ନମସ୍ତେ ଲଲିତେ ଦେଵି ଶ୍ରୀମତ୍ସିଂହାସନେଶ୍ଵରି ।
ଭକ୍ତାନାମିଷ୍ଟଦେ ମାତଃ ଅଭିରାମି ନମୋଽସ୍ତୁ ତେ ॥ 1 ॥
ଚଂଦ୍ରୋଦୟଂ କୃତଵତୀ ତାଟଂକେନ ମହେଶ୍ଵରି ।
ଆୟୁର୍ଦେହି ଜଗନ୍ମାତଃ ଅଭିରାମି ନମୋଽସ୍ତୁ ତେ ॥ 2 ॥
ସୁଧାଘଟେଶଶ୍ରୀକାଂତେ ଶରଣାଗତଵତ୍ସଲେ ।
ଆରୋଗ୍ୟଂ ଦେହି ମେ ନିତ୍ୟଂ ଅଭିରାମି ନମୋଽସ୍ତୁ ତେ ॥ 3 ॥
କଳ୍ୟାଣି ମଂଗଳଂ ଦେହି ଜଗନ୍ମଂଗଳକାରିଣି ।
ଐଶ୍ଵର୍ୟଂ ଦେହି ମେ ନିତ୍ୟଂ ଅଭିରାମି ନମୋଽସ୍ତୁ ତେ ॥ 4 ॥
ଚଂଦ୍ରମଂଡଲମଧ୍ୟସ୍ଥେ ମହାତ୍ରିପୁରସୁଂଦରି ।
ଶ୍ରୀଚକ୍ରରାଜନିଲୟେ ଅଭିରାମି ନମୋଽସ୍ତୁ ତେ ॥ 5 ॥
ରାଜୀଵଲୋଚନେ ପୂର୍ଣେ ପୂର୍ଣଚଂଦ୍ରଵିଧାୟିନି ।
ସୌଭାଗ୍ୟଂ ଦେହି ମେ ନିତ୍ୟଂ ଅଭିରାମି ନମୋଽସ୍ତୁ ତେ ॥ 6 ॥
ଗଣେଶସ୍କଂଦଜନନି ଵେଦରୂପେ ଧନେଶ୍ଵରି ।
ଵିଦ୍ୟାଂ ଚ ଦେହି ମେ କୀର୍ତିଂ ଅଭିରାମି ନମୋଽସ୍ତୁ ତେ ॥ 7 ॥
ସୁଵାସିନୀପ୍ରିୟେ ମାତଃ ସୌମାଂଗଳ୍ୟଵିଵର୍ଧିନୀ ।
ମାଂଗଳ୍ୟଂ ଦେହି ମେ ନିତ୍ୟଂ ଅଭିରାମି ନମୋଽସ୍ତୁ ତେ ॥ 8 ॥
ମାର୍କଂଡେୟ ମହାଭକ୍ତ ସୁବ୍ରହ୍ମଣ୍ୟ ସୁପୂଜିତେ ।
ଶ୍ରୀରାଜରାଜେଶ୍ଵରୀ ତ୍ଵଂ ହ୍ୟଭିରାମି ନମୋଽସ୍ତୁ ତେ ॥ 9 ॥
ସାନ୍ନିଧ୍ୟଂ କୁରୁ କଳ୍ୟାଣୀ ମମ ପୂଜାଗୃହେ ଶୁଭେ ।
ବିଂବେ ଦୀପେ ତଥା ପୁଷ୍ପେ ହରିଦ୍ରା କୁଂକୁମେ ମମ ॥ 10 ॥
ଅଭିରାମ୍ୟା ଇଦଂ ସ୍ତୋତ୍ରଂ ୟଃ ପଠେଚ୍ଛକ୍ତିସନ୍ନିଧୌ ।
ଆୟୁର୍ବଲଂ ୟଶୋ ଵର୍ଚୋ ମଂଗଳଂ ଚ ଭଵେତ୍ସୁଖମ୍ ॥ 11 ॥
ଇତି ଶ୍ରୀଅଭିରାମିଭଟ୍ଟାର୍ କୃତ ଶ୍ରୀ ଅଭିରାମି ସ୍ତୋତ୍ରମ୍ ।
