അസ്യ ശ്രീബഗളാമുഖീമഹാമംത്രസ്യ
നാരദോ ഭഗവാന് ഋഷിഃ
അതിജഗതീഛംദഃ
ശ്രീ ബഗളാമുഖീ ദേവതാ
ലാം ബീജം ഇം ശക്തിഃ
ലം കീലകം-മമ ദൂരസ്ഥാനാം സമീപസ്ഥാനാം ഗതി മതി വാക്ത്സംഭനാര്ഥേ ജപേ വിനിയോഗഃ
ഓം ഹ്രീം അംഗുഷ്ഠാഭ്യാം നമഃ
ബഗളാമുഖീ തര്ജനീഭ്യാം നമഃ
സർവദുഷ്ടാനാം മധ്യമാഭ്യാം നമഃ
വാചം മുഖം പദം സ്തംഭയ അനാമികാഭ്യാം നമഃ
ജിഹ്വാം കീലയ ബുദ്ധിം വിനാശയ കനിഷ്ഠികാഭ്യാം നമഃ
ഹ്രീം ഓം സ്വാഹാ കരതലകരപൃഷ്ടാഭ്യാം നമഃ
ഓം ഹ്രീം ഹൃദയായ നമഃ
ബഗളാമുഖീ ശിരസേ സ്വാഹാ
സർവദുഷ്ടാനാം ശിഖായൈ വഷത്
വാചം മുഖം പദം സ്തംഭയ കവചാ ഹും
ജിഹ്വാം കീലയ ബുദ്ധിം വിനാശയ നേത്രത്രയായ വൌഷട്
ഹ്രീം ഓം സ്വാഹാ അസ്ത്രായ ഫട്
ഭൂര്ഭുവസ്സുവരോമിതി ദിഗ്ബംധഃ ।
ധ്യാനമ് ।
പീതാംബരാം ത്രിണേത്രാം ച ദ്വിഭുജാം ദഹനോജ്വലാമ് ।
ശിലാപർവതഹസ്താം ച രിപുകംപാം മഹോത്കടാമ് ॥ 1 ॥
ഗംഭീരാം ച മദോന്മത്താം സ്വര്ണകാംതിസമപ്രഭാമ് ।
വൈരിനിര്ദളനാര്ഥായ സ്മരേത്താം ബഗളാമുഖീമ് ॥ 2 ॥
ചതുര്ഭുജാം ത്രിണയനാം കമലാസനസംസ്ഥിതാമ് ।
ദക്ഷിണേ മുദ്ഗരം പാശം വാമേ ജിഹ്വാം ച വജ്രകമ് ॥ 3 ॥
പീതാംബരധരാം സാംദ്രാം ദൃഢപീനയോധരാമ് ।
വൈരിവാക്ത്സംഭിനീം ദേവീം സ്മരാമി ബഗളാമുഖീമ് ॥ 4 ॥
ഹേമകുംഡലഭൂഷാംഗീം ശീതചംദ്രാര്ധശേഖരീമ് ।
പീതഭൂഷണഭൂഷാഢ്യാം സ്വര്ണസിംഹാസനേസ്ഥിതാമ് ॥ 5 ॥
ത്രിശൂലധാരിണീമംബാം സർവസൌഭാഗ്യദായിനീമ് ।
സർവശൃംഗാരവേഷാഢ്യാം ഭജേത്താം ബഗളാമുഖീമ് ॥ 6 ॥
മധ്യേ സുധാബ്ധിമണിമംടപ രത്ന വേദ്യാം
സിംഹാസനോപരിഗതാം പരിപീതവര്ണാമ് ।
പീതാംബരാഭരണമാല്യവിഭൂഷിതാംഗീം
ദേവീം നമാമി ധൃത മുദ്ഗരവൈരി ജിഹ്വാമ് ॥ 7 ॥
ചലത്കനകകുംഡലോല്ലസിതചാരുഗംഡസ്ഥലാം
ലസത്കനകചംപക ദ്യുതിമദര്ധേംദു ബിംബാംചിതാമ് ।
സദാഹിതവിപക്ഷകാം ദളിതവൈരി ജിഹ്വാംചലാം
