অথাপরমহং বক্ষ্য়েঽমৃতসংজীবনং স্তবম্ ।
যস্য়ানুষ্ঠানমাত্রেণ মৃত্য়ুর্দূরাত্পলাযতে ॥ 1 ॥

অসাধ্য়াঃ কষ্টসাধ্য়াশ্চ মহারোগা ভয়ংকরাঃ ।
শীঘ্রং নশ্য়ংতি পঠনাদস্য়ায়ুশ্চ প্রবর্ধতে ॥ 2 ॥

শাকিনীডাকিনীদোষাঃ কুদৃষ্টিগ্রহশত্রুজাঃ ।
প্রেতবেতালযক্ষোত্থা বাধা নশ্য়ংতি চাখিলাঃ ॥ 3 ॥

দুরিতানি সমস্তানি নানাজন্মোদ্ভবানি চ ।
সংসর্গজবিকারাণি বিলীয়ংতেঽস্য় পাঠতঃ ॥ 4 ॥

সর্বোপদ্রবনাশায় সর্ববাধাপ্রশাংতয়ে ।
আয়ুঃ প্রবৃদ্ধয়ে চৈতত্ স্তোত্রং পরমমদ্ভুতম্ ॥ 5 ॥

বালগ্রহাভিভূতানাং বালানাং সুখদাযকম্ ।
সর্বারিষ্টহরং চৈতদ্বলপুষ্টিকরং পরম্ ॥ 6 ॥

বালানাং জীবনায়ৈতত্ স্তোত্রং দিব্য়ং সুধোপমম্ ।
মৃতবত্সত্বহরণং চিরংজীবিত্বকারকম্ ॥ 7 ॥

মহারোগাভিভূতানাং ভযব্য়াকুলিতাত্মনাম্ ।
সর্বাধিব্য়াধিহরণং ভযঘ্নমমৃতোপমম্ ॥ 8 ॥

অল্পমৃত্য়ুশ্চাপমৃত্য়ুঃ পাঠাদস্য়ঃ প্রণশ্যতি ।
জলাঽগ্নিবিষশস্ত্রারি ন হি শৃংগি ভয়ং তথা ॥ 9 ॥

গর্ভরক্ষাকরং স্ত্রীণাং বালানাং জীবনপ্রদম্ ।
মহারোগহরং নৄণামল্পমৃত্য়ুহরং পরম্ ॥ 10 ॥

বালা বৃদ্ধাশ্চ তরুণা নরা নার্যশ্চ দুঃখিতাঃ ।
ভবংতি সুখিনঃ পাঠাদস্য় লোকে চিরায়ুষঃ ॥ 11 ॥

অস্মাত্পরতরং নাস্তি জীবনোপায় ঐহিকঃ ।
তস্মাত্ সর্বপ্রযত্নেন পাঠমস্য় সমাচরেত্ ॥ 12 ॥

অয়ুতাবৃত্তিকং বাথ সহস্রাবৃত্তিকং তথা ।
তদর্ধং বা তদর্ধং বা পঠেদেতচ্চ ভক্তিতঃ ॥ 13 ॥

কলশে বিষ্ণুমারাধ্য় দীপং প্রজ্বাল্য় যত্নতঃ ।
সায়ং প্রাতশ্চ বিধিবত্ স্তোত্রমেতত্ পঠেত্ সুধীঃ ॥ 14 ॥

সর্পিষা হবিষা বাঽপি সংয়াবেনাথ ভক্তিতঃ ।
দশাংশমানতো হোমং কুর্য়াত্ সর্বার্থসিদ্ধয়ে ॥ 15 ॥

অথ স্তোত্রম্
নমো নমো বিশ্ববিভাবনায়
নমো নমো লোকসুখপ্রদায় ।
নমো নমো বিশ্বসৃজেশ্বরায়
নমো নমো মুক্তিবরপ্রদায় ॥ 1 ॥

নমো নমস্তেঽখিললোকপায়
নমো নমস্তেঽখিলকামদায় ।
নমো নমস্তেঽখিলকারণায়
নমো নমস্তেঽখিলরক্ষকায় ॥ 2 ॥

