𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌨𑌵𑌮𑌃 𑌪𑍍𑌰𑌪𑌾𑌠𑌕𑌃 - 𑌭𑍃𑌗𑍁𑌵𑌲𑍍𑌲𑍀

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌭𑍃𑌗𑍁 𑌵𑌲𑍍𑌲𑍀

𑌸॒𑌹 𑌨𑌾॑ 𑌵𑌵𑌤𑍁 । 𑌸॒𑌹 𑌨𑍌॑ 𑌭𑍁𑌨𑌕𑍍𑌤𑍁 । 𑌸॒𑌹 𑌵𑍀॒𑌰𑍍𑌯॑-𑌙𑍍𑌕𑌰𑌵𑌾𑌵𑌹𑍈 । 𑌤𑍇॒𑌜॒𑌸𑍍𑌵𑌿𑌨𑌾॒ 𑌵𑌧𑍀॑𑌤𑌮𑌸𑍍𑌤𑍁॒ 𑌮𑌾 𑌵𑌿॑𑌦𑍍𑌵𑌿𑌷𑌾॒𑌵𑌹𑍈᳚ ॥
𑌓𑌂 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥

𑌅𑌨𑍁𑌵𑌾𑌕𑌂 15
𑌭𑍃𑌗𑍁॒𑌰𑍍𑌵𑍈 𑌵𑌾॑𑌰𑍁॒𑌣𑌿𑌃 । 𑌵𑌰𑍁॑𑌣॒-𑌮𑍍𑌪𑌿𑌤॑𑌰॒-𑌮𑍁𑌪॑𑌸𑌸𑌾𑌰 । 𑌅𑌧𑍀॑𑌹𑌿 𑌭𑌗𑌵𑍋॒ 𑌬𑍍𑌰𑌹𑍍𑌮𑍇𑌤𑌿॑ ॥ 𑌤𑌸𑍍𑌮𑌾॑ 𑌏॒𑌤-𑌤𑍍𑌪𑍍𑌰𑍋॑𑌵𑌾𑌚 । 𑌅𑌨𑍍𑌨॑-𑌮𑍍𑌪𑍍𑌰𑌾॒𑌣-𑌞𑍍𑌚𑌕𑍍𑌷𑍁॒-𑌶𑍍𑌶𑍍𑌰𑍋𑌤𑍍𑌰॒-𑌮𑍍𑌮𑌨𑍋॒ 𑌵𑌾𑌚॒𑌮𑌿𑌤𑌿॑ ॥
𑌤𑌗𑍍​𑌮𑍍 𑌹𑍋॑𑌵𑌾𑌚 । 𑌯𑌤𑍋॒ 𑌵𑌾 𑌇॒𑌮𑌾𑌨𑌿॒ 𑌭𑍂𑌤𑌾॑𑌨𑌿॒ 𑌜𑌾𑌯॑𑌨𑍍𑌤𑍇 ।
𑌯𑍇𑌨॒ 𑌜𑌾𑌤𑌾॑𑌨𑌿॒ 𑌜𑍀𑌵॑𑌨𑍍𑌤𑌿 । 𑌯-𑌤𑍍𑌪𑍍𑌰𑌯॑𑌨𑍍𑌤𑍍𑌯॒𑌭𑌿 𑌸𑌂​𑌵𑌿𑌁॑𑌶𑌨𑍍𑌤𑌿 ।
𑌤-𑌦𑍍𑌵𑌿𑌜𑌿॑𑌜𑍍𑌞𑌾𑌸𑌸𑍍𑌵 । 𑌤-𑌦𑍍𑌬𑍍𑌰𑌹𑍍𑌮𑍇𑌤𑌿॑ ॥
𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸 𑌤𑌪॑-𑌸𑍍𑌤॒𑌪𑍍𑌤𑍍𑌵𑌾 ॥ 35 ॥

𑌅𑌨𑍍𑌨॒-𑌮𑍍𑌬𑍍𑌰𑌹𑍍𑌮𑍇𑌤𑌿॒ 𑌵𑍍𑌯॑𑌜𑌾𑌨𑌾𑌤𑍍 । 𑌅॒𑌨𑍍𑌨𑌾𑌦𑍍𑌧𑍍𑌯𑍇॑𑌵 𑌖𑌲𑍍𑌵𑌿॒𑌮𑌾𑌨𑌿॒ 𑌭𑍂𑌤𑌾॑𑌨𑌿॒ 𑌜𑌾𑌯॑𑌨𑍍𑌤𑍇 । 𑌅𑌨𑍍𑌨𑍇॑𑌨॒ 𑌜𑌾𑌤𑌾॑𑌨𑌿॒ 𑌜𑍀𑌵॑𑌨𑍍𑌤𑌿 । 𑌅𑌨𑍍𑌨॒-𑌮𑍍𑌪𑍍𑌰𑌯॑𑌨𑍍𑌤𑍍𑌯॒𑌭𑌿-𑌸𑌂​𑌵𑌿𑌁॑𑌶॒𑌨𑍍𑌤𑍀𑌤𑌿॑ ॥ 𑌤-𑌦𑍍𑌵𑌿॒𑌜𑍍𑌞𑌾𑌯॑ । 𑌪𑍁𑌨॑𑌰𑍇॒𑌵 𑌵𑌰𑍁॑𑌣॒-𑌮𑍍𑌪𑌿𑌤॑𑌰॒-𑌮𑍁𑌪॑𑌸𑌸𑌾𑌰 । 𑌅𑌧𑍀॑𑌹𑌿 𑌭𑌗𑌵𑍋॒ 𑌬𑍍𑌰𑌹𑍍𑌮𑍇𑌤𑌿॑ । 𑌤𑌗𑍍​𑌮𑍍 𑌹𑍋॑𑌵𑌾𑌚 । 𑌤𑌪॑𑌸𑌾॒ 𑌬𑍍𑌰𑌹𑍍𑌮॒ 𑌵𑌿𑌜𑌿॑𑌜𑍍𑌞𑌾𑌸𑌸𑍍𑌵 ।
𑌤𑌪𑍋॒ 𑌬𑍍𑌰𑌹𑍍𑌮𑍇𑌤𑌿॑ । 𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸 𑌤𑌪॑-𑌸𑍍𑌤॒𑌪𑍍𑌤𑍍𑌵𑌾 ॥ 36 ॥

𑌪𑍍𑌰𑌾॒𑌣𑍋 𑌬𑍍𑌰॒𑌹𑍍𑌮𑍇𑌤𑌿॒ 𑌵𑍍𑌯॑𑌜𑌾𑌨𑌾𑌤𑍍 । 𑌪𑍍𑌰𑌾॒𑌣𑌾𑌦𑍍𑌧𑍍𑌯𑍇॑𑌵 𑌖𑌲𑍍𑌵𑌿॒𑌮𑌾𑌨𑌿॒ 𑌭𑍂𑌤𑌾॑𑌨𑌿॒ 𑌜𑌾𑌯॑𑌨𑍍𑌤𑍇 । 𑌪𑍍𑌰𑌾॒𑌣𑍇𑌨॒ 𑌜𑌾𑌤𑌾॑𑌨𑌿॒ 𑌜𑍀𑌵॑𑌨𑍍𑌤𑌿 ।
𑌪𑍍𑌰𑌾॒𑌣-𑌮𑍍𑌪𑍍𑌰𑌯॑𑌨𑍍𑌤𑍍𑌯॒𑌭𑌿-𑌸𑌂​𑌵𑌿𑌁॑𑌶॒𑌨𑍍𑌤𑍀𑌤𑌿॑ ॥ 𑌤-𑌦𑍍𑌵𑌿॒𑌜𑍍𑌞𑌾𑌯॑ ।
𑌪𑍁𑌨॑𑌰𑍇॒𑌵 𑌵𑌰𑍁॑𑌣॒-𑌮𑍍𑌪𑌿𑌤॑𑌰॒-𑌮𑍁𑌪॑𑌸𑌸𑌾𑌰 । 𑌅𑌧𑍀॑𑌹𑌿 𑌭𑌗𑌵𑍋॒ 𑌬𑍍𑌰𑌹𑍍𑌮𑍇𑌤𑌿॑ । 𑌤𑌗𑍍​𑌮𑍍 𑌹𑍋॑𑌵𑌾𑌚 । 𑌤𑌪॑𑌸𑌾॒ 𑌬𑍍𑌰𑌹𑍍𑌮॒ 𑌵𑌿𑌜𑌿॑𑌜𑍍𑌞𑌾𑌸𑌸𑍍𑌵 । 𑌤𑌪𑍋॒ 𑌬𑍍𑌰𑌹𑍍𑌮𑍇𑌤𑌿॑ । 𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸 𑌤𑌪॑-𑌸𑍍𑌤॒𑌪𑍍𑌤𑍍𑌵𑌾 ॥ 3𑍭 ॥

𑌮𑌨𑍋॒ 𑌬𑍍𑌰𑌹𑍍𑌮𑍇𑌤𑌿॒ 𑌵𑍍𑌯॑𑌜𑌾𑌨𑌾𑌤𑍍 । 𑌮𑌨॑𑌸𑍋॒ 𑌹𑍍𑌯𑍇॑𑌵 𑌖𑌲𑍍𑌵𑌿॒𑌮𑌾𑌨𑌿॒ 𑌭𑍂𑌤𑌾॑𑌨𑌿॒ 𑌜𑌾𑌯॑𑌨𑍍𑌤𑍇 । 𑌮𑌨॑𑌸𑌾॒ 𑌜𑌾𑌤𑌾॑𑌨𑌿॒ 𑌜𑍀𑌵॑𑌨𑍍𑌤𑌿 । 𑌮𑌨𑌃॒ 𑌪𑍍𑌰𑌯॑𑌨𑍍𑌤𑍍𑌯॒𑌭𑌿-𑌸𑌂​𑌵𑌿𑌁॑𑌶॒𑌨𑍍𑌤𑍀𑌤𑌿॑ ॥ 𑌤-𑌦𑍍𑌵𑌿॒𑌜𑍍𑌞𑌾𑌯॑ । 𑌪𑍁𑌨॑𑌰𑍇॒𑌵 𑌵𑌰𑍁॑𑌣॒-𑌮𑍍𑌪𑌿𑌤॑𑌰॒-𑌮𑍁𑌪॑𑌸𑌸𑌾𑌰 । 𑌅𑌧𑍀॑𑌹𑌿 𑌭𑌗𑌵𑍋॒ 𑌬𑍍𑌰𑌹𑍍𑌮𑍇𑌤𑌿॑ । 𑌤𑌗𑍍​𑌮𑍍 𑌹𑍋॑𑌵𑌾𑌚 । 𑌤𑌪॑𑌸𑌾॒ 𑌬𑍍𑌰𑌹𑍍𑌮॒ 𑌵𑌿𑌜𑌿॑𑌜𑍍𑌞𑌾𑌸𑌸𑍍𑌵 ।
𑌤𑌪𑍋॒ 𑌬𑍍𑌰𑌹𑍍𑌮𑍇𑌤𑌿॑ । 𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸 𑌤𑌪॑-𑌸𑍍𑌤॒𑌪𑍍𑌤𑍍𑌵𑌾 ॥ 3𑍮 ॥

