𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌤𑍃𑌤𑍀𑌯𑌾𑌷𑍍𑌟𑌕𑍇 𑌚𑌤𑍁𑌰𑍍𑌥𑌃 𑌪𑍍𑌰𑌪𑌾𑌠𑌕𑌃 - 𑌪𑍁𑌰𑍁𑌷𑌮𑍇𑌧𑌃

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

3.4.1 𑌤𑍋 3.4.1𑍯 -𑌪𑍁𑌰𑍁𑌷𑌮𑍇𑌧𑌃

𑌬𑍍𑌰𑌹𑍍𑌮॑𑌣𑍇 𑌬𑍍𑌰𑌾𑌹𑍍𑌮॒𑌣𑌮𑌾𑌲॑𑌭𑌤𑍇 । 𑌕𑍍𑌷॒𑌤𑍍𑌰𑌾𑌯॑ 𑌰𑌾𑌜॒𑌨𑍍𑌯᳚𑌮𑍍 । 𑌮॒𑌰𑍁𑌦𑍍𑌭𑍍𑌯𑍋॒ 𑌵𑍈𑌶𑍍𑌯᳚𑌮𑍍 । 𑌤𑌪॑𑌸𑍇 𑌶𑍂॒𑌦𑍍𑌰𑌮𑍍 । 𑌤𑌮॑𑌸𑍇॒ 𑌤𑌸𑍍𑌕॑𑌰𑌮𑍍 । 𑌨𑌾𑌰॑𑌕𑌾𑌯 𑌵𑍀𑌰॒𑌹𑌣᳚𑌮𑍍 । 𑌪𑌾॒𑌪𑍍𑌮𑌨𑍇᳚ 𑌕𑍍𑌲𑍀॒𑌬𑌮𑍍 । 𑌆॒𑌕𑍍𑌰॒𑌯𑌾𑌯𑌾॑𑌯𑍋॒𑌗𑍂𑌮𑍍 । 𑌕𑌾𑌮𑌾॑𑌯 𑌪𑍁𑌗𑍍𑌗𑍍​𑌶𑍍𑌚॒𑌲𑍂𑌮𑍍 ।
𑌅𑌤𑌿॑𑌕𑍍𑌰𑍁𑌷𑍍𑌟𑌾𑌯 𑌮𑌾𑌗॒𑌧𑌮𑍍 ॥ 1 ॥ (𑌅. 1)

𑌗𑍀॒𑌤𑌾𑌯॑ 𑌸𑍂॒𑌤𑌮𑍍 । 𑌨𑍃॒𑌤𑍍𑌤𑌾𑌯॑ 𑌶𑍈𑌲𑍂॒𑌷𑌮𑍍 । 𑌧𑌰𑍍𑌮𑌾॑𑌯 𑌸𑌭𑌾𑌚॒𑌰𑌮𑍍 । 𑌨॒𑌰𑍍𑌮𑌾𑌯॑ 𑌰𑍇॒𑌭𑌮𑍍 । 𑌨𑌰𑌿॑𑌷𑍍𑌠𑌾𑌯𑍈 𑌭𑍀𑌮॒𑌲𑌮𑍍 । 𑌹𑌸𑌾॑𑌯॒ 𑌕𑌾𑌰𑌿᳚𑌮𑍍 । 𑌆॒𑌨॒𑌨𑍍𑌦𑌾𑌯॑ 𑌸𑍍𑌤𑍍𑌰𑍀𑌷॒𑌖𑌮𑍍 ।
𑌪𑍍𑌰॒𑌮𑍁𑌦𑍇॑ 𑌕𑍁𑌮𑌾𑌰𑍀𑌪𑍁॒𑌤𑍍𑌰𑌮𑍍 । 𑌮𑍇॒𑌧𑌾𑌯𑍈॑ 𑌰𑌥𑌕𑌾॒𑌰𑌮𑍍 ।
𑌧𑍈𑌰𑍍𑌯𑌾॑𑌯॒ 𑌤𑌕𑍍𑌷𑌾॑𑌣𑌮𑍍 ॥ 2 ॥ (𑌅. 2)

𑌶𑍍𑌰𑌮𑌾॑𑌯 𑌕𑍌𑌲𑌾॒𑌲𑌮𑍍 । 𑌮𑌾॒𑌯𑌾𑌯𑍈॑ 𑌕𑌾𑌰𑍍𑌮𑌾॒𑌰𑌮𑍍 । 𑌰𑍂॒𑌪𑌾𑌯॑ 𑌮𑌣𑌿𑌕𑌾॒𑌰𑌮𑍍 । 𑌶𑍁𑌭𑍇॑ 𑌵॒𑌪𑌮𑍍 । 𑌶॒𑌰॒𑌵𑍍𑌯𑌾॑𑌯𑌾 𑌇𑌷𑍁𑌕𑌾॒𑌰𑌮𑍍 । 𑌹𑍇॒𑌤𑍍𑌯𑍈 𑌧॑𑌨𑍍𑌵𑌕𑌾॒𑌰𑌮𑍍 । 𑌕𑌰𑍍𑌮॑𑌣𑍇 𑌜𑍍𑌯𑌾𑌕𑌾॒𑌰𑌮𑍍 । 𑌦𑌿॒𑌷𑍍𑌟𑌾𑌯॑ 𑌰𑌜𑍍𑌜𑍁𑌸॒𑌰𑍍𑌗𑌮𑍍 । 𑌮𑍃॒𑌤𑍍𑌯𑌵𑍇॑ 𑌮𑍃𑌗॒𑌯𑍁𑌮𑍍 ।
𑌅𑌨𑍍𑌤॑𑌕𑌾𑌯 𑌶𑍍𑌵॒𑌨𑌿𑌤᳚𑌮𑍍 ॥ 3 ॥ (𑌅. 3)

𑌸॒𑌨𑍍𑌧𑌯𑍇॑ 𑌜𑌾॒𑌰𑌮𑍍 । 𑌗𑍇॒𑌹𑌾𑌯𑍋॑𑌪𑌪॒𑌤𑌿𑌮𑍍 । 𑌨𑌿𑌰𑍍-𑌋॑𑌤𑍍𑌯𑍈 𑌪𑌰𑌿𑌵𑌿॒𑌤𑍍𑌤𑌮𑍍 । 𑌆𑌰𑍍𑌤𑍍𑌯𑍈॑ 𑌪𑌰𑌿𑌵𑌿𑌵𑌿𑌦𑌾॒𑌨𑌮𑍍 । 𑌅𑌰𑌾᳚𑌦𑍍𑌧𑍍𑌯𑍈 𑌦𑌿𑌧𑌿𑌷𑍂॒𑌪𑌤𑌿᳚𑌮𑍍 । 𑌪॒𑌵𑌿𑌤𑍍𑌰𑌾॑𑌯 𑌭𑌿॒𑌷𑌜᳚𑌮𑍍 ।
𑌪𑍍𑌰॒𑌜𑍍𑌞𑌾𑌨𑌾॑𑌯 𑌨𑌕𑍍𑌷𑌤𑍍𑌰𑌦॒𑌰॒.𑌶𑌮𑍍 । 𑌨𑌿𑌷𑍍𑌕𑍃॑𑌤𑍍𑌯𑍈 𑌪𑍇𑌶𑌸𑍍𑌕𑌾॒𑌰𑍀𑌮𑍍 । 𑌬𑌲𑌾॑𑌯𑍋 𑌪॒𑌦𑌾𑌮𑍍 ।
𑌵𑌰𑍍𑌣𑌾॑𑌯𑌾𑌨𑍂॒𑌰𑍁𑌧᳚𑌮𑍍 ॥ 4 ॥ (𑌅. 4)

𑌨॒𑌦𑍀𑌭𑍍𑌯𑌃॑ 𑌪𑍌𑌞𑍍𑌜𑌿॒𑌷𑍍𑌟𑌮𑍍 । 𑌋॒𑌕𑍍𑌷𑍀𑌕𑌾᳚𑌭𑍍𑌯𑍋॒ 𑌨𑍈𑌷𑌾॑𑌦𑌮𑍍 ।
𑌪𑍁॒𑌰𑍁॒𑌷॒𑌵𑍍𑌯𑌾॒𑌘𑍍𑌰𑌾𑌯॑ 𑌦𑍁॒𑌰𑍍𑌮𑌦᳚𑌮𑍍 । 𑌪𑍍𑌰॒𑌯𑍁𑌦𑍍𑌭𑍍𑌯॒ 𑌉𑌨𑍍𑌮॑𑌤𑍍𑌤𑌮𑍍 । 𑌗॒𑌨𑍍𑌧॒𑌰𑍍𑌵𑌾॒𑌫𑍍𑌸॒𑌰𑌾𑌭𑍍𑌯𑍋॒ 𑌵𑍍𑌰𑌾𑌤𑍍𑌯᳚𑌮𑍍 ।
𑌸॒𑌰𑍍𑌪॒𑌦𑍇॒𑌵॒𑌜॒𑌨𑍇𑌭𑍍𑌯𑍋 𑌽𑌪𑍍𑌰॑𑌤𑌿𑌪𑌦𑌮𑍍 । 𑌅𑌵𑍇᳚𑌭𑍍𑌯𑌃 𑌕𑌿𑌤॒𑌵𑌮𑍍 ।
𑌇॒𑌰𑍍𑌯𑌤𑌾॑𑌯𑌾॒ 𑌅𑌕𑌿॑𑌤𑌵𑌮𑍍 । 𑌪𑌿॒𑌶𑌾॒𑌚𑍇𑌭𑍍𑌯𑍋॑ 𑌬𑌿𑌦𑌲𑌕𑌾॒𑌰𑌮𑍍 ।
𑌯𑌾॒𑌤𑍁॒𑌧𑌾𑌨𑍇᳚𑌭𑍍𑌯𑌃 𑌕𑌣𑍍𑌟𑌕𑌕𑌾॒𑌰𑌮𑍍 ॥ 5 ॥ (𑌅. 5)

