ଅସ୍ୟ ଶ୍ରୀବଗଳାମୁଖୀମହାମଂତ୍ରସ୍ୟ
ନାରଦୋ ଭଗଵାନ୍ ଋଷିଃ
ଅତିଜଗତୀଛଂଦଃ
ଶ୍ରୀ ବଗଳାମୁଖୀ ଦେଵତା
ଲାଂ ବୀଜଂ ଇଂ ଶକ୍ତିଃ
ଲଂ କୀଲକଂ-ମମ ଦୂରସ୍ଥାନାଂ ସମୀପସ୍ଥାନାଂ ଗତି ମତି ଵାକ୍ତ୍ସଂଭନାର୍ଥେ ଜପେ ଵିନିୟୋଗଃ
ଓଂ ହ୍ରୀଂ ଅଂଗୁଷ୍ଠାଭ୍ୟାଂ ନମଃ
ବଗଳାମୁଖୀ ତର୍ଜନୀଭ୍ୟାଂ ନମଃ
ସର୍ଵଦୁଷ୍ଟାନାଂ ମଧ୍ୟମାଭ୍ୟାଂ ନମଃ
ଵାଚଂ ମୁଖଂ ପଦଂ ସ୍ତଂଭୟ ଅନାମିକାଭ୍ୟାଂ ନମଃ
ଜିହ୍ଵାଂ କୀଲୟ ବୁଦ୍ଧିଂ ଵିନାଶୟ କନିଷ୍ଠିକାଭ୍ୟାଂ ନମଃ
ହ୍ରୀଂ ଓଂ ସ୍ଵାହା କରତଲକରପୃଷ୍ଟାଭ୍ୟାଂ ନମଃ
ଓଂ ହ୍ରୀଂ ହୃଦୟାୟ ନମଃ
ବଗଳାମୁଖୀ ଶିରସେ ସ୍ଵାହା
ସର୍ଵଦୁଷ୍ଟାନାଂ ଶିଖାୟୈ ଵଷତ୍
ଵାଚଂ ମୁଖଂ ପଦଂ ସ୍ତଂଭୟ କଵଚା ହୁଂ
ଜିହ୍ଵାଂ କୀଲୟ ବୁଦ୍ଧିଂ ଵିନାଶୟ ନେତ୍ରତ୍ରୟାୟ ଵୌଷଟ୍
ହ୍ରୀଂ ଓଂ ସ୍ଵାହା ଅସ୍ତ୍ରାୟ ଫଟ୍
ଭୂର୍ଭୁଵସ୍ସୁଵରୋମିତି ଦିଗ୍ବଂଧଃ ।
ଧ୍ୟାନମ୍ ।
ପୀତାଂବରାଂ ତ୍ରିଣେତ୍ରାଂ ଚ ଦ୍ଵିଭୁଜାଂ ଦହନୋଜ୍ଵଲାମ୍ ।
ଶିଲାପର୍ଵତହସ୍ତାଂ ଚ ରିପୁକଂପାଂ ମହୋତ୍କଟାମ୍ ॥ 1 ॥
ଗଂଭୀରାଂ ଚ ମଦୋନ୍ମତ୍ତାଂ ସ୍ଵର୍ଣକାଂତିସମପ୍ରଭାମ୍ ।
ଵୈରିନିର୍ଦଳନାର୍ଥାୟ ସ୍ମରେତ୍ତାଂ ବଗଳାମୁଖୀମ୍ ॥ 2 ॥
ଚତୁର୍ଭୁଜାଂ ତ୍ରିଣୟନାଂ କମଲାସନସଂସ୍ଥିତାମ୍ ।
ଦକ୍ଷିଣେ ମୁଦ୍ଗରଂ ପାଶଂ ଵାମେ ଜିହ୍ଵାଂ ଚ ଵଜ୍ରକମ୍ ॥ 3 ॥
ପୀତାଂବରଧରାଂ ସାଂଦ୍ରାଂ ଦୃଢପୀନୟୋଧରାମ୍ ।