𑌵𑌿॒𑌜𑍍𑌞𑌾𑌨॒-𑌮𑍍𑌬𑍍𑌰𑌹𑍍𑌮𑍇𑌤𑌿॒ 𑌵𑍍𑌯॑𑌜𑌾𑌨𑌾𑌤𑍍 ।
𑌵𑌿॒𑌜𑍍𑌞𑌾𑌨𑌾॒-𑌦𑍍𑌧𑍍𑌯𑍇॑𑌵 𑌖𑌲𑍍𑌵𑌿॒𑌮𑌾𑌨𑌿॒ 𑌭𑍂𑌤𑌾॑𑌨𑌿॒ 𑌜𑌾𑌯॑𑌨𑍍𑌤𑍇 ।
𑌵𑌿॒𑌜𑍍𑌞𑌾𑌨𑍇॑𑌨॒ 𑌜𑌾𑌤𑌾॑𑌨𑌿॒ 𑌜𑍀𑌵॑𑌨𑍍𑌤𑌿 । 𑌵𑌿॒𑌜𑍍𑌞𑌾𑌨॒-𑌮𑍍𑌪𑍍𑌰𑌯॑𑌨𑍍𑌤𑍍𑌯॒𑌭𑌿-𑌸𑌂​𑌵𑌿𑌁॑𑌶॒𑌨𑍍𑌤𑍀𑌤𑌿॑ ॥
𑌤-𑌦𑍍𑌵𑌿॒𑌜𑍍𑌞𑌾𑌯॑ । 𑌪𑍁𑌨॑𑌰𑍇॒𑌵 𑌵𑌰𑍁॑𑌣॒-𑌮𑍍𑌪𑌿𑌤॑𑌰॒-𑌮𑍁𑌪॑𑌸𑌸𑌾𑌰 । 𑌅𑌧𑍀॑𑌹𑌿 𑌭𑌗𑌵𑍋॒ 𑌬𑍍𑌰𑌹𑍍𑌮𑍇𑌤𑌿॑ । 𑌤𑌗𑍍​𑌮𑍍 𑌹𑍋॑𑌵𑌾𑌚 । 𑌤𑌪॑𑌸𑌾॒ 𑌬𑍍𑌰𑌹𑍍𑌮॒ 𑌵𑌿𑌜𑌿॑𑌜𑍍𑌞𑌾𑌸𑌸𑍍𑌵 । 𑌤𑌪𑍋॒ 𑌬𑍍𑌰𑌹𑍍𑌮𑍇𑌤𑌿॑ । 𑌸 𑌤𑌪𑍋॑-𑌽𑌤𑌪𑍍𑌯𑌤 । 𑌸 𑌤𑌪॑-𑌸𑍍𑌤॒𑌪𑍍𑌤𑍍𑌵𑌾 ॥ 3𑍯 ॥

𑌆॒𑌨॒𑌨𑍍𑌦𑍋 𑌬𑍍𑌰॒𑌹𑍍𑌮𑍇𑌤𑌿॒ 𑌵𑍍𑌯॑𑌜𑌾𑌨𑌾𑌤𑍍 । 𑌆॒𑌨𑌨𑍍𑌦𑌾॒-𑌦𑍍𑌧𑍍𑌯𑍇॑𑌵-𑌖𑌲𑍍𑌵𑌿॒𑌮𑌾𑌨𑌿॒ 𑌭𑍂𑌤𑌾॑𑌨𑌿॒ 𑌜𑌾𑌯॑𑌨𑍍𑌤𑍇 ।
𑌆॒𑌨॒𑌨𑍍𑌦𑍇𑌨॒ 𑌜𑌾𑌤𑌾॑𑌨𑌿॒ 𑌜𑍀𑌵॑𑌨𑍍𑌤𑌿 । 𑌆॒𑌨॒𑌨𑍍𑌦-𑌮𑍍𑌪𑍍𑌰𑌯॑𑌨𑍍𑌤𑍍𑌯॒𑌭𑌿-𑌸𑌂​𑌵𑌿𑌁॑𑌶॒𑌨𑍍𑌤𑍀𑌤𑌿॑ ॥ 𑌸𑍈𑌷𑌾 𑌭𑌾᳚𑌰𑍍𑌗॒𑌵𑍀 𑌵𑌾॑𑌰𑍁॒𑌣𑍀 𑌵𑌿॒𑌦𑍍𑌯𑌾 । 𑌪॒𑌰॒𑌮𑍇 𑌵𑍍𑌯𑍋॑𑌮॒-𑌨𑍍𑌪𑍍𑌰𑌤𑌿॑𑌷𑍍𑌠𑌿𑌤𑌾 ॥ 𑌯 𑌏॒𑌵𑌂-𑌵𑍇𑌁𑌦॒ 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌅𑌨𑍍𑌨॑𑌵𑌾𑌨𑌨𑍍𑌨𑌾॒𑌦𑍋 𑌭॑𑌵𑌤𑌿 ।
𑌮॒𑌹𑌾-𑌨𑍍𑌭॑𑌵𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ ।
𑌮॒𑌹𑌾𑌨𑍍 𑌕𑍀॒𑌰𑍍𑌤𑍍𑌯𑌾 ॥ 40 ॥

