ଧ୍ୟାନଂ
ଵ୍ୟାଖ୍ୟାରୁଦ୍ରାକ୍ଷମାଲେ କଲଶସୁରଭିତେ ବାହୁଭିର୍ଵାମପାଦଂ
ବିଭ୍ରାଣୋ ଜାନୁମୂର୍ଧ୍ନା ଵଟତରୁନିଵୃତାଵସ୍ୟଧୋ ଵିଦ୍ୟମାନଃ ।
ସୌଵର୍ଣେ ୟୋଗପୀଠେ ଲିପିମୟକମଲେ ସୂପଵିଷ୍ଟସ୍ତ୍ରିଣେତ୍ରଃ
କ୍ଷୀରାଭଶ୍ଚଂଦ୍ରମୌଳିର୍ଵିତରତୁ ନିତରାଂ ଶୁଦ୍ଧବୁଦ୍ଧିଂ ଶିଵୋ ନଃ ॥
ସ୍ତୋତ୍ରଂ
ଵିଦ୍ୟାରୂପୀ ମହାୟୋଗୀ ଶୁଦ୍ଧଜ୍ଞାନୀ ପିନାକଧୃତ୍ ।
ରତ୍ନାଲଂକୃତସର୍ଵାଂଗୋ ରତ୍ନମାଲୀ ଜଟାଧରଃ ॥ 1 ॥
ଗଂଗାଧାର୍ୟଚଲାଵାସୀ ସର୍ଵଜ୍ଞାନୀ ସମାଧିଧୃତ୍ ।
ଅପ୍ରମେୟୋ ୟୋଗନିଧିସ୍ତାରକୋ ଭକ୍ତଵତ୍ସଲଃ ॥ 2 ॥
ବ୍ରହ୍ମରୂପୀ ଜଗଦ୍ଵ୍ୟାପୀ ଵିଷ୍ଣୁମୂର୍ତିଃ ପୁରାଂତକଃ ।
ଉକ୍ଷଵାହଶ୍ଚର୍ମଵାସାଃ ପୀତାଂବରଵିଭୂଷଣଃ ॥ 3 ॥
ମୋକ୍ଷସିଦ୍ଧିର୍ମୋକ୍ଷଦାୟୀ ଦାନଵାରିର୍ଜଗତ୍ପତିଃ ।
ଵିଦ୍ୟାଧାରୀ ଶୁକ୍ଲତନୁଃ ଵିଦ୍ୟାଦାୟୀ ଗଣାଧିପଃ ॥ 4 ॥
ପାପାପସ୍ମୃତିସଂହର୍ତା ଶଶିମୌଳିର୍ମହାସ୍ଵନଃ ।
ସାମପ୍ରିୟଃ ସ୍ଵୟଂ ସାଧୁଃ ସର୍ଵଦେଵୈର୍ନମସ୍କୃତଃ ॥ 5 ॥
ହସ୍ତଵହ୍ନିଧରଃ ଶ୍ରୀମାନ୍ ମୃଗଧାରୀ ଚ ଶଂକରଃ ।
ୟଜ୍ଞନାଥଃ କ୍ରତୁଧ୍ଵଂସୀ ୟଜ୍ଞଭୋକ୍ତା ୟମାଂତକଃ ॥ 6 ॥
ଭକ୍ତାନୁଗ୍ରହମୂର୍ତିଶ୍ଚ ଭକ୍ତସେଵ୍ୟୋ ଵୃଷଧ୍ଵଜଃ ।
ଭସ୍ମୋଦ୍ଧୂଳିତସର୍ଵାଂଗୋଽପ୍ୟକ୍ଷମାଲାଧରୋ ମହାନ୍ ॥ 7 ॥
ତ୍ରୟୀମୂର୍ତିଃ ପରଂ ବ୍ରହ୍ମ ନାଗରାଜୈରଲଂକୃତଃ ।
ଶାଂତରୂପୋ ମହାଜ୍ଞାନୀ ସର୍ଵଲୋକଵିଭୂଷଣଃ ॥ 8 ॥
ଅର୍ଧନାରୀଶ୍ଵରୋ ଦେଵୋ ମୁନିସେଵ୍ୟଃ ସୁରୋତ୍ତମଃ ।
ଵ୍ୟାଖ୍ୟାନଦେଵୋ ଭଗଵାନ୍ ଅଗ୍ନିଚଂଦ୍ରାର୍କଲୋଚନଃ ॥ 9 ॥
ଜଗତ୍ସ୍ରଷ୍ଟା ଜଗଦ୍ଗୋପ୍ତା ଜଗଦ୍ଧ୍ଵଂସୀ ତ୍ରିଲୋଚନଃ ।
ଜଗଦ୍ଗୁରୁର୍ମହାଦେଵୋ ମହାନଂଦପରାୟଣଃ ॥ 10 ॥
ଜଟାଧାରୀ ମହାଵୀରୋ ଜ୍ଞାନଦେଵୈରଲଂକୃତଃ ।
ଵ୍ୟୋମଗଂଗାଜଲସ୍ନାତା ସିଦ୍ଧସଂଘସମର୍ଚିତଃ ॥ 11 ॥
ତତ୍ତ୍ଵମୂର୍ତିର୍ମହାୟୋଗୀ ମହାସାରସ୍ଵତପ୍ରଦଃ ।
ଵ୍ୟୋମମୂର୍ତିଶ୍ଚ ଭକ୍ତାନାମିଷ୍ଟକାମଫଲପ୍ରଦଃ ॥ 12 ॥
ଵୀରମୂର୍ତିର୍ଵିରୂପୀ ଚ ତେଜୋମୂର୍ତିରନାମୟଃ ।
ଵେଦଵେଦାଂଗତତ୍ତ୍ଵଜ୍ଞଶ୍ଚତୁଷ୍ଷଷ୍ଟିକଳାନିଧିଃ ॥ 13 ॥
ଭଵରୋଗଭୟଧ୍ଵଂସୀ ଭକ୍ତାନାମଭୟପ୍ରଦଃ ।
ନୀଲଗ୍ରୀଵୋ ଲଲାଟାକ୍ଷୋ ଗଜଚର୍ମା ଚ ଜ୍ଞାନଦଃ ॥ 14 ॥
ଅରୋଗୀ କାମଦହନସ୍ତପସ୍ଵୀ ଵିଷ୍ଣୁଵଲ୍ଲଭଃ ।
ବ୍ରହ୍ମଚାରୀ ଚ ସଂନ୍ୟାସୀ ଗୃହସ୍ଥାଶ୍ରମକାରଣଃ ॥ 15 ॥
ଦାଂତଶମଵତାଂ ଶ୍ରେଷ୍ଠଃ ସତ୍ତ୍ଵରୂପଦୟାନିଧିଃ ।
ୟୋଗପଟ୍ଟାଭିରାମଶ୍ଚ ଵୀଣାଧାରୀ ଵିଚେତନଃ ॥ 16 ॥
ମଂତ୍ରପ୍ରଜ୍ଞାନୁଗାଚାରୋ ମୁଦ୍ରାପୁସ୍ତକଧାରକଃ ।
ରାଗହିକ୍କାଦିରୋଗାଣାଂ ଵିନିହଂତା ସୁରେଶ୍ଵରଃ ॥ 17 ॥
ଇତି ଶ୍ରୀ ଦକ୍ଷିଣାମୂର୍ତ୍ୟଷ୍ଟୋତ୍ତରଶତନାମ ସ୍ତୋତ୍ରମ୍ ॥
