𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌦𑌶𑌮𑌃 𑌪𑍍𑌰𑌪𑌾𑌠𑌕𑌃 - 𑌮𑌹𑌾𑌨𑌾𑌰𑌾𑌯𑌣𑍋𑌪𑌨𑌿𑌷𑌤𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌸॒𑌹 𑌨𑌾॑ 𑌵𑌵𑌤𑍁 । 𑌸॒𑌹 𑌨𑍌॑ 𑌭𑍁𑌨𑌕𑍍𑌤𑍁 । 𑌸॒𑌹 𑌵𑍀॒𑌰𑍍𑌯॑-𑌙𑍍𑌕𑌰𑌵𑌾𑌵𑌹𑍈 । 𑌤𑍇॒𑌜॒𑌸𑍍𑌵𑌿𑌨𑌾॒ 𑌵𑌧𑍀॑𑌤𑌮𑌸𑍍𑌤𑍁॒ 𑌮𑌾 𑌵𑌿॑𑌦𑍍𑌵𑌿𑌷𑌾॒𑌵𑌹𑍈᳚ ॥
𑌓𑌂 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥

𑌅𑌨𑍁𑌵𑌾𑌕𑌂 1
𑌅𑌮𑍍𑌭॑𑌸𑍍𑌯 𑌪𑌾॒𑌰𑍇 𑌭𑍁𑌵॑𑌨𑌸𑍍𑌯॒ 𑌮𑌦𑍍𑌧𑍍𑌯𑍇॒ 𑌨𑌾𑌕॑𑌸𑍍𑌯 𑌪𑍃॒𑌷𑍍𑌠𑍇 𑌮॑𑌹॒𑌤𑍋 𑌮𑌹𑍀॑𑌯𑌾𑌨𑍍 ।
𑌶𑍁॒𑌕𑍍𑌰𑍇𑌣॒ 𑌜𑍍𑌯𑍋𑌤𑍀𑌗𑍍​𑌮𑍍॑𑌷𑌿 𑌸𑌮𑌨𑍁॒𑌪𑍍𑌰𑌵𑌿॑𑌷𑍍𑌟𑌃 𑌪𑍍𑌰॒𑌜𑌾𑌪॑𑌤𑌿𑌶𑍍𑌚𑌰𑌤𑌿॒ 𑌗𑌰𑍍𑌭𑍇॑ 𑌅॒𑌨𑍍𑌤𑌃 ॥
𑌯𑌸𑍍𑌮𑌿॑𑌨𑍍𑌨𑌿॒𑌦𑌗𑍍​𑌮𑍍 𑌸𑌞𑍍𑌚॒ 𑌵𑌿𑌚𑍈𑌤𑌿॒ 𑌸𑌰𑍍𑌵𑌂॒-𑌯𑌁𑌸𑍍𑌮𑌿॑-𑌨𑍍𑌦𑍇॒𑌵𑌾 𑌅𑌧𑌿॒ 𑌵𑌿𑌶𑍍𑌵𑍇॑ 𑌨𑌿𑌷𑍇॒𑌦𑍁𑌃 ।
𑌤𑌦𑍇॒𑌵 𑌭𑍂॒𑌤-𑌨𑍍𑌤𑌦𑍁॒ 𑌭𑌵𑍍𑌯॑𑌮𑌾 𑌇॒𑌦-𑌨𑍍𑌤𑌦॒𑌕𑍍𑌷𑌰𑍇॑ 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ॥
𑌯𑍇𑌨𑌾॑ 𑌵𑍃॒𑌤-𑌙𑍍𑌖𑌞𑍍𑌚॒ 𑌦𑌿𑌵॑-𑌮𑍍𑌮॒𑌹𑍀𑌞𑍍𑌚॒ 𑌯𑍇𑌨𑌾॑𑌦𑌿॒𑌤𑍍𑌯-𑌸𑍍𑌤𑌪॑𑌤𑌿॒ 𑌤𑍇𑌜॑𑌸𑌾॒ 𑌭𑍍𑌰𑌾𑌜॑𑌸𑌾 𑌚 ।
𑌯𑌮॒𑌨𑍍𑌤-𑌸𑍍𑌸॑𑌮𑍁॒𑌦𑍍𑌰𑍇 𑌕॒𑌵𑌯𑍋॒ 𑌵𑌯॑𑌨𑍍𑌤𑌿॒ 𑌯𑌦॒𑌕𑍍𑌷𑌰𑍇॑ 𑌪𑌰॒𑌮𑍇 𑌪𑍍𑌰॒𑌜𑌾𑌃 ॥
𑌯𑌤𑌃॑ 𑌪𑍍𑌰𑌸𑍂॒𑌤𑌾 𑌜॒𑌗𑌤𑌃॑ 𑌪𑍍𑌰𑌸𑍂𑌤𑍀॒ 𑌤𑍋𑌯𑍇॑𑌨 𑌜𑍀॒𑌵𑌾𑌨𑍍 𑌵𑍍𑌯𑌚॑𑌸𑌰𑍍𑌜॒ (𑌵𑍍𑌯𑌸॑𑌸𑌰𑍍𑌜॒) 𑌭𑍂𑌮𑍍𑌯𑌾᳚𑌮𑍍 ।
𑌯𑌦𑍋𑌷॑𑌧𑍀𑌭𑌿𑌃 𑌪𑍁॒𑌰𑍁𑌷𑌾᳚-𑌨𑍍𑌪॒𑌶𑍂𑌗𑍍​𑌶𑍍𑌚॒ 𑌵𑌿𑌵𑍇॑𑌶 𑌭𑍂॒𑌤𑌾𑌨𑌿॑ 𑌚𑌰𑌾𑌚॒𑌰𑌾𑌣𑌿॑ ॥
𑌅𑌤𑌃॑ 𑌪𑌰॒-𑌨𑍍𑌨𑌾𑌨𑍍𑌯॒-𑌦𑌣𑍀॑𑌯𑌸𑌹𑌿॒ 𑌪𑌰𑌾᳚-𑌤𑍍𑌪𑌰𑌂॒-𑌯𑌁-𑌨𑍍𑌮𑌹॑𑌤𑍋 𑌮॒𑌹𑌾𑌨𑍍𑌤᳚𑌮𑍍 ।
𑌯𑌦𑍇॑𑌕-𑌮॒𑌵𑍍𑌯𑌕𑍍𑌤॒-𑌮𑌨॑𑌨𑍍𑌤𑌰𑍂𑌪𑌂॒-𑌵𑌿𑌁𑌶𑍍𑌵॑-𑌮𑍍𑌪𑍁𑌰𑌾॒𑌣-𑌨𑍍𑌤𑌮॑𑌸𑌃॒ 𑌪𑌰॑𑌸𑍍𑌤𑌾𑌤𑍍 ॥ 1 ॥

𑌤𑌦𑍇॒𑌵𑌰𑍍𑌤-𑌨𑍍𑌤𑌦𑍁॑ 𑌸॒𑌤𑍍𑌯𑌮𑌾॑𑌹𑍁॒-𑌸𑍍𑌤𑌦𑍇॒𑌵 𑌬𑍍𑌰𑌹𑍍𑌮॑ 𑌪𑌰॒𑌮-𑌙𑍍𑌕॑𑌵𑍀॒𑌨𑌾𑌮𑍍 ।
𑌇॒𑌷𑍍𑌟𑌾॒𑌪𑍂॒𑌰𑍍𑌤-𑌮𑍍𑌬॑𑌹𑍁॒𑌧𑌾 𑌜𑌾॒𑌤-𑌞𑍍𑌜𑌾𑌯॑𑌮𑌾𑌨𑌂-𑌵𑌿𑌁॒𑌶𑍍𑌵-𑌮𑍍𑌬𑌿॑𑌭𑌰𑍍𑌤𑌿॒ 𑌭𑍁𑌵॑𑌨𑌸𑍍𑌯॒ 𑌨𑌾𑌭𑌿𑌃॑ ॥
𑌤𑌦𑍇॒𑌵𑌾𑌗𑍍𑌨𑌿-𑌸𑍍𑌤𑌦𑍍𑌵𑌾॒𑌯𑍁-𑌸𑍍𑌤𑌥𑍍𑌸𑍂𑌰𑍍𑌯॒𑌸𑍍𑌤𑌦𑍁॑ 𑌚॒𑌨𑍍𑌦𑍍𑌰𑌮𑌾𑌃᳚ ।
𑌤𑌦𑍇॒𑌵 𑌶𑍁॒𑌕𑍍𑌰𑌮॒𑌮𑍃𑌤॒-𑌨𑍍𑌤𑌦𑍍𑌬𑍍𑌰𑌹𑍍𑌮॒ 𑌤𑌦𑌾𑌪॒-𑌸𑍍𑌸 𑌪𑍍𑌰॒𑌜𑌾𑌪॑𑌤𑌿𑌃 ॥
𑌸𑌰𑍍𑌵𑍇॑ 𑌨𑌿𑌮𑍇॒𑌷𑌾 𑌜॒𑌜𑍍𑌞𑌿𑌰𑍇॑ 𑌵𑌿॒𑌦𑍍𑌯𑍁𑌤𑌃॒ 𑌪𑍁𑌰𑍁॑𑌷𑌾॒𑌦𑌧𑌿॑ ।
𑌕॒𑌲𑌾 𑌮𑍁॑𑌹𑍂॒𑌰𑍍𑌤𑌾𑌃 𑌕𑌾𑌷𑍍𑌠𑌾᳚𑌶𑍍𑌚𑌾𑌹𑍋-𑌰𑌾॒𑌤𑍍𑌰𑌾𑌶𑍍𑌚॑ 𑌸𑌰𑍍𑌵॒𑌶𑌃 ॥
𑌅॒𑌰𑍍𑌧॒𑌮𑌾॒𑌸𑌾 𑌮𑌾𑌸𑌾॑ 𑌋॒𑌤𑌵॑-𑌸𑍍𑌸𑌂​𑌵𑌁𑌥𑍍𑌸॒𑌰𑌶𑍍𑌚॑ 𑌕𑌲𑍍𑌪𑌨𑍍𑌤𑌾𑌮𑍍 । 𑌸 𑌆𑌪𑌃॑ 𑌪𑍍𑌰𑌦𑍁॒𑌘𑍇 𑌉॒𑌭𑍇 𑌇॒𑌮𑍇 𑌅॒𑌨𑍍𑌤𑌰𑌿॑𑌕𑍍𑌷॒-𑌮𑌥𑍋॒ 𑌸𑍁𑌵𑌃॑ ॥
𑌨𑍈𑌨॑-𑌮𑍂॒𑌰𑍍𑌧𑍍𑌵-𑌨𑍍𑌨 𑌤𑌿॒𑌰𑍍𑌯-𑌞𑍍𑌚॒ 𑌨 𑌮𑌦𑍍𑌧𑍍𑌯𑍇॒ 𑌪𑌰𑌿॑𑌜𑌗𑍍𑌰𑌭𑌤𑍍 । 𑌨 𑌤𑌸𑍍𑌯𑍇॑𑌶𑍇॒ 𑌕𑌶𑍍𑌚॒𑌨 𑌤𑌸𑍍𑌯॑ 𑌨𑌾𑌮 𑌮॒𑌹𑌦𑍍𑌯𑌶𑌃॑ ॥ 2 ॥

𑌨 𑌸॒𑌦𑍃𑌂𑌶𑍇॑ 𑌤𑌿𑌷𑍍𑌠𑌤𑌿॒ 𑌰𑍂𑌪॑𑌮𑌸𑍍𑌯॒ 𑌨 𑌚𑌕𑍍𑌷𑍁॑𑌷𑌾 𑌪𑌶𑍍𑌯𑌤𑌿॒ 𑌕𑌶𑍍𑌚॒𑌨𑍈𑌨᳚𑌮𑍍 ।
𑌹𑍃॒𑌦𑌾 𑌮॑𑌨𑍀॒𑌷𑌾 𑌮𑌨॑𑌸𑌾॒-𑌽𑌭𑌿 𑌕𑍍𑌲𑍃॑𑌪𑍍𑌤𑍋॒ 𑌯 𑌏॑𑌨𑌂-𑌵𑌿𑌁॒𑌦𑍁-𑌰𑌮𑍃॑𑌤𑌾॒𑌸𑍍𑌤𑍇 𑌭॑𑌵𑌨𑍍𑌤𑌿 ॥

𑌅॒𑌦𑍍𑌭𑍍𑌯-𑌸𑍍𑌸𑌮𑍍𑌭𑍂॑𑌤𑌃 𑌪𑍃𑌥𑌿॒𑌵𑍍𑌯𑍈 𑌰𑌸𑌾᳚𑌚𑍍𑌚 । 𑌵𑌿॒𑌶𑍍𑌵𑌕॑𑌰𑍍𑌮𑌣॒-𑌸𑍍𑌸𑌮॑𑌵𑌰𑍍𑌤॒𑌤𑌾𑌧𑌿॑ ।
𑌤𑌸𑍍𑌯॒ 𑌤𑍍𑌵𑌷𑍍𑌟𑌾॑ 𑌵𑌿॒𑌦𑌧॑𑌦𑍍𑌰𑍂॒𑌪𑌮𑍇॑𑌤𑌿 ॥
𑌤𑌤𑍍𑌪𑍁𑌰𑍁॑𑌷𑌸𑍍𑌯॒ 𑌵𑌿𑌶𑍍𑌵॒𑌮𑌾𑌜𑌾॑𑌨॒𑌮𑌗𑍍𑌰𑍇᳚ ।
𑌵𑍇𑌦𑌾॒𑌹𑌮𑍇॒𑌤-𑌮𑍍𑌪𑍁𑌰𑍁॑𑌷-𑌮𑍍𑌮॒𑌹𑌾𑌨𑍍𑌤᳚𑌮𑍍 ।
𑌆॒𑌦𑌿॒𑌤𑍍𑌯 𑌵॑𑌰𑍍𑌣॒-𑌨𑍍𑌤𑌮॑𑌸𑌃॒ 𑌪𑌰॑𑌸𑍍𑌤𑌾𑌤𑍍 ।
𑌤𑌮𑍇॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌮𑍃𑌤॑ 𑌇॒𑌹 𑌭॑𑌵𑌤𑌿 । 𑌨𑌾𑌨𑍍𑌯𑌃 𑌪𑌨𑍍𑌥𑌾॑ 𑌵𑌿𑌦𑍍𑌯॒𑌤𑍇-𑌽𑌯॑𑌨𑌾𑌯 ॥
𑌪𑍍𑌰॒𑌜𑌾𑌪॑𑌤𑌿𑌶𑍍𑌚𑌰𑌤𑌿॒ 𑌗𑌰𑍍𑌭𑍇॑ 𑌅॒𑌨𑍍𑌤𑌃 । 𑌅॒𑌜𑌾𑌯॑𑌮𑌾𑌨𑍋 𑌬𑌹𑍁॒𑌧𑌾 𑌵𑌿𑌜𑌾॑𑌯𑌤𑍇 । 𑌤𑌸𑍍𑌯॒ 𑌧𑍀𑌰𑌾𑌃॒ 𑌪𑌰𑌿॑𑌜𑌾𑌨𑌨𑍍𑌤𑌿॒ 𑌯𑍋𑌨𑌿᳚𑌮𑍍 । 𑌮𑌰𑍀॑𑌚𑍀𑌨𑌾-𑌮𑍍𑌪॒𑌦𑌮𑌿॑𑌚𑍍𑌛𑌨𑍍𑌤𑌿 𑌵𑍇॒𑌧𑌸𑌃॑ ॥ 𑌯𑍋 𑌦𑍇॒𑌵𑍇𑌭𑍍𑌯॒ 𑌆𑌤॑𑌪𑌤𑌿 । 𑌯𑍋 𑌦𑍇॒𑌵𑌾𑌨𑌾᳚-𑌮𑍍𑌪𑍁॒𑌰𑍋𑌹𑌿॑𑌤𑌃 । 𑌪𑍂𑌰𑍍𑌵𑍋॒ 𑌯𑍋 𑌦𑍇॒𑌵𑍇𑌭𑍍𑌯𑍋॑ 𑌜𑌾॒𑌤𑌃 । 𑌨𑌮𑍋॑ 𑌰𑍁॒𑌚𑌾𑌯॒ 𑌬𑍍𑌰𑌾𑌹𑍍𑌮॑𑌯𑍇 ॥ 𑌰𑍁𑌚॑-𑌮𑍍𑌬𑍍𑌰𑌾॒𑌹𑍍𑌮-𑌞𑍍𑌜॒𑌨𑌯॑𑌨𑍍𑌤𑌃 । 𑌦𑍇॒𑌵𑌾 𑌅𑌗𑍍𑌰𑍇॒ 𑌤𑌦॑𑌬𑍍𑌰𑍁𑌵𑌨𑍍𑌨𑍍 ।
𑌯𑌸𑍍𑌤𑍍𑌵𑍈॒𑌵-𑌮𑍍𑌬𑍍𑌰𑌾᳚𑌹𑍍𑌮॒𑌣𑍋 𑌵𑌿॒𑌦𑍍𑌯𑌾𑌤𑍍 । 𑌤𑌸𑍍𑌯॑ 𑌦𑍇॒𑌵𑌾 𑌅𑌸॒𑌨𑍍 𑌵𑌶𑍇᳚ ॥ 𑌹𑍍𑌰𑍀𑌶𑍍𑌚॑𑌤𑍇 𑌲॒𑌕𑍍𑌷𑍍𑌮𑍀𑌶𑍍𑌚॒ 𑌪𑌤𑍍𑌨𑍍𑌯𑍌᳚ । 𑌅॒𑌹𑍋॒𑌰𑌾॒𑌤𑍍𑌰𑍇 𑌪𑌾॒𑌰𑍍​𑌶𑍍𑌵𑍇 । 𑌨𑌕𑍍𑌷॑𑌤𑍍𑌰𑌾𑌣𑌿 𑌰𑍂॒𑌪𑌮𑍍 ।
𑌅॒𑌶𑍍𑌵𑌿𑌨𑍌॒ 𑌵𑍍𑌯𑌾𑌤𑍍𑌤᳚𑌮𑍍 । 𑌇॒𑌷𑍍𑌟-𑌮𑍍𑌮॑𑌨𑌿𑌷𑌾𑌣 । 𑌅॒𑌮𑍁-𑌮𑍍𑌮॑𑌨𑌿𑌷𑌾𑌣 । 𑌸𑌰𑍍𑌵॑-𑌮𑍍𑌮𑌨𑌿𑌷𑌾𑌣 ॥

𑌹𑌿॒𑌰॒𑌣𑍍𑌯॒𑌗॒𑌰𑍍𑌭-𑌸𑍍𑌸𑌮॑𑌵𑌰𑍍𑌤॒𑌤𑌾𑌗𑍍𑌰𑍇॑ 𑌭𑍂॒𑌤𑌸𑍍𑌯॑ 𑌜𑌾॒𑌤𑌃 𑌪𑌤𑌿॒𑌰𑍇𑌕॑ 𑌆𑌸𑍀𑌤𑍍 ।
𑌸 𑌦𑌾॑𑌧𑌾𑌰 𑌪𑍃𑌥𑌿॒𑌵𑍀-𑌨𑍍𑌦𑍍𑌯𑌾𑌮𑍁॒𑌤𑍇𑌮𑌾-𑌙𑍍𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥

𑌯𑌃 𑌪𑍍𑌰𑌾॑𑌣॒𑌤𑍋 𑌨𑌿॑𑌮𑌿𑌷॒𑌤𑍋 𑌮॑𑌹𑌿॒𑌤𑍍𑌵𑍈𑌕॒ 𑌇𑌦𑍍𑌰𑌾𑌜𑌾॒ 𑌜𑌗॑𑌤𑍋 𑌬॒𑌭𑍂𑌵॑ ।
𑌯 𑌈𑌶𑍇॑ 𑌅॒𑌸𑍍𑌯 𑌦𑍍𑌵𑌿॒𑌪𑌦॒-𑌶𑍍𑌚𑌤𑍁॑𑌷𑍍𑌪॒𑌦𑌃 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥

𑌯 𑌆᳚𑌤𑍍𑌮॒𑌦𑌾 𑌬॑𑌲॒𑌦𑌾 𑌯𑌸𑍍𑌯॒ 𑌵𑌿𑌶𑍍𑌵॑ 𑌉𑌪𑌾॒𑌸॑𑌤𑍇 𑌪𑍍𑌰॒𑌶𑌿𑌷𑌂॒-𑌯𑌁𑌸𑍍𑌯॑ 𑌦𑍇॒𑌵𑌾𑌃 ।
𑌯𑌸𑍍𑌯॑ 𑌛𑌾॒𑌯𑌾𑌮𑍃𑌤𑌂॒-𑌯𑌁𑌸𑍍𑌯॑ 𑌮𑍃॒𑌤𑍍𑌯𑍁𑌃 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥

𑌯𑌸𑍍𑌯𑍇॒𑌮𑍇 𑌹𑌿॒𑌮𑌵॑𑌨𑍍𑌤𑍋 𑌮𑌹𑌿॒𑌤𑍍𑌵𑌾 𑌯𑌸𑍍𑌯॑ 𑌸𑌮𑍁॒𑌦𑍍𑌰𑌗𑍍​𑌮𑍍 𑌰॒𑌸𑌯𑌾॑ 𑌸॒𑌹𑌾-𑌽𑌽𑌹𑍁𑌃 ।
𑌯𑌸𑍍𑌯𑍇॒𑌮𑌾𑌃 𑌪𑍍𑌰॒𑌦𑌿𑌶𑍋॒ 𑌯𑌸𑍍𑌯॑ 𑌬𑌾॒𑌹𑍂 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥

𑌯-𑌙𑍍𑌕𑍍𑌰𑌨𑍍𑌦॑𑌸𑍀॒ 𑌅𑌵॑𑌸𑌾 𑌤𑌸𑍍𑌤𑌭𑌾॒𑌨𑍇 𑌅॒𑌭𑍍𑌯𑍈𑌕𑍍𑌷𑍇॑𑌤𑌾॒-𑌮𑍍𑌮𑌨॑𑌸𑌾॒ 𑌰𑍇𑌜॑𑌮𑌾𑌨𑍇 ।
𑌯𑌤𑍍𑌰𑌾𑌧𑌿॒𑌸𑍂𑌰॒ 𑌉𑌦𑌿॑𑌤𑍌॒ 𑌵𑍍𑌯𑍇𑌤𑌿॒ 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥

𑌯𑍇𑌨॒ 𑌦𑍍𑌯𑍌𑌰𑍁॒𑌗𑍍𑌰𑌾 𑌪𑍃॑𑌥𑌿॒𑌵𑍀 𑌚॑ 𑌦𑍃॒𑌢𑍇 𑌯𑍇𑌨॒ 𑌸𑍁𑌵॑𑌸𑍍 𑌸𑍍𑌤𑌭𑌿॒𑌤𑌂-𑌯𑍇𑌁𑌨॒ 𑌨𑌾𑌕𑌃॑ ।
𑌯𑍋 𑌅॒𑌨𑍍𑌤𑌰𑌿॑𑌕𑍍𑌷𑍇॒ 𑌰𑌜॑𑌸𑍋 𑌵𑌿॒𑌮𑌾𑌨𑌃॒ 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥

𑌆𑌪𑍋॑ 𑌹॒ 𑌯𑌨𑍍𑌮॑𑌹॒𑌤𑍀 𑌵𑌿𑌶𑍍𑌵॒𑌮𑌾𑌯॒𑌨𑍍-𑌦𑌕𑍍𑌷॒𑌨𑍍𑌦𑌧𑌾॑𑌨𑌾 𑌜॒𑌨𑌯॑𑌨𑍍𑌤𑍀-𑌰॒𑌗𑍍𑌨𑌿𑌮𑍍 ।
𑌤𑌤𑍋॑ 𑌦𑍇॒𑌵𑌾𑌨𑌾॒-𑌨𑍍𑌨𑌿𑌰॑𑌵𑌰𑍍𑌤॒𑌤𑌾𑌸𑍁॒𑌰𑍇𑌕𑌃॒ 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥

𑌯𑌶𑍍𑌚𑌿॒𑌦𑌾𑌪𑍋॑ 𑌮𑌹𑌿॒𑌨𑌾 𑌪॒𑌰𑍍𑌯𑌪॑𑌶𑍍𑌯॒-𑌦𑍍𑌦𑍍𑌕𑍍𑌷॒𑌨𑍍𑌦𑌧𑌾॑𑌨𑌾 𑌜॒𑌨𑌯॑𑌨𑍍𑌤𑍀-𑌰॒𑌗𑍍𑌨𑌿𑌮𑍍 ।
𑌯𑍋 𑌦𑍇॒𑌵𑍇𑌷𑍍𑌵𑌧𑌿॑ 𑌦𑍇॒𑌵 𑌯𑍇𑌕॒ 𑌆𑌸𑍀॒-𑌤𑍍𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥

𑌅॒𑌦𑍍𑌭𑍍𑌯-𑌸𑍍𑌸𑌮𑍍𑌭𑍂॑𑌤𑍋 𑌹𑌿𑌰𑌣𑍍𑌯𑌗॒𑌰𑍍𑌭 𑌇𑌤𑍍𑌯॒𑌷𑍍𑌟𑍌 ॥
𑌏॒𑌷 𑌹𑌿 𑌦𑍇॒𑌵𑌃 𑌪𑍍𑌰॒𑌦𑌿𑌶𑍋-𑌽𑌨𑍁॒ 𑌸𑌰𑍍𑌵𑌾𑌃॒ 𑌪𑍂𑌰𑍍𑌵𑍋॑ 𑌹𑌿 𑌜𑌾॒𑌤-𑌸𑍍𑌸 𑌉॒ 𑌗𑌰𑍍𑌭𑍇॑ 𑌅॒𑌨𑍍𑌤𑌃 ।
𑌸 𑌵𑌿॒𑌜𑌾𑌯॑𑌮𑌾𑌨-𑌸𑍍𑌸𑌜𑌨𑌿॒𑌷𑍍𑌯𑌮𑌾॑𑌣𑌃 𑌪𑍍𑌰॒𑌤𑍍𑌯𑌂-𑌮𑍁𑌖𑌾᳚ 𑌸𑍍𑌤𑌿𑌷𑍍𑌠𑌤𑌿 𑌵𑌿॒𑌶𑍍𑌵𑌤𑍋॑𑌮𑍁𑌖𑌃 ॥
𑌵𑌿॒𑌶𑍍𑌵𑌤॑𑌶𑍍𑌚-𑌕𑍍𑌷𑍁𑌰𑍁॒𑌤 𑌵𑌿॒𑌶𑍍𑌵𑌤𑍋॑ 𑌮𑍁𑌖𑍋 𑌵𑌿॒𑌶𑍍𑌵𑌤𑍋॑ 𑌹𑌸𑍍𑌤 𑌉॒𑌤 𑌵𑌿॒𑌶𑍍𑌵𑌤॑𑌸𑍍𑌪𑌾𑌤𑍍 ।
𑌸-𑌮𑍍𑌬𑌾॒𑌹𑍁𑌭𑍍𑌯𑌾॒-𑌨𑍍𑌨𑌮॑𑌤𑌿॒ 𑌸-𑌮𑍍𑌪𑌤॑𑌤𑍍𑌰𑍈॒-𑌰𑍍𑌦𑍍𑌯𑌾𑌵𑌾॑ 𑌪𑍃𑌥𑌿॒𑌵𑍀 𑌜॒𑌨𑌯॑-𑌨𑍍𑌦𑍇॒𑌵 𑌏𑌕𑌃॑ ॥
𑌵𑍇॒𑌨𑌸𑍍𑌤-𑌤𑍍𑌪𑌶𑍍𑌯॒𑌨𑍍. 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌵𑌿॒𑌦𑍍𑌵𑌾𑌨𑍍. 𑌯𑌤𑍍𑌰॒ 𑌵𑌿𑌶𑍍𑌵॒-𑌮𑍍𑌭𑌵॒𑌤𑍍𑌯𑍇𑌕॑-𑌨𑍀𑌳𑌮𑍍 ।
𑌯𑌸𑍍𑌮𑌿॑𑌨𑍍𑌨𑌿॒𑌦𑌗𑍍​𑌮𑍍 𑌸𑌞𑍍𑌚॒ 𑌵𑌿𑌚𑍈𑌕॒𑌗𑍍​𑌮𑍍॒ 𑌸 𑌓𑌤𑌃॒ 𑌪𑍍𑌰𑍋𑌤॑𑌶𑍍𑌚 𑌵𑌿॒𑌭𑍁𑌃 𑌪𑍍𑌰॒𑌜𑌾𑌸𑍁॑ ॥
𑌪𑍍𑌰𑌤𑌦𑍍𑌵𑍋॑𑌚𑍇 𑌅॒𑌮𑍃𑌤॒𑌨𑍍𑌨𑍁 𑌵𑌿॒𑌦𑍍𑌵𑌾-𑌨𑍍𑌗॑𑌨𑍍𑌧॒𑌰𑍍𑌵𑍋 𑌨𑌾𑌮॒ 𑌨𑌿𑌹𑌿॑𑌤॒-𑌙𑍍𑌗𑍁𑌹𑌾॑𑌸𑍁 ॥ 3 ॥

𑌤𑍍𑌰𑍀𑌣𑌿॑ 𑌪॒𑌦𑌾 𑌨𑌿𑌹𑌿॑𑌤𑌾॒ 𑌗𑍁𑌹𑌾॑𑌸𑍁॒ 𑌯𑌸𑍍𑌤𑌦𑍍𑌵𑍇𑌦॑ 𑌸𑌵𑌿॒𑌤𑍁𑌃 𑌪𑌿॒𑌤𑌾-𑌽𑌸॑𑌤𑍍 ॥ 𑌸 𑌨𑍋॒ 𑌬𑌨𑍍𑌧𑍁॑-𑌰𑍍𑌜𑌨𑌿॒𑌤𑌾 𑌸 𑌵𑌿॑𑌧𑌾॒𑌤𑌾 𑌧𑌾𑌮𑌾॑𑌨𑌿॒ 𑌵𑍇𑌦॒ 𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ । 𑌯𑌤𑍍𑌰॑ 𑌦𑍇॒𑌵𑌾 𑌅॒𑌮𑍃𑌤॑𑌮𑌾𑌨-𑌶𑌾॒𑌨𑌾𑌸𑍍𑌤𑍃॒𑌤𑍀𑌯𑍇॒ 𑌧𑌾𑌮𑌾᳚𑌨𑍍𑌯॒-𑌭𑍍𑌯𑍈𑌰॑𑌯𑌨𑍍𑌤 ॥
𑌪𑌰𑌿॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌯॑𑌨𑍍𑌤𑌿 𑌸॒𑌦𑍍𑌯𑌃 𑌪𑌰𑌿॑ 𑌲𑍋॒𑌕𑌾-𑌨𑍍𑌪𑌰𑌿॒ 𑌦𑌿𑌶𑌃॒ 𑌪𑌰𑌿॒ 𑌸𑍁𑌵𑌃॑ । 𑌋॒𑌤𑌸𑍍𑌯॒ 𑌤𑌨𑍍𑌤𑍁𑌂॑-𑌵𑌿𑌁𑌤𑌤𑌂-𑌵𑌿𑌁॒𑌚𑍃𑌤𑍍𑌯॒ 𑌤𑌦॑𑌪𑌶𑍍𑌯॒-𑌤𑍍𑌤𑌦॑𑌭𑌵-𑌤𑍍𑌪𑍍𑌰॒𑌜𑌾𑌸𑍁॑ ॥
𑌪॒𑌰𑍀𑌤𑍍𑌯॑ 𑌲𑍋॒𑌕𑌾-𑌨𑍍𑌪॒𑌰𑍀𑌤𑍍𑌯॑ 𑌭𑍂॒𑌤𑌾𑌨𑌿॑ 𑌪॒𑌰𑍀𑌤𑍍𑌯॒ 𑌸𑌰𑍍𑌵𑌾𑌃᳚ 𑌪𑍍𑌰॒𑌦𑌿𑌶𑍋॒ 𑌦𑌿𑌶॑𑌶𑍍𑌚 । 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰𑌥𑌮॒𑌜𑌾 𑌋॒𑌤𑌸𑍍𑌯𑌾॒𑌤𑍍𑌮𑌨𑌾॒-𑌽𑌽𑌤𑍍𑌮𑌾𑌨॑-𑌮॒𑌭𑌿-𑌸𑌮𑍍𑌬॑𑌭𑍂𑌵 ॥
𑌸𑌦॑𑌸॒𑌸𑍍𑌪𑌤𑌿॒-𑌮𑌦𑍍𑌭𑍁॑𑌤-𑌮𑍍𑌪𑍍𑌰𑌿॒𑌯𑌮𑌿𑌨𑍍𑌦𑍍𑌰॑𑌸𑍍𑌯॒ 𑌕𑌾𑌮𑍍𑌯᳚𑌮𑍍 । 𑌸𑌨𑌿॑-𑌮𑍍𑌮𑍇॒𑌧𑌾 𑌮॑𑌯𑌾𑌸𑌿𑌷𑌮𑍍 ॥
𑌉𑌦𑍍𑌦𑍀᳚𑌪𑍍𑌯𑌸𑍍𑌵 𑌜𑌾𑌤𑌵𑍇𑌦𑍋 𑌽𑌪॒𑌘𑍍𑌨𑌨𑍍𑌨𑌿𑌋॑𑌰𑍍𑌤𑌿॒-𑌮𑍍𑌮𑌮॑ ॥ 4 ॥

𑌪॒𑌶𑍂𑌗𑍍​𑌶𑍍𑌚॒ 𑌮𑌹𑍍𑌯॒𑌮𑌾𑌵॑𑌹॒ 𑌜𑍀𑌵॑𑌨𑌞𑍍𑌚॒ 𑌦𑌿𑌶𑍋॑ 𑌦𑌿𑌶 ॥
𑌮𑌾𑌨𑍋॑ 𑌹𑌿𑌗𑍍​𑌮𑍍𑌸𑍀 𑌜𑍍𑌜𑌾𑌤𑌵𑍇𑌦𑍋॒ 𑌗𑌾𑌮𑌶𑍍𑌵॒-𑌮𑍍𑌪𑍁𑌰𑍁॑𑌷॒-𑌞𑍍𑌜𑌗॑𑌤𑍍 ।
𑌅𑌬𑌿॑𑌭𑍍𑌰॒𑌦𑌗𑍍𑌨॒ 𑌆𑌗॑𑌹𑌿 𑌶𑍍𑌰𑌿॒𑌯𑌾 𑌮𑌾॒ 𑌪𑌰𑌿॑𑌪𑌾𑌤𑌯 ॥
𑌪𑍁𑌰𑍁॑𑌷𑌸𑍍𑌯 𑌵𑌿𑌦𑍍𑌮 𑌸𑌹𑌸𑍍𑌰𑌾॒𑌕𑍍𑌷𑌸𑍍𑌯॑ 𑌮𑌹𑌾𑌦𑍇॒𑌵𑌸𑍍𑌯॑ 𑌧𑍀𑌮𑌹𑌿 । 𑌤𑌨𑍍𑌨𑍋॑ 𑌰𑍁𑌦𑍍𑌰𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥
𑌤𑌤𑍍𑌪𑍁𑌰𑍁॑𑌷𑌾𑌯 𑌵𑌿॒𑌦𑍍𑌮𑌹𑍇॑ 𑌮𑌹𑌾𑌦𑍇॒𑌵𑌾𑌯॑ 𑌧𑍀𑌮𑌹𑌿 ।
𑌤𑌨𑍍𑌨𑍋॑ 𑌰𑍁𑌦𑍍𑌰𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥
𑌤𑌤𑍍𑌪𑍁𑌰𑍁॑𑌷𑌾𑌯 𑌵𑌿॒𑌦𑍍𑌮𑌹𑍇॑ 𑌵𑌕𑍍𑌰𑌤𑍁॒𑌣𑍍𑌡𑌾𑌯॑ 𑌧𑍀𑌮𑌹𑌿 ।
𑌤𑌨𑍍𑌨𑍋॑ 𑌦𑌨𑍍𑌤𑌿𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥
𑌤𑌤𑍍𑌪𑍁𑌰𑍁॑𑌷𑌾𑌯 𑌵𑌿॒𑌦𑍍𑌮𑌹𑍇॑ 𑌚𑌕𑍍𑌰𑌤𑍁॒𑌣𑍍𑌡𑌾𑌯॑ 𑌧𑍀𑌮𑌹𑌿 ॥ 5 ॥

𑌤𑌨𑍍𑌨𑍋॑ 𑌨𑌨𑍍𑌦𑌿𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥
𑌤𑌤𑍍𑌪𑍁𑌰𑍁॑𑌷𑌾𑌯 𑌵𑌿॒𑌦𑍍𑌮𑌹𑍇॑ 𑌮𑌹𑌾𑌸𑍇॒𑌨𑌾𑌯॑ 𑌧𑍀𑌮𑌹𑌿 ।
𑌤𑌨𑍍𑌨॑-𑌷𑍍𑌷𑌣𑍍𑌮𑍁𑌖𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥
𑌤𑌤𑍍𑌪𑍁𑌰𑍁॑𑌷𑌾𑌯 𑌵𑌿॒𑌦𑍍𑌮𑌹𑍇॑ 𑌸𑍁𑌵𑌰𑍍𑌣𑌪॒𑌕𑍍𑌷𑌾𑌯॑ 𑌧𑍀𑌮𑌹𑌿 । 𑌤𑌨𑍍𑌨𑍋॑ 𑌗𑌰𑍁𑌡𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥
𑌵𑍇॒𑌦𑌾॒𑌤𑍍𑌮॒𑌨𑌾𑌯॑ 𑌵𑌿॒𑌦𑍍𑌮𑌹𑍇॑ 𑌹𑌿𑌰𑌣𑍍𑌯𑌗॒𑌰𑍍𑌭𑌾𑌯॑ 𑌧𑍀𑌮𑌹𑌿 । 𑌤𑌨𑍍𑌨𑍋᳚ 𑌬𑍍𑌰𑌹𑍍𑌮 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥
𑌨𑌾॒𑌰𑌾॒𑌯॒𑌣𑌾𑌯॑ 𑌵𑌿॒𑌦𑍍𑌮𑌹𑍇॑ 𑌵𑌾𑌸𑍁𑌦𑍇॒𑌵𑌾𑌯॑ 𑌧𑍀𑌮𑌹𑌿 ।
𑌤𑌨𑍍𑌨𑍋॑ 𑌵𑌿𑌷𑍍𑌣𑍁𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥
𑌵॒𑌜𑍍𑌰॒𑌨॒𑌖𑌾𑌯॑ 𑌵𑌿॒𑌦𑍍𑌮𑌹𑍇॑ 𑌤𑍀𑌕𑍍𑌷𑍍𑌣-𑌦॒𑌗𑍍𑌗𑍍॒𑌷𑍍𑌟𑍍𑌰𑌾𑌯॑ 𑌧𑍀𑌮𑌹𑌿 ॥ 6 ॥

𑌤𑌨𑍍𑌨𑍋॑ 𑌨𑌾𑌰𑌸𑌿𑌗𑍍​𑌮𑍍𑌹𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥
𑌭𑌾॒𑌸𑍍𑌕॒𑌰𑌾𑌯॑ 𑌵𑌿॒𑌦𑍍𑌮𑌹𑍇॑ 𑌮𑌹𑌦𑍍𑌦𑍍𑌯𑍁𑌤𑌿𑌕॒𑌰𑌾𑌯॑ 𑌧𑍀𑌮𑌹𑌿 ।
𑌤𑌨𑍍𑌨𑍋॑ 𑌆𑌦𑌿𑌤𑍍𑌯𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥
𑌵𑍈॒𑌶𑍍𑌵𑌾॒𑌨॒𑌰𑌾𑌯॑ 𑌵𑌿॒𑌦𑍍𑌮𑌹𑍇॑ 𑌲𑌾𑌲𑍀॒𑌲𑌾𑌯॑ 𑌧𑍀𑌮𑌹𑌿 ।
𑌤𑌨𑍍𑌨𑍋॑ 𑌅𑌗𑍍𑌨𑌿𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥
𑌕𑌾॒𑌤𑍍𑌯𑌾॒𑌯॒𑌨𑌾𑌯॑ 𑌵𑌿॒𑌦𑍍𑌮𑌹𑍇॑ 𑌕𑌨𑍍𑌯𑌕𑍁॒𑌮𑌾𑌰𑌿॑ 𑌧𑍀𑌮𑌹𑌿 ।
𑌤𑌨𑍍𑌨𑍋॑ 𑌦𑍁𑌰𑍍𑌗𑌿𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥
𑌸॒𑌹॒𑌸𑍍𑌰॒𑌪𑌰॑𑌮𑌾 𑌦𑍇॒𑌵𑍀॒ 𑌶॒𑌤𑌮𑍂॑𑌲𑌾 𑌶॒𑌤𑌾𑌙𑍍𑌕𑍁॑𑌰𑌾 ।
𑌸𑌰𑍍𑌵𑌗𑍍​𑌮𑍍॑ 𑌹𑌰𑌤𑍁॑ 𑌮𑍇 𑌪𑌾॒𑌪॒-𑌨𑍍𑌦𑍂॒𑌰𑍍𑌵𑌾 𑌦𑍁॑𑌸𑍍𑌸𑍍𑌵𑌪𑍍𑌨॒ 𑌨𑌾𑌶॑𑌨𑍀 ॥
𑌕𑌾𑌣𑍍𑌡𑌾᳚-𑌤𑍍𑌕𑌾𑌣𑍍𑌡𑌾-𑌤𑍍𑌪𑍍𑌰॒𑌰𑍋𑌹॑𑌨𑍍𑌤𑍀॒ 𑌪𑌰𑍁॑𑌷𑌃 𑌪𑌰𑍁𑌷𑌃॒ 𑌪𑌰𑌿॑ ॥ 𑍭 ॥