ଵୈରିଵାକ୍ତ୍ସଂଭିନୀଂ ଦେଵୀଂ ସ୍ମରାମି ବଗଳାମୁଖୀମ୍ ॥ 4 ॥
ହେମକୁଂଡଲଭୂଷାଂଗୀଂ ଶୀତଚଂଦ୍ରାର୍ଧଶେଖରୀମ୍ ।
ପୀତଭୂଷଣଭୂଷାଢ୍ୟାଂ ସ୍ଵର୍ଣସିଂହାସନେସ୍ଥିତାମ୍ ॥ 5 ॥
ତ୍ରିଶୂଲଧାରିଣୀମଂବାଂ ସର୍ଵସୌଭାଗ୍ୟଦାୟିନୀମ୍ ।
ସର୍ଵଶୃଂଗାରଵେଷାଢ୍ୟାଂ ଭଜେତ୍ତାଂ ବଗଳାମୁଖୀମ୍ ॥ 6 ॥
ମଧ୍ୟେ ସୁଧାବ୍ଧିମଣିମଂଟପ ରତ୍ନ ଵେଦ୍ୟାଂ
ସିଂହାସନୋପରିଗତାଂ ପରିପୀତଵର୍ଣାମ୍ ।
ପୀତାଂବରାଭରଣମାଲ୍ୟଵିଭୂଷିତାଂଗୀଂ
ଦେଵୀଂ ନମାମି ଧୃତ ମୁଦ୍ଗରଵୈରି ଜିହ୍ଵାମ୍ ॥ 7 ॥
ଚଲତ୍କନକକୁଂଡଲୋଲ୍ଲସିତଚାରୁଗଂଡସ୍ଥଲାଂ
ଲସତ୍କନକଚଂପକ ଦ୍ୟୁତିମଦର୍ଧେଂଦୁ ବିଂବାଂଚିତାମ୍ ।
ସଦାହିତଵିପକ୍ଷକାଂ ଦଳିତଵୈରି ଜିହ୍ଵାଂଚଲାଂ
ନମାମି ବଗଳାମୁଖୀଂ ଧୀମତାଂ ଵାଙ୍ମନସ୍ସ୍ତଂଭିନୀମ୍ ॥ 8 ॥
ପୀୟୂଷୋ ଦଧିମଧ୍ୟଚାରୁ ଵିଲସଦ୍ରତ୍ନୋଜ୍ଵଲେ ମଂଟପେ
ୟାସିଂହାସନ ମୌଳିପାତିତରିପୁ ପ୍ରେତାସନାଧ୍ୟାସିନୀମ୍ ।
ସ୍ଵର୍ଣାଭାଂ କରପୀଡିତାରିରଶନାଂ ଭ୍ରାମ୍ୟଦ୍ଗଦାଂ ବିଭ୍ରତୀଂ
ୟସ୍ତ୍ଵାଂ ପଶ୍ୟତି ତସ୍ୟ ୟାଂତି ଵିଲୟଂ ସଦ୍ୟୋହି ସର୍ଵାପଦଃ ॥ 9 ॥
ଦେଵି ତ୍ଵଚ୍ଚରଣାଂବୁଜାର୍ଚନକୃତେ ୟଃ ପୀତପୁଷ୍ପାଂଜଲିଂ
ମୁଦ୍ରାଂ ଵାମକରେ ନିଧାୟ ଚ ପୁନର୍ମଂତ୍ରୀ ମନୋଜ୍ଞାକ୍ଷରୀମ୍ ।
ପୀଠଧ୍ୟାନପରୋପି କୁଂଭକଵଶାଦ୍ବୀଜଂ ସ୍ମରେତ୍ପ୍ରାର୍ଥିତଂ
ତସ୍ୟା ମିତ୍ରଚୟସ୍ୟ ସଂସଦି ମୁଖ ସ୍ତଂଭୋ ଭଵେତ୍ତତ୍କ୍ଷଣାତ୍ ॥ 10 ॥
