asya śrībagaḻāmukhīmahāmantrasya
nāradō bhagavān ṛṣiḥ
atijagatīChandaḥ
śrī bagaḻāmukhī dēvatā
lāṃ bījaṃ iṃ śaktiḥ
laṃ kīlakaṃ-mama dūrasthānāṃ samīpasthānāṃ gati mati vāktsambhanārthē japē viniyōgaḥ
ōṃ hrīṃ aṅguṣṭhābhyāṃ namaḥ
bagaḻāmukhī tarjanībhyāṃ namaḥ
sarvaduṣṭānāṃ madhyamābhyāṃ namaḥ
vāchaṃ mukhaṃ padaṃ stambhaya anāmikābhyāṃ namaḥ
jihvāṃ kīlaya buddhiṃ vināśaya kaniṣṭhikābhyāṃ namaḥ
hrīṃ ōṃ svāhā karatalakarapṛṣṭābhyāṃ namaḥ
ōṃ hrīṃ hṛdayāya namaḥ
bagaḻāmukhī śirasē svāhā
sarvaduṣṭānāṃ śikhāyai vaṣat
vāchaṃ mukhaṃ padaṃ stambhaya kavachā huṃ
jihvāṃ kīlaya buddhiṃ vināśaya nētratrayāya vauṣaṭ
hrīṃ ōṃ svāhā astrāya phaṭ
bhūrbhuvassuvarōmiti digbandhaḥ ।
dhyānam ।
pītāmbarāṃ triṇētrāṃ cha dvibhujāṃ dahanōjvalām ।
śilāparvatahastāṃ cha ripukampāṃ mahōtkaṭām ॥ 1 ॥
gambhīrāṃ cha madōnmattāṃ svarṇakāntisamaprabhām ।
vairinirdaḻanārthāya smarēttāṃ bagaḻāmukhīm ॥ 2 ॥
chaturbhujāṃ triṇayanāṃ kamalāsanasaṃsthitām ।
dakṣiṇē mudgaraṃ pāśaṃ vāmē jihvāṃ cha vajrakam ॥ 3 ॥
pītāmbaradharāṃ sāndrāṃ dṛḍhapīnayōdharām ।
vairivāktsambhinīṃ dēvīṃ smarāmi bagaḻāmukhīm ॥ 4 ॥
hēmakuṇḍalabhūṣāṅgīṃ śītachandrārdhaśēkharīm ।
pītabhūṣaṇabhūṣāḍhyāṃ svarṇasiṃhāsanēsthitām ॥ 5 ॥
triśūladhāriṇīmambāṃ sarvasaubhāgyadāyinīm ।
sarvaśṛṅgāravēṣāḍhyāṃ bhajēttāṃ bagaḻāmukhīm ॥ 6 ॥
madhyē sudhābdhimaṇimaṇṭapa ratna vēdyāṃ
siṃhāsanōparigatāṃ paripītavarṇām ।
pītāmbarābharaṇamālyavibhūṣitāṅgīṃ
dēvīṃ namāmi dhṛta mudgaravairi jihvām ॥ 7 ॥
chalatkanakakuṇḍalōllasitachārugaṇḍasthalāṃ
lasatkanakachampaka dyutimadardhēndu bimbāñchitām ।
sadāhitavipakṣakāṃ daḻitavairi jihvāñchalāṃ
namāmi bagaḻāmukhīṃ dhīmatāṃ vāṅmanasstambhinīm ॥ 8 ॥
pīyūṣō dadhimadhyachāru vilasadratnōjvalē maṇṭapē
yāsiṃhāsana mauḻipātitaripu prētāsanādhyāsinīm ।
svarṇābhāṃ karapīḍitāriraśanāṃ bhrāmyadgadāṃ bibhratīṃ
yastvāṃ paśyati tasya yānti vilayaṃ sadyōhi sarvāpadaḥ ॥ 9 ॥
dēvi tvachcharaṇāmbujārchanakṛtē yaḥ pītapuṣpāñjaliṃ
mudrāṃ vāmakarē nidhāya cha punarmantrī manōjñākṣarīm ।
pīṭhadhyānaparōpi kumbhakavaśādbījaṃ smarētprārthitaṃ
tasyā mitrachayasya saṃsadi mukha stambhō bhavēttatkṣaṇāt ॥ 10 ॥
