𑌶𑍍𑌰𑍀 𑌵𑌿𑌷𑍍𑌣𑍁 𑌶𑌤 𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 (𑌵𑌿𑌷𑍍𑌣𑍁 𑌪𑍁𑌰𑌾𑌣)

Collection of Spiritual and Devotional Literature in Various Indian Languages

View this in:

॥ 𑌶𑍍𑌰𑍀 𑌵𑌿𑌷𑍍𑌣𑍁 𑌅𑌷𑍍𑌟𑍋𑌤𑍍𑌤𑌰 𑌶𑌤𑌨𑌾𑌮𑌸𑍍𑌤𑍋𑌤𑍍𑌰𑌮𑍍 ॥

𑌵𑌾𑌸𑍁𑌦𑍇𑌵𑌂 𑌹𑍃𑌷𑍀𑌕𑍇𑌶𑌂 𑌵𑌾𑌮𑌨𑌂 𑌜𑌲𑌶𑌾𑌯𑌿𑌨𑌮𑍍 ।
𑌜𑌨𑌾𑌰𑍍𑌦𑌨𑌂 𑌹𑌰𑌿𑌂 𑌕𑍃𑌷𑍍𑌣𑌂 𑌶𑍍𑌰𑍀𑌵𑌕𑍍𑌷𑌂 𑌗𑌰𑍁𑌡𑌧𑍍𑌵𑌜𑌮𑍍 ॥ 1 ॥

𑌵𑌾𑌰𑌾𑌹𑌂 𑌪𑍁𑌂𑌡𑌰𑍀𑌕𑌾𑌕𑍍𑌷𑌂 𑌨𑍃𑌸𑌿𑌂𑌹𑌂 𑌨𑌰𑌕𑌾𑌂𑌤𑌕𑌮𑍍 ।
𑌅𑌵𑍍𑌯𑌕𑍍𑌤𑌂 𑌶𑌾𑌶𑍍𑌵𑌤𑌂 𑌵𑌿𑌷𑍍𑌣𑍁𑌮𑌨𑌂𑌤𑌮𑌜𑌮𑌵𑍍𑌯𑌯𑌮𑍍 ॥ 2 ॥

𑌨𑌾𑌰𑌾𑌯𑌣𑌂 𑌗𑌦𑌾𑌧𑍍𑌯𑌕𑍍𑌷𑌂 𑌗𑍋𑌵𑌿𑌂𑌦𑌂 𑌕𑍀𑌰𑍍𑌤𑌿𑌭𑌾𑌜𑌨𑌮𑍍 ।
𑌗𑍋𑌵𑌰𑍍𑌧𑌨𑍋𑌦𑍍𑌧𑌰𑌂 𑌦𑍇𑌵𑌂 𑌭𑍂𑌧𑌰𑌂 𑌭𑍁𑌵𑌨𑍇𑌶𑍍𑌵𑌰𑌮𑍍 ॥ 3 ॥

𑌵𑍇𑌤𑍍𑌤𑌾𑌰𑌂 𑌯𑌜𑍍𑌞𑌪𑍁𑌰𑍁𑌷𑌂 𑌯𑌜𑍍𑌞𑍇𑌶𑌂 𑌯𑌜𑍍𑌞𑌵𑌾𑌹𑌨𑌮𑍍 ।
𑌚𑌕𑍍𑌰𑌪𑌾𑌣𑌿𑌂 𑌗𑌦𑌾𑌪𑌾𑌣𑌿𑌂 𑌶𑌂𑌖𑌪𑌾𑌣𑌿𑌂 𑌨𑌰𑍋𑌤𑍍𑌤𑌮𑌮𑍍 ॥ 4 ॥

𑌵𑍈𑌕𑍁𑌂𑌠𑌂 𑌦𑍁𑌷𑍍𑌟𑌦𑌮𑌨𑌂 𑌭𑍂𑌗𑌰𑍍𑌭𑌂 𑌪𑍀𑌤𑌵𑌾𑌸𑌸𑌮𑍍 ।
𑌤𑍍𑌰𑌿𑌵𑌿𑌕𑍍𑌰𑌮𑌂 𑌤𑍍𑌰𑌿𑌕𑌾𑌲𑌜𑍍𑌞𑌂 𑌤𑍍𑌰𑌿𑌮𑍂𑌰𑍍𑌤𑌿𑌂 𑌨𑌂𑌦𑌕𑍇𑌶𑍍𑌵𑌰𑌮𑍍 ॥ 5 ॥