𑌅𑌨𑍍𑌨॒-𑌨𑍍𑌨 𑌨𑌿॑𑌨𑍍𑌦𑍍𑌯𑌾𑌤𑍍 । 𑌤-𑌦𑍍𑌵𑍍𑌰॒𑌤𑌮𑍍 ॥ 𑌪𑍍𑌰𑌾॒𑌣𑍋 𑌵𑌾 𑌅𑌨𑍍𑌨᳚𑌮𑍍 । 𑌶𑌰𑍀॑𑌰𑌮𑌨𑍍𑌨𑌾॒𑌦𑌮𑍍 । 𑌪𑍍𑌰𑌾॒𑌣𑍇 𑌶𑌰𑍀॑𑌰॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑌮𑍍 । 𑌶𑌰𑍀॑𑌰𑍇 𑌪𑍍𑌰𑌾॒𑌣𑌃 𑌪𑍍𑌰𑌤𑌿॑𑌷𑍍𑌠𑌿𑌤𑌃 ।
𑌤𑌦𑍇॒𑌤-𑌦𑌨𑍍𑌨॒-𑌮𑌨𑍍𑌨𑍇॒ 𑌪𑍍𑌰𑌤𑌿॑𑌷𑍍𑌠𑌿𑌤𑌮𑍍 ॥
𑌸 𑌯 𑌏॒𑌤-𑌦𑌨𑍍𑌨॒-𑌮𑌨𑍍𑌨𑍇॒ 𑌪𑍍𑌰𑌤𑌿॑𑌷𑍍𑌠𑌿𑌤𑌂॒-𑌵𑍇𑌁𑌦॒ 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌅𑌨𑍍𑌨॑𑌵𑌾-𑌨𑌨𑍍𑌨𑌾॒𑌦𑍋 𑌭॑𑌵𑌤𑌿 ।
𑌮॒𑌹𑌾-𑌨𑍍𑌭॑𑌵𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ ।
𑌮॒𑌹𑌾𑌨𑍍 𑌕𑍀॒𑌰𑍍𑌤𑍍𑌯𑌾 ॥ 41 ॥

𑌅𑌨𑍍𑌨॒-𑌨𑍍𑌨 𑌪𑌰𑌿॑𑌚𑌕𑍍𑌷𑍀𑌤 । 𑌤-𑌦𑍍𑌵𑍍𑌰॒𑌤𑌮𑍍 । 𑌆𑌪𑍋॒ 𑌵𑌾 𑌅𑌨𑍍𑌨᳚𑌮𑍍 । 𑌜𑍍𑌯𑍋𑌤𑌿॑𑌰𑌨𑍍𑌨𑌾॒𑌦𑌮𑍍 । 𑌅॒𑌫𑍍𑌸𑍁 𑌜𑍍𑌯𑍋𑌤𑌿𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑌮𑍍 । 𑌜𑍍𑌯𑍋𑌤𑌿॒𑌷𑍍𑌯𑌾𑌪𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑌾𑌃 ।
𑌤𑌦𑍇॒𑌤-𑌦𑌨𑍍𑌨॒-𑌮𑌨𑍍𑌨𑍇॒ 𑌪𑍍𑌰𑌤𑌿॑𑌷𑍍𑌠𑌿𑌤𑌮𑍍 ॥
𑌸 𑌯 𑌏॒𑌤-𑌦𑌨𑍍𑌨॒-𑌮𑌨𑍍𑌨𑍇॒ 𑌪𑍍𑌰𑌤𑌿॑𑌷𑍍𑌠𑌿𑌤𑌂॒-𑌵𑍇𑌁𑌦॒ 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌅𑌨𑍍𑌨॑𑌵𑌾-𑌨𑌨𑍍𑌨𑌾॒𑌦𑍋 𑌭॑𑌵𑌤𑌿 । 𑌮॒𑌹𑌾-𑌨𑍍𑌭॑𑌵𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ ।
𑌮॒𑌹𑌾𑌨𑍍 𑌕𑍀𑌰𑍍𑌤𑍍𑌯𑌾 ॥ 42 ॥