(ōṃ hrīṃ bagaḻāmukhi sarvaduṣṭānāṃ vāchaṃ mukhaṃ padaṃ stambhaya jihvāṃ kīlaya buddhiṃ vināśaya hrīṃ ōṃ svāhā)
mantrastāvadayaṃ vipakṣadaḻanē stōtraṃ pavitraṃ cha tē
yantraṃvādini yantriṇaṃ trijagatāṃ jaitraṃ sa chitraṃ cha tat ।
śrīmātarbagaḻēti nāma lalitaṃ yasyāsti jantōrmukhē
tannāmasmaraṇēna vāgbhavamukha stambhōbhavēttatkṣaṇāt ॥ 11 ॥
duṣṭastambhanamugravighnaśamanaṃ dāridryavidrāvaṇaṃ
bhūbhṛttsambhanakāraṇaṃ mṛgadṛśāṃ chētassamākarṣaṇam ।
saubhāgyaikanikētanaṃ mama dṛśāṃ kāruṇyapūrṇēkṣaṇē
mṛtyōrmāraṇamāvirastu puratō mātastvadīyaṃ vapuḥ ॥ 12 ॥
saṅkhyāgrē chōradaṇḍa praharaṇasamayē bandhanē vairimadhyē
vidyāvādē vivādē prakaṭitanṛpatau yuddhakālē niśāyām ।
vaśyē cha stambhanē vā ripuvadhasamayē prāṇabādhē raṇē vā
gachChantīṣṭaṃ trikālaṃ tava paṭhanamidaṃ kārayēdāśu dhīraḥ ॥ 13 ॥
mātarbhañjaya madvipakṣavadanaṃ jihvāṃ cha saṅkīlaya
brāhmīṃ mudraya mudrayāśudhiṣaṇāmaṅghryōrgatiṃ stambhaya ।
śatrūn chūrṇaya chūrṇayāśu gadayā gaurāṅgi pītāmbarē
vighnaughaṃ bagaḻē hara pratidinaṃ kaumāri vāmēkṣaṇē ॥ 14 ॥
mātarbhairavi bhadrakāḻi vijayē vārāhi viśvāśrayē
śrīnityē bagaḻē mahēśi samayē rāmē surāmē ramē ।
mātaṅgi tripurē parātparatarē svargāpavargapradē
vandēhaṃ śaraṇāgatōsmikṛpayā viśvēśvarī trāhi mām ॥ 15 ॥
tvaṃ vidyā paramā trilōkajananī vyōṣānanaṃ Chēdinī
yōṣākarṣaṇakāriṇī cha sumahābandhaikasambhēdinī ।
duṣṭōchchāṭanakāriṇī ripumanassandōhasandāyinī
jihvākīlanabhairavī vijayatē brahmāstrasārāyaṇī ॥ 16 ॥
yaḥ kṛtaṃ japasaṅkhyānāṃ chintitaṃ paramēśvarī ।
śatrūṇāṃ buddhināśāya gṛhāṇa madanugrahāt ॥ 17 ॥
vaiḍūryahārapariśōbhitahēmamālāṃ
madhyētipīna kuchayōrdhṛtapītavastrām ।
vyāghrādhirūḍha paripūrita ratnaśōbhāṃ
nityaṃ smarāmi bagaḻāṃ ripuvaktra kīlām ॥ 18 ॥
ēkāgra mānasō bhūtvā stōṣyatyambāṃ suśōbhanām ।
rajanyā rachitāṃ mālāṃ karē dhṛtvā japēchChuchiḥ ॥ 19 ॥
vāmē pāṇau tu pāśaṃ cha tasyādhastāddhṛḍhaṃ śubham ।
dakṣē karē'kṣasūtraṃ cha adhaḥpadmaṃ cha dhāriṇīm ॥ 20 ॥
chāmuṇḍē chaṇḍikōṣṭrē hutavahadayitē śyāmalē śrībhujaṅgī
durgē pratyaṅgirādyē muraripubhaginī bhārgavīvāmanētrē ।
nānārūpaprabhēdē sthitilayajananaṃ pālayadbhargahṛdyē
viśvādyē viśvajaitrī tripuraḥ bagaḻē viśvavandyē tvamēkā ॥ 21 ॥