𑌰𑌾𑌮𑌂 𑌰𑌾𑌮𑌂 𑌹𑌯𑌗𑍍𑌰𑍀𑌵𑌂 𑌭𑍀𑌮𑌂 𑌰𑍌𑌦𑍍𑌰𑌂 𑌭𑌵𑍋𑌦𑍍𑌭𑌵𑌮𑍍 ।
𑌶𑍍𑌰𑍀𑌪𑌤𑌿𑌂 𑌶𑍍𑌰𑍀𑌧𑌰𑌂 𑌶𑍍𑌰𑍀𑌶𑌂 𑌮𑌂𑌗𑌲𑌂 𑌮𑌂𑌗𑌲𑌾𑌯𑍁𑌧𑌮𑍍 ॥ 6 ॥

𑌦𑌾𑌮𑍋𑌦𑌰𑌂 𑌦𑌮𑍋𑌪𑍇𑌤𑌂 𑌕𑍇𑌶𑌵𑌂 𑌕𑍇𑌶𑌿𑌸𑍂𑌦𑌨𑌮𑍍 ।
𑌵𑌰𑍇𑌣𑍍𑌯𑌂 𑌵𑌰𑌦𑌂 𑌵𑌿𑌷𑍍𑌣𑍁𑌮𑌾𑌨𑌂𑌦𑌂 𑌵𑌸𑍁𑌦𑍇𑌵𑌜𑌮𑍍 ॥ 𑍭 ॥

𑌹𑌿𑌰𑌣𑍍𑌯𑌰𑍇𑌤𑌸𑌂 𑌦𑍀𑌪𑍍𑌤𑌂 𑌪𑍁𑌰𑌾𑌣𑌂 𑌪𑍁𑌰𑍁𑌷𑍋𑌤𑍍𑌤𑌮𑌮𑍍 ।
𑌸𑌕𑌲𑌂 𑌨𑌿𑌷𑍍𑌕𑌲𑌂 𑌶𑍁𑌦𑍍𑌧𑌂 𑌨𑌿𑌰𑍍𑌗𑍁𑌣𑌂 𑌗𑍁𑌣𑌶𑌾𑌶𑍍𑌵𑌤𑌮𑍍 ॥ 𑍮 ॥

𑌹𑌿𑌰𑌣𑍍𑌯𑌤𑌨𑍁𑌸𑌂𑌕𑌾𑌶𑌂 𑌸𑍂𑌰𑍍𑌯𑌾𑌯𑍁𑌤𑌸𑌮𑌪𑍍𑌰𑌭𑌮𑍍 ।
𑌮𑍇𑌘𑌶𑍍𑌯𑌾𑌮𑌂 𑌚𑌤𑍁𑌰𑍍𑌬𑌾𑌹𑍁𑌂 𑌕𑍁𑌶𑌲𑌂 𑌕𑌮𑌲𑍇𑌕𑍍𑌷𑌣𑌮𑍍 ॥ 𑍯 ॥

𑌜𑍍𑌯𑍋𑌤𑍀𑌰𑍂𑌪𑌮𑌰𑍂𑌪𑌂 𑌚 𑌸𑍍𑌵𑌰𑍂𑌪𑌂 𑌰𑍂𑌪𑌸𑌂𑌸𑍍𑌥𑌿𑌤𑌮𑍍 ।
𑌸𑌰𑍍𑌵𑌜𑍍𑌞𑌂 𑌸𑌰𑍍𑌵𑌰𑍂𑌪𑌸𑍍𑌥𑌂 𑌸𑌰𑍍𑌵𑍇𑌶𑌂 𑌸𑌰𑍍𑌵𑌤𑍋𑌮𑍁𑌖𑌮𑍍 ॥ 10 ॥

