अभिरामि स्तोत्रम्

This document is in सरल देवनागरी (Devanagari) script, which is commonly used for Konkani language. You can also view this in ಕನ್ನಡ (Kannada) script, which is also sometimes used for Konkani language.

अभिरामि स्तोत्रम्

नमस्ते ललिते देवि श्रीमत्सिंहासनेश्वरि ।
भक्तानामिष्टदे मातः अभिरामि नमोऽस्तु ते ॥ 1 ॥

चंद्रोदयं कृतवती ताटंकेन महेश्वरि ।
आयुर्देहि जगन्मातः अभिरामि नमोऽस्तु ते ॥ 2 ॥

सुधाघटेशश्रीकांते शरणागतवत्सले ।
आरोग्यं देहि मे नित्यं अभिरामि नमोऽस्तु ते ॥ 3 ॥

कल्याणि मंगलं देहि जगन्मंगलकारिणि ।
ऐश्वर्यं देहि मे नित्यं अभिरामि नमोऽस्तु ते ॥ 4 ॥

चंद्रमंडलमध्यस्थे महात्रिपुरसुंदरि ।
श्रीचक्रराजनिलये अभिरामि नमोऽस्तु ते ॥ 5 ॥

राजीवलोचने पूर्णे पूर्णचंद्रविधायिनि ।
सौभाग्यं देहि मे नित्यं अभिरामि नमोऽस्तु ते ॥ 6 ॥

गणेशस्कंदजननि वेदरूपे धनेश्वरि ।
विद्यां च देहि मे कीर्तिं अभिरामि नमोऽस्तु ते ॥ 7 ॥

सुवासिनीप्रिये मातः सौमांगल्यविवर्धिनी ।
मांगल्यं देहि मे नित्यं अभिरामि नमोऽस्तु ते ॥ 8 ॥

मार्कंडेय महाभक्त सुब्रह्मण्य सुपूजिते ।
श्रीराजराजेश्वरी त्वं ह्यभिरामि नमोऽस्तु ते ॥ 9 ॥

सान्निध्यं कुरु कल्याणी मम पूजागृहे शुभे ।
बिंबे दीपे तथा पुष्पे हरिद्रा कुंकुमे मम ॥ 10 ॥

अभिराम्या इदं स्तोत्रं यः पठेच्छक्तिसन्निधौ ।
आयुर्बलं यशो वर्चो मंगलं च भवेत्सुखम् ॥ 11 ॥

इति श्रीअभिरामिभट्टार् कृत श्री अभिरामि स्तोत्रम् ।

Browse Related Categories: