𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌪𑌾𑌠𑌕𑌃 - 𑌸𑍍𑌵𑌾𑌧𑍍𑌯𑌾𑌯𑌬𑍍𑌰𑌾𑌹𑍍𑌮𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1
𑌸𑌹॒ 𑌵𑍈 𑌦𑍇॒𑌵𑌾𑌨𑌾॒-𑌞𑍍𑌚𑌾𑌸𑍁॑𑌰𑌾𑌣𑌾-𑌞𑍍𑌚 𑌯॒𑌜𑍍𑌞𑍌 𑌪𑍍𑌰𑌤॑𑌤𑌾𑌵𑌾𑌸𑍍𑌤𑌾𑌂-𑌵𑌁॒𑌯𑌗𑍍𑌗𑍍​ 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕𑌮𑍇᳚𑌷𑍍𑌯𑌾𑌮𑍋 𑌵॒𑌯𑌮𑍇᳚𑌷𑍍𑌯𑌾𑌮॒ 𑌇𑌤𑌿॒ 𑌤𑍇-𑌽𑌸𑍁॑𑌰𑌾-𑌸𑍍𑌸॒𑌨𑍍𑌨𑌹𑍍𑌯॒ 𑌸𑌹॑𑌸𑍈॒𑌵𑌾𑌚॑𑌰-𑌨𑍍𑌬𑍍𑌰𑌹𑍍𑌮॒𑌚𑌰𑍍𑌯𑍇॑𑌣॒ 𑌤𑌪॑𑌸𑍈𑌵 𑌦𑍇॒𑌵𑌾𑌸𑍍𑌤𑍇-𑌽𑌸𑍁॑𑌰𑌾 𑌅𑌮𑍁𑌹𑍍𑌯॒𑌗𑍍𑌗𑍍॒𑌸𑍍𑌤𑍇 𑌨 𑌪𑍍𑌰𑌾𑌜𑌾॑𑌨॒𑌗𑍍𑌗𑍍॒𑌸𑍍𑌤𑍇 𑌪𑌰𑌾॑𑌭𑌵॒𑌨𑍍𑌤𑍇 𑌨 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒𑌨𑍍, 𑌪𑍍𑌰𑌸𑍃॑𑌤𑍇𑌨॒ 𑌵𑍈 𑌯॒𑌜𑍍𑌞𑍇𑌨॑ 𑌦𑍇॒𑌵𑌾-𑌸𑍍𑌸𑍍𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒-𑌨𑍍𑌨 𑌪𑍍𑌰𑌸𑍃॑𑌤𑍇॒𑌨𑌾𑌸𑍁॑𑌰𑌾॒-𑌨𑍍𑌪𑌰𑌾॑-𑌽𑌭𑌾𑌵𑌯॒𑌨𑍍 ,𑌪𑍍𑌰𑌸𑍃॑𑌤𑍋 𑌹॒ 𑌵𑍈 𑌯॑𑌜𑍍𑌞𑍋𑌪𑌵𑍀॒𑌤𑌿𑌨𑍋॑ 𑌯॒𑌜𑍍𑌞𑍋-𑌽𑌪𑍍𑌰॑𑌸𑍃॒𑌤𑍋-𑌽𑌨𑍁॑𑌪𑌵𑍀॒𑌤𑌿𑌨𑍋॒ 𑌯𑌤𑍍𑌕𑌿𑌞𑍍𑌚॑ 𑌬𑍍𑌰𑌾𑌹𑍍𑌮॒𑌣𑍋 𑌯॑𑌜𑍍𑌞𑍋𑌪𑌵𑍀॒𑌤𑍍𑌯𑌧𑍀॑𑌤𑍇॒ 𑌯𑌜॑𑌤 𑌏॒𑌵 𑌤-𑌤𑍍𑌤𑌸𑍍𑌮𑌾᳚-𑌦𑍍𑌯𑌜𑍍𑌞𑍋𑌪𑌵𑍀॒𑌤𑍍𑌯𑍇॑𑌵𑌾𑌧𑍀॑𑌯𑍀𑌤 𑌯𑌾॒𑌜𑌯𑍇॒-𑌦𑍍𑌯𑌜𑍇॑𑌤 𑌵𑌾 𑌯॒𑌜𑍍𑌞𑌸𑍍𑌯॒ 𑌪𑍍𑌰𑌸𑍃॑𑌤𑍍𑌯𑌾॒ , 𑌅𑌜𑌿॑𑌨𑌂॒-𑌵𑌾𑌁𑌸𑍋॑ 𑌵𑌾 𑌦𑌕𑍍𑌷𑌿𑌣॒𑌤 𑌉॑𑌪॒𑌵𑍀𑌯॒ 𑌦𑌕𑍍𑌷𑌿॑𑌣-𑌮𑍍𑌬𑌾॒𑌹𑍁𑌮𑍁𑌦𑍍𑌧॑𑌰॒𑌤𑍇-𑌽𑌵॑ 𑌧𑌤𑍍𑌤𑍇 𑌸॒𑌵𑍍𑌯𑌮𑌿𑌤𑌿॑ 𑌯𑌜𑍍𑌞𑍋𑌪𑌵𑍀॒𑌤𑌮𑍇॒𑌤𑌦𑍇॒𑌵 𑌵𑌿𑌪॑𑌰𑍀𑌤-𑌮𑍍𑌪𑍍𑌰𑌾𑌚𑍀𑌨𑌾𑌵𑍀॒𑌤𑌗𑍍​𑌮𑍍 𑌸𑌂॒​𑌵𑍀𑌁𑌤॑-𑌮𑍍𑌮𑌾𑌨𑍁॒𑌷𑌮𑍍 ॥ 1 ॥

𑌅𑌨𑍁𑌵𑌾𑌕𑌂 2
𑌰𑌕𑍍𑌷𑌾𑌗𑍍​𑌮𑍍॑𑌸𑌿॒ 𑌹𑌵𑌾॑ 𑌪𑍁𑌰𑍋𑌨𑍁𑌵𑌾॒𑌕𑍇 𑌤𑌪𑍋-𑌽𑌗𑍍𑌰॑𑌮𑌤𑌿𑌷𑍍𑌠𑌨𑍍𑌤॒ 𑌤𑌾-𑌨𑍍𑌪𑍍𑌰॒𑌜𑌾𑌪॑𑌤𑌿-𑌰𑍍𑌵॒𑌰𑍇𑌣𑍋॒𑌪𑌾𑌮॑𑌨𑍍𑌤𑍍𑌰𑌯𑌤॒ 𑌤𑌾𑌨𑌿॒ 𑌵𑌰॑𑌮𑌵𑍃𑌣𑍀𑌤𑌾𑌦𑌿॒𑌤𑍍𑌯𑍋 𑌨𑍋॒ 𑌯𑍋𑌦𑍍𑌧𑌾॒ 𑌇𑌤𑌿॒ 𑌤𑌾-𑌨𑍍𑌪𑍍𑌰॒𑌜𑌾𑌪॑𑌤𑌿-𑌰𑌬𑍍𑌰𑌵𑍀॒-𑌦𑍍𑌯𑍋𑌧॑𑌯॒𑌦𑍍𑌧𑍍𑌵𑌮𑌿𑌤𑌿॒ 𑌤𑌸𑍍𑌮𑌾॒𑌦𑍁𑌤𑍍𑌤𑌿॑𑌷𑍍𑌠𑌨𑍍𑌤॒𑌗𑍍​𑌮𑍍॒ 𑌹𑌵𑌾॒ 𑌤𑌾𑌨𑌿॒ 𑌰𑌕𑍍𑌷𑌾𑌗𑍍॑𑌸𑍍𑌯𑌾𑌦𑌿॒𑌤𑍍𑌯𑌂-𑌯𑍋𑌁𑌧॑𑌯𑌨𑍍𑌤𑌿॒ 𑌯𑌾𑌵॑𑌦𑌸𑍍𑌤॒𑌮𑌨𑍍𑌵॑𑌗𑌾॒-𑌤𑍍𑌤𑌾𑌨𑌿॑ 𑌹॒ 𑌵𑌾 𑌏॒𑌤𑌾𑌨𑌿॒ 𑌰𑌕𑍍𑌷𑌾𑌗𑍍​𑌮𑍍॑𑌸𑌿 𑌗𑌾𑌯𑌤𑍍𑌰𑌿॒𑌯𑌾 𑌽𑌭𑌿॑𑌮𑌨𑍍𑌤𑍍𑌰𑌿𑌤𑍇॒𑌨𑌾𑌮𑍍𑌭॑𑌸𑌾 𑌶𑌾𑌮𑍍𑌯𑌨𑍍𑌤𑌿॒ 𑌤𑌦𑍁॑ 𑌹॒ 𑌵𑌾 𑌏॒𑌤𑍇 𑌬𑍍𑌰॑𑌹𑍍𑌮𑌵𑌾॒𑌦𑌿𑌨𑌃॑ 𑌪𑍂॒𑌰𑍍𑌵𑌾𑌭𑌿॑𑌮𑍁॒𑌖𑌾-𑌸𑍍𑌸॒𑌨𑍍𑌧𑍍𑌯𑌾𑌯𑌾᳚-𑌙𑍍𑌗𑌾𑌯𑌤𑍍𑌰𑌿॒𑌯𑌾-𑌽𑌭𑌿॑𑌮𑌨𑍍𑌤𑍍𑌰𑌿𑌤𑌾॒ 𑌆𑌪॑ 𑌊॒𑌰𑍍𑌧𑍍𑌵𑌂-𑌵𑌿𑌁𑌕𑍍𑌷𑌿॑𑌪𑌨𑍍𑌤𑌿॒ 𑌤𑌾 𑌏॒𑌤𑌾 𑌆𑌪𑍋॑ 𑌵॒𑌜𑍍𑌰𑍀𑌭𑍂॒𑌤𑍍𑌵𑌾 𑌤𑌾𑌨𑌿॒ 𑌰𑌕𑍍𑌷𑌾𑌗𑍍​𑌮𑍍॑𑌸𑌿
𑌮॒𑌨𑍍𑌦𑍇𑌹𑌾-𑌽𑌰𑍁॑𑌣𑍇 𑌦𑍍𑌵𑍀॒𑌪𑍇 𑌪𑍍𑌰𑌕𑍍𑌷𑌿॑𑌪𑌨𑍍𑌤𑌿॒ 𑌯-𑌤𑍍𑌪𑍍𑌰॑𑌦𑌕𑍍𑌷𑌿॒𑌣-𑌮𑍍𑌪𑍍𑌰𑌕𑍍𑌰॑𑌮𑌨𑍍𑌤𑌿॒ 𑌤𑍇𑌨॑ 𑌪𑌾॒𑌪𑍍𑌮𑌾𑌨॒𑌮𑌵॑ 𑌧𑍂𑌨𑍍𑌵𑌨𑍍𑌤𑍍𑌯𑍁॒𑌦𑍍𑌯𑌨𑍍𑌤॑𑌮𑌸𑍍𑌤𑌂॒-𑌯𑌁𑌨𑍍𑌤॑𑌮𑌾𑌦𑌿॒𑌤𑍍𑌯-𑌮॑𑌭𑌿𑌦𑍍𑌧𑍍𑌯𑌾॒𑌯𑌨𑍍 𑌕𑍁॒𑌰𑍍𑌵-𑌨𑍍𑌬𑍍𑌰𑌾᳚𑌹𑍍𑌮॒𑌣𑍋 𑌵𑌿॒𑌦𑍍𑌵𑌾𑌨𑍍-𑌥𑍍𑌸॒𑌕𑌲॑-𑌮𑍍𑌭॒𑌦𑍍𑌰𑌮॑𑌶𑍍𑌨𑍁𑌤𑍇॒ 𑌽𑌸𑌾𑌵𑌾॑𑌦𑌿॒𑌤𑍍𑌯𑍋 𑌬𑍍𑌰॒𑌹𑍍𑌮𑍇𑌤𑌿॒ 𑌬𑍍𑌰𑌹𑍍𑌮𑍈॒𑌵 𑌸-𑌨𑍍𑌬𑍍𑌰𑌹𑍍𑌮𑌾॒𑌪𑍍𑌯𑍇𑌤𑌿॒ 𑌯 𑌏॒𑌵𑌂-𑌵𑍇𑌁𑌦॑ ॥ 2 ॥

