അഥാപരമഹം വക്ഷ്യേഽമൃതസംജീവനം സ്തവമ് ।
യസ്യാനുഷ്ഠാനമാത്രേണ മൃത്യുര്ദൂരാത്പലായതേ ॥ 1 ॥

അസാധ്യാഃ കഷ്ടസാധ്യാശ്ച മഹാരോഗാ ഭയംകരാഃ ।
ശീഘ്രം നശ്യംതി പഠനാദസ്യായുശ്ച പ്രവര്ധതേ ॥ 2 ॥

ശാകിനീഡാകിനീദോഷാഃ കുദൃഷ്ടിഗ്രഹശത്രുജാഃ ।
പ്രേതവേതാലയക്ഷോത്ഥാ ബാധാ നശ്യംതി ചാഖിലാഃ ॥ 3 ॥

ദുരിതാനി സമസ്താനി നാനാജന്മോദ്ഭവാനി ച ।
സംസര്ഗജവികാരാണി വിലീയംതേഽസ്യ പാഠതഃ ॥ 4 ॥

സർവോപദ്രവനാശായ സർവബാധാപ്രശാംതയേ ।
ആയുഃ പ്രവൃദ്ധയേ ചൈതത് സ്തോത്രം പരമമദ്ഭുതമ് ॥ 5 ॥

ബാലഗ്രഹാഭിഭൂതാനാം ബാലാനാം സുഖദായകമ് ।
സർവാരിഷ്ടഹരം ചൈതദ്ബലപുഷ്ടികരം പരമ് ॥ 6 ॥

ബാലാനാം ജീവനായൈതത് സ്തോത്രം ദിവ്യം സുധോപമമ് ।
മൃതവത്സത്വഹരണം ചിരംജീവിത്വകാരകമ് ॥ 7 ॥

മഹാരോഗാഭിഭൂതാനാം ഭയവ്യാകുലിതാത്മനാമ് ।
സർവാധിവ്യാധിഹരണം ഭയഘ്നമമൃതോപമമ് ॥ 8 ॥

അല്പമൃത്യുശ്ചാപമൃത്യുഃ പാഠാദസ്യഃ പ്രണശ്യതി ।
ജലാഽഗ്നിവിഷശസ്ത്രാരി ന ഹി ശൃംഗി ഭയം തഥാ ॥ 9 ॥

ഗര്ഭരക്ഷാകരം സ്ത്രീണാം ബാലാനാം ജീവനപ്രദമ് ।
മഹാരോഗഹരം നൄണാമല്പമൃത്യുഹരം പരമ് ॥ 10 ॥

ബാലാ വൃദ്ധാശ്ച തരുണാ നരാ നാര്യശ്ച ദുഃഖിതാഃ ।
ഭവംതി സുഖിനഃ പാഠാദസ്യ ലോകേ ചിരായുഷഃ ॥ 11 ॥

അസ്മാത്പരതരം നാസ്തി ജീവനോപായ ഐഹികഃ ।
തസ്മാത് സർവപ്രയത്നേന പാഠമസ്യ സമാചരേത് ॥ 12 ॥

അയുതാവൃത്തികം വാഥ സഹസ്രാവൃത്തികം തഥാ ।
തദര്ധം വാ തദര്ധം വാ പഠേദേതച്ച ഭക്തിതഃ ॥ 13 ॥

കലശേ വിഷ്ണുമാരാധ്യ ദീപം പ്രജ്വാല്യ യത്നതഃ ।
സായം പ്രാതശ്ച വിധിവത് സ്തോത്രമേതത് പഠേത് സുധീഃ ॥ 14 ॥

സര്പിഷാ ഹവിഷാ വാഽപി സംയാവേനാഥ ഭക്തിതഃ ।
ദശാംശമാനതോ ഹോമം കുര്യാത് സർവാര്ഥസിദ്ധയേ ॥ 15 ॥

അഥ സ്തോത്രമ്
നമോ നമോ വിശ്വവിഭാവനായ
നമോ നമോ ലോകസുഖപ്രദായ ।
നമോ നമോ വിശ്വസൃജേശ്വരായ
നമോ നമോ മുക്തിവരപ്രദായ ॥ 1 ॥

നമോ നമസ്തേഽഖിലലോകപായ
നമോ നമസ്തേഽഖിലകാമദായ ।
നമോ നമസ്തേഽഖിലകാരണായ
നമോ നമസ്തേഽഖിലരക്ഷകായ ॥ 2 ॥