𑌏॒𑌵𑌾 𑌨𑍋॑ 𑌦𑍂𑌰𑍍𑌵𑍇॒ 𑌪𑍍𑌰𑌤॑𑌨𑍁 𑌸॒𑌹𑌸𑍍𑌰𑍇॑𑌣 𑌶॒𑌤𑍇𑌨॑ 𑌚 ॥
𑌯𑌾 𑌶॒𑌤𑍇𑌨॑ 𑌪𑍍𑌰𑌤॒𑌨𑍋𑌷𑌿॑ 𑌸॒𑌹𑌸𑍍𑌰𑍇॑𑌣 𑌵𑌿॒𑌰𑍋𑌹॑𑌸𑌿 ।
𑌤𑌸𑍍𑌯𑌾᳚𑌸𑍍𑌤𑍇 𑌦𑍇𑌵𑍀𑌷𑍍𑌟𑌕𑍇 𑌵𑌿॒𑌧𑍇𑌮॑ 𑌹॒𑌵𑌿𑌷𑌾॑ 𑌵॒𑌯𑌮𑍍 ॥
𑌅𑌶𑍍𑌵॑𑌕𑍍𑌰𑌾॒𑌨𑍍𑌤𑍇 𑌰॑𑌥𑌕𑍍𑌰𑌾॒𑌨𑍍𑌤𑍇॒ 𑌵𑌿॒𑌷𑍍𑌣𑍁𑌕𑍍𑌰𑌾᳚𑌨𑍍𑌤𑍇 𑌵॒𑌸𑍁𑌨𑍍𑌧॑𑌰𑌾 ।
𑌶𑌿𑌰𑌸𑌾॑ 𑌧𑌾𑌰॑𑌯𑌿𑌷𑍍𑌯𑌾॒𑌮𑌿॒ 𑌰॒𑌕𑍍𑌷॒𑌸𑍍𑌵 𑌮𑌾᳚-𑌮𑍍𑌪𑌦𑍇॒ 𑌪𑌦𑍇 ॥
𑌭𑍂𑌮𑌿-𑌰𑍍𑌧𑍇𑌨𑍁-𑌰𑍍𑌧𑌰𑌣𑍀 𑌲𑍋॑𑌕𑌧𑌾॒𑌰𑌿𑌣𑍀 ।
𑌉॒𑌧𑍃𑌤𑌾॑-𑌽𑌸𑌿 𑌵॑𑌰𑌾𑌹𑍇॒𑌣॒ 𑌕𑍃॒𑌷𑍍𑌣𑍇॒𑌨 𑌶॑𑌤 𑌬𑌾॒𑌹𑍁𑌨𑌾 ॥
𑌮𑍃॒𑌤𑍍𑌤𑌿𑌕𑍇॑ 𑌹𑌨॑ 𑌮𑍇 𑌪𑌾॒𑌪𑌂॒-𑌯𑌁॒𑌨𑍍𑌮॒𑌯𑌾 𑌦𑍁॑𑌷𑍍𑌕𑍃𑌤॒-𑌙𑍍𑌕𑍃𑌤𑌮𑍍 । 𑌮𑍃॒𑌤𑍍𑌤𑌿𑌕𑍇᳚ 𑌬𑍍𑌰𑌹𑍍𑌮॑𑌦𑌤𑍍𑌤𑌾॒-𑌽𑌸𑌿॒ 𑌕𑌾॒𑌶𑍍𑌯𑌪𑍇॑𑌨𑌾𑌭𑌿॒𑌮𑌨𑍍𑌤𑍍𑌰𑌿॑𑌤𑌾 । 𑌮𑍃॒𑌤𑍍𑌤𑌿𑌕𑍇॑ 𑌦𑍇𑌹𑌿॑ 𑌮𑍇 𑌪𑍁॒𑌷𑍍𑌟𑌿॒-𑌨𑍍𑌤𑍍𑌵॒𑌯𑌿 𑌸॑𑌰𑍍𑌵-𑌮𑍍𑌪𑍍𑌰॒𑌤𑌿𑌷𑍍𑌠𑌿॑𑌤𑌮𑍍 ॥ 𑍮 ॥

𑌮𑍃॒𑌤𑍍𑌤𑌿𑌕𑍇᳚ 𑌪𑍍𑌰𑌤𑌿𑌷𑍍𑌠𑌿॑𑌤𑍇 𑌸॒𑌰𑍍𑌵॒-𑌨𑍍𑌤॒𑌨𑍍𑌮𑍇 𑌨𑌿॑𑌰𑍍𑌣𑍁𑌦॒ 𑌮𑍃𑌤𑍍𑌤𑌿॑𑌕𑍇 । 𑌤𑌯𑌾॑ 𑌹॒𑌤𑍇𑌨॑ 𑌪𑌾𑌪𑍇॒𑌨॒ 𑌗॒𑌚𑍍𑌛𑌾॒𑌮𑌿 𑌪॑𑌰𑌮𑌾॒-𑌙𑍍𑌗𑌤𑌿𑌮𑍍 ॥ 𑌯𑌤॑ 𑌇𑌨𑍍𑌦𑍍𑌰॒ 𑌭𑌯𑌾॑𑌮𑌹𑍇॒ 𑌤𑌤𑍋॑ 𑌨𑍋॒ 𑌅𑌭॑𑌯-𑌙𑍍𑌕𑍃𑌧𑌿 ।
𑌮𑌘॑𑌵𑌨𑍍 𑌛॒𑌗𑍍𑌧𑌿 𑌤𑌵॒ 𑌤𑌨𑍍𑌨॑ 𑌊॒𑌤𑌯𑍇॒ 𑌵𑌿𑌦𑍍𑌵𑌿𑌷𑍋॒ 𑌵𑌿𑌮𑍃𑌧𑍋॑ 𑌜𑌹𑌿 ॥
𑌸𑍍𑌵॒𑌸𑍍𑌤𑌿॒𑌦𑌾 𑌵𑌿॒𑌶𑌸𑍍𑌪𑌤𑌿॑-𑌰𑍍𑌵𑍃𑌤𑍍𑌰॒𑌹𑌾 𑌵𑌿𑌮𑍃𑌧𑍋॑ 𑌵॒𑌶𑍀 ।
𑌵𑍃𑌷𑍇𑌨𑍍𑌦𑍍𑌰𑌃॑ 𑌪𑍁॒𑌰 𑌏॑𑌤𑍁 𑌨-𑌸𑍍𑌸𑍍𑌵𑌸𑍍𑌤𑌿॒𑌦𑌾 𑌅॑𑌭𑌯𑌙𑍍𑌕॒𑌰𑌃 ॥
𑌸𑍍𑌵॒𑌸𑍍𑌤𑌿 𑌨॒ 𑌇𑌨𑍍𑌦𑍍𑌰𑍋॑ 𑌵𑍃॒𑌦𑍍𑌧𑌶𑍍𑌰॑𑌵𑌾-𑌸𑍍𑌸𑍍𑌵॒𑌸𑍍𑌤𑌿 𑌨𑌃॑ 𑌪𑍂॒𑌷𑌾 𑌵𑌿॒𑌶𑍍𑌵𑌵𑍇॑𑌦𑌾𑌃 । 𑌸𑍍𑌵॒𑌸𑍍𑌤𑌿 𑌨॒𑌸𑍍𑌤𑌾𑌰𑍍𑌕𑍍𑌷𑍍𑌯𑍋॒ 𑌅𑌰𑌿॑𑌷𑍍𑌟𑌨𑍇𑌮𑌿-𑌸𑍍𑌸𑍍𑌵॒𑌸𑍍𑌤𑌿 𑌨𑍋॒ 𑌬𑍃𑌹॒𑌸𑍍𑌪𑌤𑌿॑-𑌰𑍍𑌦𑌧𑌾𑌤𑍁 ॥
𑌆𑌪𑌾᳚𑌨𑍍𑌤-𑌮𑌨𑍍𑌯𑍁𑌸𑍍𑌤𑍃॒𑌪𑌲॑𑌪𑍍𑌰𑌭𑌰𑍍𑌮𑌾॒ 𑌧𑍁𑌨𑌿॒-𑌶𑍍𑌶𑌿𑌮𑍀॑𑌵𑌾𑌂॒-𑌛𑌰𑍁॑𑌮𑌾𑌗𑍍​𑌮𑍍 𑌋𑌜𑍀॒𑌷𑍀 । 𑌸𑍋𑌮𑍋॒ 𑌵𑌿𑌶𑍍𑌵𑌾᳚𑌨𑍍𑌯𑌤॒𑌸𑌾 𑌵𑌨𑌾॑𑌨𑌿॒ 𑌨𑌾𑌰𑍍𑌵𑌾𑌗𑌿𑌨𑍍𑌦𑍍𑌰॑-𑌮𑍍𑌪𑍍𑌰𑌤𑌿॒𑌮𑌾𑌨𑌾॑𑌨𑌿 𑌦𑍇𑌭𑍁𑌃 ॥ 𑍯 ॥

𑌬𑍍𑌰𑌹𑍍𑌮॑ 𑌜𑌜𑍍𑌞𑌾॒𑌨-𑌮𑍍𑌪𑍍𑌰॑𑌥॒𑌮-𑌮𑍍𑌪𑍁॒𑌰𑌸𑍍𑌤𑌾॒-𑌦𑍍𑌵𑌿𑌸𑍀॑𑌮॒𑌤-𑌸𑍍𑌸𑍁॒𑌰𑍁𑌚𑍋॑ 𑌵𑍇॒𑌨 𑌆॑𑌵𑌃 । 𑌸 𑌬𑍁॒𑌧𑍍𑌨𑌿𑌯𑌾॑ 𑌉𑌪॒𑌮𑌾 𑌅॑𑌸𑍍𑌯 𑌵𑌿॒𑌷𑍍𑌠𑌾-𑌸𑍍𑌸॒𑌤𑌶𑍍𑌚॒ 𑌯𑍋𑌨𑌿॒-𑌮𑌸॑𑌤𑌶𑍍𑌚॒ 𑌵𑌿𑌵𑌃॑ ॥
𑌸𑍍𑌯𑍋॒𑌨𑌾 𑌪𑍃॑𑌥𑌿𑌵𑌿॒ 𑌭𑌵𑌾॑ 𑌨𑍃𑌕𑍍𑌷॒𑌰𑌾 𑌨𑌿॒𑌵𑍇𑌶॑𑌨𑍀 । 𑌯𑌚𑍍𑌛𑌾॑ 𑌨॒-𑌶𑍍𑌶𑌰𑍍𑌮॑ 𑌸॒𑌪𑍍𑌰𑌥𑌾𑌃᳚ ॥
𑌗॒𑌨𑍍𑌧॒𑌦𑍍𑌵𑌾॒𑌰𑌾-𑌨𑍍𑌦𑍁॑𑌰𑌾𑌧॒𑌰𑍍​𑌷𑌾॒-𑌨𑍍𑌨𑌿॒𑌤𑍍𑌯𑌪𑍁॑𑌷𑍍𑌟𑌾-𑌙𑍍𑌕𑌰𑍀॒𑌷𑌿𑌣𑍀᳚𑌮𑍍 । 𑌈॒𑌶𑍍𑌵𑌰𑍀𑌗𑍍​𑌮𑍍॑ 𑌸𑌰𑍍𑌵॑𑌭𑍂𑌤𑌾॒𑌨𑌾॒-𑌨𑍍𑌤𑌾𑌮𑌿॒𑌹𑍋𑌪॑𑌹𑍍𑌵𑌯𑍇॒ 𑌶𑍍𑌰𑌿𑌯𑌮𑍍 ॥
𑌶𑍍𑌰𑍀᳚𑌰𑍍𑌮𑍇 𑌭॒𑌜𑌤𑍁 । 𑌅𑌲𑌕𑍍𑌷𑍍𑌮𑍀᳚𑌰𑍍𑌮𑍇 𑌨॒𑌶𑍍𑌯𑌤𑍁 ।
𑌵𑌿𑌷𑍍𑌣𑍁॑𑌮𑍁𑌖𑌾॒ 𑌵𑍈 𑌦𑍇॒𑌵𑌾-𑌶𑍍𑌛𑌨𑍍𑌦𑍋॑-𑌭𑌿𑌰𑌿॒𑌮𑌾𑌨𑍍 𑌁𑌲𑍋॒𑌕𑌾-𑌨॑𑌨𑌪𑌜॒𑌯𑍍𑌯-𑌮॒𑌭𑍍𑌯॑𑌜𑌯𑌨𑍍𑌨𑍍 । 𑌮॒𑌹𑌾𑌗𑍍​𑌮𑍍 𑌇𑌨𑍍𑌦𑍍𑌰𑍋॒ 𑌵𑌜𑍍𑌰॑𑌬𑌾𑌹𑍁-𑌷𑍍𑌷𑍋𑌡॒𑌶𑍀 𑌶𑌰𑍍𑌮॑ 𑌯𑌚𑍍𑌛𑌤𑍁 ॥ 10 ॥

𑌸𑍍𑌵॒𑌸𑍍𑌤𑌿 𑌨𑍋॑ 𑌮॒𑌘𑌵𑌾॑ 𑌕𑌰𑍋𑌤𑍁॒ 𑌹𑌨𑍍𑌤𑍁॑ 𑌪𑌾॒𑌪𑍍𑌮𑌾𑌨𑌂॒-𑌯𑍋𑌁᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॑ ॥
𑌸𑍋॒𑌮𑌾𑌨॒𑌗𑍍𑌗𑍍॒ 𑌸𑍍𑌵𑌰॑𑌣-𑌙𑍍𑌕𑍃𑌣𑍁॒𑌹𑌿 𑌬𑍍𑌰॑𑌹𑍍𑌮𑌣𑌸𑍍𑌪𑌤𑍇 । 𑌕॒𑌕𑍍𑌷𑍀𑌵॑𑌨𑍍𑌤𑌂॒-𑌯𑌁 𑌔॑𑌶𑌿॒𑌜𑌮𑍍 ।
𑌶𑌰𑍀॑𑌰𑌂-𑌯𑌁𑌜𑍍𑌞𑌶𑌮॒𑌲-𑌙𑍍𑌕𑍁𑌸𑍀॑𑌦॒-𑌨𑍍𑌤𑌸𑍍𑌮𑌿᳚-𑌨𑍍𑌥𑍍𑌸𑍀𑌦𑌤𑍁॒ 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॑ ॥
𑌚𑌰॑𑌣-𑌮𑍍𑌪॒𑌵𑌿𑌤𑍍𑌰𑌂॒-𑌵𑌿𑌁𑌤॑𑌤-𑌮𑍍𑌪𑍁𑌰𑌾॒𑌣𑌂-𑌯𑍇𑌁𑌨॑ 𑌪𑍂॒𑌤-𑌸𑍍𑌤𑌰॑𑌤𑌿 𑌦𑍁𑌷𑍍𑌕𑍃॒𑌤𑌾𑌨𑌿॑ ।
𑌤𑍇𑌨॑ 𑌪॒𑌵𑌿𑌤𑍍𑌰𑍇॑𑌣 𑌶𑍁॒𑌦𑍍𑌧𑍇𑌨॑ 𑌪𑍂॒𑌤𑌾 𑌅𑌤𑌿॑ 𑌪𑌾॒𑌪𑍍𑌮𑌾𑌨॒-𑌮𑌰𑌾॑𑌤𑌿-𑌨𑍍𑌤𑌰𑍇𑌮 ॥
𑌸॒𑌜𑍋𑌷𑌾॑ 𑌇𑌨𑍍𑌦𑍍𑌰॒ 𑌸𑌗॑𑌣𑍋 𑌮॒𑌰𑍁𑌦𑍍𑌭𑌿॒-𑌸𑍍𑌸𑍋𑌮॑-𑌮𑍍𑌪𑌿𑌬 𑌵𑍃𑌤𑍍𑌰𑌹𑌞𑍍𑌛𑍂𑌰 𑌵𑌿॒𑌦𑍍𑌵𑌾𑌨𑍍 ।
𑌜॒𑌹𑌿 𑌶𑌤𑍍𑌰𑍂॒𑌗𑍍​𑌮𑍍॒ 𑌰𑌪॒ 𑌮𑍃𑌧𑍋॑ 𑌨𑍁𑌦॒𑌸𑍍𑌵𑌾𑌥𑌾𑌭॑𑌯-𑌙𑍍𑌕𑍃𑌣𑍁𑌹𑌿 𑌵𑌿॒𑌶𑍍𑌵𑌤𑍋॑ 𑌨𑌃 ॥
𑌸𑍁॒𑌮𑌿॒𑌤𑍍𑌰𑌾 𑌨॒ 𑌆𑌪॒ 𑌓𑌷॑𑌧𑌯-𑌸𑍍𑌸𑌨𑍍𑌤𑍁 𑌦𑍁𑌰𑍍𑌮𑌿॒𑌤𑍍𑌰𑌾𑌸𑍍𑌤𑌸𑍍𑌮𑍈॑
𑌭𑍂𑌯𑌾𑌸𑍁॒-𑌰𑍍𑌯𑌾᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥
𑌆𑌪𑍋॒ 𑌹𑌿𑌷𑍍𑌠𑌾 𑌮॑𑌯𑍋॒ 𑌭𑍁𑌵॒𑌸𑍍𑌤𑌾 𑌨॑ 𑌊॒𑌰𑍍𑌜𑍇 𑌦॑𑌧𑌾𑌤𑌨 ॥ 11 ॥

𑌮॒𑌹𑍇𑌰𑌣𑌾॑𑌯॒ 𑌚𑌕𑍍𑌷॑𑌸𑍇 । 𑌯𑍋 𑌵॑-𑌶𑍍𑌶𑌿॒𑌵𑌤॑𑌮𑍋॒ 𑌰𑌸॒-𑌸𑍍𑌤𑌸𑍍𑌯॑ 𑌭𑌾𑌜𑌯𑌤𑍇॒ 𑌹 𑌨𑌃॑ । 𑌉॒𑌶॒𑌤𑍀-𑌰𑌿॑𑌵 𑌮𑌾॒𑌤𑌰𑌃॑ । 𑌤𑌸𑍍𑌮𑌾॒ 𑌅𑌰॑𑌙𑍍𑌗𑌮𑌾𑌮𑌵𑍋॒ 𑌯𑌸𑍍𑌯॒ 𑌕𑍍𑌷𑌯𑌾॑𑌯॒ 𑌜𑌿𑌨𑍍𑌵॑𑌥 ।
𑌆𑌪𑍋॑ 𑌜॒𑌨𑌯॑𑌥𑌾 𑌚 𑌨𑌃 ॥ 𑌹𑌿𑌰॑𑌣𑍍𑌯𑌶𑍃𑌙𑍍𑌗𑌂॒-𑌵𑌁𑌰𑍁॑𑌣॒-𑌮𑍍𑌪𑍍𑌰𑌪॑𑌦𑍍𑌯𑍇 𑌤𑍀॒𑌰𑍍𑌥-𑌮𑍍𑌮𑍇॑ 𑌦𑍇𑌹𑌿॒ 𑌯𑌾𑌚𑌿॑𑌤𑌃 ।
𑌯॒𑌨𑍍𑌮𑌯𑌾॑ 𑌭𑍁॒𑌕𑍍𑌤-𑌮॒𑌸𑌾𑌧𑍂॑𑌨𑌾-𑌮𑍍𑌪𑌾॒𑌪𑍇𑌭𑍍𑌯॑𑌶𑍍𑌚 𑌪𑍍𑌰॒𑌤𑌿𑌗𑍍𑌰॑𑌹𑌃 ॥ 𑌯𑌨𑍍𑌮𑍇॒ 𑌮𑌨॑𑌸𑌾 𑌵𑌾॒𑌚𑌾॒ 𑌕॒𑌰𑍍𑌮॒𑌣𑌾 𑌵𑌾 𑌦𑍁॑𑌷𑍍𑌕𑍃𑌤॒-𑌙𑍍𑌕𑍃𑌤𑌮𑍍 । 𑌤𑌨𑍍𑌨॒ 𑌇𑌨𑍍𑌦𑍍𑌰𑍋॒ 𑌵𑌰𑍁॑𑌣𑍋॒ 𑌬𑍃𑌹॒𑌸𑍍𑌪𑌤𑌿॑-𑌸𑍍𑌸𑌵𑌿॒𑌤𑌾 𑌚॑ 𑌪𑍁𑌨𑌨𑍍𑌤𑍁॒ 𑌪𑍁𑌨𑌃॑ 𑌪𑍁𑌨𑌃 ॥
𑌨𑌮𑍋॒-𑌽𑌗𑍍𑌨𑌯𑍇᳚-𑌽𑌫𑍍𑌸𑍁॒𑌮𑌤𑍇॒ 𑌨𑌮॒ 𑌇𑌨𑍍𑌦𑍍𑌰𑌾॑𑌯॒ 𑌨𑌮𑍋॒ 𑌵𑌰𑍁॑𑌣𑌾𑌯॒ 𑌨𑌮𑍋 𑌵𑌾𑌰𑍁𑌣𑍍𑌯𑍈॑ 𑌨𑌮𑍋॒-𑌽𑌦𑍍𑌭𑍍𑌯𑌃 ॥ 12 ॥

𑌯𑌦॒𑌪𑌾-𑌙𑍍𑌕𑍍𑌰𑍂॒𑌰𑌂-𑌯𑌁𑌦॑𑌮𑍇॒𑌦𑍍𑌧𑍍𑌯𑌂-𑌯𑌁𑌦॑𑌶𑌾॒𑌨𑍍𑌤-𑌨𑍍𑌤𑌦𑌪॑𑌗𑌚𑍍𑌛𑌤𑌾𑌤𑍍 ॥ 𑌅॒𑌤𑍍𑌯𑌾॒𑌶॒𑌨𑌾-𑌦॑𑌤𑍀𑌪𑌾॒𑌨𑌾॒-𑌦𑍍𑌯॒𑌚𑍍𑌚 𑌉॒𑌗𑍍𑌰𑌾-𑌤𑍍𑌪𑍍𑌰॑𑌤𑌿॒𑌗𑍍𑌰𑌹𑌾᳚𑌤𑍍 । 𑌤𑌨𑍍𑌨𑍋॒ 𑌵𑌰𑍁॑𑌣𑍋 𑌰𑌾॒𑌜𑌾॒ 𑌪𑌾॒𑌣𑌿𑌨𑌾᳚ 𑌹𑍍𑌯𑌵॒𑌮𑌰𑍍​𑌶॑𑌤𑍁 ॥ 𑌸𑍋॑-𑌽𑌹𑌮॑𑌪𑌾॒𑌪𑍋 𑌵𑌿॒𑌰𑌜𑍋॒ 𑌨𑌿𑌰𑍍𑌮𑍁॒𑌕𑍍𑌤𑍋 𑌮𑍁॑𑌕𑍍𑌤𑌕𑌿॒𑌲𑍍𑌬𑌿𑌷𑌃 । 𑌨𑌾𑌕॑𑌸𑍍𑌯 𑌪𑍃॒𑌷𑍍𑌠𑌮𑌾𑌰𑍁॑𑌹𑍍𑌯॒ 𑌗𑌚𑍍𑌛𑍇॒-𑌦𑍍𑌬𑍍𑌰𑌹𑍍𑌮॑𑌸𑌲𑍋॒𑌕𑌤𑌾𑌮𑍍 ॥ 𑌯𑌶𑍍𑌚𑌾॒𑌫𑍍𑌸𑍁 𑌵𑌰𑍁॑𑌣॒-𑌸𑍍𑌸 𑌪𑍁॒𑌨𑌾𑌤𑍍𑌵॑𑌘𑌮𑌰𑍍​𑌷॒𑌣𑌃 ॥ 𑌇॒𑌮-𑌮𑍍𑌮𑍇॑ 𑌗𑌙𑍍𑌗𑍇 𑌯𑌮𑍁𑌨𑍇 𑌸𑌰𑌸𑍍𑌵𑌤𑌿॒ 𑌶𑍁𑌤𑍁॑𑌦𑍍𑌰𑌿॒ 𑌸𑍍𑌤𑍋𑌮𑌗𑍍​𑌮𑍍॑ 𑌸𑌚𑌤𑌾॒ 𑌪𑌰𑍁॒𑌷𑍍𑌣𑌿𑌯𑌾 ।
𑌅॒𑌸𑌿॒𑌕𑍍𑌨𑌿॒𑌯𑌾 𑌮॑𑌰𑍁𑌦𑍍𑌵𑍃𑌧𑍇 𑌵𑌿॒𑌤𑌸𑍍𑌤॒𑌯𑌾-𑌽𑌽𑌰𑍍𑌜𑍀॑𑌕𑍀𑌯𑍇 𑌶𑍃𑌣𑍁॒𑌹𑍍𑌯𑌾 𑌸𑍁॒𑌷𑍋𑌮॑𑌯𑌾 ॥
𑌋॒𑌤𑌞𑍍𑌚॑ 𑌸॒𑌤𑍍𑌯𑌞𑍍𑌚𑌾॒-𑌭𑍀᳚𑌦𑍍𑌧𑌾॒ 𑌤𑍍𑌤𑌪॒𑌸𑍋-𑌽𑌦𑍍𑌧𑍍𑌯॑𑌜𑌾𑌯𑌤 ।
𑌤𑌤𑍋॒ 𑌰𑌾𑌤𑍍𑌰𑌿॑-𑌰𑌜𑌾𑌯𑌤॒ 𑌤𑌤॑-𑌸𑍍𑌸𑌮𑍁॒𑌦𑍍𑌰𑍋 𑌅॑𑌰𑍍𑌣॒𑌵𑌃 ॥ 13 ॥

𑌸॒𑌮𑍁॒𑌦𑍍𑌰𑌾-𑌦॑𑌰𑍍𑌣॒𑌵𑌾-𑌦𑌧𑌿॑ 𑌸𑌂​𑌵𑌁𑌥𑍍𑌸॒𑌰𑍋 𑌅॑𑌜𑌾𑌯𑌤 ।
𑌅॒𑌹𑍋॒𑌰𑌾॒𑌤𑍍𑌰𑌾𑌣𑌿॑ 𑌵𑌿॒𑌦𑌧॒-𑌦𑍍(𑌮𑌿॒𑌦𑌧॒𑌦𑍍) 𑌵𑌿𑌶𑍍𑌵॑𑌸𑍍𑌯 𑌮𑌿𑌷॒𑌤𑍋 𑌵॒𑌶𑍀 ॥ 𑌸𑍂॒𑌰𑍍𑌯𑌾॒𑌚॒𑌨𑍍𑌦𑍍𑌰॒𑌮𑌸𑍌॑ 𑌧𑌾॒𑌤𑌾 𑌯॑𑌥𑌾 𑌪𑍂॒𑌰𑍍𑌵 𑌮॑𑌕𑌲𑍍𑌪𑌯𑌤𑍍 । 𑌦𑌿𑌵॑𑌞𑍍𑌚 𑌪𑍃𑌥𑌿॒𑌵𑍀-𑌞𑍍𑌚𑌾॒𑌨𑍍𑌤𑌰𑌿॑𑌕𑍍𑌷॒ 𑌮𑌥𑍋॒ 𑌸𑍁𑌵𑌃॑ ॥ 𑌯-𑌤𑍍𑌪𑍃॑𑌥𑌿॒𑌵𑍍𑌯𑌾𑌗𑍍​𑌮𑍍 𑌰𑌜॑𑌸𑍍𑌸𑍍𑌵॒ 𑌮𑌾𑌨𑍍𑌤𑌰𑌿॑𑌕𑍍𑌷𑍇 𑌵𑌿॒𑌰𑍋𑌦॑𑌸𑍀 । 𑌇॒𑌮𑌾𑌗𑍍​ 𑌸𑍍𑌤𑌦𑌾॒𑌪𑍋 𑌵॑𑌰𑍁𑌣𑌃 𑌪𑍁॒𑌨𑌾𑌤𑍍𑌵॑𑌘𑌮𑌰𑍍​𑌷॒𑌣𑌃 ॥ 𑌪𑍁॒𑌨𑌨𑍍𑌤𑍁॒ 𑌵𑌸॑𑌵𑌃 𑌪𑍁॒𑌨𑌾𑌤𑍁॒ 𑌵𑌰𑍁॑𑌣𑌃 𑌪𑍁॒𑌨𑌾𑌤𑍍𑌵॑𑌘𑌮𑌰𑍍​𑌷॒𑌣𑌃 ।
𑌏॒𑌷 𑌭𑍂॒𑌤𑌸𑍍𑌯॑ 𑌮॒𑌦𑍍𑌧𑍍𑌯𑍇 𑌭𑍁𑌵॑𑌨𑌸𑍍𑌯 𑌗𑍋॒𑌪𑍍𑌤𑌾 ॥
𑌏॒𑌷 𑌪𑍁॒𑌣𑍍𑌯𑌕𑍃॑𑌤𑌾𑌂-𑌲𑍋𑌁॒𑌕𑌾॒𑌨𑍇॒𑌷 𑌮𑍃॒𑌤𑍍𑌯𑍋𑌰𑍍-𑌹𑌿॑𑌰॒𑌣𑍍𑌮𑌯᳚𑌮𑍍 । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍍𑌯𑍋𑌰𑍍-𑌹𑌿॑𑌰॒𑌣𑍍𑌮𑌯॒𑌗𑍍​𑌮𑍍॒ 𑌸𑌗𑍍𑌗𑍍​𑌶𑍍𑌰𑌿॑𑌤॒𑌗𑍍​𑌮𑍍॒ 𑌸𑍁𑌵𑌃॑ ॥ 14 ॥

𑌸 𑌨॒-𑌸𑍍𑌸𑍁𑌵॒-𑌸𑍍𑌸𑌗𑍍​𑌮𑍍 𑌶𑌿॑𑌶𑌾𑌧𑌿 ॥
𑌆𑌰𑍍𑌦𑍍𑌰॒-𑌞𑍍𑌜𑍍𑌵𑌲॑𑌤𑌿॒ 𑌜𑍍𑌯𑍋𑌤𑌿॑-𑌰॒𑌹𑌮॑𑌸𑍍𑌮𑌿 । 𑌜𑍍𑌯𑍋𑌤𑌿॒-𑌰𑍍𑌜𑍍𑌵𑌲॑𑌤𑌿॒ 𑌬𑍍𑌰𑌹𑍍𑌮𑌾॒𑌹𑌮॑𑌸𑍍𑌮𑌿 । 𑌯𑍋॑-𑌽𑌹𑌮॑𑌸𑍍𑌮𑌿॒ 𑌬𑍍𑌰𑌹𑍍𑌮𑌾॒𑌹𑌮॑𑌸𑍍𑌮𑌿 । 𑌅॒𑌹𑌮॑𑌸𑍍𑌮𑌿॒ 𑌬𑍍𑌰𑌹𑍍𑌮𑌾॒𑌹𑌮॑𑌸𑍍𑌮𑌿 । 𑌅॒𑌹𑌮𑍇॒𑌵𑌾𑌹-𑌮𑍍𑌮𑌾-𑌞𑍍𑌜𑍁॑𑌹𑍋𑌮𑌿॒ 𑌸𑍍𑌵𑌾𑌹𑌾᳚ ॥ 𑌅॒𑌕𑌾॒𑌰𑍍𑌯॒-𑌕𑌾॒𑌰𑍍𑌯॑𑌵 𑌕𑍀॒𑌰𑍍𑌣𑍀 𑌸𑍍𑌤𑍇॒𑌨𑍋 𑌭𑍍𑌰𑍂॑𑌣॒𑌹𑌾 𑌗𑍁॑𑌰𑍁𑌤॒𑌲𑍍𑌪𑌗𑌃 । 𑌵𑌰𑍁॑𑌣𑍋॒-𑌽𑌪𑌾𑌮॑𑌘𑌮𑌰𑍍​𑌷॒𑌣-𑌸𑍍𑌤𑌸𑍍𑌮𑌾᳚-𑌤𑍍𑌪𑌾॒𑌪𑌾-𑌤𑍍𑌪𑍍𑌰𑌮𑍁॑𑌚𑍍𑌯𑌤𑍇 ॥
𑌰॒𑌜𑍋𑌭𑍂𑌮𑌿॑𑌸𑍍𑌤𑍍𑌵॒𑌮𑌾𑌗𑍍​𑌮𑍍 𑌰𑍋𑌦॑𑌯𑌸𑍍𑌵॒ 𑌪𑍍𑌰𑌵॑𑌦𑌨𑍍𑌤𑌿॒ 𑌧𑍀𑌰𑌾𑌃᳚ ॥
𑌆𑌕𑍍𑌰𑌾᳚𑌨𑍍-𑌥𑍍𑌸𑌮𑍁॒𑌦𑍍𑌰𑌃 𑌪𑍍𑌰॑𑌥॒𑌮𑍇 𑌵𑌿𑌧॑𑌰𑍍𑌮-𑌞𑍍𑌜॒𑌨𑌯॑-𑌨𑍍𑌪𑍍𑌰॒𑌜𑌾 𑌭𑍁𑌵॑𑌨𑌸𑍍𑌯॒ 𑌰𑌾𑌜𑌾᳚ ।
𑌵𑍃𑌷𑌾॑ 𑌪॒𑌵𑌿𑌤𑍍𑌰𑍇॒ 𑌅𑌧𑌿॒𑌸𑌾𑌨𑍋॒ 𑌅𑌵𑍍𑌯𑍇॑ 𑌬𑍃॒𑌹-𑌥𑍍𑌸𑍋𑌮𑍋॑
𑌵𑌾𑌵𑍃𑌧𑍇 𑌸𑍁𑌵𑌾॒𑌨 𑌇𑌨𑍍𑌦𑍁𑌃॑ ॥ 15 ॥
(𑌪𑍁𑌰॑𑌸𑍍𑌤𑌾॒--𑌦𑍍𑌯𑌶𑍋॒ - 𑌗𑍁𑌹𑌾॑𑌸𑍁॒ - 𑌮𑌮॑ - 𑌚𑌕𑍍𑌰𑌤𑍁॒𑌣𑍍𑌡𑌾𑌯॑ 𑌧𑍀𑌮𑌹𑌿 - 𑌤𑍀𑌕𑍍𑌷𑌦॒𑌗𑍍𑌗𑍍॒𑌷𑍍𑌠𑍍𑌰𑌾𑌯॑ 𑌧𑍀𑌮𑌹𑌿॒ - 𑌪𑌰𑌿॑ - 𑌪𑍍𑌰॒𑌤𑌿𑌷𑍍𑌠𑌿॑𑌤𑌂 - 𑌦𑍇𑌭𑍁--𑌰𑍍 𑌯𑌚𑍍𑌛𑌤𑍁 - 𑌦𑌧𑌾𑌤𑌨𑌾॒- 𑌦𑍍𑌭𑍍𑌯𑍋᳚ - 𑌽𑌰𑍍𑌣॒𑌵𑌃 - 𑌸𑍁𑌵𑍋॒ - 𑌰𑌾𑌜𑍈𑌕॑-𑌞𑍍𑌚) (𑌅. 1)

𑌰𑍁॒𑌦𑍍𑌰𑍋॒ 𑌰𑍁॒𑌦𑍍𑌰𑌶𑍍𑌚॒ 𑌦𑌨𑍍𑌤𑌿॒𑌶𑍍𑌚॒ 𑌨॒𑌨𑍍𑌦𑌿॒-𑌷𑍍𑌷॒𑌣𑍍𑌮𑍁॒𑌖॒ 𑌏॒𑌵 𑌚॑ । 𑌗॒𑌰𑍁॒𑌡𑍋॒ 𑌬𑍍𑌰॒𑌹𑍍𑌮॒ 𑌵𑌿॒𑌷𑍍𑌣𑍁॒𑌶𑍍𑌚॒ 𑌨𑌾॒𑌰॒𑌸𑌿॒𑌗𑍍​𑌮𑍍॒𑌹॒𑌸𑍍𑌤॒𑌥𑍈॒𑌵 𑌚॑ । 𑌆॒𑌦𑌿॒𑌤𑍍𑌯𑍋॒-𑌽𑌗𑍍𑌨𑌿॒𑌶𑍍𑌚॒ 𑌦𑍁॒𑌰𑍍𑌗𑌿॒𑌶𑍍𑌚॒ 𑌕𑍍𑌰॒𑌮𑍇॒𑌣॒ 𑌦𑍍𑌵𑌾𑌦॒𑌶𑌾𑌮𑍍𑌭॑𑌸𑌿 ।

𑌮॒ 𑌮॒ 𑌵॒ 𑌚॒ 𑌮॒ 𑌸𑍁॒ 𑌵𑍇॒ 𑌨𑌾॒ 𑌵॒ 𑌭𑌾॒ 𑌵𑍈॒ 𑌕𑌾॒𑌤𑍍𑌯𑌾॒𑌯॒𑌨𑌾𑌯॑ ।

𑌅𑌨𑍁𑌵𑌾𑌕𑌂 2
𑌜𑌾॒𑌤𑌵𑍇॑𑌦𑌸𑍇 𑌸𑍁𑌨𑌵𑌾𑌮॒ 𑌸𑍋𑌮॑-𑌮𑌰𑌾𑌤𑍀𑌯॒𑌤𑍋 𑌨𑌿𑌦॑𑌹𑌾𑌤𑌿॒ 𑌵𑍇𑌦𑌃॑ । 𑌸 𑌨𑌃॑ 𑌪𑌰𑍍​𑌷॒𑌦𑌤𑌿॑ 𑌦𑍁॒𑌰𑍍𑌗𑌾𑌣𑌿॒ 𑌵𑌿𑌶𑍍𑌵𑌾॑ 𑌨𑌾॒𑌵𑍇𑌵॒ 𑌸𑌿𑌨𑍍𑌧𑍁॑-𑌨𑍍𑌦𑍁𑌰𑌿॒𑌤𑌾-𑌽𑌤𑍍𑌯॒𑌗𑍍𑌨𑌿𑌃 ॥
𑌤𑌾𑌮॒𑌗𑍍𑌨𑌿𑌵॑𑌰𑍍𑌣𑌾॒-𑌨𑍍𑌤𑌪॑𑌸𑌾 𑌜𑍍𑌵𑌲॒𑌨𑍍𑌤𑍀𑌂-𑌵𑍈𑌁॑𑌰𑍋𑌚॒𑌨𑍀-𑌙𑍍𑌕॑𑌰𑍍𑌮𑌫॒𑌲𑍇𑌷𑍁॒ 𑌜𑍁𑌷𑍍𑌟𑌾᳚𑌮𑍍 । 𑌦𑍁॒𑌰𑍍𑌗𑌾-𑌨𑍍𑌦𑍇॒𑌵𑍀𑌗𑍍​𑌮𑍍 𑌶𑌰॑𑌣𑌮॒𑌹-𑌮𑍍𑌪𑍍𑌰𑌪॑𑌦𑍍𑌯𑍇 𑌸𑍁॒𑌤𑌰॑𑌸𑌿 𑌤𑌰𑌸𑍇॒ 𑌨𑌮𑌃॑ ॥
𑌅𑌗𑍍𑌨𑍇॒ 𑌤𑍍𑌵-𑌮𑍍𑌪𑌾॑𑌰𑌯𑌾॒ 𑌨𑌵𑍍𑌯𑍋॑ 𑌅॒𑌸𑍍𑌮𑌾𑌨𑍍-𑌥𑍍𑌸𑍍𑌵॒𑌸𑍍𑌤𑌿-𑌭𑌿॒𑌰𑌤𑌿॑ 𑌦𑍁॒𑌰𑍍𑌗𑌾𑌣𑌿॒ 𑌵𑌿𑌶𑍍𑌵𑌾᳚ । 𑌪𑍂𑌶𑍍𑌚॑ 𑌪𑍃॒𑌥𑍍𑌵𑍀 𑌬॑𑌹𑍁॒𑌲𑌾 𑌨॑ 𑌉॒𑌰𑍍𑌵𑍀 𑌭𑌵𑌾॑ 𑌤𑍋॒𑌕𑌾𑌯॒ 𑌤𑌨॑𑌯𑌾𑌯॒ 𑌶𑌂​𑌯𑍋𑌁𑌃 ॥
𑌵𑌿𑌶𑍍𑌵𑌾॑𑌨𑌿 𑌨𑍋 𑌦𑍁॒𑌰𑍍𑌗𑌹𑌾॑ 𑌜𑌾𑌤𑌵𑍇𑌦॒-𑌸𑍍𑌸𑌿𑌨𑍍𑌧𑍁॒-𑌨𑍍𑌨 𑌨𑌾॒𑌵𑌾 𑌦𑍁॑𑌰𑌿॒𑌤𑌾-𑌽𑌤𑌿॑𑌪𑌰𑍍​𑌷𑌿 । 𑌅𑌗𑍍𑌨𑍇॑ 𑌅𑌤𑍍𑌰𑌿॒𑌵-𑌨𑍍𑌮𑌨॑𑌸𑌾 𑌗𑍃𑌣𑌾॒𑌨𑍋᳚-𑌽𑌸𑍍𑌮𑌾𑌕॑-𑌮𑍍𑌬𑍋𑌦𑍍𑌧𑍍𑌯𑌵𑌿॒𑌤𑌾 𑌤॒𑌨𑍂𑌨𑌾᳚𑌮𑍍 ॥
𑌪𑍃॒𑌤॒𑌨𑌾॒𑌜𑌿𑌤॒𑌗𑍍​𑌮𑍍॒ 𑌸𑌹॑𑌮𑌾𑌨-𑌮𑍁॒𑌗𑍍𑌰𑌮॒𑌗𑍍𑌨𑌿𑌗𑍍​𑌮𑍍 𑌹𑍁॑𑌵𑍇𑌮 𑌪𑌰॒𑌮𑌾-𑌥𑍍𑌸॒𑌧𑌸𑍍𑌥𑌾᳚𑌤𑍍 । 𑌸 𑌨𑌃॑ 𑌪𑌰𑍍​𑌷॒𑌦𑌤𑌿॑ 𑌦𑍁॒𑌰𑍍𑌗𑌾𑌣𑌿॒ 𑌵𑌿𑌶𑍍𑌵𑌾॒ 𑌕𑍍𑌷𑌾𑌮॑𑌦𑍍𑌦𑍇॒𑌵𑍋 𑌅𑌤𑌿॑ 𑌦𑍁𑌰𑌿॒𑌤𑌾-𑌽𑌤𑍍𑌯॒𑌗𑍍𑌨𑌿𑌃 ॥
𑌪𑍍𑌰॒𑌤𑍍𑌨𑍋𑌷𑌿॑-𑌕॒𑌮𑍀𑌡𑍍𑌯𑍋॑ 𑌅𑌦𑍍𑌧𑍍𑌵॒𑌰𑍇𑌷𑍁॑ 𑌸॒𑌨𑌾𑌚𑍍𑌚॒ 𑌹𑍋𑌤𑌾॒ 𑌨𑌵𑍍𑌯॑𑌶𑍍𑌚॒ 𑌸𑌥𑍍𑌸𑌿॑ । 𑌸𑍍𑌵𑌾𑌞𑍍𑌚𑌾᳚𑌗𑍍𑌨𑍇 𑌤॒𑌨𑍁𑌵॑-𑌮𑍍𑌪𑌿॒𑌪𑍍𑌰𑌯॑𑌸𑍍𑌵𑌾॒𑌸𑍍𑌮𑌭𑍍𑌯॑𑌞𑍍𑌚॒ 𑌸𑍌𑌭॑𑌗॒𑌮𑌾𑌯॑𑌜𑌸𑍍𑌵 ॥
𑌗𑍋𑌭𑌿॒-𑌰𑍍𑌜𑍁𑌷𑍍𑌟॑𑌮॒𑌯𑍁𑌜𑍋॒ 𑌨𑌿𑌷𑌿॑𑌕𑍍𑌤॒-𑌨𑍍𑌤𑌵𑍇᳚𑌨𑍍𑌦𑍍𑌰 𑌵𑌿𑌷𑍍𑌣𑍋॒-𑌰𑌨𑍁॒𑌸𑌞𑍍𑌚॑𑌰𑍇𑌮 ।
𑌨𑌾𑌕॑𑌸𑍍𑌯 𑌪𑍃॒𑌷𑍍𑌠𑌮॒𑌭𑌿 𑌸𑌂॒​𑌵𑌁𑌸𑌾॑𑌨𑍋॒ 𑌵𑍈𑌷𑍍𑌣॑𑌵𑍀𑌂-𑌲𑍋𑌁॒𑌕 𑌇॒𑌹 𑌮𑌾॑𑌦𑌯𑌨𑍍𑌤𑌾𑌮𑍍 ॥ 16 ॥
(𑌦𑍁॒𑌰𑌿॒𑌤𑌾-𑌽𑌤𑍍𑌯॒𑌗𑍍𑌨𑌿𑌶𑍍𑌚॒𑌤𑍍𑌵𑌾𑌰𑌿॑ 𑌚) (𑌅. 2)

