ഭൈരവ ഉവാച
ശതനാമ പ്രവക്ഷ്യാമി കാളികായാ വരാനനേ ।
യസ്യ പ്രപഠനാദ്വാഗ്മീ സർവത്ര വിജയീ ഭവേത് ॥ 1 ॥
കാളീ കപാലിനീ കാംതാ കാമദാ കാമസുംദരീ ।
കാളരാത്രിഃ കാളികാ ച കാലഭൈരവപൂജിതാ ॥ 2 ॥
കുരുകുLLആ കാമിനീ ച കമനീയസ്വഭാവിനീ ।
കുലീനാ കുലകര്ത്രീ ച കുലവര്ത്മപ്രകാശിനീ ॥ 3 ॥
കസ്തൂരീരസനീലാ ച കാമ്യാ കാമസ്വരൂപിണീ ।
കകാരവര്ണനിലയാ കാമധേനുഃ കരാളികാ ॥ 4 ॥
കുലകാംതാ കരാളാസ്യാ കാമാര്താ ച കളാവതീ ।
കൃശോദരീ ച കാമാഖ്യാ കൌമാരീ കുലപാലിനീ ॥ 5 ॥
കുലജാ കുലകന്യാ ച കുലഹാ കുലപൂജിതാ ।
കാമേശ്വരീ കാമകാംതാ കുംജരേശ്വരഗാമിനീ ॥ 6 ॥
കാമദാത്രീ കാമഹര്ത്രീ കൃഷ്ണാ ചൈവ കപര്ദിനീ ।
കുമുദാ കൃഷ്ണദേഹാ ച കാളിംദീ കുലപൂജിതാ ॥ 7 ॥
കാശ്യപീ കൃഷ്ണമാതാ ച കുലിശാംഗീ കളാ തഥാ ।
ക്രീം രൂപാ കുലഗമ്യാ ച കമലാ കൃഷ്ണപൂജിതാ ॥ 8 ॥
കൃശാംഗീ കിന്നരീ കര്ത്രീ കലകംഠീ ച കാര്തികീ ।
കംബുകംഠീ കൌളിനീ ച കുമുദാ കാമജീവിനീ ॥ 9 ॥
കുലസ്ത്രീ കീര്തികാ കൃത്യാ കീര്തിശ്ച കുലപാലികാ ।
കാമദേവകളാ കല്പലതാ കാമാംഗവര്ധിനീ ॥ 10 ॥
കുംതാ ച കുമുദപ്രീതാ കദംബകുസുമോത്സുകാ ।
കാദംബിനീ കമലിനീ കൃഷ്ണാനംദപ്രദായിനീ ॥ 11 ॥
കുമാരീപൂജനരതാ കുമാരീഗണശോഭിതാ ।
കുമാരീരംജനരതാ കുമാരീവ്രതധാരിണീ ॥ 12 ॥
കംകാളീ കമനീയാ ച കാമശാസ്ത്രവിശാരദാ ।
കപാലഖട്വാംഗധരാ കാലഭൈരവരൂപിണീ ॥ 13 ॥
കോടരീ കോടരാക്ഷീ ച കാശീകൈലാസവാസിനീ ।
കാത്യായനീ കാര്യകരീ കാവ്യശാസ്ത്രപ്രമോദിനീ ॥ 14 ॥
കാമാകര്ഷണരൂപാ ച കാമപീഠനിവാസിനീ ।
കംകിനീ കാകിനീ ക്രീഡാ കുത്സിതാ കലഹപ്രിയാ ॥ 15 ॥
കുംഡഗോലോദ്ഭവപ്രാണാ കൌശികീ കീര്തിവര്ധിനീ ।
കുംഭസ്തനീ കടാക്ഷാ ച കാവ്യാ കോകനദപ്രിയാ ॥ 16 ॥
കാംതാരവാസിനീ കാംതിഃ കഠിനാ കൃഷ്ണവല്ലഭാ ।
ഇതി തേ കഥിതം ദേവി ഗുഹ്യാദ്ഗുഹ്യതരം പരമ് ॥ 17 ॥
പ്രപഠേദ്യ ഇദം നിത്യം കാളീനാമശതാഷ്ടകമ് ।
ത്രിഷു ലോകേഷു ദേവേശി തസ്യാഽസാധ്യം ന വിദ്യതേ ॥ 18 ॥
പ്രാതഃകാലേ ച മധ്യാഹ്നേ സായാഹ്നേ ച സദാ നിശി ।
യഃ പഠേത്പരയാ ഭക്ത്യാ കാളീനാമശതാഷ്ടകമ് ॥ 19 ॥
കാളികാ തസ്യ ഗേഹേ ച സംസ്ഥാനം കുരുതേ സദാ ।
ശൂന്യാഗാരേ ശ്മശാനേ വാ പ്രാംതരേ ജലമധ്യതഃ ॥ 20 ॥
വഹ്നിമധ്യേ ച സംഗ്രാമേ തഥാ പ്രാണസ്യ സംശയേ ।
ശതാഷ്ടകം ജപന്മംത്രീ ലഭതേ ക്ഷേമമുത്തമമ് ॥ 21 ॥
കാളീം സംസ്ഥാപ്യ വിധിവത് സ്തുത്വാ നാമശതാഷ്ടകൈഃ ।
സാധകഃ സിദ്ധിമാപ്നോതി കാളികായാഃ പ്രസാദതഃ ॥ 22 ॥
ഇതി ശ്രീ കാളീ കകാരാഷ്ടോത്തരശതനാമ സ്തോത്രമ് ।