chakraṃ khaḍgaṃ musalamabhayaṃ dakṣiṇābhiścha dōrbhiḥ
śaṅkhaṃ khēṭaṃ halamapi cha gadāṃ bibhratīṃ vāmadōrbhiḥ ।
siṃhārūḍhāmayuganayanāṃ śyāmalāṃ kañjavaktrāṃ
vandē dēvīṃ sakalavaradāṃ pañchamīṃ mātṛmadhyām ॥ 22 ॥
dvātriṃśadāyutayutaiśchaturaṣṭahastai-
raṣṭōttaraiśśatakaraiścha sahasrahastaiḥ ।
sarvāyudhairayuta bāhubhiranvitāṃ tāṃ
dēvīṃ bhajāmi bagaḻāṃ rasanāgrahastām ॥ 23 ॥
sarvataśśubhakarāṃ dvibhujāṃ tāṃ
kambuhēma navakuṇḍala karṇām ।
śatrunirdaḻanakāraṇakōpāṃ
chintayāmi bagaḻāṃ hṛdayābjē ॥ 24 ॥
jihvāgramādāya karēṇa dēvīṃ
vāmēna śatrūn paripīḍayantīm ।
gadābhighātēna cha dakṣiṇēna
pītāmbarāḍhyāṃ dvibhujāṃ namāmi ॥ 25 ॥
vandē vārijalōchanāṃ vasukarāṃ pītāmbarāḍambarāṃ
pītāmbhōruhasaṃsthitāṃ trinayanāṃ pītāṅgarāgōjjvalām ।
śabdabrahmamayīṃ mahākavijayīṃ trailōkyasammōhanīṃ
vidyutkōṭi nibhāṃ prasanna bagaḻāṃ pratyarthivāktsambhinīm ॥ 26 ॥
duḥkhēna vā yadi sukhēna cha vā tvadīyaṃ
stutvā'tha nāmabagaḻē samupaiti vaśyam ।
niśchitya śatrumabalaṃ vijayaṃ tvadaṅghri
padmārchakasya bhavatīti kimatra chitram ॥ 27 ॥
vimōhitajagattrayāṃ vaśagatāvanavallabhāṃ
bhajāmi bagaḻāmukhīṃ bhavasukhaikasandhāyinīm ।
gēhaṃ nātati garvitaḥ praṇamati strīsaṅgamō mōkṣati
dvēṣī mitrati pāpakṛtsukṛtati kṣmāvallabhōdhāvati ॥ 28 ॥
mṛtyurvaidhṛtidūṣaṇaṃ suguṇati tvatpādasaṃsēvanāt
tvāṃ vandē bhavabhītibhañjanakarīṃ gaurīṃ girīśapriyām ।
nityaṃ yastu manōharaṃ stavamidaṃ divyaṃ paṭhētsādaraṃ
dhṛtvā yantramidaṃ tathaiva samarē bāhvōḥ karē vā gaḻē ॥ 29 ॥
rājānō varayōṣitōthakariṇassarvāmṛgēndrā vaśāḥ
stōtrairyānti vimōhitā ripugaṇā lakṣmīḥ sthirā siddhayaḥ ।
nirnidrē bagaḻē samudranilayē raudryādi vāṅmudrikē
bhadrē rudramanōharē tribhuvanatrāṇē daridrāpahē ॥ 30 ॥
sadratnākara bhūmigōjvala karī nistandri chāndrānanē
nīhārādrisutē nisargasaraḻē vidyē surādyē namaḥ ।
dēvī tasya nirāmayātmajamukhānyāyūṃṣi dadyādidaṃ
yē nityaṃ prajapanti bhakti bharitāstēbhyasstavaṃ niśchitam ॥ 31 ॥
nūnaṃ śrēyō vaśyamārōgyatāṃ cha prāptassarvaṃ bhūtalē sādhakastu ।
bhaktyā nityaṃ stōtramētatpaṭhanvai vidyāṃ kīrtiṃ vaṃśavṛddhiṃ cha vindēt ॥ 32 ॥
iti śrīrudrayāmaḻē śrībagaḻāmukhīstōtram ॥
