ശ്രീ ശിവ ഉവാച
താരിണീ തരളാ തന്വീ താരാ തരുണവല്ലരീ ।
താരരൂപാ തരീ ശ്യാമാ തനുക്ഷീണപയോധരാ ॥ 1 ॥
തുരീയാ തരുണാ തീവ്രഗമനാ നീലവാഹിനീ ।
ഉഗ്രതാരാ ജയാ ചംഡീ ശ്രീമദേകജടാശിരാ ॥ 2 ॥
തരുണീ ശാംഭവീ ഛിന്നഫാലാ സ്യാദ്ഭദ്രദായിനീ ।
ഉഗ്രാ ഉഗ്രപ്രഭാ നീലാ കൃഷ്ണാ നീലസരസ്വതീ ॥ 3 ॥
ദ്വിതീയാ ശോഭനാ നിത്യാ നവീനാ നിത്യഭീഷണാ ।
ചംഡികാ വിജയാരാധ്യാ ദേവീ ഗഗനവാഹിനീ ॥ 4 ॥
അട്ടഹാസാ കരാളാസ്യാ ചരാസ്യാദീശപൂജിതാ ।
സഗുണാഽസഗുണാഽരാധ്യാ ഹരീംദ്രാദിപ്രപൂജിതാ ॥ 5 ॥
രക്തപ്രിയാ ച രക്താക്ഷീ രുധിരാസ്യവിഭൂഷിതാ ।
ബലിപ്രിയാ ബലിരതാ ദുര്ഗാ ബലവതീ ബലാ ॥ 6 ॥
ബലപ്രിയാ ബലരതാ ബലരാമപ്രപൂജിതാ ।
അര്ധകേശേശ്വരീ കേശാ കേശവാ സ്രഗ്വിഭൂഷിതാ ॥ 7 ॥
പദ്മമാലാ ച പദ്മാക്ഷീ കാമാഖ്യാ ഗിരിനംദിനീ ।
ദക്ഷിണാ ചൈവ ദക്ഷാ ച ദക്ഷജാ ദക്ഷിണേരതാ ॥ 8 ॥
വജ്രപുഷ്പപ്രിയാ രക്തപ്രിയാ കുസുമഭൂഷിതാ ।
മാഹേശ്വരീ മഹാദേവപ്രിയാ പന്നഗഭൂഷിതാ ॥ 9 ॥
ഇഡാ ച പിംഗളാ ചൈവ സുഷുമ്നാപ്രാണരൂപിണീ ।
ഗാംധാരീ പംചമീ പംചാനനാദിപരിപൂജിതാ ॥ 10 ॥
തഥ്യവിദ്യാ തഥ്യരൂപാ തഥ്യമാര്ഗാനുസാരിണീ ।
തത്ത്വരൂപാ തത്ത്വപ്രിയാ തത്ത്വജ്ഞാനാത്മികാഽനഘാ ॥ 11 ॥
താംഡവാചാരസംതുഷ്ടാ താംഡവപ്രിയകാരിണീ ।
താലനാദരതാ ക്രൂരതാപിനീ തരണിപ്രഭാ ॥ 12 ॥
ത്രപായുക്താ ത്രപാമുക്താ തര്പിതാ തൃപ്തികാരിണീ ।
താരുണ്യഭാവസംതുഷ്ടാ ശക്തി-ര്ഭക്താനുരാഗിണീ ॥ 13 ॥
ശിവാസക്താ ശിവരതിഃ ശിവഭക്തിപരായണാ ।
താമ്രദ്യുതി-സ്താമ്രരാഗാ താമ്രപാത്രപ്രഭോജിനീ ॥ 14 ॥
ബലഭദ്രപ്രേമരതാ ബലിഭു-ഗ്ബലികല്പനീ ।
രാമപ്രിയാ രാമശക്തീ രാമരൂപാനുകാരിണീ ॥ 15 ॥
ഇത്യേതത്കഥിതം ദേവി രഹസ്യം പരമാദ്ഭുതമ് ।
ശ്രുത്വാമോക്ഷമവാപ്നോതി താരാദേവ്യാഃ പ്രസാദതഃ ॥ 16 ॥
യ ഇദം പഠതി സ്തോത്രം താരാസ്തുതിരഹസ്യജമ് ।
സർവസിദ്ധിയുതോ ഭൂത്വാ വിഹരേത് ക്ഷിതി മംഡലേ ॥ 17 ॥
തസ്യൈവ മംത്രസിദ്ധിഃ സ്യാന്മയി ഭക്തിരനുത്തമാ ।
ഭവത്യേവ മഹാമായേ സത്യം സത്യം ന സംശയഃ ॥ 18 ॥
മംദേ മംഗളവാരേ ച യഃ പഠേന്നിശി സംയുതഃ ।
തസ്യൈവ മംത്രസിദ്ധിസ്സ്യാദ്ഗാണാപത്യം ലഭേത സഃ ॥ 19 ॥
ശ്രദ്ധയാഽശ്രദ്ധയാ വാഽപി പഠേത്താരാ രഹസ്യകമ് ।
സോഽചിരേണൈവകാലേന ജീവന്മുക്തശ്ശിവോ ഭവേത് ॥ 20 ॥
സഹസ്രാവര്തനാദ്ദേവി പുരശ്ചര്യാഫലം ലഭേത് ।
ഏവം സതതയുക്താ യേ ധ്യായംതസ്ത്വാമുപാസതേ ॥ 21 ॥
തേ കൃതാര്ഥാ മഹേശാനി മൃത്യുസംസാരവര്ത്മനഃ ॥ 22 ॥
ഇതി ശ്രീ സ്വര്ണമാലാതംത്രേ താരാംബാഷ്ടോത്തരശതനാമ സ്തോത്രമ് ।