𑌜𑍍𑌞𑌾𑌨𑌂 𑌕𑍂𑌟𑌸𑍍𑌥𑌮𑌚𑌲𑌂 𑌜𑍍𑌞𑍍𑌹𑌾𑌨𑌦𑌂 𑌪𑌰𑌮𑌂 𑌪𑍍𑌰𑌭𑍁𑌮𑍍 ।
𑌯𑍋𑌗𑍀𑌶𑌂 𑌯𑍋𑌗𑌨𑌿𑌷𑍍𑌣𑌾𑌤𑌂 𑌯𑍋𑌗𑌿𑌸𑌂𑌯𑍋𑌗𑌰𑍂𑌪𑌿𑌣𑌮𑍍 ॥ 11 ॥

𑌈𑌶𑍍𑌵𑌰𑌂 𑌸𑌰𑍍𑌵𑌭𑍂𑌤𑌾𑌨𑌾𑌂 𑌵𑌂𑌦𑍇 𑌭𑍂𑌤𑌮𑌯𑌂 𑌪𑍍𑌰𑌭𑍁𑌮𑍍 ।
𑌇𑌤𑌿 𑌨𑌾𑌮𑌶𑌤𑌂 𑌦𑌿𑌵𑍍𑌯𑌂 𑌵𑍈𑌷𑍍𑌣𑌵𑌂 𑌖𑌲𑍁 𑌪𑌾𑌪𑌹𑌮𑍍 ॥ 12 ॥

𑌵𑍍𑌯𑌾𑌸𑍇𑌨 𑌕𑌥𑌿𑌤𑌂 𑌪𑍂𑌰𑍍𑌵𑌂 𑌸𑌰𑍍𑌵𑌪𑌾𑌪𑌪𑍍𑌰𑌣𑌾𑌶𑌨𑌮𑍍 ।
𑌯𑌃 𑌪𑌠𑍇𑌤𑍍 𑌪𑍍𑌰𑌾𑌤𑌰𑍁𑌤𑍍𑌥𑌾𑌯 𑌸 𑌭𑌵𑍇𑌦𑍍 𑌵𑍈𑌷𑍍𑌣𑌵𑍋 𑌨𑌰𑌃 ॥ 13 ॥

𑌸𑌰𑍍𑌵𑌪𑌾𑌪𑌵𑌿𑌶𑍁𑌦𑍍𑌧𑌾𑌤𑍍𑌮𑌾 𑌵𑌿𑌷𑍍𑌣𑍁𑌸𑌾𑌯𑍁𑌜𑍍𑌯𑌮𑌾𑌪𑍍𑌨𑍁𑌯𑌾𑌤𑍍 ।
𑌚𑌾𑌂𑌦𑍍𑌰𑌾𑌯𑌣𑌸𑌹𑌸𑍍𑌰𑌾𑌣𑌿 𑌕𑌨𑍍𑌯𑌾𑌦𑌾𑌨𑌶𑌤𑌾𑌨𑌿 𑌚 ॥ 14 ॥

𑌗𑌵𑌾𑌂 𑌲𑌕𑍍𑌷𑌸𑌹𑌸𑍍𑌰𑌾𑌣𑌿 𑌮𑍁𑌕𑍍𑌤𑌿𑌭𑌾𑌗𑍀 𑌭𑌵𑍇𑌨𑍍𑌨𑌰𑌃 ।
𑌅𑌶𑍍𑌵𑌮𑍇𑌧𑌾𑌯𑍁𑌤𑌂 𑌪𑍁𑌣𑍍𑌯𑌂 𑌫𑌲𑌂 𑌪𑍍𑌰𑌾𑌪𑍍𑌨𑍋𑌤𑌿 𑌮𑌾𑌨𑌵𑌃 ॥ 15 ॥

॥ 𑌇𑌤𑌿 𑌶𑍍𑌰𑍀𑌵𑌿𑌷𑍍𑌣𑍁𑌪𑍁𑌰𑌾𑌣𑍇 𑌶𑍍𑌰𑍀 𑌵𑌿𑌷𑍍𑌣𑍁 𑌅𑌷𑍍𑌟𑍋𑌤𑍍𑌤𑌰 𑌶𑌤𑌨𑌾𑌸𑍍𑌤𑍋𑌤𑍍𑌰𑌮𑍍 ॥

Browse Related Categories: