અસ્ય શ્રીબગળામુખીમહામંત્રસ્ય
નારદો ભગવાન્ ઋષિઃ
અતિજગતીછંદઃ
શ્રી બગળામુખી દેવતા
લાં બીજં ઇં શક્તિઃ
લં કીલકં-મમ દૂરસ્થાનાં સમીપસ્થાનાં ગતિ મતિ વાક્ત્સંભનાર્થે જપે વિનિયોગઃ
ઓં હ્રીં અંગુષ્ઠાભ્યાં નમઃ
બગળામુખી તર્જનીભ્યાં નમઃ
સર્વદુષ્ટાનાં મધ્યમાભ્યાં નમઃ
વાચં મુખં પદં સ્તંભય અનામિકાભ્યાં નમઃ
જિહ્વાં કીલય બુદ્ધિં વિનાશય કનિષ્ઠિકાભ્યાં નમઃ
હ્રીં ઓં સ્વાહા કરતલકરપૃષ્ટાભ્યાં નમઃ
ઓં હ્રીં હૃદયાય નમઃ
બગળામુખી શિરસે સ્વાહા
સર્વદુષ્ટાનાં શિખાયૈ વષત્
વાચં મુખં પદં સ્તંભય કવચા હું
જિહ્વાં કીલય બુદ્ધિં વિનાશય નેત્રત્રયાય વૌષટ્
હ્રીં ઓં સ્વાહા અસ્ત્રાય ફટ્
ભૂર્ભુવસ્સુવરોમિતિ દિગ્બંધઃ ।
ધ્યાનમ્ ।
પીતાંબરાં ત્રિણેત્રાં ચ દ્વિભુજાં દહનોજ્વલામ્ ।
શિલાપર્વતહસ્તાં ચ રિપુકંપાં મહોત્કટામ્ ॥ 1 ॥
ગંભીરાં ચ મદોન્મત્તાં સ્વર્ણકાંતિસમપ્રભામ્ ।
વૈરિનિર્દળનાર્થાય સ્મરેત્તાં બગળામુખીમ્ ॥ 2 ॥
ચતુર્ભુજાં ત્રિણયનાં કમલાસનસંસ્થિતામ્ ।
દક્ષિણે મુદ્ગરં પાશં વામે જિહ્વાં ચ વજ્રકમ્ ॥ 3 ॥
પીતાંબરધરાં સાંદ્રાં દૃઢપીનયોધરામ્ ।
વૈરિવાક્ત્સંભિનીં દેવીં સ્મરામિ બગળામુખીમ્ ॥ 4 ॥
હેમકુંડલભૂષાંગીં શીતચંદ્રાર્ધશેખરીમ્ ।
પીતભૂષણભૂષાઢ્યાં સ્વર્ણસિંહાસનેસ્થિતામ્ ॥ 5 ॥
ત્રિશૂલધારિણીમંબાં સર્વસૌભાગ્યદાયિનીમ્ ।
સર્વશૃંગારવેષાઢ્યાં ભજેત્તાં બગળામુખીમ્ ॥ 6 ॥
મધ્યે સુધાબ્ધિમણિમંટપ રત્ન વેદ્યાં
સિંહાસનોપરિગતાં પરિપીતવર્ણામ્ ।
પીતાંબરાભરણમાલ્યવિભૂષિતાંગીં
દેવીં નમામિ ધૃત મુદ્ગરવૈરિ જિહ્વામ્ ॥ 7 ॥
ચલત્કનકકુંડલોલ્લસિતચારુગંડસ્થલાં
લસત્કનકચંપક દ્યુતિમદર્ધેંદુ બિંબાંચિતામ્ ।
સદાહિતવિપક્ષકાં દળિતવૈરિ જિહ્વાંચલાં
નમામિ બગળામુખીં ધીમતાં વાઙ્મનસ્સ્તંભિનીમ્ ॥ 8 ॥
પીયૂષો દધિમધ્યચારુ વિલસદ્રત્નોજ્વલે મંટપે
યાસિંહાસન મૌળિપાતિતરિપુ પ્રેતાસનાધ્યાસિનીમ્ ।
સ્વર્ણાભાં કરપીડિતારિરશનાં ભ્રામ્યદ્ગદાં બિભ્રતીં
યસ્ત્વાં પશ્યતિ તસ્ય યાંતિ વિલયં સદ્યોહિ સર્વાપદઃ ॥ 9 ॥
દેવિ ત્વચ્ચરણાંબુજાર્ચનકૃતે યઃ પીતપુષ્પાંજલિં
મુદ્રાં વામકરે નિધાય ચ પુનર્મંત્રી મનોજ્ઞાક્ષરીમ્ ।
પીઠધ્યાનપરોપિ કુંભકવશાદ્બીજં સ્મરેત્પ્રાર્થિતં
તસ્યા મિત્રચયસ્ય સંસદિ મુખ સ્તંભો ભવેત્તત્ક્ષણાત્ ॥ 10 ॥
(ઓં હ્રીં બગળામુખિ સર્વદુષ્ટાનાં વાચં મુખં પદં સ્તંભય જિહ્વાં કીલય બુદ્ધિં વિનાશય હ્રીં ઓં સ્વાહા)
મંત્રસ્તાવદયં વિપક્ષદળને સ્તોત્રં પવિત્રં ચ તે
યંત્રંવાદિનિ યંત્રિણં ત્રિજગતાં જૈત્રં સ ચિત્રં ચ તત્ ।
શ્રીમાતર્બગળેતિ નામ લલિતં યસ્યાસ્તિ જંતોર્મુખે
તન્નામસ્મરણેન વાગ્ભવમુખ સ્તંભોભવેત્તત્ક્ષણાત્ ॥ 11 ॥
દુષ્ટસ્તંભનમુગ્રવિઘ્નશમનં દારિદ્ર્યવિદ્રાવણં
ભૂભૃત્ત્સંભનકારણં મૃગદૃશાં ચેતસ્સમાકર્ષણમ્ ।
સૌભાગ્યૈકનિકેતનં મમ દૃશાં કારુણ્યપૂર્ણેક્ષણે
મૃત્યોર્મારણમાવિરસ્તુ પુરતો માતસ્ત્વદીયં વપુઃ ॥ 12 ॥
સંખ્યાગ્રે ચોરદંડ પ્રહરણસમયે બંધને વૈરિમધ્યે
વિદ્યાવાદે વિવાદે પ્રકટિતનૃપતૌ યુદ્ધકાલે નિશાયામ્ ।
વશ્યે ચ સ્તંભને વા રિપુવધસમયે પ્રાણબાધે રણે વા
ગચ્છંતીષ્ટં ત્રિકાલં તવ પઠનમિદં કારયેદાશુ ધીરઃ ॥ 13 ॥
માતર્ભંજય મદ્વિપક્ષવદનં જિહ્વાં ચ સંકીલય
બ્રાહ્મીં મુદ્રય મુદ્રયાશુધિષણામંઘ્ર્યોર્ગતિં સ્તંભય ।
શત્રૂન્ ચૂર્ણય ચૂર્ણયાશુ ગદયા ગૌરાંગિ પીતાંબરે
વિઘ્નૌઘં બગળે હર પ્રતિદિનં કૌમારિ વામેક્ષણે ॥ 14 ॥
માતર્ભૈરવિ ભદ્રકાળિ વિજયે વારાહિ વિશ્વાશ્રયે
શ્રીનિત્યે બગળે મહેશિ સમયે રામે સુરામે રમે ।
માતંગિ ત્રિપુરે પરાત્પરતરે સ્વર્ગાપવર્ગપ્રદે
વંદેહં શરણાગતોસ્મિકૃપયા વિશ્વેશ્વરી ત્રાહિ મામ્ ॥ 15 ॥
ત્વં વિદ્યા પરમા ત્રિલોકજનની વ્યોષાનનં છેદિની
યોષાકર્ષણકારિણી ચ સુમહાબંધૈકસંભેદિની ।
દુષ્ટોચ્ચાટનકારિણી રિપુમનસ્સંદોહસંદાયિની
જિહ્વાકીલનભૈરવી વિજયતે બ્રહ્માસ્ત્રસારાયણી ॥ 16 ॥
યઃ કૃતં જપસંખ્યાનાં ચિંતિતં પરમેશ્વરી ।
શત્રૂણાં બુદ્ધિનાશાય ગૃહાણ મદનુગ્રહાત્ ॥ 17 ॥
વૈડૂર્યહારપરિશોભિતહેમમાલાં
મધ્યેતિપીન કુચયોર્ધૃતપીતવસ્ત્રામ્ ।
વ્યાઘ્રાધિરૂઢ પરિપૂરિત રત્નશોભાં
નિત્યં સ્મરામિ બગળાં રિપુવક્ત્ર કીલામ્ ॥ 18 ॥
એકાગ્ર માનસો ભૂત્વા સ્તોષ્યત્યંબાં સુશોભનામ્ ।
રજન્યા રચિતાં માલાં કરે ધૃત્વા જપેચ્છુચિઃ ॥ 19 ॥
વામે પાણૌ તુ પાશં ચ તસ્યાધસ્તાદ્ધૃઢં શુભમ્ ।
દક્ષે કરેઽક્ષસૂત્રં ચ અધઃપદ્મં ચ ધારિણીમ્ ॥ 20 ॥
ચામુંડે ચંડિકોષ્ટ્રે હુતવહદયિતે શ્યામલે શ્રીભુજંગી
દુર્ગે પ્રત્યંગિરાદ્યે મુરરિપુભગિની ભાર્ગવીવામનેત્રે ।
નાનારૂપપ્રભેદે સ્થિતિલયજનનં પાલયદ્ભર્ગહૃદ્યે
વિશ્વાદ્યે વિશ્વજૈત્રી ત્રિપુરઃ બગળે વિશ્વવંદ્યે ત્વમેકા ॥ 21 ॥