𑌅𑌨𑍁𑌵𑌾𑌕𑌂 3
𑌯-𑌦𑍍𑌦𑍇॑𑌵𑌾 𑌦𑍇𑌵॒𑌹𑍇𑌡॑𑌨𑌂॒ (𑌦𑍇𑌵॒𑌹𑍇𑌳॑𑌨𑌂॒) 𑌦𑍇𑌵𑌾॑𑌸𑌶𑍍𑌚𑌕𑍃॒𑌮𑌾 𑌵॒𑌯𑌮𑍍 ।
𑌆𑌦𑌿॑𑌤𑍍𑌯𑌾॒𑌸𑍍𑌤𑌸𑍍𑌮𑌾᳚𑌨𑍍𑌮𑌾 𑌮𑍁𑌞𑍍𑌚𑌤॒𑌰𑍍𑌤𑌸𑍍𑌯॒𑌰𑍍𑌤𑍇𑌨॒ 𑌮𑌾𑌮𑌿॒𑌤 ॥
𑌦𑍇𑌵𑌾॑ 𑌜𑍀𑌵𑌨𑌕𑌾॒𑌮𑍍𑌯𑌾 𑌯-𑌦𑍍𑌵𑌾॒𑌚𑌾-𑌽𑌨𑍃॑𑌤𑌮𑍂𑌦𑌿॒𑌮 ।
𑌤𑌸𑍍𑌮𑌾᳚𑌨𑍍𑌨 𑌇॒𑌹 𑌮𑍁॑𑌞𑍍𑌚𑌤॒ 𑌵𑌿𑌶𑍍𑌵𑍇॑ 𑌦𑍇𑌵𑌾-𑌸𑍍𑌸॒𑌜𑍋𑌷॑𑌸𑌃 ॥
𑌋॒𑌤𑍇𑌨॑ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀 𑌋॒𑌤𑍇𑌨॒ 𑌤𑍍𑌵𑌗𑍍​𑌮𑍍 𑌸॑𑌰𑌸𑍍𑌵𑌤𑌿 ।
𑌕𑍃॒𑌤𑌾𑌨𑍍𑌨𑌃॑ 𑌪𑌾॒𑌹𑍍𑌯𑍇𑌨॑𑌸𑍋॒ 𑌯-𑌤𑍍𑌕𑌿𑌞𑍍𑌚𑌾𑌨𑍃॑𑌤𑌮𑍂𑌦𑌿॒𑌮 ॥
𑌇॒𑌨𑍍𑌦𑍍𑌰𑌾॒𑌗𑍍𑌨𑍀 𑌮𑌿॒𑌤𑍍𑌰𑌾𑌵𑌰𑍁॑𑌣𑍌॒ 𑌸𑍋𑌮𑍋॑ 𑌧𑌾॒𑌤𑌾 𑌬𑍃𑌹॒𑌸𑍍𑌪𑌤𑌿𑌃॑ ।
𑌤𑍇 𑌨𑍋॑ 𑌮𑍁𑌞𑍍𑌚॒𑌨𑍍𑌤𑍍𑌵𑍇𑌨॑𑌸𑍋॒ 𑌯𑌦॒𑌨𑍍𑌯𑌕𑍃॑𑌤𑌮𑌾𑌰𑌿॒𑌮 ॥
𑌸॒𑌜𑌾॒𑌤॒𑌶॒𑌗𑍍​𑌮𑍍॒𑌸𑌾𑌦𑍁॒𑌤 𑌜𑌾॑𑌮𑌿𑌶॒𑌗𑍍​𑌮𑍍॒ 𑌸𑌾𑌜𑍍𑌜𑍍𑌯𑌾𑌯॑𑌸॒-𑌶𑍍𑌶𑌗𑍍​𑌮𑍍𑌸𑌾॑𑌦𑍁॒𑌤 𑌵𑌾॒ 𑌕𑌨𑍀॑𑌯𑌸𑌃 ।
𑌅𑌨𑌾॑𑌧𑍃𑌷𑍍𑌟-𑌨𑍍𑌦𑍇॒𑌵𑌕𑍃॑𑌤𑌂॒-𑌯𑌁𑌦𑍇𑌨॒𑌸𑍍𑌤𑌸𑍍𑌮𑌾॒-𑌤𑍍𑌤𑍍𑌵𑌮॒𑌸𑍍𑌮𑌾-𑌞𑍍𑌜𑌾॑𑌤𑌵𑍇𑌦𑍋 𑌮𑍁𑌮𑍁𑌗𑍍𑌧𑌿 ॥
𑌯𑌦𑍍𑌵𑌾॒𑌚𑌾 𑌯-𑌨𑍍𑌮𑌨॑𑌸𑌾 𑌬𑌾॒𑌹𑍁𑌭𑍍𑌯𑌾॑-𑌮𑍂॒𑌰𑍁𑌭𑍍𑌯𑌾॑𑌮𑌷𑍍𑌠𑍀॒𑌵𑌦𑍍𑌭𑍍𑌯𑌾॑ 𑌶𑌿॒𑌶𑍍𑌨𑍈𑌰𑍍𑌯𑌦𑌨𑍃॑𑌤-𑌞𑍍𑌚𑌕𑍃॒𑌮𑌾 𑌵॒𑌯𑌮𑍍 ।
𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌾॒ 𑌗𑌾𑌰𑍍​𑌹॑𑌪𑌤𑍍𑌯𑌃॒ 𑌪𑍍𑌰𑌮𑍁॑𑌞𑍍𑌚𑌤𑍁 𑌚𑌕𑍃॒𑌮 𑌯𑌾𑌨𑌿॑ 𑌦𑍁𑌷𑍍𑌕𑍃॒𑌤𑌾 ॥
𑌯𑍇𑌨॑ 𑌤𑍍𑌰𑌿॒𑌤𑍋 𑌅॑𑌰𑍍𑌣॒𑌵𑌾-𑌨𑍍𑌨𑌿॑𑌰𑍍𑌬॒𑌭𑍂𑌵॒ 𑌯𑍇𑌨॒ 𑌸𑍂𑌰𑍍𑌯॒-𑌨𑍍𑌤𑌮॑𑌸𑍋 𑌨𑌿𑌰𑍍𑌮𑍁॒𑌮𑍋𑌚॑ ।
𑌯𑍇𑌨𑍇𑌨𑍍𑌦𑍍𑌰𑍋॒ 𑌵𑌿𑌶𑍍𑌵𑌾॒ 𑌅𑌜॑𑌹𑌾॒𑌦𑌰𑌾॑𑌤𑍀॒𑌸𑍍𑌤𑍇𑌨𑌾॒𑌹-𑌞𑍍𑌜𑍍𑌯𑍋𑌤𑌿॑𑌷𑌾॒ 𑌜𑍍𑌯𑍋𑌤𑌿॑𑌰𑌾𑌨𑌶𑌾॒𑌨 𑌆᳚𑌕𑍍𑌷𑌿 ॥
𑌯-𑌤𑍍𑌕𑍁𑌸𑍀॑𑌦॒𑌮𑌪𑍍𑌰॑𑌤𑍀𑌤𑍍𑌤॒-𑌮𑍍𑌮𑌯𑍇॒𑌹 𑌯𑍇𑌨॑ 𑌯॒𑌮𑌸𑍍𑌯॑ 𑌨𑌿॒𑌧𑌿𑌨𑌾॒ 𑌚𑌰𑌾॑𑌮𑌿 ।
𑌏॒𑌤𑌤𑍍𑌤𑌦॑𑌗𑍍𑌨𑍇 𑌅𑌨𑍃॒𑌣𑍋 𑌭॑𑌵𑌾𑌮𑌿॒ 𑌜𑍀𑌵॑𑌨𑍍𑌨𑍇॒𑌵 𑌪𑍍𑌰𑌤𑌿॒ 𑌤𑌤𑍍𑌤𑍇॑ 𑌦𑌧𑌾𑌮𑌿 ॥
𑌯𑌨𑍍𑌮𑌯𑌿॑ 𑌮𑌾॒𑌤𑌾 𑌗𑌰𑍍𑌭𑍇॑ 𑌸॒𑌤𑌿 । 𑌏𑌨॑𑌶𑍍𑌚॒𑌕𑌾𑌰॒ 𑌯𑌤𑍍𑌪𑌿॒𑌤𑌾 । 𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 ॥ 𑌯𑌦𑌾॑ 𑌪𑌿॒𑌪𑍇𑌷॑ 𑌮𑌾॒𑌤𑌰॑-𑌮𑍍𑌪𑌿॒𑌤𑌰᳚𑌮𑍍 । 𑌪𑍁॒𑌤𑍍𑌰𑌃 𑌪𑍍𑌰𑌮𑍁॑𑌦𑌿𑌤𑍋॒ 𑌧𑌯𑌨𑍍𑌨𑍍॑ । 𑌅𑌹𑌿𑌗𑍍​𑌮𑍍॑𑌸𑌿𑌤𑍌 𑌪𑌿॒𑌤𑌰𑍌॒ 𑌮𑌯𑌾॒ 𑌤𑌤𑍍 । 𑌤𑌦॑𑌗𑍍𑌨𑍇 𑌅𑌨𑍃॒𑌣𑍋 𑌭॑𑌵𑌾𑌮𑌿 ॥ 𑌯𑌦॒𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍃𑌥𑌿॒𑌵𑍀𑌮𑍁॒𑌤 𑌦𑍍𑌯𑌾𑌮𑍍 । 𑌯𑌨𑍍𑌮𑌾॒𑌤𑌰॑-𑌮𑍍𑌪𑌿॒𑌤𑌰𑌂॑-𑌵𑌾𑌁 𑌜𑌿𑌹𑌿𑌗𑍍​𑌮𑍍𑌸𑌿॒𑌮 । 𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 ॥
𑌯𑌦𑌾॒𑌶𑌸𑌾॑ 𑌨𑌿॒𑌶𑌸𑌾॒ 𑌯𑌤𑍍𑌪॑𑌰𑌾॒𑌶𑌸𑌾᳚ । 𑌯𑌦𑍇𑌨॑𑌶𑍍𑌚 𑌕𑍃॒𑌮𑌾 𑌨𑍂𑌤॑𑌨𑌂॒-𑌯𑌁𑌤𑍍𑌪𑍁॑𑌰𑌾॒𑌣𑌮𑍍 । 𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 ॥ 𑌅𑌤𑌿॑𑌕𑍍𑌰𑌾𑌮𑌾𑌮𑌿 𑌦𑍁𑌰𑌿॒𑌤𑌂-𑌯𑌁𑌦𑍇𑌨𑌃॑ । 𑌜𑌹𑌾॑𑌮𑌿 𑌰𑌿॒𑌪𑍍𑌰-𑌮𑍍𑌪॑𑌰॒𑌮𑍇 𑌸॒𑌧𑌸𑍍𑌥𑍇᳚ । 𑌯𑌤𑍍𑌰॒ 𑌯𑌨𑍍𑌤𑌿॑ 𑌸𑍁॒𑌕𑍃𑌤𑍋॒ 𑌨𑌾𑌪𑌿॑ 𑌦𑍁॒𑌷𑍍𑌕𑍃𑌤𑌃॑ । 𑌤𑌮𑌾𑌰𑍋॑𑌹𑌾𑌮𑌿 𑌸𑍁॒𑌕𑍃𑌤𑌾॒-𑌨𑍍𑌨𑍁 𑌲𑍋॒𑌕𑌮𑍍 ॥ 𑌤𑍍𑌰𑌿॒𑌤𑍇 𑌦𑍇॒𑌵𑌾 𑌅॑𑌮𑍃𑌜𑌤𑍈॒-𑌤𑌦𑍇𑌨𑌃॑ । 𑌤𑍍𑌰𑌿॒𑌤 𑌏॒𑌤𑌨𑍍𑌮॑𑌨𑍁॒𑌷𑍍𑌯𑍇॑𑌷𑍁 𑌮𑌾𑌮𑍃𑌜𑍇 । 𑌤𑌤𑍋॑ 𑌮𑌾॒ 𑌯𑌦𑌿॒ 𑌕𑌿𑌞𑍍𑌚𑌿॑𑌦𑌾𑌨॒𑌶𑍇 । 𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑌃 ॥
𑌦𑌿॒𑌵𑌿 𑌜𑌾॒𑌤𑌾 𑌅॒𑌫𑍍𑌸𑍁 𑌜𑌾॒𑌤𑌾𑌃 । 𑌯𑌾 𑌜𑌾॒𑌤𑌾 𑌓𑌷॑𑌧𑍀𑌭𑍍𑌯𑌃 । 𑌅𑌥𑍋॒ 𑌯𑌾 𑌅॑𑌗𑍍𑌨𑌿॒𑌜𑌾 𑌆𑌪𑌃॑ । 𑌤𑌾 𑌨॑-𑌶𑍍𑌶𑍁𑌨𑍍𑌧𑌨𑍍𑌤𑍁॒ 𑌶𑍁𑌨𑍍𑌧॑𑌨𑍀𑌃 ॥ 𑌯𑌦𑌾𑌪𑍋॒ 𑌨𑌕𑍍𑌤॑-𑌨𑍍𑌦𑍁𑌰𑌿॒𑌤-𑌞𑍍𑌚𑌰𑌾॑𑌮 । 𑌯𑌦𑍍𑌵𑌾॒ 𑌦𑌿𑌵𑌾॒ 𑌨𑍂𑌤॑𑌨𑌂॒-𑌯𑌁𑌤𑍍𑌪𑍁॑𑌰𑌾॒𑌣𑌮𑍍 । 𑌹𑌿𑌰॑𑌣𑍍𑌯-𑌵𑌰𑍍𑌣𑌾॒𑌸𑍍𑌤𑌤॒ 𑌉𑌤𑍍𑌪𑍁॑𑌨𑍀𑌤 𑌨𑌃 ॥ 𑌇॒𑌮-𑌮𑍍𑌮𑍇॑ 𑌵𑌰𑍁𑌣 𑌶𑍍𑌰𑍁𑌧𑍀॒ 𑌹𑌵॑𑌮॒𑌦𑍍𑌯𑌾 𑌚॑ 𑌮𑍃𑌡𑌯 । 𑌤𑍍𑌵𑌾𑌮॑𑌵॒𑌸𑍍𑌯𑍁𑌰𑌾 𑌚॑𑌕𑍇 ॥
𑌤𑌤𑍍𑌤𑍍𑌵𑌾॑ 𑌯𑌾𑌮𑌿॒ 𑌬𑍍𑌰𑌹𑍍𑌮॑𑌣𑌾॒ 𑌵𑌨𑍍𑌦॑𑌮𑌾𑌨॒-𑌸𑍍𑌤𑌦𑌾 𑌶𑌾᳚𑌸𑍍𑌤𑍇॒ 𑌯𑌜॑𑌮𑌾𑌨𑍋 𑌹॒𑌵𑌿𑌰𑍍𑌭𑌿𑌃॑ । 𑌅𑌹𑍇॑𑌡𑌮𑌾𑌨𑍋 𑌵𑌰𑍁𑌣𑍇॒𑌹 𑌬𑍋॒𑌦𑍍𑌧𑍍𑌯𑍁𑌰𑍁॑𑌶𑌸॒ 𑌮𑌾 𑌨॒ 𑌆𑌯𑍁𑌃॒ 𑌪𑍍𑌰𑌮𑍋॑𑌷𑍀𑌃 ॥ 𑌤𑍍𑌵-𑌨𑍍𑌨𑍋॑ 𑌅𑌗𑍍𑌨𑍇॒ 𑌵𑌰𑍁॑𑌣𑌸𑍍𑌯 𑌵𑌿॒𑌦𑍍𑌵𑌾-𑌨𑍍𑌦𑍇॒𑌵𑌸𑍍𑌯॒ 𑌹𑍇𑌡𑍋-𑌽𑌵॑ 𑌯𑌾𑌸𑌿 𑌸𑍀𑌷𑍍𑌠𑌾𑌃 । 𑌯𑌜𑌿॑𑌷𑍍𑌠𑍋॒ 𑌵𑌹𑍍𑌨𑌿॑ 𑌤𑌮॒-𑌶𑍍𑌶𑍋𑌶𑍁॑𑌚𑌾𑌨𑍋॒ 𑌵𑌿𑌶𑍍𑌵𑌾॒ 𑌦𑍍𑌵𑍇𑌷𑌾॑𑌸𑌿॒ 𑌪𑍍𑌰𑌮𑍁॑𑌮𑍁𑌗𑍍𑌧𑍍𑌯॒𑌸𑍍𑌮𑌤𑍍 ॥ 𑌸 𑌤𑍍𑌵𑌨𑍍𑌨𑍋॑ 𑌅𑌗𑍍𑌨𑍇-𑌽𑌵॒𑌮𑍋 𑌭॑𑌵𑍋॒𑌤𑍀 𑌨𑍇𑌦𑌿॑𑌷𑍍𑌠𑍋 𑌅॒𑌸𑍍𑌯𑌾 𑌉॒𑌷𑌸𑍋॒ 𑌵𑍍𑌯𑍁॑𑌷𑍍𑌟𑍌 । 𑌅𑌵॑ 𑌯𑌕𑍍𑌷𑍍𑌵 𑌨𑍋॒ 𑌵𑌰𑍁॑𑌣॒ 𑌰𑌰𑌾॑𑌣𑍋 𑌵𑍀॒𑌹𑌿 𑌮𑍃॑𑌡𑍀॒𑌕 𑌸𑍁॒𑌹𑌵𑍋॑ 𑌨 𑌏𑌧𑌿 ॥ 𑌤𑍍𑌵𑌮॑𑌗𑍍𑌨𑍇 𑌅॒𑌯𑌾-𑌽𑌸𑌿॑ । 𑌅॒𑌯𑌾 𑌸𑌨𑍍𑌮𑌨॑𑌸𑌾 𑌹𑌿॒𑌤𑌃 । 𑌅॒𑌯𑌾 𑌸𑌨𑌃𑌅॒𑌵𑍍𑌯𑌮𑍂॑𑌹𑌿𑌷𑍇 । 𑌅॒𑌯𑌾 𑌨𑍋॑ 𑌧𑍇𑌹𑌿 𑌭𑍇𑌷॒𑌜𑌮𑍍 । 𑌇॒𑌷𑍍𑌟𑍋 𑌅॒𑌗𑍍𑌨𑌿𑌰𑌾𑌹𑍁॑𑌤𑌃 । 𑌸𑍍𑌵𑌾𑌹𑌾॑𑌕𑍃𑌤𑌃 𑌪𑌿𑌪𑌰𑍍𑌤𑍁 𑌨𑌃 । 𑌸𑍍𑌵॒𑌗𑌾 𑌦𑍇॒𑌵𑍇𑌭𑍍𑌯॑ 𑌇॒𑌦-𑌨𑍍𑌨𑌮𑌃॑ ॥ 3 ॥
(𑌮𑍁॒𑌮𑍁॒𑌗𑍍𑌧𑌿॒ 𑌸॒𑌪𑍍𑌤 𑌚॑) (𑌅. 3)

𑌅𑌨𑍁𑌵𑌾𑌕𑌂 4
𑌯𑌦𑌦𑍀᳚𑌵𑍍𑌯𑌨𑍍𑌨𑍃॒𑌣𑌮॒𑌹-𑌮𑍍𑌬॒𑌭𑍂𑌵𑌾𑌦𑌿॑-𑌥𑍍𑌸𑌨𑍍𑌵𑌾 𑌸𑌞𑍍𑌜॒𑌗𑌰॒ 𑌜𑌨𑍇᳚𑌭𑍍𑌯𑌃 । 𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑌿𑌨𑍍𑌦𑍍𑌰॑𑌶𑍍𑌚 𑌸𑌂​𑌵𑌿𑌁𑌦𑌾॒𑌨𑍌 𑌪𑍍𑌰𑌮𑍁॑𑌞𑍍𑌚𑌤𑌾𑌮𑍍 ॥ 𑌯𑌦𑍍𑌧𑌸𑍍𑌤𑌾᳚𑌭𑍍𑌯𑌾-𑌞𑍍𑌚॒𑌕𑌰॒ 𑌕𑌿𑌲𑍍𑌬𑌿॑𑌷𑌾𑌣𑍍𑌯॒𑌕𑍍𑌷𑌾𑌣𑌾𑌂᳚-𑌵𑌁॒𑌗𑍍𑌨𑍁𑌮𑍁॑𑌪॒𑌜𑌿𑌘𑍍𑌨॑𑌮𑌾𑌨𑌃 ।
𑌉॒𑌗𑍍𑌰॒𑌮𑍍𑌪॒𑌶𑍍𑌯𑌾 𑌚॑ 𑌰𑌾𑌷𑍍𑌟𑍍𑌰॒𑌭𑍃𑌚𑍍𑌚॒ 𑌤𑌾𑌨𑍍𑌯॑𑌫𑍍𑌸॒𑌰𑌸𑌾॒ 𑌵𑌨𑍁॑𑌦𑌤𑍍𑌤𑌾-𑌮𑍃॒𑌣𑌾𑌨𑌿॑ ॥ 𑌉𑌗𑍍𑌰॑𑌪𑌂𑌶𑍍𑌯𑍇॒ 𑌰𑌾𑌷𑍍𑌟𑍍𑌰॑𑌭𑍃॒-𑌤𑍍𑌕𑌿𑌲𑍍𑌬𑌿॑𑌷𑌾𑌣𑌿॒ 𑌯𑌦॒𑌕𑍍𑌷𑌵𑍃॑𑌤𑍍𑌤॒𑌮𑌨𑍁॑𑌦𑌤𑍍𑌤𑌮𑍇॒𑌤𑌤𑍍 ।
𑌨𑍇𑌨𑍍𑌨॑ 𑌋॒𑌣𑌾𑌨𑍃॒𑌣𑌵॒ 𑌇𑌥𑍍𑌸॑𑌮𑌾𑌨𑍋 𑌯॒𑌮𑌸𑍍𑌯॑ 𑌲𑍋॒𑌕𑍇 𑌅𑌧𑌿॑ 𑌰𑌜𑍍𑌜𑍁॒𑌰𑌾𑌯॑ ॥ 𑌅𑌵॑ 𑌤𑍇॒ 𑌹𑍇𑌡𑍋॑ 𑌵𑌰𑍁𑌣॒ 𑌨𑌮𑍋॑𑌭𑌿॒𑌰𑌵॑ 𑌯॒𑌜𑍍𑌞𑍇𑌭𑌿॑𑌰𑍀𑌮𑌹𑍇 𑌹॒𑌵𑌿𑌰𑍍𑌭𑌿𑌃॑ । 𑌕𑍍𑌷𑌯॑𑌨𑍍𑌨॒𑌸𑍍𑌮𑌭𑍍𑌯॑𑌮𑌸𑍁𑌰 𑌪𑍍𑌰𑌚𑍇𑌤𑍋॒ 𑌰𑌾𑌜॒𑌨𑍍𑌨𑍇𑌨𑌾𑌗𑍍​𑌮𑍍॑𑌸𑌿 𑌶𑌿𑌶𑍍𑌰𑌥𑌃 𑌕𑍃॒𑌤𑌾𑌨𑌿॑ ॥ 𑌉𑌦𑍁॑𑌤𑍍𑌤॒𑌮𑌂-𑌵𑌁॑𑌰𑍁𑌣॒ 𑌪𑌾𑌶॑𑌮॒𑌸𑍍𑌮𑌦𑌵𑌾॑-𑌽𑌧॒𑌮𑌂-𑌵𑌿𑌁𑌮॑𑌦𑍍𑌧𑍍𑌯॒𑌮𑌗𑍍𑌗𑍍​ 𑌶𑍍𑌰॑𑌥𑌾𑌯 । 𑌅𑌥𑌾॑ 𑌵॒𑌯𑌮𑌾॑𑌦𑌿𑌤𑍍𑌯 𑌵𑍍𑌰॒𑌤𑍇 𑌤𑌵𑌾-𑌽𑌨𑌾॑𑌗𑌸𑍋॒ 𑌅𑌦𑌿॑𑌤𑌯𑍇 𑌸𑍍𑌯𑌾𑌮 ॥ 𑌇॒𑌮-𑌮𑍍𑌮𑍇॑ 𑌵𑌰𑍁𑌣 𑌶𑍍𑌰𑍁𑌧𑍀॒ 𑌹𑌵॑𑌮॒𑌦𑍍𑌯𑌾 𑌚॑ 𑌮𑍃𑌡𑌯 । 𑌤𑍍𑌵𑌾𑌮॑𑌵॒𑌸𑍍𑌯𑍁𑌰𑌾 𑌚॑𑌕𑍇 ॥
𑌤𑌤𑍍𑌤𑍍𑌵𑌾॑ 𑌯𑌾𑌮𑌿॒ 𑌬𑍍𑌰𑌹𑍍𑌮॑𑌣𑌾॒ 𑌵𑌨𑍍𑌦॑𑌮𑌾𑌨॒-𑌸𑍍𑌤𑌦𑌾 𑌶𑌾᳚𑌸𑍍𑌤𑍇॒ 𑌯𑌜॑𑌮𑌾𑌨𑍋 𑌹॒𑌵𑌿𑌰𑍍𑌭𑌿𑌃॑ । 𑌅𑌹𑍇॑𑌡𑌮𑌾𑌨𑍋 𑌵𑌰𑍁𑌣𑍇॒𑌹 𑌬𑍋॒𑌦𑍍𑌧𑍍𑌯𑍁𑌰𑍁॑𑌶𑌸॒ 𑌮𑌾 𑌨॒ 𑌆𑌯𑍁𑌃॒ 𑌪𑍍𑌰𑌮𑍋॑𑌷𑍀𑌃 ॥ 𑌤𑍍𑌵-𑌨𑍍𑌨𑍋॑ 𑌅𑌗𑍍𑌨𑍇॒ 𑌵𑌰𑍁॑𑌣𑌸𑍍𑌯 𑌵𑌿॒𑌦𑍍𑌵𑌾-𑌨𑍍𑌦𑍇॒𑌵𑌸𑍍𑌯॒ 𑌹𑍇𑌡𑍋-𑌽𑌵॑ 𑌯𑌾𑌸𑌿 𑌸𑍀𑌷𑍍𑌠𑌾𑌃 । 𑌯𑌜𑌿॑𑌷𑍍𑌠𑍋॒ 𑌵𑌹𑍍𑌨𑌿॑ 𑌤𑌮॒-𑌶𑍍𑌶𑍋𑌶𑍁॑𑌚𑌾𑌨𑍋॒ 𑌵𑌿𑌶𑍍𑌵𑌾॒ 𑌦𑍍𑌵𑍇𑌷𑌾॑𑌸𑌿॒ 𑌪𑍍𑌰𑌮𑍁॑𑌮𑍁𑌗𑍍𑌧𑍍𑌯॒𑌸𑍍𑌮𑌤𑍍 ॥ 𑌸 𑌤𑍍𑌵𑌨𑍍𑌨𑍋॑ 𑌅𑌗𑍍𑌨𑍇-𑌽𑌵॒𑌮𑍋 𑌭॑𑌵𑍋॒𑌤𑍀 𑌨𑍇𑌦𑌿॑𑌷𑍍𑌠𑍋 𑌅॒𑌸𑍍𑌯𑌾 𑌉॒𑌷𑌸𑍋॒ 𑌵𑍍𑌯𑍁॑𑌷𑍍𑌟𑍌 । 𑌅𑌵॑ 𑌯𑌕𑍍𑌷𑍍𑌵 𑌨𑍋॒ 𑌵𑌰𑍁॑𑌣॒ 𑌰𑌰𑌾॑𑌣𑍋 𑌵𑍀॒𑌹𑌿 𑌮𑍃॑𑌡𑍀॒𑌕 𑌸𑍁॒𑌹𑌵𑍋॑ 𑌨 𑌏𑌧𑌿 ॥ 𑌸𑌙𑍍𑌕𑍁॑𑌸𑍁𑌕𑍋॒ 𑌵𑌿𑌕𑍁॑𑌸𑍁𑌕𑍋 𑌨𑌿𑌰𑍍-𑌋॒𑌥𑍋 𑌯𑌶𑍍𑌚॑ 𑌨𑌿𑌸𑍍𑌵॒𑌨𑌃 । 𑌤𑍇-𑌽(1॒)𑌸𑍍𑌮-𑌦𑍍𑌯𑌕𑍍𑌷𑍍𑌮॒𑌮𑌨𑌾॑𑌗𑌸𑍋 𑌦𑍂॒𑌰𑌾-𑌦𑍍𑌦𑍂॒𑌰𑌮॑𑌚𑍀𑌚𑌤𑌮𑍍 ॥ 𑌨𑌿𑌰𑍍𑌯॑𑌕𑍍𑌷𑍍𑌮𑌮𑌚𑍀𑌚𑌤𑍇 𑌕𑍃॒𑌤𑍍𑌯𑌾-𑌨𑍍𑌨𑌿𑌰𑍍-𑌋॑𑌤𑌿-𑌞𑍍𑌚 । 𑌤𑍇𑌨॒ 𑌯𑍋-𑌽(1॒)𑌸𑍍𑌮𑌥𑍍𑌸𑌮𑍃॑𑌚𑍍𑌛𑌾𑌤𑍈॒ 𑌤𑌮॑𑌸𑍍𑌮𑍈॒ 𑌪𑍍𑌰𑌸𑍁॑𑌵𑌾𑌮𑌸𑌿 ॥ 𑌦𑍁॒𑌶𑍍𑌶॒𑌗𑍍​𑌮𑍍॒𑌸𑌾॒𑌨𑍁॒𑌶॒𑌗𑍍​𑌮𑍍॒𑌸𑌾𑌭𑍍𑌯𑌾᳚-𑌙𑍍𑌘॒𑌣𑍇𑌨𑌾॑𑌨𑍁𑌘॒𑌣𑍇𑌨॑ 𑌚 । 𑌤𑍇𑌨𑌾॒𑌨𑍍𑌯𑍋-𑌽(1)॒𑌸𑍍𑌮-𑌥𑍍𑌸𑌮𑍃॑𑌚𑍍𑌛𑌾𑌤𑍈॒ 𑌤𑌮॑𑌸𑍍𑌮𑍈॒ 𑌪𑍍𑌰𑌸𑍁॑𑌵𑌾𑌮𑌸𑌿 ॥
𑌸𑌂​𑌵𑌁𑌰𑍍𑌚॑𑌸𑌾॒ 𑌪𑌯॑𑌸𑌾॒ 𑌸𑌨𑍍𑌤॒𑌨𑍂𑌭𑌿॒𑌰𑌗॑𑌨𑍍𑌮𑌹𑌿॒ 𑌮𑌨॑𑌸𑌾॒ 𑌸𑌗𑍍​𑌮𑍍 𑌶𑌿॒𑌵𑍇𑌨॑ । 𑌤𑍍𑌵𑌷𑍍𑌟𑌾॑ 𑌨𑍋॒ 𑌅𑌤𑍍𑌰॒ 𑌵𑌿𑌦॑𑌧𑌾𑌤𑍁 𑌰𑌾॒𑌯𑍋-𑌽𑌨𑍁॑𑌮𑌾𑌰𑍍​𑌷𑍍𑌟𑍁 𑌤॒𑌨𑍍𑌵𑍋(1॒) 𑌯-𑌦𑍍𑌵𑌿𑌲𑌿॑𑌷𑍍𑌟𑌮𑍍 ॥ 4 ॥
(𑌕𑍃॒𑌤𑍍𑌯𑌾-𑌨𑍍𑌨𑌿𑌰𑍍-𑌋॑𑌤𑌿-𑌞𑍍𑌚॒ 𑌪𑌞𑍍𑌚॑ 𑌚) (𑌅. 4)

𑌅𑌨𑍁𑌵𑌾𑌕𑌂 5
𑌆𑌯𑍁॑𑌷𑍍𑌟𑍇 𑌵𑌿॒𑌶𑍍𑌵𑌤𑍋॑ 𑌦𑌧𑌦॒𑌯𑌮॒𑌗𑍍𑌨𑌿𑌰𑍍𑌵𑌰𑍇᳚𑌣𑍍𑌯𑌃 ।
𑌪𑍁𑌨॑𑌸𑍍𑌤𑍇 𑌪𑍍𑌰𑌾॒𑌣 𑌆𑌯𑌾॑𑌤𑌿॒ 𑌪𑌰𑌾॒ 𑌯𑌕𑍍𑌷𑍍𑌮𑌗𑍍​𑌮𑍍॑ 𑌸𑍁𑌵𑌾𑌮𑌿 𑌤𑍇 ॥
𑌆॒𑌯𑍁॒𑌰𑍍𑌦𑌾 𑌅॑𑌗𑍍𑌨𑍇 𑌹॒𑌵𑌿𑌷𑍋॑ 𑌜𑍁𑌷𑌾॒𑌣𑍋 𑌘𑍃॒𑌤𑌪𑍍𑌰॑𑌤𑍀𑌕𑍋 𑌘𑍃॒𑌤𑌯𑍋॑𑌨𑌿𑌰𑍇𑌧𑌿 । 𑌘𑍃॒𑌤-𑌮𑍍𑌪𑍀॒𑌤𑍍𑌵𑌾 𑌮𑌧𑍁॒ 𑌚𑌾𑌰𑍁॒ 𑌗𑌵𑍍𑌯॑-𑌮𑍍𑌪𑌿॒𑌤𑍇𑌵॑ 𑌪𑍁॒𑌤𑍍𑌰𑌮॒𑌭𑌿 𑌰॑𑌕𑍍𑌷𑌤𑌾𑌦𑌿॒𑌮𑌮𑍍 ॥
𑌇॒𑌮𑌮॑𑌗𑍍𑌨॒ 𑌆𑌯𑍁॑𑌷𑍇॒ 𑌵𑌰𑍍𑌚॑𑌸𑍇 𑌕𑍃𑌧𑌿 𑌤𑌿॒𑌗𑍍𑌮𑌮𑍋𑌜𑍋॑ 𑌵𑌰𑍁𑌣॒ 𑌸𑌗𑍍​𑌮𑍍𑌶𑌿॑𑌶𑌾𑌧𑌿 । 𑌮𑌾॒𑌤𑍇𑌵𑌾᳚𑌸𑍍𑌮𑌾 𑌅𑌦𑌿𑌤𑍇॒ 𑌶𑌰𑍍𑌮॑ 𑌯𑌚𑍍𑌛॒ 𑌵𑌿𑌶𑍍𑌵𑍇॑ 𑌦𑍇𑌵𑌾॒ 𑌜𑌰॑𑌦𑌷𑍍𑌟𑌿॒-𑌰𑍍𑌯𑌥𑌾-𑌽𑌸॑𑌤𑍍 ॥
𑌅𑌗𑍍𑌨॒ 𑌆𑌯𑍂𑌗𑍍​𑌮𑍍॑𑌷𑌿 𑌪𑌵𑌸॒ 𑌆𑌸𑍁॒𑌵𑍋𑌰𑍍𑌜॒𑌮𑌿𑌷॑-𑌞𑍍𑌚 𑌨𑌃 ।
𑌆॒𑌰𑍇 𑌬𑌾॑𑌧𑌸𑍍𑌵 𑌦𑍁॒𑌚𑍍𑌛𑍁𑌨𑌾᳚𑌮𑍍 ॥ 𑌅𑌗𑍍𑌨𑍇॒ 𑌪𑌵॑𑌸𑍍𑌵॒ 𑌸𑍍𑌵𑌪𑌾॑ 𑌅॒𑌸𑍍𑌮𑍇 𑌵𑌰𑍍𑌚॑-𑌸𑍍𑌸𑍁॒𑌵𑍀𑌰𑍍𑌯᳚𑌮𑍍 । 𑌦𑌧॑-𑌦𑍍𑌰॒𑌯𑌿-𑌮𑍍𑌮𑌯𑌿॒ 𑌪𑍋𑌷᳚𑌮𑍍 ॥ 5.1𑌅 ॥
𑌅॒𑌗𑍍𑌨𑌿𑌰𑍍-𑌋𑌷𑌿𑌃॒ 𑌪𑌵॑𑌮𑌾𑌨𑌃॒ 𑌪𑌾𑌞𑍍𑌚॑𑌜𑌨𑍍𑌯𑌃 𑌪𑍁॒𑌰𑍋𑌹𑌿॑𑌤𑌃 । 𑌤𑌮𑍀॑𑌮𑌹𑍇 𑌮𑌹𑌾𑌗॒𑌯𑌮𑍍 ॥ 𑌅𑌗𑍍𑌨𑍇॑ 𑌜𑌾॒𑌤𑌾-𑌨𑍍𑌪𑍍𑌰𑌣𑍁॑𑌦𑌾 𑌨-𑌸𑍍𑌸॒𑌪𑌤𑍍𑌨𑌾॒-𑌨𑍍𑌪𑍍𑌰𑌤𑍍𑌯𑌜𑌾॑𑌤𑌾𑌞𑍍𑌜𑌾𑌤𑌵𑍇𑌦𑍋 𑌨𑍁𑌦𑌸𑍍𑌵 ।
𑌅॒𑌸𑍍𑌮𑍇 𑌦𑍀॑𑌦𑌿𑌹𑌿 𑌸𑍁॒𑌮𑌨𑌾॒ 𑌅𑌹𑍇॑𑌡॒𑌞𑍍𑌛𑌰𑍍𑌮॑𑌨𑍍𑌤𑍇 (𑌅𑌹𑍇॑𑌳॒𑌞𑍍𑌛𑌰𑍍𑌮॑𑌨𑍍𑌤𑍇) 𑌸𑍍𑌯𑌾𑌮 𑌤𑍍𑌰𑌿॒𑌵𑌰𑍂॑𑌥 𑌉॒𑌦𑍍𑌭𑍌 ॥
𑌸𑌹॑𑌸𑌾 𑌜𑌾॒𑌤𑌾-𑌨𑍍𑌪𑍍𑌰𑌣𑍁॑𑌦𑌾 𑌨-𑌸𑍍𑌸॒𑌪𑌤𑍍𑌨𑌾॒-𑌨𑍍𑌪𑍍𑌰𑌤𑍍𑌯𑌜𑌾॑𑌤𑌾𑌞𑍍𑌜𑌾𑌤𑌵𑍇𑌦𑍋 𑌨𑍁𑌦𑌸𑍍𑌵 । 𑌅𑌧𑌿॑ 𑌨𑍋 𑌬𑍍𑌰𑍂𑌹𑌿 𑌸𑍁𑌮𑌨॒𑌸𑍍𑌯𑌮𑌾॑𑌨𑍋 𑌵॒𑌯𑌗𑍍𑌗𑍍​ 𑌸𑍍𑌯𑌾॑𑌮॒ 𑌪𑍍𑌰𑌣𑍁॑𑌦𑌾 𑌨-𑌸𑍍𑌸॒𑌪𑌤𑍍𑌨𑌾𑌨𑍍॑ ॥ 𑌅𑌗𑍍𑌨𑍇॒ 𑌯𑍋 𑌨𑍋॒-𑌽𑌭𑌿𑌤𑍋॒ 𑌜𑌨𑍋॒ 𑌵𑍃𑌕𑍋॒ 𑌵𑌾𑌰𑍋॒ 𑌜𑌿𑌘𑌾𑌗𑍍​𑌮𑍍॑𑌸𑌤𑌿 । 𑌤𑌾𑌗𑍍​𑌸𑍍𑌤𑍍𑌵𑌂-𑌵𑍃𑌁॑𑌤𑍍𑌰𑌹𑌞𑍍𑌜𑌹𑌿॒ 𑌵𑌸𑍍𑌵॒𑌸𑍍𑌮𑌭𑍍𑌯॒𑌮𑌾 𑌭॑𑌰 ॥ 𑌅𑌗𑍍𑌨𑍇॒ 𑌯𑍋 𑌨𑍋॑-𑌽𑌭𑌿॒𑌦𑌾𑌸॑𑌤𑌿 𑌸𑌮𑌾॒𑌨𑍋 𑌯𑌶𑍍𑌚॒ 𑌨𑌿𑌷𑍍𑌟𑍍𑌯𑌃॑ । 𑌤𑌂-𑌵𑌁॒𑌯𑌗𑍍​𑌮𑍍 𑌸॒𑌮𑌿𑌧॑-𑌙𑍍𑌕𑍃॒𑌤𑍍𑌵𑌾 𑌤𑍁𑌭𑍍𑌯॑𑌮॒𑌗𑍍𑌨𑍇-𑌽𑌪𑌿॑𑌦𑌦𑍍𑌧𑍍𑌮𑌸𑌿 ॥ 5.1𑌬𑍍 ॥

𑌯𑍋 𑌨॒-𑌶𑍍𑌶𑌪𑌾॒𑌦𑌶॑𑌪𑌤𑍋॒ 𑌯𑌶𑍍𑌚॑ 𑌨॒-𑌶𑍍𑌶𑌪॑𑌤॒-𑌶𑍍𑌶𑌪𑌾᳚𑌤𑍍 ।
𑌉॒𑌷𑌾𑌶𑍍𑌚॒ 𑌤𑌸𑍍𑌮𑍈॑ 𑌨𑌿॒𑌮𑍍𑌰𑍁𑌕𑍍𑌚॒ 𑌸𑌰𑍍𑌵॑-𑌮𑍍𑌪𑌾॒𑌪𑌗𑍍​𑌮𑍍 𑌸𑌮𑍂॑𑌹𑌤𑌾𑌮𑍍 ॥
𑌯𑍋 𑌨॑-𑌸𑍍𑌸॒𑌪𑌤𑍍𑌨𑍋॒ 𑌯𑍋 𑌰𑌣𑍋॒ 𑌮𑌰𑍍𑌤𑍋॑-𑌽𑌭𑌿॒𑌦𑌾𑌸॑𑌤𑌿 𑌦𑍇𑌵𑌾𑌃 ।
𑌇॒𑌦𑍍𑌧𑍍𑌮𑌸𑍍𑌯𑍇॑𑌵 𑌪𑍍𑌰॒𑌕𑍍𑌷𑌾𑌯॑𑌤𑍋॒ 𑌮𑌾 𑌤𑌸𑍍𑌯𑍋𑌚𑍍𑌛𑍇॑𑌷𑌿॒ 𑌕𑌿𑌞𑍍𑌚॒𑌨 ॥ 𑌯𑍋 𑌮𑌾𑌨𑍍𑌦𑍍𑌵𑍇𑌷𑍍𑌟𑌿॑ 𑌜𑌾𑌤𑌵𑍇𑌦𑍋॒ 𑌯-𑌞𑍍𑌚𑌾॒𑌹-𑌨𑍍𑌦𑍍𑌵𑍇𑌷𑍍𑌮𑌿॒ 𑌯𑌶𑍍𑌚॒ 𑌮𑌾𑌮𑍍 । 𑌸𑌰𑍍𑌵𑌾॒𑌗𑍍॒𑌸𑍍𑌤𑌾𑌨॑𑌗𑍍𑌨𑍇॒ 𑌸𑌨𑍍𑌦॑𑌹॒ 𑌯𑌾𑌗𑍍​𑌶𑍍𑌚𑌾॒𑌹-𑌨𑍍𑌦𑍍𑌵𑍇𑌷𑍍𑌮𑌿॒ 𑌯𑍇 𑌚॒ 𑌮𑌾𑌮𑍍 ॥ 𑌯𑍋 𑌅॒𑌸𑍍𑌮𑌭𑍍𑌯॑𑌮𑌰𑌾𑌤𑍀॒𑌯𑌾-𑌦𑍍𑌯𑌶𑍍𑌚॑ 𑌨𑍋॒ 𑌦𑍍𑌵𑍇𑌷॑𑌤𑍇॒ 𑌜𑌨𑌃॑ । 𑌨𑌿𑌨𑍍𑌦𑌾॒𑌦𑍍𑌯𑍋 𑌅॒𑌸𑍍𑌮𑌾-𑌨𑍍𑌦𑌿𑌫𑍍𑌸𑌾᳚𑌚𑍍𑌚॒ 𑌸𑌰𑍍𑌵𑌾॒𑌗𑍍॒𑌸𑍍𑌤𑌾𑌨𑍍𑌮॑𑌷𑍍𑌮॒𑌷𑌾 𑌕𑍁॑𑌰𑍁 ॥
𑌸𑌗𑍍​𑌮𑍍𑌶𑌿॑𑌤-𑌮𑍍𑌮𑍇॒ 𑌬𑍍𑌰𑌹𑍍𑌮॒ 𑌸𑌗𑍍​𑌮𑍍𑌶𑌿॑𑌤𑌂-𑌵𑍀𑌁॒𑌰𑍍𑌯𑌾𑌮𑍍 (1॒) 𑌬𑌲᳚𑌮𑍍 । 𑌸𑌗𑍍​𑌮𑍍𑌶𑌿॑𑌤-𑌙𑍍𑌕𑍍𑌷॒𑌤𑍍𑌰-𑌮𑍍𑌮𑍇॑ 𑌜𑌿॒𑌷𑍍𑌣𑍁 𑌯𑌸𑍍𑌯𑌾॒𑌹𑌮𑌸𑍍𑌮𑌿॑ 𑌪𑍁॒𑌰𑍋𑌹𑌿॑𑌤𑌃 ॥
𑌉𑌦𑍇॑𑌷𑌾-𑌮𑍍𑌬𑌾॒𑌹𑍂 𑌅॑𑌤𑌿𑌰॒𑌮𑍁-𑌦𑍍𑌵𑌰𑍍𑌚𑍋॒ 𑌅𑌥𑍋॒ 𑌬𑌲᳚𑌮𑍍 ।
𑌕𑍍𑌷𑌿॒𑌣𑍋𑌮𑌿॒ 𑌬𑍍𑌰𑌹𑍍𑌮॑𑌣𑌾॒-𑌽𑌮𑌿𑌤𑍍𑌰𑌾॒𑌨𑍁𑌨𑍍𑌨॑𑌯𑌾𑌮𑌿॒ 𑌸𑍍𑌵𑌾𑌁(2) 𑌅॒𑌹𑌮𑍍 ॥ 𑌪𑍁𑌨॒𑌰𑍍𑌮𑌨𑌃॒ 𑌪𑍁𑌨॒𑌰𑌾𑌯𑍁॑𑌰𑍍𑌮॒ 𑌆𑌗𑌾॒-𑌤𑍍𑌪𑍁𑌨॒𑌶𑍍𑌚𑌕𑍍𑌷𑍁𑌃॒ 𑌪𑍁𑌨॒-𑌶𑍍𑌶𑍍𑌰𑍋𑌤𑍍𑌰॑-𑌮𑍍𑌮॒ 𑌆𑌗𑌾॒𑌤𑍍
𑌪𑍁𑌨𑌃॑ 𑌪𑍍𑌰𑌾॒𑌣𑌃 𑌪𑍁𑌨॒𑌰𑌾𑌧𑍀॑𑌤-𑌮𑍍𑌮॒ 𑌆𑌗𑌾᳚𑌤𑍍 ।
𑌵𑍈॒𑌶𑍍𑌵𑌾॒𑌨॒𑌰𑍋 𑌮𑍇-𑌽𑌦॑𑌬𑍍𑌧𑌸𑍍𑌤𑌨𑍂॒𑌪𑌾 𑌅𑌵॑𑌬𑌾𑌧𑌤𑌾-𑌨𑍍𑌦𑍁𑌰𑌿॒𑌤𑌾𑌨𑌿॒ 𑌵𑌿𑌶𑍍𑌵𑌾᳚ ॥ 5.1𑌚𑍍 ॥
(𑌪𑍋𑌷𑌂॑ - 𑌦𑌦𑍍𑌧𑍍𑌮𑌸𑌿 - 𑌪𑍁॒𑌰𑍋𑌹𑌿॑𑌤𑌶𑍍𑌚॒𑌤𑍍𑌵𑌾𑌰𑌿॑ 𑌚) (𑌅. 5)

𑌅𑌨𑍁𑌵𑌾𑌕𑌂 6
𑌵𑍈॒𑌶𑍍𑌵𑌾॒𑌨॒𑌰𑌾𑌯॒ 𑌪𑍍𑌰𑌤𑌿॑𑌵𑍇𑌦𑌯𑌾𑌮𑍋॒ 𑌯𑌦𑍀॑𑌨𑍃॒𑌣𑌗𑍍​𑌮𑍍 𑌸॑𑌙𑍍𑌗॒𑌰𑍋 𑌦𑍇॒𑌵𑌤𑌾॑𑌸𑍁 । 𑌸 𑌏॒𑌤𑌾-𑌨𑍍𑌪𑌾𑌶𑌾᳚-𑌨𑍍𑌪𑍍𑌰॒𑌮𑍁𑌚॒-𑌨𑍍𑌪𑍍𑌰𑌵𑍇॑𑌦॒ 𑌸 𑌨𑍋॑ 𑌮𑍁𑌞𑍍𑌚𑌾𑌤𑍁 𑌦𑍁𑌰𑌿॒𑌤𑌾𑌦𑌵॒𑌦𑍍𑌯𑌾𑌤𑍍 ॥
𑌵𑍈॒𑌶𑍍𑌵𑌾॒𑌨॒𑌰𑌃 𑌪𑌵॑𑌯𑌾𑌨𑍍𑌨𑌃 𑌪॒𑌵𑌿𑌤𑍍𑌰𑍈॒𑌰𑍍𑌯-𑌥𑍍𑌸॑𑌙𑍍𑌗॒𑌰-𑌮॒𑌭𑌿𑌧𑌾𑌵𑌾᳚𑌮𑍍𑌯𑌾॒𑌶𑌾𑌮𑍍 । 𑌅𑌨𑌾॑𑌜𑌾𑌨॒-𑌨𑍍𑌮𑌨॑𑌸𑌾॒ 𑌯𑌾𑌚॑𑌮𑌾𑌨𑍋॒ 𑌯𑌦𑌤𑍍𑌰𑍈𑌨𑍋॒ 𑌅𑌵॒ 𑌤-𑌥𑍍𑌸𑍁॑𑌵𑌾𑌮𑌿 ॥
𑌅॒𑌮𑍀 𑌯𑍇 𑌸𑍁॒𑌭𑌗𑍇॑ 𑌦𑌿॒𑌵𑌿 𑌵𑌿॒𑌚𑍃𑌤𑍌॒ 𑌨𑌾𑌮॒ 𑌤𑌾𑌰॑𑌕𑍇 ।
𑌪𑍍𑌰𑍇𑌹𑌾𑌮𑍃𑌤॑𑌸𑍍𑌯 𑌯𑌚𑍍𑌛𑌤𑌾-𑌮𑍇॒𑌤-𑌦𑍍𑌬॑𑌦𑍍𑌧𑌕॒𑌮𑍋𑌚॑𑌨𑌮𑍍 ॥
𑌵𑌿𑌜𑌿॑𑌹𑍀𑌰𑍍​𑌷𑍍𑌵 𑌲𑍋॒𑌕𑌾𑌨𑍍 𑌕𑍃॑𑌧𑌿 𑌬॒𑌨𑍍𑌧𑌾-𑌨𑍍𑌮𑍁॑𑌞𑍍𑌚𑌾𑌸𑌿॒ 𑌬𑌦𑍍𑌧॑𑌕𑌮𑍍 । 𑌯𑍋𑌨𑍇॑𑌰𑌿𑌵॒ 𑌪𑍍𑌰𑌚𑍍𑌯𑍁॑𑌤𑍋॒ 𑌗𑌰𑍍𑌭॒-𑌸𑍍𑌸𑌰𑍍𑌵𑌾᳚-𑌨𑍍𑌪॒𑌥𑍋 𑌅॑𑌨𑍁𑌷𑍍𑌵 ॥
𑌸 𑌪𑍍𑌰॑𑌜𑌾॒𑌨-𑌨𑍍𑌪𑍍𑌰𑌤𑌿॑𑌗𑍃𑌭𑍍𑌣𑍀𑌤 𑌵𑌿॒𑌦𑍍𑌵𑌾-𑌨𑍍𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰𑌥𑌮॒𑌜𑌾 𑌋॒𑌤𑌸𑍍𑌯॑ । 𑌅॒𑌸𑍍𑌮𑌾𑌭𑌿॑𑌰𑍍𑌦॒𑌤𑍍𑌤-𑌞𑍍𑌜॒𑌰𑌸𑌃॑ 𑌪॒𑌰𑌸𑍍𑌤𑌾॒𑌦𑌚𑍍𑌛𑌿॑𑌨𑍍𑌨॒-𑌨𑍍𑌤𑌨𑍍𑌤𑍁॑𑌮𑌨𑍁॒ 𑌸𑌞𑍍𑌚॑𑌰𑍇𑌮 ॥ 6.1𑌅 ॥

𑌤॒𑌤-𑌨𑍍𑌤𑌨𑍍𑌤𑍁॒𑌮𑌨𑍍𑌵𑍇𑌕𑍇॒ 𑌅𑌨𑍁॒ 𑌸𑌞𑍍𑌚॑𑌰𑌨𑍍𑌤𑌿॒ 𑌯𑍇𑌷𑌾᳚-𑌨𑍍𑌦॒𑌤𑍍𑌤-𑌮𑍍𑌪𑌿𑌤𑍍𑌰𑍍𑌯॒𑌮𑌾𑌯॑𑌨𑌵𑌤𑍍 । 𑌅॒𑌬॒𑌨𑍍𑌧𑍍𑌵𑍇𑌕𑍇॒ 𑌦𑌦॑𑌤𑌃 𑌪𑍍𑌰॒𑌯𑌚𑍍𑌛𑌾॒-𑌦𑍍𑌦𑌾𑌤𑍁॒𑌚𑍍𑌚𑍇-𑌚𑍍𑌛॒𑌕𑍍𑌨𑌵𑌾॒𑌗𑍍​𑌮𑍍॒ 𑌸-𑌸𑍍𑌸𑍍𑌵॒𑌰𑍍𑌗 𑌏॑𑌷𑌾𑌮𑍍 ॥
𑌆𑌰॑𑌭𑍇𑌥𑌾॒𑌮𑌨𑍁॒ 𑌸𑌗𑍍​𑌮𑍍𑌰॑𑌭𑍇𑌥𑌾𑌗𑍍​𑌮𑍍 𑌸𑌮𑌾॒𑌨-𑌮𑍍𑌪𑌨𑍍𑌥𑌾॑𑌮𑌵𑌥𑍋 𑌘𑍃॒𑌤𑍇𑌨॑ । 𑌯𑌦𑍍𑌵𑌾᳚-𑌮𑍍𑌪𑍂॒𑌰𑍍𑌤-𑌮𑍍𑌪𑌰𑌿॑𑌵𑌿𑌷𑍍𑌟𑌂॒-𑌯𑌁𑌦॒𑌗𑍍𑌨𑍌 𑌤𑌸𑍍𑌮𑍈॒ 𑌗𑍋𑌤𑍍𑌰𑌾॑𑌯𑍇॒𑌹 𑌜𑌾𑌯𑌾॑𑌪𑌤𑍀॒ 𑌸𑌗𑍍​𑌮𑍍𑌰॑𑌭𑍇𑌥𑌾𑌮𑍍 ॥ 𑌯𑌦॒𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍃𑌥𑌿॒𑌵𑍀𑌮𑍁॒𑌤 𑌦𑍍𑌯𑌾𑌂-𑌯𑌁𑌨𑍍𑌮𑌾॒𑌤𑌰॑-𑌮𑍍𑌪𑌿॒𑌤𑌰𑌂॑-𑌵𑌾𑌁 𑌜𑌿𑌹𑌿𑌗𑍍​𑌮𑍍𑌸𑌿॒𑌮 ।
𑌅॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॒𑌦𑍇𑌨॑𑌸𑍋॒ 𑌗𑌾𑌰𑍍​𑌹॑𑌪𑌤𑍍𑌯॒ 𑌉𑌨𑍍𑌨𑍋॑ 𑌨𑍇𑌷-𑌦𑍍𑌦𑍁𑌰𑌿॒𑌤𑌾 𑌯𑌾𑌨𑌿॑ 𑌚𑌕𑍃॒𑌮 ॥ 𑌭𑍂𑌮𑌿॑𑌰𑍍𑌮𑌾॒𑌤𑌾-𑌽𑌦𑌿॑𑌤𑌿𑌰𑍍𑌨𑍋 𑌜॒𑌨𑌿𑌤𑍍𑌰॒-𑌮𑍍𑌭𑍍𑌰𑌾𑌤𑌾॒𑌨𑍍𑌤𑌰𑌿॑𑌕𑍍𑌷-𑌮॒𑌭𑌿𑌶॑𑌸𑍍𑌤 𑌏𑌨𑌃 ।
𑌦𑍍𑌯𑍌𑌰𑍍𑌨𑌃॑ 𑌪𑌿॒𑌤𑌾 𑌪𑌿॑𑌤𑍃॒𑌯𑌾𑌚𑍍𑌛-𑌮𑍍𑌭॑𑌵𑌾𑌸𑌿 𑌜𑌾॒𑌮𑌿 𑌮𑌿॒𑌤𑍍𑌵𑌾 𑌮𑌾 𑌵𑌿॑𑌵𑌿𑌥𑍍𑌸𑌿 𑌲𑍋॒𑌕𑌾𑌤𑍍 ॥ 𑌯𑌤𑍍𑌰॑ 𑌸𑍁॒𑌹𑌾𑌰𑍍𑌦॑-𑌸𑍍𑌸𑍁॒𑌕𑍃𑌤𑍋॒ 𑌮𑌦॑𑌨𑍍𑌤𑍇 𑌵𑌿॒𑌹𑌾𑌯॒ 𑌰𑍋𑌗॑-𑌨𑍍𑌤॒𑌨𑍍𑌵𑌾(1)॒𑌗𑍍𑌗𑍍॒ 𑌸𑍍𑌵𑌾𑌯𑌾᳚𑌮𑍍 ।
𑌅॒𑌶𑍍𑌲𑍋॒𑌣𑌾𑌙𑍍𑌗𑍈॒𑌰𑌹𑍍𑌰𑍁॑𑌤𑌾-𑌸𑍍𑌸𑍍𑌵॒𑌰𑍍𑌗𑍇 𑌤𑌤𑍍𑌰॑ 𑌪𑌶𑍍𑌯𑍇𑌮 𑌪𑌿॒𑌤𑌰॑-𑌞𑍍𑌚 𑌪𑍁॒𑌤𑍍𑌰𑌮𑍍 ॥ 𑌯𑌦𑌨𑍍𑌨॒𑌮𑌦𑍍𑌮𑍍𑌯𑌨𑍃॑𑌤𑍇𑌨 𑌦𑍇𑌵𑌾 𑌦𑌾॒𑌸𑍍𑌯𑌨𑍍𑌨𑌦𑌾᳚𑌸𑍍𑌯𑌨𑍍𑌨𑍁॒𑌤 𑌵𑌾॑ 𑌕𑌰𑌿॒𑌷𑍍𑌯𑌨𑍍𑌨𑍍 ।
𑌯-𑌦𑍍𑌦𑍇॒𑌵𑌾𑌨𑌾॒-𑌞𑍍𑌚𑌕𑍍𑌷𑍁॒𑌷𑍍𑌯𑌾𑌗𑍋॒ 𑌅𑌸𑍍𑌤𑌿॒ 𑌯𑌦𑍇॒𑌵 𑌕𑌿𑌞𑍍𑌚॑ 𑌪𑍍𑌰𑌤𑌿𑌜𑌗𑍍𑌰𑌾॒𑌹𑌮॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॑𑌦𑌨𑍃॒𑌣-𑌙𑍍𑌕𑍃॑𑌣𑍋𑌤𑍁 ॥
𑌯𑌦𑌨𑍍𑌨॒𑌮𑌦𑍍𑌮𑌿॑ 𑌬𑌹𑍁॒𑌧𑌾 𑌵𑌿𑌰𑍂॑𑌪𑌂॒-𑌵𑌾𑌁𑌸𑍋॒ 𑌹𑌿𑌰॑𑌣𑍍𑌯𑌮𑍁॒𑌤 𑌗𑌾𑌮॒𑌜𑌾𑌮𑌵𑌿᳚𑌮𑍍 ।
𑌯-𑌦𑍍𑌦𑍇॒𑌵𑌾𑌨𑌾॒-𑌞𑍍𑌚𑌕𑍍𑌷𑍁॒𑌷𑍍𑌯𑌾𑌗𑍋॒ 𑌅𑌸𑍍𑌤𑌿॒ 𑌯𑌦𑍇॒𑌵 𑌕𑌿𑌞𑍍𑌚॑ 𑌪𑍍𑌰𑌤𑌿𑌜𑌗𑍍𑌰𑌾॒𑌹𑌮॒𑌗𑍍𑌨𑌿𑌰𑍍𑌮𑌾॒ 𑌤𑌸𑍍𑌮𑌾॑𑌦𑌨𑍃॒𑌣-𑌙𑍍𑌕𑍃॑𑌣𑍋𑌤𑍁 ॥
𑌯॒𑌨𑍍𑌮𑌯𑌾॑ 𑌮𑌨॑𑌸𑌾 𑌵𑌾॒𑌚𑌾॒ 𑌕𑍃॒𑌤॒𑌮𑍇𑌨𑌃॑ 𑌕𑌦𑌾॒𑌚𑌨 ।
𑌸𑌰𑍍𑌵𑌸𑍍𑌮𑌾᳚-𑌨𑍍𑌮𑍇𑌡𑌿॑𑌤𑍋 (𑌮𑍇𑌳॑𑌤𑌾) 𑌮𑍋॒𑌗𑍍𑌧𑌿॒ 𑌤𑍍𑌵𑌗𑍍​𑌮𑍍 𑌹𑌿
𑌵𑍇𑌤𑍍𑌥॑ 𑌯𑌥𑌾𑌤॒𑌥𑌮𑍍 ॥ 6.1𑌬𑍍 ॥
(𑌚॒𑌰𑍇॒𑌮॒ - 𑌪𑍁॒𑌤𑍍𑌰𑌗𑍍​𑌮𑍍 𑌷𑌟𑍍𑌚॑) (𑌅. 6)

𑌅𑌨𑍁𑌵𑌾𑌕𑌂 𑍭
𑌵𑌾𑌤॑𑌰𑌶𑌨𑌾 𑌹॒ 𑌵𑌾 𑌋𑌷॑𑌯-𑌶𑍍𑌶𑍍𑌰𑌮॒𑌣𑌾 𑌊॒𑌰𑍍𑌧𑍍𑌵𑌮॑𑌨𑍍𑌥𑌿॒𑌨𑍋 𑌬॑𑌭𑍂𑌵𑍁॒𑌸𑍍𑌤𑌾-𑌨𑍃𑌷॑𑌯𑍋॒-𑌽𑌰𑍍𑌥-𑌮𑌾॑𑌯॒𑌗𑍍𑌗𑍍॒𑌸𑍍𑌤𑍇 𑌨𑌿॒𑌲𑌾𑌯॑-𑌮𑌚𑌰॒𑌗𑍍𑌗𑍍॒𑌸𑍍𑌤𑍇-𑌽𑌨𑍁॑𑌪𑍍𑌰𑌵𑌿𑌶𑍁𑌃 𑌕𑍂𑌶𑍍𑌮𑌾॒𑌣𑍍𑌡𑌾𑌨𑌿॒ 𑌤𑌾𑌗𑍍​-𑌸𑍍𑌤𑍇𑌷𑍍𑌵𑌨𑍍𑌵॑𑌵𑌿𑌨𑍍𑌦-𑌞𑍍𑌛𑍍𑌰॒𑌦𑍍𑌧𑌯𑌾॑ 𑌚॒ 𑌤𑌪॑𑌸𑌾 𑌚॒ , 𑌤𑌾𑌨𑍃𑌷॑𑌯𑍋-𑌽𑌬𑍍𑌰𑍁𑌵𑌨𑍍 𑌕॒𑌥𑌾 𑌨𑌿॒𑌲𑌾𑌯॑-𑌞𑍍𑌚𑌰॒𑌥𑍇𑌤𑌿॒ 𑌤 𑌋𑌷𑍀॑𑌨𑌬𑍍𑌰𑍁𑌵॒𑌨𑍍𑌨𑌮𑍋॑ 𑌵𑍋-𑌽𑌸𑍍𑌤𑍁 𑌭𑌗𑌵𑌨𑍍𑌤𑍋॒-𑌽𑌸𑍍𑌮𑌿-𑌨𑍍𑌧𑌾᳚𑌮𑍍𑌨𑌿॒ 𑌕𑍇𑌨॑ 𑌵-𑌸𑍍𑌸𑌪𑌰𑍍𑌯𑌾॒𑌮𑍇𑌤𑌿॒ 𑌤𑌾𑌨𑍃𑌷॑𑌯𑍋-𑌽𑌬𑍍𑌰𑍁𑌵-𑌨𑍍𑌪॒𑌵𑌿𑌤𑍍𑌰॑-𑌨𑍍𑌨𑍋 𑌬𑍍𑌰𑍂𑌤॒ 𑌯𑍇𑌨𑌾॑𑌰𑍇॒𑌪𑌸॑-𑌸𑍍𑌸𑍍𑌯𑌾॒𑌮𑍇𑌤𑌿॒ 𑌤 𑌏॒𑌤𑌾𑌨𑌿॑ 𑌸𑍂॒𑌕𑍍𑌤𑌾𑌨𑍍𑌯॑𑌪𑌶𑍍𑌯॒𑌨𑍍॒. ,
𑌯-𑌦𑍍𑌦𑍇॑𑌵𑌾 𑌦𑍇𑌵॒𑌹𑍇𑌡॑𑌨𑌂॒ (𑌦𑍇𑌵॒𑌹𑍇𑌳॑𑌨𑌂॒) 𑌁𑌯𑌦𑌦𑍀᳚𑌵𑍍𑌯𑌨𑍍𑌨𑍃॒𑌣𑌮॒𑌹-𑌮𑍍𑌬॒𑌭𑍂𑌵𑌾𑌯𑍁॑𑌷𑍍𑌟𑍇 𑌵𑌿॒𑌶𑍍𑌵𑌤𑍋॑
𑌦𑌧॒𑌦𑌿𑌤𑍍𑌯𑍇॒𑌤𑍈𑌰𑌾𑌜𑍍𑌯॑-𑌞𑍍𑌜𑍁𑌹𑍁𑌤 𑌵𑍈𑌶𑍍𑌵𑌾𑌨॒𑌰𑌾𑌯॒ 𑌪𑍍𑌰𑌤𑌿॑𑌵𑍇𑌦𑌯𑌾𑌮॒ 𑌇𑌤𑍍𑌯𑍁𑌪॑𑌤𑌿𑌷𑍍𑌠𑌤॒ 𑌯𑌦॑𑌰𑍍𑌵𑌾॒𑌚𑍀𑌨॒𑌮𑍇𑌨𑍋᳚ 𑌭𑍍𑌰𑍂𑌣𑌹॒𑌤𑍍𑌯𑌾𑌯𑌾॒𑌸𑍍𑌤𑌸𑍍𑌮𑌾᳚-𑌨𑍍𑌮𑍋𑌕𑍍𑌷𑍍𑌯𑌦𑍍𑌧𑍍𑌵॒ 𑌇𑌤𑌿॒ ,𑌤 𑌏॒𑌤𑍈𑌰॑𑌜𑍁𑌹𑌵𑍁॒𑌸𑍍𑌤𑍇-𑌽𑌰𑍇॒𑌪𑌸𑍋॑-𑌽𑌭𑌵𑌨𑍍 𑌕𑌰𑍍𑌮𑌾॒𑌦𑌿𑌷𑍍𑌵𑍇॒𑌤𑍈-𑌰𑍍𑌜𑍁॑𑌹𑍁𑌯𑌾-𑌤𑍍𑌪𑍂॒𑌤𑍋 𑌦𑍇॑𑌵𑌲𑍋॒𑌕𑌾-𑌨𑍍𑌥𑍍𑌸𑌮॑𑌶𑍍𑌨𑍁𑌤𑍇 ॥ 𑍭 ॥