𑌅𑌨𑍁𑌵𑌾𑌕𑌂 3
𑌭𑍂-𑌰𑌨𑍍𑌨॑-𑌮॒𑌗𑍍𑌨𑌯𑍇॑ 𑌪𑍃𑌥𑌿॒𑌵𑍍𑌯𑍈 𑌸𑍍𑌵𑌾𑌹𑌾॒ ,
𑌭𑍁𑌵𑍋-𑌽𑌨𑍍𑌨𑌂॑-𑌵𑌾𑌁॒𑌯𑌵𑍇॒-𑌽𑌨𑍍𑌤𑌰𑌿॑𑌕𑍍𑌷𑌾𑌯॒ 𑌸𑍍𑌵𑌾𑌹𑌾॒,
𑌸𑍁𑌵॒𑌰𑌨𑍍𑌨॑-𑌮𑌾𑌦𑌿॒𑌤𑍍𑌯𑌾𑌯॑ 𑌦𑌿॒𑌵𑍇 𑌸𑍍𑌵𑌾𑌹𑌾॒ ,
𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒-𑌰𑌨𑍍𑌨॑-𑌞𑍍𑌚॒𑌨𑍍𑌦𑍍𑌰𑌮॑𑌸𑍇 𑌦𑌿॒𑌗𑍍𑌭𑍍𑌯-𑌸𑍍𑌸𑍍𑌵𑌾𑌹𑌾॒ ,
𑌨𑌮𑍋॑ 𑌦𑍇॒𑌵𑍇𑌭𑍍𑌯॑-𑌸𑍍𑌸𑍍𑌵॒𑌧𑌾 𑌪𑌿॒𑌤𑍃𑌭𑍍𑌯𑍋॒ 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒-𑌰𑌨𑍍𑌨॒𑌮𑍋𑌮𑍍 ॥ 1𑍭 ॥

𑌅𑌨𑍁𑌵𑌾𑌕𑌂 4
𑌭𑍂𑌰॒𑌗𑍍𑌨𑌯𑍇॑ 𑌪𑍃𑌥𑌿॒𑌵𑍍𑌯𑍈 𑌸𑍍𑌵𑌾𑌹𑌾॒,
𑌭𑍁𑌵𑍋॑ 𑌵𑌾॒𑌯𑌵𑍇॒-𑌽𑌨𑍍𑌤𑌰𑌿॑𑌕𑍍𑌷𑌾𑌯॒ 𑌸𑍍𑌵𑌾𑌹𑌾॒ ,
𑌸𑍁𑌵॑𑌰𑌾𑌦𑌿॒𑌤𑍍𑌯𑌾𑌯॑ 𑌦𑌿॒𑌵𑍇 𑌸𑍍𑌵𑌾𑌹𑌾॒ ,
𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॑-𑌶𑍍𑌚॒𑌨𑍍𑌦𑍍𑌰𑌮॑𑌸𑍇 𑌦𑌿॒𑌗𑍍𑌭𑍍𑌯-𑌸𑍍𑌸𑍍𑌵𑌾𑌹𑌾॒,
𑌨𑌮𑍋॑ 𑌦𑍇॒𑌵𑍇𑌭𑍍𑌯॑-𑌸𑍍𑌸𑍍𑌵॒𑌧𑌾 𑌪𑌿॒𑌤𑍃𑌭𑍍𑌯𑍋॒ 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒-𑌰𑌗𑍍𑌨॒ 𑌓𑌮𑍍 ॥ 1𑍮 ॥

𑌅𑌨𑍁𑌵𑌾𑌕𑌂 5
𑌭𑍂𑌰॒𑌗𑍍𑌨𑌯𑍇॑ 𑌚 𑌪𑍃𑌥𑌿॒𑌵𑍍𑌯𑍈 𑌚॑ 𑌮𑌹॒𑌤𑍇 𑌚॒ 𑌸𑍍𑌵𑌾𑌹𑌾॒ ,
𑌭𑍁𑌵𑍋॑ 𑌵𑌾॒𑌯𑌵𑍇॑ 𑌚𑌾॒𑌨𑍍𑌤𑌰𑌿॑𑌕𑍍𑌷𑌾𑌯 𑌚 𑌮𑌹॒𑌤𑍇 𑌚॒ 𑌸𑍍𑌵𑌾𑌹𑌾॒ ,
𑌸𑍁𑌵॑𑌰𑌾𑌦𑌿॒𑌤𑍍𑌯𑌾𑌯॑ 𑌚 𑌦𑌿॒𑌵𑍇 𑌚॑ 𑌮𑌹॒𑌤𑍇 𑌚॒ 𑌸𑍍𑌵𑌾𑌹𑌾॒ ,
𑌭𑍂-𑌰𑍍𑌭𑍁𑌵॒𑌸𑍍𑌸𑍁𑌵॑-𑌶𑍍𑌚॒𑌨𑍍𑌦𑍍𑌰𑌮॑𑌸𑍇 𑌚॒ 𑌨𑌕𑍍𑌷॑𑌤𑍍𑌰𑍇𑌭𑍍𑌯𑌶𑍍𑌚 𑌦𑌿॒𑌗𑍍𑌭𑍍𑌯𑌶𑍍𑌚॑ 𑌮𑌹॒𑌤𑍇 𑌚॒ 𑌸𑍍𑌵𑌾𑌹𑌾॒,
𑌨𑌮𑍋॑ 𑌦𑍇॒𑌵𑍇𑌭𑍍𑌯॑-𑌸𑍍𑌸𑍍𑌵॒𑌧𑌾 𑌪𑌿॒𑌤𑍃𑌭𑍍𑌯𑍋॒ 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒-𑌰𑍍𑌮𑌹॒𑌰𑍋𑌮𑍍 ॥ 1𑍯 ॥

𑌅𑌨𑍁𑌵𑌾𑌕𑌂 6
𑌪𑌾𑌹𑌿 𑌨𑍋 𑌅𑌗𑍍𑌨 𑌏𑌨॑𑌸𑍇 𑌸𑍍𑌵𑌾॒𑌹𑌾 । 𑌪𑌾𑌹𑌿 𑌨𑍋 𑌵𑌿𑌶𑍍𑌵𑌵𑍇𑌦॑𑌸𑍇 𑌸𑍍𑌵𑌾॒𑌹𑌾 । 𑌯𑌜𑍍𑌞-𑌮𑍍𑌪𑌾𑌹𑌿 𑌵𑌿𑌭𑌾𑌵॑𑌸𑍋 𑌸𑍍𑌵𑌾॒𑌹𑌾 । 𑌸𑌰𑍍𑌵-𑌮𑍍𑌪𑌾𑌹𑌿 𑌶𑌤𑌕𑍍𑌰॑𑌤𑍋 𑌸𑍍𑌵𑌾॒𑌹𑌾 ॥ 20 ॥

𑌅𑌨𑍁𑌵𑌾𑌕𑌂 𑍭
𑌪𑌾॒𑌹𑌿 𑌨𑍋॑ 𑌅𑌗𑍍𑌨॒ 𑌏𑌕॑𑌯𑌾 । 𑌪𑌾॒𑌹𑍍𑌯𑍁॑𑌤 𑌦𑍍𑌵𑌿॒𑌤𑍀𑌯॑𑌯𑌾 । 𑌪𑌾॒𑌹𑍍𑌯𑍂𑌰𑍍𑌜॑-𑌨𑍍𑌤𑍃॒𑌤𑍀𑌯॑𑌯𑌾 ।
𑌪𑌾॒𑌹𑌿 𑌗𑍀॒𑌰𑍍𑌭𑌿-𑌶𑍍𑌚॑𑌤॒𑌸𑍃𑌭𑌿॑-𑌰𑍍𑌵𑌸𑍋॒ 𑌸𑍍𑌵𑌾𑌹𑌾᳚ ॥ 21 ॥

𑌅𑌨𑍁𑌵𑌾𑌕𑌂 𑍮
𑌯𑌶𑍍𑌛𑌨𑍍𑌦॑𑌸𑌾-𑌮𑍃𑌷॒𑌭𑍋 𑌵𑌿॒𑌶𑍍𑌵𑌰𑍂॑𑌪॒-𑌶𑍍𑌛𑌨𑍍𑌦𑍋᳚𑌭𑍍𑌯॒ 𑌶𑍍𑌛𑌨𑍍𑌦𑌾𑌗𑍍॑𑌸𑍍𑌯𑌾 𑌵𑌿॒𑌵𑍇𑌶॑ । 𑌸𑌚𑌾𑌗𑍍​𑌮𑍍 𑌶𑌿𑌕𑍍𑌯𑌃 𑌪𑍁𑌰𑍋 𑌵𑌾𑌚𑍋॑𑌪𑌨𑌿॒𑌷-𑌦𑌿𑌨𑍍𑌦𑍍𑌰𑍋᳚ 𑌜𑍍𑌯𑍇॒𑌷𑍍𑌠 𑌇॑𑌨𑍍𑌦𑍍𑌰𑌿॒𑌯𑌾𑌯॒ 𑌋𑌷𑌿॑𑌭𑍍𑌯𑍋॒
𑌨𑌮𑍋॑ 𑌦𑍇॒𑌵𑍇𑌭𑍍𑌯॑-𑌸𑍍𑌸𑍍𑌵॒𑌧𑌾 𑌪𑌿॒𑌤𑍃𑌭𑍍𑌯𑍋॒ 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒ 𑌶𑍍𑌛𑌨𑍍𑌦॒ 𑌓𑌮𑍍 ॥ 22 ॥

𑌅𑌨𑍁𑌵𑌾𑌕𑌂 𑍯
𑌨𑌮𑍋॒ 𑌬𑍍𑌰𑌹𑍍𑌮॑𑌣𑍇 𑌧𑌾॒𑌰𑌣॑-𑌮𑍍𑌮𑍇 𑌅॒𑌸𑍍𑌤𑍍𑌵-𑌨𑌿॑𑌰𑌾𑌕𑌰𑌣𑌂-𑌧𑌾॒𑌰𑌯𑌿॑𑌤𑌾 𑌭𑍂𑌯𑌾𑌸॒-𑌙𑍍𑌕𑌰𑍍𑌣॑𑌯𑍋-𑌶𑍍𑌶𑍍𑌰𑍁॒𑌤-𑌮𑍍𑌮𑌾𑌚𑍍𑌯𑍋᳚𑌢𑍍𑌵॒-𑌮𑍍𑌮𑌮𑌾॒𑌮𑍁𑌷𑍍𑌯॒ 𑌓𑌮𑍍 ॥ 23 ॥

𑌅𑌨𑍁𑌵𑌾𑌕𑌂 10
𑌋॒𑌤-𑌨𑍍𑌤𑌪॑-𑌸𑍍𑌸॒𑌤𑍍𑌯-𑌨𑍍𑌤𑌪॑-𑌶𑍍𑌶𑍍𑌰𑍁॒𑌤-𑌨𑍍𑌤𑌪॑-𑌶𑍍𑌶𑌾॒𑌨𑍍𑌤-𑌨𑍍𑌤𑌪𑍋॒ 𑌦𑌮॒ 𑌸𑍍𑌤𑌪॒-𑌶𑍍𑌶𑌮॒𑌸𑍍𑌤𑌪𑍋॒ 𑌦𑌾𑌨॒-𑌨𑍍𑌤𑌪𑍋॒ 𑌯𑌜𑍍𑌞॒-𑌨𑍍𑌤𑌪𑍋॒ 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒-𑌰𑍍𑌬𑍍𑌰𑌹𑍍𑌮𑍈॒-𑌤𑌦𑍁𑌪𑌾᳚𑌸𑍍𑌯𑍈॒-𑌤𑌤𑍍𑌤𑌪𑌃॑ ॥ 24 ॥

𑌅𑌨𑍁𑌵𑌾𑌕𑌂 11
𑌯𑌥𑌾॑ 𑌵𑍃॒𑌕𑍍𑌷𑌸𑍍𑌯॑ 𑌸॒𑌪𑍁𑌂𑌷𑍍𑌪𑌿॑𑌤𑌸𑍍𑌯 𑌦𑍂॒𑌰𑌾-𑌦𑍍𑌗॒𑌨𑍍𑌧𑍋 𑌵𑌾᳚𑌤𑍍𑌯𑍇॒𑌵-𑌮𑍍𑌪𑍁𑌣𑍍𑌯॑𑌸𑍍𑌯 𑌕॒𑌰𑍍𑌮𑌣𑍋॑ 𑌦𑍂॒𑌰𑌾-𑌦𑍍𑌗॒𑌨𑍍𑌧𑍋 𑌵𑌾॑𑌤𑌿॒ 𑌯𑌥𑌾॑-𑌽𑌸𑌿𑌧𑌾॒𑌰𑌾-𑌙𑍍𑌕॒𑌰𑍍𑌤𑍇-𑌽𑌵॑𑌹𑌿𑌤𑌾-𑌮𑌵॒𑌕𑍍𑌰𑌾𑌮𑍇॒ 𑌯𑌦𑍍𑌯𑍁𑌵𑍇॒ 𑌯𑍁𑌵𑍇॒ 𑌹𑌵𑌾॑ 𑌵𑌿॒𑌹𑍍𑌵𑌯𑌿॑𑌷𑍍𑌯𑌾𑌮𑌿 𑌕॒𑌰𑍍𑌤-𑌮𑍍𑌪॑𑌤𑌿𑌷𑍍𑌯𑌾॒𑌮𑍀𑌤𑍍𑌯𑍇॒𑌵-𑌮॒𑌮𑍃𑌤𑌾॑-𑌦𑌾॒𑌤𑍍𑌮𑌾𑌨॑-𑌞𑍍𑌜𑍁॒𑌗𑍁𑌫𑍍𑌸𑍇᳚𑌤𑍍 ॥ 25 ॥

𑌅𑌨𑍁𑌵𑌾𑌕𑌂 12
𑌅॒𑌣𑍋-𑌰𑌣𑍀॑𑌯𑌾-𑌨𑍍𑌮𑌹॒𑌤𑍋 𑌮𑌹𑍀॑𑌯𑌾-𑌨𑌾॒𑌤𑍍𑌮𑌾 𑌗𑍁𑌹𑌾॑𑌯𑌾॒-𑌨𑍍𑌨𑌿𑌹𑌿॑𑌤𑍋-𑌽𑌸𑍍𑌯 𑌜॒𑌨𑍍𑌤𑍋𑌃 । 𑌤𑌮॑𑌕𑍍𑌰𑌤𑍁-𑌮𑍍𑌪𑌶𑍍𑌯𑌤𑌿 𑌵𑍀𑌤𑌶𑍋॒𑌕𑍋 𑌧𑌾॒𑌤𑍁𑌃 𑌪𑍍𑌰॒𑌸𑌾𑌦𑌾᳚-𑌨𑍍𑌮𑌹𑌿॒𑌮𑌾𑌨॑𑌮𑍀𑌶𑌮𑍍 ॥
𑌸॒𑌪𑍍𑌤 𑌪𑍍𑌰𑌾॒𑌣𑌾𑌃 𑌪𑍍𑌰॒𑌭𑌵॑𑌨𑍍𑌤𑌿॒ 𑌤𑌸𑍍𑌮𑌾᳚-𑌥𑍍𑌸॒𑌪𑍍𑌤𑌾𑌰𑍍𑌚𑌿𑌷॑-𑌸𑍍𑌸॒𑌮𑌿𑌧॑-𑌸𑍍𑌸॒𑌪𑍍𑌤 𑌜𑌿॒𑌹𑍍𑌵𑌾𑌃 । 𑌸॒𑌪𑍍𑌤 𑌇॒𑌮𑍇 𑌲𑍋॒𑌕𑌾 𑌯𑍇𑌷𑍁॒ 𑌚𑌰॑𑌨𑍍𑌤𑌿 𑌪𑍍𑌰𑌾॒𑌣𑌾 𑌗𑍁॒𑌹𑌾𑌶॑𑌯𑌾॒-𑌨𑍍𑌨𑌿𑌹𑌿॑𑌤𑌾-𑌸𑍍𑌸॒𑌪𑍍𑌤 𑌸॑𑌪𑍍𑌤 ॥
𑌅𑌤॑-𑌸𑍍𑌸𑌮𑍁॒𑌦𑍍𑌰𑌾 𑌗𑌿॒𑌰𑌯॑𑌶𑍍𑌚॒ 𑌸𑌰𑍍𑌵𑍇॒-𑌽𑌸𑍍𑌮𑌾-𑌥𑍍𑌸𑍍𑌯𑌨𑍍𑌦॑𑌨𑍍𑌤𑍇॒ 𑌸𑌿𑌨𑍍𑌧॑𑌵॒-𑌸𑍍𑌸𑌰𑍍𑌵॑𑌰𑍂𑌪𑌾𑌃 । 𑌅𑌤॑𑌶𑍍𑌚॒ 𑌵𑌿𑌶𑍍𑌵𑌾॒ 𑌓𑌷॑𑌧𑌯𑍋॒ 𑌰𑌸𑌾᳚𑌚𑍍𑌚॒ 𑌯𑍇𑌨𑍈॑𑌷 𑌭𑍂॒𑌤-𑌸𑍍𑌤𑌿॑𑌷𑍍𑌠𑌤𑍍𑌯𑌨𑍍𑌤𑌰𑌾॒𑌤𑍍𑌮𑌾 ॥
𑌬𑍍𑌰॒𑌹𑍍𑌮𑌾 𑌦𑍇॒𑌵𑌾𑌨𑌾᳚-𑌮𑍍𑌪𑌦॒𑌵𑍀𑌃 𑌕॑𑌵𑍀॒𑌨𑌾-𑌮𑍃𑌷𑌿॒-𑌰𑍍𑌵𑌿𑌪𑍍𑌰𑌾॑𑌣𑌾-𑌮𑍍𑌮𑌹𑌿॒𑌷𑍋 𑌮𑍃॒𑌗𑌾𑌣𑌾᳚𑌮𑍍 ।
𑌶𑍍𑌯𑍇॒𑌨𑍋 𑌗𑍃𑌧𑍍𑌰𑌾॑𑌣𑌾॒𑌗𑍍॒ 𑌸𑍍𑌵𑌧𑌿॑𑌤𑌿॒-𑌰𑍍𑌵𑌨𑌾॑𑌨𑌾॒𑌗𑍍​𑌮𑍍॒ 𑌸𑍋𑌮𑌃॑ 𑌪॒𑌵𑌿𑌤𑍍𑌰॒ 𑌮𑌤𑍍𑌯𑍇॑𑌤𑌿॒ 𑌰𑍇𑌭𑌨𑍍𑌨𑍍॑ ॥
𑌅॒𑌜𑌾 𑌮𑍇𑌕𑌾𑌂॒-𑌲𑍋𑌁𑌹𑌿॑𑌤-𑌶𑍁𑌕𑍍𑌲-𑌕𑍃॒𑌷𑍍𑌣𑌾-𑌮𑍍𑌬॒𑌹𑍍𑌵𑍀-𑌮𑍍𑌪𑍍𑌰॒𑌜𑌾-𑌞𑍍𑌜॒𑌨𑌯॑𑌨𑍍𑌤𑍀॒𑌗𑍍​𑌮𑍍॒ 𑌸𑌰𑍂॑𑌪𑌾𑌮𑍍 । 𑌅॒𑌜𑍋 𑌹𑍍𑌯𑍇𑌕𑍋॑ 𑌜𑍁॒𑌷𑌮𑌾॑𑌣𑍋-𑌽𑌨𑍁॒𑌶𑍇𑌤𑍇॒ 𑌜𑌹𑌾᳚𑌤𑍍𑌯𑍇𑌨𑌾-𑌮𑍍𑌭𑍁॒𑌕𑍍𑌤-𑌭𑍋॑𑌗𑌾॒𑌮𑌜𑍋᳚-𑌽𑌨𑍍𑌯𑌃 ॥ 26 ॥

𑌹॒𑌗𑍍​𑌮𑍍॒𑌸-𑌶𑍍𑌶𑍁॑𑌚𑌿॒𑌷-𑌦𑍍𑌵𑌸𑍁॑-𑌰𑌨𑍍𑌤𑌰𑌿𑌕𑍍𑌷॒-𑌸𑌦𑍍𑌧𑍋𑌤𑌾॑ 𑌵𑍇𑌦𑌿॒𑌷-𑌦𑌤𑌿॑𑌥𑌿-𑌰𑍍𑌦𑍁𑌰𑍋𑌣॒𑌸𑌤𑍍 ।
𑌨𑍃॒𑌷𑌦𑍍𑌵॑𑌰॒-𑌸𑌦𑍃॑𑌤॒-𑌸-𑌦𑍍𑌵𑍍𑌯𑍋॑𑌮॒-𑌸𑌦॒𑌬𑍍𑌜𑌾 𑌗𑍋॒𑌜𑌾 𑌋॑𑌤॒𑌜𑌾 𑌅॑𑌦𑍍𑌰𑌿॒𑌜𑌾 𑌋॒𑌤-𑌮𑍍𑌬𑍃॒𑌹𑌤𑍍 ॥
𑌘𑍃॒𑌤-𑌮𑍍𑌮𑌿॑𑌮𑌿𑌕𑍍𑌷𑌿𑌰𑍇 𑌘𑍃॒𑌤𑌮॑𑌸𑍍𑌯॒ 𑌯𑍋𑌨𑌿॑-𑌰𑍍𑌘𑍃॒𑌤𑍇 𑌶𑍍𑌰𑌿॒𑌤𑍋 𑌘𑍃॒𑌤𑌮𑍁॑𑌵𑌸𑍍𑌯॒ 𑌧𑌾𑌮॑ ।
𑌅॒𑌨𑍁॒𑌷𑍍𑌵॒𑌧𑌮𑌾𑌵॑𑌹 𑌮𑌾॒𑌦𑌯॑𑌸𑍍𑌵॒ 𑌸𑍍𑌵𑌾𑌹𑌾॑ 𑌕𑍃𑌤𑌂-𑌵𑍃𑌁𑌷𑌭 𑌵𑌕𑍍𑌷𑌿 𑌹॒𑌵𑍍𑌯𑌮𑍍 ॥
𑌸॒𑌮𑍁॒𑌦𑍍𑌰𑌾 𑌦𑍂॒𑌰𑍍𑌮𑌿-𑌰𑍍𑌮𑌧𑍁॑𑌮𑌾॒𑌗𑍍​𑌮𑍍॒ 𑌉𑌦𑌾॑𑌰-𑌦𑍁𑌪𑌾॒𑌗𑍍​𑌮𑍍॒𑌶𑍁𑌨𑌾॒ 𑌸𑌮॑𑌮𑍃𑌤॒𑌤𑍍𑌵 𑌮𑌾॑𑌨𑌟𑍍 ।
𑌘𑍃॒𑌤𑌸𑍍𑌯॒ 𑌨𑌾𑌮॒ 𑌗𑍁𑌹𑍍𑌯𑌂॒-𑌯𑌁𑌦𑌸𑍍𑌤𑌿॑ 𑌜𑌿॒𑌹𑍍𑌵𑌾 𑌦𑍇॒𑌵𑌾𑌨𑌾॑-𑌮॒𑌮𑍃𑌤॑𑌸𑍍𑌯॒ 𑌨𑌾𑌭𑌿𑌃॑ ॥
𑌵॒𑌯-𑌨𑍍𑌨𑌾𑌮॒ 𑌪𑍍𑌰𑌬𑍍𑌰॑𑌵𑌾𑌮𑌾 𑌘𑍃॒𑌤𑍇𑌨𑌾॒𑌸𑍍𑌮𑌿𑌨𑍍. 𑌯॒𑌜𑍍𑌞𑍇 𑌧𑌾॑𑌰𑌯𑌾𑌮𑌾॒ 𑌨𑌮𑍋॑𑌭𑌿𑌃 ।
𑌉𑌪॑ 𑌬𑍍𑌰॒𑌹𑍍𑌮𑌾 𑌶𑍃॑𑌣𑌵𑌚𑍍𑌛॒𑌸𑍍𑌯𑌮𑌾॑𑌨॒-𑌞𑍍𑌚𑌤𑍁॑-𑌶𑍍𑌶𑍃𑌙𑍍𑌗𑍋 𑌽𑌵𑌮𑍀-𑌦𑍍𑌗𑍌॒𑌰 𑌏॒𑌤𑌤𑍍 ॥
𑌚॒𑌤𑍍𑌵𑌾𑌰𑌿॒ 𑌶𑍃𑌙𑍍𑌗𑌾॒ 𑌤𑍍𑌰𑌯𑍋॑ 𑌅𑌸𑍍𑌯॒ 𑌪𑌾𑌦𑌾॒ 𑌦𑍍𑌵𑍇 𑌶𑍀॒𑌰॒.𑌷𑍇 𑌸॒𑌪𑍍𑌤 𑌹𑌸𑍍𑌤𑌾॑𑌸𑍋 𑌅॒𑌸𑍍𑌯 ।
𑌤𑍍𑌰𑌿𑌧𑌾॑ 𑌬॒𑌦𑍍𑌧𑍋 𑌵𑍃॑𑌷॒𑌭𑍋 𑌰𑍋॑𑌰𑌵𑍀𑌤𑌿 𑌮॒𑌹𑍋 𑌦𑍇॒𑌵𑍋 𑌮𑌰𑍍𑌤𑍍𑌯𑌾॒𑌗𑍍​𑌮𑍍॒ 𑌆𑌵𑌿॑𑌵𑍇𑌶 ॥ 2𑍭 ॥

𑌤𑍍𑌰𑌿𑌧𑌾॑ 𑌹𑌿॒𑌤-𑌮𑍍𑌪॒𑌣𑌿𑌭𑌿॑-𑌰𑍍𑌗𑍁॒𑌹𑍍𑌯𑌮𑌾॑𑌨॒-𑌙𑍍𑌗𑌵𑌿॑-𑌦𑍇॒𑌵𑌾𑌸𑍋॑ 𑌘𑍃॒𑌤𑌮𑌨𑍍𑌵॑𑌵𑌿𑌨𑍍𑌦𑌨𑍍𑌨𑍍 । 𑌇𑌨𑍍𑌦𑍍𑌰॒ 𑌏𑌕॒𑌗𑍍​𑌮𑍍॒ 𑌸𑍂𑌰𑍍𑌯॒ 𑌏𑌕॑-𑌞𑍍𑌜𑌜𑌾𑌨 𑌵𑍇॒𑌨𑌾 𑌦𑍇𑌕𑌗𑍍𑌗𑍍॑ 𑌸𑍍𑌵॒𑌧𑌯𑌾॒ 𑌨𑌿𑌷𑍍𑌟॑𑌤𑌕𑍍𑌷𑍁𑌃 ॥
𑌯𑍋 𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌥॒𑌮-𑌮𑍍𑌪𑍁॒𑌰𑌸𑍍𑌤𑌾॒-𑌦𑍍𑌵𑌿𑌶𑍍𑌵𑌾॒𑌧𑌿𑌯𑍋॑ 𑌰𑍁॒𑌦𑍍𑌰𑍋 𑌮॒𑌹𑌰𑍍​𑌷𑌿𑌃॑ । 𑌹𑌿॒𑌰॒𑌣𑍍𑌯॒𑌗॒𑌰𑍍𑌭-𑌮𑍍𑌪॑𑌶𑍍𑌯𑌤॒ 𑌜𑌾𑌯॑𑌮𑌾𑌨॒𑌗𑍍​𑌮𑍍॒ 𑌸𑌨𑍋॑ 𑌦𑍇॒𑌵-𑌶𑍍𑌶𑍁॒𑌭𑌯𑌾॒ 𑌸𑍍𑌮𑍃𑌤𑍍𑌯𑌾॒ 𑌸𑌂​𑌯𑍁𑌁॑𑌨𑌕𑍍𑌤𑍁 ॥ 𑌯𑌸𑍍𑌮𑌾॒𑌤𑍍𑌪𑌰॒-𑌨𑍍𑌨𑌾𑌪॑𑌰॒ 𑌮𑌸𑍍𑌤𑌿॒ 𑌕𑌿𑌞𑍍𑌚𑌿॒𑌦𑍍𑌯𑌸𑍍𑌮𑌾॒-𑌨𑍍𑌨𑌾𑌣𑍀॑𑌯𑍋॒ 𑌨 𑌜𑍍𑌯𑌾𑌯𑍋᳚-𑌽𑌸𑍍𑌤𑌿॒ 𑌕𑌶𑍍𑌚𑌿॑𑌤𑍍 ।
𑌵𑍃॒𑌕𑍍𑌷 𑌇॑𑌵 𑌸𑍍𑌤𑌬𑍍𑌧𑍋 𑌦𑌿॒𑌵𑌿 𑌤𑌿॑𑌷𑍍𑌠॒-𑌤𑍍𑌯𑍇𑌕॒𑌸𑍍𑌤𑍇𑌨𑍇॒𑌦-𑌮𑍍𑌪𑍂॒𑌰𑍍𑌣-𑌮𑍍𑌪𑍁𑌰𑍁॑𑌷𑍇𑌣॒ 𑌸𑌰𑍍𑌵᳚𑌮𑍍 ॥
𑌨 𑌕𑌰𑍍𑌮॑𑌣𑌾 𑌨 𑌪𑍍𑌰॒𑌜𑌯𑌾॒ 𑌧𑌨𑍇॑𑌨॒ 𑌤𑍍𑌯𑌾𑌗𑍇॑𑌨𑍈𑌕𑍇 𑌅𑌮𑍃𑌤॒𑌤𑍍𑌵-𑌮𑌾॑𑌨॒𑌶𑍁𑌃 ।
𑌪𑌰𑍇॑𑌣॒ 𑌨𑌾𑌕॒-𑌨𑍍𑌨𑌿𑌹𑌿॑𑌤॒-𑌙𑍍𑌗𑍁𑌹𑌾॑𑌯𑌾𑌂-𑌵𑌿𑌁॒𑌭𑍍𑌰𑌾𑌜॑𑌦𑍇॒𑌤-𑌦𑍍𑌯𑌤॑𑌯𑍋 𑌵𑌿॒𑌶𑌨𑍍𑌤𑌿॑ ॥ 𑌵𑍇॒𑌦𑌾॒𑌨𑍍𑌤॒ 𑌵𑌿॒𑌜𑍍𑌞𑌾𑌨॒-𑌸𑍁𑌨𑌿॑𑌶𑍍𑌚𑌿𑌤𑌾॒𑌰𑍍𑌥𑌾-𑌸𑍍𑌸𑌨𑍍𑌯𑌾॑𑌸 𑌯𑍋॒𑌗𑌾𑌦𑍍𑌯𑌤॑𑌯-𑌶𑍍𑌶𑍁𑌦𑍍𑌧॒ 𑌸𑌤𑍍𑌤𑍍𑌵𑌾𑌃᳚ ।
𑌤𑍇 𑌬𑍍𑌰॑𑌹𑍍𑌮𑌲𑍋॒𑌕𑍇 𑌤𑍁॒ 𑌪𑌰𑌾᳚𑌨𑍍𑌤𑌕𑌾𑌲𑍇॒ 𑌪𑌰𑌾॑𑌮𑍃𑌤𑌾॒-𑌤𑍍𑌪𑌰𑌿॑𑌮𑍁𑌚𑍍𑌯𑌨𑍍𑌤𑌿॒ 𑌸𑌰𑍍𑌵𑍇᳚ ॥ 𑌦॒𑌹𑍍𑌰𑌂॒-𑌵𑌿𑌁॒𑌪𑌾॒𑌪-𑌮𑍍𑌪॒𑌰𑌮𑍇᳚𑌶𑍍𑌮 𑌭𑍂𑌤𑌂॒-𑌯𑌁-𑌤𑍍𑌪𑍁॑𑌣𑍍𑌡𑌰𑍀॒𑌕-𑌮𑍍𑌪𑍁॒𑌰𑌮॑𑌦𑍍𑌧𑍍𑌯 𑌸॒𑌗𑍍𑌗𑍍॒𑌸𑍍𑌥𑌮𑍍 । 𑌤॒𑌤𑍍𑌰𑌾॒𑌪𑌿॒ 𑌦॒𑌹𑍍𑌰-𑌙𑍍𑌗॒𑌗𑌨𑌂॑-𑌵𑌿𑌁𑌶𑍋𑌕॒-𑌸𑍍𑌤𑌸𑍍𑌮𑌿॑𑌨𑍍. 𑌯𑌦॒𑌨𑍍𑌤𑌸𑍍𑌤-𑌦𑍁𑌪𑌾॑𑌸𑌿𑌤॒𑌵𑍍𑌯𑌮𑍍 ॥
𑌯𑍋 𑌵𑍇𑌦𑌾𑌦𑍌 𑌸𑍍𑌵॑𑌰𑌃 𑌪𑍍𑌰𑍋॒𑌕𑍍𑌤𑍋॒ 𑌵𑍇॒𑌦𑌾𑌨𑍍𑌤𑍇॑ 𑌚
𑌪𑍍𑌰॒𑌤𑌿𑌷𑍍𑌠𑌿॑𑌤𑌃 । 𑌤𑌸𑍍𑌯॑ 𑌪𑍍𑌰॒𑌕𑍃𑌤𑌿॑-𑌲𑍀𑌨॒𑌸𑍍𑌯॒ 𑌯𑌃॒ 𑌪𑌰॑-𑌸𑍍𑌸॒ 𑌮॒𑌹𑍇𑌶𑍍𑌵॑𑌰𑌃 ॥ 2𑍮 ॥
(𑌅𑌜𑍋᳚-𑌽𑌨𑍍𑌯॒ - 𑌆𑌵𑌿॑𑌵𑍇𑌶॒ - 𑌸𑌰𑍍𑌵𑍇॑ 𑌚॒𑌤𑍍𑌵𑌾𑌰𑌿॑ 𑌚) (𑌅. 12)

𑌅𑌨𑍁𑌵𑌾𑌕𑌂 13
𑌸॒𑌹॒𑌸𑍍𑌰॒𑌶𑍀𑌰𑍍​𑌷॑-𑌨𑍍𑌦𑍇॒𑌵𑌂॒-𑌵𑌿𑌁॒𑌶𑍍𑌵𑌾𑌕𑍍𑌷𑌂॑-𑌵𑌿𑌁॒𑌶𑍍𑌵 𑌶॑-𑌮𑍍𑌭𑍁𑌵𑌮𑍍 । 𑌵𑌿𑌶𑍍𑌵॑-𑌨𑍍𑌨𑌾॒𑌰𑌾𑌯॑𑌣-𑌨𑍍𑌦𑍇॒𑌵॒𑌮॒𑌕𑍍𑌷𑌰॑-𑌮𑍍𑌪𑌰॒𑌮-𑌮𑍍𑌪॒𑌦𑌮𑍍 ॥
𑌵𑌿॒𑌶𑍍𑌵𑌤𑌃॒ 𑌪𑌰॑𑌮𑌾𑌨𑍍𑌨𑌿॒𑌤𑍍𑌯𑌂॒-𑌵𑌿𑌁॒𑌶𑍍𑌵-𑌨𑍍𑌨𑌾॑𑌰𑌾𑌯॒𑌣𑌗𑍍​𑌮𑍍 𑌹॑𑌰𑌿𑌮𑍍 । 𑌵𑌿𑌶𑍍𑌵॑𑌮𑍇॒𑌵𑍇𑌦-𑌮𑍍𑌪𑍁𑌰𑍁॑𑌷॒-𑌸𑍍𑌤-𑌦𑍍𑌵𑌿𑌶𑍍𑌵॒𑌮𑍁𑌪॑𑌜𑍀𑌵𑌤𑌿 ॥
𑌪𑌤𑌿𑌂॒-𑌵𑌿𑌁𑌶𑍍𑌵॑𑌸𑍍𑌯𑌾॒𑌤𑍍𑌮𑍇𑌶𑍍𑌵॑𑌰॒𑌗𑍍​𑌮𑍍॒ 𑌶𑌾𑌶𑍍𑌵॑𑌤𑌗𑍍​𑌮𑍍 𑌶𑌿॒𑌵𑌮॑𑌚𑍍𑌯𑍁𑌤𑌮𑍍 । 𑌨𑌾॒𑌰𑌾𑌯॒𑌣-𑌮𑍍𑌮॑𑌹𑌾𑌜𑍍𑌞𑍇॒𑌯𑌂॒-𑌵𑌿𑌁॒𑌶𑍍𑌵𑌾𑌤𑍍𑌮𑌾॑𑌨-𑌮𑍍𑌪॒𑌰𑌾𑌯॑𑌣𑌮𑍍 ॥
𑌨𑌾॒𑌰𑌾𑌯॒𑌣 𑌪॑𑌰𑍋 𑌜𑍍𑌯𑍋॒𑌤𑌿॒𑌰𑌾॒𑌤𑍍𑌮𑌾 𑌨𑌾॑𑌰𑌯॒𑌣𑌃 𑌪॑𑌰𑌃 ।
𑌨𑌾॒𑌰𑌾𑌯॒𑌣 𑌪॑𑌰-𑌮𑍍𑌬𑍍𑌰॒𑌹𑍍𑌮॒ 𑌤॒𑌤𑍍𑌤𑍍𑌵-𑌨𑍍𑌨𑌾॑𑌰𑌾𑌯॒𑌣𑌃 𑌪॑𑌰𑌃 । 𑌨𑌾॒𑌰𑌾𑌯॒𑌣 𑌪॑𑌰𑍋 𑌧𑍍𑌯𑌾॒𑌤𑌾॒ 𑌧𑍍𑌯𑌾॒𑌨-𑌨𑍍𑌨𑌾॑𑌰𑌾𑌯॒𑌣𑌃 𑌪॑𑌰𑌃 ॥ 𑌯𑌚𑍍𑌚॑ 𑌕𑌿॒𑌞𑍍𑌚𑌿𑌜𑍍-𑌜॑𑌗-𑌥𑍍𑌸॒𑌰𑍍𑌵॒-𑌨𑍍𑌦𑍃॒𑌶𑍍𑌯𑌤𑍇᳚ 𑌶𑍍𑌰𑍂𑌯॒𑌤𑍇-𑌽𑌪𑌿॑ 𑌵𑌾 ॥ 2𑍯 ॥