𑌉॒𑌥𑍍𑌸𑌾॒𑌦𑍇𑌭𑍍𑌯𑌃॑ 𑌕𑍁॒𑌬𑍍𑌜𑌮𑍍 । 𑌪𑍍𑌰॒𑌮𑍁𑌦𑍇॑ 𑌵𑌾𑌮॒𑌨𑌮𑍍 । 𑌦𑍍𑌵𑌾॒𑌰𑍍𑌭𑍍𑌯-𑌸𑍍𑌸𑍍𑌰𑌾॒𑌮𑌮𑍍 । 𑌸𑍍𑌵𑌪𑍍𑌨𑌾॑𑌯𑌾॒𑌨𑍍𑌧𑌮𑍍 । 𑌅𑌧॑𑌰𑍍𑌮𑌾𑌯 𑌬𑌧𑌿॒𑌰𑌮𑍍 । 𑌸॒𑌜𑍍𑌞𑌾𑌨𑍍𑌨𑌾॑𑌯 𑌸𑍍𑌮𑌰𑌕𑌾॒𑌰𑍀𑌮𑍍 ।
𑌪𑍍𑌰॒𑌕𑌾॒𑌮𑍋𑌦𑍍𑌯𑌾॑𑌯𑍋𑌪॒𑌸𑌦᳚𑌮𑍍 । 𑌆॒𑌶𑌿॒𑌕𑍍𑌷𑌾𑌯𑍈᳚ 𑌪𑍍𑌰॒𑌶𑍍𑌨𑌿𑌨᳚𑌮𑍍 ।
𑌉॒𑌪॒𑌶𑌿॒𑌕𑍍𑌷𑌾𑌯𑌾॑ 𑌅𑌭𑌿𑌪𑍍𑌰॒𑌶𑍍𑌨𑌿𑌨᳚𑌮𑍍 ।
𑌮॒𑌰𑍍𑌯𑌾𑌦𑌾॑𑌯𑍈 𑌪𑍍𑌰𑌶𑍍𑌨𑌵𑌿𑌵𑌾॒𑌕𑌮𑍍 ॥ 6 ॥ (𑌅. 6)

𑌋𑌤𑍍𑌯𑍈᳚ 𑌸𑍍𑌤𑍇॒𑌨𑌹𑍃॑𑌦𑌯𑌮𑍍 । 𑌵𑍈𑌰॑𑌹𑌤𑍍𑌯𑌾𑌯॒ 𑌪𑌿𑌶𑍁॑𑌨𑌮𑍍 । 𑌵𑌿𑌵𑌿॑𑌤𑍍𑌤𑍍𑌯𑍈 𑌕𑍍𑌷॒𑌤𑍍𑌤𑌾𑌰᳚𑌮𑍍 । 𑌔𑌪॑𑌦𑍍𑌰𑌷𑍍𑌟𑌾𑌯 𑌸𑌙𑍍𑌗𑍍𑌰𑌹𑍀॒𑌤𑌾𑌰᳚𑌮𑍍 । 𑌬𑌲𑌾॑𑌯𑌾𑌨𑍁𑌚॒𑌰𑌮𑍍 । 𑌭𑍂॒𑌮𑍍𑌨𑍇 𑌪॑𑌰𑌿𑌷𑍍𑌕॒𑌨𑍍𑌦𑌮𑍍 ।
𑌪𑍍𑌰𑌿॒𑌯𑌾𑌯॑ 𑌪𑍍𑌰𑌿𑌯𑌵𑌾॒𑌦𑌿𑌨᳚𑌮𑍍 । 𑌅𑌰𑌿॑𑌷𑍍𑌟𑍍𑌯𑌾 𑌅𑌶𑍍𑌵𑌸𑌾॒𑌦𑌮𑍍 ।
𑌮𑍇𑌧𑌾॑𑌯 𑌵𑌾𑌸𑌃 𑌪𑌲𑍍𑌪𑍂॒𑌲𑍀𑌮𑍍 । 𑌪𑍍𑌰॒𑌕𑌾॒𑌮𑌾𑌯॑ 𑌰𑌜𑌯𑌿॒𑌤𑍍𑌰𑍀𑌮𑍍 ॥ 𑍭 ॥ (𑌅. 𑍭)

𑌭𑌾𑌯𑍈॑ 𑌦𑌾𑌰𑍍𑌵𑌾𑌹𑌾॒𑌰𑌮𑍍 । 𑌪𑍍𑌰॒𑌭𑌾𑌯𑌾॑ 𑌆𑌗𑍍𑌨𑍇॒𑌨𑍍𑌧𑌮𑍍 । 𑌨𑌾𑌕॑𑌸𑍍𑌯 𑌪𑍃॒𑌷𑍍𑌠𑌾𑌯𑌾॑𑌭𑌿𑌷𑍇॒𑌕𑍍𑌤𑌾𑌰᳚𑌮𑍍 । 𑌬𑍍𑌰॒𑌦𑍍𑌧𑍍𑌨𑌸𑍍𑌯॑ 𑌵𑌿॒𑌷𑍍𑌟𑌪𑌾॑𑌯 𑌪𑌾𑌤𑍍𑌰𑌨𑌿𑌰𑍍𑌣𑍇॒𑌗𑌮𑍍 । 𑌦𑍇॒𑌵॒𑌲𑍋॒𑌕𑌾𑌯॑ 𑌪𑍇𑌶𑌿॒𑌤𑌾𑌰᳚𑌮𑍍 ।
𑌮॒𑌨𑍁॒𑌷𑍍𑌯॒𑌲𑍋॒𑌕𑌾𑌯॑ 𑌪𑍍𑌰𑌕𑌰𑌿॒𑌤𑌾𑌰᳚𑌮𑍍 ।
𑌸𑌰𑍍𑌵𑍇᳚𑌭𑍍𑌯𑍋 𑌲𑍋॒𑌕𑍇𑌭𑍍𑌯॑ 𑌉𑌪𑌸𑍇॒𑌕𑍍𑌤𑌾𑌰᳚𑌮𑍍 ।
𑌅𑌵॑𑌰𑍍𑌤𑍍𑌯𑍈 𑌵॒𑌧𑌾𑌯𑍋॑𑌪𑌮𑌨𑍍𑌥𑌿॒𑌤𑌾𑌰᳚𑌮𑍍 ।
𑌸𑍁𑌵॒𑌰𑍍𑌗𑌾𑌯॑ 𑌲𑍋॒𑌕𑌾𑌯॑ 𑌭𑌾𑌗॒𑌦𑍁𑌘᳚𑌮𑍍 ।
𑌵𑌰𑍍​𑌷𑌿॑𑌷𑍍𑌠𑌾𑌯॒ 𑌨𑌾𑌕𑌾॑𑌯 𑌪𑌰𑌿𑌵𑍇॒𑌷𑍍𑌟𑌾𑌰᳚𑌮𑍍 ॥ 𑍮 ॥ (𑌅. 𑍮)

