𑌰॒𑌜𑌾𑌪॑𑌤𑌿𑌰𑌕𑌾𑌮𑌯𑌤𑌾𑌤𑍍𑌮॒𑌨𑍍𑌵-𑌦𑍍- 𑌰𑍌॒𑌦𑍍𑌰-𑌙𑍍𑌗𑌵𑌿॑ -𑌦𑌕𑍍𑌷𑌿𑌣॒𑌤 - 𑌸𑍍𑌤𑍍𑌰𑌯𑍋॒ 𑌵𑍈 - 𑌯𑌦॒𑌗𑍍𑌨𑌿 - 𑌮𑍃॒𑌤-𑌨𑍍𑌤𑍍𑌵𑌾॑ 𑌸॒𑌤𑍍𑌯𑍇𑌨𑍈𑌕𑌾॑𑌦𑌶)

(𑌅𑌙𑍍𑌗𑌿॑𑌰𑌸𑌃॒ - 𑌪𑍍𑌰𑍈𑌵 𑌤𑍇𑌨॑ - 𑌪॒𑌶𑍂𑌨𑍇॒𑌵 - 𑌯𑌨𑍍𑌨𑌿॒𑌮𑌾𑌰𑍍​𑌷𑍍𑌟𑌿॒ - 𑌯𑍋 𑌵𑌾 𑌅॑𑌗𑍍𑌨𑌿𑌹𑍋॒𑌤𑍍𑌰𑌸𑍍𑌯𑍋॑𑌪॒𑌸𑌦𑍋॑ - 𑌦𑌕𑍍𑌷𑌿𑌣॒𑌤-𑌷𑍍𑌷॑𑌷𑍍𑌟𑌿𑌃 )

(𑌅𑌙𑍍𑌗𑌿॑𑌰𑌸𑍋॒ - 𑌯 𑌉॑ 𑌚𑍈𑌨 𑌦𑍇॒𑌵𑌂-𑌵𑍇𑌁𑌦॑)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑍇 𑌪𑍍𑌰𑌥𑌮𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