𑌅𑌨𑍍𑌤॑-𑌰𑍍𑌬॒𑌹𑌿𑌶𑍍𑌚॑ 𑌤-𑌥𑍍𑌸॒𑌰𑍍𑌵𑌂॒-𑌵𑍍𑌯𑌾𑌁॒𑌪𑍍𑌯 𑌨𑌾॑𑌰𑌾𑌯॒𑌣-𑌸𑍍𑌸𑍍𑌥𑌿॑𑌤𑌃 ॥
𑌅𑌨॑𑌨𑍍𑌤॒ 𑌮𑌵𑍍𑌯॑𑌯-𑌙𑍍𑌕॒𑌵𑌿𑌗𑍍​𑌮𑍍 𑌸॑𑌮𑍁॒𑌦𑍍𑌰𑍇-𑌽𑌨𑍍𑌤𑌂॑-𑌵𑌿𑌁॒𑌶𑍍𑌵 𑌶॑𑌭𑍁𑌂​𑌵𑌁𑌮𑍍 । 𑌪॒𑌦𑍍𑌮॒𑌕𑍋॒𑌶-𑌪𑍍𑌰॑𑌤𑍀𑌕𑌾॒𑌶॒𑌗𑍍​𑌮𑍍॒ 𑌹𑍃॒𑌦𑌯॑-𑌞𑍍𑌚𑌾𑌪𑍍𑌯॒𑌧𑍋𑌮𑍁॑𑌖𑌮𑍍 ॥
𑌅𑌧𑍋॑ 𑌨𑌿॒𑌷𑍍𑌟𑍍𑌯𑌾 𑌵𑌿॑𑌤𑌸𑍍𑌤𑍍𑌯𑌾॒𑌨𑍍𑌤𑍇॒ 𑌨𑌾॒𑌭𑍍𑌯𑌾𑌮𑍁॑𑌪𑌰𑌿॒ 𑌤𑌿𑌷𑍍𑌠॑𑌤𑌿 ।
𑌜𑍍𑌵𑌾॒𑌲॒𑌮𑌾॒𑌲𑌾 𑌕𑍁॑𑌲-𑌮𑍍𑌭𑌾॒𑌤𑍀॒ 𑌵𑌿॒𑌶𑍍𑌵𑌸𑍍𑌯𑌾॑𑌯𑌤॒𑌨-𑌮𑍍𑌮॑𑌹𑌤𑍍 ॥
𑌸𑌨𑍍𑌤॑𑌤𑌗𑍍​𑌮𑍍 𑌶𑌿॒𑌲𑌾𑌭𑌿॑𑌸𑍍𑌤𑍁॒ 𑌲𑌮𑍍𑌬॑𑌤𑍍𑌯𑌾 𑌕𑍋𑌶॒𑌸𑌨𑍍𑌨𑌿॑𑌭𑌮𑍍 ।
𑌤𑌸𑍍𑌯𑌾𑌨𑍍𑌤𑍇॑ 𑌸𑍁𑌷𑌿॒𑌰𑌗𑍍​𑌮𑍍 𑌸𑍂॒𑌕𑍍𑌷𑍍𑌮-𑌨𑍍𑌤𑌸𑍍𑌮𑌿᳚𑌨𑍍-𑌥𑍍𑌸॒𑌰𑍍𑌵-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑌮𑍍 ॥
𑌤𑌸𑍍𑌯॒ 𑌮𑌦𑍍𑌧𑍍𑌯𑍇॑ 𑌮॒𑌹𑌾𑌨॑𑌗𑍍𑌨𑌿-𑌰𑍍𑌵𑌿॒𑌶𑍍𑌵𑌾𑌰𑍍𑌚𑌿॑-𑌰𑍍𑌵𑌿॒𑌶𑍍𑌵𑌤𑍋॑ 𑌮𑍁𑌖𑌃 । 𑌸𑍋-𑌽𑌗𑍍𑌰॑𑌭𑍁॒𑌗𑍍 𑌵𑌿𑌭॑𑌜-𑌨𑍍𑌤𑌿॒𑌷𑍍𑌠॒-𑌨𑍍𑌨𑌾𑌹𑌾॑𑌰-𑌮𑌜॒𑌰𑌃 𑌕॒𑌵𑌿𑌃 । 𑌤𑌿॒𑌰𑍍𑌯॒𑌗𑍂॒𑌰𑍍𑌧𑍍𑌵 𑌮॑𑌧-𑌶𑍍𑌶𑌾॒𑌯𑍀॒ 𑌰॒𑌶𑍍𑌮𑌯॑𑌸𑍍𑌤𑌸𑍍𑌯॒ 𑌸𑌨𑍍𑌤॑𑌤𑌾 ॥ 𑌸॒𑌨𑍍𑌤𑌾॒𑌪𑌯॑𑌤𑌿 𑌸𑍍𑌵-𑌨𑍍𑌦𑍇॒𑌹𑌮𑌾𑌪𑌾॑𑌦𑌤𑌲॒ 𑌮𑌸𑍍𑌤॑𑌕𑌃 । 𑌤𑌸𑍍𑌯॒ 𑌮𑌦𑍍𑌧𑍍𑌯𑍇॒ 𑌵𑌹𑍍𑌨𑌿॑𑌶𑌿𑌖𑌾 𑌅॒𑌣𑍀𑌯𑍋᳚𑌰𑍍𑌧𑍍𑌵𑌾 𑌵𑍍𑌯॒𑌵𑌸𑍍𑌥𑌿॑𑌤𑌃 ॥
𑌨𑍀॒𑌲𑌤𑍋॑ 𑌯𑌦॑ 𑌮𑌦𑍍𑌧𑍍𑌯॒𑌸𑍍𑌥𑌾॒-𑌦𑍍𑌵𑌿॒𑌦𑍍𑌯𑍁𑌲𑍍𑌲𑍇॑𑌖𑍇𑌵॒ 𑌭𑌾𑌸𑍍𑌵॑𑌰𑌾 ।
𑌨𑍀॒𑌵𑌾𑌰॒ 𑌶𑍂𑌕॑𑌵𑌤𑍍𑌤॒𑌨𑍍𑌵𑍀॒ 𑌪𑍀॒𑌤𑌾 𑌭𑌾᳚𑌸𑍍𑌵𑌤𑍍𑌯॒𑌣𑍂𑌪॑𑌮𑌾 ॥
𑌤𑌸𑍍𑌯𑌾᳚-𑌶𑍍𑌶𑌿𑌖𑌾॒𑌯𑌾 𑌮॑𑌦𑍍𑌧𑍍𑌯𑍇 𑌪॒𑌰𑌮𑌾᳚𑌤𑍍𑌮𑌾 𑌵𑍍𑌯॒𑌵𑌸𑍍𑌥𑌿॑𑌤𑌃 ।
𑌸 𑌬𑍍𑌰𑌹𑍍𑌮॒ 𑌸 𑌶𑌿𑌵॒-𑌸𑍍𑌸 𑌹𑌰𑌿॒-𑌸𑍍𑌸𑍇𑌨𑍍𑌦𑍍𑌰॒-𑌸𑍍𑌸𑍋-𑌽𑌕𑍍𑌷॑𑌰𑌃 𑌪𑌰॒𑌮-𑌸𑍍𑌸𑍍𑌵॒𑌰𑌾𑌟𑍍 ॥ 30 ॥
(𑌅𑌪𑌿॑ 𑌵𑌾॒ - 𑌸𑌨𑍍𑌤॑𑌤𑌾॒ 𑌷𑌟𑍍 𑌚॑) (𑌅. 13)

𑌅𑌨𑍁𑌵𑌾𑌕𑌂 14
𑌆॒𑌦𑌿॒𑌤𑍍𑌯𑍋 𑌵𑌾 𑌏॒𑌷 𑌏॒𑌤-𑌨𑍍𑌮॒𑌣𑍍𑌡𑌲॒-𑌨𑍍𑌤𑌪॑𑌤𑌿॒ 𑌤𑌤𑍍𑌰॒ 𑌤𑌾 𑌋𑌚॒𑌸𑍍𑌤𑌦𑍃॒𑌚𑌾 𑌮॑𑌣𑍍𑌡𑌲॒𑌗𑍍​𑌮𑍍॒ 𑌸 𑌋॒𑌚𑌾𑌂-𑌲𑍋𑌁॒𑌕𑍋-𑌽𑌥॒𑌯 𑌏॒𑌷 𑌏॒𑌤𑌸𑍍𑌮𑌿॑-𑌨𑍍𑌮॒𑌣𑍍𑌡𑌲𑍇॒-𑌽𑌰𑍍𑌚𑌿-𑌰𑍍𑌦𑍀॒𑌪𑍍𑌯𑌤𑍇॒ 𑌤𑌾𑌨𑌿॒ 𑌸𑌾𑌮𑌾॑𑌨𑌿॒ 𑌸 𑌸𑌾॒𑌮𑍍𑌨𑌾𑌂-𑌲𑍋𑌁॒𑌕𑍋-𑌽𑌥॒ 𑌯 𑌏॒𑌷 𑌏॒𑌤𑌸𑍍𑌮𑌿॑-𑌨𑍍𑌮॒𑌣𑍍𑌡𑌲𑍇॒-𑌽𑌰𑍍𑌚𑌿𑌷𑌿॒ 𑌪𑍁𑌰𑍁॑𑌷॒𑌸𑍍𑌤𑌾𑌨𑌿॒ 𑌯𑌜𑍂𑌗𑍍​𑌮𑍍॑𑌷𑌿॒ 𑌸 𑌯𑌜𑍁॑𑌷𑌾 𑌮𑌣𑍍𑌡𑌲॒𑌗𑍍​𑌮𑍍॒ 𑌸 𑌯𑌜𑍁॑𑌷𑌾𑌂-𑌲𑍋𑌁॒𑌕-𑌸𑍍𑌸𑍈𑌷𑌾 𑌤𑍍𑌰॒𑌯𑍍𑌯𑍇𑌵॑ 𑌵𑌿॒𑌦𑍍𑌯𑌾 𑌤॑𑌪𑌤𑌿॒ 𑌯 𑌏॒𑌷𑍋᳚-𑌽𑌨𑍍𑌤-𑌰𑌾॑𑌦𑌿॒𑌤𑍍𑌯𑍇 𑌹𑌿॑𑌰॒𑌣𑍍𑌮𑌯𑌃॒ 𑌪𑍁𑌰𑍁॑𑌷𑌃 ॥ 31 ॥

𑌅𑌨𑍁𑌵𑌾𑌕𑌂 15
𑌆॒𑌦𑌿॒𑌤𑍍𑌯𑍋 𑌵𑍈 𑌤𑍇𑌜॒ 𑌓𑌜𑍋॒ 𑌬𑌲𑌂॒-𑌯𑌁𑌶॒-𑌶𑍍𑌚𑌕𑍍𑌷𑍁॒-𑌶𑍍𑌶𑍍𑌰𑍋𑌤𑍍𑌰॑𑌮𑌾॒𑌤𑍍𑌮𑌾 𑌮𑌨𑍋॑ 𑌮॒𑌨𑍍𑌯𑍁-𑌰𑍍𑌮𑌨𑍁॑-𑌰𑍍𑌮𑍃॒𑌤𑍍𑌯𑍁-𑌸𑍍𑌸॒𑌤𑍍𑌯𑍋 𑌮𑌿॒𑌤𑍍𑌰𑍋 𑌵𑌾॒𑌯𑍁𑌰𑌾॑𑌕𑌾॒𑌶𑌃 𑌪𑍍𑌰𑌾॒𑌣𑍋 𑌲𑍋॑𑌕𑌪𑌾॒𑌲𑌃 𑌕𑌃 𑌕𑌿-𑌙𑍍𑌕-𑌨𑍍𑌤-𑌥𑍍𑌸॒𑌤𑍍𑌯𑌮𑌨𑍍𑌨॑-𑌮॒𑌮𑍃𑌤𑌾॑ 𑌜𑍀॒𑌵𑍋 𑌵𑌿𑌶𑍍𑌵𑌃॑ 𑌕𑌤॒𑌮-𑌸𑍍𑌸𑍍𑌵॑𑌯॒𑌭𑍁-𑌮𑍍𑌬𑍍𑌰𑌹𑍍𑌮𑍈॒ 𑌤𑌦𑌮𑍃॑𑌤 𑌏॒𑌷 𑌪𑍁𑌰𑍁॑𑌷 𑌏॒𑌷 𑌭𑍂॒𑌤𑌾𑌨𑌾॒-𑌮𑌧𑌿॑𑌪𑌤𑌿॒-𑌰𑍍𑌬𑍍𑌰𑌹𑍍𑌮॑𑌣॒-𑌸𑍍𑌸𑌾𑌯𑍁॑𑌜𑍍𑌯𑌗𑍍​𑌮𑍍 𑌸𑌲𑍋॒𑌕𑌤𑌾॑-𑌮𑌾𑌪𑍍𑌨𑍋-𑌤𑍍𑌯𑍇॒𑌤𑌾𑌸𑌾॑𑌮𑍇॒𑌵 𑌦𑍇॒𑌵𑌤𑌾॑𑌨𑌾॒𑌗𑍍​𑌮𑍍॒ 𑌸𑌾𑌯𑍁॑𑌜𑍍𑌯𑌗𑍍​𑌮𑍍 𑌸𑌾॒𑌰𑍍​𑌷𑍍𑌟𑌿𑌤𑌾𑌗𑍍​𑌮𑍍॑ 𑌸𑌮𑌾𑌨 𑌲𑍋॒𑌕𑌤𑌾॑-𑌮𑌾𑌪𑍍𑌨𑍋𑌤𑌿॒ 𑌯 𑌏॒𑌵𑌂-𑌵𑍇𑌁𑌦𑍇᳚𑌤𑍍𑌯𑍁𑌪॒𑌨𑌿𑌷𑌤𑍍 ॥ 32 ॥

𑌅𑌨𑍁𑌵𑌾𑌕𑌂 16
𑌨𑌿𑌧॑𑌨𑌪𑌤𑌯𑍇॒ 𑌨𑌮𑌃 । 𑌨𑌿𑌧॑𑌨𑌪𑌤𑌾𑌨𑍍𑌤𑌿𑌕𑌾𑌯॒ 𑌨𑌮𑌃 ।
𑌊𑌰𑍍𑌧𑍍𑌵𑌾𑌯॒ 𑌨𑌮𑌃 । 𑌊𑌰𑍍𑌧𑍍𑌵𑌲𑌿𑌙𑍍𑌗𑌾𑌯॒ 𑌨𑌮𑌃 ।
𑌹𑌿𑌰𑌣𑍍𑌯𑌾𑌯॒ 𑌨𑌮𑌃 । 𑌹𑌿𑌰𑌣𑍍𑌯𑌲𑌿𑌙𑍍𑌗𑌾𑌯॒ 𑌨𑌮𑌃 ।
𑌸𑍁𑌵𑌰𑍍𑌣𑌾𑌯॒ 𑌨𑌮𑌃 । 𑌸𑍁𑌵𑌰𑍍𑌣𑌲𑌿𑌙𑍍𑌗𑌾𑌯॒ 𑌨𑌮𑌃 ।
𑌦𑌿𑌵𑍍𑌯𑌾𑌯॒ 𑌨𑌮𑌃 । 𑌦𑌿𑌵𑍍𑌯𑌲𑌿𑌙𑍍𑌗𑌾𑌯॒ 𑌨𑌮𑌃 ॥ 33 ॥

𑌭𑌵𑌾𑌯॒ 𑌨𑌮𑌃 । 𑌭𑌵𑌲𑌿𑌙𑍍𑌗𑌾𑌯॒ 𑌨𑌮𑌃 ।
𑌶𑌰𑍍𑌵𑌾𑌯॒ 𑌨𑌮𑌃 । 𑌶𑌰𑍍𑌵𑌲𑌿𑌙𑍍𑌗𑌾𑌯॒ 𑌨𑌮𑌃 ।
𑌶𑌿𑌵𑌾𑌯॒ 𑌨𑌮𑌃 । 𑌶𑌿𑌵𑌲𑌿𑌙𑍍𑌗𑌾𑌯॒ 𑌨𑌮𑌃 ।
𑌜𑍍𑌵𑌲𑌾𑌯॒ 𑌨𑌮𑌃 । 𑌜𑍍𑌵𑌲𑌲𑌿𑌙𑍍𑌗𑌾𑌯॒ 𑌨𑌮𑌃 ।
𑌆𑌤𑍍𑌮𑌾𑌯॒ 𑌨𑌮𑌃 । 𑌆𑌤𑍍𑌮𑌲𑌿𑌙𑍍𑌗𑌾𑌯॒ 𑌨𑌮𑌃 ।
𑌪𑌰𑌮𑌾𑌯॒ 𑌨𑌮𑌃 । 𑌪𑌰𑌮𑌲𑌿𑌙𑍍𑌗𑌾𑌯॒ 𑌨𑌮𑌃 ।
𑌏𑌤𑌥𑍍𑌸𑍋𑌮𑌸𑍍𑌯॑ 𑌸𑍂𑌰𑍍𑌯॒𑌸𑍍𑌯॒ 𑌸𑌰𑍍𑌵𑌲𑌿𑌙𑍍𑌗𑌗𑍍𑌗𑍍॑ 𑌸𑍍𑌥𑌾𑌪॒𑌯॒𑌤𑌿॒ 𑌪𑌾𑌣𑌿𑌮𑌨𑍍𑌤𑍍𑌰॑-𑌮𑍍𑌪𑌵𑌿॒𑌤𑍍𑌰𑌮𑍍 ॥ 34 ॥

𑌅𑌨𑍁𑌵𑌾𑌕𑌂 1𑍭
𑌸॒𑌦𑍍𑌯𑍋𑌜𑌾॒𑌤-𑌮𑍍𑌪𑍍𑌰॑𑌪𑌦𑍍𑌯𑌾॒𑌮𑌿॒ 𑌸॒𑌦𑍍𑌯𑍋𑌜𑌾॒𑌤𑌾𑌯॒ 𑌵𑍈 𑌨𑌮𑍋॒ 𑌨𑌮𑌃॑ । 𑌭॒𑌵𑍇 𑌭॑𑌵𑍇॒ 𑌨𑌾𑌤𑌿॑𑌭𑌵𑍇 𑌭𑌵𑌸𑍍𑌵॒ 𑌮𑌾𑌮𑍍 । 𑌭॒𑌵𑍋𑌦𑍍𑌭॑𑌵𑌾𑌯॒ 𑌨𑌮𑌃॑ ॥ 35 ॥

𑌅𑌨𑍁𑌵𑌾𑌕𑌂 1𑍮
𑌵𑌾॒𑌮॒𑌦𑍇॒𑌵𑌾𑌯॒ 𑌨𑌮𑍋᳚ 𑌜𑍍𑌯𑍇॒𑌷𑍍𑌠𑌾𑌯॒ 𑌨𑌮॑-𑌶𑍍𑌶𑍍𑌰𑍇॒𑌷𑍍𑌠𑌾𑌯॒ 𑌨𑌮𑍋॑ 𑌰𑍁॒𑌦𑍍𑌰𑌾𑌯॒ 𑌨𑌮𑌃॒ 𑌕𑌾𑌲𑌾॑𑌯॒
𑌨𑌮𑌃॒ 𑌕𑌲॑𑌵𑌿𑌕𑌰𑌣𑌾𑌯॒ 𑌨𑌮𑍋॒ 𑌬𑌲॑𑌵𑌿𑌕𑌰𑌣𑌾𑌯॒ 𑌨𑌮𑍋॒ 𑌬𑌲𑌾॑𑌯॒ 𑌨𑌮𑍋॒ 𑌬𑌲॑𑌪𑍍𑌰𑌮𑌥𑌨𑌾𑌯॒ 𑌨𑌮॒-𑌸𑍍𑌸𑌰𑍍𑌵॑𑌭𑍂𑌤𑌦𑌮𑌨𑌾𑌯॒ 𑌨𑌮𑍋॑ 𑌮॒𑌨𑍋𑌨𑍍𑌮॑𑌨𑌾𑌯॒ 𑌨𑌮𑌃॑ ॥ 36 ॥

𑌅𑌨𑍁𑌵𑌾𑌕𑌂 1𑍯
𑌅॒𑌘𑍋𑌰𑍇᳚𑌭𑍍𑌯𑍋-𑌽𑌥॒ 𑌘𑍋𑌰𑍇᳚𑌭𑍍𑌯𑍋॒ 𑌘𑍋𑌰॒𑌘𑍋𑌰॑𑌤𑌰𑍇𑌭𑍍𑌯𑌃 ।
𑌸𑌰𑍍𑌵𑍇᳚𑌭𑍍𑌯-𑌸𑍍𑌸𑌰𑍍𑌵॒ 𑌶𑌰𑍍𑌵𑍇᳚𑌭𑍍𑌯𑍋॒ 𑌨𑌮॑𑌸𑍍𑌤𑍇 𑌅𑌸𑍍𑌤𑍁 𑌰𑍁॒𑌦𑍍𑌰𑌰𑍂॑𑌪𑍇𑌭𑍍𑌯𑌃 ॥ 3𑍭 ॥

𑌅𑌨𑍁𑌵𑌾𑌕𑌂 20
𑌤𑌤𑍍𑌪𑍁𑌰𑍁॑𑌷𑌾𑌯 𑌵𑌿॒𑌦𑍍𑌮𑌹𑍇॑ 𑌮𑌹𑌾𑌦𑍇॒𑌵𑌾𑌯॑ 𑌧𑍀𑌮𑌹𑌿 ।
𑌤𑌨𑍍𑌨𑍋॑ 𑌰𑍁𑌦𑍍𑌰𑌃 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥ 3𑍮 ॥

𑌅𑌨𑍁𑌵𑌾𑌕𑌂 21
𑌈𑌶𑌾𑌨-𑌸𑍍𑌸𑌰𑍍𑌵॑𑌵𑌿𑌦𑍍𑌯𑌾॒𑌨𑌾॒- 𑌮𑍀𑌶𑍍𑌵𑌰-𑌸𑍍𑌸𑌰𑍍𑌵॑𑌭𑍂𑌤𑌾॒𑌨𑌾॒-𑌮𑍍𑌬𑍍𑌰𑌹𑍍𑌮𑌾𑌧𑌿॑𑌪𑌤𑌿॒-𑌰𑍍𑌬𑍍𑌰𑌹𑍍𑌮॒𑌣𑍋-𑌽𑌧𑌿॑𑌪𑌤𑌿॒-𑌰𑍍𑌬𑍍𑌰𑌹𑍍𑌮𑌾॑ 𑌶𑌿॒𑌵𑍋 𑌮𑍇॑ 𑌅𑌸𑍍𑌤𑍁 𑌸𑌦𑌾𑌶𑌿॒𑌵𑍋𑌮𑍍 ॥ 3𑍯 ॥

𑌅𑌨𑍁𑌵𑌾𑌕𑌂 22
𑌨𑌮𑍋 𑌹𑌿𑌰𑌣𑍍𑌯𑌬𑌾𑌹𑌵𑍇 𑌹𑌿𑌰𑌣𑍍𑌯𑌵𑌰𑍍𑌣𑌾𑌯 𑌹𑌿𑌰𑌣𑍍𑌯𑌰𑍂𑌪𑌾𑌯 𑌹𑌿𑌰𑌣𑍍𑌯𑌪𑌤𑌯𑍇 𑌽𑌬𑌿𑌙𑍍𑌕𑌾𑌪𑌤𑌯 𑌉𑌮𑌾𑌪𑌤𑌯𑍇 𑌪𑌶𑍁𑌪𑌤𑌯𑍇॑ 𑌨𑌮𑍋॒ 𑌨𑌮𑌃 ॥ 40 ॥

𑌅𑌨𑍁𑌵𑌾𑌕𑌂 23
𑌋॒𑌤𑌗𑍍​𑌮𑍍 𑌸॒𑌤𑍍𑌯-𑌮𑍍𑌪॑𑌰-𑌮𑍍𑌬𑍍𑌰॒𑌹𑍍𑌮॒ 𑌪𑍁॒𑌰𑍁𑌷॑-𑌙𑍍𑌕𑍃𑌷𑍍𑌣॒𑌪𑌿𑌙𑍍𑌗॑𑌲𑌮𑍍 । 𑌊॒𑌰𑍍𑌧𑍍𑌵𑌰𑍇॑𑌤𑌂-𑌵𑌿𑌁॑𑌰𑍂𑌪𑌾॒𑌕𑍍𑌷𑌂॒-𑌵𑌿𑌁॒𑌶𑍍𑌵𑌰𑍂॑𑌪𑌾𑌯॒ 𑌵𑍈 𑌨𑌮𑍋॒ 𑌨𑌮𑌃॑ ॥ 41 ॥

𑌅𑌨𑍁𑌵𑌾𑌕𑌂 24
𑌸𑌰𑍍𑌵𑍋॒ 𑌵𑍈 𑌰𑍁॒𑌦𑍍𑌰𑌸𑍍𑌤𑌸𑍍𑌮𑍈॑ 𑌰𑍁॒𑌦𑍍𑌰𑌾𑌯॒ 𑌨𑌮𑍋॑ 𑌅𑌸𑍍𑌤𑍁 ।
𑌪𑍁𑌰𑍁॑𑌷𑍋॒ 𑌵𑍈 𑌰𑍁॒𑌦𑍍𑌰-𑌸𑍍𑌸𑌨𑍍𑌮॒𑌹𑍋 𑌨𑌮𑍋॒ 𑌨𑌮𑌃॑ ।
𑌵𑌿𑌶𑍍𑌵॑-𑌮𑍍𑌭𑍂॒𑌤-𑌮𑍍𑌭𑍁𑌵॑𑌨-𑌞𑍍𑌚𑌿॒𑌤𑍍𑌰-𑌮𑍍𑌬॑𑌹𑍁॒𑌧𑌾 𑌜𑌾॒𑌤-𑌞𑍍𑌜𑌾𑌯॑𑌮𑌾𑌨-𑌞𑍍𑌚॒ 𑌯𑌤𑍍 । 𑌸𑌰𑍍𑌵𑍋॒ 𑌹𑍍𑌯𑍇॑𑌷 𑌰𑍁॒𑌦𑍍𑌰𑌸𑍍𑌤𑌸𑍍𑌮𑍈॑ 𑌰𑍁॒𑌦𑍍𑌰𑌾𑌯॒ 𑌨𑌮𑍋॑ 𑌅𑌸𑍍𑌤𑍁 ॥ 42 ॥

𑌅𑌨𑍁𑌵𑌾𑌕𑌂 25
𑌕𑌦𑍍𑌰𑍁॒𑌦𑍍𑌰𑌾𑌯॒ 𑌪𑍍𑌰𑌚𑍇॑𑌤𑌸𑍇 𑌮𑍀॒𑌢𑍁𑌷𑍍𑌟॑𑌮𑌾𑌯॒ 𑌤𑌵𑍍𑌯॑𑌸𑍇 । 𑌵𑍋॒𑌚𑍇𑌮॒ 𑌶𑌨𑍍𑌤॑𑌮𑌗𑍍​𑌮𑍍 𑌹𑍃॒𑌦𑍇 ॥ 𑌸𑌰𑍍𑌵𑍋॒𑌹𑍍𑌯𑍇॑𑌷 𑌰𑍁॒𑌦𑍍𑌰𑌸𑍍𑌤𑌸𑍍𑌮𑍈॑ 𑌰𑍁॒𑌦𑍍𑌰𑌾𑌯॒ 𑌨𑌮𑍋॑ 𑌅𑌸𑍍𑌤𑍁 ॥ 43 ॥

𑌅𑌨𑍁𑌵𑌾𑌕𑌂 26
𑌯𑌸𑍍𑌯॒ 𑌵𑍈 𑌕॑𑌙𑍍𑌕𑌤𑍍𑌯𑌗𑍍𑌨𑌿-𑌹𑍋𑌤𑍍𑌰॒𑌹𑌵॑𑌣𑍀 𑌭𑌵𑌤𑌿॒ 𑌪𑍍𑌰𑌤𑍍𑌯𑍇॒𑌵𑌾-𑌸𑍍𑌯𑌾𑌹𑍁॑𑌤𑌯-𑌸𑍍𑌤𑌿𑌷𑍍𑌠॒𑌨𑍍𑌤𑍍𑌯𑌥𑍋॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 44 ॥

𑌅𑌨𑍁𑌵𑌾𑌕𑌂 2𑍭
(𑌠𑌿𑌸𑍍 𑌏𑌕𑍍𑌷𑍍𑌪𑌨𑍍𑌸𑌿𑌓𑌨𑍍 𑌇𑌸𑍍 𑌅𑌪𑍍𑌪𑍇𑌅𑌰𑌿𑌨𑍍𑌗𑍍 𑌇-𑌨𑍍𑌤𑍈. 𑌸𑌂. 1.2.14.1 f𑌓-𑌰𑍍𑌕𑍃॒𑌣𑍁॒𑌷𑍍𑌵 𑌪𑌾𑌜॒ 𑌇𑌤𑌿॒ 𑌪𑌞𑍍𑌚॑ । )

𑌕𑍃॒𑌣𑍁॒𑌷𑍍𑌵 𑌪𑌾𑌜𑌃॒ 𑌪𑍍𑌰𑌸𑌿॑𑌤𑌿॒𑌨𑍍𑌨 𑌪𑍃॒𑌥𑍍𑌵𑍀𑌂-𑌯𑌾𑌁॒𑌹𑌿 𑌰𑌾𑌜𑍇॒ 𑌵𑌾॑𑌮𑌵𑌾॒𑌗𑍍​𑌮𑍍॒ 𑌇𑌭𑍇॑𑌨 । 𑌤𑍃॒𑌷𑍍𑌵𑍀𑌮𑌨𑍁॒ 𑌪𑍍𑌰𑌸𑌿॑𑌤𑌿-𑌨𑍍𑌦𑍍𑌰𑍂𑌣𑌾॒𑌨𑍋-𑌽𑌸𑍍𑌤𑌾॑-𑌽𑌸𑌿॒ 𑌵𑌿𑌦𑍍𑌧𑍍𑌯॑ 𑌰॒𑌕𑍍𑌷 𑌸॒𑌸𑍍𑌤𑌪𑌿॑𑌷𑍍𑌠𑍈𑌃 ॥ 1 ॥

𑌤𑌵॑ 𑌭𑍍𑌰॒𑌮𑌾𑌸॑ 𑌆𑌶𑍁॒𑌯𑌾 𑌪॑𑌤॒𑌨𑍍𑌤𑍍𑌯𑌨𑍁॑ 𑌸𑍍𑌪𑍃𑌶 𑌧𑍃𑌷॒𑌤𑌾 𑌶𑍋𑌶𑍁॑𑌚𑌾𑌨𑌃 । 𑌤𑌪𑍂𑌗𑍍॑𑌷𑍍𑌯𑌗𑍍𑌨𑍇 𑌜𑍁॒𑌹𑍍𑌵𑌾॑ 𑌪𑌤॒𑌗𑌾𑌨𑍍𑌨 𑌸॑𑌨𑍍𑌦𑌿𑌤𑍋॒ 𑌵𑌿𑌸𑍃॑𑌜॒ 𑌵𑌿𑌷𑍍𑌵॑ 𑌗𑍁॒𑌲𑍍𑌕𑌾𑌃 ॥ 2 ॥

𑌪𑍍𑌰𑌤𑌿॒𑌸𑍍𑌪𑌶𑍋॒ 𑌵𑌿𑌸𑍃॑𑌜॒ 𑌤𑍂𑌰𑍍𑌣𑌿॑ 𑌤𑌮𑍋॒ 𑌭𑌵𑌾॑ 𑌪𑌾॒𑌯𑍁-𑌰𑍍𑌵𑌿॒𑌶𑍋 𑌅॒𑌸𑍍𑌯𑌾 𑌅𑌦॑𑌬𑍍𑌧𑌃 । 𑌯𑍋 𑌨𑍋॑ 𑌦𑍂॒𑌰𑍇 𑌅॒𑌘𑌶𑌗𑍍​𑌮𑍍॑𑌸𑍋॒ 𑌯𑍋 𑌅𑌨𑍍𑌤𑍍𑌯॑𑌗𑍍𑌨𑍇॒ 𑌮𑌾𑌕𑌿॑𑌷𑍍𑌟𑍇॒ 𑌵𑍍𑌯𑌥𑌿॒𑌰𑌾
𑌦॑𑌧𑌰𑍍​𑌷𑍀𑌤𑍍 ॥ 3 ॥

𑌉𑌦॑𑌗𑍍𑌨𑍇 𑌤𑌿𑌷𑍍𑌠॒ 𑌪𑍍𑌰𑌤𑍍𑌯𑌾 𑌤॑𑌨𑍁𑌷𑍍𑌵॒𑌨𑍍𑌯॑ 𑌮𑌿𑌤𑍍𑌰𑌾𑌗𑍍​𑌮𑍍॑ 𑌓𑌷𑌤𑌾-𑌤𑍍𑌤𑌿𑌗𑍍𑌮𑌹𑍇𑌤𑍇 । 𑌯𑍋 𑌨𑍋॒ 𑌅𑌰𑌾॑𑌤𑌿𑌗𑍍​𑌮𑍍 𑌸𑌮𑌿𑌧𑌾𑌨 𑌚॒𑌕𑍍𑌰𑍇 𑌨𑍀॒𑌚𑌾𑌤-𑌨𑍍𑌧॑𑌕𑍍𑌷𑍍𑌯𑌤॒ 𑌸𑌨𑍍𑌨 𑌶𑍁𑌷𑍍𑌕᳚𑌮𑍍 ॥ 4 ॥

𑌊॒𑌰𑍍𑌧𑍍𑌵𑍋 𑌭॑𑌵॒ 𑌪𑍍𑌰𑌤𑌿॑𑌵𑌿𑌦𑍍॒𑌧𑍍𑌯𑌾-𑌧𑍍𑌯॒𑌸𑍍𑌮𑌦𑌾॒ 𑌵𑌿𑌷𑍍𑌕𑍃॑𑌣𑍁𑌷𑍍𑌵॒ 𑌦𑍈𑌵𑍍𑌯𑌾᳚𑌨𑍍𑌯𑌗𑍍𑌨𑍇 । 𑌅𑌵॑𑌸𑍍𑌥𑌿॒𑌰𑌾 𑌤॑𑌨𑍁𑌹𑌿 𑌯𑌾𑌤𑍁॒ 𑌜𑍂𑌨𑌾᳚-𑌞𑍍𑌜𑌾॒𑌮𑌿𑌮𑌜𑌾॑𑌮𑌿॒-𑌮𑍍𑌪𑍍𑌰𑌮𑍃॑𑌣𑍀𑌹𑌿॒ 𑌶𑌤𑍍𑌰𑍂𑌨𑍍॑ ॥ 5 ॥
𑌕𑍃॒𑌣𑍁॒𑌷𑍍𑌵 𑌪𑌾𑌜॒ 𑌇𑌤𑌿॒ 𑌪𑌞𑍍𑌚॑ ॥ 45 ॥

𑌅𑌨𑍁𑌵𑌾𑌕𑌂 2𑍮
𑌅𑌦𑌿॑𑌤𑌿-𑌰𑍍𑌦𑍇॒𑌵𑌾 𑌗॑𑌨𑍍𑌧॒𑌰𑍍𑌵𑌾 𑌮॑𑌨𑍁॒𑌷𑍍𑌯𑌾𑌃᳚ 𑌪𑌿॒𑌤𑌰𑍋-𑌽𑌸𑍁॑𑌰𑌾॒-𑌸𑍍𑌤𑍇𑌷𑌾𑌗𑍍​𑌮𑍍॑ 𑌸𑌰𑍍𑌵 𑌭𑍂॒𑌤𑌾𑌨𑌾᳚-𑌮𑍍𑌮𑌾॒𑌤𑌾 𑌮𑍇॒𑌦𑌿𑌨𑍀॑ 𑌮𑌹॒𑌤𑌾 𑌮॒𑌹𑍀 𑌸𑌾॑𑌵𑌿॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍀 𑌜𑌗॑𑌤𑍍𑌯𑍁॒𑌰𑍍𑌵𑍀 𑌪𑍃॒𑌥𑍍𑌵𑍀 𑌬॑𑌹𑍁॒𑌲𑌾 𑌵𑌿𑌶𑍍𑌵𑌾॑ 𑌭𑍂॒𑌤𑌾 𑌕॑𑌤॒𑌮𑌾 𑌕𑌾𑌯𑌾 𑌸𑌾 𑌸॒𑌤𑍍𑌯𑍇-𑌤𑍍𑌯॒𑌮𑍃𑌤𑍇𑌤𑌿॑ 𑌵𑌸𑌿॒𑌷𑍍𑌠𑌃 ॥ 46 ॥

𑌅𑌨𑍁𑌵𑌾𑌕𑌂 2𑍯
𑌆𑌪𑍋॒ 𑌵𑌾 𑌇॒𑌦𑌗𑍍​𑌮𑍍 𑌸𑌰𑍍𑌵𑌂॒-𑌵𑌿𑌁𑌶𑍍𑌵𑌾॑ 𑌭𑍂॒𑌤𑌾𑌨𑍍𑌯𑌾𑌪𑌃॑ 𑌪𑍍𑌰𑌾॒𑌣𑌾 𑌵𑌾 𑌆𑌪𑌃॑ 𑌪॒𑌶𑌵॒ 𑌆𑌪𑍋-𑌽𑌨𑍍𑌨॒𑌮𑌾𑌪𑍋 -𑌽𑌮𑍃॑𑌤॒𑌮𑌾𑌪॑-𑌸𑍍𑌸॒𑌮𑍍𑌰𑌾𑌡𑌾𑌪𑍋॑ 𑌵𑌿॒𑌰𑌾𑌡𑌾𑌪॑-𑌸𑍍𑌸𑍍𑌵॒𑌰𑌾𑌡𑌾𑌪॒-𑌶𑍍𑌛𑌨𑍍𑌦𑌾॒𑌗𑍍॒𑌸𑍍𑌯𑌾𑌪𑍋॒ 𑌜𑍍𑌯𑍋𑌤𑍀॒𑌗𑍍॒𑌷𑍍𑌯𑌾𑌪𑍋॒ 𑌯𑌜𑍂॒𑌗𑍍॒𑌷𑍍𑌯𑌾𑌪॑-𑌸𑍍𑌸॒𑌤𑍍𑌯𑌮𑌾𑌪॒-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒ 𑌆𑌪𑍋॒ 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒𑌰𑌾𑌪॒ 𑌓𑌮𑍍 ॥ 4𑍭 ॥

𑌅𑌨𑍁𑌵𑌾𑌕𑌂 30
𑌆𑌪𑌃॑ 𑌪𑍁𑌨𑌨𑍍𑌤𑍁 𑌪𑍃𑌥𑌿॒𑌵𑍀-𑌮𑍍𑌪𑍃॑𑌥𑌿॒𑌵𑍀 𑌪𑍂॒𑌤𑌾 𑌪𑍁॑𑌨𑌾𑌤𑍁॒ 𑌮𑌾𑌮𑍍 ।
𑌪𑍁॒𑌨𑌨𑍍𑌤𑍁॒ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿॒-𑌰𑍍𑌬𑍍𑌰𑌹𑍍𑌮॑ 𑌪𑍂॒𑌤𑌾 𑌪𑍁॑𑌨𑌾𑌤𑍁॒
𑌮𑌾𑌮𑍍 ॥

𑌯𑌦𑍁𑌚𑍍𑌛𑌿॑𑌷𑍍𑌟॒-𑌮𑌭𑍋᳚𑌜𑍍𑌯𑌂॒-𑌯𑌁𑌦𑍍𑌵𑌾॑ 𑌦𑍁॒𑌶𑍍𑌚𑌰𑌿॑𑌤॒-𑌮𑍍𑌮𑌮॑ । 𑌸𑌰𑍍𑌵॑-𑌮𑍍𑌪𑍁𑌨𑌨𑍍𑌤𑍁॒ 𑌮𑌾𑌮𑌾𑌪𑍋॑-𑌽𑌸॒𑌤𑌾𑌞𑍍𑌚॑ 𑌪𑍍𑌰𑌤𑌿॒𑌗𑍍𑌰𑌹॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥ 4𑍮 ॥

𑌅𑌨𑍁𑌵𑌾𑌕𑌂 31
𑌅𑌗𑍍𑌨𑌿𑌶𑍍𑌚 𑌮𑌾 𑌮𑌨𑍍𑌯𑍁𑌶𑍍𑌚 𑌮𑌨𑍍𑌯𑍁𑌪𑌤𑌯𑌶𑍍𑌚 𑌮𑌨𑍍𑌯𑍁॑𑌕𑍃𑌤𑍇॒𑌭𑍍𑌯𑌃 ।
𑌪𑌾𑌪𑍇𑌭𑍍𑌯𑍋॑ 𑌰𑌕𑍍𑌷॒𑌨𑍍𑌤𑌾𑌮𑍍 । 𑌯𑌦𑌹𑍍𑌨𑌾 𑌪𑌾𑌪॑𑌮𑌕𑌾॒𑌰𑍍॒𑌷𑌮𑍍 ।
𑌮𑌨𑌸𑌾 𑌵𑌾𑌚𑌾॑ 𑌹𑌸𑍍𑌤𑌾॒𑌭𑍍𑌯𑌾𑌮𑍍 । 𑌪𑌦𑍍𑌭𑍍𑌯𑌾-𑌮𑍁𑌦𑌰𑍇॑𑌣 𑌶𑌿॒𑌶𑍍𑌨𑌾 ।
𑌅𑌹॒𑌸𑍍𑌤𑌦॑𑌵𑌲𑍁॒𑌪𑌨𑍍𑌤𑍁 । 𑌯𑌤𑍍𑌕𑌿𑌞𑍍𑌚॑ 𑌦𑍁𑌰𑌿॒𑌤-𑌮𑍍𑌮𑌯𑌿॑ ।
𑌇𑌦𑌮𑌹-𑌮𑌾𑌮𑌮𑍃॑𑌤 𑌯𑍋॒𑌨𑍌 ।
𑌸𑌤𑍍𑌯𑍇 𑌜𑍍𑌯𑍋𑌤𑌿𑌷𑌿 𑌜𑍁𑌹𑍋॑𑌮𑌿 𑌸𑍍𑌵𑌾॒𑌹𑌾 ॥ 4𑍯 ॥