𑌅𑌨𑍍𑌨॑-𑌮𑍍𑌬॒𑌹𑍁 𑌕𑍁॑𑌰𑍍𑌵𑍀𑌤 । 𑌤-𑌦𑍍𑌵𑍍𑌰॒𑌤𑌮𑍍 ॥ 𑌪𑍃॒𑌥𑌿॒𑌵𑍀 𑌵𑌾 𑌅𑌨𑍍𑌨᳚𑌮𑍍 । 𑌆॒𑌕𑌾॒𑌶𑍋᳚-𑌽𑌨𑍍𑌨𑌾॒𑌦𑌃 । 𑌪𑍃॒𑌥𑌿॒𑌵𑍍𑌯𑌾-𑌮𑌾॑𑌕𑌾॒𑌶𑌃 𑌪𑍍𑌰𑌤𑌿॑𑌷𑍍𑌠𑌿𑌤𑌃 । 𑌆॒𑌕𑌾॒𑌶𑍇 𑌪𑍃॑𑌥𑌿॒𑌵𑍀 𑌪𑍍𑌰𑌤𑌿॑𑌷𑍍𑌠𑌿𑌤𑌾 ।
𑌤𑌦𑍇॒𑌤-𑌦𑌨𑍍𑌨॒-𑌮𑌨𑍍𑌨𑍇॒ 𑌪𑍍𑌰𑌤𑌿॑𑌷𑍍𑌠𑌿𑌤𑌮𑍍 ॥
𑌸 𑌯 𑌏॒𑌤-𑌦𑌨𑍍𑌨॒-𑌮𑌨𑍍𑌨𑍇॒ 𑌪𑍍𑌰𑌤𑌿॑𑌷𑍍𑌠𑌿𑌤𑌂॒-𑌵𑍇𑌁𑌦॒ 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌅𑌨𑍍𑌨॑𑌵𑌾𑌨𑌨𑍍𑌨𑌾॒𑌦𑍋 𑌭॑𑌵𑌤𑌿 । 𑌮॒𑌹𑌾-𑌨𑍍𑌭॑𑌵𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ ।
𑌮॒𑌹𑌾𑌨𑍍 𑌕𑍀॒𑌰𑍍𑌤𑍍𑌯𑌾 ॥ 43 ॥

𑌨 𑌕𑌞𑍍𑌚𑌨 𑌵𑌸𑌤𑍌 𑌪𑍍𑌰𑌤𑍍𑌯𑌾॑𑌚𑌕𑍍𑌷𑍀॒𑌤 । 𑌤-𑌦𑍍𑌵𑍍𑌰॒𑌤𑌮𑍍 ॥
𑌤𑌸𑍍𑌮𑌾𑌦𑍍𑌯𑌯𑌾 𑌕𑌯𑌾 𑌚 𑌵𑌿𑌧𑌯𑌾 𑌬𑌹𑍍𑌵॑𑌨𑍍𑌨-𑌮𑍍𑌪𑍍𑌰𑌾॒𑌪𑍍𑌨𑍁𑌯𑌾𑌤𑍍 ॥
𑌅𑌰𑌾𑌦𑍍𑌧𑍍𑌯𑌸𑍍𑌮𑌾 𑌅𑌨𑍍𑌨𑌮𑌿॑𑌤𑍍𑌯𑌾𑌚॒𑌕𑍍𑌷𑌤𑍇 ॥ 𑌏𑌤𑌦𑍍𑌵𑍈 𑌮𑍁𑌖𑌤𑍋᳚-𑌽𑌨𑍍𑌨𑌗𑍍​𑌮𑍍 𑌰𑌾॒𑌦𑍍𑌧𑌮𑍍 ।
𑌮𑍁𑌖𑌤𑍋-𑌽𑌸𑍍𑌮𑌾 𑌅॑𑌨𑍍𑌨𑌗𑍍​𑌮𑍍 𑌰𑌾॒𑌦𑍍𑌧𑍍𑌯𑌤𑍇 । 𑌏𑌤𑌦𑍍𑌵𑍈 𑌮𑌦𑍍𑌧𑍍𑌯𑌤𑍋᳚-𑌽𑌨𑍍𑌨𑌗𑍍​𑌮𑍍 𑌰𑌾॒𑌦𑍍𑌧𑌮𑍍 ।
𑌮𑌦𑍍𑌧𑍍𑌯𑌤𑍋-𑌽𑌸𑍍𑌮𑌾 𑌅॑𑌨𑍍𑌨𑌗𑍍​𑌮𑍍 𑌰𑌾॒𑌦𑍍𑌧𑍍𑌯𑌤𑍇 ।
𑌏𑌦𑌦𑍍𑌵𑌾 𑌅𑌨𑍍𑌤𑌤𑍋᳚-𑌽𑌨𑍍𑌨𑌗𑍍​𑌮𑍍 𑌰𑌾॒𑌦𑍍𑌧𑌮𑍍 ।
𑌅𑌨𑍍𑌤𑌤𑍋-𑌽𑌸𑍍𑌮𑌾 𑌅॑𑌨𑍍𑌨𑌗𑍍​𑌮𑍍 𑌰𑌾॒𑌦𑍍𑌧𑍍𑌯𑌤𑍇 । ॥ 44-𑌽 ॥