നമോ നമസ്തേ സകലാര്തിഹര്ത്രേ
നമോ നമസ്തേ വിരുജഃ പ്രകര്ത്രേ ।
നമോ നമസ്തേഽഖിലവിശ്വധര്ത്രേ
നമോ നമസ്തേഽഖിലലോകഭര്ത്രേ ॥ 3 ॥

സൃഷ്ടം ദേവ ചരാചരം ജഗദിദം ബ്രഹ്മസ്വരൂപേണ തേ
സർവം തത്പരിപാല്യതേ ജഗദിദം വിഷ്ണുസ്വരൂപേണ തേ ।
വിശ്വം സംഹ്രിതയേ തദേവ നിഖിലം രുദ്രസ്വരൂപേണ തേ
സംസിച്യാമൃതശീകരൈര്ഹര മഹാരിഷ്ടം ചിരം ജീവയ ॥ 4 ॥

യോ ധന്വംതരിസംജ്ഞയാ നിഗദിതഃ ക്ഷീരാബ്ധിതോ നിഃസൃതോ
ഹസ്താഭ്യാം ജനജീവനായ കലശം പീയൂഷപൂര്ണം ദധത് ।
ആയുർവേദമരീരചജ്ജനരുജാം നാശായ സ ത്വം മുദാ
സംസിച്യാമൃതശീകരൈര്ഹര മഹാരിഷ്ടം ചിരം ജീവയ ॥ 5 ॥

സ്ത്രീരൂപം വരഭൂഷണാംബരധരം ത്രൈലോക്യസമ്മോഹനം
കൃത്വാ പായയതി സ്മ യഃ സുരഗണാന് പീയൂഷമത്യുത്തമമ് ।
ചക്രേ ദൈത്യഗണാന് സുധാവിരഹിതാന് സംമോഹ്യ സ ത്വം മുദാ
സംസിച്യാമൃതശീകരൈര്ഹര മഹാരിഷ്ടം ചിരം ജീവയ ॥ 6 ॥

ചാക്ഷുഷോദധിസംപ്ലാവ ഭൂവേദപ ഝഷാകൃതേ ।
സിംച സിംചാമൃതകണൈശ്ചിരം ജീവയ ജീവയ ॥ 7 ॥

പൃഷ്ഠമംദരനിര്ഘൂര്ണനിദ്രാക്ഷ കമഠാകൃതേ ।
സിംച സിംചാമൃതകണൈശ്ചിരം ജീവയ ജീവയ ॥ 8 ॥

യാംചാച്ഛലബലിത്രാസമുക്തനിര്ജര വാമന ।
സിംച സിംചാമൃതകണൈശ്ചിരം ജീവയ ജീവയ ॥ 9 ॥

ധരോദ്ധാര ഹിരണ്യാക്ഷഘാത ക്രോഡാകൃതേ പ്രഭോ ।
സിംച സിംചാമൃതകണൈശ്ചിരം ജീവയ ജീവയ ॥ 10 ॥

ഭക്തത്രാസവിനാശാത്തചംഡത്വ നൃഹരേ വിഭോ ।
സിംച സിംചാമൃതകണൈശ്ചിരം ജീവയ ജീവയ ॥ 11 ॥

ക്ഷത്രിയാരണ്യസംഛേദകുഠാരകരരൈണുക ।
സിംച സിംചാമൃതകണൈശ്ചിരം ജീവയ ജീവയ ॥ 12 ॥

രക്ഷോരാജപ്രതാപാബ്ധിശോഷണാശുഗ രാഘവ ।
സിംച സിംചാമൃതകണൈശ്ചിരം ജീവയ ജീവയ ॥ 13 ॥

ഭൂഭാരാസുരസംദോഹകാലാഗ്നേ രുക്മിണീപതേ ।
സിംച സിംചാമൃതകണൈശ്ചിരം ജീവയ ജീവയ ॥ 14 ॥

വേദമാര്ഗരതാനര്ഹവിഭ്രാംത്യൈ ബുദ്ധരൂപധൃക് ।
സിംച സിംചാമൃതകണൈശ്ചിരം ജീവയ ജീവയ ॥ 15 ॥

കലിവര്ണാശ്രമാസ്പഷ്ടധര്മര്ധ്യൈ കല്കിരൂപഭാക് ।
സിംച സിംചാമൃതകണൈശ്ചിരം ജീവയ ജീവയ ॥ 16 ॥