𑌅𑌰𑍍𑌮𑍇᳚𑌭𑍍𑌯𑍋 𑌹𑌸𑍍𑌤𑌿॒𑌪𑌮𑍍 । 𑌜॒𑌵𑌾𑌯𑌾᳚𑌶𑍍𑌵॒𑌪𑌮𑍍 । 𑌪𑍁𑌷𑍍𑌟𑍍𑌯𑍈॑ 𑌗𑍋𑌪𑌾॒𑌲𑌮𑍍 । 𑌤𑍇𑌜॑𑌸𑍇-𑌽𑌜𑌪𑌾॒𑌲𑌮𑍍 । 𑌵𑍀॒𑌰𑍍𑌯𑌾॑𑌯𑌾𑌵𑌿𑌪𑌾॒𑌲𑌮𑍍 । 𑌇𑌰𑌾॑𑌯𑍈 𑌕𑍀॒𑌨𑌾𑌶᳚𑌮𑍍 । 𑌕𑍀॒𑌲𑌾𑌲𑌾॑𑌯 𑌸𑍁𑌰𑌾𑌕𑌾॒𑌰𑌮𑍍 । 𑌭॒𑌦𑍍𑌰𑌾𑌯॑ 𑌗𑍃𑌹॒𑌪𑌮𑍍 । 𑌶𑍍𑌰𑍇𑌯॑𑌸𑍇 𑌵𑌿𑌤𑍍𑌤॒𑌧𑌮𑍍 । 𑌅𑌦𑍍𑌧𑍍𑌯॑𑌕𑍍𑌷𑌾𑌯𑌾𑌨𑍁𑌕𑍍𑌷॒𑌤𑍍𑌤𑌾𑌰᳚𑌮𑍍 ॥ 𑍯 ॥ (𑌅. 𑍯)

𑌮॒𑌨𑍍𑌯𑌵𑍇॑-𑌽𑌯𑌸𑍍𑌤𑌾॒𑌪𑌮𑍍 । 𑌕𑍍𑌰𑍋𑌧𑌾॑𑌯 𑌨𑌿𑌸॒𑌰𑌮𑍍 । 𑌶𑍋𑌕𑌾॑𑌯𑌾𑌭𑌿𑌸॒𑌰𑌮𑍍 । 𑌉॒𑌤𑍍𑌕𑍂॒𑌲॒𑌵𑌿॒𑌕𑍂॒𑌲𑌾𑌭𑍍𑌯𑌾᳚-𑌨𑍍𑌤𑍍𑌰𑌿॒𑌸𑍍𑌥𑌿𑌨᳚𑌮𑍍 । 𑌯𑍋𑌗𑌾॑𑌯 𑌯𑍋॒𑌕𑍍𑌤𑌾𑌰᳚𑌮𑍍 । 𑌕𑍍𑌷𑍇𑌮𑌾॑𑌯 𑌵𑌿𑌮𑍋॒𑌕𑍍𑌤𑌾𑌰᳚𑌮𑍍 ।
𑌵𑌪𑍁॑𑌷𑍇 𑌮𑌾𑌨𑌸𑍍𑌕𑍃॒𑌤𑌮𑍍 । 𑌶𑍀𑌲𑌾॑𑌯𑌾𑌞𑍍𑌜𑌨𑍀𑌕𑌾॒𑌰𑌮𑍍 ।
𑌨𑌿𑌰𑍍-𑌋॑𑌤𑍍𑌯𑍈 𑌕𑍋𑌶𑌕𑌾॒𑌰𑍀𑌮𑍍 । 𑌯॒𑌮𑌾𑌯𑌾॒𑌸𑍂𑌮𑍍 ॥ 10 ॥ (𑌅. 10)