𑌯 𑌏॑𑌵𑌂-𑌵𑍇𑌁॒𑌦 ॥ 𑌕𑍍𑌷𑍇𑌮 𑌇॑𑌤𑌿 𑌵𑌾॒𑌚𑌿 । 𑌯𑍋𑌗𑌕𑍍𑌷𑍇𑌮 𑌇𑌤𑌿 𑌪𑍍𑌰𑌾॑𑌣𑌾𑌪𑌾॒𑌨𑌯𑍋𑌃 । 𑌕𑌰𑍍𑌮𑍇॑𑌤𑌿 𑌹॒𑌸𑍍𑌤𑌯𑍋𑌃 । 𑌗𑌤𑌿-𑌰𑌿॑𑌤𑌿 𑌪𑌾॒𑌦𑌯𑍋𑌃 । 𑌵𑌿𑌮𑍁𑌕𑍍𑌤𑌿-𑌰𑌿॑𑌤𑌿 𑌪𑌾॒𑌯𑍌 । 𑌇𑌤𑌿 𑌮𑌾𑌨𑍁𑌷𑍀᳚-𑌸𑍍𑌸𑌮𑌾॒𑌜𑍍𑌞𑌾𑌃 ॥ 𑌅𑌥 𑌦𑍈॒𑌵𑍀𑌃 । 𑌤𑍃𑌪𑍍𑌤𑌿-𑌰𑌿॑𑌤𑌿 𑌵𑍃॒𑌷𑍍𑌟𑍌 । 𑌬𑌲-𑌮𑌿॑𑌤𑌿 𑌵𑌿॒𑌦𑍍𑌯𑍁𑌤𑌿 । ॥ 44.𑌬𑍍 ॥

𑌯𑌶 𑌇॑𑌤𑌿 𑌪॒𑌶𑍁𑌷𑍁 । 𑌜𑍍𑌯𑍋𑌤𑌿𑌰𑌿𑌤𑌿 𑌨॑𑌕𑍍𑌷𑌤𑍍𑌰𑍇॒𑌷𑍁 ।
𑌪𑍍𑌰𑌜𑌾𑌤𑌿-𑌰𑌮𑍃𑌤-𑌮𑌾𑌨𑌨𑍍𑌦 𑌇॑𑌤𑍍𑌯𑍁𑌪॒𑌸𑍍𑌥𑍇 । 𑌸𑌰𑍍𑌵 𑌮𑌿॑𑌤𑍍𑌯𑌾𑌕𑌾॒𑌶𑍇 ॥
𑌤-𑌤𑍍𑌪𑍍𑌰𑌤𑌿𑌷𑍍𑌠𑍇-𑌤𑍍𑌯𑍁॑𑌪𑌾𑌸𑍀॒𑌤 । 𑌪𑍍𑌰𑌤𑌿𑌷𑍍𑌠𑌾॑𑌵𑌾-𑌨𑍍𑌭॒𑌵𑌤𑌿 । 𑌤𑌨𑍍𑌮𑌹 𑌇𑌤𑍍𑌯𑍁॑𑌪𑌾𑌸𑍀॒𑌤 । 𑌮॑𑌹𑌾-𑌨𑍍𑌭॒𑌵𑌤𑌿 । 𑌤𑌨𑍍𑌮𑌨 𑌇𑌤𑍍𑌯𑍁॑𑌪𑌾𑌸𑍀॒𑌤 । 𑌮𑌾𑌨॑𑌵𑌾-𑌨𑍍𑌭॒𑌵𑌤𑌿 । ॥ 44.𑌚𑍍 ॥

𑌤𑌨𑍍𑌨𑌮 𑌇𑌤𑍍𑌯𑍁॑𑌪𑌾𑌸𑍀॒𑌤 । 𑌨𑌮𑍍𑌯𑌨𑍍𑌤𑍇᳚-𑌽𑌸𑍍𑌮𑍈 𑌕𑌾॒𑌮𑌾𑌃 । 𑌤𑌦𑍍𑌬𑍍𑌰𑌹𑍍𑌮𑍇-𑌤𑍍𑌯𑍁॑𑌪𑌾𑌸𑍀॒𑌤 । 𑌬𑍍𑌰𑌹𑍍𑌮॑𑌵𑌾-𑌨𑍍𑌭॒𑌵𑌤𑌿 । 𑌤-𑌦𑍍𑌬𑍍𑌰𑌹𑍍𑌮𑌣𑌃 𑌪𑌰𑌿𑌮𑌰 𑌇𑌤𑍍𑌯𑍁॑𑌪𑌾𑌸𑍀॒𑌤 । 𑌪𑌰𑍍𑌯𑍇𑌣-𑌮𑍍𑌮𑍍𑌰𑌿𑌯𑌨𑍍𑌤𑍇 𑌦𑍍𑌵𑌿𑌷𑌨𑍍𑌤॑-𑌸𑍍𑌸𑌪॒𑌤𑍍𑌨𑌾𑌃 । 𑌪𑌰𑌿 𑌯𑍇᳚-𑌽𑌪𑍍𑌰𑌿𑌯𑌾᳚ 𑌭𑍍𑌰𑌾𑌤𑍃॒𑌵𑍍𑌯𑌾𑌃 ॥ 𑌸 𑌯𑌶𑍍𑌚𑌾॑𑌯-𑌮𑍍𑌪𑍁॒𑌰𑍁𑌷𑍇 । 𑌯𑌶𑍍𑌚𑌾𑌸𑌾॑-𑌵𑌾𑌦𑌿॒𑌤𑍍𑌯𑍇 । 𑌸 𑌏𑌕𑌃॑ । ॥ 44.𑌦𑍍 ॥