നമാമി ബഗളാമുഖീം ധീമതാം വാങ്മനസ്സ്തംഭിനീമ് ॥ 8 ॥
പീയൂഷോ ദധിമധ്യചാരു വിലസദ്രത്നോജ്വലേ മംടപേ
യാസിംഹാസന മൌളിപാതിതരിപു പ്രേതാസനാധ്യാസിനീമ് ।
സ്വര്ണാഭാം കരപീഡിതാരിരശനാം ഭ്രാമ്യദ്ഗദാം ബിഭ്രതീം
യസ്ത്വാം പശ്യതി തസ്യ യാംതി വിലയം സദ്യോഹി സർവാപദഃ ॥ 9 ॥
ദേവി ത്വച്ചരണാംബുജാര്ചനകൃതേ യഃ പീതപുഷ്പാംജലിം
മുദ്രാം വാമകരേ നിധായ ച പുനര്മംത്രീ മനോജ്ഞാക്ഷരീമ് ।
പീഠധ്യാനപരോപി കുംഭകവശാദ്ബീജം സ്മരേത്പ്രാര്ഥിതം
തസ്യാ മിത്രചയസ്യ സംസദി മുഖ സ്തംഭോ ഭവേത്തത്ക്ഷണാത് ॥ 10 ॥
(ഓം ഹ്രീം ബഗളാമുഖി സർവദുഷ്ടാനാം വാചം മുഖം പദം സ്തംഭയ ജിഹ്വാം കീലയ ബുദ്ധിം വിനാശയ ഹ്രീം ഓം സ്വാഹാ)
മംത്രസ്താവദയം വിപക്ഷദളനേ സ്തോത്രം പവിത്രം ച തേ
യംത്രംവാദിനി യംത്രിണം ത്രിജഗതാം ജൈത്രം സ ചിത്രം ച തത് ।
ശ്രീമാതര്ബഗളേതി നാമ ലലിതം യസ്യാസ്തി ജംതോര്മുഖേ
തന്നാമസ്മരണേന വാഗ്ഭവമുഖ സ്തംഭോഭവേത്തത്ക്ഷണാത് ॥ 11 ॥
ദുഷ്ടസ്തംഭനമുഗ്രവിഘ്നശമനം ദാരിദ്ര്യവിദ്രാവണം
ഭൂഭൃത്ത്സംഭനകാരണം മൃഗദൃശാം ചേതസ്സമാകര്ഷണമ് ।
സൌഭാഗ്യൈകനികേതനം മമ ദൃശാം കാരുണ്യപൂര്ണേക്ഷണേ
മൃത്യോര്മാരണമാവിരസ്തു പുരതോ മാതസ്ത്വദീയം വപുഃ ॥ 12 ॥
സംഖ്യാഗ്രേ ചോരദംഡ പ്രഹരണസമയേ ബംധനേ വൈരിമധ്യേ
വിദ്യാവാദേ വിവാദേ പ്രകടിതനൃപതൌ യുദ്ധകാലേ നിശായാമ് ।
വശ്യേ ച സ്തംഭനേ വാ രിപുവധസമയേ പ്രാണബാധേ രണേ വാ
ഗച്ഛംതീഷ്ടം ത്രികാലം തവ പഠനമിദം കാരയേദാശു ധീരഃ ॥ 13 ॥
മാതര്ഭംജയ മദ്വിപക്ഷവദനം ജിഹ്വാം ച സംകീലയ
ബ്രാഹ്മീം മുദ്രയ മുദ്രയാശുധിഷണാമംഘ്ര്യോര്ഗതിം സ്തംഭയ ।
ശത്രൂന് ചൂര്ണയ ചൂര്ണയാശു ഗദയാ ഗൌരാംഗി പീതാംബരേ
വിഘ്നൌഘം ബഗളേ ഹര പ്രതിദിനം കൌമാരി വാമേക്ഷണേ ॥ 14 ॥
മാതര്ഭൈരവി ഭദ്രകാളി വിജയേ വാരാഹി വിശ്വാശ്രയേ
ശ്രീനിത്യേ ബഗളേ മഹേശി സമയേ രാമേ സുരാമേ രമേ ।