𑌯॒𑌮𑍍𑌯𑍈॑ 𑌯𑌮॒𑌸𑍂𑌮𑍍 । 𑌅𑌥॑𑌰𑍍𑌵॒𑌭𑍍𑌯𑍋-𑌽𑌵॑𑌤𑍋𑌕𑌾𑌮𑍍 । 𑌸𑌂॒​𑌵𑌁॒𑌥𑍍𑌸॒𑌰𑌾𑌯॑ 𑌪𑌰𑍍𑌯𑌾॒𑌰𑌿𑌣𑍀᳚𑌮𑍍 ।
𑌪॒𑌰𑌿॒𑌵॒𑌥𑍍𑌸॒𑌰𑌾𑌯𑌾𑌵𑌿॑𑌜𑌾𑌤𑌾𑌮𑍍 । 𑌇॒𑌦𑌾॒𑌵॒𑌥𑍍𑌸॒𑌰𑌾𑌯𑌾॑𑌪॒𑌸𑍍𑌕𑌦𑍍𑌵॑𑌰𑍀𑌮𑍍 ।
𑌇॒𑌦𑍍𑌵॒𑌥𑍍𑌸॒𑌰𑌾𑌯𑌾॒𑌤𑍀𑌤𑍍𑌵॑𑌰𑍀𑌮𑍍 । 𑌵॒𑌥𑍍𑌸॒𑌰𑌾𑌯॒ 𑌵𑌿𑌜॑𑌰𑍍𑌜𑌰𑌾𑌮𑍍 ।
𑌸॒𑌰𑍍𑌵॒𑌥𑍍𑌸𑌂॒𑌰𑌾𑌯॒ 𑌪𑌲𑌿॑𑌕𑍍𑌨𑍀𑌮𑍍 । 𑌵𑌨𑌾॑𑌯 𑌵𑌨॒𑌪𑌮𑍍 ।
𑌅॒𑌨𑍍𑌯𑌤𑍋॑𑌰𑌣𑍍𑌯𑌾𑌯 𑌦𑌾𑌵॒𑌪𑌮𑍍 ॥ 11 ॥ (𑌅. 11)

𑌸𑌰𑍋᳚𑌭𑍍𑌯𑍋 𑌧𑍈𑌵॒𑌰𑌮𑍍 । 𑌵𑍇𑌶॑𑌨𑍍𑌤𑌾𑌭𑍍𑌯𑍋॒ 𑌦𑌾𑌶᳚𑌮𑍍 । 𑌉॒𑌪॒𑌸𑍍𑌥𑌾𑌵॑𑌰𑍀𑌭𑍍𑌯𑍋॒ 𑌬𑍈𑌨𑍍𑌦᳚𑌮𑍍 ।
𑌨॒𑌡𑍍𑌵॒𑌲𑌾𑌭𑍍𑌯॑-𑌶𑍍𑌶𑍌𑌷𑍍𑌕॒𑌲𑌮𑍍 । 𑌪𑌾॒𑌰𑍍𑌯𑌾॑𑌯 𑌕𑍈𑌵॒𑌰𑍍𑌤𑌮𑍍 । 𑌅॒𑌵𑌾॒𑌰𑍍𑌯𑌾॑𑌯 𑌮𑌾𑌰𑍍𑌗𑌾॒𑌰𑌮𑍍 । 𑌤𑍀॒𑌰𑍍𑌥𑍇𑌭𑍍𑌯॑ 𑌆॒𑌨𑍍𑌦𑌮𑍍 । 𑌵𑌿𑌷॑𑌮𑍇𑌭𑍍𑌯𑍋 𑌮𑍈𑌨𑌾॒𑌲𑌮𑍍 । 𑌸𑍍𑌵𑌨𑍇᳚𑌭𑍍𑌯𑌃॒ 𑌪𑌰𑍍𑌣॑𑌕𑌮𑍍 ।
𑌗𑍁𑌹𑌾᳚𑌭𑍍𑌯𑌃॒ 𑌕𑌿𑌰𑌾॑𑌤𑌮𑍍 । 𑌸𑌾𑌨𑍁॑𑌭𑍍𑌯𑍋॒ 𑌜𑌮𑍍𑌭॑𑌕𑌮𑍍 ।
𑌪𑌰𑍍𑌵॑𑌤𑍇𑌭𑍍𑌯𑌃॒ 𑌕𑌿-𑌮𑍍𑌪𑍂॑𑌰𑍁𑌷𑌮𑍍 ॥ 12 ॥ (𑌅. 12)

𑌪𑍍𑌰॒𑌤𑌿॒𑌶𑍍𑌰𑍁𑌤𑍍𑌕𑌾॑𑌯𑌾 𑌋𑌤𑍁॒𑌲𑌮𑍍 । 𑌘𑍋𑌷𑌾॑𑌯 𑌭॒𑌷𑌮𑍍 ।
𑌅𑌨𑍍𑌤𑌾॑𑌯 𑌬𑌹𑍁𑌵𑌾॒𑌦𑌿𑌨᳚𑌮𑍍 । 𑌅॒𑌨॒𑌨𑍍𑌤𑌾𑌯॒ 𑌮𑍂𑌕᳚𑌮𑍍 ।
𑌮𑌹॑𑌸𑍇 𑌵𑍀𑌣𑌾𑌵𑌾॒𑌦𑌮𑍍 । 𑌕𑍍𑌰𑍋𑌶𑌾॑𑌯 𑌤𑍂𑌣𑌵॒𑌦𑍍𑌧𑍍𑌮𑌮𑍍 ।
𑌆॒𑌕𑍍𑌰॒𑌨𑍍𑌦𑌾𑌯॑ 𑌦𑍁𑌨𑍍𑌦𑍁𑌭𑍍𑌯𑌾𑌘𑌾॒𑌤𑌮𑍍 । 𑌅॒𑌵॒𑌰॒𑌸𑍍𑌪॒𑌰𑌾𑌯॑ 𑌶𑌙𑍍𑌖॒𑌦𑍍𑌧𑍍𑌮𑌮𑍍 । 𑌋॒𑌭𑍁𑌭𑍍𑌯𑍋॑-𑌽𑌜𑌿𑌨𑌸𑌨𑍍𑌧𑌾॒𑌯𑌮𑍍 । 𑌸𑌾॒𑌦𑍍𑌧𑍍𑌯𑍇𑌭𑍍𑌯॑𑌶𑍍𑌚𑌰𑍍𑌮॒𑌮𑍍𑌣𑌮𑍍 ॥ 13 ॥ (𑌅. 13)