𑌸 𑌯॑ 𑌏𑌵𑌂॒-𑌵𑌿𑌁𑌤𑍍 । 𑌅𑌸𑍍𑌮𑌾𑌲𑍍-𑌲𑍋॑𑌕𑌾-𑌤𑍍𑌪𑍍𑌰𑍇॒𑌤𑍍𑌯 ।
𑌏𑌤𑌮𑌨𑍍𑌨𑌮𑌯-𑌮𑌾𑌤𑍍𑌮𑌾𑌨-𑌮𑍁𑌪॑𑌸𑌙𑍍𑌕𑍍𑌰॒𑌮𑍍𑌯 ।
𑌏𑌤-𑌮𑍍𑌪𑍍𑌰𑌾𑌣𑌮𑌯-𑌮𑌾𑌤𑍍𑌮𑌾𑌨-𑌮𑍁𑌪॑𑌸𑌙𑍍𑌕𑍍𑌰॒𑌮𑍍𑌯 ।
𑌏𑌤-𑌮𑍍𑌮𑌨𑍋𑌮𑌯-𑌮𑌾𑌤𑍍𑌮𑌾𑌨-𑌮𑍁𑌪॑𑌸𑌙𑍍𑌕𑍍𑌰॒𑌮𑍍𑌯 ।
𑌏𑌤𑌂-𑌵𑌿𑌁𑌜𑍍𑌞𑌾𑌨𑌮𑌯-𑌮𑌾𑌤𑍍𑌮𑌾𑌨-𑌮𑍁𑌪॑𑌸𑌙𑍍𑌕𑍍𑌰॒𑌮𑍍𑌯 ।
𑌏𑌤 𑌮𑌾𑌨𑌨𑍍𑌦𑌮𑌯 𑌮𑌾𑌤𑍍𑌮𑌾𑌨 𑌮𑍁𑌪॑𑌸𑌙𑍍𑌕𑍍𑌰॒𑌮𑍍𑌯 ।
𑌇𑌮𑌾𑌨𑍍 𑌁𑌲𑍋𑌕𑌾𑌨𑍍 𑌕𑌾𑌮𑌾𑌨𑍍𑌨𑍀 𑌕𑌾𑌮-𑌰𑍂𑌪𑍍𑌯॑𑌨𑍁𑌸॒𑌞𑍍𑌚𑌰𑌨𑍍𑌨𑍍 ।
𑌏𑌤-𑌥𑍍𑌸𑌾𑌮 𑌗𑌾॑𑌯𑌨𑍍𑌨𑌾॒𑌸𑍍𑌤𑍇 ॥ 𑌹𑌾(3) 𑌵𑍁॒ 𑌹𑌾(3) 𑌵𑍁॒ 𑌹𑌾(3) 𑌵𑍁॑ । ॥ 44𑌏 ॥

𑌅॒𑌹-𑌮𑌨𑍍𑌨-𑌮॒𑌹-𑌮𑌨𑍍𑌨-𑌮॒𑌹𑌮𑌨𑍍𑌨𑌮𑍍 ।
𑌅॒𑌹𑌮𑌨𑍍𑌨𑌾॒𑌦𑍋(2)-𑌽𑌹𑌮𑌨𑍍𑌨𑌾॒𑌦𑍋(2) 𑌽𑌹𑌮𑌨𑍍𑌨𑌾॒𑌦𑌃 ।
𑌅॒𑌹𑌗𑍍𑌗𑍍​ 𑌶𑍍𑌲𑍋𑌕॒𑌕𑍃-𑌦॒𑌹𑌗𑍍𑌗𑍍​ 𑌶𑍍𑌲𑍋𑌕॒𑌕𑍃-𑌦॒𑌹𑌗𑍍𑌗𑍍​ 𑌶𑍍𑌲𑍋𑌕॒𑌕𑍃𑌤𑍍 । 𑌅॒𑌹𑌮𑌸𑍍𑌮𑌿 𑌪𑍍𑌰𑌥𑌮𑌜𑌾 𑌋𑌤𑌾(3) 𑌸𑍍𑌯॒ ।
𑌪𑍂𑌰𑍍𑌵-𑌨𑍍𑌦𑍇𑌵𑍇𑌭𑍍𑌯𑍋 𑌅𑌮𑍃𑌤𑌸𑍍𑌯 𑌨𑌾(3) 𑌭𑌾॒ 𑌇॒ ।
𑌯𑍋 𑌮𑌾 𑌦𑌦𑌾𑌤𑌿 𑌸 𑌇𑌦𑍇𑌵 𑌮𑌾(3)𑌵𑌾𑌃॒ ।
𑌅॒𑌹-𑌮𑌨𑍍𑌨॒-𑌮𑌨𑍍𑌨॑-𑌮॒𑌦𑌨𑍍𑌤॒-𑌮𑌾(3) 𑌦𑍍𑌮𑌿॒ ।
𑌅॒𑌹𑌂-𑌵𑌿𑌁𑌶𑍍𑌵॒-𑌮𑍍𑌭𑍁𑌵॑𑌨॒-𑌮𑌭𑍍𑌯॑𑌭॒𑌵𑌾𑌮𑍍 । 𑌸𑍁𑌵॒𑌰𑍍𑌨 𑌜𑍍𑌯𑍋𑌤𑍀𑌃᳚ ॥ 𑌯 𑌏॒𑌵𑌂-𑌵𑍇𑌁𑌦॑ ॥ 𑌇𑌤𑍍𑌯𑍁॑𑌪॒𑌨𑌿𑌷॑𑌤𑍍 ॥ 44.f ॥

