ශ්රීමාධවී කානනස්ථේ ගර්භරක්ෂාංබිකේ පාහි භක්තාං ස්තුවංතීම් ॥
වාපීතටේ වාමභාගේ
වාමදේවස්ය දේවස්ය දේවි ස්ථිතා ත්වම් ।
මාන්යා වරේණ්යා වදාන්යා
පාහි ගර්භස්ථජංතූන් තථා භක්තලෝකාන් ॥ 1 ॥
ශ්රීමාධවී කානනස්ථේ ගර්භරක්ෂාංබිකේ පාහි භක්තාං ස්තුවංතීම් ॥
ශ්රීගර්භරක්ෂාපුරේ යා
දිව්යසෞංදර්යයුක්තා සුමාංගළ්යගාත්රී ।
ධාත්රී ජනිත්රී ජනානාං
දිව්යරූපාං දයාර්ද්රාං මනෝජ්ඤාං භජේ ත්වාම් ॥ 2 ॥
ශ්රීමාධවී කානනස්ථේ ගර්භරක්ෂාංබිකේ පාහි භක්තාං ස්තුවංතීම් ॥
ආෂාඪමාසේ සුපුණ්යේ
ශුක්රවාරේ සුගංධේන ගංධේන ලිප්තා ।
දිව්යාංබරාකල්පවේෂා
වාජපේයාදියාගස්ථභක්තෛඃ සුදෘෂ්ටා ॥ 3 ॥
ශ්රීමාධවී කානනස්ථේ ගර්භරක්ෂාංබිකේ පාහි භක්තාං ස්තුවංතීම් ॥
කල්යාණදාත්රීං නමස්යේ
වේදිකාඪ්යස්ත්රියා ගර්භරක්ෂාකරීං ත්වාම් ।
බාලෛස්සදා සේවිතාංඝ්රිං
ගර්භරක්ෂාර්ථමාරාදුපේතෛරුපේතාම් ॥ 4 ॥
ශ්රීමාධවී කානනස්ථේ ගර්භරක්ෂාංබිකේ පාහි භක්තාං ස්තුවංතීම් ॥
බ්රහ්මෝත්සවේ විප්රවීථ්යාං
වාද්යඝෝෂේණ තුෂ්ටාං රථේ සන්නිවිෂ්ටාම් ।
සර්වාර්ථදාත්රීං භජේऽහං
දේවවෘංදෛරපීඩ්යාං ජගන්මාතරං ත්වාම් ॥ 5 ॥
ශ්රීමාධවී කානනස්ථේ ගර්භරක්ෂාංබිකේ පාහි භක්තාං ස්තුවංතීම් ॥
ඒතත් කෘතං ස්තෝත්රරත්නං
දීක්ෂිතානංතරාමේණ දේව්යාශ්ච තුෂ්ට්යෛ ।
නිත්යං පඨේද්යස්තු භක්ත්යා
පුත්රපෞත්රාදි භාග්යං භවේත්තස්ය නිත්යම් ॥ 6 ॥
ශ්රීමාධවී කානනස්ථේ ගර්භරක්ෂාංබිකේ පාහි භක්තාං ස්තුවංතීම් ॥
ඉති ශ්රීඅනංතරාමදීක්ෂිතවර්ය විරචිතං ගර්භරක්ෂාංබිකා ස්තෝත්රම් ॥