(ଓଂ ହ୍ରୀଂ ବଗଳାମୁଖି ସର୍ଵଦୁଷ୍ଟାନାଂ ଵାଚଂ ମୁଖଂ ପଦଂ ସ୍ତଂଭୟ ଜିହ୍ଵାଂ କୀଲୟ ବୁଦ୍ଧିଂ ଵିନାଶୟ ହ୍ରୀଂ ଓଂ ସ୍ଵାହା)
ମଂତ୍ରସ୍ତାଵଦୟଂ ଵିପକ୍ଷଦଳନେ ସ୍ତୋତ୍ରଂ ପଵିତ୍ରଂ ଚ ତେ
ୟଂତ୍ରଂଵାଦିନି ୟଂତ୍ରିଣଂ ତ୍ରିଜଗତାଂ ଜୈତ୍ରଂ ସ ଚିତ୍ରଂ ଚ ତତ୍ ।
ଶ୍ରୀମାତର୍ବଗଳେତି ନାମ ଲଲିତଂ ୟସ୍ୟାସ୍ତି ଜଂତୋର୍ମୁଖେ
ତନ୍ନାମସ୍ମରଣେନ ଵାଗ୍ଭଵମୁଖ ସ୍ତଂଭୋଭଵେତ୍ତତ୍କ୍ଷଣାତ୍ ॥ 11 ॥
ଦୁଷ୍ଟସ୍ତଂଭନମୁଗ୍ରଵିଘ୍ନଶମନଂ ଦାରିଦ୍ର୍ୟଵିଦ୍ରାଵଣଂ
ଭୂଭୃତ୍ତ୍ସଂଭନକାରଣଂ ମୃଗଦୃଶାଂ ଚେତସ୍ସମାକର୍ଷଣମ୍ ।
ସୌଭାଗ୍ୟୈକନିକେତନଂ ମମ ଦୃଶାଂ କାରୁଣ୍ୟପୂର୍ଣେକ୍ଷଣେ
ମୃତ୍ୟୋର୍ମାରଣମାଵିରସ୍ତୁ ପୁରତୋ ମାତସ୍ତ୍ଵଦୀୟଂ ଵପୁଃ ॥ 12 ॥
ସଂଖ୍ୟାଗ୍ରେ ଚୋରଦଂଡ ପ୍ରହରଣସମୟେ ବଂଧନେ ଵୈରିମଧ୍ୟେ
ଵିଦ୍ୟାଵାଦେ ଵିଵାଦେ ପ୍ରକଟିତନୃପତୌ ୟୁଦ୍ଧକାଲେ ନିଶାୟାମ୍ ।
ଵଶ୍ୟେ ଚ ସ୍ତଂଭନେ ଵା ରିପୁଵଧସମୟେ ପ୍ରାଣବାଧେ ରଣେ ଵା
ଗଚ୍ଛଂତୀଷ୍ଟଂ ତ୍ରିକାଲଂ ତଵ ପଠନମିଦଂ କାରୟେଦାଶୁ ଧୀରଃ ॥ 13 ॥
ମାତର୍ଭଂଜୟ ମଦ୍ଵିପକ୍ଷଵଦନଂ ଜିହ୍ଵାଂ ଚ ସଂକୀଲୟ
ବ୍ରାହ୍ମୀଂ ମୁଦ୍ରୟ ମୁଦ୍ରୟାଶୁଧିଷଣାମଂଘ୍ର୍ୟୋର୍ଗତିଂ ସ୍ତଂଭୟ ।
ଶତ୍ରୂନ୍ ଚୂର୍ଣୟ ଚୂର୍ଣୟାଶୁ ଗଦୟା ଗୌରାଂଗି ପୀତାଂବରେ
ଵିଘ୍ନୌଘଂ ବଗଳେ ହର ପ୍ରତିଦିନଂ କୌମାରି ଵାମେକ୍ଷଣେ ॥ 14 ॥
ମାତର୍ଭୈରଵି ଭଦ୍ରକାଳି ଵିଜୟେ ଵାରାହି ଵିଶ୍ଵାଶ୍ରୟେ
ଶ୍ରୀନିତ୍ୟେ ବଗଳେ ମହେଶି ସମୟେ ରାମେ ସୁରାମେ ରମେ ।
ମାତଂଗି ତ୍ରିପୁରେ ପରାତ୍ପରତରେ ସ୍ଵର୍ଗାପଵର୍ଗପ୍ରଦେ
ଵଂଦେହଂ ଶରଣାଗତୋସ୍ମିକୃପୟା ଵିଶ୍ଵେଶ୍ଵରୀ ତ୍ରାହି ମାମ୍ ॥ 15 ॥
ତ୍ଵଂ ଵିଦ୍ୟା ପରମା ତ୍ରିଲୋକଜନନୀ ଵ୍ୟୋଷାନନଂ ଛେଦିନୀ
ୟୋଷାକର୍ଷଣକାରିଣୀ ଚ ସୁମହାବଂଧୈକସଂଭେଦିନୀ ।
ଦୁଷ୍ଟୋଚ୍ଚାଟନକାରିଣୀ ରିପୁମନସ୍ସଂଦୋହସଂଦାୟିନୀ
ଜିହ୍ଵାକୀଲନଭୈରଵୀ ଵିଜୟତେ ବ୍ରହ୍ମାସ୍ତ୍ରସାରାୟଣୀ ॥ 16 ॥
ୟଃ କୃତଂ ଜପସଂଖ୍ୟାନାଂ ଚିଂତିତଂ ପରମେଶ୍ଵରୀ ।
ଶତ୍ରୂଣାଂ ବୁଦ୍ଧିନାଶାୟ ଗୃହାଣ ମଦନୁଗ୍ରହାତ୍ ॥ 17 ॥
ଵୈଡୂର୍ୟହାରପରିଶୋଭିତହେମମାଲାଂ
ମଧ୍ୟେତିପୀନ କୁଚୟୋର୍ଧୃତପୀତଵସ୍ତ୍ରାମ୍ ।
ଵ୍ୟାଘ୍ରାଧିରୂଢ ପରିପୂରିତ ରତ୍ନଶୋଭାଂ
ନିତ୍ୟଂ ସ୍ମରାମି ବଗଳାଂ ରିପୁଵକ୍ତ୍ର କୀଲାମ୍ ॥ 18 ॥
ଏକାଗ୍ର ମାନସୋ ଭୂତ୍ଵା ସ୍ତୋଷ୍ୟତ୍ୟଂବାଂ ସୁଶୋଭନାମ୍ ।
ରଜନ୍ୟା ରଚିତାଂ ମାଲାଂ କରେ ଧୃତ୍ଵା ଜପେଚ୍ଛୁଚିଃ ॥ 19 ॥
ଵାମେ ପାଣୌ ତୁ ପାଶଂ ଚ ତସ୍ୟାଧସ୍ତାଦ୍ଧୃଢଂ ଶୁଭମ୍ ।
ଦକ୍ଷେ କରେଽକ୍ଷସୂତ୍ରଂ ଚ ଅଧଃପଦ୍ମଂ ଚ ଧାରିଣୀମ୍ ॥ 20 ॥
ଚାମୁଂଡେ ଚଂଡିକୋଷ୍ଟ୍ରେ ହୁତଵହଦୟିତେ ଶ୍ୟାମଲେ ଶ୍ରୀଭୁଜଂଗୀ
ଦୁର୍ଗେ ପ୍ରତ୍ୟଂଗିରାଦ୍ୟେ ମୁରରିପୁଭଗିନୀ ଭାର୍ଗଵୀଵାମନେତ୍ରେ ।
ନାନାରୂପପ୍ରଭେଦେ ସ୍ଥିତିଲୟଜନନଂ ପାଲୟଦ୍ଭର୍ଗହୃଦ୍ୟେ
ଵିଶ୍ଵାଦ୍ୟେ ଵିଶ୍ଵଜୈତ୍ରୀ ତ୍ରିପୁରଃ ବଗଳେ ଵିଶ୍ଵଵଂଦ୍ୟେ ତ୍ଵମେକା ॥ 21 ॥
ଚକ୍ରଂ ଖଡ୍ଗଂ ମୁସଲମଭୟଂ ଦକ୍ଷିଣାଭିଶ୍ଚ ଦୋର୍ଭିଃ
ଶଂଖଂ ଖେଟଂ ହଲମପି ଚ ଗଦାଂ ବିଭ୍ରତୀଂ ଵାମଦୋର୍ଭିଃ ।
ସିଂହାରୂଢାମୟୁଗନୟନାଂ ଶ୍ୟାମଲାଂ କଂଜଵକ୍ତ୍ରାଂ
ଵଂଦେ ଦେଵୀଂ ସକଲଵରଦାଂ ପଂଚମୀଂ ମାତୃମଧ୍ୟାମ୍ ॥ 22 ॥
ଦ୍ଵାତ୍ରିଂଶଦାୟୁତୟୁତୈଶ୍ଚତୁରଷ୍ଟହସ୍ତୈ-
ରଷ୍ଟୋତ୍ତରୈଶ୍ଶତକରୈଶ୍ଚ ସହସ୍ରହସ୍ତୈଃ ।
ସର୍ଵାୟୁଧୈରୟୁତ ବାହୁଭିରନ୍ଵିତାଂ ତାଂ
ଦେଵୀଂ ଭଜାମି ବଗଳାଂ ରସନାଗ୍ରହସ୍ତାମ୍ ॥ 23 ॥
ସର୍ଵତଶ୍ଶୁଭକରାଂ ଦ୍ଵିଭୁଜାଂ ତାଂ
କଂବୁହେମ ନଵକୁଂଡଲ କର୍ଣାମ୍ ।
ଶତ୍ରୁନିର୍ଦଳନକାରଣକୋପାଂ
ଚିଂତୟାମି ବଗଳାଂ ହୃଦୟାବ୍ଜେ ॥ 24 ॥
ଜିହ୍ଵାଗ୍ରମାଦାୟ କରେଣ ଦେଵୀଂ
ଵାମେନ ଶତ୍ରୂନ୍ ପରିପୀଡୟଂତୀମ୍ ।
ଗଦାଭିଘାତେନ ଚ ଦକ୍ଷିଣେନ
ପୀତାଂବରାଢ୍ୟାଂ ଦ୍ଵିଭୁଜାଂ ନମାମି ॥ 25 ॥
ଵଂଦେ ଵାରିଜଲୋଚନାଂ ଵସୁକରାଂ ପୀତାଂବରାଡଂବରାଂ
ପୀତାଂଭୋରୁହସଂସ୍ଥିତାଂ ତ୍ରିନୟନାଂ ପୀତାଂଗରାଗୋଜ୍ଜ୍ଵଲାମ୍ ।
ଶବ୍ଦବ୍ରହ୍ମମୟୀଂ ମହାକଵିଜୟୀଂ ତ୍ରୈଲୋକ୍ୟସମ୍ମୋହନୀଂ
ଵିଦ୍ୟୁତ୍କୋଟି ନିଭାଂ ପ୍ରସନ୍ନ ବଗଳାଂ ପ୍ରତ୍ୟର୍ଥିଵାକ୍ତ୍ସଂଭିନୀମ୍ ॥ 26 ॥
ଦୁଃଖେନ ଵା ୟଦି ସୁଖେନ ଚ ଵା ତ୍ଵଦୀୟଂ
ସ୍ତୁତ୍ଵାଽଥ ନାମବଗଳେ ସମୁପୈତି ଵଶ୍ୟମ୍ ।
ନିଶ୍ଚିତ୍ୟ ଶତ୍ରୁମବଲଂ ଵିଜୟଂ ତ୍ଵଦଂଘ୍ରି
ପଦ୍ମାର୍ଚକସ୍ୟ ଭଵତୀତି କିମତ୍ର ଚିତ୍ରମ୍ ॥ 27 ॥
ଵିମୋହିତଜଗତ୍ତ୍ରୟାଂ ଵଶଗତାଵନଵଲ୍ଲଭାଂ