𑌅𑌨𑍁𑌵𑌾𑌕𑌂 32
𑌸𑍂𑌰𑍍𑌯𑌶𑍍𑌚 𑌮𑌾 𑌮𑌨𑍍𑌯𑍁𑌶𑍍𑌚 𑌮𑌨𑍍𑌯𑍁𑌪𑌤𑌯𑌶𑍍𑌚 𑌮𑌨𑍍𑌯𑍁॑𑌕𑍃𑌤𑍇॒𑌭𑍍𑌯𑌃 । 𑌪𑌾𑌪𑍇𑌭𑍍𑌯𑍋॑ 𑌰𑌕𑍍𑌷॒𑌨𑍍𑌤𑌾𑌮𑍍 । 𑌯𑌦𑍍𑌰𑌾𑌤𑍍𑌰𑌿𑌯𑌾 𑌪𑌾𑌪॑𑌮𑌕𑌾॒𑌰𑍍॒𑌷𑌮𑍍 ।
𑌮𑌨𑌸𑌾 𑌵𑌾𑌚𑌾॑ 𑌹𑌸𑍍𑌤𑌾॒𑌭𑍍𑌯𑌾𑌮𑍍 । 𑌪𑌦𑍍𑌭𑍍𑌯𑌾-𑌮𑍁𑌦𑌰𑍇॑𑌣 𑌶𑌿॒𑌶𑍍𑌨𑌾 ।
𑌰𑌾𑌤𑍍𑌰𑌿॒-𑌸𑍍𑌤𑌦॑𑌵𑌲𑍁॒𑌪𑌨𑍍𑌤𑍁 । 𑌯𑌤𑍍𑌕𑌿𑌞𑍍𑌚॑ 𑌦𑍁𑌰𑌿॒𑌤-𑌮𑍍𑌮𑌯𑌿॑ ।
𑌇𑌦𑌮𑌹-𑌮𑌾𑌮𑌮𑍃॑𑌤 𑌯𑍋॒𑌨𑍌 । 𑌸𑍂𑌰𑍍𑌯𑍇 𑌜𑍍𑌯𑍋𑌤𑌿𑌷𑌿 𑌜𑍁𑌹𑍋॑𑌮𑌿 𑌸𑍍𑌵𑌾॒𑌹𑌾 ॥ 50 ॥

𑌅𑌨𑍁𑌵𑌾𑌕𑌂 33
𑌓𑌮𑌿𑌤𑍍𑌯𑍇𑌕𑌾𑌕𑍍𑌷॑𑌰-𑌮𑍍𑌬𑍍𑌰॒𑌹𑍍𑌮 । 𑌅𑌗𑍍𑌨𑌿𑌰𑍍𑌦𑍇𑌵𑌤𑌾 𑌬𑍍𑌰𑌹𑍍𑌮॑ 𑌇𑌤𑍍𑌯𑌾॒𑌰𑍍​𑌷𑌮𑍍 । 𑌗𑌾𑌯𑌤𑍍𑌰-𑌞𑍍𑌛𑌨𑍍𑌦-𑌮𑍍𑌪𑌰𑌮𑌾𑌤𑍍𑌮𑌂॑ 𑌸𑌰𑍂॒𑌪𑌮𑍍 । 𑌸𑌾𑌯𑍁𑌜𑍍𑌯𑌂-𑌵𑌿𑌁॑𑌨𑌿𑌯𑍋॒𑌗𑌮𑍍 ॥ 51 ॥

𑌅𑌨𑍁𑌵𑌾𑌕𑌂 34
𑌆𑌯𑌾॑𑌤𑍁॒ 𑌵𑌰॑𑌦𑌾 𑌦𑍇॒𑌵𑍀॒ 𑌅॒𑌕𑍍𑌷𑌰॑-𑌮𑍍𑌬𑍍𑌰𑌹𑍍𑌮॒ 𑌸𑌮𑍍𑌮𑌿॑𑌤𑌮𑍍 ।
𑌗𑌾॒𑌯॒𑌤𑍍𑌰𑍀᳚-𑌞𑍍𑌛𑌨𑍍𑌦॑𑌸𑌾-𑌮𑍍𑌮𑌾॒𑌤𑍇𑌦-𑌮𑍍𑌬𑍍𑌰॑𑌹𑍍𑌮 𑌜𑍁॒𑌷𑌸𑍍𑌵॑ 𑌮𑍇 ।
𑌯𑌦𑌹𑍍𑌨𑌾᳚-𑌤𑍍𑌕𑍁𑌰𑍁॑𑌤𑍇 𑌪𑌾॒𑌪॒-𑌨𑍍𑌤𑌦𑌹𑍍𑌨𑌾᳚-𑌤𑍍𑌪𑍍𑌰𑌤𑌿॒𑌮𑍁𑌚𑍍𑌯॑𑌤𑍇 ।
𑌯-𑌦𑍍𑌰𑌾𑌤𑍍𑌰𑌿𑌯𑌾᳚-𑌤𑍍𑌕𑍁𑌰𑍁॑𑌤𑍇 𑌪𑌾॒𑌪॒-𑌨𑍍𑌤-𑌦𑍍𑌰𑌾𑌤𑍍𑌰𑌿𑌯𑌾᳚-𑌤𑍍𑌪𑍍𑌰𑌤𑌿॒𑌮𑍁𑌚𑍍𑌯॑𑌤𑍇 ।
𑌸𑌰𑍍𑌵॑ 𑌵॒𑌰𑍍𑌣𑍇 𑌮॑𑌹𑌾𑌦𑍇॒𑌵𑌿॒ 𑌸॒𑌨𑍍𑌧𑍍𑌯𑌾 𑌵𑌿॑𑌦𑍍𑌯𑍇 𑌸॒𑌰𑌸𑍍𑌵॑𑌤𑌿 ॥ 52 ॥

𑌅𑌨𑍁𑌵𑌾𑌕𑌂 35
𑌓𑌜𑍋॑-𑌽𑌸𑌿॒ 𑌸𑌹𑍋॑-𑌽𑌸𑌿॒ 𑌬𑌲॑𑌮𑌸𑌿॒ 𑌭𑍍𑌰𑌾𑌜𑍋॑-𑌽𑌸𑌿 𑌦𑍇॒𑌵𑌾𑌨𑌾॒-𑌨𑍍𑌧𑌾𑌮॒𑌨𑌾𑌮𑌾॑॑-𑌽𑌸𑌿॒ 𑌵𑌿𑌶𑍍𑌵॑𑌮𑌸𑌿 𑌵𑌿॒𑌶𑍍𑌵𑌾𑌯𑍁॒-𑌸𑍍𑌸𑌰𑍍𑌵॑𑌮𑌸𑌿 𑌸॒𑌰𑍍𑌵𑌾𑌯𑍁-𑌰𑌭𑌿𑌭𑍂𑌰𑍋𑌂-𑌗𑌾𑌯𑌤𑍍𑌰𑍀-𑌮𑌾𑌵𑌾॑𑌹𑌯𑌾॒𑌮𑌿॒
𑌸𑌾𑌵𑌿𑌤𑍍𑌰𑍀-𑌮𑌾𑌵𑌾॑𑌹𑌯𑌾॒𑌮𑌿॒ 𑌸𑌰𑌸𑍍𑌵𑌤𑍀-𑌮𑌾𑌵𑌾॑𑌹𑌯𑌾॒𑌮𑌿॒ 𑌛𑌨𑍍𑌦𑌰𑍍​𑌷𑍀-𑌨𑌾𑌵𑌾॑𑌹𑌯𑌾॒𑌮𑌿॒ 𑌶𑍍𑌰𑌿𑌯-𑌮𑌾𑌵𑌾॑𑌹𑌯𑌾॒𑌮𑌿॒ 𑌗𑌾𑌯𑌤𑍍𑌰𑌿𑌯𑌾 𑌗𑌾𑌯𑌤𑍍𑌰𑍀 𑌛𑌨𑍍𑌦𑍋 𑌵𑌿𑌶𑍍𑌵𑌾𑌮𑌿𑌤𑍍𑌰 𑌋𑌷𑌿-𑌸𑍍𑌸𑌵𑌿𑌤𑌾 𑌦𑍇𑌵𑌤𑌾-𑌽𑌗𑍍𑌨𑌿𑌰𑍍𑌮𑍁𑌖-𑌮𑍍𑌬𑍍𑌰𑌹𑍍𑌮𑌾 𑌶𑌿𑌰𑍋 𑌵𑌿𑌷𑍍𑌣𑍁𑌰𑍍​𑌹𑍃𑌦𑌯𑌗𑍍​𑌮𑍍 𑌰𑍁𑌦𑍍𑌰𑌃
𑌶𑌿𑌖𑌾 𑌪𑍃𑌥𑌿𑌵𑍀𑌯𑍋𑌨𑌿𑌃 𑌪𑍍𑌰𑌾𑌣𑌾𑌪𑌾𑌨-𑌵𑍍𑌯𑌾𑌨𑍋𑌦𑌾𑌨-𑌸𑌮𑌾𑌨𑌾 𑌸𑌪𑍍𑌰𑌾𑌣𑌾 𑌶𑍍𑌵𑍇𑌤𑌵𑌰𑍍𑌣𑌾 𑌸𑌾𑌙𑍍𑌖𑍍𑌯𑌾𑌯𑌨-𑌸𑌗𑍋𑌤𑍍𑌰𑌾 𑌗𑌾𑌯𑌤𑍍𑌰𑍀 𑌚𑌤𑍁𑌰𑍍𑌵𑌿𑌗𑍍​𑌮𑍍𑌶𑌤𑍍𑌯𑌕𑍍𑌷𑌰𑌾 𑌤𑍍𑌰𑌿𑌪𑌦𑌾॑ 𑌷𑌟𑍍𑌕𑍁॒𑌕𑍍𑌷𑌿𑌃॒ 𑌪𑌞𑍍𑌚 𑌶𑍀𑌰𑍍​𑌷𑍋𑌪𑌨𑌯𑌨𑍇 𑌵𑌿॑𑌨𑌿𑌯𑍋॒𑌗॒,
𑌓-𑌮𑍍𑌭𑍂𑌃 । 𑌓-𑌮𑍍𑌭𑍁𑌵𑌃 । 𑌓𑌗𑍍​𑌮𑍍 𑌸𑍁𑌵𑌃 । 𑌓-𑌮𑍍𑌮𑌹𑌃 । 𑌓-𑌞𑍍𑌜𑌨𑌃 ।
𑌓-𑌨𑍍𑌤𑌪𑌃 । 𑌓𑌗𑍍​𑌮𑍍 𑌸॒𑌤𑍍𑌯𑌮𑍍 । 𑌓-𑌨𑍍𑌤-𑌥𑍍𑌸॑𑌵𑌿॒𑌤𑍁𑌰𑍍𑌵𑌰𑍇᳚𑌣𑍍𑌯॒-𑌮𑍍𑌭𑌰𑍍𑌗𑍋॑ 𑌦𑍇॒𑌵𑌸𑍍𑌯॑ 𑌧𑍀𑌮𑌹𑌿 ।
𑌧𑌿𑌯𑍋॒ 𑌯𑍋 𑌨𑌃॑ 𑌪𑍍𑌰𑌚𑍋॒𑌦𑌯𑌾᳚𑌤𑍍 ।
𑌓𑌮𑌾𑌪𑍋॒ 𑌜𑍍𑌯𑍋𑌤𑍀॒ 𑌰𑌸𑍋॒-𑌽𑌮𑍃𑌤॒-𑌮𑍍𑌬𑍍𑌰𑌹𑍍𑌮॒ 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒𑌰𑍋𑌮𑍍 ॥ 53 ॥

𑌅𑌨𑍁𑌵𑌾𑌕𑌂 36
𑌉॒𑌤𑍍𑌤𑌮𑍇॑ 𑌶𑌿𑌖॑𑌰𑍇 𑌜𑌾॒𑌤𑍇॒ 𑌭𑍂॒𑌮𑍍𑌯𑌾-𑌮𑍍𑌪॑𑌰𑍍𑌵𑌤॒ 𑌮𑍂𑌰𑍍𑌧॑𑌨𑌿 ।
𑌬𑍍𑌰𑌾॒𑌹𑍍𑌮𑌣𑍇᳚𑌭𑍍𑌯𑍋-𑌽𑌭𑍍𑌯॑𑌨𑍁𑌜𑍍𑌞𑌾॒𑌤𑌾॒ 𑌗॒𑌚𑍍𑌛 𑌦𑍇॑𑌵𑌿 𑌯॒𑌥𑌾𑌸𑍁॑𑌖𑌮𑍍 ॥ 𑌸𑍍𑌤𑍁𑌤𑍋 𑌮𑌯𑌾 𑌵𑌰𑌦𑌾 𑌵𑍇॑𑌦𑌮𑌾॒𑌤𑌾॒ 𑌪𑍍𑌰𑌚𑍋𑌦𑌯𑌨𑍍𑌤𑍀 𑌪𑌵𑌨𑍇᳚ 𑌦𑍍𑌵𑌿𑌜𑌾॒𑌤𑌾 । 𑌆𑌯𑍁𑌃 𑌪𑍃𑌥𑌿𑌵𑍍𑌯𑌾𑌂-𑌦𑍍𑌰𑌵𑌿𑌣-𑌮𑍍𑌬𑍍𑌰॑𑌹𑍍𑌮𑌵॒𑌰𑍍𑌚॒𑌸॒-𑌮𑍍𑌮𑌹𑍍𑌯-𑌨𑍍𑌦𑌤𑍍𑌵𑌾 𑌪𑍍𑌰𑌜𑌾𑌤𑍁𑌂
𑌬𑍍𑌰॑𑌹𑍍𑌮𑌲𑍋॒𑌕𑌮𑍍 ॥ 54 ॥

𑌅𑌨𑍁𑌵𑌾𑌕𑌂 3𑍭
𑌘𑍃𑌣𑌿॒-𑌸𑍍𑌸𑍂𑌰𑍍𑌯॑ 𑌆𑌦𑌿॒𑌤𑍍𑌯𑍋 𑌨 𑌪𑍍𑌰𑌭𑌾॑-𑌵𑌾॒𑌤𑍍𑌯𑌕𑍍𑌷॑𑌰𑌮𑍍 । 𑌮𑌧𑍁॑𑌕𑍍𑌷𑌰𑌨𑍍𑌤𑌿॒ 𑌤-𑌦𑍍𑌰॑𑌸𑌮𑍍 । 𑌸॒𑌤𑍍𑌯𑌂-𑌵𑍈𑌁 𑌤-𑌦𑍍𑌰𑌸॒-𑌮𑌾𑌪𑍋॒ 𑌜𑍍𑌯𑍋𑌤𑍀॒𑌰𑌸𑍋॒-𑌽𑌮𑍃𑌤॒-𑌮𑍍𑌬𑍍𑌰𑌹𑍍𑌮॒
𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒𑌰𑍋𑌮𑍍 ॥ 55 ॥

𑌅𑌨𑍁𑌵𑌾𑌕𑌂 3𑍮
𑌬𑍍𑌰𑌹𑍍𑌮॑ 𑌮𑍇𑌤𑍁॒ 𑌮𑌾𑌮𑍍 । 𑌮𑌧𑍁॑ 𑌮𑍇𑌤𑍁॒ 𑌮𑌾𑌮𑍍 । 𑌬𑍍𑌰𑌹𑍍𑌮॑-𑌮𑍇॒𑌵 𑌮𑌧𑍁॑ 𑌮𑍇𑌤𑍁॒ 𑌮𑌾𑌮𑍍 ॥ 𑌯𑌾𑌸𑍍𑌤𑍇॑ 𑌸𑍋𑌮 𑌪𑍍𑌰॒𑌜𑌾𑌵॒𑌥𑍍𑌸𑍋-𑌽𑌭𑌿॒𑌸𑍋 𑌅॒𑌹𑌮𑍍 । 𑌦𑍁𑌸𑍍𑌷𑍍𑌵॑𑌪𑍍𑌨॒𑌹-𑌨𑍍𑌦𑍁॑𑌰𑍁𑌷𑍍𑌵𑌹 ।
𑌯𑌾𑌸𑍍𑌤𑍇॑ 𑌸𑍋𑌮 𑌪𑍍𑌰𑌾॒𑌣𑌾𑌗𑍍​𑌸𑍍𑌤𑌾-𑌞𑍍𑌜𑍁॑𑌹𑍋𑌮𑌿 ॥
𑌤𑍍𑌰𑌿𑌸𑍁॑𑌪𑌰𑍍𑌣॒ 𑌮𑌯𑌾॑𑌚𑌿𑌤-𑌮𑍍𑌬𑍍𑌰𑌾𑌹𑍍𑌮॒𑌣𑌾𑌯॑ 𑌦𑌦𑍍𑌯𑌾𑌤𑍍 । 𑌬𑍍𑌰॒𑌹𑍍𑌮॒𑌹॒𑌤𑍍𑌯𑌾𑌂-𑌵𑌾𑌁 𑌏॒𑌤𑍇 𑌘𑍍𑌨॑𑌨𑍍𑌤𑌿 ।
𑌯𑍇 𑌬𑍍𑌰𑌾᳚𑌹𑍍𑌮॒𑌣𑌾-𑌸𑍍𑌤𑍍𑌰𑌿𑌸𑍁॑𑌪𑌰𑍍𑌣॒-𑌮𑍍𑌪𑌠॑𑌨𑍍𑌤𑌿 । 𑌤𑍇 𑌸𑍋𑌮॒-𑌮𑍍𑌪𑍍𑌰𑌾𑌪𑍍𑌨𑍁॑𑌵𑌨𑍍𑌤𑌿 । 𑌆॒𑌸॒𑌹॒𑌸𑍍𑌰𑌾-𑌤𑍍𑌪॒𑌕𑍍𑌤𑌿-𑌮𑍍𑌪𑍁𑌨॑𑌨𑍍𑌤𑌿 । 𑌓𑌮𑍍 ॥ 56 ॥

𑌅𑌨𑍁𑌵𑌾𑌕𑌂 3𑍯
𑌬𑍍𑌰𑌹𑍍𑌮॑ 𑌮𑍇॒𑌧𑌯𑌾᳚ । 𑌮𑌧𑍁॑ 𑌮𑍇॒𑌧𑌯𑌾᳚ । 𑌬𑍍𑌰𑌹𑍍𑌮॑𑌮𑍇॒𑌵 𑌮𑌧𑍁॑ 𑌮𑍇॒𑌧𑌯𑌾᳚ ॥ 𑌅॒𑌦𑍍𑌯𑌾 𑌨𑍋॑ 𑌦𑍇𑌵 𑌸𑌵𑌿𑌤𑌃 𑌪𑍍𑌰॒𑌜𑌾𑌵॑𑌥𑍍𑌸𑌾𑌵𑍀॒-𑌸𑍍𑌸𑍌𑌭॑𑌗𑌮𑍍 । 𑌪𑌰𑌾॑ 𑌦𑍁॒𑌸𑍍𑌷𑍍𑌵𑌪𑍍𑌨𑌿॑𑌯𑌗𑍍​𑌮𑍍 𑌸𑍁𑌵 । 𑌵𑌿𑌶𑍍𑌵𑌾॑𑌨𑌿 𑌦𑍇𑌵 𑌸𑌵𑌿𑌤-𑌰𑍍𑌦𑍁𑌰𑌿॒𑌤𑌾𑌨𑌿॒ 𑌪𑌰𑌾॑𑌸𑍁𑌵 । 𑌯-𑌦𑍍𑌭॒𑌦𑍍𑌰-𑌨𑍍𑌤𑌨𑍍𑌮॒ 𑌆𑌸𑍁॑𑌵 ॥ 𑌮𑌧𑍁॒𑌵𑌾𑌤𑌾॑ 𑌋𑌤𑌾𑌯॒𑌤𑍇 𑌮𑌧𑍁॑𑌕𑍍𑌷𑌰𑌨𑍍𑌤𑌿॒ 𑌸𑌿𑌨𑍍𑌧॑𑌵𑌃 । 𑌮𑌾𑌦𑍍𑌧𑍍𑌵𑍀᳚𑌰𑍍𑌨-𑌸𑍍𑌸॒𑌨𑍍𑌤𑍍𑌵𑍋𑌷॑𑌧𑍀𑌃 । 𑌮𑌧𑍁॒𑌨𑌕𑍍𑌤॑ 𑌮𑍁॒𑌤𑍋𑌷𑌸𑌿॒ 𑌮𑌧𑍁॑𑌮॒-𑌤𑍍𑌪𑌾𑌰𑍍𑌥𑌿॑𑌵॒𑌗𑍍​𑌮𑍍॒ 𑌰𑌜𑌃॑ । 𑌮𑌧𑍁॒𑌦𑍍𑌯𑍌𑌰॑𑌸𑍍𑌤𑍁 𑌨𑌃 𑌪𑌿॒𑌤𑌾 । 𑌮𑌧𑍁॑𑌮𑌾𑌨𑍍𑌨𑍋॒ 𑌵𑌨॒𑌸𑍍𑌪𑌤𑌿॒-𑌰𑍍𑌮𑌧𑍁॑𑌮𑌾𑌗𑍍​𑌮𑍍 𑌅𑌸𑍍𑌤𑍁॒ 𑌸𑍂𑌰𑍍𑌯𑌃॑ ।
𑌮𑌾𑌦𑍍𑌧𑍍𑌵𑍀॒ 𑌰𑍍𑌗𑌾𑌵𑍋॑ 𑌭𑌵𑌨𑍍𑌤𑍁 𑌨𑌃 ॥
𑌯 𑌇॒𑌮-𑌨𑍍𑌤𑍍𑌰𑌿𑌸𑍁॑𑌪𑌰𑍍𑌣॒-𑌮𑌯𑌾॑𑌚𑌿𑌤-𑌮𑍍𑌬𑍍𑌰𑌾𑌹𑍍𑌮॒𑌣𑌾𑌯॑ 𑌦𑌦𑍍𑌯𑌾𑌤𑍍 ।
𑌭𑍍𑌰𑍂॒𑌣॒𑌹॒𑌤𑍍𑌯𑌾𑌂-𑌵𑌾𑌁 𑌏॒𑌤𑍇 𑌘𑍍𑌨॑𑌨𑍍𑌤𑌿 । 𑌯𑍇 𑌬𑍍𑌰𑌾᳚𑌹𑍍𑌮॒𑌣𑌾-𑌸𑍍𑌤𑍍𑌰𑌿𑌸𑍁॑𑌪𑌰𑍍𑌣॒-𑌮𑍍𑌪𑌠॑𑌨𑍍𑌤𑌿 । 𑌤𑍇 𑌸𑍋𑌮॒-𑌮𑍍𑌪𑍍𑌰𑌾𑌪𑍍𑌨𑍁॑𑌵𑌨𑍍𑌤𑌿 । 𑌆॒𑌸॒𑌹॒𑌸𑍍𑌰𑌾-𑌤𑍍𑌪॒𑌕𑍍𑌤𑌿-𑌮𑍍𑌪𑍁𑌨॑𑌨𑍍𑌤𑌿 । 𑌓𑌮𑍍 ॥ 5𑍭 ॥

𑌅𑌨𑍁𑌵𑌾𑌕𑌂 40
𑌬𑍍𑌰𑌹𑍍𑌮॑ 𑌮𑍇॒𑌧𑌵𑌾᳚ । 𑌮𑌧𑍁॑ 𑌮𑍇॒𑌧𑌵𑌾᳚ । 𑌬𑍍𑌰𑌹𑍍𑌮॑𑌮𑍇॒𑌵 𑌮𑌧𑍁॑ 𑌮𑍇॒𑌧𑌵𑌾᳚ ॥ 𑌬𑍍𑌰॒𑌹𑍍𑌮𑌾 𑌦𑍇॒𑌵𑌾𑌨𑌾᳚-𑌮𑍍𑌪𑌦॒𑌵𑍀𑌃 𑌕॑𑌵𑍀॒𑌨𑌾-𑌮𑍃𑌷𑌿॒-𑌰𑍍𑌵𑌿𑌪𑍍𑌰𑌾॑𑌣𑌾-𑌮𑍍𑌮𑌹𑌿॒𑌷𑍋 𑌮𑍃॒𑌗𑌾𑌣𑌾᳚𑌮𑍍 ।
𑌶𑍍𑌯𑍇॒𑌨𑍋 𑌗𑍃𑌦𑍍𑌧𑍍𑌰𑌾॑𑌣𑌾॒𑌗𑍍॒ 𑌸𑍍𑌵𑌧𑌿॑𑌤𑌿॒-𑌰𑍍𑌵𑌨𑌾॑𑌨𑌾॒𑌗𑍍​𑌮𑍍॒ 𑌸𑍋𑌮𑌃॑ 𑌪॒𑌵𑌿𑌤𑍍𑌰॒-𑌮𑌤𑍍𑌯𑍇॑𑌤𑌿॒ 𑌰𑍇𑌭𑌨𑍍𑌨𑍍॑ ॥
𑌹॒𑌗𑍍​𑌮𑍍॒𑌸-𑌶𑍍𑌶𑍁॑𑌚𑌿॒𑌷-𑌦𑍍𑌵𑌸𑍁॑𑌰𑌨𑍍𑌤𑌰𑌿𑌕𑍍𑌷॒ 𑌸𑌦𑍍𑌧𑍋𑌤𑌾॑- 𑌵𑍇𑌦𑌿॒𑌷-𑌦𑌤𑌿॑𑌥𑌿-𑌰𑍍𑌦𑍁𑌰𑍋𑌣॒𑌸𑌤𑍍 ।
𑌨𑍃॒𑌷𑌦𑍍𑌵॑𑌰॒-𑌸𑌦𑍃॑𑌤॒-𑌸-𑌦𑍍𑌵𑍍𑌯𑍋॑𑌮॒-𑌸𑌦॒𑌬𑍍𑌜𑌾- 𑌗𑍋॒𑌜𑌾 𑌋॑𑌤॒𑌜𑌾 𑌅॑𑌦𑍍𑌰𑌿॒𑌜𑌾 𑌋॒𑌤-𑌮𑍍𑌬𑍃॒𑌹𑌤𑍍 ॥ 𑌋॒𑌚𑍇𑌤𑍍𑌵𑌾॑ 𑌰𑍁॒𑌚𑍇𑌤𑍍𑌵𑌾॒ 𑌸𑌮𑌿-𑌥𑍍𑌸𑍍𑌰॑𑌵𑌨𑍍𑌤𑌿 𑌸॒𑌰𑌿𑌤𑍋॒ 𑌨 𑌧𑍇𑌨𑌾𑌃᳚ ।
𑌅॒𑌨𑍍𑌤𑌰𑍍-𑌹𑍃॒𑌦𑌾 𑌮𑌨॑𑌸𑌾 𑌪𑍂॒𑌯𑌮𑌾॑𑌨𑌾𑌃 ।
𑌘𑍃॒𑌤𑌸𑍍𑌯॒ 𑌧𑌾𑌰𑌾॑ 𑌅॒𑌭𑌿𑌚𑌾॑𑌕𑌶𑍀𑌮𑌿 ।
𑌹𑌿॒𑌰॒𑌣𑍍𑌯𑌯𑍋॑ 𑌵𑍇𑌤॒𑌸𑍋 𑌮𑌦𑍍𑌧𑍍𑌯॑ 𑌆𑌸𑌾𑌮𑍍 ।
𑌤𑌸𑍍𑌮𑌿᳚𑌨𑍍-𑌥𑍍𑌸𑍁𑌪॒𑌰𑍍𑌣𑍋 𑌮॑𑌧𑍁॒𑌕𑍃-𑌤𑍍𑌕𑍁॑𑌲𑌾॒𑌯𑍀 𑌭𑌜॑𑌨𑍍𑌨𑌾𑌸𑍍𑌤𑍇॒ 𑌮𑌧𑍁॑ 𑌦𑍇॒𑌵𑌤𑌾᳚𑌭𑍍𑌯𑌃 ।
𑌤𑌸𑍍𑌯𑌾॑ 𑌸𑌤𑍇॒ 𑌹𑌰॑𑌯-𑌸𑍍𑌸॒𑌪𑍍𑌤𑌤𑍀𑌰𑍇᳚ 𑌸𑍍𑌵॒𑌧𑌾-𑌨𑍍𑌦𑍁𑌹𑌾॑𑌨𑌾 𑌅॒𑌮𑍃𑌤॑𑌸𑍍𑌯॒ 𑌧𑌾𑌰𑌾᳚𑌮𑍍 । 𑌯 𑌇॒𑌦-𑌨𑍍𑌤𑍍𑌰𑌿𑌸𑍁॑𑌪𑌰𑍍𑌣॒-𑌮𑌯𑌾॑𑌚𑌿𑌤-𑌮𑍍𑌬𑍍𑌰𑌾𑌹𑍍𑌮॒𑌣𑌾𑌯॑ 𑌦𑌦𑍍𑌯𑌾𑌤𑍍 । 𑌵𑍀॒𑌰॒𑌹॒𑌤𑍍𑌯𑌾𑌂-𑌵𑌾𑌁 𑌏॒𑌤𑍇 𑌘𑍍𑌨॑𑌨𑍍𑌤𑌿 । 𑌯𑍇 𑌬𑍍𑌰𑌾᳚𑌹𑍍𑌮॒𑌣𑌾-𑌸𑍍𑌤𑍍𑌰𑌿𑌸𑍁॑𑌪𑌰𑍍𑌣॒-𑌮𑍍𑌪𑌠॑𑌨𑍍𑌤𑌿 ।
𑌤𑍇 𑌸𑍋𑌮॒-𑌮𑍍𑌪𑍍𑌰𑌾𑌪𑍍𑌨𑍁॑𑌵𑌨𑍍𑌤𑌿 । 𑌆॒𑌸॒𑌹॒𑌸𑍍𑌰𑌾-𑌤𑍍𑌪॒𑌙𑍍𑌕𑍍𑌤𑌿-𑌮𑍍𑌪𑍁𑌨॑𑌨𑍍𑌤𑌿 । 𑌓𑌮𑍍 ॥ 5𑍮 ॥

𑌅𑌨𑍁𑌵𑌾𑌕𑌂 41
𑌮𑍇॒𑌧𑌾𑌦𑍇॒𑌵𑍀 𑌜𑍁॒𑌷𑌮𑌾॑𑌣𑌾 𑌨॒ 𑌆𑌗𑌾᳚-𑌦𑍍𑌵𑌿॒𑌶𑍍𑌵𑌾𑌚𑍀॑ 𑌭॒𑌦𑍍𑌰𑌾 𑌸𑍁॑𑌮𑌨॒𑌸𑍍𑌯 𑌮𑌾॑𑌨𑌾 । 𑌤𑍍𑌵𑌯𑌾॒ 𑌜𑍁𑌷𑍍𑌟𑌾॑ 𑌨𑍁॒𑌦𑌮𑌾॑𑌨𑌾 𑌦𑍁॒𑌰𑍁𑌕𑍍𑌤𑌾᳚-𑌨𑍍𑌬𑍃॒𑌹𑌦𑍍𑌵॑𑌦𑍇𑌮 𑌵𑌿॒𑌦𑌥𑍇॑ 𑌸𑍁॒𑌵𑍀𑌰𑌾𑌃᳚ ॥
𑌤𑍍𑌵𑌯𑌾॒ 𑌜𑍁𑌷𑍍𑌟॑ 𑌋॒𑌷𑌿-𑌰𑍍𑌭॑𑌵𑌤𑌿 𑌦𑍇𑌵𑌿॒ 𑌤𑍍𑌵𑌯𑌾॒ 𑌬𑍍𑌰𑌹𑍍𑌮𑌾॑-𑌽𑌽𑌗॒𑌤𑌶𑍍𑌰𑍀॑ 𑌰𑍁॒𑌤 𑌤𑍍𑌵𑌯𑌾᳚ । 𑌤𑍍𑌵𑌯𑌾॒ 𑌜𑍁𑌷𑍍𑌟॑𑌶𑍍𑌚𑌿॒𑌤𑍍𑌰𑌂-𑌵𑌿𑌁॑𑌨𑍍𑌦𑌤𑍇 𑌵𑌸𑍁॒ 𑌸𑌾 𑌨𑍋॑ 𑌜𑍁𑌷𑌸𑍍𑌵॒ 𑌦𑍍𑌰𑌵𑌿॑𑌣𑍋 𑌨𑌮𑍇𑌧𑍇 ॥ 5𑍯 ॥

𑌅𑌨𑍁𑌵𑌾𑌕𑌂 42
𑌮𑍇॒𑌧𑌾-𑌮𑍍𑌮॒ 𑌇𑌨𑍍𑌦𑍍𑌰𑍋॑ 𑌦𑌦𑌾𑌤𑍁 𑌮𑍇॒𑌧𑌾-𑌨𑍍𑌦𑍇॒𑌵𑍀 𑌸𑌰॑𑌸𑍍𑌵𑌤𑍀 ।
𑌮𑍇॒𑌧𑌾-𑌮𑍍𑌮𑍇॑ 𑌅॒𑌶𑍍𑌵𑌿𑌨𑌾॑-𑌵𑍁॒𑌭𑌾𑌵𑌾𑌧॑𑌤𑍍𑌤𑌾॒-𑌮𑍍𑌪𑍁𑌷𑍍𑌕॑𑌰𑌸𑍍𑌰𑌜𑌾 ॥ 𑌅॒𑌫𑍍𑌸॒𑌰𑌾𑌸𑍁॑ 𑌚॒ 𑌯𑌾 𑌮𑍇॒𑌧𑌾 𑌗॑𑌨𑍍𑌧॒𑌰𑍍𑌵𑍇𑌷𑍁॑ 𑌚॒ 𑌯𑌨𑍍𑌮𑌨𑌃॑ ।
𑌦𑍈𑌵𑍀᳚-𑌮𑍍𑌮𑍇॒𑌧𑌾 𑌸𑌰॑𑌸𑍍𑌵𑌤𑍀॒ 𑌸𑌾 𑌮𑌾᳚-𑌮𑍍𑌮𑍇॒𑌧𑌾 𑌸𑍁॒𑌰𑌭𑌿॑-𑌰𑍍𑌜𑍁𑌷𑌤𑌾॒𑌗𑍍॒ 𑌸𑍍𑌵𑌾𑌹𑌾᳚ ॥ 60 ॥

𑌅𑌨𑍁𑌵𑌾𑌕𑌂 43
𑌆𑌮𑌾᳚-𑌮𑍍𑌮𑍇॒𑌧𑌾 𑌸𑍁॒𑌰𑌭𑌿॑-𑌰𑍍𑌵𑌿॒𑌶𑍍𑌵𑌰𑍂॑𑌪𑌾॒ 𑌹𑌿𑌰॑𑌣𑍍𑌯𑌵𑌰𑍍𑌣𑌾॒ 𑌜𑌗॑𑌤𑍀 𑌜𑌗॒𑌮𑍍𑌯𑌾 । 𑌊𑌰𑍍𑌜॑𑌸𑍍𑌵𑌤𑍀॒ 𑌪𑌯॑𑌸𑌾॒ 𑌪𑌿𑌨𑍍𑌵॑𑌮𑌾𑌨𑌾॒ 𑌸𑌾 𑌮𑌾᳚-𑌮𑍍𑌮𑍇॒𑌧𑌾 𑌸𑍁॒𑌪𑍍𑌰𑌤𑍀॑𑌕𑌾 𑌜𑍁𑌷𑌨𑍍𑌤𑌾𑌮𑍍 ॥ 61 ॥

𑌅𑌨𑍁𑌵𑌾𑌕𑌂 44
𑌮𑌯𑌿॑ 𑌮𑍇॒𑌧𑌾-𑌮𑍍𑌮𑌯𑌿॑ 𑌪𑍍𑌰॒𑌜𑌾-𑌮𑍍𑌮𑌯𑍍𑌯॒𑌗𑍍𑌨𑌿𑌸𑍍𑌤𑍇𑌜𑍋॑ 𑌦𑌧𑌾𑌤𑍁॒ 𑌮𑌯𑌿॑ 𑌮𑍇॒𑌧𑌾-𑌮𑍍𑌮𑌯𑌿॑ 𑌪𑍍𑌰॒𑌜𑌾-𑌮𑍍𑌮𑌯𑍀𑌨𑍍𑌦𑍍𑌰॑ 𑌇𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾𑌤𑍁॒ 𑌮𑌯𑌿॑ 𑌮𑍇॒𑌧𑌾-𑌮𑍍𑌮𑌯𑌿॑ 𑌪𑍍𑌰॒𑌜𑌾-𑌮𑍍𑌮𑌯𑌿॒ 𑌸𑍂𑌰𑍍𑌯𑍋॒ 𑌭𑍍𑌰𑌾𑌜𑍋॑ 𑌦𑌧𑌾𑌤𑍁 ॥ 62 ॥

𑌅𑌨𑍁𑌵𑌾𑌕𑌂 45
𑌅𑌪𑍈॑𑌤𑍁 𑌮𑍃॒𑌤𑍍𑌯𑍁-𑌰॒𑌮𑍃𑌤॑𑌨𑍍𑌨॒ 𑌆𑌗॑𑌨𑍍 𑌵𑍈𑌵𑌸𑍍𑌵॒𑌤𑍋 𑌨𑍋॒ 𑌅𑌭॑𑌯𑌙𑍍𑌕𑍃𑌣𑍋𑌤𑍁 । 𑌪॒𑌰𑍍𑌣𑌂-𑌵𑌁𑌨॒𑌸𑍍𑌪𑌤𑍇॑ 𑌰𑌿𑌵𑌾॒𑌭𑌿𑌨॑-𑌶𑍍𑌶𑍀𑌯𑌤𑌾𑌗𑍍​𑌮𑍍 𑌰॒𑌯𑌿-𑌸𑍍𑌸𑌚॑𑌤𑌾𑌨𑍍𑌨॒-𑌶𑍍𑌶𑌚𑍀॒𑌪𑌤𑌿𑌃॑ ॥ 63 ॥

𑌅𑌨𑍁𑌵𑌾𑌕𑌂 46
𑌪𑌰॑-𑌮𑍍𑌮𑍃𑌤𑍍𑌯𑍋॒ 𑌅𑌨𑍁॒ 𑌪𑌰𑍇॑𑌹𑌿॒ 𑌪𑌨𑍍𑌥𑌾𑌂॒-𑌯𑌁𑌸𑍍𑌤𑍇॒𑌸𑍍𑌵 𑌇𑌤॑𑌰𑍋 𑌦𑍇𑌵॒𑌯𑌾𑌨𑌾᳚𑌤𑍍 । 𑌚𑌕𑍍𑌷𑍁॑𑌷𑍍𑌮𑌤𑍇 𑌶𑍃𑌣𑍍𑌵॒𑌤𑍇 𑌤𑍇᳚ 𑌬𑍍𑌰𑌵𑍀𑌮𑌿॒ 𑌮𑌾𑌨𑌃॑ 𑌪𑍍𑌰॒𑌜𑌾𑌗𑍍​𑌮𑍍 𑌰𑍀॑𑌰𑌿𑌷𑍋॒ 𑌮𑍋𑌤 𑌵𑍀॒𑌰𑌾𑌨𑍍 ॥ 64 ॥

𑌅𑌨𑍁𑌵𑌾𑌕𑌂 4𑍭
𑌵𑌾𑌤॑-𑌮𑍍𑌪𑍍𑌰𑌾॒𑌣-𑌮𑍍𑌮𑌨॑𑌸𑌾॒ 𑌨𑍍𑌵𑌾𑌰॑𑌭𑌾𑌮𑌹𑍇 𑌪𑍍𑌰॒𑌜𑌾𑌪॑𑌤𑌿𑌂॒-𑌯𑍋𑌁 𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌃 । 𑌸𑌨𑍋॑ 𑌮𑍃॒𑌤𑍍𑌯𑍋 𑌸𑍍𑌤𑍍𑌰𑌾॑𑌯𑌤𑌾॒-𑌮𑍍𑌪𑌾𑌤𑍍𑌵𑌗𑍍​𑌮𑍍𑌹॑𑌸𑍋॒ 𑌜𑍍𑌯𑍋𑌗𑍍 𑌜𑍀॒𑌵𑌾 𑌜॒𑌰𑌾𑌮॑𑌶𑍀𑌮𑌹𑌿 ॥ 65 ॥
𑌅𑌨𑍁𑌵𑌾𑌕𑌂 4𑍮
𑌅॒𑌮𑍁॒𑌤𑍍𑌰॒ 𑌭𑍂𑌯𑌾॒𑌦𑌧॒ 𑌯𑌦𑍍𑌯॒𑌮𑌸𑍍𑌯॒ 𑌬𑍃𑌹॑𑌸𑍍𑌪𑌤𑍇 𑌅॒𑌭𑌿𑌶॑𑌸𑍍𑌤𑍇॒𑌰 𑌮𑍁॑𑌞𑍍𑌚𑌃 । 𑌪𑍍𑌰𑌤𑍍𑌯𑍌॑𑌹𑌤𑌾 𑌮॒𑌶𑍍𑌵𑌿𑌨𑌾॑ 𑌮𑍃॒𑌤𑍍𑌯𑍁 𑌮॑𑌸𑍍𑌮𑌾-𑌦𑍍𑌦𑍇॒𑌵𑌾𑌨𑌾॑𑌮𑌗𑍍𑌨𑍇 𑌭𑌿॒𑌷𑌜𑌾॒ 𑌶𑌚𑍀॑𑌭𑌿𑌃 ॥ 66 ॥

