നാരദ ഉവാച
ഭഗവന് ദേവദേവേശ സൃഷ്ടിസ്ഥിതിലയേശ്വര ।
ശതമഷ്ടോത്തരം നാമ്നാം ബഗളായാ വദാധുനാ ॥ 1 ॥
ശ്രീ ഭഗവാനുവാച
ശൃണു വത്സ പ്രവക്ഷ്യാമി നാമ്നാമഷ്ടോത്തരം ശതമ് ।
പീതാംബര്യാ മഹാദേവ്യാഃ സ്തോത്രം പാപപ്രണാശനമ് ॥ 2 ॥
യസ്യ പ്രപഠനാത്സദ്യോ വാദീ മൂകോഭവേത് ക്ഷണാത് ।
രിപവസ്സ്തംഭനം യാംതി സത്യം സത്യം വദാമ്യഹമ് ॥ 3 ॥
ഓം അസ്യ ശ്രീപീതാംബര്യഷ്ടോത്തരശതനാമസ്തോത്രസ്യ സദാശിവ ഋഷിഃ അനുഷ്ടുപ്ഛംദഃ ശ്രീപീതാംബരീ ദേവതാ ശ്രീപീതാംബരീ പ്രീതയേ ജപേ വിനിയോഗഃ ।
ഓം ബഗളാ വിഷ്ണുവനിതാ വിഷ്ണുശംകരഭാമിനീ ।
ബഹുളാ ദേവമാതാ ച മഹാവിഷ്ണുപ്രസൂരപി ॥ 4 ॥
മഹാമത്സ്യാ മഹാകൂര്മാ മഹാവാരാഹരൂപിണീ ।
നാരസിംഹപ്രിയാ രമ്യാ വാമനാ പടുരൂപിണീ ॥ 5 ॥
ജാമദഗ്ന്യസ്വരൂപാ ച രാമാ രാമപ്രപൂജിതാ ।
കൃഷ്ണാ കപര്ദിനീ കൃത്യാ കലഹാ ച വികാരിണീ ॥ 6 ॥
ബുദ്ധിരൂപാ ബുദ്ധഭാര്യാ ബൌദ്ധപാഷംഡഖംഡിനീ ।
കല്കിരൂപാ കലിഹരാ കലിദുര്ഗതിനാശിനീ ॥ 7 ॥
കോടിസൂര്യപ്രതീകാശാ കോടികംദര്പമോഹിനീ ।
കേവലാ കഠിനാ കാളീ കലാ കൈവല്യദായിനീ ॥ 8 ॥
കേശവീ കേശവാരാധ്യാ കിശോരീ കേശവസ്തുതാ ।
രുദ്രരൂപാ രുദ്രമൂര്തീ രുദ്രാണീ രുദ്രദേവതാ ॥ 9 ॥
നക്ഷത്രരൂപാ നക്ഷത്രാ നക്ഷത്രേശപ്രപൂജിതാ ।
നക്ഷത്രേശപ്രിയാ നിത്യാ നക്ഷത്രപതിവംദിതാ ॥ 10 ॥
നാഗിനീ നാഗജനനീ നാഗരാജപ്രവംദിതാ ।
നാഗേശ്വരീ നാഗകന്യാ നാഗരീ ച നഗാത്മജാ ॥ 11 ॥
നഗാധിരാജതനയാ നഗരാജപ്രപൂജിതാ ।
നവീനാ നീരദാ പീതാ ശ്യാമാ സൌംദര്യകാരിണീ ॥ 12 ॥
രക്താ നീലാ ഘനാ ശുഭ്രാ ശ്വേതാ സൌഭാഗ്യദായിനീ ।
സുംദരീ സൌഭഗാ സൌമ്യാ സ്വര്ണാഭാ സ്വര്ഗതിപ്രദാ ॥ 13 ॥
രിപുത്രാസകരീ രേഖാ ശത്രുസംഹാരകാരിണീ ।
ഭാമിനീ ച തഥാ മായാ സ്തംഭിനീ മോഹിനീ ശുഭാ ॥ 14 ॥
രാഗദ്വേഷകരീ രാത്രീ രൌരവധ്വംസകാരിണീ ।
യക്ഷിണീ സിദ്ധനിവഹാ സിദ്ധേശാ സിദ്ധിരൂപിണീ ॥ 15 ॥
ലംകാപതിധ്വംസകരീ ലംകേശരിപുവംദിതാ ।
ലംകാനാഥകുലഹരാ മഹാരാവണഹാരിണീ ॥ 16 ॥
ദേവദാനവസിദ്ധൌഘപൂജിതാപരമേശ്വരീ ।
പരാണുരൂപാ പരമാ പരതംത്രവിനാശിനീ ॥ 17 ॥
വരദാ വരദാരാധ്യാ വരദാനപരായണാ ।
വരദേശപ്രിയാ വീരാ വീരഭൂഷണഭൂഷിതാ ॥ 18 ॥
വസുദാ ബഹുദാ വാണീ ബ്രഹ്മരൂപാ വരാനനാ ।
ബലദാ പീതവസനാ പീതഭൂഷണഭൂഷിതാ ॥ 19 ॥
പീതപുഷ്പപ്രിയാ പീതഹാരാ പീതസ്വരൂപിണീ ।
ഇതി തേ കഥിതം വിപ്ര നാമ്നാമഷ്ടോത്തരം ശതമ് ॥ 20 ॥
യഃ പഠേത്പാഠയേദ്വാപി ശൃണുയാദ്വാ സമാഹിതഃ ।
തസ്യ ശത്രുഃ ക്ഷയം സദ്യോ യാതി നൈവാത്ര സംശയഃ ॥ 21 ॥
പ്രഭാതകാലേ പ്രയതോ മനുഷ്യഃ
പഠേത്സുഭക്ത്യാ പരിചിംത്യ പീതാമ് ।
ധ്രുവം ഭവേത്തസ്യ സമസ്തവൃദ്ധിഃ
വിനാശമായാതി ച തസ്യ ശത്രുഃ ॥ 22 ॥
ഇതി ശ്രീവിഷ്ണുയാമലേ നാരദവിഷ്ണുസംവാദേ ശ്രീബഗളാഷ്ടോത്തരശതനാമസ്തോത്രമ് ।
