കൈലാസശിഖരേ രമ്യേ നാനാരത്നോപശോഭിതേ ।
നരനാരീഹിതാര്ഥായ ശിവം പപ്രച്ഛ പാർവതീ ॥ 1 ॥
ദേവ്യുവാച
ഭുവനേശീ മഹാവിദ്യാ നാമ്നാമഷ്ടോത്തരം ശതമ് ।
കഥയസ്വ മഹാദേവ യദ്യഹം തവ വല്ലഭാ ॥ 2 ॥
ഈശ്വര ഉവാച
ശൃണു ദേവി മഹാഭാഗേ സ്തവരാജമിദം ശുഭമ് ।
സഹസ്രനാമ്നാമധികം സിദ്ധിദം മോക്ഷഹേതുകമ് ॥ 3 ॥
ശുചിഭിഃ പ്രാതരുത്ഥായ പഠിതവ്യഃ സമാഹിതൈഃ ।
ത്രികാലം ശ്രദ്ധയാ യുക്തൈഃ സർവകാമഫലപ്രദഃ ॥ 4 ॥
അസ്യ ശ്രീഭുവനേശ്വര്യഷ്ടോത്തരശതനാമ സ്തോത്രമംത്രസ്യ ശക്തിരൃഷിഃ ഗായത്രീ ഛംദഃ ശ്രീഭുവനേശ്വരീ ദേവതാ ചതുർവിധഫല പുരുഷാര്ഥ സിദ്ധ്യര്ഥേ ജപേ വിനിയോഗഃ ॥
അഥ സ്തോത്രമ്
ഓം മഹാമായാ മഹാവിദ്യാ മഹായോഗാ മഹോത്കടാ ।
മാഹേശ്വരീ കുമാരീ ച ബ്രഹ്മാണീ ബ്രഹ്മരൂപിണീ ॥ 5 ॥
വാഗീശ്വരീ യോഗരൂപാ യോഗിനീകോടിസേവിതാ ।
ജയാ ച വിജയാ ചൈവ കൌമാരീ സർവമംഗളാ ॥ 6 ॥
ഹിംഗുളാ ച വിലാസീ ച ജ്വാലിനീ ജ്വാലരൂപിണീ ।
ഈശ്വരീ ക്രൂരസംഹാരീ കുലമാര്ഗപ്രദായിനീ ॥ 7 ॥
വൈഷ്ണവീ സുഭഗാകാരാ സുകുല്യാ കുലപൂജിതാ ।
വാമാംഗാ വാമചാരാ ച വാമദേവപ്രിയാ തഥാ ॥ 8 ॥
ഡാകിനീ യോഗിനീരൂപാ ഭൂതേശീ ഭൂതനായികാ ।
പദ്മാവതീ പദ്മനേത്രാ പ്രബുദ്ധാ ച സരസ്വതീ ॥ 9 ॥
ഭൂചരീ ഖേചരീ മായാ മാതംഗീ ഭുവനേശ്വരീ ।
കാംതാ പതിവ്രതാ സാക്ഷീ സുചക്ഷുഃ കുംഡവാസിനീ ॥ 10 ॥
ഉമാ കുമാരീ ലോകേശീ സുകേശീ പദ്മരാഗിണീ ।
ഇംദ്രാണീ ബ്രഹ്മചംഡാലീ ചംഡികാ വായുവല്ലഭാ ॥ 11 ॥
സർവധാതുമയീമൂര്തിര്ജലരൂപാ ജലോദരീ ।
ആകാശീ രണഗാ ചൈവ നൃകപാലവിഭൂഷണാ ॥ 12 ॥
നര്മദാ മോക്ഷദാ ചൈവ ധര്മകാമാര്ഥദായിനീ ।
ഗായത്രീ ചാഽഥ സാവിത്രീ ത്രിസംധ്യാ തീര്ഥഗാമിനീ ॥ 13 ॥
അഷ്ടമീ നവമീ ചൈവ ദശമ്യൈകാദശീ തഥാ ।
പൌര്ണമാസീ കുഹൂരൂപാ തിഥിമൂര്തിസ്വരൂപിണീ ॥ 14 ॥
സുരാരിനാശകാരീ ച ഉഗ്രരൂപാ ച വത്സലാ ।
അനലാ അര്ധമാത്രാ ച അരുണാ പീതലോചനാ ॥ 15 ॥
ലജ്ജാ സരസ്വതീ വിദ്യാ ഭവാനീ പാപനാശിനീ ।
നാഗപാശധരാ മൂര്തിരഗാധാ ധൃതകുംഡലാ ॥ 16 ॥
ക്ഷത്രരൂപാ ക്ഷയകരീ തേജസ്വിനീ ശുചിസ്മിതാ ।
അവ്യക്താവ്യക്തലോകാ ച ശംഭുരൂപാ മനസ്വിനീ ॥ 17 ॥
മാതംഗീ മത്തമാതംഗീ മഹാദേവപ്രിയാ സദാ ।
ദൈത്യഘ്നീ ചൈവ വാരാഹീ സർവശാസ്ത്രമയീ ശുഭാ ॥ 18 ॥
യ ഇദം പഠതേ ഭക്ത്യാ ശൃണുയാദ്വാ സമാഹിതഃ ।
അപുത്രോ ലഭതേ പുത്രം നിര്ധനോ ധനവാന് ഭവേത് ॥ 19 ॥
മൂര്ഖോഽപി ലഭതേ ശാസ്ത്രം ചോരോഽപി ലഭതേ ഗതിമ് ।
വേദാനാം പാഠകോ വിപ്രഃ ക്ഷത്രിയോ വിജയീ ഭവേത് ॥ 20 ॥
വൈശ്യസ്തു ധനവാന് ഭൂയാച്ഛൂദ്രസ്തു സുഖമേധതേ ।
അഷ്ടമ്യാം ച ചതുര്ദശ്യാം നവമ്യാം ചൈകചേതസഃ ॥ 21 ॥
യേ പഠംതി സദാ ഭക്ത്യാ ന തേ വൈ ദുഃഖഭാഗിനഃ ।
ഏകകാലം ദ്വികാലം വാ ത്രികാലം വാ ചതുര്ഥകമ് ॥ 22 ॥
യേ പഠംതി സദാ ഭക്ത്യാ സ്വര്ഗലോകേ ച പൂജിതാഃ ।
രുദ്രം ദൃഷ്ട്വാ യഥാ ദേവാഃ പന്നഗാ ഗരുഡം യഥാ ।
ശത്രവഃ പ്രപലായംതേ തസ്യ വക്ത്രവിലോകനാത് ॥ 23 ॥
ഇതി ശ്രീരുദ്രയാമലേ ദേവീശ്വരസംവാദേ ശ്രീ ഭുവനേശ്വര്യഷ്ടോത്തരശതനാമ സ്തോത്രമ് ।