𑌅𑌨𑍁𑌵𑌾𑌕𑌂 𑍮
𑌕𑍂॒𑌶𑍍𑌮𑌾॒𑌣𑍍𑌡𑍈-𑌰𑍍𑌜𑍁॑𑌹𑍁𑌯𑌾॒-𑌦𑍍𑌯𑍋-𑌽𑌪𑍂॑𑌤 𑌇𑌵॒ 𑌮𑌨𑍍𑌯𑍇॑𑌤॒ 𑌯𑌥𑌾᳚ 𑌸𑍍𑌤𑍇॒𑌨𑍋 𑌯𑌥𑌾᳚ 𑌭𑍍𑌰𑍂𑌣॒𑌹𑍈𑌵𑌮𑍇॒𑌷 𑌭॑𑌵𑌤𑌿॒ 𑌯𑍋-𑌽𑌯𑍋𑌨𑍌॒ 𑌰𑍇𑌤॑-𑌸𑍍𑌸𑌿॒𑌞𑍍𑌚𑌤𑌿॒, 𑌯𑌦॑𑌰𑍍𑌵𑌾॒𑌚𑍀𑌨॒𑌮𑍇𑌨𑍋᳚ 𑌭𑍍𑌰𑍂𑌣𑌹॒𑌤𑍍𑌯𑌾𑌯𑌾॒𑌸𑍍𑌤𑌸𑍍𑌮𑌾᳚-𑌨𑍍𑌮𑍁𑌚𑍍𑌯𑌤𑍇॒ 𑌯𑌾𑌵॒𑌦𑍇𑌨𑍋॑ 𑌦𑍀॒𑌕𑍍𑌷𑌾𑌮𑍁𑌪𑍈॑𑌤𑌿 𑌦𑍀𑌕𑍍𑌷𑌿॒𑌤 𑌏॒𑌤𑍈-𑌸𑍍𑌸॑𑌤॒𑌤𑌿 𑌜𑍁॑𑌹𑍋𑌤𑌿 𑌸𑌂​𑌵𑌁𑌥𑍍𑌸॒𑌰-𑌨𑍍𑌦𑍀᳚𑌕𑍍𑌷𑌿॒𑌤𑍋 𑌭॑𑌵𑌤𑌿 𑌸𑌂​𑌵𑌁𑌥𑍍𑌸॒𑌰𑌾𑌦𑍇॒𑌵𑌾𑌤𑍍𑌮𑌾𑌨॑-𑌮𑍍𑌪𑍁𑌨𑍀𑌤𑍇॒ 𑌮𑌾𑌸॑-𑌨𑍍𑌦𑍀𑌕𑍍𑌷𑌿॒𑌤𑍋 𑌭॑𑌵𑌤𑌿॒ 𑌯𑍋 𑌮𑌾𑌸॒-𑌸𑍍𑌸 𑌸𑌂​𑌵𑌁𑌥𑍍𑌸॒𑌰-𑌸𑍍𑌸𑌂॑​𑌵𑌁𑌥𑍍𑌸॒𑌰𑌾𑌦𑍇॒𑌵𑌾𑌤𑍍𑌮𑌾𑌨॑-𑌮𑍍𑌪𑍁𑌨𑍀𑌤𑍇॒ 𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿॒𑌗𑍍​𑌮𑍍॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤𑍋 𑌭॑𑌵𑌤𑌿॒ 𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿-𑌰𑌰𑍍𑌧𑌮𑌾॒𑌸𑌾-𑌸𑍍𑌸𑌂॑​𑌵𑌁𑌥𑍍𑌸॒𑌰-𑌸𑍍𑌸𑌂॑​𑌵𑌁𑌥𑍍𑌸॒𑌰𑌾𑌦𑍇॒𑌵𑌾𑌤𑍍𑌮𑌾𑌨॑-𑌮𑍍𑌪𑍁𑌨𑍀𑌤𑍇॒ 𑌦𑍍𑌵𑌾𑌦॑𑌶॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤𑍋 𑌭॑𑌵𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂​𑌵𑌁𑌥𑍍𑌸॒𑌰-𑌸𑍍𑌸𑌂॑​𑌵𑌁𑌥𑍍𑌸॒𑌰𑌾𑌦𑍇॒𑌵𑌾𑌤𑍍𑌮𑌾𑌨॑-𑌮𑍍𑌪𑍁𑌨𑍀𑌤𑍇॒ 𑌷𑌡𑍍𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤𑍋 𑌭॑𑌵𑌤𑌿॒ 𑌷𑌡𑍍𑌵𑌾 𑌋॒𑌤𑌵॑-𑌸𑍍𑌸𑌂​𑌵𑌁𑌥𑍍𑌸॒𑌰-𑌸𑍍𑌸𑌂॑​𑌵𑌁𑌥𑍍𑌸॒𑌰𑌾𑌦𑍇॒𑌵𑌾𑌤𑍍𑌮𑌾𑌨॑-𑌮𑍍𑌪𑍁𑌨𑍀𑌤𑍇 𑌤𑌿॒𑌸𑍍𑌰𑍋 𑌰𑌾𑌤𑍍𑌰𑍀᳚-𑌰𑍍𑌦𑍀𑌕𑍍𑌷𑌿॒𑌤𑍋 𑌭॑𑌵𑌤𑌿 𑌤𑍍𑌰𑌿॒𑌪𑌦𑌾॑ 𑌗𑌾𑌯॒𑌤𑍍𑌰𑍀 𑌗𑌾॑𑌯𑌤𑍍𑌰𑌿॒𑌯𑌾 𑌏॒𑌵𑌾𑌤𑍍𑌮𑌾𑌨॑-𑌮𑍍𑌪𑍁𑌨𑍀𑌤𑍇॒ 𑌨 𑌮𑌾॒𑌗𑍍​𑌮𑍍॒𑌸𑌮॑𑌶𑍍𑌞𑍀𑌯𑌾॒𑌨𑍍𑌨 𑌸𑍍𑌤𑍍𑌰𑌿𑌯॒𑌮𑍁𑌪𑍇॑𑌯𑌾॒𑌨𑍍𑌨𑍋𑌪𑌰𑍍𑌯𑌾॑𑌸𑍀𑌤॒ 𑌜𑍁𑌗𑍁॑𑌫𑍍𑌸𑍇॒𑌤𑌾𑌨𑍃॑𑌤𑌾॒𑌤𑍍𑌪𑌯𑍋᳚ 𑌬𑍍𑌰𑌾𑌹𑍍𑌮॒𑌣𑌸𑍍𑌯॑ 𑌵𑍍𑌰॒𑌤𑌂-𑌯𑌁॑𑌵𑌾॒𑌗𑍂 𑌰𑌾॑𑌜॒𑌨𑍍𑌯॑𑌸𑍍𑌯𑌾॒𑌮𑌿𑌕𑍍𑌷𑌾॒ 𑌵𑍈𑌶𑍍𑌯॒𑌸𑍍𑌯𑌾𑌥𑍋॑ 𑌸𑍌॒𑌮𑍍𑌯𑍇-𑌽𑌪𑍍𑌯॑𑌦𑍍𑌧𑍍𑌵॒𑌰 𑌏॒𑌤𑌦𑍍𑌵𑍍𑌰॒𑌤-𑌮𑍍𑌬𑍍𑌰𑍂॑𑌯𑌾॒-𑌦𑍍𑌯𑌦𑌿॒ 𑌮𑌨𑍍𑌯𑍇॑-𑌤𑍋𑌪॒𑌦𑌸𑍍𑌯𑌾॒𑌮𑍀𑌤𑍍𑌯𑍋॑𑌦॒𑌨-𑌨𑍍𑌧𑌾॒𑌨𑌾-𑌸𑍍𑌸𑌕𑍍𑌤𑍂᳚-𑌙𑍍𑌘𑍃॒𑌤𑌮𑌿𑌤𑍍𑌯𑌨𑍁॑𑌵𑍍𑌰𑌤𑌯𑍇𑌦𑌾॒𑌤𑍍𑌮𑌨𑍋-𑌽𑌨𑍁॑𑌪𑌦𑌾𑌸𑌾𑌯 ॥ 𑍮 ॥

𑌅𑌨𑍁𑌵𑌾𑌕𑌂 𑍯
𑌅॒𑌜𑌾𑌨𑍍. 𑌹॒ 𑌵𑍈 𑌪𑍃𑌶𑍍𑌞𑍀𑌗𑍍॑𑌸𑍍𑌤𑌪॒𑌸𑍍𑌯𑌮𑌾॑𑌨𑌾॒-𑌨𑍍𑌬𑍍𑌰𑌹𑍍𑌮॑ 𑌸𑍍𑌵𑌯॒𑌮𑍍𑌭𑍍𑌵॑𑌭𑍍𑌯𑌾𑌨॑𑌰𑍍​𑌷॒𑌤𑍍𑌤 𑌋𑌷॑𑌯𑍋-𑌽𑌭𑌵॒-𑌨𑍍𑌤𑌦𑍃𑌷𑍀॑𑌣𑌾-𑌮𑍃𑌷𑌿॒𑌤𑍍𑌵-𑌨𑍍𑌤𑌾-𑌨𑍍𑌦𑍇॒𑌵𑌤𑌾॒𑌮𑍁𑌪𑌾॑𑌤𑌿𑌷𑍍𑌠𑌨𑍍𑌤 𑌯॒𑌜𑍍𑌞𑌕𑌾॑𑌮𑌾॒𑌸𑍍𑌤 𑌏॒𑌤-𑌮𑍍𑌬𑍍𑌰॑𑌹𑍍𑌮𑌯॒𑌜𑍍𑌞-𑌮॑𑌪𑌶𑍍𑌯॒𑌨𑍍-𑌤𑌮𑌾-𑌽𑌹॑𑌰॒𑌨𑍍-𑌤𑍇𑌨𑌾॑𑌯𑌜𑌨𑍍𑌤॒ 𑌯𑌦𑍃॒𑌚𑍋-𑌽𑌦𑍍𑌧𑍍𑌯𑌗𑍀॑𑌷𑌤॒ 𑌤𑌾𑌃 𑌪𑌯॑ 𑌆𑌹𑍁𑌤𑌯𑍋 𑌦𑍇॒𑌵𑌾𑌨𑌾॑𑌮𑌭𑌵॒𑌨𑍍॒. 𑌯-𑌦𑍍𑌯𑌜𑍂𑌗𑍍​𑌮𑍍॑𑌷𑌿 𑌘𑍃॒𑌤𑌾𑌹𑍁॑𑌤𑌯𑍋॒ 𑌯-𑌥𑍍𑌸𑌾𑌮𑌾॑𑌨𑌿॒ 𑌸𑍋𑌮𑌾॑𑌹𑍁𑌤𑌯𑍋॒ 𑌯𑌦𑌥॑𑌰𑍍𑌵𑌾𑌙𑍍𑌗𑌿॒𑌰𑌸𑍋॒ 𑌮𑌦𑍍𑌧𑍍𑌵𑌾॑𑌹𑍁𑌤𑌯𑍋॒ 𑌯𑌦𑍍𑌬𑍍𑌰𑌾᳚𑌹𑍍𑌮॒𑌣𑌾𑌨𑍀॑𑌤𑌿𑌹𑌾॒𑌸𑌾𑌨𑍍-𑌪𑍁॑𑌰𑌾॒𑌣𑌾𑌨𑌿॒ 𑌕𑌲𑍍𑌪𑌾॒-𑌨𑍍𑌗𑌾𑌥𑌾॑ 𑌨𑌾𑌰𑌾𑌶॒𑌗𑍍​𑌮𑍍॒𑌸𑍀𑌰𑍍𑌮𑍇॑𑌦𑌾𑌹𑍁॒𑌤𑌯𑍋॑ 𑌦𑍇॒𑌵𑌾𑌨𑌾॑-𑌮𑌭𑌵॒𑌨𑍍𑌤𑌾𑌭𑌿𑌃॒, 𑌕𑍍𑌷𑍁𑌧॑-𑌮𑍍𑌪𑌾॒𑌪𑍍𑌮𑌾𑌨॒-𑌮𑌪𑌾᳚𑌘𑍍𑌨॒-𑌨𑍍𑌨𑌪॑𑌹𑌤𑌪𑌾𑌪𑍍𑌮𑌾𑌨𑍋 𑌦𑍇॒𑌵𑌾-𑌸𑍍𑌸𑍍𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒-𑌨𑍍𑌬𑍍𑌰𑌹𑍍𑌮॑𑌣॒-𑌸𑍍𑌸𑌾𑌯𑍁॑𑌜𑍍𑌯॒-𑌮𑍃𑌷॑𑌯𑍋-𑌽𑌗𑌚𑍍𑌛𑌨𑍍𑌨𑍍 ॥ 𑍯 ॥

𑌅𑌨𑍁𑌵𑌾𑌕𑌂 10
𑌪𑌞𑍍𑌚॒ 𑌵𑌾 𑌏॒𑌤𑍇 𑌮॑𑌹𑌾𑌯॒𑌜𑍍𑌞𑌾-𑌸𑍍𑌸॑𑌤॒𑌤𑌿 𑌪𑍍𑌰𑌤𑌾॑𑌯𑌨𑍍𑌤𑍇 𑌸𑌤॒𑌤𑌿 𑌸𑌨𑍍𑌤𑌿॑𑌷𑍍𑌠𑌨𑍍𑌤𑍇 𑌦𑍇𑌵𑌯॒𑌜𑍍𑌞𑌃 𑌪𑌿॑𑌤𑍃𑌯॒𑌜𑍍𑌞𑍋 𑌭𑍂॑𑌤𑌯॒𑌜𑍍𑌞𑍋 𑌮॑𑌨𑍁𑌷𑍍𑌯𑌯॒𑌜𑍍𑌞𑍋 𑌬𑍍𑌰॑𑌹𑍍𑌮𑌯॒𑌜𑍍𑌞 𑌇𑌤𑌿॒ 𑌯𑌦॒𑌗𑍍𑌨𑍌 𑌜𑍁॒𑌹𑍋𑌤𑍍𑌯॒𑌪𑌿 𑌸॒𑌮𑌿𑌧॒-𑌨𑍍𑌤-𑌦𑍍𑌦𑍇॑𑌵𑌯॒𑌜𑍍𑌞-𑌸𑍍𑌸𑌨𑍍𑌤𑌿॑𑌷𑍍𑌠𑌤𑍇॒ 𑌯-𑌤𑍍𑌪𑌿॒𑌤𑍃𑌭𑍍𑌯॑-𑌸𑍍𑌸𑍍𑌵॒𑌧𑌾 𑌕॒𑌰𑍋𑌤𑍍𑌯𑌪𑍍𑌯॒𑌪𑌸𑍍𑌤-𑌤𑍍𑌪𑌿॑𑌤𑍃𑌯॒𑌜𑍍𑌞-𑌸𑍍𑌸𑌨𑍍𑌤𑌿॑𑌷𑍍𑌠𑌤𑍇॒𑌯-𑌦𑍍𑌭𑍂॒𑌤𑍇𑌭𑍍𑌯𑍋॑ 𑌬॒𑌲𑌿𑌗𑍍​𑌮𑍍 𑌹𑌰॑𑌤𑌿॒ 𑌤-𑌦𑍍𑌭𑍂॑𑌤𑌯॒𑌜𑍍𑌞-𑌸𑍍𑌸𑌨𑍍𑌤𑌿॑𑌷𑍍𑌠𑌤𑍇॒ 𑌯𑌦𑍍𑌬𑍍𑌰𑌾᳚𑌹𑍍𑌮॒𑌣𑍇𑌭𑍍𑌯𑍋-𑌽𑌨𑍍𑌨॒-𑌨𑍍𑌦𑌦𑌾॑𑌤𑌿॒ 𑌤𑌨𑍍𑌮॑𑌨𑍁𑌷𑍍𑌯𑌯॒𑌜𑍍𑌞-𑌸𑍍𑌸𑌨𑍍𑌤𑌿॑𑌷𑍍𑌠𑌤𑍇॒ 𑌯𑌥𑍍𑌸𑍍𑌵𑌾᳚𑌦𑍍𑌧𑍍𑌯𑌾॒𑌯-𑌮𑌧𑍀॑𑌯𑍀॒-𑌤𑍈𑌕𑌾॑𑌮𑌪𑍍𑌯𑍃॒𑌚𑌂-𑌯𑌁𑌜𑍁𑌃॒-𑌸𑌾𑌮॑ 𑌵𑌾॒ 𑌤𑌦𑍍𑌬𑍍𑌰॑𑌹𑍍𑌮𑌯॒𑌜𑍍𑌞-𑌸𑍍𑌸𑌨𑍍𑌤𑌿॑𑌷𑍍𑌠𑌤𑍇॒ 𑌯𑌦𑍃॒𑌚𑍋-𑌽𑌧𑍀॑𑌤𑍇॒ 𑌪𑌯॑𑌸𑌃॒ 𑌕𑍂𑌲𑍍𑌯𑌾॑ 𑌅𑌸𑍍𑌯 𑌪𑌿॒𑌤𑍄-𑌨𑍍𑌥𑍍𑌸𑍍𑌵॒𑌧𑌾 𑌅॒𑌭𑌿𑌵॑𑌹𑌨𑍍𑌤𑌿॒ 𑌯-𑌦𑍍𑌯𑌜𑍂𑌗𑍍​𑌮𑍍॑𑌷𑌿 𑌘𑍃॒𑌤𑌸𑍍𑌯॑ 𑌕𑍂𑌲𑍍𑌯𑌾॒ 𑌯-𑌥𑍍𑌸𑌾𑌮𑌾॑𑌨𑌿॒ 𑌸𑍋𑌮॑ 𑌏𑌭𑍍𑌯𑌃 𑌪𑌵𑌤𑍇॒ 𑌯𑌦𑌥॑𑌰𑍍𑌵𑌾𑌙𑍍𑌗𑌿॒𑌰𑌸𑍋॒ 𑌮𑌧𑍋𑌃᳚ 𑌕𑍂𑌲𑍍𑌯𑌾॒ 𑌯𑌦𑍍𑌬𑍍𑌰𑌾᳚𑌹𑍍𑌮॒𑌣𑌾-𑌨𑍀॑𑌤𑌿𑌹𑌾॒𑌸𑌾𑌨𑍍-𑌪𑍁॑𑌰𑌾॒𑌣𑌾𑌨𑌿॒ 𑌕𑌲𑍍𑌪𑌾॒-𑌨𑍍𑌗𑌾𑌥𑌾॑ 𑌨𑌾𑌰𑌾𑌶॒𑌗𑍍​𑌮𑍍॒𑌸𑍀-𑌰𑍍𑌮𑍇𑌦॑𑌸𑌃॒ 𑌕𑍂𑌲𑍍𑌯𑌾॑ 𑌅𑌸𑍍𑌯 𑌪𑌿॒𑌤𑍄𑌨𑍍-𑌥𑍍𑌸𑍍𑌵॒𑌧𑌾 𑌅॒𑌭𑌿𑌵॑𑌹𑌨𑍍𑌤𑌿॒ 𑌯𑌦𑍃॒𑌚𑍋-𑌽𑌧𑍀॑𑌤𑍇॒ 𑌪𑌯॑ 𑌆𑌹𑍁𑌤𑌿𑌭𑌿𑌰𑍇॒𑌵 𑌤-𑌦𑍍𑌦𑍇॒𑌵𑌾𑌗𑍍​𑌸𑍍𑌤॑𑌰𑍍𑌪𑌯𑌤𑌿॒ 𑌯-𑌦𑍍𑌯𑌜𑍂𑌗𑍍​𑌮𑍍॑𑌷𑌿 𑌘𑍃॒𑌤𑌾𑌹𑍁॑𑌤𑌿𑌭𑌿॒𑌰𑍍𑌯-𑌥𑍍𑌸𑌾𑌮𑌾॑𑌨𑌿॒ 𑌸𑍋𑌮𑌾॑𑌹𑍁𑌤𑌿𑌭𑌿॒-𑌰𑍍𑌯𑌦𑌥॑𑌰𑍍𑌵𑌾𑌙𑍍𑌗𑌿॒𑌰𑌸𑍋॒ 𑌮𑌦𑍍𑌧𑍍𑌵𑌾॑𑌹𑍁𑌤𑌿𑌭𑌿॒-𑌰𑍍𑌯𑌦𑍍𑌬𑍍𑌰𑌾᳚𑌹𑍍𑌮॒𑌣𑌾-𑌨𑍀॑𑌤𑌿𑌹𑌾॒𑌸𑌾𑌨𑍍-𑌪𑍁॑𑌰𑌾॒𑌣𑌾𑌨𑌿॒ 𑌕𑌲𑍍𑌪𑌾॒-𑌨𑍍𑌗𑌾𑌥𑌾॑ 𑌨𑌾𑌰𑌾𑌶॒𑌗𑍍​𑌮𑍍॒𑌸𑍀-𑌰𑍍𑌮𑍇॑𑌦𑌾𑌹𑍁॒𑌤𑌿𑌭𑌿॑𑌰𑍇॒𑌵 𑌤-𑌦𑍍𑌦𑍇॒𑌵𑌾𑌗𑍍​𑌸𑍍𑌤॑𑌰𑍍𑌪𑌯𑌤𑌿॒ 𑌤 𑌏॑𑌨-𑌨𑍍𑌤𑍃॒𑌪𑍍𑌤𑌾 𑌆𑌯𑍁॑𑌷𑌾॒ 𑌤𑍇𑌜॑𑌸𑌾॒ 𑌵𑌰𑍍𑌚॑𑌸𑌾 𑌶𑍍𑌰𑌿॒𑌯𑌾 𑌯𑌶॑𑌸𑌾 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨𑌾॒𑌨𑍍𑌨𑌾𑌦𑍍𑌯𑍇॑𑌨 𑌚 𑌤𑌰𑍍𑌪𑌯𑌨𑍍𑌤𑌿 ॥ 10 ॥