নমো নমস্তে সকলার্তিহর্ত্রে
নমো নমস্তে বিরুজঃ প্রকর্ত্রে ।
নমো নমস্তেঽখিলবিশ্বধর্ত্রে
নমো নমস্তেঽখিললোকভর্ত্রে ॥ 3 ॥

সৃষ্টং দেব চরাচরং জগদিদং ব্রহ্মস্বরূপেণ তে
সর্বং তত্পরিপাল্যতে জগদিদং বিষ্ণুস্বরূপেণ তে ।
বিশ্বং সংহ্রিতয়ে তদেব নিখিলং রুদ্রস্বরূপেণ তে
সংসিচ্য়ামৃতশীকরৈর্হর মহারিষ্টং চিরং জীবয় ॥ 4 ॥

যো ধন্বংতরিসংজ্ঞয়া নিগদিতঃ ক্ষীরাব্ধিতো নিঃসৃতো
হস্তাভ্য়াং জনজীবনায় কলশং পীয়ূষপূর্ণং দধত্ ।
আয়ুর্বেদমরীরচজ্জনরুজাং নাশায় স ত্বং মুদা
সংসিচ্য়ামৃতশীকরৈর্হর মহারিষ্টং চিরং জীবয় ॥ 5 ॥

স্ত্রীরূপং বরভূষণাংবরধরং ত্রৈলোক্যসম্মোহনং
কৃত্বা পাযযতি স্ম যঃ সুরগণান্ পীয়ূষমত্য়ুত্তমম্ ।
চক্রে দৈত্যগণান্ সুধাবিরহিতান্ সংমোহ্য় স ত্বং মুদা
সংসিচ্য়ামৃতশীকরৈর্হর মহারিষ্টং চিরং জীবয় ॥ 6 ॥

চাক্ষুষোদধিসংপ্লাব ভূবেদপ ঝষাকৃতে ।
সিংচ সিংচামৃতকণৈশ্চিরং জীবয় জীবয় ॥ 7 ॥

পৃষ্ঠমংদরনির্ঘূর্ণনিদ্রাক্ষ কমঠাকৃতে ।
সিংচ সিংচামৃতকণৈশ্চিরং জীবয় জীবয় ॥ 8 ॥

যাংচাচ্ছলবলিত্রাসমুক্তনির্জর বামন ।
সিংচ সিংচামৃতকণৈশ্চিরং জীবয় জীবয় ॥ 9 ॥

ধরোদ্ধার হিরণ্য়াক্ষঘাত ক্রোডাকৃতে প্রভো ।
সিংচ সিংচামৃতকণৈশ্চিরং জীবয় জীবয় ॥ 10 ॥

ভক্তত্রাসবিনাশাত্তচংডত্ব নৃহরে বিভো ।
সিংচ সিংচামৃতকণৈশ্চিরং জীবয় জীবয় ॥ 11 ॥

ক্ষত্রিয়ারণ্যসংছেদকুঠারকররৈণুক ।
সিংচ সিংচামৃতকণৈশ্চিরং জীবয় জীবয় ॥ 12 ॥

রক্ষোরাজপ্রতাপাব্ধিশোষণাশুগ রাঘব ।
সিংচ সিংচামৃতকণৈশ্চিরং জীবয় জীবয় ॥ 13 ॥

ভূভারাসুরসংদোহকালাগ্নে রুক্মিণীপতে ।
সিংচ সিংচামৃতকণৈশ্চিরং জীবয় জীবয় ॥ 14 ॥

বেদমার্গরতানর্হবিভ্রাংত্য়ৈ বুদ্ধরূপধৃক্ ।
সিংচ সিংচামৃতকণৈশ্চিরং জীবয় জীবয় ॥ 15 ॥

কলিবর্ণাশ্রমাস্পষ্টধর্মর্ধ্য়ৈ কল্কিরূপভাক্ ।
সিংচ সিংচামৃতকণৈশ্চিরং জীবয় জীবয় ॥ 16 ॥