𑌅𑌨𑍁𑌵𑌾𑌕𑌂 4𑍯
𑌹𑌰𑌿॒𑌗𑍍​𑌮𑍍॒ 𑌹𑌰॑𑌨𑍍𑌤॒- 𑌮𑌨𑍁॑𑌯𑌨𑍍𑌤𑌿 𑌦𑍇॒𑌵𑌾 𑌵𑌿𑌶𑍍𑌵॒𑌸𑍍𑌯𑍇𑌶𑌾॑𑌨𑌂-𑌵𑍃𑌁𑌷॒𑌭-𑌮𑍍𑌮॑𑌤𑍀॒𑌨𑌾𑌮𑍍 । 𑌬𑍍𑌰𑌹𑍍𑌮॒ 𑌸𑌰𑍂॑𑌪॒-𑌮𑌨𑍁॑𑌮𑍇॒𑌦𑌮𑌾॑𑌗𑌾॒-𑌦𑌯॑𑌨॒-𑌮𑍍𑌮𑌾 𑌵𑌿𑌵॑𑌧𑍀॒-𑌰𑍍𑌵𑌿𑌕𑍍𑌰॑𑌮𑌸𑍍𑌵 ॥ 6𑍭 ॥

𑌅𑌨𑍁𑌵𑌾𑌕𑌂 50
𑌶𑌲𑍍𑌕𑍈॑𑌰॒𑌗𑍍𑌨𑌿-𑌮𑌿॑𑌨𑍍𑌧𑌾॒𑌨 𑌉॒𑌭𑍌 𑌲𑍋॒𑌕𑍌 𑌸॑𑌨𑍇𑌮॒𑌹𑌮𑍍 ।
𑌉॒𑌭𑌯𑍋᳚ 𑌰𑍍𑌲𑍋॒𑌕𑌯𑌾॑𑌰𑍍-𑌋॒𑌧𑍍𑌦𑍍𑌵𑌾-𑌽𑌤𑌿॑ 𑌮𑍃॒𑌤𑍍𑌯𑍁-𑌨𑍍𑌤॑𑌰𑌾𑌮𑍍𑌯॒𑌹𑌮𑍍 ॥ 6𑍮 ॥

𑌅𑌨𑍁𑌵𑌾𑌕𑌂 51
𑌮𑌾 𑌛𑌿॑𑌦𑍋 𑌮𑍃𑌤𑍍𑌯𑍋॒ 𑌮𑌾 𑌵॑𑌧𑍀॒𑌰𑍍𑌮𑌾 𑌮𑍇॒ 𑌬𑌲𑌂॒-𑌵𑌿𑌁𑌵𑍃॑𑌹𑍋॒ 𑌮𑌾 𑌪𑍍𑌰𑌮𑍋॑𑌷𑍀𑌃 । 𑌪𑍍𑌰॒𑌜𑌾-𑌮𑍍𑌮𑌾 𑌮𑍇॑ 𑌰𑍀𑌰𑌿𑌷॒ 𑌆𑌯𑍁॑𑌰𑍁𑌗𑍍𑌰 𑌨𑍃॒𑌚𑌕𑍍𑌷॑𑌸-𑌨𑍍𑌤𑍍𑌵𑌾 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 6𑍯 ॥

𑌅𑌨𑍁𑌵𑌾𑌕𑌂 52
𑌮𑌾 𑌨𑍋॑ 𑌮॒𑌹𑌾𑌨𑍍𑌤॑𑌮𑍁॒𑌤 𑌮𑌾 𑌨𑍋॑ 𑌅𑌰𑍍𑌭॒𑌕-𑌮𑍍𑌮𑌾 𑌨॒ 𑌉𑌕𑍍𑌷॑𑌨𑍍𑌤𑌮𑍁॒𑌤 𑌮𑌾 𑌨॑ 𑌉𑌕𑍍𑌷𑌿॒𑌤𑌮𑍍 ।
𑌮𑌾 𑌨𑍋॑ 𑌵𑌧𑍀𑌃 𑌪𑌿॒𑌤𑌰॒-𑌮𑍍𑌮𑍋𑌤 𑌮𑌾॒𑌤𑌰॑-𑌮𑍍𑌪𑍍𑌰𑌿॒𑌯𑌾 𑌮𑌾 𑌨॑𑌸𑍍𑌤॒𑌨𑍁𑌵𑍋॑ 𑌰𑍁𑌦𑍍𑌰 𑌰𑍀𑌰𑌿𑌷𑌃 ॥ 𑍭0 ॥

𑌅𑌨𑍁𑌵𑌾𑌕𑌂 53
𑌮𑌾 𑌨॑𑌸𑍍𑌤𑍋॒𑌕𑍇 𑌤𑌨॑𑌯𑍇॒ 𑌮𑌾 𑌨॒ 𑌆𑌯𑍁॑𑌷𑌿॒ 𑌮𑌾 𑌨𑍋॒ 𑌗𑍋𑌷𑍁॒ 𑌮𑌾 𑌨𑍋॒ 𑌅𑌶𑍍𑌵𑍇॑𑌷𑍁 𑌰𑍀𑌰𑌿𑌷𑌃 । 𑌵𑍀॒𑌰𑌾𑌨𑍍𑌮𑌾 𑌨𑍋॑ 𑌰𑍁𑌦𑍍𑌰 𑌭𑌾𑌮𑌿॒𑌤𑍋𑌵॑𑌧𑍀𑌰𑍍-𑌹॒𑌵𑌿𑌷𑍍𑌮॑𑌨𑍍𑌤𑍋॒ 𑌨𑌮॑𑌸𑌾 𑌵𑌿𑌧𑍇𑌮 𑌤𑍇 ॥ 𑍭1 ॥

𑌅𑌨𑍁𑌵𑌾𑌕𑌂 54
𑌪𑍍𑌰𑌜𑌾॑𑌪𑌤𑍇॒ 𑌨 𑌤𑍍𑌵𑌦𑍇॒𑌤𑌾-𑌨𑍍𑌯॒𑌨𑍍𑌯𑍋 𑌵𑌿𑌶𑍍𑌵𑌾॑ 𑌜𑌾॒𑌤𑌾𑌨𑌿॒ 𑌪𑌰𑌿॒𑌤𑌾 𑌬॑𑌭𑍂𑌵 । 𑌯-𑌤𑍍𑌕𑌾॑𑌮𑌾𑌸𑍍𑌤𑍇 𑌜𑍁𑌹𑍁॒𑌮𑌸𑍍𑌤𑌨𑍍𑌨𑍋॑ 𑌅𑌸𑍍𑌤𑍁 𑌵॒𑌯𑌗𑍍𑌗𑍍​ 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ 𑍭2 ॥

𑌅𑌨𑍁𑌵𑌾𑌕𑌂 55
𑌸𑍍𑌵॒𑌸𑍍𑌤𑌿॒𑌦𑌾 𑌵𑌿॒𑌶𑌸𑍍𑌪𑌤𑌿॑-𑌰𑍍𑌵𑍃𑌤𑍍𑌰॒𑌹𑌾 𑌵𑌿𑌮𑍃𑌧𑍋॑ 𑌵॒𑌶𑍀 ।
𑌵𑍃𑌷𑍇𑌨𑍍𑌦𑍍𑌰𑌃॑ 𑌪𑍁॒𑌰 𑌏॑𑌤𑍁 𑌨𑌸𑍍𑌸𑍍𑌵𑌸𑍍𑌤𑌿॒𑌦𑌾 𑌅॑𑌭𑌯-𑌙𑍍𑌕॒𑌰𑌃 ॥ 𑍭3 ॥

𑌅𑌨𑍁𑌵𑌾𑌕𑌂 56
𑌤𑍍𑌰𑍍𑌯॑𑌮𑍍𑌬𑌕𑌂-𑌯𑌁𑌜𑌾𑌮𑌹𑍇 𑌸𑍁𑌗॒𑌨𑍍𑌧𑌿-𑌮𑍍𑌪𑍁॑𑌷𑍍𑌟𑌿॒𑌵𑌰𑍍𑌧॑𑌨𑌮𑍍 । 𑌉॒𑌰𑍍𑌵𑌾॒𑌰𑍁॒𑌕𑌮𑌿॑𑌵॒ 𑌬𑌨𑍍𑌧॑𑌨𑌾-𑌨𑍍𑌮𑍃॒𑌤𑍍𑌯𑍋-𑌰𑍍𑌮𑍁॑𑌕𑍍𑌷𑍀𑌯॒ 𑌮𑌾-𑌽𑌮𑍃𑌤𑌾᳚𑌤𑍍 ॥ 𑍭4 ॥

𑌅𑌨𑍁𑌵𑌾𑌕𑌂 5𑍭
𑌯𑍇 𑌤𑍇॑ 𑌸॒𑌹𑌸𑍍𑌰॑𑌮॒𑌯𑍁𑌤॒-𑌮𑍍𑌪𑌾𑌶𑌾॒ 𑌮𑍃𑌤𑍍𑌯𑍋॒ 𑌮𑌰𑍍𑌤𑍍𑌯𑌾॑𑌯॒ 𑌹𑌨𑍍𑌤॑𑌵𑍇 । 𑌤𑌾𑌨𑍍. 𑌯॒𑌜𑍍𑌞𑌸𑍍𑌯॑ 𑌮𑌾॒𑌯𑌯𑌾॒ 𑌸𑌰𑍍𑌵𑌾॒𑌨𑌵॑ 𑌯𑌜𑌾𑌮𑌹𑍇 ॥ 𑍭5 ॥

𑌅𑌨𑍁𑌵𑌾𑌕𑌂 5𑍮
𑌮𑍃॒𑌤𑍍𑌯𑌵𑍇॒ 𑌸𑍍𑌵𑌾𑌹𑌾॑ 𑌮𑍃॒𑌤𑍍𑌯𑌵𑍇॒ 𑌸𑍍𑌵𑌾𑌹𑌾᳚ ॥ 𑍭6 ॥

𑌅𑌨𑍁𑌵𑌾𑌕𑌂 5𑍯
𑌦𑍇॒𑌵𑌕𑍃॑𑌤॒𑌸𑍍𑌯𑍈𑌨॑𑌸𑍋-𑌽𑌵॒𑌯𑌜॑𑌨𑌮𑌸𑌿॒ 𑌸𑍍𑌵𑌾𑌹𑌾᳚ ।
𑌮॒𑌨𑍁॒𑌷𑍍𑌯॑𑌕𑍃𑌤॒𑌸𑍍𑌯𑍈𑌨॑𑌸𑍋 𑌽𑌵॒𑌯𑌜॑𑌨𑌮𑌸𑌿॒ 𑌸𑍍𑌵𑌾𑌹𑌾᳚ ।
𑌪𑌿॒𑌤𑍃𑌕𑍃॑𑌤॒𑌸𑍍𑌯𑍈𑌨॑𑌸𑍋 𑌽𑌵॒𑌯𑌜॑𑌨𑌮𑌸𑌿॒ 𑌸𑍍𑌵𑌾𑌹𑌾᳚ ।
𑌆॒𑌤𑍍𑌮𑌕𑍃॑𑌤॒𑌸𑍍𑌯𑍈𑌨॑𑌸𑍋 𑌽𑌵॒𑌯𑌜॑𑌨𑌮𑌸𑌿॒ 𑌸𑍍𑌵𑌾𑌹𑌾᳚ ।
𑌅॒𑌨𑍍𑌯𑌕𑍃॑𑌤॒𑌸𑍍𑌯𑍈𑌨॑𑌸𑍋 𑌽𑌵॒𑌯𑌜॑𑌨𑌮𑌸𑌿॒ 𑌸𑍍𑌵𑌾𑌹𑌾᳚ ।
𑌅॒𑌸𑍍𑌮𑌤𑍍𑌕𑍃॑𑌤॒𑌸𑍍𑌯𑍈𑌨॑𑌸𑍋 𑌽𑌵॒𑌯𑌜॑𑌨𑌮𑌸𑌿॒ 𑌸𑍍𑌵𑌾𑌹𑌾᳚ ।
𑌯𑌦𑍍𑌦𑌿॒𑌵𑌾 𑌚॒ 𑌨𑌕𑍍𑌤॒-𑌞𑍍𑌚𑍈𑌨॑𑌶𑍍𑌚𑌕𑍃॒𑌮 𑌤𑌸𑍍𑌯𑌾॑ 𑌵॒𑌯𑌜॑𑌨𑌮𑌸𑌿॒ 𑌸𑍍𑌵𑌾𑌹𑌾᳚ ।
𑌯-𑌥𑍍𑌸𑍍𑌵॒𑌪𑌨𑍍𑌤॑𑌶𑍍𑌚॒ 𑌜𑌾𑌗𑍍𑌰॑𑌤॒-𑌶𑍍𑌚𑍈𑌨॑𑌶𑍍𑌚-𑌕𑍃॒𑌮 𑌤𑌸𑍍𑌯𑌾॑ 𑌵॒𑌯𑌜॑𑌨𑌮𑌸𑌿॒ 𑌸𑍍𑌵𑌾𑌹𑌾᳚ ।
𑌯-𑌥𑍍𑌸𑍁॒𑌷𑍁𑌪𑍍𑌤॑𑌶𑍍𑌚॒ 𑌜𑌾𑌗𑍍𑌰॑𑌤॒-𑌶𑍍𑌚𑍈𑌨॑𑌶𑍍𑌚-𑌕𑍃॒𑌮 𑌤𑌸𑍍𑌯𑌾॑ 𑌵॒𑌯𑌜॑𑌨𑌮𑌸𑌿॒ 𑌸𑍍𑌵𑌾𑌹𑌾᳚ ।
𑌯-𑌦𑍍𑌵𑌿॒𑌦𑍍𑌵𑌾𑌗𑍍​𑌮𑍍𑌸॒𑌶𑍍𑌚𑌾 𑌵𑌿॑𑌦𑍍𑌵𑌾𑌗𑍍​𑌮𑍍𑌸॒𑌶𑍍𑌚𑍈𑌨॑𑌶𑍍𑌚-𑌕𑍃॒𑌮 𑌤𑌸𑍍𑌯𑌾॑ 𑌵॒𑌯𑌜॑𑌨𑌮𑌸𑌿॒ 𑌸𑍍𑌵𑌾𑌹𑌾᳚ ।
𑌏𑌨𑌸 𑌏𑌨𑌸𑍋 𑌵𑌯𑌜𑌨𑌮॑𑌸𑌿 𑌸𑍍𑌵𑌾॒𑌹𑌾 ॥ 𑍭𑍭 ॥

𑌅𑌨𑍁𑌵𑌾𑌕𑌂 60
𑌯𑌦𑍍𑌵𑍋॑ 𑌦𑍇𑌵𑌾𑌶𑍍𑌚𑌕𑍃॒𑌮 𑌜𑌿॒𑌹𑍍𑌵𑌯𑌾॑ 𑌗𑍁॒𑌰𑍁𑌮𑌨॑𑌸𑍋 𑌵𑌾॒ 𑌪𑍍𑌰𑌯𑍁॑𑌤𑍀 𑌦𑍇𑌵॒ 𑌹𑍇𑌡॑𑌨𑌮𑍍 ।
𑌅𑌰𑌾॑𑌵𑌾॒𑌯𑍋 𑌨𑍋॑ 𑌅॒𑌭𑌿𑌦𑍁॑𑌚𑍍𑌛𑍁𑌨𑌾॒𑌯𑌤𑍇॒ 𑌤𑌸𑍍𑌮𑌿॒-𑌨𑍍𑌤𑌦𑍇𑌨𑍋॑ 𑌵𑌸𑌵𑍋॒ 𑌨𑌿𑌧𑍇॑𑌤𑌨॒ 𑌸𑍍𑌵𑌾𑌹𑌾᳚ ॥ 𑍭𑍮 ॥

𑌅𑌨𑍁𑌵𑌾𑌕𑌂 61
𑌕𑌾𑌮𑍋-𑌽𑌕𑌾𑌰𑍍​𑌷𑍀᳚-𑌨𑍍𑌨𑌮𑍋॒ 𑌨𑌮𑌃 ।
𑌕𑌾𑌮𑍋-𑌽𑌕𑌾𑌰𑍍​𑌷𑍀-𑌤𑍍𑌕𑌾𑌮𑌃 𑌕𑌰𑍋𑌤𑌿 𑌨𑌾𑌹-𑌙𑍍𑌕𑌰𑍋𑌮𑌿
𑌕𑌾𑌮𑌃 𑌕𑌰𑍍𑌤𑌾 𑌨𑌾𑌹-𑌙𑍍𑌕𑌰𑍍𑌤𑌾 𑌕𑌾𑌮𑌃॑ 𑌕𑌾𑌰॒𑌯𑌿𑌤𑌾 𑌨𑌾𑌹॑-𑌙𑍍𑌕𑌾𑌰॒𑌯𑌿𑌤𑌾 𑌏𑌷 𑌤𑍇 𑌕𑌾𑌮 𑌕𑌾𑌮𑌾॑𑌯 𑌸𑍍𑌵𑌾॒𑌹𑌾 ॥ 𑍭𑍯 ॥

𑌅𑌨𑍁𑌵𑌾𑌕𑌂 62
𑌮𑌨𑍍𑌯𑍁𑌰𑌕𑌾𑌰𑍍​𑌷𑍀᳚-𑌨𑍍𑌨𑌮𑍋॒ 𑌨𑌮𑌃 ।
𑌮𑌨𑍍𑌯𑍁𑌰𑌕𑌾𑌰𑍍​𑌷𑍀-𑌨𑍍𑌮𑌨𑍍𑌯𑍁𑌃 𑌕𑌰𑍋𑌤𑌿 𑌨𑌾𑌹-𑌙𑍍𑌕𑌰𑍋𑌮𑌿 𑌮𑌨𑍍𑌯𑍁𑌃 𑌕𑌰𑍍𑌤𑌾 𑌨𑌾𑌹-𑌙𑍍𑌕𑌰𑍍𑌤𑌾 𑌮𑌨𑍍𑌯𑍁𑌃॑ 𑌕𑌾𑌰॒𑌯𑌿𑌤𑌾 𑌨𑌾𑌹॑-𑌙𑍍𑌕𑌾𑌰॒𑌯𑌿𑌤𑌾 𑌏𑌷 𑌤𑍇 𑌮𑌨𑍍𑌯𑍋 𑌮𑌨𑍍𑌯॑𑌵𑍇 𑌸𑍍𑌵𑌾॒𑌹𑌾 ॥ 𑍮0 ॥

𑌅𑌨𑍁𑌵𑌾𑌕𑌂 63
𑌤𑌿𑌲𑌾𑌞𑍍𑌜𑍁𑌹𑍋𑌮𑌿 𑌸𑌰𑌸𑌾𑌗𑍍​𑌮𑍍 𑌸𑌪𑌿𑌷𑍍𑌟𑌾-𑌨𑍍𑌗𑌨𑍍𑌧𑌾𑌰 𑌮𑌮 𑌚𑌿𑌤𑍍𑌤𑍇 𑌰𑌮॑𑌨𑍍𑌤𑍁 𑌸𑍍𑌵𑌾॒𑌹𑌾 ॥ 𑌗𑌾𑌵𑍋 𑌹𑌿𑌰𑌣𑍍𑌯-𑌨𑍍𑌧𑌨𑌮𑌨𑍍𑌨𑌪𑌾𑌨𑌗𑍍​𑌮𑍍 𑌸𑌰𑍍𑌵𑍇𑌷𑌾𑌗𑍍​ 𑌶𑍍𑌰𑌿॑𑌯𑍈 𑌸𑍍𑌵𑌾॒𑌹𑌾 ॥ 𑌶𑍍𑌰𑌿𑌯𑌞𑍍𑌚 𑌲𑌕𑍍𑌷𑍍𑌮𑌿𑌞𑍍𑌚 𑌪𑍁𑌷𑍍𑌟𑌿𑌞𑍍𑌚 𑌕𑍀𑌰𑍍𑌤𑌿॑-𑌞𑍍𑌚𑌾 𑌨𑍃॒𑌣𑍍𑌯𑌤𑌾𑌮𑍍 ।
𑌬𑍍𑌰𑌹𑍍𑌮𑌣𑍍𑌯-𑌮𑍍𑌬॑𑌹𑍁𑌪𑍁॒𑌤𑍍𑌰𑌤𑌾𑌮𑍍 । 𑌶𑍍𑌰𑌦𑍍𑌧𑌾𑌮𑍇𑌧𑍇 𑌪𑍍𑌰𑌜𑌾-𑌸𑍍𑌸𑌨𑍍𑌦𑌦𑌾॑𑌤𑍁 𑌸𑍍𑌵𑌾॒𑌹𑌾 ॥ 𑍮1 ॥

𑌅𑌨𑍁𑌵𑌾𑌕𑌂 64
𑌤𑌿𑌲𑌾𑌃 𑌕𑍃𑌷𑍍𑌣𑌾-𑌸𑍍𑌤𑌿॑𑌲𑌾-𑌶𑍍𑌶𑍍𑌵𑍇॒𑌤𑌾॒-𑌸𑍍𑌤𑌿𑌲𑌾-𑌸𑍍𑌸𑍌𑌮𑍍𑌯𑌾 𑌵॑𑌶𑌾𑌨𑍁॒𑌗𑌾𑌃 ।
𑌤𑌿𑌲𑌾𑌃 𑌪𑍁𑌨𑌨𑍍𑌤𑍁॑ 𑌮𑍇 𑌪𑌾॒𑌪𑌂॒-𑌯𑌁𑌤𑍍𑌕𑌿𑌞𑍍𑌚𑌿-𑌦𑍍𑌦𑍁𑌰𑌿𑌤-𑌮𑍍𑌮॑𑌯𑌿 𑌸𑍍𑌵𑌾॒𑌹𑌾 ॥ 𑌚𑍋𑌰॒𑌸𑍍𑌯𑌾𑌨𑍍𑌨-𑌨𑍍𑌨॑𑌵𑌶𑍍𑌰𑌾॒𑌦𑍍𑌧॒-𑌮𑍍𑌬𑍍𑌰॒𑌹𑍍𑌮॒𑌹𑌾 𑌗𑍁॑𑌰𑍁𑌤॒𑌲𑍍𑌪𑌗𑌃 । 𑌗𑍋𑌸𑍍𑌤𑍇𑌯𑌗𑍍​𑌮𑍍 𑌸॑𑌰𑌾𑌪𑌾॒𑌨॒-𑌮𑍍𑌭𑍍𑌰𑍂𑌣𑌹𑌤𑍍𑌯𑌾 𑌤𑌿𑌲𑌾 𑌶𑌾𑌨𑍍𑌤𑌿𑌗𑍍​𑌮𑍍 𑌶𑌮𑌯॑𑌨𑍍𑌤𑍁 𑌸𑍍𑌵𑌾॒𑌹𑌾 ॥
𑌶𑍍𑌰𑍀𑌶𑍍𑌚 𑌲𑌕𑍍𑌷𑍍𑌮𑍀𑌶𑍍𑌚 𑌪𑍁𑌷𑍍𑌟𑍀𑌶𑍍𑌚 𑌕𑍀𑌰𑍍𑌤𑌿॑-𑌞𑍍𑌚𑌾 𑌨𑍃॒𑌣𑍍𑌯𑌤𑌾𑌮𑍍 ।
𑌬𑍍𑌰𑌹𑍍𑌮𑌣𑍍𑌯-𑌮𑍍𑌬॑𑌹𑍁𑌪𑍁॒𑌤𑍍𑌰𑌤𑌾𑌮𑍍 ।
𑌶𑍍𑌰𑌦𑍍𑌧𑌾𑌮𑍇𑌧𑍇 𑌪𑍍𑌰𑌜𑍍𑌞𑌾𑌤𑍁 𑌜𑌾𑌤𑌵𑍇𑌦-𑌸𑍍𑌸𑌨𑍍𑌦𑌦𑌾॑𑌤𑍁 𑌸𑍍𑌵𑌾॒𑌹𑌾 ॥ 𑍮2 ॥

𑌅𑌨𑍁𑌵𑌾𑌕𑌂 65
𑌪𑍍𑌰𑌾𑌣𑌾𑌪𑌾𑌨-𑌵𑍍𑌯𑌾𑌨𑍋𑌦𑌾𑌨-𑌸𑌮𑌾𑌨𑌾 𑌮𑍇॑ 𑌶𑍁𑌦𑍍𑌧𑍍𑌯॒𑌨𑍍𑌤𑌾𑌂॒
𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥
𑌵𑌾𑌂-𑌮𑌨-𑌶𑍍𑌚𑌕𑍍𑌷𑍁𑌃-𑌶𑍍𑌰𑍋𑌤𑍍𑌰-𑌜𑌿𑌹𑍍𑌵𑌾-𑌘𑍍𑌰𑌾𑌣-𑌰𑍇𑌤𑍋-𑌬𑍁𑌦𑍍𑌧𑍍𑌯𑌾𑌕𑍂𑌤𑌿-𑌸𑍍𑌸𑌙𑍍𑌕𑌲𑍍𑌪𑌾 𑌮𑍇॑ 𑌶𑍁𑌦𑍍𑌧𑍍𑌯॒𑌨𑍍𑌤𑌾॒-𑌞𑍍𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥
𑌤𑍍𑌵𑌕𑍍-𑌚𑌰𑍍𑌮-𑌮𑌾𑌗𑍍​𑌮𑍍𑌸-𑌰𑍁𑌧𑌿𑌰-𑌮𑍇𑌦𑍋-𑌮𑌜𑍍𑌜𑌾-𑌸𑍍𑌨𑌾𑌯𑌵𑍋-𑌽𑌸𑍍𑌥𑍀𑌨𑌿
𑌮𑍇॑ 𑌶𑍁𑌦𑍍𑌧𑍍𑌯॒𑌨𑍍𑌤𑌾॒-𑌞𑍍𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥
𑌶𑌿𑌰𑌃 𑌪𑌾𑌣𑌿 𑌪𑌾𑌦 𑌪𑌾𑌰𑍍​𑌶𑍍𑌵 𑌪𑍃𑌷𑍍𑌠𑍋-𑌰𑍂𑌦𑌰-𑌜𑌙𑍍𑌘-𑌶𑌿𑌶𑍍𑌰𑍍𑌨𑍋𑌪𑌸𑍍𑌥 𑌪𑌾𑌯𑌵𑍋 𑌮𑍇॑ 𑌶𑍁𑌦𑍍𑌧𑍍𑌯॒𑌨𑍍𑌤𑌾॒-𑌞𑍍𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥
𑌉𑌤𑍍𑌤𑌿𑌷𑍍𑌠 𑌪𑍁𑌰𑍁𑌷 𑌹𑌰𑌿𑌤-𑌪𑌿𑌙𑍍𑌗𑌲 𑌲𑍋𑌹𑌿𑌤𑌾𑌕𑍍𑌷𑌿 𑌦𑍇𑌹𑌿 𑌦𑍇𑌹𑌿 𑌦𑌦𑌾𑌪𑌯𑌿𑌤𑌾 𑌮𑍇॑ 𑌶𑍁𑌦𑍍𑌧𑍍𑌯॒𑌨𑍍𑌤𑌾॒-𑌞𑍍𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥ 𑍮3 ॥

𑌅𑌨𑍁𑌵𑌾𑌕𑌂 66
𑌪𑍃𑌥𑌿𑌵𑍍𑌯𑌾𑌪 𑌸𑍍𑌤𑍇𑌜𑍋 𑌵𑌾𑌯𑍁-𑌰𑌾𑌕𑌾𑌶𑌾 𑌮𑍇॑ 𑌶𑍁𑌦𑍍𑌧𑍍𑌯॒𑌨𑍍𑌤𑌾𑌂॒
𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥
𑌶𑌬𑍍𑌦-𑌸𑍍𑌪𑌰𑍍​𑌶-𑌰𑍂𑌪𑌰𑌸-𑌗𑌨𑍍𑌧𑌾 𑌮𑍇॑ 𑌶𑍁𑌦𑍍𑌧𑍍𑌯॒𑌨𑍍𑌤𑌾𑌂॒
𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥
𑌮𑌨𑍋-𑌵𑌾𑌕𑍍-𑌕𑌾𑌯-𑌕𑌰𑍍𑌮𑌾𑌣𑌿 𑌮𑍇॑ 𑌶𑍁𑌦𑍍𑌧𑍍𑌯॒𑌨𑍍𑌤𑌾𑌂॒
𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥
𑌅𑌵𑍍𑌯𑌕𑍍𑌤𑌭𑌾𑌵𑍈-𑌰॑𑌹𑌙𑍍𑌕𑌾॒𑌰॒-𑌰𑍍𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥
𑌆𑌤𑍍𑌮𑌾 𑌮𑍇॑ 𑌶𑍁𑌦𑍍𑌧𑍍𑌯॒𑌨𑍍𑌤𑌾॒-𑌞𑍍𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥
𑌅𑌨𑍍𑌤𑌰𑌾𑌤𑍍𑌮𑌾 𑌮𑍇॑ 𑌶𑍁𑌦𑍍𑌧𑍍𑌯॒𑌨𑍍𑌤𑌾॒-𑌞𑍍𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥
𑌪𑌰𑌮𑌾𑌤𑍍𑌮𑌾 𑌮𑍇॑ 𑌶𑍁𑌦𑍍𑌧𑍍𑌯॒𑌨𑍍𑌤𑌾॒-𑌞𑍍𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥
𑌕𑍍𑌷𑍁॒𑌧𑍇 𑌸𑍍𑌵𑌾𑌹𑌾᳚ ॥ 𑌕𑍍𑌷𑍁𑌤𑍍𑌪𑌿॑𑌪𑌾𑌸𑌾𑌯॒ 𑌸𑍍𑌵𑌾𑌹𑌾᳚ ॥
𑌵𑌿𑌵𑌿॑𑌟𑍍𑌯𑍈॒ 𑌸𑍍𑌵𑌾𑌹𑌾᳚ ॥ 𑌋𑌗𑍍𑌵𑌿॑𑌧𑌾𑌨𑌾𑌯॒ 𑌸𑍍𑌵𑌾𑌹𑌾᳚ ॥ 𑌕॒𑌷𑍋᳚𑌤𑍍𑌕𑌾𑌯॒ 𑌸𑍍𑌵𑌾𑌹𑌾᳚ ॥
𑌕𑍍𑌷𑍁॒𑌤𑍍𑌪𑌿॒𑌪𑌾॒𑌸𑌾𑌮॑𑌲-𑌞𑍍𑌜𑍍𑌯𑍇॒𑌷𑍍𑌠𑌾॒𑌮॒𑌲॒𑌕𑍍𑌷𑍍𑌮𑍀-𑌰𑍍𑌨𑌾॑𑌶𑌯𑌾॒𑌮𑍍𑌯𑌹𑌮𑍍 ।
𑌅𑌭𑍂॑𑌤𑌿॒-𑌮𑌸॑𑌮𑍃𑌦𑍍𑌧𑌿॒𑌞𑍍𑌚॒ 𑌸𑌰𑍍𑌵𑌾𑌂 (𑌸𑌰𑍍𑌵𑌾) 𑌨𑌿𑌰𑍍𑌣𑍁𑌦 𑌮𑍇 𑌪𑌾𑌪𑍍𑌮𑌾॑𑌨𑌗𑍍𑌗𑍍​ 𑌸𑍍𑌵𑌾॒𑌹𑌾 ॥
𑌅𑌨𑍍𑌨𑌮𑌯-𑌪𑍍𑌰𑌾𑌣𑌮𑌯-𑌮𑌨𑍋𑌮𑌯-𑌵𑌿𑌜𑍍𑌞𑌾𑌨𑌮𑌯-𑌮𑌾𑌨𑌨𑍍𑌦𑌮𑌯-𑌮𑌾𑌤𑍍𑌮𑌾 𑌮𑍇॑ 𑌶𑍁𑌦𑍍𑌧𑍍𑌯॒𑌨𑍍𑌤𑌾॒-𑌞𑍍𑌜𑍍𑌯𑍋𑌤𑌿॑ 𑌰॒𑌹𑌂-𑌵𑌿𑌁॒𑌰𑌜𑌾॑ 𑌵𑌿𑌪𑌾॒𑌪𑍍𑌮𑌾 𑌭𑍂॑𑌯𑌾𑌸॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ ॥ 𑍮4 ॥

𑌅𑌨𑍁𑌵𑌾𑌕𑌂 6𑍭
𑌅॒𑌗𑍍𑌨𑌯𑍇॒ 𑌸𑍍𑌵𑌾𑌹𑌾᳚ । 𑌵𑌿𑌶𑍍𑌵𑍇᳚𑌭𑍍𑌯𑍋 𑌦𑍇॒𑌵𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ । 𑌧𑍍𑌰𑍁॒𑌵𑌾𑌯॑ 𑌭𑍂॒𑌮𑌾𑌯॒ 𑌸𑍍𑌵𑌾𑌹𑌾᳚ । 𑌧𑍍𑌰𑍁॒𑌵॒𑌕𑍍𑌷𑌿𑌤॑𑌯𑍇॒ 𑌸𑍍𑌵𑌾𑌹𑌾᳚ । 𑌅॒𑌚𑍍𑌯𑍁॒𑌤॒𑌕𑍍𑌷𑌿𑌤॑𑌯𑍇॒ 𑌸𑍍𑌵𑌾𑌹𑌾᳚ । 𑌅॒𑌗𑍍𑌨𑌯𑍇᳚ 𑌸𑍍𑌵𑌿𑌷𑍍𑌟॒𑌕𑍃𑌤𑍇॒ 𑌸𑍍𑌵𑌾𑌹𑌾᳚ ॥ 𑌧𑌰𑍍𑌮𑌾॑𑌯॒ 𑌸𑍍𑌵𑌾𑌹𑌾᳚ । 𑌅𑌧॑𑌰𑍍𑌮𑌾𑌯॒ 𑌸𑍍𑌵𑌾𑌹𑌾᳚ । 𑌅॒𑌦𑍍𑌭𑍍𑌯-𑌸𑍍𑌸𑍍𑌵𑌾𑌹𑌾᳚ । 𑌓॒𑌷॒𑌧𑌿॒𑌵॒𑌨॒𑌸𑍍𑌪॒𑌤𑌿𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ ॥ 𑍮5 ॥

𑌰॒𑌕𑍍𑌷𑍋॒𑌦𑍇॒𑌵॒𑌜॒𑌨𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ ।
𑌗𑍃𑌹𑍍𑌯𑌾᳚𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ । 𑌅॒𑌵॒𑌸𑌾𑌨𑍇᳚𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ । 𑌅॒𑌵॒𑌸𑌾𑌨॑𑌪𑌤𑌿𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ ।
𑌸॒𑌰𑍍𑌵॒𑌭𑍂॒𑌤𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ । 𑌕𑌾𑌮𑌾॑𑌯॒ 𑌸𑍍𑌵𑌾𑌹𑌾᳚ । 𑌅॒𑌨𑍍𑌤𑌰𑌿॑𑌕𑍍𑌷𑌾𑌯॒ 𑌸𑍍𑌵𑌾𑌹𑌾᳚ । 𑌯𑌦𑍇𑌜॑𑌤𑌿॒ 𑌜𑌗॑𑌤𑌿॒ 𑌯𑌚𑍍𑌚॒ 𑌚𑍇𑌷𑍍𑌟॑𑌤𑌿॒ 𑌨𑌾𑌮𑍍𑌨𑍋॑ 𑌭𑌾॒𑌗𑍋-𑌽𑌯-𑌨𑍍𑌨𑌾𑌮𑍍𑌨𑍇॒ 𑌸𑍍𑌵𑌾𑌹𑌾᳚ ।
𑌪𑍃॒𑌥𑌿॒𑌵𑍍𑌯𑍈 𑌸𑍍𑌵𑌾𑌹𑌾᳚ । 𑌅॒𑌨𑍍𑌤𑌰𑌿॑𑌕𑍍𑌷𑌾𑌯॒ 𑌸𑍍𑌵𑌾𑌹𑌾᳚ ॥ 𑍮6 ॥

𑌦𑌿॒𑌵𑍇 𑌸𑍍𑌵𑌾𑌹𑌾᳚ । 𑌸𑍂𑌰𑍍𑌯𑌾॑𑌯॒ 𑌸𑍍𑌵𑌾𑌹𑌾᳚ । 𑌚॒𑌨𑍍𑌦𑍍𑌰𑌮॑𑌸𑍇॒ 𑌸𑍍𑌵𑌾𑌹𑌾᳚ । 𑌨𑌕𑍍𑌷॑𑌤𑍍𑌰𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ । 𑌇𑌨𑍍𑌦𑍍𑌰𑌾॑𑌯॒ 𑌸𑍍𑌵𑌾𑌹𑌾᳚ । 𑌬𑍃𑌹॒𑌸𑍍𑌪𑌤॑𑌯𑍇॒ 𑌸𑍍𑌵𑌾𑌹𑌾᳚ । 𑌪𑍍𑌰॒𑌜𑌾𑌪॑𑌤𑌯𑍇॒ 𑌸𑍍𑌵𑌾𑌹𑌾᳚ ।
𑌬𑍍𑌰𑌹𑍍𑌮॑𑌣𑍇॒ 𑌸𑍍𑌵𑌾𑌹𑌾᳚ । 𑌸𑍍𑌵॒𑌧𑌾 𑌪𑌿॒𑌤𑍃𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ ।
𑌨𑌮𑍋॑ 𑌰𑍁॒𑌦𑍍𑌰𑌾𑌯॑ 𑌪𑌶𑍁॒𑌪𑌤॑𑌯𑍇॒ 𑌸𑍍𑌵𑌾𑌹𑌾᳚ ॥ 𑍮𑍭 ॥

𑌦𑍇॒𑌵𑍇𑌭𑍍𑌯॒-𑌸𑍍𑌸𑍍𑌵𑌾𑌹𑌾᳚ । 𑌪𑌿॒𑌤𑍃𑌭𑍍𑌯॑-𑌸𑍍𑌸𑍍𑌵॒𑌧𑌾-𑌽𑌸𑍍𑌤𑍁॑ । 𑌭𑍂॒𑌤𑍇𑌭𑍍𑌯𑍋॒ 𑌨𑌮𑌃॑ । 𑌮॒𑌨𑍁॒𑌷𑍍𑌯𑍇᳚𑌭𑍍𑌯𑍋॒ 𑌹𑌨𑍍𑌤𑌾᳚ । 𑌪𑍍𑌰॒𑌜𑌾𑌪॑𑌤𑌯𑍇॒ 𑌸𑍍𑌵𑌾𑌹𑌾᳚ । 𑌪॒𑌰॒𑌮𑍇॒𑌷𑍍𑌠𑌿𑌨𑍇॒ 𑌸𑍍𑌵𑌾𑌹𑌾᳚ ॥
𑌯𑌥𑌾 𑌕𑍂॑𑌪-𑌶𑍍𑌶॒𑌤𑌧𑌾॑𑌰-𑌸𑍍𑌸॒𑌹𑌸𑍍𑌰॑𑌧𑌾𑌰𑍋॒ 𑌅𑌕𑍍𑌷𑌿॑𑌤𑌃 ।
𑌏॒𑌵𑌾 𑌮𑍇॑ 𑌅𑌸𑍍𑌤𑍁 𑌧𑌾॒𑌨𑍍𑌯𑌗𑍍​𑌮𑍍 𑌸॒𑌹𑌸𑍍𑌰॑𑌧𑌾𑌰॒-𑌮𑌕𑍍𑌷𑌿॑𑌤𑌮𑍍 । 𑌧𑌨॑𑌧𑌾𑌨𑍍𑌯𑍈॒ 𑌸𑍍𑌵𑌾𑌹𑌾᳚ ॥
𑌯𑍇 𑌭𑍂॒𑌤𑌾𑌃 𑌪𑍍𑌰॒𑌚𑌰॑𑌨𑍍𑌤𑌿॒ 𑌦𑌿𑌵𑌾॒𑌨𑌕𑍍𑌤॒-𑌮𑍍𑌬𑌲𑌿॑-𑌮𑌿॒𑌚𑍍𑌛𑌨𑍍𑌤𑍋॑ 𑌵𑌿॒𑌤𑍁𑌦॑𑌸𑍍𑌯॒ 𑌪𑍍𑌰𑍇𑌷𑍍𑌯𑌾𑌃᳚ । 𑌤𑍇𑌭𑍍𑌯𑍋॑ 𑌬॒𑌲𑌿-𑌮𑍍𑌪𑍁॑𑌷𑍍𑌟𑌿॒𑌕𑌾𑌮𑍋॑ 𑌹𑌰𑌾𑌮𑌿॒ 𑌮𑌯𑌿॒ 𑌪𑍁𑌷𑍍𑌟𑌿॒-𑌮𑍍𑌪𑍁𑌷𑍍𑌟𑌿॑𑌪𑌤𑌿-𑌰𑍍𑌦𑌧𑌾𑌤𑍁॒ 𑌸𑍍𑌵𑌾𑌹𑌾᳚ ॥ 𑍮𑍮 ॥
(𑌓॒𑌷॒𑌧𑌿॒𑌵॒𑌨॒𑌸𑍍𑌪॒𑌤𑌿𑌭𑍍𑌯॒-𑌸𑍍𑌸𑍍𑌵𑌾𑌹𑌾॒ - 𑌽𑌨𑍍𑌤𑌰𑌿॑𑌕𑍍𑌷𑌾𑌯॒ 𑌸𑍍𑌵𑌾𑌹𑌾॒ - 𑌨𑌮𑍋॑ 𑌰𑍁॒𑌦𑍍𑌰𑌾𑌯॑ 𑌪𑌶𑍁॒𑌪𑌤॑𑌯𑍇॒ 𑌸𑍍𑌵𑌾𑌹𑌾॑ - 𑌵𑌿॒𑌤𑍁𑌦॑𑌸𑍍𑌯॒ 𑌪𑍍𑌰𑍇𑌷𑍍𑌯𑌾॒ 𑌏𑌕॑-𑌞𑍍𑌚) (𑌅. 6𑍭)

