ಷಷ್ಠಃ ಪ್ರಶ್ನಃ

ಅಥ ಹೈನಂ ಸುಕೇಶಾ ಭಾರದ್ವಾಜಃ ಪಪ್ರಚ್ಛ -
ಭಗವನ್‌ ಹಿರಣ್ಯನಾಭಃ ಕೌಸಲ್ಯೋ ರಾಜಪುತ್ರೋ ಮಾಮುಪೇತ್ಯೈತ-ಮ್ಪ್ರಶ್ನಮಪೃಚ್ಛತ -
ಷೋಡಶಕಲ-ಮ್ಭಾರದ್ವಾಜ ಪುರುಷಂ-ವೇಁತ್ಥ। ತಮಹ-ಙ್ಕುಮಾರಮ್ಬ್ರುವ-ನ್ನಾಹಮಿಮಂ-ವೇಁದ ಯಧ್ಯಹಮಿಮಮವೇದಿಷ-ಙ್ಕಥ-ನ್ತೇ ನಾವಖ್ಷ್ಯಮಿತಿ ।
ಸಮೂಲೋ ವಾ ಏಷ ಪರಿಶುಷ್ಯತಿ ಯೋ-ಽನೃತಮಭಿವದತಿ। ತಸ್ಮಾನ್ನಾರ್​ಹಮ್ಯನೃತಂ-ವಁಕ್ತುಮ್‌। ಸ ತೂಷ್ಣೀಂ ರಥಮಾರುಹ್ಯ ಪ್ರವವ್ರಾಜ। ತ-ನ್ತ್ವಾ ಪೃಚ್ಛಾಮಿ ಕ್ವಾಸೌ ಪುರುಷ ಇತಿ ॥1॥

ತಸ್ಮೈ ಸ ಹೋವಾಚ ।
ಇಹೈವಾನ್ತಸ್ಶರೀರೇ ಸೋಭ್ಯ ಸ ಪುರುಷೋ ಯಸ್ಮಿನ್ನತಾ-ಷ್ಷೋಡಶಕಲಾಃ ಪ್ರಭವನ್ತೀತಿ ॥2॥

ಸ ಈಖ್ಷಾಞ್ಚಕ್ರೇ। ಕಸ್ಮಿನ್ನಹಮುತ್ಕ್ರಾನ್ತ ಉತ್ಕ್ರಾನ್ತೋ ಭವಿಷ್ಯಾಮಿ ಕಸ್ಮಿನ್ ವಾ ಪ್ರತಿಷ್ಠಿತೇ ಪ್ರತಿಷ್ಟಸ್ಯಾಮೀತಿ ॥3॥

ಸ ಪ್ರಾಣಮಸೃಜತ। ಪ್ರಾಣಾಚ್ಛ್ರದ್ಧಾ-ಙ್ಖಂ-ವಾಁಯುರ್ಜ್ಯೋತಿರಾಪಃ ಪೃಥಿವೀನ್ದ್ರಿಯ-ಮ್ಮನೋ-ಽನ್ನಮನ್ನಾದ್ವೀರ್ಯ-ನ್ತಪೋ ಮನ್ತ್ರಾಃ ಕರ್ಮಲೋಕಾ ಲೋಕೇಷು ಚ ನಾಮ ಚ ॥4॥

ಸ ಯಥೇಮಾ ನಧ್ಯ-ಸ್ಸ್ಯನ್ದಮಾನಾ-ಸ್ಸಮುದ್ರಾಯಣಾ-ಸ್ಸಮುದ್ರ-ಮ್ಪ್ರಾಪ್ಯಾಸ್ತ-ಙ್ಗಚ್ಛನ್ತಿ ಭಿಧ್ಯೇತೇ ತಾಸಾ-ನ್ನಾಮರುಪೇ ಸಮುದ್ರ ಇತ್ಯೇವ-ಮ್ಪ್ರೋಚ್ಯತೇ।
ಏವಮೇವಾಸ್ಯ ಪರಿದ್ರಷ್ಟುರಿಮಾ-ಷ್ಷೋಡಶಕಲಾಃ ಪುರುಷಾಯಣಾಃ ಪುರುಷ-ಮ್ಪ್ರಾಪ್ಯಾಸ್ತ-ಙ್ಗಚ್ಛನ್ತಿ ಭಿಧ್ಯೇತೇ ಚಾಸಾ-ನ್ನಾಮರುಪೇ ಪುರುಷ ಇತ್ಯೇವ-ಮ್ಪ್ರೋಚ್ಯತೇ ಸ ಏಷೋ-ಽಕಲೋ-ಽಮೃತೋ ಭವತಿ ತದೇಷ ಶ್ಲೋಕಃ ॥5॥

ಅರಾ ಇವ ರಥನಾಭೌ ಕಲಾ ಯಸ್ಮಿ-ನ್ಪ್ರತಿಷ್ಠಿತಾಃ।
ತಂ-ವೇಁಧ್ಯ-ಮ್ಪುರುಷಂ-ವೇಁದ ಯಥಾ ಮಾ ವೋ ಮೃತ್ಯುಃ ಪರಿವ್ಯಥಾ ಇತಿ ॥6॥

ತಾನ್‌ ಹೋವಾಚೈತಾವದೇವಾಹಮೇತತ್‌ ಪರ-ಮ್ಬ್ರಹ್ಮ ವೇದ। ನಾತಃ ಪರಮಸ್ತೀತಿ ॥7॥

ತೇ ತಮರ್ಚಯನ್ತಸ್ತ್ವಂ ಹಿ ನಃ ಪಿತಾ ಯೋ-ಽಸ್ಮಾಕಮವಿಧ್ಯಾಯಾಃ ಪರ-ಮ್ಪಾರ-ನ್ತಾರಯಸೀತಿ।
ನಮಃ ಪರಮೃಷಿಭ್ಯೋ ನಮಃ ಪರಮೃಷಿಭ್ಯಃ ॥8॥