অসাধ্য়াঃ কষ্টসাধ্য়া যে মহারোগা ভয়ংকরাঃ ।
ছিংধি তানাশু চক্রেণ চিরং জীবয় জীবয় ॥ 17 ॥

অল্পমৃত্য়ুং চাপমৃত্য়ুং মহোত্পাতানুপদ্রবান্ ।
ভিংধি ভিংধি গদাঘাতৈশ্চিরং জীবয় জীবয় ॥ 18 ॥

অহং ন জানে কিমপি ত্বদন্যত্
সমাশ্রয়ে নাথ পদাংবুজং তে ।
কুরুষ্ব তদ্যন্মনসীপ্সিতং তে
সুকর্মণা কেন সমক্ষমীয়াম্ ॥ 19 ॥

ত্বমেব তাতো জননী ত্বমেব
ত্বমেব নাথশ্চ ত্বমেব বংধুঃ ।
বিদ্য়াধনাগারকুলং ত্বমেব
ত্বমেব সর্বং মম দেবদেব ॥ 20 ॥

ন মেঽপরাধং প্রবিলোকয় প্রভো-
-ঽপরাধসিংধোশ্চ দয়ানিধিস্ত্বম্ ।
তাতেন দুষ্টোঽপি সুতঃ সুরক্ষতে
দয়ালুতা তেঽবতু সর্বদাঽস্মান্ ॥ 21 ॥

অহহ বিস্মর নাথ ন মাং সদা
করুণয়া নিজয়া পরিপূরিতঃ ।
ভুবি ভবান্ যদি মে ন হি রক্ষকঃ
কথমহো মম জীবনমত্র বৈ ॥ 22 ॥

দহ দহ কৃপয়া ত্বং ব্য়াধিজালং বিশালং
হর হর করবালং চাল্পমৃত্য়োঃ করালম্ ।
নিজজনপরিপালং ত্বাং ভজে ভাবয়ালং
কুরু কুরু বহুকালং জীবিতং মে সদাঽলম্ ॥ 23 ॥

ন যত্র ধর্মাচরণং ন জানং
ব্রতং ন যোগো ন চ বিষ্ণুচর্চা ।
ন পিতৃগোবিপ্রবরামরার্চা
স্বল্পায়ুষস্তত্র জনা ভবংতি ॥ 24 ॥

অথ মংত্রম্
ক্লীং শ্রীং ক্লীং শ্রীং নমো ভগবতে জনার্দনায় সকল দুরিতানি নাশয় নাশয় ।
ক্ষ্রৌং আরোগ্য়ং কুরু কুরু । হ্রীং দীর্ঘমায়ুর্দেহি দেহি স্বাহা ॥

ফলশ্রুতিঃ
অস্য় ধারণতো জাপাদল্পমৃত্য়ুঃ প্রশাম্যতি ।
গর্ভরক্ষাকরং স্ত্রীণাং বালানাং জীবনং পরম্ ॥ 1 ॥

শতং পংচাশতং শক্ত্য়াঽথবা পংচাধিবিংশতিম্ ।
পুস্তকানাং দ্বিজেভ্যস্তু দদ্য়াদ্দীর্ঘায়ুষাপ্তয়ে ॥ 2 ॥

ভূর্জপত্রে বিলিখ্য়েদং কংঠে বা বাহুমূলকে ।
সংধারয়েদ্গর্ভরক্ষা বালরক্ষা চ জাযতে ॥ 3 ॥

সর্বে রোগা বিনশ্য়ংতি সর্বা বাধাঃ প্রশাম্যতি ।
কুদৃষ্টিজং ভয়ং নশ্য়েত্ তথা প্রেতাদিজং ভযম্ ॥ 4 ॥

ময়া কথিতমেতত্তেঽমৃতসংজীবনং পরম্ ।
অল্পমৃত্য়ুহরং স্তোত্রং মৃতবত্সত্বনাশনম্ ॥ 5 ॥

ইতি সুদর্শনসংহিতোক্তং অমৃতসংজীবন ধন্বংতরি স্তোত্রম্ ॥