മാതംഗി ത്രിപുരേ പരാത്പരതരേ സ്വര്ഗാപവര്ഗപ്രദേ
വംദേഹം ശരണാഗതോസ്മികൃപയാ വിശ്വേശ്വരീ ത്രാഹി മാമ് ॥ 15 ॥
ത്വം വിദ്യാ പരമാ ത്രിലോകജനനീ വ്യോഷാനനം ഛേദിനീ
യോഷാകര്ഷണകാരിണീ ച സുമഹാബംധൈകസംഭേദിനീ ।
ദുഷ്ടോച്ചാടനകാരിണീ രിപുമനസ്സംദോഹസംദായിനീ
ജിഹ്വാകീലനഭൈരവീ വിജയതേ ബ്രഹ്മാസ്ത്രസാരായണീ ॥ 16 ॥
യഃ കൃതം ജപസംഖ്യാനാം ചിംതിതം പരമേശ്വരീ ।
ശത്രൂണാം ബുദ്ധിനാശായ ഗൃഹാണ മദനുഗ്രഹാത് ॥ 17 ॥
വൈഡൂര്യഹാരപരിശോഭിതഹേമമാലാം
മധ്യേതിപീന കുചയോര്ധൃതപീതവസ്ത്രാമ് ।
വ്യാഘ്രാധിരൂഢ പരിപൂരിത രത്നശോഭാം
നിത്യം സ്മരാമി ബഗളാം രിപുവക്ത്ര കീലാമ് ॥ 18 ॥
ഏകാഗ്ര മാനസോ ഭൂത്വാ സ്തോഷ്യത്യംബാം സുശോഭനാമ് ।
രജന്യാ രചിതാം മാലാം കരേ ധൃത്വാ ജപേച്ഛുചിഃ ॥ 19 ॥
വാമേ പാണൌ തു പാശം ച തസ്യാധസ്താദ്ധൃഢം ശുഭമ് ।
ദക്ഷേ കരേഽക്ഷസൂത്രം ച അധഃപദ്മം ച ധാരിണീമ് ॥ 20 ॥
ചാമുംഡേ ചംഡികോഷ്ട്രേ ഹുതവഹദയിതേ ശ്യാമലേ ശ്രീഭുജംഗീ
ദുര്ഗേ പ്രത്യംഗിരാദ്യേ മുരരിപുഭഗിനീ ഭാര്ഗവീവാമനേത്രേ ।
നാനാരൂപപ്രഭേദേ സ്ഥിതിലയജനനം പാലയദ്ഭര്ഗഹൃദ്യേ
വിശ്വാദ്യേ വിശ്വജൈത്രീ ത്രിപുരഃ ബഗളേ വിശ്വവംദ്യേ ത്വമേകാ ॥ 21 ॥
ചക്രം ഖഡ്ഗം മുസലമഭയം ദക്ഷിണാഭിശ്ച ദോര്ഭിഃ
ശംഖം ഖേടം ഹലമപി ച ഗദാം ബിഭ്രതീം വാമദോര്ഭിഃ ।
സിംഹാരൂഢാമയുഗനയനാം ശ്യാമലാം കംജവക്ത്രാം
വംദേ ദേവീം സകലവരദാം പംചമീം മാതൃമധ്യാമ് ॥ 22 ॥
ദ്വാത്രിംശദായുതയുതൈശ്ചതുരഷ്ടഹസ്തൈ-
രഷ്ടോത്തരൈശ്ശതകരൈശ്ച സഹസ്രഹസ്തൈഃ ।
സർവായുധൈരയുത ബാഹുഭിരന്വിതാം താം
ദേവീം ഭജാമി ബഗളാം രസനാഗ്രഹസ്താമ് ॥ 23 ॥
സർവതശ്ശുഭകരാം ദ്വിഭുജാം താം
കംബുഹേമ നവകുംഡല കര്ണാമ് ।
ശത്രുനിര്ദളനകാരണകോപാം
ചിംതയാമി ബഗളാം ഹൃദയാബ്ജേ ॥ 24 ॥
ജിഹ്വാഗ്രമാദായ കരേണ ദേവീം