𑌅𑌨𑍁𑌵𑌾𑌕𑌂 11
𑌬𑍍𑌰॒𑌹𑍍𑌮॒𑌯॒𑌜𑍍𑌞𑍇𑌨॑ 𑌯॒𑌕𑍍𑌷𑍍𑌯𑌮𑌾॑𑌣𑌃॒ 𑌪𑍍𑌰𑌾𑌚𑍍𑌯𑌾᳚-𑌨𑍍𑌦𑌿॒𑌶𑌿 𑌗𑍍𑌰𑌾𑌮𑌾॒𑌦𑌛॑𑌦𑌿𑌰𑍍𑌦॒𑌰𑍍॒𑌶 𑌉𑌦𑍀᳚𑌚𑍍𑌯𑌾-𑌮𑍍𑌪𑍍𑌰𑌾𑌗𑍁𑌦𑍀॒𑌚𑍍𑌯𑌾𑌂-𑌵𑍋𑌁॒𑌦𑌿𑌤॑ 𑌆𑌦𑌿॒𑌤𑍍𑌯𑍇 𑌦॑𑌕𑍍𑌷𑌿𑌣॒𑌤 𑌉॑𑌪॒𑌵𑍀𑌯𑍋॑𑌪॒𑌵𑌿𑌶𑍍𑌯॒ 𑌹𑌸𑍍𑌤𑌾॑𑌵𑌵॒𑌨𑌿𑌜𑍍𑌯॒ 𑌤𑍍𑌰𑌿𑌰𑌾𑌚𑌾॑𑌮𑍇॒𑌦𑍍𑌦𑍍𑌵𑌿𑌃 𑌪॑𑌰𑌿॒𑌮𑍃𑌜𑍍𑌯॑ 𑌸॒𑌕𑍃𑌦𑍁॑𑌪॒𑌸𑍍𑌪𑍃𑌶𑍍𑌯॒ 𑌶𑌿𑌰॒𑌶𑍍𑌚𑌕𑍍𑌷𑍁॑𑌷𑍀॒ 𑌨𑌾𑌸𑌿॑𑌕𑍇॒ 𑌶𑍍𑌰𑍋𑌤𑍍𑌰𑍇॒ 𑌹𑍃𑌦॑𑌯𑌮𑌾॒𑌲𑌭𑍍𑌯॒ 𑌯-𑌤𑍍𑌤𑍍𑌰𑌿𑌰𑌾॒𑌚𑌾𑌮॑𑌤𑌿॒ 𑌤𑍇𑌨॒ 𑌋𑌚𑌃॑ 𑌪𑍍𑌰𑍀𑌣𑌾𑌤𑌿॒ 𑌯𑌦𑍍𑌦𑍍𑌵𑌿𑌃 𑌪॑𑌰𑌿॒𑌮𑍃𑌜॑𑌤𑌿॒ 𑌤𑍇𑌨 𑌯𑌜𑍂𑌗𑍍​𑌮𑍍॑𑌷𑌿॒ 𑌯-𑌥𑍍𑌸॒𑌕𑍃𑌦𑍁॑𑌪॒𑌸𑍍𑌪𑍃𑌶॑𑌤𑌿॒ 𑌤𑍇𑌨॒ 𑌸𑌾𑌮𑌾॑𑌨𑌿॒ (𑌯-𑌥𑍍𑌸॒𑌵𑍍𑌯-𑌮𑍍𑌪𑌾॒𑌣𑌿 𑌪𑌾॒𑌦𑍌 𑌪𑍍𑌰𑍋॒𑌕𑍍𑌷𑌤𑌿॒) 𑌯𑌚𑍍𑌛𑌿𑌰॒𑌶𑍍𑌚𑌕𑍍𑌷𑍁॑𑌷𑍀॒ 𑌨𑌾𑌸𑌿॑𑌕𑍇॒ 𑌶𑍍𑌰𑍋𑌤𑍍𑌰𑍇॒ 𑌹𑍃𑌦॑𑌯𑌮𑌾॒𑌲𑌭॑𑌤𑍇॒ 𑌤𑍇𑌨𑌾𑌥॑𑌰𑍍𑌵𑌾𑌙𑍍𑌗𑌿॒𑌰𑌸𑍋᳚ 𑌬𑍍𑌰𑌾𑌹𑍍𑌮॒𑌣𑌾-𑌨𑍀॑𑌤𑌿𑌹𑌾॒𑌸𑌾-𑌨𑍍𑌪𑍁॑𑌰𑌾॒𑌣𑌾𑌨𑌿॒ 𑌕𑌲𑍍𑌪𑌾॒-𑌨𑍍𑌗𑌾𑌥𑌾॑ 𑌨𑌾𑌰𑌾𑌶॒𑌗𑍍​𑌮𑍍॒𑌸𑍀𑌃 𑌪𑍍𑌰𑍀॑𑌣𑌾𑌤𑌿॒ 𑌦𑌰𑍍𑌭𑌾॑𑌣𑌾-𑌮𑍍𑌮॒𑌹𑌦𑍁॑𑌪॒𑌸𑍍𑌤𑍀𑌰𑍍𑌯𑍋॒𑌪𑌸𑍍𑌥॑-𑌙𑍍𑌕𑍃॒𑌤𑍍𑌵𑌾 𑌪𑍍𑌰𑌾𑌂𑌆𑌸𑍀॑𑌨-𑌸𑍍𑌸𑍍𑌵𑌾𑌦𑍍𑌧𑍍𑌯𑌾॒𑌯𑌮𑌧𑍀॑𑌯𑍀𑌤𑌾॒𑌪𑌾𑌂-𑌵𑌾𑌁 𑌏॒𑌷 𑌓𑌷॑𑌧𑍀𑌨𑌾॒𑌗𑍍​𑌮𑍍॒ 𑌰𑌸𑍋॒ 𑌯-𑌦𑍍𑌦॒𑌰𑍍𑌭𑌾-𑌸𑍍𑌸𑌰॑𑌸𑌮𑍇॒𑌵 𑌬𑍍𑌰𑌹𑍍𑌮॑ 𑌕𑍁𑌰𑍁𑌤𑍇 𑌦𑌕𑍍𑌷𑌿𑌣𑍋𑌤𑍍𑌤॒𑌰𑍌 𑌪𑌾॒𑌣𑍀 (𑌪𑌾॒𑌦𑍌) 𑌕𑍃॒𑌤𑍍𑌵𑌾 𑌸𑌪॒𑌵𑌿𑌤𑍍𑌰𑌾॒𑌵𑍋𑌮𑌿𑌤𑌿॒ 𑌪𑍍𑌰𑌤𑌿॑𑌪𑌦𑍍𑌯𑌤 𑌏॒𑌤𑌦𑍍𑌵𑍈 𑌯𑌜𑍁॑𑌸𑍍𑌤𑍍𑌰𑌯𑍀𑌂-𑌵𑌿𑌁॒𑌦𑍍𑌯𑌾-𑌮𑍍𑌪𑍍𑌰𑌤𑍍𑌯𑍇॒𑌷𑌾 𑌵𑌾𑌗𑍇॒𑌤𑌤𑍍𑌪॑𑌰॒𑌮𑌮॒𑌕𑍍𑌷𑌰॒-𑌨𑍍𑌤𑌦𑍇॒𑌤𑌦𑍃॒𑌚𑌾-𑌽𑌭𑍍𑌯𑍁॑𑌕𑍍𑌤𑌮𑍃॒𑌚𑍋 𑌅॒𑌕𑍍𑌷𑌰𑍇॑ 𑌪𑌰॒𑌮𑍇 𑌵𑍍𑌯𑍋॑𑌮॒𑌨𑍍॒. 𑌯𑌸𑍍𑌮𑌿॑-𑌨𑍍𑌦𑍇॒𑌵𑌾 𑌅𑌧𑌿॒ 𑌵𑌿𑌶𑍍𑌵𑍇॑ 𑌨𑌿𑌷𑍇॒𑌦𑍁𑌰𑍍𑌯𑌸𑍍𑌤𑌨𑍍𑌨 𑌵𑍇𑌦॒ 𑌕𑌿𑌮𑍃॒𑌚𑌾 𑌕॑𑌰𑌿𑌷𑍍𑌯𑌤𑌿॒ 𑌯 𑌇𑌤𑍍𑌤𑌦𑍍𑌵𑌿॒𑌦𑍁𑌸𑍍𑌤 𑌇॒𑌮𑍇 𑌸𑌮𑌾॑𑌸𑌤॒ 𑌇𑌤𑌿॒ 𑌤𑍍𑌰𑍀𑌨𑍇॒𑌵 𑌪𑍍𑌰𑌾𑌯𑍁॑𑌙𑍍𑌕𑍍𑌤॒ 𑌭𑍂𑌰𑍍𑌭𑍁𑌵॒𑌸𑍍𑌸𑍍𑌵॑𑌰𑌿𑌤𑍍𑌯𑌾॑𑌹𑍈॒𑌤𑌦𑍍𑌵𑍈 𑌵𑌾॒𑌚-𑌸𑍍𑌸॒𑌤𑍍𑌯𑌂-𑌯𑌁𑌦𑍇॒𑌵 𑌵𑌾॒𑌚-𑌸𑍍𑌸॒𑌤𑍍𑌯-𑌨𑍍𑌤-𑌤𑍍𑌪𑍍𑌰𑌾𑌯𑍁॒𑌙𑍍𑌕𑍍𑌤𑌾𑌥॑ 𑌸𑌾𑌵𑌿॒𑌤𑍍𑌰𑍀-𑌙𑍍𑌗𑌾॑𑌯॒𑌤𑍍𑌰𑍀-𑌨𑍍𑌤𑍍𑌰𑌿𑌰𑌨𑍍𑌵𑌾॑𑌹 𑌪॒𑌚𑍍𑌛𑍋᳚-𑌽𑌰𑍍𑌧𑌰𑍍𑌚॑𑌶𑍋-𑌽𑌨𑌵𑌾॒𑌨𑌗𑍍​𑌮𑍍 𑌸॑𑌵𑌿॒𑌤𑌾 𑌶𑍍𑌰𑌿𑌯𑌃॑ 𑌪𑍍𑌰𑌸𑌵𑌿॒𑌤𑌾 𑌶𑍍𑌰𑌿𑌯॑𑌮𑍇॒𑌵𑌾𑌪𑍍𑌨𑍋॒𑌤𑍍 𑌯𑌥𑍋᳚ 𑌪𑍍𑌰॒𑌜𑍍𑌞𑌾𑌤॑𑌯𑍈॒𑌵 𑌪𑍍𑌰॑𑌤𑌿॒𑌪𑌦𑌾॒ 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌪𑍍𑌰𑌤𑌿॑𑌪𑌦𑍍𑌯𑌤𑍇 ॥ 11 ॥

𑌅𑌨𑍁𑌵𑌾𑌕𑌂 12
𑌗𑍍𑌰𑌾𑌮𑍇॒ 𑌮𑌨॑𑌸𑌾 𑌸𑍍𑌵𑌾𑌦𑍍𑌧𑍍𑌯𑌾॒𑌯𑌮𑌧𑍀॑𑌯𑍀𑌤॒ 𑌦𑌿𑌵𑌾॒ 𑌨𑌕𑍍𑌤𑌂॑-𑌵𑍇𑌁॒𑌤𑌿 𑌹॑ 𑌸𑍍𑌮𑌾॒𑌹 𑌶𑍌॒𑌚 𑌆᳚𑌹𑍍𑌨𑍇॒𑌯 𑌉॒𑌤𑌾𑌰॑𑌣𑍍𑌯𑍇॒-𑌽𑌬𑌲॑ 𑌉॒𑌤 𑌵𑌾॒𑌚𑍋𑌤 𑌤𑌿𑌷𑍍𑌠॑𑌨𑍍𑌨𑍁॒𑌤 𑌵𑍍𑌰𑌜॑𑌨𑍍𑌨𑍁॒𑌤𑌾𑌸𑍀॑𑌨 𑌉॒𑌤 𑌶𑌯𑌾॑𑌨𑍋॒-𑌽𑌧𑍀𑌯𑍀॑𑌤𑍈॒𑌵 𑌸𑍍𑌵𑌾᳚𑌦𑍍𑌧𑍍𑌯𑌾॒𑌯-𑌨𑍍𑌤𑌪॑𑌸𑍍𑌵𑍀॒ 𑌪𑍁𑌣𑍍𑌯𑍋॑ 𑌭𑌵𑌤𑌿॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍-𑌥𑍍𑌸𑍍𑌵𑌾᳚𑌦𑍍𑌧𑍍𑌯𑌾॒𑌯𑌮𑌧𑍀॑𑌤𑍇॒ 𑌨𑌮𑍋॒ 𑌬𑍍𑌰𑌹𑍍𑌮॑𑌣𑍇॒ 𑌨𑌮𑍋॑ 𑌅𑌸𑍍𑌤𑍍𑌵॒𑌗𑍍𑌨𑌯𑍇॒ 𑌨𑌮𑌃॑ 𑌪𑍃𑌥𑌿॒𑌵𑍍𑌯𑍈 𑌨𑌮॒ 𑌓𑌷॑𑌧𑍀𑌭𑍍𑌯𑌃 ।
𑌨𑌮𑍋॑ 𑌵𑌾॒𑌚𑍇 𑌨𑌮𑍋॑ 𑌵𑌾॒𑌚𑌸𑍍𑌪𑌤॑𑌯𑍇॒ 𑌨𑌮𑍋॒ 𑌵𑌿𑌷𑍍𑌣॑𑌵𑍇 𑌬𑍃𑌹॒𑌤𑍇 𑌕॑𑌰𑍋𑌮𑌿 ॥ 12 ॥

𑌅𑌨𑍁𑌵𑌾𑌕𑌂 13
𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇 𑌪𑍍𑌰॒𑌬𑌲॒𑌮𑌧𑍀॑𑌯𑍀𑌤𑌾॒𑌸𑍌 𑌖𑌲𑍁॒ 𑌵𑌾𑌵𑍈𑌷 𑌆॑𑌦𑌿॒𑌤𑍍𑌯𑍋 𑌯𑌦𑍍𑌬𑍍𑌰𑌾᳚𑌹𑍍𑌮॒𑌣𑌸𑍍𑌤𑌸𑍍𑌮𑌾॒𑌤𑍍𑌤𑌰𑍍​𑌹𑌿॒ 𑌤𑍇𑌕𑍍𑌷𑍍𑌣𑌿॑𑌷𑍍𑌠-𑌨𑍍𑌤𑌪𑌤𑌿॒ 𑌤𑌦𑍇॒𑌷𑌾-𑌽𑌭𑍍𑌯𑍁॑𑌕𑍍𑌤𑌾 ॥
𑌚𑌿॒𑌤𑍍𑌰-𑌨𑍍𑌦𑍇॒𑌵𑌾𑌨𑌾॒𑌮𑍁𑌦॑𑌗𑌾॒𑌦𑌨𑍀॑𑌕॒-𑌞𑍍𑌚𑌕𑍍𑌷𑍁॑𑌰𑍍𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯𑌾॒𑌗𑍍𑌨𑍇𑌃 ।
𑌆-𑌽𑌪𑍍𑌰𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌨𑍍𑌤𑌰𑌿॑𑌕𑍍𑌷॒𑌗𑍍​𑌮𑍍॒ 𑌸𑍂𑌰𑍍𑌯॑ 𑌆॒𑌤𑍍𑌮𑌾 𑌜𑌗॑𑌤𑌸𑍍𑌤॒𑌸𑍍𑌥𑍁𑌷॒𑌶𑍍𑌚𑍇𑌤𑌿॒ 𑌸 𑌵𑌾 𑌏॒𑌷 𑌯॒𑌜𑍍𑌞-𑌸𑍍𑌸॒𑌦𑍍𑌯𑌃 𑌪𑍍𑌰𑌤𑌾॑𑌯𑌤𑍇 𑌸॒𑌦𑍍𑌯-𑌸𑍍𑌸𑌨𑍍𑌤𑌿॑𑌷𑍍𑌠𑌤𑍇॒ 𑌤𑌸𑍍𑌯॒ 𑌪𑍍𑌰𑌾𑌖𑍍𑌸𑌾॒𑌯𑌮॑𑌵𑌭𑍃॒𑌥𑍋 𑌨𑌮𑍋॒ 𑌬𑍍𑌰𑌹𑍍𑌮॑𑌣॒ 𑌇𑌤𑌿॑ 𑌪𑌰𑌿𑌧𑌾॒𑌨𑍀𑌯𑌾॒-𑌨𑍍𑌤𑍍𑌰𑌿𑌰𑌨𑍍𑌵𑌾॑𑌹𑌾॒𑌪 𑌉॑𑌪॒𑌸𑍍𑌪𑍃𑌶𑍍𑌯॑ 𑌗𑍃॒𑌹𑌾𑌨𑍇॑𑌤𑌿॒ 𑌤𑌤𑍋॒ 𑌯𑌤𑍍𑌕𑌿𑌞𑍍𑌚॒ 𑌦𑌦𑌾॑𑌤𑌿॒ 𑌸𑌾 𑌦𑌕𑍍𑌷𑌿॑𑌣𑌾 ॥ 13 ॥

𑌅𑌨𑍁𑌵𑌾𑌕𑌂 14
𑌤𑌸𑍍𑌯॒ 𑌵𑌾 𑌏॒𑌤𑌸𑍍𑌯॑ 𑌯॒𑌜𑍍𑌞𑌸𑍍𑌯॒ 𑌮𑍇𑌘𑍋॑ 𑌹𑌵𑌿॒𑌰𑍍𑌧𑌾𑌨𑌂॑-𑌵𑌿𑌁॒𑌦𑍍𑌯𑍁𑌦॒𑌗𑍍𑌨𑌿𑌰𑍍𑌵॒𑌰𑍍॒𑌷𑌗𑍍​𑌮𑍍 𑌹॒𑌵𑌿-𑌸𑍍𑌸𑍍𑌤॑𑌨𑌯𑌿॒𑌤𑍍𑌨𑍁-𑌰𑍍𑌵॑𑌷𑌟𑍍𑌕𑌾॒𑌰𑍋 𑌯𑌦॑𑌵॒𑌸𑍍𑌫𑍂𑌰𑍍𑌜॑𑌤𑌿॒ 𑌸𑍋-𑌽𑌨𑍁॑𑌵𑌷𑌟𑍍𑌕𑌾॒𑌰𑍋 𑌵𑌾॒𑌯𑍁𑌰𑌾॒𑌤𑍍𑌮𑌾-𑌽𑌮𑌾॑𑌵𑌾॒𑌸𑍍𑌯𑌾᳚ 𑌸𑍍𑌵𑌿𑌷𑍍𑌟॒𑌕𑍃𑌦𑍍𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑍍𑌮𑍇॒𑌘𑍇 𑌵॒𑌰𑍍॒𑌷𑌤𑌿॑ 𑌵𑌿॒𑌦𑍍𑌯𑍋𑌤॑𑌮𑌾𑌨𑍇 𑌸𑍍𑌤॒𑌨𑌯॑𑌤𑍍𑌯𑌵॒𑌸𑍍𑌫𑍂𑌰𑍍𑌜॑𑌤𑌿॒ 𑌪𑌵॑𑌮𑌾𑌨𑍇 𑌵𑌾॒𑌯𑌾𑌵॑𑌮𑌾𑌵𑌾॒𑌸𑍍𑌯𑌾॑𑌯𑌾𑌗𑍍​ 𑌸𑍍𑌵𑌾𑌦𑍍𑌧𑍍𑌯𑌾॒𑌯𑌮𑌧𑍀॑𑌤𑍇॒
𑌤𑌪॑ 𑌏॒𑌵 𑌤𑌤𑍍𑌤॑𑌪𑍍𑌯𑌤𑍇॒ 𑌤𑌪𑍋॑ 𑌹𑌿 𑌸𑍍𑌵𑌾𑌦𑍍𑌧𑍍𑌯𑌾॒𑌯 𑌇𑌤𑍍𑌯𑍁॑𑌤𑍍𑌤॒𑌮-𑌨𑍍𑌨𑌾𑌕𑌗𑍍​𑌮𑍍॑ 𑌰𑍋𑌹𑌤𑍍𑌯𑍁𑌤𑍍𑌤॒𑌮-𑌸𑍍𑌸॑𑌮𑌾॒𑌨𑌾𑌨𑌾᳚-𑌮𑍍𑌭𑌵𑌤𑌿॒ 𑌯𑌾𑌵॑𑌨𑍍𑌤𑌗𑍍​𑌮𑍍 𑌹॒ 𑌵𑌾 𑌇॒𑌮𑌾𑌂-𑌵𑌿𑌁॒𑌤𑍍𑌤𑌸𑍍𑌯॑ 𑌪𑍂॒𑌰𑍍𑌣𑌾-𑌨𑍍𑌦𑌦॑𑌥𑍍𑌸𑍍𑌵॒𑌰𑍍𑌗𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿॒ 𑌤𑌾𑌵॑𑌨𑍍𑌤𑌂-𑌲𑍋𑌁॒𑌕-𑌞𑍍𑌜॑𑌯𑌤𑌿॒ 𑌭𑍂𑌯𑌾𑌗𑍍​𑌮𑍍॑𑌸-𑌞𑍍𑌚𑌾𑌕𑍍𑌷॒𑌯𑍍𑌯-𑌞𑍍𑌚𑌾𑌪॑ 𑌪𑍁𑌨𑌰𑍍𑌮𑍃॒𑌤𑍍𑌯𑍁-𑌞𑍍𑌜॑𑌯𑌤𑌿॒ 𑌬𑍍𑌰𑌹𑍍𑌮॑𑌣॒-𑌸𑍍𑌸𑌾𑌯𑍁॑𑌜𑍍𑌯-𑌙𑍍𑌗𑌚𑍍𑌛𑌤𑌿 ॥ 14 ॥