𑌸॒𑌹 𑌨𑌾॑ 𑌵𑌵𑌤𑍁 । 𑌸॒𑌹 𑌨𑍌॑ 𑌭𑍁𑌨𑌕𑍍𑌤𑍁 । 𑌸॒𑌹 𑌵𑍀॒𑌰𑍍𑌯॑-𑌙𑍍𑌕𑌰𑌵𑌾𑌵𑌹𑍈 । 𑌤𑍇॒𑌜॒𑌸𑍍𑌵𑌿𑌨𑌾॒ 𑌵𑌧𑍀॑𑌤𑌮𑌸𑍍𑌤𑍁॒ 𑌮𑌾 𑌵𑌿॑𑌦𑍍𑌵𑌿𑌷𑌾॒𑌵𑌹𑍈᳚ ॥ 𑌓𑌂 𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿॒-𑌶𑍍𑌶𑌾𑌨𑍍𑌤𑌿𑌃॑ ॥

(𑌭𑍃𑌗𑍁॒𑌸𑍍𑌤𑍍𑌰𑌯𑍋॑𑌦॒𑌶𑌾 - 𑌨𑍍𑌨॑𑌮𑍍 - 𑌪𑍍𑌰𑌾॒𑌣𑍋 - 𑌮𑌨𑍋॑ - 𑌵𑌿॒𑌜𑍍𑌞𑌾𑌨॒-𑌨𑍍𑌦𑍍𑌵𑌾𑌦॑𑌶 𑌦𑍍𑌵𑌾𑌦𑌶𑌾 - 𑌨॒𑌨𑍍𑌦𑍋 𑌦𑌶𑌾 - 𑌨𑍍𑌨॒-𑌨𑍍𑌨 𑌨𑌿॑𑌨𑍍𑌦𑍍𑌯𑌾॒ - 𑌦𑌨𑍍𑌨॒-𑌨𑍍𑌨 𑌪𑌰𑌿॑𑌚𑌕𑍍𑌷𑍀॒𑌤𑌾 -𑌨𑍍𑌨॑-𑌮𑍍𑌬॒𑌹𑍁𑌕𑍁॑𑌰𑍍𑌵𑌿॒ 𑌤𑍈𑌕𑌾॑𑌦𑌶𑍈𑌕𑌾𑌦𑌶॒ - 𑌨 𑌕𑌞𑍍𑌚 𑌨𑍈𑌕॑𑌷𑌷𑍍𑌟𑌿॒𑌰𑍍𑌦𑌶॑ ) (𑌅. 15)
॥ 𑌇𑌤𑌿 𑌭𑍃𑌗𑍁𑌵𑌲𑍍𑌲𑍀 𑌸𑌮𑌾𑌪𑍍𑌤𑌾 ॥

(𑌶-𑌨𑍍𑌨𑌃॒ - 𑌶𑍀𑌕𑍍𑌷𑌾𑌗𑍍​𑌮𑍍 - 𑌸॒𑌹 𑌨𑍌॒ - 𑌯 ॑00𑍭𑌆;𑌛𑌨𑍍𑌦॑𑌸𑌾॒𑌮𑍍 - 𑌭𑍂𑌃 - 𑌸 𑌯𑌃 - 𑌪𑍃॑𑌥𑌿॒ - 𑌵𑍍𑌯𑍋𑌮𑌿 - 𑌤𑍍𑌯𑍃𑌤-𑌞𑍍𑌚𑌾॒ - 𑌹𑌮𑍍 - 𑌁𑌵𑍇𑌦𑌮𑌨𑍁𑌚𑍍𑌯 - 𑌶-𑌨𑍍𑌨𑌃॑ - 𑌸॒𑌹 𑌨𑌾॑𑌵𑌵𑌤𑍁 - 𑌬𑍍𑌰𑌹𑍍𑌮॒𑌵𑌿-𑌦𑍍- 𑌭𑍃𑌗𑍁𑌃॒ 𑌪𑌞𑍍𑌚॑𑌦𑌶)

(𑌶-𑌨𑍍𑌨𑍋॒ - 𑌮𑌹॒ 𑌇𑌤𑍍𑌯𑌾॑𑌦𑌿॒𑌤𑍍𑌯𑍋 - 𑌨𑍋 𑌇॑𑌤𑌰𑌾॒𑌣𑍍𑌯 - 𑌸॑𑌨𑍍𑌨𑍇॒𑌵𑌾 - 𑌨𑍍𑌨॒-𑌨𑍍𑌨 𑌨𑌿॑𑌨𑍍𑌦𑍍𑌯𑌾॒𑌚𑍍𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌤𑍍 )

(𑌶𑌨𑍍𑌨॒ - 𑌇𑌤𑍍𑌯𑍁॑𑌪॒𑌨𑌿𑌷॑𑌤𑍍 )

॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌨𑌵𑌮𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