ચક્રં ખડ્ગં મુસલમભયં દક્ષિણાભિશ્ચ દોર્ભિઃ
શંખં ખેટં હલમપિ ચ ગદાં બિભ્રતીં વામદોર્ભિઃ ।
સિંહારૂઢામયુગનયનાં શ્યામલાં કંજવક્ત્રાં
વંદે દેવીં સકલવરદાં પંચમીં માતૃમધ્યામ્ ॥ 22 ॥
દ્વાત્રિંશદાયુતયુતૈશ્ચતુરષ્ટહસ્તૈ-
રષ્ટોત્તરૈશ્શતકરૈશ્ચ સહસ્રહસ્તૈઃ ।
સર્વાયુધૈરયુત બાહુભિરન્વિતાં તાં
દેવીં ભજામિ બગળાં રસનાગ્રહસ્તામ્ ॥ 23 ॥
સર્વતશ્શુભકરાં દ્વિભુજાં તાં
કંબુહેમ નવકુંડલ કર્ણામ્ ।
શત્રુનિર્દળનકારણકોપાં
ચિંતયામિ બગળાં હૃદયાબ્જે ॥ 24 ॥
જિહ્વાગ્રમાદાય કરેણ દેવીં
વામેન શત્રૂન્ પરિપીડયંતીમ્ ।
ગદાભિઘાતેન ચ દક્ષિણેન
પીતાંબરાઢ્યાં દ્વિભુજાં નમામિ ॥ 25 ॥
વંદે વારિજલોચનાં વસુકરાં પીતાંબરાડંબરાં
પીતાંભોરુહસંસ્થિતાં ત્રિનયનાં પીતાંગરાગોજ્જ્વલામ્ ।
શબ્દબ્રહ્મમયીં મહાકવિજયીં ત્રૈલોક્યસમ્મોહનીં
વિદ્યુત્કોટિ નિભાં પ્રસન્ન બગળાં પ્રત્યર્થિવાક્ત્સંભિનીમ્ ॥ 26 ॥
દુઃખેન વા યદિ સુખેન ચ વા ત્વદીયં
સ્તુત્વાઽથ નામબગળે સમુપૈતિ વશ્યમ્ ।
નિશ્ચિત્ય શત્રુમબલં વિજયં ત્વદંઘ્રિ
પદ્માર્ચકસ્ય ભવતીતિ કિમત્ર ચિત્રમ્ ॥ 27 ॥
વિમોહિતજગત્ત્રયાં વશગતાવનવલ્લભાં
ભજામિ બગળામુખીં ભવસુખૈકસંધાયિનીમ્ ।
ગેહં નાતતિ ગર્વિતઃ પ્રણમતિ સ્ત્રીસંગમો મોક્ષતિ
દ્વેષી મિત્રતિ પાપકૃત્સુકૃતતિ ક્ષ્માવલ્લભોધાવતિ ॥ 28 ॥
મૃત્યુર્વૈધૃતિદૂષણં સુગુણતિ ત્વત્પાદસંસેવનાત્
ત્વાં વંદે ભવભીતિભંજનકરીં ગૌરીં ગિરીશપ્રિયામ્ ।
નિત્યં યસ્તુ મનોહરં સ્તવમિદં દિવ્યં પઠેત્સાદરં
ધૃત્વા યંત્રમિદં તથૈવ સમરે બાહ્વોઃ કરે વા ગળે ॥ 29 ॥
રાજાનો વરયોષિતોથકરિણસ્સર્વામૃગેંદ્રા વશાઃ
સ્તોત્રૈર્યાંતિ વિમોહિતા રિપુગણા લક્ષ્મીઃ સ્થિરા સિદ્ધયઃ ।
નિર્નિદ્રે બગળે સમુદ્રનિલયે રૌદ્ર્યાદિ વાઙ્મુદ્રિકે
ભદ્રે રુદ્રમનોહરે ત્રિભુવનત્રાણે દરિદ્રાપહે ॥ 30 ॥
સદ્રત્નાકર ભૂમિગોજ્વલ કરી નિસ્તંદ્રિ ચાંદ્રાનને
નીહારાદ્રિસુતે નિસર્ગસરળે વિદ્યે સુરાદ્યે નમઃ ।
દેવી તસ્ય નિરામયાત્મજમુખાન્યાયૂંષિ દદ્યાદિદં
યે નિત્યં પ્રજપંતિ ભક્તિ ભરિતાસ્તેભ્યસ્સ્તવં નિશ્ચિતમ્ ॥ 31 ॥
નૂનં શ્રેયો વશ્યમારોગ્યતાં ચ પ્રાપ્તસ્સર્વં ભૂતલે સાધકસ્તુ ।
ભક્ત્યા નિત્યં સ્તોત્રમેતત્પઠન્વૈ વિદ્યાં કીર્તિં વંશવૃદ્ધિં ચ વિંદેત્ ॥ 32 ॥
ઇતિ શ્રીરુદ્રયામળે શ્રીબગળામુખીસ્તોત્રમ્ ॥