𑌅𑌨𑍁𑌵𑌾𑌕𑌂 6𑍮
𑌓᳚-𑌨𑍍𑌤-𑌦𑍍𑌬𑍍𑌰॒𑌹𑍍𑌮 । 𑌓᳚-𑌨𑍍𑌤-𑌦𑍍𑌵𑌾॒𑌯𑍁𑌃 । 𑌓᳚-𑌨𑍍𑌤𑌦𑌾॒𑌤𑍍𑌮𑌾 । 𑌓᳚-𑌨𑍍𑌤-𑌥𑍍𑌸॒𑌤𑍍𑌯𑌮𑍍 । 𑌓᳚-𑌨𑍍𑌤-𑌥𑍍𑌸𑌰𑍍𑌵᳚𑌮𑍍 । 𑌓᳚-𑌨𑍍𑌤-𑌤𑍍𑌪𑍁𑌰𑍋॒-𑌰𑍍𑌨𑌮𑌃 ।
𑌅𑌨𑍍𑌤𑌶𑍍𑌚𑌰𑌤𑌿॑ 𑌭𑍂𑌤𑍇॒𑌷𑍁॒ 𑌗𑍁𑌹𑌾𑌯𑌾𑌂-𑌵𑌿𑌁॑𑌶𑍍𑌵 𑌮𑍂॒𑌰𑍍𑌤𑌿𑌷𑍁 ।
𑌤𑍍𑌵𑌂-𑌯𑌁𑌜𑍍𑌞𑌸𑍍𑌤𑍍𑌵𑌂-𑌵𑌁𑌷𑌟𑍍𑌕𑌾𑌰𑌸𑍍𑌤𑍍𑌵-𑌮𑌿𑌦𑍍𑌰𑌸𑍍𑌤𑍍𑌵𑌗𑍍​𑌮𑍍 𑌰𑍁𑌦𑍍𑌰𑌸𑍍𑌤𑍍𑌵𑌂​𑌵𑌿𑌁𑌷𑍍𑌣𑍁𑌸𑍍𑌤𑍍𑌵-𑌮𑍍𑌬𑍍𑌰𑌹𑍍𑌮𑌤𑍍𑌵॑-𑌮𑍍𑌪𑍍𑌰𑌜𑌾॒𑌪𑌤𑌿𑌃 ।
𑌤𑍍𑌵-𑌨𑍍𑌤॑𑌦𑌾𑌪॒ 𑌆𑌪𑍋॒ 𑌜𑍍𑌯𑍋𑌤𑍀॒ 𑌰𑌸𑍋॒-𑌽𑌮𑍃𑌤॒-𑌮𑍍𑌬𑍍𑌰𑌹𑍍𑌮॒ 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒𑌰𑍋𑌮𑍍 ॥ 𑍮𑍯 ॥

𑌅𑌨𑍁𑌵𑌾𑌕𑌂 6𑍯
𑌶𑍍𑌰॒𑌦𑍍𑌧𑌾𑌯𑌾᳚-𑌮𑍍𑌪𑍍𑌰𑌾॒𑌣𑍇 𑌨𑌿𑌵𑌿॑𑌷𑍍𑌟𑍋॒-𑌽𑌮𑍃𑌤॑-𑌞𑍍𑌜𑍁𑌹𑍋𑌮𑌿 ।
𑌶𑍍𑌰॒𑌦𑍍𑌧𑌾𑌯𑌾॑𑌮𑌪𑌾॒𑌨𑍇 𑌨𑌿𑌵𑌿॑𑌷𑍍𑌟𑍋॒-𑌽𑌮𑍃𑌤॑-𑌞𑍍𑌜𑍁𑌹𑍋𑌮𑌿 ।
𑌶𑍍𑌰॒𑌦𑍍𑌧𑌾𑌯𑌾𑌂᳚-𑌵𑍍𑌯𑌾𑌁॒𑌨𑍇 𑌨𑌿𑌵𑌿॑𑌷𑍍𑌟𑍋॒-𑌽𑌮𑍃𑌤॑-𑌞𑍍𑌜𑍁𑌹𑍋𑌮𑌿 ।
𑌶𑍍𑌰॒𑌦𑍍𑌧𑌾𑌯𑌾॑𑌮𑍁𑌦𑌾॒𑌨𑍇 𑌨𑌿𑌵𑌿॑𑌷𑍍𑌟𑍋॒-𑌽𑌮𑍃𑌤॑-𑌞𑍍𑌜𑍁𑌹𑍋𑌮𑌿 ।
𑌶𑍍𑌰॒𑌦𑍍𑌧𑌾𑌯𑌾𑌗𑍍​𑌮𑍍॑ 𑌸𑌮𑌾॒𑌨𑍇 𑌨𑌿𑌵𑌿॑𑌷𑍍𑌟𑍋॒-𑌽𑌮𑍃𑌤॑-𑌞𑍍𑌜𑍁𑌹𑍋𑌮𑌿 ।
𑌬𑍍𑌰𑌹𑍍𑌮॑𑌣𑌿 𑌮 𑌆॒𑌤𑍍𑌮𑌾-𑌽𑌮𑍃॑𑌤॒𑌤𑍍𑌵𑌾𑌯॑ ॥ 𑌅॒𑌮𑍃॒𑌤𑍋॒𑌪॒𑌸𑍍𑌤𑌰॑𑌣𑌮𑌸𑌿 ॥
𑌶𑍍𑌰॒𑌦𑍍𑌧𑌾𑌯𑌾᳚-𑌮𑍍𑌪𑍍𑌰𑌾॒𑌣𑍇 𑌨𑌿𑌵𑌿॑𑌷𑍍𑌟𑍋॒-𑌽𑌮𑍃𑌤॑-𑌞𑍍𑌜𑍁𑌹𑍋𑌮𑌿 ।
𑌶𑌿॒𑌵𑍋 𑌮𑌾॑ 𑌵𑌿॒𑌶𑌾𑌪𑍍𑌰॑𑌦𑌾𑌹𑌾𑌯 । 𑌪𑍍𑌰𑌾॒𑌣𑌾𑌯॒ 𑌸𑍍𑌵𑌾𑌹𑌾᳚ ।
𑌶𑍍𑌰॒𑌦𑍍𑌧𑌾𑌯𑌾॑𑌮𑌪𑌾॒𑌨𑍇 𑌨𑌿𑌵𑌿॑𑌷𑍍𑌟𑍋॒-𑌽𑌮𑍃𑌤॑-𑌞𑍍𑌜𑍁𑌹𑍋𑌮𑌿 ।
𑌶𑌿॒𑌵𑍋 𑌮𑌾॑ 𑌵𑌿॒𑌶𑌾𑌪𑍍𑌰॑𑌦𑌾𑌹𑌾𑌯 । 𑌅॒𑌪𑌾॒𑌨𑌾𑌯॒ 𑌸𑍍𑌵𑌾𑌹𑌾᳚ ।
𑌶𑍍𑌰॒𑌦𑍍𑌧𑌾𑌯𑌾𑌂᳚-𑌵𑍍𑌯𑌾𑌁॒𑌨𑍇 𑌨𑌿𑌵𑌿॑𑌷𑍍𑌟𑍋॒-𑌽𑌮𑍃𑌤॑-𑌞𑍍𑌜𑍁𑌹𑍋𑌮𑌿 । 𑌶𑌿॒𑌵𑍋 𑌮𑌾॑ 𑌵𑌿॒𑌶𑌾𑌪𑍍𑌰॑𑌦𑌾𑌹𑌾𑌯 । 𑌵𑍍𑌯𑌾॒𑌨𑌾𑌯॒ 𑌸𑍍𑌵𑌾𑌹𑌾᳚ ।
𑌶𑍍𑌰॒𑌦𑍍𑌧𑌾𑌯𑌾॑-𑌮𑍁𑌦𑌾॒𑌨𑍇 𑌨𑌿𑌵𑌿॑𑌷𑍍𑌟𑍋॒-𑌽𑌮𑍃𑌤॑-𑌞𑍍𑌜𑍁𑌹𑍋𑌮𑌿 ।
𑌶𑌿॒𑌵𑍋 𑌮𑌾॑ 𑌵𑌿॒𑌶𑌾𑌪𑍍𑌰॑𑌦𑌾𑌹𑌾𑌯 । 𑌉॒𑌦𑌾॒𑌨𑌾𑌯॒ 𑌸𑍍𑌵𑌾𑌹𑌾᳚ ।
𑌶𑍍𑌰॒𑌦𑍍𑌧𑌾𑌯𑌾𑌗𑍍​𑌮𑍍॑ 𑌸𑌮𑌾॒𑌨𑍇 𑌨𑌿𑌵𑌿॑𑌷𑍍𑌟𑍋॒-𑌽𑌮𑍃𑌤॑-𑌞𑍍𑌜𑍁𑌹𑍋𑌮𑌿 । 𑌶𑌿॒𑌵𑍋 𑌮𑌾॑ 𑌵𑌿॒𑌶𑌾𑌪𑍍𑌰॑𑌦𑌾𑌹𑌾𑌯 । 𑌸॒𑌮𑌾॒𑌨𑌾𑌯॒ 𑌸𑍍𑌵𑌾𑌹𑌾᳚ ।
𑌬𑍍𑌰𑌹𑍍𑌮॑𑌣𑌿 𑌮 𑌆॒𑌤𑍍𑌮𑌾-𑌽𑌮𑍃॑𑌤॒𑌤𑍍𑌵𑌾𑌯॑ ॥ 𑌅॒𑌮𑍃॒𑌤𑌾॒𑌪𑌿॒𑌧𑌾॒𑌨𑌮॑𑌸𑌿 ॥ 𑍯0 ॥

𑌅𑌨𑍁𑌵𑌾𑌕𑌂 𑍭0
𑌶𑍍𑌰॒𑌦𑍍𑌧𑌾𑌯𑌾᳚-𑌮𑍍𑌪𑍍𑌰𑌾॒𑌣𑍇 𑌨𑌿𑌵𑌿॑𑌶𑍍𑌯𑌾॒-𑌽𑌮𑍃𑌤𑌗𑍍​𑌮𑍍॑ 𑌹𑍁॒𑌤𑌮𑍍 । 𑌪𑍍𑌰𑌾॒𑌣 𑌮𑌨𑍍𑌨𑍇॑𑌨𑌾𑌪𑍍𑌯𑌾𑌯𑌸𑍍𑌵 ।
𑌶𑍍𑌰॒𑌦𑍍𑌧𑌾𑌯𑌾॑𑌮𑌪𑌾॒𑌨𑍇 𑌨𑌿𑌵𑌿॑𑌶𑍍𑌯𑌾॒-𑌽𑌮𑍃𑌤𑌗𑍍​𑌮𑍍॑ 𑌹𑍁॒𑌤𑌮𑍍 । 𑌅॒𑌪𑌾॒𑌨 𑌮𑌨𑍍𑌨𑍇॑𑌨𑌾𑌪𑍍𑌯𑌾𑌯𑌸𑍍𑌵 ।
𑌶𑍍𑌰॒𑌦𑍍𑌧𑌾𑌯𑌾𑌂᳚-𑌵𑍍𑌯𑌾𑌁॒𑌨𑍇 𑌨𑌿𑌵𑌿॑𑌶𑍍𑌯𑌾॒-𑌽𑌮𑍃𑌤𑌗𑍍​𑌮𑍍॑ 𑌹𑍁॒𑌤𑌮𑍍 । 𑌵𑍍𑌯𑌾॒𑌨 𑌮𑌨𑍍𑌨𑍇॑𑌨𑌾𑌪𑍍𑌯𑌾𑌯𑌸𑍍𑌵 ।
𑌶𑍍𑌰॒𑌦𑍍𑌧𑌾𑌯𑌾॑-𑌮𑍁𑌦𑌾॒𑌨𑍇 𑌨𑌿𑌵𑌿॑𑌶𑍍𑌯𑌾॒-𑌽𑌮𑍃𑌤𑌗𑍍​𑌮𑍍॑ 𑌹𑍁॒𑌤𑌮𑍍 । 𑌉॒𑌦𑌾॒𑌨 𑌮𑌨𑍍𑌨𑍇॑𑌨𑌾𑌪𑍍𑌯𑌾𑌯𑌸𑍍𑌵 ।
𑌶𑍍𑌰॒𑌦𑍍𑌧𑌾𑌯𑌾𑌗𑍍​𑌮𑍍॑ 𑌸𑌮𑌾॒𑌨𑍇 𑌨𑌿𑌵𑌿॑𑌶𑍍𑌯𑌾॒-𑌽𑌮𑍃𑌤𑌗𑍍​𑌮𑍍॑ 𑌹𑍁॒𑌤𑌮𑍍 ।
𑌸॒𑌮𑌾𑌨॒ 𑌮𑌨𑍍𑌨𑍇॑𑌨𑌾𑌪𑍍𑌯𑌾𑌯𑌸𑍍𑌵 ॥ 𑍯1 ॥

𑌅𑌨𑍁𑌵𑌾𑌕𑌂 𑍭1
𑌅𑌙𑍍𑌗𑍁𑌷𑍍𑌠𑌮𑌾𑌤𑍍𑌰𑌃 𑌪𑍁𑌰𑍁𑌷𑍋-𑌽𑌙𑍍𑌗𑍁𑌷𑍍𑌠𑌞𑍍𑌚॑ 𑌸𑌮𑌾॒𑌶𑍍𑌰𑌿𑌤𑌃 ।
𑌈𑌶-𑌸𑍍𑌸𑌰𑍍𑌵𑌸𑍍𑌯 𑌜𑌗𑌤𑌃 𑌪𑍍𑌰𑌭𑍁𑌃 𑌪𑍍𑌰𑍀𑌣𑌾𑌤𑌿॑ 𑌵𑌿𑌶𑍍𑌵॒𑌭𑍁𑌕𑍍 ॥ 𑍯2 ॥

𑌅𑌨𑍁𑌵𑌾𑌕𑌂 𑍭2
𑌵𑌾𑌮𑍍𑌮॑ 𑌆॒𑌸𑌨𑍍𑌨𑍍 । 𑌨॒𑌸𑍋𑌃 𑌪𑍍𑌰𑌾॒𑌣𑌃 । 𑌅॒𑌕𑍍𑌷𑍍𑌯𑍋-𑌶𑍍𑌚𑌕𑍍𑌷𑍁𑌃॑ । 𑌕𑌰𑍍𑌣॑𑌯𑍋॒-𑌶𑍍𑌶𑍍𑌰𑍋𑌤𑍍𑌰᳚𑌮𑍍 । 𑌬𑌾॒𑌹𑍁॒𑌵𑍋-𑌰𑍍𑌬𑌲᳚𑌮𑍍 । 𑌊॒𑌰𑍁॒𑌵𑍋 𑌰𑍋𑌜𑌃॑ । 𑌅𑌰𑌿॑𑌷𑍍𑌟𑌾॒ 𑌵𑌿𑌶𑍍𑌵𑌾॒𑌨𑍍𑌯𑌙𑍍𑌗𑌾॑𑌨𑌿 𑌤॒𑌨𑍂𑌃 ।
𑌤॒𑌨𑍁𑌵𑌾॑ 𑌮𑍇 𑌸॒𑌹 𑌨𑌮॑𑌸𑍍𑌤𑍇 𑌅𑌸𑍍𑌤𑍁॒ 𑌮𑌾 𑌮𑌾॑ 𑌹𑌿𑌗𑍍​𑌮𑍍𑌸𑍀𑌃 ॥ 𑍯3 ॥

𑌅𑌨𑍁𑌵𑌾𑌕𑌂 𑍭3
𑌵𑌯॑-𑌸𑍍𑌸𑍁𑌪॒𑌰𑍍𑌣𑌾 𑌉𑌪॑𑌸𑍇𑌦𑍁॒𑌰𑌿𑌨𑍍𑌦𑍍𑌰॑-𑌮𑍍𑌪𑍍𑌰𑌿॒𑌯 𑌮𑍇॑𑌧𑌾॒ 𑌋𑌷॑𑌯𑍋॒ 𑌨𑌾𑌧॑𑌮𑌾𑌨𑌾𑌃 । 𑌅𑌪॑𑌦𑍍𑌧𑍍𑌵𑌾॒𑌨𑍍𑌤 𑌮𑍂᳚𑌰𑍍𑌣𑍁॒𑌹𑌿 𑌪𑍂॒𑌰𑍍𑌧𑌿 𑌚𑌕𑍍𑌷𑍁॑-𑌰𑍍𑌮𑍁𑌮𑍁॒𑌗𑍍𑌧𑍍𑌯॑𑌸𑍍𑌮𑌾-𑌨𑍍𑌨𑌿॒𑌧𑌯𑍇॑ 𑌽𑌵𑌬॒𑌦𑍍𑌧𑌾𑌨𑍍 ॥ 𑍯4 ॥

𑌅𑌨𑍁𑌵𑌾𑌕𑌂 𑍭4
𑌪𑍍𑌰𑌾𑌣𑌾𑌨𑌾-𑌙𑍍𑌗𑍍𑌰𑌨𑍍𑌥𑌿𑌰𑌸𑌿 𑌰𑍁𑌦𑍍𑌰𑍋 𑌮𑌾॑ 𑌵𑌿𑌶𑌾॒𑌨𑍍𑌤𑌕𑌃 ।
𑌤𑍇𑌨𑌾𑌨𑍍𑌨𑍇𑌨𑌾᳚-𑌪𑍍𑌯𑌾𑌯॒𑌸𑍍𑌵 ॥ 𑍯5 ॥

𑌅𑌨𑍁𑌵𑌾𑌕𑌂 𑍭5
𑌨𑌮𑍋 𑌰𑍁𑌦𑍍𑌰𑌾𑌯 𑌵𑌿𑌷𑍍𑌣𑌵𑍇 𑌮𑍃𑌤𑍍𑌯𑍁॑𑌰𑍍𑌮𑍇 𑌪𑌾॒𑌹𑌿 ॥ 𑍯6 ॥

𑌅𑌨𑍁𑌵𑌾𑌕𑌂 𑍭6
𑌤𑍍𑌵𑌮॑𑌗𑍍𑌨𑍇॒ 𑌦𑍍𑌯𑍁𑌭𑌿॒-𑌸𑍍𑌤𑍍𑌵𑌮𑌾॑𑌶𑍁-𑌶𑍁॒𑌕𑍍𑌷𑌣𑌿॒-𑌸𑍍𑌤𑍍𑌵𑌮॒𑌦𑍍𑌭𑍍𑌯-𑌸𑍍𑌤𑍍𑌵𑌮𑌶𑍍𑌮॑𑌨॒𑌸𑍍𑌪𑌰𑌿॑ । 𑌤𑍍𑌵𑌂-𑌵𑌁𑌨𑍇᳚𑌭𑍍𑌯॒-𑌸𑍍𑌤𑍍𑌵𑌮𑍋𑌷॑𑌧𑍀𑌭𑍍𑌯॒-𑌸𑍍𑌤𑍍𑌵-𑌨𑍍𑌨𑍃॒𑌣𑌾-𑌨𑍍𑌨𑍃॑𑌪𑌤𑍇 𑌜𑌾𑌯𑌸𑍇॒ 𑌶𑍁𑌚𑌿𑌃॑ ॥ 𑍯𑍭 ॥

𑌅𑌨𑍁𑌵𑌾𑌕𑌂 𑍭𑍭
𑌶𑌿॒𑌵𑍇𑌨॑ 𑌮𑍇॒ 𑌸𑌨𑍍𑌤𑌿॑𑌷𑍍𑌠𑌸𑍍𑌵 𑌸𑍍𑌯𑍋॒𑌨𑍇𑌨॑ 𑌮𑍇॒ 𑌸𑌨𑍍𑌤𑌿॑𑌷𑍍𑌠𑌸𑍍𑌵 𑌸𑍁𑌭𑍂॒𑌤𑍇𑌨॑ 𑌮𑍇॒ 𑌸𑌨𑍍𑌤𑌿॑𑌷𑍍𑌠𑌸𑍍𑌵 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ 𑌮𑍇॒ 𑌸𑌨𑍍𑌤𑌿॑𑌷𑍍𑌠𑌸𑍍𑌵 𑌯॒𑌜𑍍𑌞𑌸𑍍𑌯𑌰𑍍𑌧𑌿॒ 𑌮𑌨𑍁॒ 𑌸𑌨𑍍𑌤𑌿॑𑌷𑍍𑌠॒ 𑌸𑍍𑌵𑍋𑌪॑ 𑌤𑍇 𑌯𑌜𑍍𑌞॒ 𑌨𑌮॒ 𑌉𑌪॑ 𑌤𑍇॒ 𑌨𑌮॒ 𑌉𑌪॑ 𑌤𑍇॒ 𑌨𑌮𑌃॑ ॥ 𑍯𑍮 ॥

𑌅𑌨𑍁𑌵𑌾𑌕𑌂 𑍭𑍮
𑌸॒𑌤𑍍𑌯-𑌮𑍍𑌪𑌰॒-𑌮𑍍𑌪𑌰𑌗𑍍​𑌮𑍍॑ 𑌸॒𑌤𑍍𑌯𑌗𑍍​𑌮𑍍 𑌸॒𑌤𑍍𑌯𑍇𑌨॒ 𑌨 𑌸𑍁॑𑌵॒𑌰𑍍𑌗𑌾-𑌲𑍍𑌲𑍋॒𑌕𑌾𑌚𑍍𑌚𑍍𑌯॑𑌵𑌨𑍍𑌤𑍇
𑌕॒𑌦𑌾𑌚॒𑌨 𑌸॒𑌤𑌾𑌗𑍍​𑌮𑍍 𑌹𑌿 𑌸॒𑌤𑍍𑌯-𑌨𑍍𑌤𑌸𑍍𑌮𑌾᳚-𑌥𑍍𑌸॒𑌤𑍍𑌯𑍇 𑌰॑𑌮𑌨𑍍𑌤𑍇॒, (1)

𑌤𑌪॒ 𑌇𑌤𑌿॒ 𑌤𑌪𑍋॒ 𑌨𑌾𑌨𑌶॑𑌨𑌾॒-𑌤𑍍𑌪𑌰𑌂॒-𑌯𑌁𑌦𑍍𑌧𑌿 𑌪𑌰॒-𑌨𑍍𑌤𑌪॒𑌸𑍍𑌤-𑌦𑍍𑌦𑍁𑌧॑𑌰𑍍​𑌷𑌂॒
𑌤-𑌦𑍍𑌦𑍁𑌰𑌾॑𑌧𑌰𑍍​𑌷॒-𑌨𑍍𑌤𑌸𑍍𑌮𑌾॒-𑌤𑍍𑌤𑌪॑𑌸𑌿 𑌰𑌮𑌨𑍍𑌤𑍇॒, (2)

𑌦𑌮॒ 𑌇𑌤𑌿॒ 𑌨𑌿𑌯॑𑌤-𑌮𑍍𑌬𑍍𑌰𑌹𑍍𑌮𑌚𑌾॒𑌰𑌿𑌣॒-𑌸𑍍𑌤𑌸𑍍𑌮𑌾॒-𑌦𑍍𑌦𑌮𑍇॑ 𑌰𑌮𑌨𑍍𑌤𑍇॒, (3)

𑌶𑌮॒ 𑌇𑌤𑍍𑌯𑌰॑𑌣𑍍𑌯𑍇 𑌮𑍁॒𑌨𑌯॒-𑌸𑍍𑌤𑌸𑍍𑌮𑌾॒𑌚𑍍𑌛𑌮𑍇॑ 𑌰𑌮𑌨𑍍𑌤𑍇, (4)

𑌦𑌾॒𑌨𑌮𑌿𑌤𑌿॒ 𑌸𑌰𑍍𑌵𑌾॑𑌣𑌿 𑌭𑍂॒𑌤𑌾𑌨𑌿॑ 𑌪𑍍𑌰॒𑌶𑌗𑍍​𑌮𑍍𑌸॑𑌨𑍍𑌤𑌿 𑌦𑌾॒𑌨𑌾𑌨𑍍𑌨𑌾𑌤𑌿॑ 𑌦𑍁॒𑌶𑍍𑌚𑌰॒-𑌨𑍍𑌤𑌸𑍍𑌮𑌾᳚-𑌦𑍍𑌦𑌾॒𑌨𑍇 𑌰॑𑌮𑌨𑍍𑌤𑍇, (5)
𑌧॒𑌰𑍍𑌮 𑌇𑌤𑌿॒ 𑌧𑌰𑍍𑌮𑍇॑𑌣॒ 𑌸𑌰𑍍𑌵॑𑌮𑌿॒𑌦-𑌮𑍍𑌪𑌰𑌿॑𑌗𑍃𑌹𑍀𑌤-𑌨𑍍𑌧॒𑌰𑍍𑌮𑌾𑌨𑍍𑌨𑌾𑌤𑌿॑-𑌦𑍁॒𑌷𑍍𑌕𑌰𑌂॒
𑌤𑌸𑍍𑌮𑌾᳚--𑌦𑍍𑌧॒𑌰𑍍𑌮𑍇 𑌰॑𑌮𑌨𑍍𑌤𑍇, (6)

𑌪𑍍𑌰॒𑌜𑌨॒ 𑌇𑌤𑌿॒ 𑌭𑍂𑌯𑌾𑌗𑍍​𑌮𑍍॑॑𑌸॒-𑌸𑍍𑌤𑌸𑍍𑌮𑌾॒-𑌦𑍍𑌭𑍂𑌯𑌿॑𑌷𑍍𑌠𑌾𑌃॒ 𑌪𑍍𑌰𑌜𑌾॑𑌯𑌨𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌭𑍂𑌯𑌿॑𑌷𑍍𑌠𑌾𑌃 𑌪𑍍𑌰॒𑌜𑌨॑𑌨𑍇 𑌰𑌮𑌨𑍍𑌤𑍇॒, (𑍭)

-𑌽𑌗𑍍𑌨𑌯॒ 𑌇𑌤𑍍𑌯𑌾॑𑌹॒ 𑌤𑌸𑍍𑌮𑌾॑-𑌦॒𑌗𑍍𑌨𑌯॒ 𑌆𑌧𑌾॑𑌤𑌵𑍍𑌯𑌾 𑌅𑌗𑍍𑌨𑌿𑌹𑍋॒𑌤𑍍𑌰-𑌮𑌿𑌤𑍍𑌯𑌾॑𑌹॒ 𑌤𑌸𑍍𑌮𑌾॑-𑌦𑌗𑍍𑌨𑌿𑌹𑍋॒𑌤𑍍𑌰𑍇 𑌰॑𑌮𑌨𑍍𑌤𑍇, (𑍮)

𑌯॒𑌜𑍍𑌞 𑌇𑌤𑌿॑ 𑌯॒𑌜𑍍𑌞𑍋 𑌹𑌿 𑌦𑍇॒𑌵𑌾 𑌸𑍍𑌤𑌸𑍍𑌮𑌾᳚-𑌦𑍍𑌯॒𑌜𑍍𑌞𑍇 𑌰॑𑌮𑌨𑍍𑌤𑍇, (𑍯)

𑌮𑌾𑌨॒𑌸-𑌮𑌿𑌤𑌿॑ 𑌵𑌿॒𑌦𑍍𑌵𑌾𑌗𑍍​𑌮𑍍𑌸॒-𑌸𑍍𑌤𑌸𑍍𑌮𑌾᳚-𑌦𑍍𑌵𑌿॒𑌦𑍍𑌵𑌾𑌗𑍍​𑌮𑍍𑌸॑ 𑌏॒𑌵 𑌮𑌾॑𑌨॒𑌸𑍇
𑌰॑𑌮𑌨𑍍𑌤𑍇, (10)

𑌨𑍍𑌯𑌾॒𑌸 𑌇𑌤𑌿॑ 𑌬𑍍𑌰॒𑌹𑍍𑌮𑌾 𑌬𑍍𑌰॒𑌹𑍍𑌮𑌾 𑌹𑌿 𑌪𑌰𑌃॒ 𑌪𑌰𑍋॑ 𑌹𑌿 𑌬𑍍𑌰॒𑌹𑍍𑌮𑌾 𑌤𑌾𑌨𑌿॒ 𑌵𑌾 𑌏॒𑌤𑌾𑌨𑍍𑌯𑌵॑𑌰𑌾𑌣𑌿॒
𑌪𑌰𑌾𑌗𑍍​𑌮𑍍॑𑌸𑌿 𑌨𑍍𑌯𑌾॒𑌸 𑌏॒𑌵𑌾𑌤𑍍𑌯॑𑌰𑍇𑌚𑌯॒-𑌦𑍍𑌯 𑌏॒𑌵𑌂-𑌵𑍇𑌁𑌦𑍇᳚𑌤𑍍𑌯𑍁𑌪॒𑌨𑌿𑌷𑌤𑍍 ॥ 𑍯𑍯 ॥

𑌅𑌨𑍁𑌵𑌾𑌕𑌂 𑍭𑍯
𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋 𑌹𑌾𑌰𑍁॑𑌣𑌿-𑌸𑍍𑌸𑍁𑌪॒𑌰𑍍𑌣𑍇𑌯𑌃॑ 𑌪𑍍𑌰॒𑌜𑌾𑌪॑𑌤𑌿-𑌮𑍍𑌪𑌿॒𑌤𑌰॒-𑌮𑍁𑌪॑𑌸𑌸𑌾𑌰॒ 𑌕𑌿-𑌮𑍍𑌭॑𑌗𑌵॒𑌨𑍍𑌤𑌃 𑌪॑𑌰॒𑌮𑌂-𑌵𑌁॑𑌦॒𑌨𑍍𑌤𑍀𑌤𑌿॒ 𑌤𑌸𑍍𑌮𑍈॒ 𑌪𑍍𑌰𑍋॑𑌵𑌾𑌚, (1)

𑌸॒𑌤𑍍𑌯𑍇𑌨॑ 𑌵𑌾॒𑌯𑍁𑌰𑌾𑌵𑌾॑𑌤𑌿 𑌸॒𑌤𑍍𑌯𑍇-𑌨𑌾॑𑌦𑌿॒𑌤𑍍𑌯𑍋 𑌰𑍋॑𑌚𑌤𑍇 𑌦𑌿॒𑌵𑌿 𑌸॒𑌤𑍍𑌯𑌂-𑌵𑌾𑌁॒𑌚𑌃 𑌪𑍍𑌰॑𑌤𑌿॒𑌷𑍍𑌠𑌾 𑌸॒𑌤𑍍𑌯𑍇 𑌸॒𑌰𑍍𑌵-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒-𑌨𑍍𑌤𑌸𑍍𑌮𑌾᳚-𑌥𑍍𑌸॒𑌤𑍍𑌯-𑌮𑍍𑌪॑𑌰॒𑌮𑌂-𑌵𑌁𑌦॑𑌨𑍍𑌤𑌿॒, (2)

𑌤𑌪॑𑌸𑌾 𑌦𑍇॒𑌵𑌾 𑌦𑍇॒𑌵𑌤𑌾॒-𑌮𑌗𑍍𑌰॑ 𑌆𑌯॒-𑌨𑍍𑌤𑌪॒𑌸𑌰𑍍​𑌷॑𑌯॒-𑌸𑍍𑌸𑍁𑌵॒𑌰𑌨𑍍𑌵॑-𑌵𑌿𑌨𑍍𑌦॒-𑌨𑍍𑌤𑌪॑𑌸𑌾 𑌸॒𑌪𑌤𑍍𑌨𑌾॒-𑌨𑍍𑌪𑍍𑌰𑌣𑍁॑𑌦𑌾॒-𑌮𑌾𑌰𑌾॑𑌤𑍀॒ 𑌸𑍍𑌤𑌪॑𑌸𑌿 𑌸॒𑌰𑍍𑌵-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒-𑌨𑍍𑌤𑌸𑍍𑌮𑌾॒-𑌤𑍍𑌤𑌪𑌃॑ 𑌪𑌰॒𑌮𑌂-𑌵𑌁𑌦॑𑌨𑍍𑌤𑌿॒, (3)

𑌦𑌮𑍇॑𑌨 𑌦𑌾॒𑌨𑍍𑌤𑌾𑌃 𑌕𑌿॒𑌲𑍍𑌬𑌿𑌷॑-𑌮𑌵𑌧𑍂॒𑌨𑍍𑌵𑌨𑍍𑌤𑌿॒ 𑌦𑌮𑍇॑𑌨 𑌬𑍍𑌰𑌹𑍍𑌮𑌚𑌾॒𑌰𑌿𑌣॒-𑌸𑍍𑌸𑍁𑌵॑𑌰𑌗𑌚𑍍𑌛॒-𑌨𑍍𑌦𑌮𑍋॑ 𑌭𑍂॒𑌤𑌾𑌨𑌾᳚-𑌨𑍍𑌦𑍁𑌰𑌾॒𑌧𑌰𑍍​𑌷॒-𑌨𑍍𑌦𑌮𑍇॑ 𑌸॒𑌰𑍍𑌵-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒-𑌨𑍍𑌤𑌸𑍍𑌮𑌾॒-𑌦𑍍𑌦𑌮𑌃॑ 𑌪𑌰॒𑌮𑌂-𑌵𑌁𑌦॑𑌨𑍍𑌤𑌿॒, (4)

𑌶𑌮𑍇॑𑌨 𑌶𑌾॒𑌨𑍍𑌤𑌾-𑌶𑍍𑌶𑌿॒𑌵-𑌮𑌾॒𑌚𑌰॑𑌨𑍍𑌤𑌿॒ 𑌶𑌮𑍇॑𑌨 𑌨𑌾॒𑌕-𑌮𑍍𑌮𑍁॒𑌨𑌯𑍋॒-𑌽𑌨𑍍𑌵𑌵𑌿॑𑌨𑍍𑌦॒𑌨𑍍 𑌛𑌮𑍋॑ 𑌭𑍂॒𑌤𑌾𑌨𑌾᳚-𑌨𑍍𑌦𑍁𑌰𑌾॒𑌧𑌰𑍍​𑌷॒-𑌞𑍍𑌛𑌮𑍇॑ 𑌸॒𑌰𑍍𑌵-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒-𑌨𑍍𑌤𑌸𑍍𑌮𑌾॒𑌚𑍍𑌛𑌮𑌃॑ 𑌪𑌰॒𑌮𑌂-𑌵𑌁𑌦॑𑌨𑍍𑌤𑌿, (5)

𑌦𑌾॒𑌨𑌂-𑌯𑌁॒𑌜𑍍𑌞𑌾𑌨𑌾𑌂॒-𑌵𑌁𑌰𑍂॑𑌥॒-𑌨𑍍𑌦𑌕𑍍𑌷𑌿॑𑌣𑌾 𑌲𑍋॒𑌕𑍇 𑌦𑌾॒𑌤𑌾𑌰𑌗𑍍​𑌮𑍍॑ 𑌸𑌰𑍍𑌵 𑌭𑍂॒𑌤𑌾𑌨𑍍𑌯𑍁॑𑌪𑌜𑍀॒𑌵𑌨𑍍𑌤𑌿॑ 𑌦𑌾॒𑌨𑍇𑌨𑌾𑌰𑌾॑𑌤𑍀॒-𑌰𑌪𑌾॑𑌨𑍁𑌦𑌨𑍍𑌤 𑌦𑌾॒𑌨𑍇𑌨॑ 𑌦𑍍𑌵𑌿𑌷॒𑌨𑍍𑌤𑍋 𑌮𑌿॒𑌤𑍍𑌰𑌾 𑌭॑𑌵𑌨𑍍𑌤𑌿 𑌦𑌾॒𑌨𑍇 𑌸॒𑌰𑍍𑌵-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒-𑌨𑍍𑌤𑌸𑍍𑌮𑌾᳚-𑌦𑍍𑌦𑌾॒𑌨-𑌮𑍍𑌪॑𑌰॒𑌮𑌂-𑌵𑌁𑌦॑𑌨𑍍𑌤𑌿, (6)

𑌧॒𑌰𑍍𑌮𑍋 𑌵𑌿𑌶𑍍𑌵॑𑌸𑍍𑌯॒ 𑌜𑌗॑𑌤𑌃 𑌪𑍍𑌰𑌤𑌿॒𑌷𑍍𑌠𑌾 𑌲𑍋॒𑌕𑍇 𑌧॒𑌰𑍍𑌮𑌿𑌷𑍍𑌠॑-𑌮𑍍𑌪𑍍𑌰॒𑌜𑌾 𑌉॑𑌪𑌸॒𑌰𑍍𑌪𑌨𑍍𑌤𑌿॑ 𑌧॒𑌰𑍍𑌮𑍇𑌣॑ 𑌪𑌾॒𑌪-𑌮॑𑌪॒𑌨𑍁𑌦॑𑌤𑌿 𑌧॒𑌰𑍍𑌮𑍇 𑌸॒𑌰𑍍𑌵-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒-𑌨𑍍𑌤𑌸𑍍𑌮𑌾᳚-𑌦𑍍𑌧॒𑌰𑍍𑌮-𑌮𑍍𑌪॑𑌰॒𑌮𑌂-𑌵𑌁𑌦॑𑌨𑍍𑌤𑌿, (𑍭)

𑌪𑍍𑌰॒𑌜𑌨॑𑌨𑌂॒-𑌵𑍈𑌁 𑌪𑍍𑌰॑𑌤𑌿॒𑌷𑍍𑌠𑌾 𑌲𑍋॒𑌕𑍇 𑌸𑌾॒𑌧𑍁 𑌪𑍍𑌰॒𑌜𑌾𑌯𑌾᳚ 𑌸𑍍𑌤॒𑌨𑍍𑌤𑍁𑌨𑍍-𑌤॑𑌨𑍍𑌵𑌾॒𑌨𑌃 𑌪𑌿॑𑌤𑍃॒𑌣𑌾
𑌮॑𑌨𑍃॒𑌣𑍋 𑌭𑌵॑𑌤𑌿॒ 𑌤𑌦𑍇॑𑌵 𑌤॒𑌸𑍍𑌯𑌾 𑌅𑌨𑍃॑𑌣॒-𑌨𑍍𑌤𑌸𑍍𑌮𑌾᳚-𑌤𑍍𑌪𑍍𑌰॒𑌜𑌨॑𑌨-𑌮𑍍𑌪𑌰॒𑌮𑌂-𑌵𑌁𑌦॑𑌨𑍍𑌤𑍍𑌯॒, (𑍮)

𑌗𑍍𑌨𑌯𑍋॒ 𑌵𑍈 𑌤𑍍𑌰𑌯𑍀॑ 𑌵𑌿॒𑌦𑍍𑌯𑌾 𑌦𑍇॑𑌵॒𑌯𑌾𑌨𑌃॒ 𑌪𑌨𑍍𑌥𑌾॑ 𑌗𑌾𑌰𑍍​𑌹𑌪॒𑌤𑍍𑌯 𑌋𑌕𑍍-𑌪𑍃॑𑌥𑌿॒𑌵𑍀 𑌰॑𑌥𑌨𑍍𑌤॒𑌰 -𑌮॑𑌨𑍍𑌵𑌾𑌹𑌾-𑌰𑍍𑌯॒𑌪𑌚॑𑌨𑌂॒-𑌯𑌁𑌜𑍁॑𑌰॒𑌨𑍍𑌤𑌰𑌿॑𑌕𑍍𑌷𑌂-𑌵𑌾𑌁𑌮𑌦𑍇॒𑌵𑍍𑌯 𑌮𑌾॑𑌹𑌵॒𑌨𑍀𑌯॒-𑌸𑍍𑌸𑌾𑌮॑𑌸𑍁𑌵॒𑌰𑍍𑌗𑍋 𑌲𑍋॒𑌕𑍋 𑌬𑍃॒𑌹𑌤𑍍-𑌤𑌸𑍍𑌮𑌾॑-𑌦॒𑌗𑍍𑌨𑍀-𑌨𑍍𑌪॑𑌰॒𑌮𑌂-𑌵𑌁𑌦॑𑌨𑍍𑌤𑍍𑌯, (𑍯)

𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌸𑌾॑𑌯-𑌮𑍍𑌪𑍍𑌰𑌾॒𑌤-𑌰𑍍𑌗𑍃॒𑌹𑌾𑌣𑌾𑌂॒-𑌨𑌿𑌷𑍍𑌕𑍃॑𑌤𑌿॒-𑌸𑍍𑌸𑍍𑌵𑌿॑𑌷𑍍𑌟𑌗𑍍​𑌮𑍍 𑌸𑍁𑌹𑍁॒𑌤𑌂-𑌯𑌁॑𑌜𑍍𑌞𑌕𑍍𑌰𑌤𑍂॒𑌨𑌾-𑌮𑍍𑌪𑍍𑌰𑌾𑌯॑𑌣𑌗𑍍​𑌮𑍍 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌜𑍍𑌯𑍋𑌤𑌿॒-𑌸𑍍𑌤𑌸𑍍𑌮𑌾॑-𑌦𑌗𑍍𑌨𑌿𑌹𑍋॒𑌤𑍍𑌰-𑌮𑍍𑌪॑𑌰॒𑌮𑌂-𑌵𑌁𑌦॑𑌨𑍍𑌤𑌿, (10)