𑌬𑍀॒𑌭॒𑌥𑍍𑌸𑌾𑌯𑍈॑ 𑌪𑍌𑌲𑍍𑌕॒𑌸𑌮𑍍 । 𑌭𑍂𑌤𑍍𑌯𑍈॑ 𑌜𑌾𑌗𑌰॒𑌣𑌮𑍍 । 𑌅𑌭𑍂᳚𑌤𑍍𑌯𑍈 𑌸𑍍𑌵𑌪॒𑌨𑌮𑍍 । 𑌤𑍁॒𑌲𑌾𑌯𑍈॑ 𑌵𑌾𑌣𑌿॒𑌜𑌮𑍍 । 𑌵𑌰𑍍𑌣𑌾॑𑌯 𑌹𑌿𑌰𑌣𑍍𑌯𑌕𑌾॒𑌰𑌮𑍍 ।
𑌵𑌿𑌶𑍍𑌵𑍇᳚𑌭𑍍𑌯𑍋 𑌦𑍇॒𑌵𑍇𑌭𑍍𑌯॑-𑌸𑍍𑌸𑌿𑌦𑍍𑌧𑍍𑌮॒𑌲𑌮𑍍 । 𑌪॒𑌶𑍍𑌚𑌾॒-𑌦𑍍𑌦𑍋॒𑌷𑌾𑌯॑ 𑌗𑍍𑌲𑌾॒𑌵𑌮𑍍 । 𑌋𑌤𑍍𑌯𑍈॑ 𑌜𑌨𑌵𑌾॒𑌦𑌿𑌨᳚𑌮𑍍 । 𑌵𑍍𑌯𑍃॑𑌦𑍍𑌧𑍍𑌯𑌾 𑌅𑌪𑌗॒𑌲𑍍𑌭𑌮𑍍 ।
𑌸॒𑌗𑍍​𑌮𑍍॒𑌶॒𑌰𑌾𑌯॑ 𑌪𑍍𑌰॒𑌚𑍍𑌛𑌿𑌦᳚𑌮𑍍 ॥ 14 ॥ (𑌅. 14)

𑌹𑌸𑌾॑𑌯 𑌪𑍁𑌗𑍍𑌗𑍍​𑌶𑍍𑌚॒𑌲𑍂𑌮𑌾𑌲॑𑌭𑌤𑍇 । 𑌵𑍀॒𑌣𑌾॒𑌵𑌾॒𑌦-𑌙𑍍𑌗𑌣॑𑌕-𑌙𑍍𑌗𑍀॒𑌤𑌾𑌯॑ । 𑌯𑌾𑌦॑𑌸𑍇 𑌶𑌾𑌬𑍁॒𑌲𑍍𑌯𑌾𑌮𑍍 । 𑌨॒𑌰𑍍𑌮𑌾𑌯॑ 𑌭𑌦𑍍𑌰𑌵॒𑌤𑍀𑌮𑍍 ।
𑌤𑍂॒𑌣॒𑌵॒𑌦𑍍𑌧𑍍𑌮-𑌙𑍍𑌗𑍍𑌰𑌾॑𑌮॒𑌣𑍍𑌯॑-𑌮𑍍𑌪𑌾𑌣𑌿𑌸𑌙𑍍𑌘𑌾॒𑌤-𑌨𑍍𑌨𑍃॒𑌤𑍍𑌤𑌾𑌯॑ । 𑌮𑍋𑌦𑌾॑𑌯𑌾𑌨𑍁॒𑌕𑍍𑌰𑍋𑌶॑𑌕𑌮𑍍 ।
𑌆॒𑌨॒𑌨𑍍𑌦𑌾𑌯॑ 𑌤𑌲॒𑌵𑌮𑍍 ॥ 15 ॥ (𑌅. 15)