ଭଜାମି ବଗଳାମୁଖୀଂ ଭଵସୁଖୈକସଂଧାୟିନୀମ୍ ।
ଗେହଂ ନାତତି ଗର୍ଵିତଃ ପ୍ରଣମତି ସ୍ତ୍ରୀସଂଗମୋ ମୋକ୍ଷତି
ଦ୍ଵେଷୀ ମିତ୍ରତି ପାପକୃତ୍ସୁକୃତତି କ୍ଷ୍ମାଵଲ୍ଲଭୋଧାଵତି ॥ 28 ॥
ମୃତ୍ୟୁର୍ଵୈଧୃତିଦୂଷଣଂ ସୁଗୁଣତି ତ୍ଵତ୍ପାଦସଂସେଵନାତ୍
ତ୍ଵାଂ ଵଂଦେ ଭଵଭୀତିଭଂଜନକରୀଂ ଗୌରୀଂ ଗିରୀଶପ୍ରିୟାମ୍ ।
ନିତ୍ୟଂ ୟସ୍ତୁ ମନୋହରଂ ସ୍ତଵମିଦଂ ଦିଵ୍ୟଂ ପଠେତ୍ସାଦରଂ
ଧୃତ୍ଵା ୟଂତ୍ରମିଦଂ ତଥୈଵ ସମରେ ବାହ୍ଵୋଃ କରେ ଵା ଗଳେ ॥ 29 ॥
ରାଜାନୋ ଵରୟୋଷିତୋଥକରିଣସ୍ସର୍ଵାମୃଗେଂଦ୍ରା ଵଶାଃ
ସ୍ତୋତ୍ରୈର୍ୟାଂତି ଵିମୋହିତା ରିପୁଗଣା ଲକ୍ଷ୍ମୀଃ ସ୍ଥିରା ସିଦ୍ଧୟଃ ।
ନିର୍ନିଦ୍ରେ ବଗଳେ ସମୁଦ୍ରନିଲୟେ ରୌଦ୍ର୍ୟାଦି ଵାଙ୍ମୁଦ୍ରିକେ
ଭଦ୍ରେ ରୁଦ୍ରମନୋହରେ ତ୍ରିଭୁଵନତ୍ରାଣେ ଦରିଦ୍ରାପହେ ॥ 30 ॥
ସଦ୍ରତ୍ନାକର ଭୂମିଗୋଜ୍ଵଲ କରୀ ନିସ୍ତଂଦ୍ରି ଚାଂଦ୍ରାନନେ
ନୀହାରାଦ୍ରିସୁତେ ନିସର୍ଗସରଳେ ଵିଦ୍ୟେ ସୁରାଦ୍ୟେ ନମଃ ।
ଦେଵୀ ତସ୍ୟ ନିରାମୟାତ୍ମଜମୁଖାନ୍ୟାୟୂଂଷି ଦଦ୍ୟାଦିଦଂ
ୟେ ନିତ୍ୟଂ ପ୍ରଜପଂତି ଭକ୍ତି ଭରିତାସ୍ତେଭ୍ୟସ୍ସ୍ତଵଂ ନିଶ୍ଚିତମ୍ ॥ 31 ॥
ନୂନଂ ଶ୍ରେୟୋ ଵଶ୍ୟମାରୋଗ୍ୟତାଂ ଚ ପ୍ରାପ୍ତସ୍ସର୍ଵଂ ଭୂତଲେ ସାଧକସ୍ତୁ ।
ଭକ୍ତ୍ୟା ନିତ୍ୟଂ ସ୍ତୋତ୍ରମେତତ୍ପଠନ୍ଵୈ ଵିଦ୍ୟାଂ କୀର୍ତିଂ ଵଂଶଵୃଦ୍ଧିଂ ଚ ଵିଂଦେତ୍ ॥ 32 ॥
ଇତି ଶ୍ରୀରୁଦ୍ରୟାମଳେ ଶ୍ରୀବଗଳାମୁଖୀସ୍ତୋତ୍ରମ୍ ॥
