നമസ്തേ ലലിതേ ദേവി ശ്രീമത്സിംഹാസനേശ്വരി ।
ഭക്താനാമിഷ്ടദേ മാതഃ അഭിരാമി നമോഽസ്തു തേ ॥ 1 ॥
ചംദ്രോദയം കൃതവതീ താടംകേന മഹേശ്വരി ।
ആയുര്ദേഹി ജഗന്മാതഃ അഭിരാമി നമോഽസ്തു തേ ॥ 2 ॥
സുധാഘടേശശ്രീകാംതേ ശരണാഗതവത്സലേ ।
ആരോഗ്യം ദേഹി മേ നിത്യം അഭിരാമി നമോഽസ്തു തേ ॥ 3 ॥
കള്യാണി മംഗളം ദേഹി ജഗന്മംഗളകാരിണി ।
ഐശ്വര്യം ദേഹി മേ നിത്യം അഭിരാമി നമോഽസ്തു തേ ॥ 4 ॥
ചംദ്രമംഡലമധ്യസ്ഥേ മഹാത്രിപുരസുംദരി ।
ശ്രീചക്രരാജനിലയേ അഭിരാമി നമോഽസ്തു തേ ॥ 5 ॥
രാജീവലോചനേ പൂര്ണേ പൂര്ണചംദ്രവിധായിനി ।
സൌഭാഗ്യം ദേഹി മേ നിത്യം അഭിരാമി നമോഽസ്തു തേ ॥ 6 ॥
ഗണേശസ്കംദജനനി വേദരൂപേ ധനേശ്വരി ।
വിദ്യാം ച ദേഹി മേ കീര്തിം അഭിരാമി നമോഽസ്തു തേ ॥ 7 ॥
സുവാസിനീപ്രിയേ മാതഃ സൌമാംഗള്യവിവര്ധിനീ ।
മാംഗള്യം ദേഹി മേ നിത്യം അഭിരാമി നമോഽസ്തു തേ ॥ 8 ॥
മാര്കംഡേയ മഹാഭക്ത സുബ്രഹ്മണ്യ സുപൂജിതേ ।
ശ്രീരാജരാജേശ്വരീ ത്വം ഹ്യഭിരാമി നമോഽസ്തു തേ ॥ 9 ॥
സാന്നിധ്യം കുരു കള്യാണീ മമ പൂജാഗൃഹേ ശുഭേ ।
ബിംബേ ദീപേ തഥാ പുഷ്പേ ഹരിദ്രാ കുംകുമേ മമ ॥ 10 ॥
അഭിരാമ്യാ ഇദം സ്തോത്രം യഃ പഠേച്ഛക്തിസന്നിധൌ ।
ആയുര്ബലം യശോ വര്ചോ മംഗളം ച ഭവേത്സുഖമ് ॥ 11 ॥
ഇതി ശ്രീഅഭിരാമിഭട്ടാര് കൃത ശ്രീ അഭിരാമി സ്തോത്രമ് ।