𑌅॒𑌕𑍍𑌷॒𑌰𑌾॒𑌜𑌾𑌯॑ 𑌕𑌿𑌤॒𑌵𑌮𑍍 । 𑌕𑍃॒𑌤𑌾𑌯॑ 𑌸𑌭𑌾॒𑌵𑌿𑌨᳚𑌮𑍍 । 𑌤𑍍𑌰𑍇𑌤𑌾॑𑌯𑌾 𑌆𑌦𑌿𑌨𑌵𑌦॒𑌰𑍍॒𑌶𑌮𑍍 । 𑌦𑍍𑌵𑌾॒𑌪॒𑌰𑌾𑌯॑ 𑌬𑌹𑌿॒-𑌸𑍍𑌸𑌦᳚𑌮𑍍 । 𑌕𑌲॑𑌯𑍇 𑌸𑌭𑌾𑌸𑍍𑌥𑌾॒𑌣𑍁𑌮𑍍 । 𑌦𑍁॒𑌷𑍍𑌕𑍃॒𑌤𑌾𑌯॑ 𑌚॒𑌰𑌕𑌾॑𑌚𑌾𑌰𑍍𑌯𑌮𑍍 ।
𑌅𑌦𑍍𑌧𑍍𑌵॑𑌨𑍇 𑌬𑍍𑌰𑌹𑍍𑌮𑌚𑌾॒𑌰𑌿𑌣᳚𑌮𑍍 । 𑌪𑌿॒𑌶𑌾॒𑌚𑍇𑌭𑍍𑌯॑-𑌸𑍍𑌸𑍈𑌲॒𑌗𑌮𑍍 । 𑌪𑌿॒𑌪𑌾॒𑌸𑌾𑌯𑍈॑ 𑌗𑍋𑌵𑍍𑌯॒𑌚𑍍𑌛𑌮𑍍 । 𑌨𑌿𑌰𑍍-𑌋॑𑌤𑍍𑌯𑍈 𑌗𑍋𑌘𑌾॒𑌤𑌮𑍍 । 𑌕𑍍𑌷𑍁॒𑌧𑍇 𑌗𑍋॑𑌵𑌿𑌕॒𑌰𑍍𑌤𑌮𑍍 । 𑌕𑍍𑌷𑍁॒𑌤𑍍𑌤𑍃॒𑌷𑍍𑌣𑌾𑌭𑍍𑌯𑌾॒-𑌨𑍍𑌤𑌮𑍍 ।
𑌯𑍋 𑌗𑌾𑌂-𑌵𑌿𑌁॒𑌕𑍃𑌨𑍍𑌤॑𑌨𑍍𑌤-𑌮𑍍𑌮𑌾॒𑌗𑍍​𑌮𑍍॒𑌸-𑌮𑍍𑌭𑌿𑌕𑍍𑌷॑𑌮𑌾𑌣 𑌉𑌪॒𑌤𑌿𑌷𑍍𑌠॑𑌤𑍇 ॥ 16 ॥ (𑌅. 16)

𑌭𑍂𑌮𑍍𑌯𑍈॑ 𑌪𑍀𑌠𑌸॒𑌰𑍍𑌪𑌿𑌣॒𑌮𑌾𑌲॑𑌭𑌤𑍇 । 𑌅॒𑌗𑍍𑌨𑌯𑍇-𑌽𑌗𑍍​𑌮𑍍॑𑌸॒𑌲𑌮𑍍 ।
𑌵𑌾॒𑌯𑌵𑍇॑ 𑌚𑌾𑌣𑍍𑌡𑌾॒𑌲𑌮𑍍 । 𑌅॒𑌨𑍍𑌤𑌰𑌿॑𑌕𑍍𑌷𑌾𑌯 𑌵𑌗𑍍​𑌮𑍍𑌶𑌨॒𑌰𑍍𑌤𑌿𑌨᳚𑌮𑍍 । 𑌦𑌿॒𑌵𑍇 𑌖॑𑌲॒𑌤𑌿𑌮𑍍 । 𑌸𑍂𑌰𑍍𑌯𑌾॑𑌯 𑌹𑌰𑍍𑌯॒𑌕𑍍𑌷𑌮𑍍 ।
𑌚॒𑌨𑍍𑌦𑍍𑌰𑌮॑𑌸𑍇 𑌮𑌿𑌰𑍍𑌮𑌿॒𑌰𑌮𑍍 । 𑌨𑌕𑍍𑌷॑𑌤𑍍𑌰𑍇𑌭𑍍𑌯𑌃 𑌕𑌿॒𑌲𑌾𑌸᳚𑌮𑍍 ।
𑌅𑌹𑍍𑌨𑍇॑ 𑌶𑍁॒𑌕𑍍𑌲-𑌮𑍍𑌪𑌿॑𑌙𑍍𑌗॒𑌲𑌮𑍍 । 𑌰𑌾𑌤𑍍𑌰𑌿॑𑌯𑍈 𑌕𑍃॒𑌷𑍍𑌣-𑌮𑍍𑌪𑌿॑𑌙𑍍𑌗𑌾॒𑌕𑍍𑌷𑌮𑍍 ॥ 1𑍭 ॥ (𑌅. 1𑍭)

𑌵𑌾॒𑌚𑍇 𑌪𑍁𑌰𑍁॑𑌷॒𑌮𑌾𑌲॑𑌭𑌤𑍇 । 𑌪𑍍𑌰𑌾॒𑌣𑌮॑𑌪𑌾॒𑌨𑌂-𑌵𑍍𑌯𑌾𑌁॒𑌨𑌮𑍁॑𑌦𑌾॒𑌨𑌗𑍍​𑌮𑍍 𑌸॑𑌮𑌾॒𑌨-𑌨𑍍𑌤𑌾𑌨𑍍. 𑌵𑌾॒𑌯𑌵𑍇᳚ ।
𑌸𑍂𑌰𑍍𑌯𑌾॑𑌯॒ 𑌚𑌕𑍍𑌷𑍁॒𑌰𑌾𑌲॑𑌭𑌤𑍇 । 𑌮𑌨॑𑌶𑍍𑌚॒𑌨𑍍𑌦𑍍𑌰𑌮॑𑌸𑍇 । 𑌦𑌿॒𑌗𑍍𑌮𑍍𑌯-𑌶𑍍𑌶𑍍𑌰𑍋𑌤𑍍𑌰᳚𑌮𑍍 । 𑌪𑍍𑌰॒𑌜𑌾𑌪॑𑌤𑌯𑍇॒ 𑌪𑍁𑌰𑍁॑𑌷𑌮𑍍 ॥ 1𑍮 ॥ (𑌅. 1𑍮)