𑌯॒𑌜𑍍𑌞 𑌇𑌤𑌿॑ 𑌯॒𑌜𑍍𑌞𑍇𑌨॒ 𑌹𑌿 𑌦𑍇॒𑌵𑌾 𑌦𑌿𑌵॑-𑌙𑍍𑌗॒𑌤𑌾 𑌯॒𑌜𑍍𑌞𑍇𑌨𑌾𑌸𑍁॑𑌰𑌾॒-𑌨𑌪𑌾॑𑌨𑍁𑌦𑌨𑍍𑌤 𑌯॒𑌜𑍍𑌞𑍇𑌨॑ 𑌦𑍍𑌵𑌿𑌷॒𑌨𑍍𑌤𑍋 𑌮𑌿॒𑌤𑍍𑌰𑌾 𑌭॑𑌵𑌨𑍍𑌤𑌿 𑌯॒𑌜𑍍𑌞𑍇 𑌸॒𑌰𑍍𑌵-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒-𑌨𑍍𑌤𑌸𑍍𑌮𑌾᳚-𑌦𑍍𑌯॒𑌜𑍍𑌞-𑌮𑍍𑌪॑𑌰॒𑌮𑌂-𑌵𑌁𑌦॑𑌨𑍍𑌤𑌿, (11)

𑌮𑌾𑌨॒𑌸𑌂-𑌵𑍈𑌁 𑌪𑍍𑌰𑌾॑𑌜𑌾𑌪॒𑌤𑍍𑌯-𑌮𑍍𑌪॒𑌵𑌿𑌤𑍍𑌰॑-𑌮𑍍𑌮𑌾𑌨॒𑌸𑍇𑌨॒ 𑌮𑌨॑𑌸𑌾 𑌸𑌾॒𑌧𑍁 𑌪॑𑌶𑍍𑌯𑌤𑌿 𑌮𑌾𑌨॒𑌸𑌾 𑌋𑌷॑𑌯𑌃 𑌪𑍍𑌰॒𑌜𑌾 𑌅॑𑌸𑍃𑌜𑌨𑍍𑌤 𑌮𑌾𑌨॒𑌸𑍇 𑌸॒𑌰𑍍𑌵-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤॒-𑌨𑍍𑌤𑌸𑍍𑌮𑌾᳚-𑌨𑍍𑌮𑌾𑌨॒𑌸-𑌮𑍍𑌪॑𑌰॒𑌮𑌂-𑌵𑌁𑌦॑𑌨𑍍𑌤𑌿, (12)

𑌨𑍍𑌯𑌾॒𑌸 𑌇॒𑌤𑍍𑌯𑌾𑌹𑍁॑-𑌰𑍍𑌮𑌨𑍀॒𑌷𑌿𑌣𑍋᳚ 𑌬𑍍𑌰॒𑌹𑍍𑌮𑌾𑌣॑-𑌮𑍍𑌬𑍍𑌰॒𑌹𑍍𑌮𑌾 𑌵𑌿𑌶𑍍𑌵𑌃॑ 𑌕𑌤॒𑌮-𑌸𑍍𑌸𑍍𑌵॑𑌯॒𑌭𑍁𑌂𑌃 𑌪𑍍𑌰॒𑌜𑌾𑌪॑𑌤𑌿-𑌸𑍍𑌸𑌂​𑌵𑌁𑌥𑍍𑌸𑌰॒ 𑌇𑌤𑌿॑, (13)

𑌸𑌂​𑌵𑌁𑌥𑍍𑌸॒𑌰𑍋॑ 𑌽𑌸𑌾𑌵𑌾॑𑌦𑌿॒𑌤𑍍𑌯𑍋 𑌯 𑌏॒𑌷 𑌆॑𑌦𑌿॒𑌤𑍍𑌯𑍇 𑌪𑍁𑌰𑍁॑𑌷॒-𑌸𑍍𑌸 𑌪॑𑌰𑌮𑍇॒𑌷𑍍𑌠𑍀 𑌬𑍍𑌰𑌹𑍍𑌮𑌾॒𑌤𑍍𑌮𑌾, (14)

𑌯𑌾𑌭𑌿॑𑌰𑌾𑌦𑌿॒𑌤𑍍𑌯-𑌸𑍍𑌤𑌪॑𑌤𑌿 𑌰॒𑌶𑍍𑌮𑌿𑌭𑌿॒𑌸𑍍𑌤𑌾𑌭𑌿𑌃॑ 𑌪॒𑌰𑍍𑌜𑌨𑍍𑌯𑍋॑ 𑌵𑌰𑍍​𑌷𑌤𑌿 𑌪॒𑌰𑍍𑌜𑌨𑍍𑌯𑍇॑-𑌨𑍌𑌷𑌧𑌿-𑌵𑌨𑌸𑍍𑌪॒𑌤𑌯𑌃॒ 𑌪𑍍𑌰𑌜𑌾॑𑌯𑌨𑍍𑌤 𑌓𑌷𑌧𑌿-𑌵𑌨𑌸𑍍𑌪॒𑌤𑌿𑌭𑌿॒-𑌰𑌨𑍍𑌨॑-𑌮𑍍𑌭𑌵॒𑌤𑍍𑌯𑌨𑍍𑌨𑍇॑𑌨 𑌪𑍍𑌰𑌾॒𑌣𑌾𑌃 𑌪𑍍𑌰𑌾॒𑌣𑍈-𑌰𑍍𑌬𑌲॒-𑌮𑍍𑌬𑌲𑍇॑𑌨॒ 𑌤𑌪॒-𑌸𑍍𑌤𑌪॑𑌸𑌾 𑌶𑍍𑌰॒𑌦𑍍𑌧𑌾 𑌶𑍍𑌰॒𑌦𑍍𑌧𑌯𑌾॑ 𑌮𑍇॒𑌧𑌾 𑌮𑍇॒𑌧𑌯𑌾॑ 𑌮𑌨𑍀॒𑌷𑌾 𑌮॑𑌨𑍀॒𑌷𑌯𑌾॒ 𑌮𑌨𑍋॒ 𑌮𑌨॑𑌸𑌾॒ 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑍍𑌯𑌾॑ 𑌚𑌿॒𑌤𑍍𑌤-𑌞𑍍𑌚𑌿॒𑌤𑍍𑌤𑍇𑌨॒ 𑌸𑍍𑌮𑍃𑌤𑌿॒𑌗𑍍𑌗𑍍॒ 𑌸𑍍𑌮𑍃𑌤𑍍𑌯𑌾॒ 𑌸𑍍𑌮𑌾𑌰॒𑌗𑍍𑌗𑍍॒ 𑌸𑍍𑌮𑌾𑌰𑍇॑𑌣 𑌵𑌿॒𑌜𑍍𑌞𑌾𑌨𑌂॑-𑌵𑌿𑌁॒𑌜𑍍𑌞𑌾𑌨𑍇॑-𑌨𑌾॒𑌤𑍍𑌮𑌾𑌨𑌂॑-𑌵𑍇𑌁𑌦𑌯𑌤𑌿॒ 𑌤𑌸𑍍𑌮𑌾॑𑌦॒𑌨𑍍𑌨-𑌨𑍍𑌦𑌦॒𑌨𑍍-𑌥𑍍𑌸𑌰𑍍𑌵𑌾᳚𑌣𑍍𑌯𑍇॒𑌤𑌾𑌨𑌿॑ 𑌦𑌦𑌾॒-𑌤𑍍𑌯𑌨𑍍𑌨𑌾᳚-𑌤𑍍𑌪𑍍𑌰𑌾॒𑌣𑌾 𑌭॑𑌵𑌨𑍍𑌤𑌿 𑌭𑍂॒𑌤𑌾𑌨𑌾᳚-𑌮𑍍𑌪𑍍𑌰𑌾॒𑌣𑍈-𑌰𑍍𑌮𑌨𑍋॒ 𑌮𑌨॑𑌸𑌶𑍍𑌚 𑌵𑌿॒𑌜𑍍𑌞𑌾𑌨𑌂॑-𑌵𑌿𑌁॒𑌜𑍍𑌞𑌾𑌨𑌾॑-𑌦𑌾𑌨॒𑌨𑍍𑌦𑍋 𑌬𑍍𑌰॑𑌹𑍍𑌮 𑌯𑍋॒𑌨𑌿𑌃, (15)

𑌸 𑌵𑌾 𑌏॒𑌷 𑌪𑍁𑌰𑍁॑𑌷𑌃 𑌪𑌞𑍍𑌚॒𑌧𑌾 𑌪॑𑌞𑍍𑌚𑌾॒𑌤𑍍𑌮𑌾 𑌯𑍇𑌨॒ 𑌸𑌰𑍍𑌵॑𑌮𑌿॒𑌦-𑌮𑍍𑌪𑍍𑌰𑍋𑌤॑-𑌮𑍍𑌪𑍃𑌥𑌿॒𑌵𑍀 𑌚𑌾॒𑌨𑍍𑌤𑌰𑌿॑𑌕𑍍𑌷-𑌞𑍍𑌚॒ 𑌦𑍍𑌯𑍌𑌶𑍍𑌚॒ 𑌦𑌿𑌶॑𑌶𑍍𑌚𑌾𑌵𑌾𑌨𑍍𑌤𑌰𑌦𑌿॒𑌶𑌾𑌶𑍍𑌚॒ 𑌸 𑌵𑍈 𑌸𑌰𑍍𑌵॑𑌮𑌿॒𑌦-𑌞𑍍𑌜𑌗॒𑌥𑍍𑌸 𑌸॒𑌭𑍂𑌤𑌗𑍍​𑌮𑍍॑ 𑌸 𑌭॒𑌵𑍍𑌯-𑌞𑍍𑌜𑌿॑𑌜𑍍𑌞𑌾𑌸 𑌕𑍍𑌲𑍃॒𑌪𑍍𑌤 𑌋॑𑌤॒𑌜𑌾 𑌰𑌯𑌿॑𑌷𑍍𑌠𑌾 𑌶𑍍𑌰॒𑌦𑍍𑌧𑌾 𑌸॒𑌤𑍍𑌯𑍋 𑌮𑌹॑𑌸𑍍𑌵𑌾-𑌨𑍍𑌤॒𑌪𑌸𑍋॒ 𑌪𑌰𑌿॑𑌷𑍍𑌠𑌾॒𑌦𑍍, (𑌵𑌰𑌿॑𑌷𑍍𑌠𑌾॒𑌦𑍍) (16)

𑌜𑍍𑌞𑌾𑌤𑍍𑌵𑌾॑ 𑌤𑌮𑍇॒𑌵-𑌮𑍍𑌮𑌨॑𑌸𑌾 𑌹𑍃॒𑌦𑌾 𑌚॒ 𑌭𑍂𑌯𑍋॑ 𑌨 𑌮𑍃॒𑌤𑍍𑌯𑍁-𑌮𑍁𑌪॑𑌯𑌾𑌹𑌿 𑌵𑌿॒𑌦𑍍𑌵𑌾𑌨𑍍 (1𑍭)

𑌤𑌸𑍍𑌮𑌾᳚-𑌨𑍍𑌨𑍍𑌯𑌾॒𑌸-𑌮𑍇॒𑌷𑌾-𑌨𑍍𑌤𑌪॑𑌸𑌾-𑌮𑌤𑌿𑌰𑌿𑌕𑍍𑌤॒𑌮𑌾𑌹𑍁॑𑌰𑍍, (1𑍮)

𑌵𑌸𑍁𑌰॒𑌣𑍍𑌵𑍋॑ 𑌵𑌿॒𑌭𑍂𑌰॑𑌸𑌿 𑌪𑍍𑌰𑌾॒𑌣𑍇 𑌤𑍍𑌵𑌮𑌸𑌿॑ 𑌸𑌨𑍍𑌧𑌾॒𑌤𑌾 𑌬𑍍𑌰𑌹𑍍𑌮॑-𑌨𑍍𑌤𑍍𑌵𑌮𑌸𑌿॑ 𑌵𑌿𑌶𑍍𑌵॒𑌧𑍃𑌤𑍍𑌤𑍇॑-𑌜𑍋॒𑌦𑌾𑌸𑍍 𑌤𑍍𑌵𑌮॑𑌸𑍍𑌯॒𑌗𑍍𑌨𑌿-𑌰॑𑌸𑌿 𑌵𑌰𑍍𑌚𑍋॒𑌦𑌾-𑌸𑍍𑌤𑍍𑌵𑌮॑𑌸𑌿॒ 𑌸𑍂𑌰𑍍𑌯॑𑌸𑍍𑌯 𑌦𑍍𑌯𑍁𑌮𑍍𑌨𑍋॒𑌦𑌾 𑌸𑍍𑌤𑍍𑌵𑌮॑𑌸𑌿 𑌚॒𑌨𑍍𑌦𑍍𑌰𑌮॑𑌸 𑌉𑌪𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿 𑌬𑍍𑌰॒𑌹𑍍𑌮𑌣𑍇᳚
𑌤𑍍𑌵𑌾॒ 𑌮𑌹𑌸॒, (1𑍯)

𑌓𑌮𑌿𑌤𑍍𑌯𑌾॒𑌤𑍍𑌮𑌾𑌨𑌂॑-𑌯𑍁𑌁𑌞𑍍𑌜𑍀𑌤𑍈॒𑌤𑌦𑍍𑌵𑍈 𑌮॑𑌹𑍋𑌪॒𑌨𑌿𑌷॑𑌦-𑌨𑍍𑌦𑍇॒𑌵𑌾𑌨𑌾॒-𑌙𑍍𑌗𑍁𑌹𑍍𑌯𑌂॒-𑌯𑌁 𑌏॒𑌵𑌂-𑌵𑍇𑌁𑌦॑
𑌬𑍍𑌰॒𑌹𑍍𑌮𑌣𑍋॑ 𑌮𑌹𑌿॒𑌮𑌾𑌨॑-𑌮𑌾𑌪𑍍𑌨𑍋𑌤𑌿॒ 𑌤𑌸𑍍𑌮𑌾᳚-𑌦𑍍𑌬𑍍𑌰॒𑌹𑍍𑌮𑌣𑍋॑ 𑌮𑌹𑌿॒𑌮𑌾𑌨॑-𑌮𑌿𑌤𑍍𑌯𑍁𑌪॒𑌨𑌿𑌷𑌤𑍍 ॥ 100 ॥

𑌅𑌨𑍁𑌵𑌾𑌕𑌂 𑍮0
𑌤𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷𑍋॑ 𑌯॒𑌜𑍍𑌞𑌸𑍍𑌯𑌾॒𑌤𑍍𑌮𑌾 𑌯𑌜॑𑌮𑌾𑌨𑌃-𑌶𑍍𑌰॒𑌧𑍍𑌦𑌾𑌪𑌤𑍍𑌨𑍀॒ 𑌶𑌰𑍀॑𑌰-𑌮𑌿॒𑌦𑍍𑌧𑍍𑌮𑌮𑍁𑌰𑍋॒ 𑌵𑍇𑌦𑌿॒-𑌰𑍍𑌲𑍋𑌮𑌾॑𑌨𑌿 𑌬॒𑌰॒𑌃𑌇-𑌰𑍍𑌵𑍇॒𑌦𑌃-𑌶𑌿𑌖𑌾॒ 𑌹𑍃𑌦॑𑌯𑌂॒-𑌯𑍂𑌁𑌪𑌃॒ 𑌕𑌾𑌮॒ 𑌆𑌜𑍍𑌯॑-𑌮𑍍𑌮॒𑌨𑍍𑌯𑍁𑌃 𑌪॒𑌶𑍁-𑌸𑍍𑌤𑌪𑍋॒-𑌽𑌗𑍍𑌨𑌿-𑌰𑍍𑌦𑌮॑-𑌶𑍍𑌶𑌮𑌯𑌿॒𑌤𑌾 𑌦𑌕𑍍𑌷𑌿॑𑌣𑌾॒-𑌵𑌾𑌘𑍋𑌤𑌾᳚ 𑌪𑍍𑌰𑌾॒𑌣 𑌉॑𑌦𑍍𑌗॒𑌤𑌾 𑌚𑌕𑍍𑌷𑍁॑𑌰𑌧𑍍𑌵॒𑌰𑍍𑌯𑍁-𑌰𑍍𑌮𑌨𑍋॒ 𑌬𑍍𑌰𑌹𑍍𑌮𑌾॒ 𑌶𑍍𑌰𑍋𑌤𑍍𑌰॑𑌮॒𑌗𑍍𑌨𑍀-

𑌧𑍍𑌯𑌾𑌵॒𑌧𑍍𑌦𑍍𑌰𑌿𑌯॑𑌤𑍇॒ 𑌸𑌾 𑌦𑍀॒𑌕𑍍𑌷𑌾 𑌯𑌦𑌶𑍍𑌰𑍍𑌨𑌾॑𑌤𑌿॒ 𑌤𑌧𑍍𑌦𑌵𑌿॒-𑌰𑍍𑌯𑌤𑍍𑌪𑌿𑌬॑𑌤𑌿॒ 𑌤𑌦॑𑌸𑍍𑌯 𑌸𑍋𑌮𑌪𑌾॒𑌨𑌂-𑌯𑌁𑌦𑍍𑌰𑌮॑𑌤𑍇॒ 𑌤𑌦𑍁॑𑌪॒𑌸𑌦𑍋॒ 𑌯-𑌥𑍍𑌸॒𑌞𑍍𑌚𑌰॑-𑌤𑍍𑌯𑍁𑌪॒𑌵𑌿𑌶॑-𑌤𑍍𑌯𑍁॒𑌤𑍍𑌤𑌿𑌷𑍍𑌠॑𑌤𑍇 𑌚॒ 𑌸𑌪𑍍𑌰॑𑌵॒𑌰𑍍𑌗𑍍𑌯𑍋॑ 𑌯𑌨𑍍𑌮𑍁𑌖॒-𑌨𑍍𑌤𑌦𑌾॑𑌹𑌵॒𑌨𑍀𑌯𑍋॒ 𑌯𑌾 𑌵𑍍𑌯𑌾𑌹𑍃॑𑌤𑌿-𑌰𑌾𑌹𑍁॒𑌤𑌿-𑌰𑍍𑌯𑌦॑𑌸𑍍𑌯 𑌵𑌿॒𑌜𑍍𑌞𑌾𑌨॒-𑌨𑍍𑌤𑌜𑍍𑌜𑍁॒𑌹𑍋𑌤𑌿॒ 𑌯𑌥𑍍𑌸𑌾॒𑌯-𑌮𑍍𑌪𑍍𑌰𑌾॒𑌤𑌰॑𑌤𑍍𑌤𑌿॒ 𑌤𑌥𑍍𑌸॒𑌮𑌿𑌧𑌂॒-𑌯𑌁𑌤𑍍𑌪𑍍𑌰𑌾॒𑌤-𑌰𑍍𑌮॒𑌦𑍍𑌧𑍍𑌯𑌨𑍍𑌦𑌿॑𑌨𑌗𑍍​𑌮𑍍 𑌸𑌾॒𑌯-𑌞𑍍𑌚॒ 𑌤𑌾𑌨𑌿॒ 𑌸𑌵॑𑌨𑌾𑌨𑌿॒

𑌯𑍇 𑌅॑𑌹𑍋𑌰𑌾॒𑌤𑍍𑌰𑍇 𑌤𑍇 𑌦॑𑌰𑍍​𑌶𑌪𑍂𑌰𑍍𑌣𑌮𑌾॒𑌸𑍌 𑌯𑍇᳚-𑌽𑌰𑍍𑌧𑌮𑌾॒𑌸𑌾𑌶𑍍𑌚॒ 𑌮𑌾𑌸𑌾᳚𑌶𑍍𑌚॒ 𑌤𑍇 𑌚𑌾॑𑌤𑍁𑌰𑍍𑌮𑌾॒𑌸𑍍𑌯𑌾𑌨𑌿॒ 𑌯 𑌋॒𑌤𑌵॒𑌸𑍍𑌤𑍇 𑌪॑𑌶𑍁𑌬॒𑌨𑍍𑌧𑌾 𑌯𑍇 𑌸𑌂॑​𑌵𑌁𑌥𑍍𑌸॒𑌰𑌾𑌶𑍍𑌚॑ 𑌪𑌰𑌿𑌵𑌥𑍍𑌸॒𑌰𑌾𑌶𑍍𑌚॒ 𑌤𑍇-𑌽𑌹॑𑌰𑍍𑌗॒𑌣𑌾-𑌸𑍍𑌸॑𑌰𑍍𑌵 𑌵𑍇𑌦॒𑌸𑌂-𑌵𑌾𑌁 𑌏॒𑌤-𑌥𑍍𑌸॒𑌤𑍍𑌰𑌂-𑌯𑌁𑌨𑍍𑌮𑌰॑𑌣॒-𑌨𑍍𑌤𑌦॑𑌵॒𑌭𑍃𑌥॑

𑌏॒𑌤𑌦𑍍𑌵𑍈 𑌜॑𑌰𑌾𑌮𑌰𑍍𑌯-𑌮𑌗𑍍𑌨𑌿𑌹𑍋॒𑌤𑍍𑌰𑌗𑍍​𑌮𑍍 𑌸॒𑌤𑍍𑌰𑌂-𑌯𑌁 𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍁॑𑌦॒𑌗𑌯॑𑌨𑍇 𑌪𑍍𑌰॒𑌮𑍀𑌯॑𑌤𑍇 𑌦𑍇॒𑌵𑌾𑌨𑌾॑𑌮𑍇॒𑌵 𑌮॑𑌹𑌿॒𑌮𑌾𑌨॑-𑌙𑍍𑌗॒𑌤𑍍𑌵𑌾-𑌽𑌽𑌦𑌿॒𑌤𑍍𑌯𑌸𑍍𑌯॒ 𑌸𑌾𑌯𑍁॑𑌜𑍍𑌯-𑌙𑍍𑌗𑌚𑍍𑌛॒𑌤𑍍𑌯𑌥॒ 𑌯𑍋 𑌦॑𑌕𑍍𑌷𑌿॒𑌣𑍇 𑌪𑍍𑌰॒𑌮𑍀𑌯॑𑌤𑍇 𑌪𑌿𑌤𑍃॒𑌣𑌾-𑌮𑍇॒𑌵 𑌮॑𑌹𑌿॒𑌮𑌾𑌨॑-𑌙𑍍𑌗॒𑌤𑍍𑌵𑌾 𑌚॒𑌨𑍍𑌦𑍍𑌰𑌮॑𑌸॒-𑌸𑍍𑌸𑌾𑌯𑍁॑𑌜𑍍𑌯𑌗𑍍​𑌮𑍍 𑌸𑌲𑍋॒𑌕𑌤𑌾॑-𑌮𑌾𑌪𑍍𑌨𑍋𑌤𑍍𑌯𑍇॒𑌤𑍌 𑌵𑍈 𑌸𑍂᳚𑌰𑍍𑌯𑌾 𑌚𑌨𑍍𑌦𑍍𑌰॒𑌮𑌸𑍌᳚-𑌰𑍍𑌮𑌹𑌿॒𑌮𑌾𑌨𑍌᳚ 𑌬𑍍𑌰𑌾𑌹𑍍𑌮॒𑌣𑍋 𑌵𑌿॒𑌦𑍍𑌵𑌾-𑌨॒𑌭𑌿𑌜॑𑌯𑌤𑌿॒ 𑌤𑌸𑍍𑌮𑌾᳚-𑌦𑍍𑌬𑍍𑌰॒𑌹𑍍𑌮𑌣𑍋॑ 𑌮𑌹𑌿॒𑌮𑌾𑌨॑𑌮𑌾𑌪𑍍𑌨𑍋𑌤𑌿॒ 𑌤𑌸𑍍𑌮𑌾᳚-𑌦𑍍𑌬𑍍𑌰॒𑌹𑍍𑌮𑌣𑍋॑ 𑌮𑌹𑌿॒𑌮𑌾𑌨॑-𑌮𑌿𑌤𑍍𑌯𑍁𑌪॒𑌨𑌿𑌷𑌤𑍍 ॥ 101 ॥

𑌸॒𑌹 𑌨𑌾॑ 𑌵𑌵𑌤𑍁 । 𑌸॒𑌹 𑌨𑍌॑ 𑌭𑍁𑌨𑌕𑍍𑌤𑍁 । 𑌸॒𑌹 𑌵𑍀॒𑌰𑍍𑌯॑-𑌙𑍍𑌕𑌰𑌵𑌾𑌵𑌹𑍈 ।
𑌤𑍇॒𑌜॒𑌸𑍍𑌵𑌿𑌨𑌾॒ 𑌵𑌧𑍀॑𑌤𑌮𑌸𑍍𑌤𑍁॒ 𑌮𑌾 𑌵𑌿॑𑌦𑍍𑌵𑌿𑌷𑌾॒𑌵𑌹𑍈᳚ ॥
𑌓𑌂 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥

॥ 𑌇𑌤𑌿 𑌮𑌹𑌾𑌨𑌾𑌰𑌾𑌯𑌣𑍋𑌪𑌨𑌿𑌷-𑌥𑍍𑌸𑌮𑌾𑌪𑍍𑌤𑌾 ॥

(𑌅𑌮𑍍𑌭॒𑌸𑍍𑌯𑍈𑌕॑𑌪𑌞𑍍𑌚𑌾॒𑌶𑌚𑍍𑌛॒𑌤𑌂 - 𑌜𑌾॒𑌤𑌵𑍇॑𑌦𑌸𑍇॒ 𑌚𑌤𑍁॑𑌰𑍍𑌦𑌶॒ - 𑌭𑍂𑌰𑌨𑍍𑌨𑌂॒ - 𑌭𑍂𑌰॒𑌗𑍍𑌨𑌯𑍇॒ - 𑌭𑍂𑌰॒𑌗𑍍𑌨𑌯𑍇॒ 𑌚𑍈𑌕॑𑌮𑍇𑌕𑌂 - 𑌪𑌾𑌹𑌿 - 𑌪𑌾॒𑌹𑌿 𑌚॒𑌤𑍍𑌵𑌾𑌰𑌿॑ 𑌚𑌤𑍍𑌵𑌾𑌰𑌿॒ - 𑌯𑌶𑍍𑌛𑌨𑍍𑌦॑𑌸𑌾॒-𑌨𑍍𑌦𑍍𑌵𑍇 - 𑌨𑌮𑍋॒ 𑌬𑍍𑌰𑌹𑍍𑌮॑𑌣𑍇 - 𑌋॒𑌤-𑌨𑍍𑌤𑌪𑍋॒ - 𑌯𑌥𑌾॑ 𑌵𑍃॒𑌕𑍍𑌷𑌸𑍍𑌯𑍈𑌕॑ 𑌮𑍇𑌕 - 𑌮॒𑌣𑍋𑌰𑌣𑍀॑𑌯𑌾॒𑌗𑍍॒ 𑌶𑍍𑌚𑌤𑍁॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌥𑍍 - 𑌸𑌹𑌸𑍍𑌰॒𑌶𑍀॑𑌷॒𑌗𑍍​𑌮𑍍॒ 𑌷𑌟𑍍𑌵𑌿॑𑌗𑍍​𑌮𑍍𑌶𑌤𑌿 - 𑌰𑌾𑌦𑌿॒𑌤𑍍𑌯𑍋 𑌵𑌾 𑌏॒𑌷 - 𑌆॑𑌦𑌿॒𑌤𑍍𑌯𑍋 𑌵𑍈 𑌤𑍇𑌜॒ 𑌏𑌕॑𑌮𑍇𑌕𑌂॒ - 𑌨𑌿𑌧॑𑌨𑌪𑌤𑌯𑍇॒ 𑌤𑍍𑌰𑌯𑍋॑𑌵𑌿𑌗𑍍​𑌮𑍍𑌶𑌤𑌿𑌃 - 𑌸॒𑌦𑍍𑌯𑍋𑌜𑌾॒𑌤-𑌨𑍍𑌤𑍍𑌰𑍀𑌣𑌿॑ - 𑌵𑌾𑌮𑌦𑍇॒𑌵𑌾𑌯𑍈𑌕॑ - 𑌮॒𑌘𑍋𑌰𑍇᳚𑌭𑍍𑌯॒ - 𑌸𑍍𑌤𑌤𑍍𑌪𑍁𑌰𑍁॑𑌷𑌾𑌯॒ 𑌦𑍍𑌵𑍇 𑌦𑍍𑌵𑍇॒ - 𑌈𑌶𑌾𑌨𑍋 - 𑌨𑌮𑍋 𑌹𑌿𑌰𑌣𑍍𑌯𑌬𑌾𑌹𑌵॒ 𑌏𑌕॑𑌮𑍇𑌕 - 𑌮𑍃॒𑌤𑌗𑍍​𑌮𑍍 𑌸॒𑌤𑍍𑌯-𑌨𑍍𑌦𑍍𑌵𑍇 - 𑌸𑌰𑍍𑌵𑍋॒ 𑌵𑍈 𑌚॒𑌤𑍍𑌵𑌾𑌰𑌿॒ - 𑌕𑌦𑍍𑌰𑍁॒𑌦𑍍𑌰𑌾𑌯॒ 𑌤𑍍𑌰𑍀𑌣𑌿॒ - 𑌯𑌸𑍍𑌯॒ 𑌵𑍈 𑌕𑌙𑍍𑌕॑𑌤𑍀 - 𑌕𑍃𑌣𑍁॒𑌷𑍍𑌵 𑌪𑌾𑌜𑍋 - 𑌽𑌦𑌿॑𑌤𑌿॒ - 𑌰𑌾𑌪𑍋॒ 𑌵𑌾 𑌇॒𑌦𑌗𑍍​𑌮𑍍 𑌸𑌰𑍍𑌵॒ 𑌮𑍇𑌕॑𑌮𑍇𑌕॒ - 𑌮𑌾𑌪𑌃॑ 𑌪𑍁𑌨𑌨𑍍𑌤𑍁 𑌚॒𑌤𑍍𑌵𑌾 - 𑌰𑍍𑌯𑌗𑍍𑌨𑌿𑌶𑍍𑌚 - 𑌸𑍂𑌰𑍍𑌯𑌶𑍍𑌚 𑌨𑌵॑ - 𑌨॒𑌵𑍋𑌮𑌿𑌤𑌿॑ 𑌚॒𑌤𑍍𑌵𑌾 - 𑌰𑍍𑌯𑌾𑌯𑌾॑𑌤𑍁॒ 𑌪𑌚𑍌 - 𑌜𑍋॑-𑌽𑌸𑌿॒ 𑌦𑌶𑍋॒ - 𑌤𑍍𑌤𑌮𑍇॑ 𑌚॒𑌤𑍍𑌵𑌾𑌰𑌿॒ - 𑌘𑍃𑌣𑌿॒𑌸𑍍𑌤𑍍𑌰𑍀𑌣𑌿॒ - 𑌬𑍍𑌰𑌹𑍍𑌮॑𑌮𑍇𑌤𑍁॒ 𑌮𑌾𑌂-𑌯𑌾𑌁𑌸𑍍𑌤𑍇᳚ 𑌬𑍍𑌰𑌹𑍍𑌮𑌹॒𑌤𑍍𑌯𑌾-𑌨𑍍𑌦𑍍𑌵𑌾𑌦॑𑌶॒ - 𑌬𑍍𑌰𑌹𑍍𑌮॑ 𑌮𑍇॒𑌧𑌯𑌾॒-𑌽𑌦𑍍𑌯𑌾 𑌨॑ 𑌇॒𑌮𑌂
𑌭𑍍𑌰𑍂॑𑌷𑌹॒𑌤𑍍𑌯𑌾𑌂 - 𑌬𑍍𑌰𑌹𑍍𑌮॑ 𑌮𑍇॒𑌧𑌵𑌾᳚ 𑌬𑍍𑌰॒𑌹𑍍𑌮𑌾 𑌦𑍇॒𑌵𑌾𑌨𑌾॑𑌮𑌿॒𑌦𑌂-𑌵𑍀𑌁॑𑌰𑌹॒𑌤𑍍𑌯𑌾𑌮𑍇𑌕𑌾॒𑌨𑍍𑌨 𑌵𑌿॑𑌗𑍍​𑌮𑍍𑌶𑌤𑌿॒ 𑌰𑍇𑌕𑌾॒𑌨𑍍𑌨𑌵𑌿॑𑌗𑍍​𑌮𑍍𑌶𑌤𑌿--𑌰𑍍 𑌮𑍇॒𑌧𑌾 𑌦𑍇॒𑌵𑍀 - 𑌮𑍇॒𑌧𑌾-𑌮𑍍𑌮॒ 𑌇𑌨𑍍𑌦𑍍𑌰॑𑌶𑍍𑌚॒𑌤𑍍𑌵𑌾𑌰𑌿॑ 𑌚𑌤𑍍𑌵𑌾॒𑌰𑍍𑌯𑌾 - 𑌮𑌾᳚-𑌮𑍍𑌮𑍇॒𑌧𑌾 𑌦𑍍𑌵𑍇 - 𑌮𑌯𑌿॑ 𑌮𑍇॒𑌧𑌾 𑌮𑍇𑌕॒- 𑌮𑌪𑍈॑𑌤𑍁॒ - 𑌪𑌰𑌂॒ - 𑌁𑌵𑌾𑌤॑-𑌮𑍍𑌪𑍍𑌰𑌾॒𑌣 - 𑌮॑𑌮𑍁𑌤𑍍𑌰॒𑌭𑍂𑌯𑌾॒-𑌦𑍍- 𑌦𑍍𑌧𑌰𑌿॒𑌗𑍍​𑌮𑍍॒ - 𑌶𑌲𑍍𑌕𑍈॑𑌰॒𑌗𑍍𑌨𑌿𑌂 - 𑌮𑌾 𑌛𑌿॑𑌦𑍋 𑌮𑍃𑌤𑍍𑌯𑍋॒ - 𑌮𑌾 𑌨𑍋॑ 𑌮॒𑌹𑌾𑌨𑍍𑌤𑌂॒ - 𑌮𑌾𑌨॑𑌸𑍍𑌤𑍋॒𑌕𑍇 - 𑌪𑍍𑌰𑌜𑌾॑𑌪𑌤𑍇 - 𑌸𑍍𑌵𑌸𑍍𑌤𑌿॒𑌦𑌾 - 𑌤𑍍𑌰𑍍𑌯॑𑌮𑍍𑌬𑌕𑌂॒ - 𑌁𑌯𑍇 𑌤𑍇॑ 𑌸॒𑌹𑌸𑍍𑌰॒-𑌨𑍍𑌦𑍍𑌵𑍇 𑌦𑍍𑌵𑍇 - 𑌮𑍃॒𑌤𑍍𑌯𑌵𑍇॒ 𑌸𑍍𑌵𑌾𑌹𑍈𑌕𑌂॑ - 𑌦𑍇॒𑌵𑌕𑍃॑𑌤॒𑌸𑍍𑌯𑍈𑌕𑌾॑𑌦𑌶॒ - 𑌯𑌦𑍍𑌵𑍋॑ 𑌦𑍇𑌵𑌾𑌃॒ - 𑌕𑌾𑌮𑍋-𑌽𑌕𑌾𑌰𑍍​𑌷𑍀॒𑌨𑍍 - 𑌮𑌨𑍍𑌯𑍁𑌰𑌕𑌾𑌰𑍍​𑌷𑍀॒-𑌦𑍍𑌦𑍍𑌵𑍇 𑌦𑍍𑌵𑍇॒ - 𑌤𑌿𑌲𑌾𑌞𑍍𑌜𑍁𑌹𑍋𑌮𑌿 𑌗𑌾𑌵-𑌶𑍍𑌶𑍍𑌰𑌿𑌯-𑌮𑍍𑌪𑍍𑌰॑𑌜𑌾𑌃 𑌪𑌞𑍍𑌚॒ - 𑌤𑌿𑌲𑌾𑌃 𑌕𑍃𑌣𑍍𑌷𑌾𑌶𑍍𑌚𑍋𑌰॑𑌸𑍍𑌯॒ 𑌶𑍍𑌰𑍀𑌃 𑌪𑍍𑌰𑌜𑍍𑌞𑌾𑌤𑍁 𑌜𑌾𑌤𑌵𑍇॑𑌦-𑌸𑍍𑌸॒𑌪𑍍𑌤 - 𑌪𑍍𑌰𑌾𑌣 𑌵𑌾-𑌕𑍍𑌤𑍍𑌵𑌕𑍍 𑌛𑌿𑌰 𑌉𑌤𑍍𑌤𑌿𑌷𑍍𑌠 𑌪𑍁𑌰𑍁𑌷॑ 𑌪𑌞𑍍𑌚॒ - 𑌪𑍃𑌥𑌿𑌵𑍀 𑌶𑌬𑍍𑌦 𑌮𑌨𑍋 𑌵𑌾𑌗𑍍 𑌵𑍍𑌯𑌕𑍍𑌤𑌾-𑌽𑌽𑌤𑍍𑌮𑌾-𑌽𑌨𑍍𑌤𑌰𑌾𑌤𑍍𑌮𑌾 𑌪𑌰𑌮𑌾𑌤𑍍𑌮𑌾 𑌮𑍇᳚ 𑌕𑍍𑌷𑍁॒𑌧𑍇-𑌽𑌨𑍍𑌨𑌮𑌯॒ 𑌪𑌞𑍍𑌚॑𑌦𑌶𑌾॒ - 𑌗𑍍𑌨𑌯𑍇॒ 𑌸𑍍𑌵𑌾𑌹𑍈𑌕॑𑌚𑌤𑍍𑌵𑌾𑌰𑌿॒𑌗𑍍​𑌮𑍍॒𑌶 - 𑌰𑍍𑌦𑍋᳚ 𑌨𑍍𑌤𑌦𑍍𑌬𑍍𑌰॒𑌹𑍍𑌮 𑌨𑌵॑ -
𑌶𑍍𑌰॒𑌦𑍍𑌧𑌾𑌯𑌾᳚-𑌮𑍍𑌪𑍍𑌰𑌾॒𑌣𑍇 𑌨𑌿𑌵𑌿𑌷𑍍𑌟॒ 𑌶𑍍𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿𑌃 - 𑌶𑍍𑌰॒𑌦𑍍𑌧𑌾𑌯𑌾॒-𑌨𑍍𑌦𑌶𑌾 - 𑌙𑍍𑌗𑍁𑌷𑍍𑌠 𑌮𑌾𑌤𑍍𑌰𑌃 𑌪𑍁𑌰𑍁𑌷𑍋 𑌦𑍍𑌵𑍇 - 𑌵𑌾𑌮𑍍𑌮॑ 𑌆॒𑌸𑌨𑍍𑌨॒𑌷𑍍𑌟𑍌 - 𑌵𑌯॑-𑌸𑍍𑌸𑍁𑌪॒𑌰𑍍​𑌷𑌾𑌃 - 𑌪𑍍𑌰𑌾𑌣𑌾𑌨𑌾-𑌙𑍍𑌗𑍍𑌰𑌨𑍍𑌥𑌿𑌰𑌸𑌿 𑌦𑍍𑌵𑍇 𑌦𑍍𑌵𑍇 - 𑌨𑌮𑍋 𑌰𑍁𑌦𑍍𑌰𑌾𑌯𑍈𑌕𑌂॒ - 𑌤𑍍𑌵𑌮॑𑌗𑍍𑌨𑍇॒ 𑌦𑍍𑌯𑍁𑌭𑌿𑌰𑍍॒ 𑌦𑍍𑌵𑍇 - 𑌶𑌿॒𑌵𑍇𑌨॑ 𑌮𑍇॒ 𑌸𑌨𑍍𑌤𑌿॑𑌷𑍍𑌠𑌸𑍍𑌵 - 𑌸॒𑌤𑍍𑌯𑌂 - 𑌪𑍍𑌰𑌾॑𑌜𑌾𑌪॒𑌤𑍍𑌯 - 𑌸𑍍𑌤𑌸𑍍𑌯𑍈॒𑌵 𑌮𑍇𑌕॑ 𑌮𑍇𑌕॒ 𑌮𑌶𑌤𑌿𑌃)

(𑌅𑌮𑍍𑌭॑𑌸𑍍𑌯𑌪𑌾॒𑌰𑍇 - 𑌸𑍍𑌵॒𑌸𑍍𑌤𑌿 𑌨𑌃॑ - 𑌪𑌾॒𑌹𑌿 𑌨𑍋॑ 𑌅𑌗𑍍𑌨॒ 𑌏𑌕॑𑌯𑌾 - 𑌽𑌽𑌦𑌿॒𑌤𑍍𑌯𑍋 𑌵𑌾 𑌏॒𑌷 - 𑌋॒𑌤𑌗𑍍​𑌮𑍍 𑌸॒𑌤𑍍𑌯 - 𑌮𑍋 𑌮𑌿𑌤𑍍𑌯𑌾 - 𑌮𑌾᳚-𑌮𑍍𑌮𑍇॒𑌧𑌾 - 𑌮𑌾 𑌨॑𑌸𑍍𑌤𑍋॒𑌕𑍇 - 𑌤𑌿𑌲𑌾𑌜𑍁𑌹𑍋𑌮𑌿 - 𑌶𑍍𑌰॒𑌦𑍍𑌧𑌾𑌯𑌾᳚-𑌮𑍍𑌪𑍍𑌰𑌾॒𑌣𑍇 𑌨𑌿𑌵𑌿॑𑌶𑍍𑌯॒ - 𑌤𑌸𑍍𑌯𑍈॒𑌵 𑌮𑍇𑌕𑍋𑌤𑍍𑌤॑𑌰𑌶॒𑌤𑌮𑍍)

॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌦𑌶𑌮𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

॥ 𑌇𑌤𑌿 𑌤𑍈𑌤𑍍𑌤𑌿𑌰𑍀𑌯 𑌯𑌜𑍁𑌰𑌾𑌰𑌣𑍍𑌯𑌕𑌂 𑌸𑌮𑌾𑌪𑍍𑌤𑌮𑍍 ॥