𑌅𑌨𑍁𑌵𑌾𑌕𑌂 15
𑌤𑌸𑍍𑌯॒ 𑌵𑌾 𑌏॒𑌤𑌸𑍍𑌯॑ 𑌯॒𑌜𑍍𑌞𑌸𑍍𑌯॒ 𑌦𑍍𑌵𑌾𑌵॑𑌨𑌦𑍍𑌧𑍍𑌯𑌾॒𑌯𑍌 𑌯𑌦𑌾॒-𑌽𑌽𑌤𑍍𑌮𑌾-𑌽𑌶𑍁𑌚𑌿॒-𑌰𑍍𑌯-𑌦𑍍𑌦𑍇॒𑌶-𑌸𑍍𑌸𑌮𑍃॑𑌦𑍍𑌧𑌿𑌰𑍍𑌦𑍈𑌵॒𑌤𑌾𑌨𑌿॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌮॑𑌹𑌾𑌰𑌾॒𑌤𑍍𑌰 𑌉॒𑌷𑌸𑍍𑌯𑍁𑌦𑌿॑𑌤𑍇॒ 𑌵𑍍𑌰𑌜॒𑌗𑍍𑌗𑍍॒𑌸𑍍𑌤𑌿𑌷𑍍𑌠॒-𑌨𑍍𑌨𑌾𑌸𑍀॑𑌨॒-𑌶𑍍𑌶𑌯𑌾॑𑌨𑍋॒-𑌽𑌰𑌣𑍍𑌯𑍇᳚ 𑌗𑍍𑌰𑌾𑌮𑍇॒ 𑌵𑌾 𑌯𑌾𑌵॑𑌤𑍍𑌤॒𑌰𑌸𑌗𑍍𑌗𑍍॑ 𑌸𑍍𑌵𑌾𑌦𑍍𑌧𑍍𑌯𑌾॒𑌯𑌮𑌧𑍀॑𑌤𑍇॒ 𑌸𑌰𑍍𑌵𑌾᳚𑌨𑍍 𑌁𑌲𑍋॒𑌕𑌾𑌞𑍍𑌜॑𑌯𑌤𑌿॒ 𑌸𑌰𑍍𑌵𑌾᳚𑌨𑍍 𑌁𑌲𑍋॒𑌕𑌾𑌨॑𑌨𑍃॒𑌣𑍋-𑌽𑌨𑍁॒ 𑌸𑌞𑍍𑌚॑𑌰𑌤𑌿॒ 𑌤𑌦𑍇॒𑌷𑌾-𑌽𑌭𑍍𑌯𑍁॑𑌕𑍍𑌤𑌾 ॥ 𑌅॒𑌨𑍃॒𑌣𑌾 𑌅॒𑌸𑍍𑌮𑌿𑌨𑍍𑌨॑𑌨𑍃॒𑌣𑌾𑌃 𑌪𑌰॑𑌸𑍍𑌮𑌿𑌗𑍍𑌗𑍍​𑌸𑍍𑌤𑍃॒𑌤𑍀𑌯𑍇॑ 𑌲𑍋॒𑌕𑍇 𑌅॑𑌨𑍃॒𑌣𑌾-𑌸𑍍𑌸𑍍𑌯𑌾॑𑌮 । 𑌯𑍇 𑌦𑍇॑𑌵॒𑌯𑌾𑌨𑌾॑ 𑌉॒𑌤 𑌪𑌿॑𑌤𑍃॒𑌯𑌾𑌣𑌾॒-𑌸𑍍𑌸𑌰𑍍𑌵𑌾᳚-𑌨𑍍𑌪॒𑌥𑍋 𑌅॑𑌨𑍃॒𑌣𑌾 𑌆𑌕𑍍𑌷𑍀॑𑌯𑍇॒𑌮𑍇𑌤𑍍𑌯॒𑌗𑍍𑌨𑌿𑌂-𑌵𑍈𑌁 𑌜𑌾॒𑌤-𑌮𑍍𑌪𑌾॒𑌪𑍍𑌮𑌾 𑌜॑𑌗𑍍𑌰𑌾𑌹॒ 𑌤𑌨𑍍𑌦𑍇॒𑌵𑌾 𑌆𑌹𑍁॑𑌤𑍀𑌭𑌿𑌃 𑌪𑌾॒𑌪𑍍𑌮𑌾𑌨॒𑌮𑌪𑌾᳚𑌘𑍍𑌨॒-𑌨𑍍𑌨𑌾𑌹𑍁॑𑌤𑍀𑌨𑌾𑌂-𑌯𑌁॒𑌜𑍍𑌞𑍇𑌨॑ 𑌯॒𑌜𑍍𑌞𑌸𑍍𑌯॒ 𑌦𑌕𑍍𑌷𑌿॑𑌣𑌾𑌭𑌿॒-𑌰𑍍𑌦𑌕𑍍𑌷𑌿॑𑌣𑌾𑌨𑌾-𑌮𑍍𑌬𑍍𑌰𑌾𑌹𑍍𑌮॒𑌣𑍇𑌨॑ 𑌬𑍍𑌰𑌾𑌹𑍍𑌮॒𑌣𑌸𑍍𑌯॒ 𑌛𑌨𑍍𑌦𑍋॑𑌭𑌿॒-𑌶𑍍𑌛𑌨𑍍𑌦॑𑌸𑌾𑌗𑍍​ 𑌸𑍍𑌵𑌾𑌦𑍍𑌧𑍍𑌯𑌾॒𑌯𑍇𑌨𑌾𑌪॑𑌹𑌤𑌪𑌾𑌪𑍍𑌮𑌾 𑌸𑍍𑌵𑌾𑌦𑍍𑌧𑍍𑌯𑌾॒𑌯𑍋॑ 𑌦𑍇॒𑌵𑌪॑𑌵𑌿𑌤𑍍𑌰𑌂॒-𑌵𑌾𑌁 𑌏॒𑌤𑌤𑍍𑌤𑌂-𑌯𑍋𑌁-𑌽𑌨𑍂᳚-𑌥𑍍𑌸𑍃॒𑌜𑌤𑍍𑌯𑌭𑌾॑𑌗𑍋 𑌵𑌾॒𑌚𑌿 𑌭॑𑌵॒𑌤𑍍𑌯𑌭𑌾॑𑌗𑍋 𑌨𑌾॒𑌕𑍇 𑌤𑌦𑍇॒𑌷𑌾-𑌽𑌭𑍍𑌯𑍁॑𑌕𑍍𑌤𑌾 ॥ 𑌯𑌸𑍍𑌤𑌿॒𑌤𑍍𑌯𑌾𑌜॑ 𑌸𑌖𑌿॒𑌵𑌿𑌦॒𑌗𑍍​𑌮𑍍॒ 𑌸𑌖𑌾॑𑌯॒-𑌨𑍍𑌨 𑌤𑌸𑍍𑌯॑ 𑌵𑌾॒𑌚𑍍𑌯𑌪𑌿॑ 𑌭𑌾॒𑌗𑍋 𑌅॑𑌸𑍍𑌤𑌿 । 𑌯𑌦𑍀𑌗𑍍​𑌮𑍍॑ 𑌶𑍃॒𑌣𑍋𑌤𑍍𑌯॒𑌲𑌕𑌗𑍍​𑌮𑍍॑ 𑌶𑍃𑌣𑍋𑌤𑌿॒ 𑌨 𑌹𑌿 𑌪𑍍𑌰॒𑌵𑍇𑌦॑ 𑌸𑍁𑌕𑍃॒𑌤𑌸𑍍𑌯॒ 𑌪𑌨𑍍𑌥𑌾॒𑌮𑌿𑌤𑌿॒ 𑌤𑌸𑍍𑌮𑌾᳚-𑌥𑍍𑌸𑍍𑌵𑌾𑌦𑍍𑌧𑍍𑌯𑌾॒𑌯𑍋-𑌽𑌦𑍍𑌧𑍍𑌯𑍇॑𑌤॒𑌵𑍍𑌯𑍋॑ 𑌯𑌂-𑌯𑌁॑-𑌙𑍍𑌕𑍍𑌰॒𑌤𑍁𑌮𑌧𑍀॑𑌤𑍇॒ 𑌤𑍇𑌨॑ 𑌤𑍇𑌨𑌾𑌸𑍍𑌯𑍇॒𑌷𑍍𑌟-𑌮𑍍𑌭॑𑌵𑌤𑍍𑌯॒𑌗𑍍𑌨𑍇-𑌰𑍍𑌵𑌾॒𑌯𑍋-𑌰𑌾॑𑌦𑌿॒𑌤𑍍𑌯𑌸𑍍𑌯॒ 𑌸𑌾𑌯𑍁॑𑌜𑍍𑌯-𑌙𑍍𑌗𑌚𑍍𑌛𑌤𑌿॒ 𑌤𑌦𑍇॒𑌷𑌾-𑌽𑌭𑍍𑌯𑍁॑𑌕𑍍𑌤𑌾 ॥
𑌯𑍇 𑌅॒𑌰𑍍𑌵𑌾𑌂𑌉॒𑌤 𑌵𑌾॑ 𑌪𑍁𑌰𑌾॒𑌣𑍇 𑌵𑍇॒𑌦𑌂-𑌵𑌿𑌁॒𑌦𑍍𑌵𑌾𑌗𑍍​𑌮𑍍𑌸॑𑌮॒𑌭𑌿𑌤𑍋॑ 𑌵𑌦𑌨𑍍𑌤𑍍𑌯𑌾𑌦𑌿॒𑌤𑍍𑌯𑌮𑍇॒𑌵 𑌤𑍇 𑌪𑌰𑌿॑𑌵𑌦𑌨𑍍𑌤𑌿॒ 𑌸𑌰𑍍𑌵𑍇॑ 𑌅॒𑌗𑍍𑌨𑌿-𑌨𑍍𑌦𑍍𑌵𑌿॒𑌤𑍀𑌯॑-𑌨𑍍𑌤𑍃॒𑌤𑍀𑌯॑-𑌞𑍍𑌚 𑌹॒𑌗𑍍​𑌮𑍍॒𑌸𑌮𑌿𑌤𑌿॒ 𑌯𑌾𑌵॑𑌤𑍀॒𑌰𑍍𑌵𑍈 𑌦𑍇॒𑌵𑌤𑌾॒𑌸𑍍𑌤𑌾-𑌸𑍍𑌸𑌰𑍍𑌵𑌾॑ 𑌵𑍇𑌦॒𑌵𑌿𑌦𑌿॑ 𑌬𑍍𑌰𑌾𑌹𑍍𑌮॒𑌣𑍇 𑌵॑𑌸𑌨𑍍𑌤𑌿॒ 𑌤𑌸𑍍𑌮𑌾᳚-𑌦𑍍𑌬𑍍𑌰𑌾𑌹𑍍𑌮॒𑌣𑍇𑌭𑍍𑌯𑍋॑ 𑌵𑍇𑌦॒𑌵𑌿𑌦𑍍𑌭𑍍𑌯𑍋॑ 𑌦𑌿॒𑌵𑍇𑌦𑌿॑𑌵𑍇॒ 𑌨𑌮॑𑌸𑍍𑌕𑍁𑌰𑍍𑌯𑌾॒𑌨𑍍𑌨𑌾𑌶𑍍𑌲𑍀॒𑌲-𑌙𑍍𑌕𑍀᳚𑌰𑍍𑌤𑌯𑍇𑌦𑍇॒𑌤𑌾 𑌏॒𑌵 𑌦𑍇॒𑌵𑌤𑌾𑌃᳚ 𑌪𑍍𑌰𑍀𑌣𑌾𑌤𑌿 ॥ 15 ॥

𑌅𑌨𑍁𑌵𑌾𑌕𑌂 16
𑌰𑌿𑌚𑍍𑌯॑𑌤 𑌇𑌵॒ 𑌵𑌾 𑌏॒𑌷 𑌪𑍍𑌰𑍇𑌵 𑌰𑌿॑𑌚𑍍𑌯𑌤𑍇॒ 𑌯𑍋 𑌯𑌾॒𑌜𑌯॑𑌤𑌿॒ 𑌪𑍍𑌰𑌤𑌿॑ 𑌵𑌾 𑌗𑍃॒𑌹𑍍𑌣𑌾𑌤𑌿॑ 𑌯𑌾॒𑌜𑌯𑌿॑𑌤𑍍𑌵𑌾 𑌪𑍍𑌰𑌤𑌿𑌗𑍃॒𑌹𑍍𑌯 𑌵𑌾-𑌽𑌨॑𑌶𑍍𑌨॒𑌨𑍍𑌤𑍍𑌰𑌿-𑌸𑍍𑌸𑍍𑌵𑌾᳚𑌦𑍍𑌧𑍍𑌯𑌾॒𑌯𑌂-𑌵𑍇𑌁॒𑌦𑌮𑌧𑍀॑𑌯𑍀𑌤 𑌤𑍍𑌰𑌿𑌰𑌾॒𑌤𑍍𑌰𑌂-𑌵𑌾𑌁॑ 𑌸𑌾𑌵𑌿॒𑌤𑍍𑌰𑍀-𑌙𑍍𑌗𑌾॑𑌯॒𑌤𑍍𑌰𑍀-𑌮॒𑌨𑍍𑌵𑌾𑌤𑌿॑𑌰𑍇𑌚𑌯𑌤𑌿॒ 𑌵𑌰𑍋॒ 𑌦𑌕𑍍𑌷𑌿॑𑌣𑌾॒ 𑌵𑌰𑍇॑𑌣𑍈॒𑌵 𑌵𑌰𑌗𑍍𑌗𑍍॑ 𑌸𑍍𑌪𑍃𑌣𑍋𑌤𑍍𑌯𑌾॒𑌤𑍍𑌮𑌾 𑌹𑌿 𑌵𑌰𑌃॑ ॥ 16 ॥

𑌅𑌨𑍁𑌵𑌾𑌕𑌂 1𑍭
𑌦𑍁॒𑌹𑍇 𑌹॒ 𑌵𑌾 𑌏॒𑌷 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌯𑍋 𑌯𑌾॒𑌜𑌯॑𑌤𑌿॒ 𑌸 𑌯𑍇𑌨॑ 𑌯𑌜𑍍𑌞𑌕𑍍𑌰॒𑌤𑍁𑌨𑌾॑ 𑌯𑌾॒𑌜𑌯𑍇॒-𑌥𑍍𑌸𑍋-𑌽𑌰॑𑌣𑍍𑌯-𑌮𑍍𑌪॒𑌰𑍇𑌤𑍍𑌯॑ 𑌶𑍁𑌚𑍌 𑌦𑍇॒𑌶𑍇 𑌸𑍍𑌵𑌾᳚𑌦𑍍𑌧𑍍𑌯𑌾॒𑌯-𑌮𑍇॒𑌵𑍈𑌨॒-𑌮𑌧𑍀॑𑌯𑌨𑍍𑌨𑌾𑌸𑍀॒𑌤 𑌤𑌸𑍍𑌯𑌾॒𑌨𑌶॑𑌨-𑌨𑍍𑌦𑍀॒𑌕𑍍𑌷𑌾 𑌸𑍍𑌥𑌾॒𑌨𑌮𑍁॑𑌪॒𑌸𑌦॒ 𑌆𑌸॑𑌨𑌗𑍍​𑌮𑍍 𑌸𑍁॒𑌤𑍍𑌯𑌾 𑌵𑌾𑌗𑍍𑌜𑍁॒𑌹𑍂𑌰𑍍𑌮𑌨॑ 𑌉𑌪॒𑌭𑍃𑌦𑍍𑌧𑍃॒𑌤𑌿𑌰𑍍𑌧𑍍𑌰𑍁॒𑌵𑌾 𑌪𑍍𑌰𑌾॒𑌣𑍋 𑌹॒𑌵𑌿-𑌸𑍍𑌸𑌾𑌮𑌾᳚𑌦𑍍𑌧𑍍𑌵॒𑌰𑍍𑌯𑍁-𑌸𑍍𑌸 𑌵𑌾 𑌏॒𑌷 𑌯॒𑌜𑍍𑌞𑌃
𑌪𑍍𑌰𑌾॒𑌣𑌦॑𑌕𑍍𑌷𑌿॒𑌣𑍋-𑌽𑌨॑𑌨𑍍𑌤𑌦𑌕𑍍𑌷𑌿𑌣॒-𑌸𑍍𑌸𑌮𑍃॑𑌦𑍍𑌧𑌤𑌰𑌃 ॥ 1𑍭 ॥

𑌅𑌨𑍁𑌵𑌾𑌕𑌂 1𑍮
𑌕॒𑌤𑌿॒𑌧𑌾-𑌽𑌵॑𑌕𑍀𑌰𑍍𑌣𑍀 𑌪𑍍𑌰𑌵𑌿॒𑌶𑌤𑌿॑ 𑌚𑌤𑍁॒𑌰𑍍𑌧𑍇𑌤𑍍𑌯𑌾॑𑌹𑍁-𑌰𑍍𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌮॒𑌰𑍁𑌤𑌃॑ 𑌪𑍍𑌰𑌾॒𑌣𑍈𑌰𑌿𑌨𑍍𑌦𑍍𑌰॒-𑌮𑍍𑌬𑌲𑍇॑𑌨॒ 𑌬𑍃𑌹॒𑌸𑍍𑌪𑌤𑌿॑-𑌮𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨𑌾॒𑌗𑍍𑌨𑌿𑌮𑍇॒𑌵𑍇𑌤॑𑌰𑍇𑌣॒ 𑌸𑌰𑍍𑌵𑍇॑𑌣॒ 𑌤𑌸𑍍𑌯𑍈॒𑌤𑌾-𑌮𑍍𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌂-𑌵𑌿𑌁॒𑌦𑌾𑌞𑍍𑌚॑𑌕𑌾𑌰 𑌸𑍁𑌦𑍇॒𑌵𑌃 𑌕𑌾᳚𑌶𑍍𑌯॒𑌪𑍋 𑌯𑍋
𑌬𑍍𑌰॑𑌹𑍍𑌮𑌚𑌾॒𑌰𑍍𑌯॑𑌵॒𑌕𑌿𑌰𑍇॑𑌦𑌮𑌾𑌵𑌾॒𑌸𑍍𑌯𑌾॑𑌯𑌾॒𑌗𑍍​𑌮𑍍॒ 𑌰𑌾𑌤𑍍𑌰𑍍𑌯𑌾॑𑌮॒𑌗𑍍𑌨𑌿-𑌮𑍍𑌪𑍍𑌰॒𑌣𑍀𑌯𑍋॑𑌪𑌸𑌮𑌾॒𑌧𑌾𑌯॒ 𑌦𑍍𑌵𑌿𑌰𑌾𑌜𑍍𑌯॑𑌸𑍍𑌯𑍋𑌪॒𑌘𑌾𑌤॑-𑌞𑍍𑌜𑍁𑌹𑍋𑌤𑌿॒ 𑌕𑌾𑌮𑌾𑌵॑𑌕𑍀𑌰𑍍𑌣𑍋॒-𑌽𑌸𑍍𑌮𑍍𑌯𑌵॑𑌕𑍀𑌰𑍍𑌣𑍋-𑌽𑌸𑍍𑌮𑌿॒ 𑌕𑌾𑌮॒ 𑌕𑌾𑌮𑌾॑𑌯॒ 𑌸𑍍𑌵𑌾𑌹𑌾॒ 𑌕𑌾𑌮𑌾𑌭𑌿॑𑌦𑍍𑌰𑍁𑌗𑍍𑌧𑍋॒-𑌽𑌸𑍍𑌮𑍍𑌯𑌭𑌿॑𑌦𑍍𑌰𑍁𑌗𑍍𑌧𑍋-𑌽𑌸𑍍𑌮𑌿॒ 𑌕𑌾𑌮॒ 𑌕𑌾𑌮𑌾॑𑌯॒ 𑌸𑍍𑌵𑌾𑌹𑍇𑌤𑍍𑌯॒𑌮𑍃𑌤𑌂॒-𑌵𑌾𑌁 𑌆𑌜𑍍𑌯॑𑌮॒𑌮𑍃𑌤॑𑌮𑍇॒𑌵𑌾𑌤𑍍𑌮-𑌨𑍍𑌧॑𑌤𑍍𑌤𑍇 𑌹𑍁॒𑌤𑍍𑌵𑌾 𑌪𑍍𑌰𑌯॑𑌤𑌾𑌞𑍍𑌜॒𑌲𑌿𑌃 𑌕𑌵𑌾॑𑌤𑌿𑌰𑍍𑌯𑌙𑍍𑌙॒𑌗𑍍𑌨𑌿𑌮॒𑌭𑌿 𑌮॑𑌨𑍍𑌤𑍍𑌰𑌯𑍇𑌤॒ 𑌸-𑌮𑍍𑌮𑌾॑ 𑌸𑌿𑌞𑍍𑌚𑌨𑍍𑌤𑍁 𑌮॒𑌰𑍁𑌤॒-𑌸𑍍𑌸𑌮𑌿𑌨𑍍𑌦𑍍𑌰॒-𑌸𑍍𑌸𑌮𑍍𑌬𑍃𑌹॒𑌸𑍍𑌪𑌤𑌿𑌃॑ ।
𑌸-𑌮𑍍𑌮𑌾॒-𑌽𑌯𑌮॒𑌗𑍍𑌨𑌿-𑌸𑍍𑌸𑌿॑𑌞𑍍𑌚॒𑌤𑍍𑌵𑌾𑌯𑍁॑𑌷𑌾 𑌚॒ 𑌬𑌲𑍇॑𑌨॒ 𑌚𑌾𑌯𑍁॑𑌷𑍍𑌮𑌨𑍍𑌤-𑌙𑍍𑌕𑌰𑍋𑌤॒ 𑌮𑍇𑌤𑌿॒ 𑌪𑍍𑌰𑌤𑌿॑ 𑌹𑌾𑌸𑍍𑌮𑍈 𑌮॒𑌰𑍁𑌤𑌃॑ 𑌪𑍍𑌰𑌾॒𑌣𑌾-𑌨𑍍𑌦॑𑌧𑌤𑌿॒ 𑌪𑍍𑌰𑌤𑍀𑌨𑍍𑌦𑍍𑌰𑍋॒ 𑌬𑌲॒-𑌮𑍍𑌪𑍍𑌰𑌤𑌿॒ 𑌬𑍃𑌹॒𑌸𑍍𑌪𑌤𑌿॑-𑌰𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌮𑍍𑌪𑍍𑌰𑌤𑍍𑌯॒𑌗𑍍𑌨𑌿𑌰𑌿॒𑌤𑌰॒𑌥𑍍𑌸𑌰𑍍𑌵॒𑌗𑍍​𑌮𑍍॒ 𑌸𑌰𑍍𑌵॑𑌤𑌨𑍁𑌰𑍍𑌭𑍂॒𑌤𑍍𑌵𑌾 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿॒ 𑌤𑍍𑌰𑌿𑌰॒𑌭𑌿𑌮॑𑌨𑍍𑌤𑍍𑌰𑌯𑍇𑌤॒ 𑌤𑍍𑌰𑌿𑌷॑𑌤𑍍𑌯𑌾॒ 𑌹𑌿 𑌦𑍇॒𑌵𑌾 𑌯𑍋-𑌽𑌪𑍂॑𑌤 𑌇𑌵॒ 𑌮𑌨𑍍𑌯𑍇॑𑌤॒ 𑌸 𑌇॒𑌤𑍍𑌥-𑌞𑍍𑌜𑍁॑𑌹𑍁𑌯𑌾𑌦𑌿॒𑌤𑍍𑌥-𑌮॒𑌭𑌿𑌮॑𑌨𑍍𑌤𑍍𑌰𑌯𑍇𑌤॒ 𑌪𑍁𑌨𑍀॑𑌤 𑌏॒𑌵𑌾𑌤𑍍𑌮𑌾𑌨॒-𑌮𑌾𑌯𑍁॑𑌰𑍇॒𑌵𑌾𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌵𑌰𑍋॒ 𑌦𑌕𑍍𑌷𑌿॑𑌣𑌾॒ 𑌵𑌰𑍇॑𑌣𑍈॒𑌵 𑌵𑌰𑌗𑍍𑌗𑍍॑ 𑌸𑍍𑌪𑍃𑌣𑍋𑌤𑍍𑌯𑌾॒𑌤𑍍𑌮𑌾 𑌹𑌿 𑌵𑌰𑌃॑ ॥ 1𑍮 ॥