𑌅𑌥𑍈॒𑌤𑌾𑌨𑌰𑍂॑𑌪𑍇𑌭𑍍𑌯॒ 𑌆𑌲॑𑌭𑌤𑍇 । 𑌅𑌤𑌿॑𑌹𑍍𑌰𑌸𑍍𑌵॒-𑌮𑌤𑌿॑𑌦𑍀𑌰𑍍𑌘𑌮𑍍 ।
𑌅𑌤𑌿॑𑌕𑍃𑌶॒𑌮𑌤𑍍𑌯𑌗𑍍​𑌮𑍍॑𑌸𑌲𑌮𑍍 । 𑌅𑌤𑌿॑𑌶𑍁𑌕𑍍𑌲॒-𑌮𑌤𑌿॑𑌕𑍃𑌷𑍍𑌣𑌮𑍍 ।
𑌅𑌤𑌿॑𑌶𑍍𑌲𑌕𑍍𑌷𑍍𑌣॒-𑌮𑌤𑌿॑𑌲𑍋𑌮𑌶𑌮𑍍 । 𑌅𑌤𑌿॑𑌕𑌿𑌰𑌿𑌟॒-𑌮𑌤𑌿॑𑌦𑌨𑍍𑌤𑍁𑌰𑌮𑍍 ।
𑌅𑌤𑌿॑𑌮𑌿𑌰𑍍𑌮𑌿𑌰॒-𑌮𑌤𑌿॑𑌮𑍇𑌮𑌿𑌷𑌮𑍍 । 𑌆॒𑌶𑌾𑌯𑍈॑ 𑌜𑌾॒𑌮𑌿𑌮𑍍 ।
𑌪𑍍𑌰॒𑌤𑍀॒𑌕𑍍𑌷𑌾𑌯𑍈॑ 𑌕𑍁𑌮𑌾॒𑌰𑍀𑌮𑍍 ॥ 1𑍯 ॥ (𑌅. 1𑍯)

(𑌬𑍍𑌰𑌹𑍍𑌮॑𑌣𑍇 - 𑌗𑍀॒𑌤𑌾𑌯॒ - 𑌶𑍍𑌰𑌮𑌾॑𑌯 - 𑌸॒𑌨𑍍𑌧𑌯𑍇॑ - 𑌨॒𑌦𑍀𑌭𑍍𑌯॑ - 𑌉𑌥𑍍𑌸𑌾॒𑌦𑍇𑌭𑍍𑌯॒ -𑌋𑌤𑍍𑌯𑍈॒ - 𑌭𑌾𑌯𑌾॒ - 𑌅𑌰𑍍𑌮𑍇᳚𑌭𑍍𑌯𑍋 - 𑌮॒𑌨𑍍𑌯𑌵𑍇॑ - 𑌯॒𑌮𑍍𑌯𑍈॑ 𑌦𑌶॑ 𑌦𑌶॒ - 𑌸𑌰𑍋᳚𑌭𑍍𑌯𑍋॒ 𑌦𑍍𑌵𑌾𑌦॑𑌶 - 𑌪𑍍𑌰𑌤𑌿॒𑌶𑍍𑌰𑍁𑌤𑍍𑌕𑌾॑𑌯𑍈 - 𑌬𑍀𑌭॒𑌥𑍍𑌸𑌾𑌯𑍈॒ 𑌦𑌶॑ 𑌦𑌶॒ - 𑌹𑌸𑌾॑𑌯 𑌸॒𑌪𑍍𑌤𑌾-
𑌕𑍍𑌷॑𑌰𑌾॒𑌜𑌾𑌯॒ 𑌤𑍍𑌰𑌯𑍋॑𑌦𑌶॒ - 𑌭𑍂𑌮𑍍𑌯𑍈॒ 𑌦𑌶॑ - 𑌵𑌾॒𑌚𑍇 𑌷𑌡𑌥॒ - 𑌨𑌵𑍈𑌕𑌾॒𑌨𑍍𑌨 𑌵𑌿𑌗𑍍​𑌮𑍍॑𑌶𑌤𑌿𑌃 )

(𑌬𑍍𑌰𑌹𑍍𑌮॑𑌣𑍇 - 𑌯॒𑌮𑍍𑌯𑍈॑ 𑌨𑌵॑𑌦𑌶)

(𑌬𑍍𑌰𑌹𑍍𑌮॑𑌣𑍇 - 𑌕𑍁𑌮𑌾॒𑌰𑍀𑌮𑍍)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌤𑍃𑌤𑍀𑌯𑌾𑌷𑍍𑌟𑌕𑍇 𑌚𑌤𑍁𑌰𑍍𑌥 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