വാമേന ശത്രൂന് പരിപീഡയംതീമ് ।
ഗദാഭിഘാതേന ച ദക്ഷിണേന
പീതാംബരാഢ്യാം ദ്വിഭുജാം നമാമി ॥ 25 ॥
വംദേ വാരിജലോചനാം വസുകരാം പീതാംബരാഡംബരാം
പീതാംഭോരുഹസംസ്ഥിതാം ത്രിനയനാം പീതാംഗരാഗോജ്ജ്വലാമ് ।
ശബ്ദബ്രഹ്മമയീം മഹാകവിജയീം ത്രൈലോക്യസമ്മോഹനീം
വിദ്യുത്കോടി നിഭാം പ്രസന്ന ബഗളാം പ്രത്യര്ഥിവാക്ത്സംഭിനീമ് ॥ 26 ॥
ദുഃഖേന വാ യദി സുഖേന ച വാ ത്വദീയം
സ്തുത്വാഽഥ നാമബഗളേ സമുപൈതി വശ്യമ് ।
നിശ്ചിത്യ ശത്രുമബലം വിജയം ത്വദംഘ്രി
പദ്മാര്ചകസ്യ ഭവതീതി കിമത്ര ചിത്രമ് ॥ 27 ॥
വിമോഹിതജഗത്ത്രയാം വശഗതാവനവല്ലഭാം
ഭജാമി ബഗളാമുഖീം ഭവസുഖൈകസംധായിനീമ് ।
ഗേഹം നാതതി ഗർവിതഃ പ്രണമതി സ്ത്രീസംഗമോ മോക്ഷതി
ദ്വേഷീ മിത്രതി പാപകൃത്സുകൃതതി ക്ഷ്മാവല്ലഭോധാവതി ॥ 28 ॥
മൃത്യുർവൈധൃതിദൂഷണം സുഗുണതി ത്വത്പാദസംസേവനാത്
ത്വാം വംദേ ഭവഭീതിഭംജനകരീം ഗൌരീം ഗിരീശപ്രിയാമ് ।
നിത്യം യസ്തു മനോഹരം സ്തവമിദം ദിവ്യം പഠേത്സാദരം
ധൃത്വാ യംത്രമിദം തഥൈവ സമരേ ബാഹ്വോഃ കരേ വാ ഗളേ ॥ 29 ॥
രാജാനോ വരയോഷിതോഥകരിണസ്സർവാമൃഗേംദ്രാ വശാഃ
സ്തോത്രൈര്യാംതി വിമോഹിതാ രിപുഗണാ ലക്ഷ്മീഃ സ്ഥിരാ സിദ്ധയഃ ।
നിര്നിദ്രേ ബഗളേ സമുദ്രനിലയേ രൌദ്ര്യാദി വാങ്മുദ്രികേ
ഭദ്രേ രുദ്രമനോഹരേ ത്രിഭുവനത്രാണേ ദരിദ്രാപഹേ ॥ 30 ॥
സദ്രത്നാകര ഭൂമിഗോജ്വല കരീ നിസ്തംദ്രി ചാംദ്രാനനേ
നീഹാരാദ്രിസുതേ നിസര്ഗസരളേ വിദ്യേ സുരാദ്യേ നമഃ ।
ദേവീ തസ്യ നിരാമയാത്മജമുഖാന്യായൂംഷി ദദ്യാദിദം
യേ നിത്യം പ്രജപംതി ഭക്തി ഭരിതാസ്തേഭ്യസ്സ്തവം നിശ്ചിതമ് ॥ 31 ॥
നൂനം ശ്രേയോ വശ്യമാരോഗ്യതാം ച പ്രാപ്തസ്സർവം ഭൂതലേ സാധകസ്തു ।
ഭക്ത്യാ നിത്യം സ്തോത്രമേതത്പഠന്വൈ വിദ്യാം കീര്തിം വംശവൃദ്ധിം ച വിംദേത് ॥ 32 ॥
ഇതി ശ്രീരുദ്രയാമളേ ശ്രീബഗളാമുഖീസ്തോത്രമ് ॥