𑌅𑌨𑍁𑌵𑌾𑌕𑌂 1𑍯
𑌭𑍂𑌃 𑌪𑍍𑌰𑌪॑𑌦𑍍𑌯𑍇॒ 𑌭𑍁𑌵𑌃॒ 𑌪𑍍𑌰𑌪॑𑌦𑍍𑌯𑍇॒ 𑌸𑍍𑌵𑌃॑ 𑌪𑍍𑌰𑌪॑𑌦𑍍𑌯𑍇॒ 𑌭𑍂𑌰𑍍𑌭𑍁𑌵॒𑌸𑍍𑌸𑍍𑌵𑌃॑ 𑌪𑍍𑌰𑌪॑𑌦𑍍𑌯𑍇॒ 𑌬𑍍𑌰𑌹𑍍𑌮॒ 𑌪𑍍𑌰𑌪॑𑌦𑍍𑌯𑍇 𑌬𑍍𑌰𑌹𑍍𑌮𑌕𑍋॒𑌶-𑌮𑍍𑌪𑍍𑌰𑌪॑𑌦𑍍𑌯𑍇॒-𑌽𑌮𑍃𑌤॒-𑌮𑍍𑌪𑍍𑌰𑌪॑𑌦𑍍𑌯𑍇-𑌽𑌮𑍃𑌤𑌕𑍋॒𑌶-𑌮𑍍𑌪𑍍𑌰𑌪॑𑌦𑍍𑌯𑍇 𑌚𑌤𑍁𑌰𑍍𑌜𑌾॒𑌲-𑌮𑍍𑌬𑍍𑌰॑𑌹𑍍𑌮𑌕𑍋॒𑌶𑌂-𑌯𑌁-𑌮𑍍𑌮𑍃॒𑌤𑍍𑌯𑍁𑌰𑍍𑌨𑌾𑌵॒𑌪𑌶𑍍𑌯॑𑌤𑌿॒ 𑌤-𑌮𑍍𑌪𑍍𑌰𑌪॑𑌦𑍍𑌯𑍇 𑌦𑍇॒𑌵𑌾-𑌨𑍍𑌪𑍍𑌰𑌪॑𑌦𑍍𑌯𑍇 𑌦𑍇𑌵𑌪𑍁॒𑌰-𑌮𑍍𑌪𑍍𑌰𑌪॑𑌦𑍍𑌯𑍇॒ 𑌪𑌰𑍀॑𑌵𑍃𑌤𑍋॒ 𑌵𑌰𑍀॑𑌵𑍃𑌤𑍋॒ 𑌬𑍍𑌰𑌹𑍍𑌮॑𑌣𑌾॒ 𑌵𑌰𑍍𑌮॑𑌣𑌾॒-𑌽𑌹-𑌨𑍍𑌤𑍇𑌜॑𑌸𑌾॒ 𑌕𑌶𑍍𑌯॑𑌪𑌸𑍍𑌯॒ 𑌯𑌸𑍍𑌮𑍈॒ 𑌨𑌮॒𑌸𑍍𑌤𑌚𑍍𑌛𑌿𑌰𑍋॒ 𑌧𑌰𑍍𑌮𑍋॑ 𑌮𑍂॒𑌰𑍍𑌧𑌾𑌨॑-𑌮𑍍𑌬𑍍𑌰॒𑌹𑍍𑌮𑍋𑌤𑍍𑌤॑𑌰𑌾॒ 𑌹𑌨𑍁॑𑌰𑍍𑌯॒𑌜𑍍𑌞𑍋-𑌽𑌧॑𑌰𑌾॒ 𑌵𑌿𑌷𑍍𑌣𑍁॒𑌰𑍍॒ 𑌹𑍃𑌦॑𑌯𑌗𑍍​𑌮𑍍 𑌸𑌂​𑌵𑌁𑌥𑍍𑌸॒𑌰𑌃 𑌪𑍍𑌰॒𑌜𑌨॑𑌨𑌮॒𑌶𑍍𑌵𑌿𑌨𑍌॑ 𑌪𑍂𑌰𑍍𑌵॒𑌪𑌾𑌦𑌾॑𑌵॒𑌤𑍍𑌰𑌿𑌰𑍍𑌮𑌦𑍍𑌧𑍍𑌯॑-𑌮𑍍𑌮𑌿॒𑌤𑍍𑌰𑌾𑌵𑌰𑍁॑𑌣𑌾 𑌵𑌪𑌰॒𑌪𑌾𑌦𑌾॑𑌵॒𑌗𑍍𑌨𑌿𑌃 𑌪𑍁𑌚𑍍𑌛॑𑌸𑍍𑌯 𑌪𑍍𑌰𑌥॒𑌮-𑌙𑍍𑌕𑌾𑌣𑍍𑌡॒-𑌨𑍍𑌤𑌤॒ 𑌇𑌨𑍍𑌦𑍍𑌰॒𑌸𑍍𑌤𑌤𑌃॑ 𑌪𑍍𑌰॒𑌜𑌾𑌪॑𑌤𑌿॒𑌰𑌭॑𑌯-𑌞𑍍𑌚𑌤𑍁॒𑌰𑍍𑌥𑌗𑍍​𑌮𑍍 𑌸 𑌵𑌾 𑌏॒𑌷 𑌦𑌿॒𑌵𑍍𑌯-𑌶𑍍𑌶𑌾᳚𑌕𑍍𑌵॒𑌰-𑌶𑍍𑌶𑌿𑌶𑍁॑𑌮𑌾𑌰॒𑌸𑍍𑌤𑌗𑍍​𑌮𑍍 𑌹॒ 𑌯 𑌏॒𑌵𑌂-𑌵𑍇𑌁𑌦𑌾𑌪॑ 𑌪𑍁𑌨𑌰𑍍𑌮𑍃॒𑌤𑍍𑌯𑍁-𑌞𑍍𑌜॑𑌯𑌤𑌿॒ 𑌜𑌯॑𑌤𑌿 𑌸𑍍𑌵॒𑌰𑍍𑌗𑌂-𑌲𑍋𑌁॒𑌕-𑌨𑍍𑌨𑌾𑌦𑍍𑌧𑍍𑌵𑌨𑌿॒ 𑌪𑍍𑌰𑌮𑍀॑𑌯𑌤𑍇॒ 𑌨𑌾𑌫𑍍𑌸𑍁 𑌪𑍍𑌰𑌮𑍀॑𑌯𑌤𑍇॒ 𑌨𑌾𑌗𑍍𑌨𑍌 𑌪𑍍𑌰𑌮𑍀॑𑌯𑌤𑍇॒ 𑌨𑌾𑌨॒𑌪𑌤𑍍𑌯𑌃॑ 𑌪𑍍𑌰𑌮𑍀॒𑌯𑌤𑍇॑ 𑌲॒𑌘𑍍𑌵𑌾𑌨𑍍𑌨𑍋॑ 𑌭𑌵𑌤𑌿 𑌧𑍍𑌰𑍁॒𑌵𑌸𑍍𑌤𑍍𑌵𑌮॑𑌸𑌿 𑌧𑍍𑌰𑍁॒𑌵𑌸𑍍𑌯 𑌕𑍍𑌷𑌿॑𑌤𑌮𑌸𑌿॒ 𑌤𑍍𑌵-𑌮𑍍𑌭𑍂॒𑌤𑌾𑌨𑌾॒𑌮𑌧𑌿॑𑌪𑌤𑌿𑌰𑌸𑌿॒ 𑌤𑍍𑌵-𑌮𑍍𑌭𑍂॒𑌤𑌾𑌨𑌾॒𑌗𑍍॒ 𑌶𑍍𑌰𑍇𑌷𑍍𑌠𑍋॑-𑌽𑌸𑌿॒ 𑌤𑍍𑌵𑌾-𑌮𑍍𑌭𑍂॒𑌤𑌾𑌨𑍍𑌯𑍁𑌪॑𑌪॒𑌰𑍍𑌯𑌾𑌵॑𑌰𑍍𑌤𑌨𑍍𑌤𑍇॒ 𑌨𑌮॑𑌸𑍍𑌤𑍇॒ 𑌨𑌮॒-𑌸𑍍𑌸𑌰𑍍𑌵॑-𑌨𑍍𑌤𑍇॒ 𑌨𑌮𑍋॒ 𑌨𑌮𑌃॑ ॥
[𑌫𑌾𑌟 𑌭𑍍𑌹𑍇𑌦𑌮𑍍 - 𑌨𑌮𑍋॒ 𑌨𑌮॑-𑌶𑍍𑌶𑌿𑌶𑍁𑌕𑍁𑌮𑌾𑌰𑌾𑌯॒ 𑌨𑌮𑌃॑ ] ॥ 1𑍯 ॥

𑌅𑌨𑍁𑌵𑌾𑌕𑌂 20
𑌨𑌮𑌃॒ 𑌪𑍍𑌰𑌾𑌚𑍍𑌯𑍈॑ 𑌦𑌿॒𑌶𑍇 𑌯𑌾𑌶𑍍𑌚॑ 𑌦𑍇॒𑌵𑌤𑌾॑ 𑌏॒𑌤𑌸𑍍𑌯𑌾॒-𑌮𑍍𑌪𑍍𑌰𑌤𑌿॑𑌵𑌸𑌨𑍍𑌤𑍍𑌯𑍇॒ 𑌤𑌾𑌭𑍍𑌯॑𑌶𑍍𑌚॒ 𑌨𑌮𑍋॒ 𑌨𑌮𑍋 𑌦𑌕𑍍𑌷𑌿॑𑌣𑌾𑌯𑍈 𑌦𑌿॒𑌶𑍇 𑌯𑌾𑌶𑍍𑌚॑ 𑌦𑍇॒𑌵𑌤𑌾॑ 𑌏॒𑌤𑌸𑍍𑌯𑌾॒-𑌮𑍍𑌪𑍍𑌰𑌤𑌿॑𑌵𑌸𑌨𑍍𑌤𑍍𑌯𑍇॒ 𑌤𑌾𑌭𑍍𑌯॑𑌶𑍍𑌚॒ 𑌨𑌮𑍋॒ 𑌨𑌮𑌃॒ 𑌪𑍍𑌰𑌤𑍀᳚𑌚𑍍𑌯𑍈 𑌦𑌿॒𑌶𑍇 𑌯𑌾𑌶𑍍𑌚॑ 𑌦𑍇॒𑌵𑌤𑌾॑ 𑌏॒𑌤𑌸𑍍𑌯𑌾॒-𑌮𑍍𑌪𑍍𑌰𑌤𑌿॑𑌵𑌸𑌨𑍍𑌤𑍍𑌯𑍇॒ 𑌤𑌾𑌭𑍍𑌯॑𑌶𑍍𑌚॒ 𑌨𑌮𑍋॒ 𑌨𑌮॒ 𑌉𑌦𑍀᳚𑌚𑍍𑌯𑍈 𑌦𑌿॒𑌶𑍇 𑌯𑌾𑌶𑍍𑌚॑ 𑌦𑍇॒𑌵𑌤𑌾॑ 𑌏॒𑌤𑌸𑍍𑌯𑌾॒-𑌮𑍍𑌪𑍍𑌰𑌤𑌿॑𑌵𑌸𑌨𑍍𑌤𑍍𑌯𑍇॒ 𑌤𑌾𑌭𑍍𑌯॑𑌶𑍍𑌚॒ 𑌨𑌮𑍋॒ 𑌨𑌮॑ 𑌊॒𑌰𑍍𑌧𑍍𑌵𑌾𑌯𑍈॑ 𑌦𑌿॒𑌶𑍇 𑌯𑌾𑌶𑍍𑌚॑ 𑌦𑍇॒𑌵𑌤𑌾॑ 𑌏॒𑌤𑌸𑍍𑌯𑌾॒-𑌮𑍍𑌪𑍍𑌰𑌤𑌿॑𑌵𑌸𑌨𑍍𑌤𑍍𑌯𑍇॒ 𑌤𑌾𑌭𑍍𑌯॑𑌶𑍍𑌚॒ 𑌨𑌮𑍋॒ 𑌨𑌮𑍋-𑌽𑌧॑𑌰𑌾𑌯𑍈 𑌦𑌿॒𑌶𑍇 𑌯𑌾𑌶𑍍𑌚॑ 𑌦𑍇॒𑌵𑌤𑌾॑ 𑌏॒𑌤𑌸𑍍𑌯𑌾॒-𑌮𑍍𑌪𑍍𑌰𑌤𑌿॑𑌵𑌸𑌨𑍍𑌤𑍍𑌯𑍇॒ 𑌤𑌾𑌭𑍍𑌯॑𑌶𑍍𑌚॒ 𑌨𑌮𑍋॒ 𑌨𑌮𑍋॑-𑌽𑌵𑌾𑌨𑍍𑌤॒𑌰𑌾𑌯𑍈॑ 𑌦𑌿॒𑌶𑍇 𑌯𑌾𑌶𑍍𑌚॑ 𑌦𑍇॒𑌵𑌤𑌾॑ 𑌏॒𑌤𑌸𑍍𑌯𑌾॒-𑌮𑍍𑌪𑍍𑌰𑌤𑌿॑𑌵𑌸𑌨𑍍𑌤𑍍𑌯𑍇॒ 𑌤𑌾𑌭𑍍𑌯॑𑌶𑍍𑌚॒ 𑌨𑌮𑍋॒ 𑌨𑌮𑍋 𑌗𑌙𑍍𑌗𑌾𑌯𑌮𑍁𑌨𑌯𑍋𑌰𑍍𑌮𑌦𑍍𑌧𑍍𑌯𑍇 𑌯𑍇॑ 𑌵𑌸॒𑌨𑍍𑌤𑌿॒ 𑌤𑍇 𑌮𑍇 𑌪𑍍𑌰𑌸𑌨𑍍𑌨𑌾𑌤𑍍𑌮𑌾𑌨𑌸𑍍𑌚𑌿𑌰-𑌞𑍍𑌜𑍀𑌵𑌿𑌤𑌂-𑌵𑌁॑𑌰𑍍𑌧𑌯॒𑌨𑍍𑌤𑌿॒ 𑌨𑌮𑍋 𑌗𑌙𑍍𑌗𑌾𑌯𑌮𑍁𑌨𑌯𑍋𑌰𑍍𑌮𑍁𑌨𑌿॑𑌭𑍍𑌯𑌶𑍍𑌚॒ 𑌨𑌮𑍋॒ 𑌨𑌮𑍋 𑌗𑌙𑍍𑌗𑌾𑌯𑌮𑍁𑌨𑌯𑍋𑌰𑍍𑌮𑍁𑌨𑌿॑𑌭𑍍𑌯𑌶𑍍𑌚॒ 𑌨𑌮𑌃 ॥ 20 ॥

(𑌸𑌹॒ - 𑌰𑌕𑍍𑌷𑌾𑌗𑍍​𑌮𑍍॑𑌸𑌿॒ - 𑌯-𑌦𑍍𑌦𑍇॑𑌵𑌾-𑌸𑍍𑌸॒𑌪𑍍𑌤𑌦॑𑌶॒ - 𑌯𑌦𑌦𑍀᳚𑌵𑍍𑌯॒-𑌨𑍍𑌪𑌞𑍍𑌚॑𑌦𑌶॒ - 𑌯𑍁॑𑌷𑍍𑌟𑍇॒ 𑌚𑌤𑍁॑𑌸𑍍𑌤𑍍𑌰𑌿𑌗𑍍​𑌮𑍍𑌶-𑌦𑍍- 𑌵𑍈𑌶𑍍𑌵𑌾𑌨॒𑌰𑌾𑌯॒ 𑌷𑌡𑍍𑌵𑌿𑌗𑍍​𑌮𑍍॑𑌶𑌤𑌿॒-𑌰𑍍𑌵𑌾𑌤॑𑌰𑌶𑌨𑌾 𑌹 - 𑌕𑍁𑌶𑍍𑌮𑌾॒𑌣𑍍𑌡𑍈- 𑌰॒𑌜𑌾𑌨𑍍. 𑌹॒ - 𑌪𑌞𑍍𑌚॑ - 𑌬𑍍𑌰𑌹𑍍𑌮𑌯॒𑌜𑍍𑌞𑍇𑌨॒ - 𑌗𑍍𑌰𑌾𑌮𑍇॑ - 𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑍇॒ - 𑌤𑌸𑍍𑌯॒ 𑌵𑍈 𑌮𑍇𑌘॒ - 𑌸𑍍𑌤𑌸𑍍𑌯॒ 𑌵𑍈 𑌦𑍍𑌵𑍌 - 𑌰𑌿𑌚𑍍𑌯॑𑌤𑍇 - 𑌦𑍁॒𑌹𑍇 𑌹॑ - 𑌕𑌤𑌿॒𑌧𑌾-𑌽𑌵॑𑌕𑍀𑌰𑍍𑌣𑍀॒ - 𑌭𑍂--𑌰𑍍 𑌨𑌮𑌃॒ 𑌪𑍍𑌰𑌾𑌚𑍍𑌯𑍈॑ 𑌵𑌿𑌗𑍍​𑌮𑍍𑌶॒𑌤𑌿𑌃 )

(𑌸𑌹॑ 𑌵𑍈 - 𑌮𑍁𑌨𑌿॑𑌭𑍍𑌯𑌶𑍍𑌚॒ 𑌨𑌮𑌃 )

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