അസാധ്യാഃ കഷ്ടസാധ്യാ യേ മഹാരോഗാ ഭയംകരാഃ ।
ഛിംധി താനാശു ചക്രേണ ചിരം ജീവയ ജീവയ ॥ 17 ॥

അല്പമൃത്യും ചാപമൃത്യും മഹോത്പാതാനുപദ്രവാന് ।
ഭിംധി ഭിംധി ഗദാഘാതൈശ്ചിരം ജീവയ ജീവയ ॥ 18 ॥

അഹം ന ജാനേ കിമപി ത്വദന്യത്
സമാശ്രയേ നാഥ പദാംബുജം തേ ।
കുരുഷ്വ തദ്യന്മനസീപ്സിതം തേ
സുകര്മണാ കേന സമക്ഷമീയാമ് ॥ 19 ॥

ത്വമേവ താതോ ജനനീ ത്വമേവ
ത്വമേവ നാഥശ്ച ത്വമേവ ബംധുഃ ।
വിദ്യാധനാഗാരകുലം ത്വമേവ
ത്വമേവ സർവം മമ ദേവദേവ ॥ 20 ॥

ന മേഽപരാധം പ്രവിലോകയ പ്രഭോ-
-ഽപരാധസിംധോശ്ച ദയാനിധിസ്ത്വമ് ।
താതേന ദുഷ്ടോഽപി സുതഃ സുരക്ഷതേ
ദയാലുതാ തേഽവതു സർവദാഽസ്മാന് ॥ 21 ॥

അഹഹ വിസ്മര നാഥ ന മാം സദാ
കരുണയാ നിജയാ പരിപൂരിതഃ ।
ഭുവി ഭവാന് യദി മേ ന ഹി രക്ഷകഃ
കഥമഹോ മമ ജീവനമത്ര വൈ ॥ 22 ॥

ദഹ ദഹ കൃപയാ ത്വം വ്യാധിജാലം വിശാലം
ഹര ഹര കരവാലം ചാല്പമൃത്യോഃ കരാലമ് ।
നിജജനപരിപാലം ത്വാം ഭജേ ഭാവയാലം
കുരു കുരു ബഹുകാലം ജീവിതം മേ സദാഽലമ് ॥ 23 ॥

ന യത്ര ധര്മാചരണം ന ജാനം
വ്രതം ന യോഗോ ന ച വിഷ്ണുചര്ചാ ।
ന പിതൃഗോവിപ്രവരാമരാര്ചാ
സ്വല്പായുഷസ്തത്ര ജനാ ഭവംതി ॥ 24 ॥

അഥ മംത്രമ്
ക്ലീം ശ്രീം ക്ലീം ശ്രീം നമോ ഭഗവതേ ജനാര്ദനായ സകല ദുരിതാനി നാശയ നാശയ ।
ക്ഷ്രൌം ആരോഗ്യം കുരു കുരു । ഹ്രീം ദീര്ഘമായുര്ദേഹി ദേഹി സ്വാഹാ ॥

ഫലശ്രുതിഃ
അസ്യ ധാരണതോ ജാപാദല്പമൃത്യുഃ പ്രശാമ്യതി ।
ഗര്ഭരക്ഷാകരം സ്ത്രീണാം ബാലാനാം ജീവനം പരമ് ॥ 1 ॥

ശതം പംചാശതം ശക്ത്യാഽഥവാ പംചാധിവിംശതിമ് ।
പുസ്തകാനാം ദ്വിജേഭ്യസ്തു ദദ്യാദ്ദീര്ഘായുഷാപ്തയേ ॥ 2 ॥

ഭൂര്ജപത്രേ വിലിഖ്യേദം കംഠേ വാ ബാഹുമൂലകേ ।
സംധാരയേദ്ഗര്ഭരക്ഷാ ബാലരക്ഷാ ച ജായതേ ॥ 3 ॥

സർവേ രോഗാ വിനശ്യംതി സർവാ ബാധാഃ പ്രശാമ്യതി ।
കുദൃഷ്ടിജം ഭയം നശ്യേത് തഥാ പ്രേതാദിജം ഭയമ് ॥ 4 ॥

മയാ കഥിതമേതത്തേഽമൃതസംജീവനം പരമ് ।
അല്പമൃത്യുഹരം സ്തോത്രം മൃതവത്സത്വനാശനമ് ॥ 5 ॥

ഇതി സുദര്ശനസംഹിതോക്തം അമൃതസംജീവന ധന്വംതരി സ്തോത്രമ് ॥