ದ್ವಿತೀಯಃ ಪ್ರಶ್ನಃ

ಅಥ ಹೈನ-ಮ್ಭಾರ್ಗವೋ ವೈದರ್ಭಿಃ ಪಪ್ರಚ್ಛ।
ಭಗವನ್‌ ಕತ್ಯೇವ ದೇವಾಃ ಪ್ರಜಾಂ-ವಿಁಧಾರಯನ್ತೇ ಕತರ ಏತತ್ಪ್ರಕಾಶಯನ್ತೇ ಕಃ ಪುನರೇಷಾಂ-ವಁರಿಷ್ಠಃ ಇತಿ ॥1॥

ತಸ್ಮೈ ಸ ಹೋವಾಚಾಕಾಶೋ ಹ ವಾ ಏಷ ದೇವೋ ವಾಯುರಗ್ನಿರಾಪಃ ಪೃಥಿವೀ ವಾಙ್ಮನಶ್ಚಖ್ಷು-ಶ್ಶ್ರೋತ್ರ-ಞ್ಚ।
ತೇ ಪ್ರಕಾಶ್ಯಾಭಿವದನ್ತಿ ವಯಮೇತದ್ಬಾಣಮವಷ್ಟಭ್ಯ ವಿಧಾರಯಾಮಃ ॥2॥

ತಾನ್‌ ವರಿಷ್ಠಃ ಪ್ರಾಣ ಉವಾಚ।
ಮಾ ಮೋಹಮಾಪದ್ಯಥ ಅಹಮೇವೈತತ್ಪಞ್ಚಧಾತ್ಮಾನ-ಮ್ಪ್ರವಿಭಜ್ಯೈತದ್ಬಾಣಮವಷ್ಟಭ್ಯ ವಿಧಾರಯಾಮೀತಿ ತೇ-ಽಶ್ರದ್ದಧಾನಾ ಬಭೂವುಃ ॥3॥

ಸೋ-ಽಭಿಮಾನಾದೂರ್ಧ್ವಮುತ್ಕ್ರಾಮತ ಇವ ತಸ್ಮಿನ್ನುತ್ಕ್ರಾಮತ್ಯಥೇತರೇ ಸರ್ವ ಏವೋತ್ಕ್ರಾಮನ್ತೇ ತಸ್ಮಿಂಶ್ಚ ಪ್ರತಿಷ್ಠಮಾನೇ ಸರ್ವ ಏವ ಪ್ರತಿಷ್ಠನ್ತೇ।
ತದ್ಯಥಾ ಮಖ್ಷಿಕಾ ಮಧುಕರರಾಜಾನಮುತ್ಕ್ರಾಮನ್ತಂ ಸರ್ವ ಏವೋತ್ಕ್ರಾಮನ್ತೇ ತಸ್ಮಿಂಶ್ಚ ಪ್ರತಿಷ್ಠಮಾನೇ ಸರ್ವ ಏವ ಪ್ರತಿಷ್ಟನ್ತ ಏವಮ್‌ ವಾಙ್ಮನಷ್ಚಖ್ಷು-ಶ್ಶ್ರೋತ್ರ-ಞ್ಚ ತೇ ಪ್ರೀತಾಃ ಪ್ರಾಣಂ ಸ್ತುನ್ವನ್ತಿ ॥4॥

ಏಷೋ-ಽಗ್ನಿಸ್ತಪತ್ಯೇಷ ಸೂರ್ಯ ಏಷ ಪರ್ಜನ್ಯೋ ಮಘವಾನೇಷ ವಾಯುಃ।
ಏಷ ಪೃಥಿವೀ ರಯಿರ್ದೇವ-ಸ್ಸದಸಚ್ಚಾಮೃತ-ಞ್ಚ ಯತ್‌ ॥5॥

ಅರಾ ಇವ ರಥನಾಭೌ ಪ್ರಾಣೇ ಸರ್ವ-ಮ್ಪ್ರತಿಷ್ಠಿತಮ್‌।
ಋಚೋ ಯಜೂಷಿ ಸಾಮಾನಿ ಯಜ್ಞಃ, ಖ್ಷತ್ರ-ಮ್ಬ್ರಹ್ಮ ಚ ॥6॥

ಪ್ರಜಾಪತಿಶ್ಚರಸಿ ಗರ್ಭೇ ತ್ವಮೇವ ಪ್ರತಿಜಾಯಸೇ।
ತುಭ್ಯ-ಮ್ಪ್ರಾಣ ಪ್ರಜಾಸ್ತ್ವಿಮಾ ಬಲಿಂ ಹರನ್ತಿ ಯಃ ಪ್ರಾಣೈಃ ಪ್ರತಿತಿಷ್ಠಸಿ ॥7॥

ದೇವಾನಾಮಸಿ ವಹ್ನಿತಮಃ ಪಿತೃಣಾ-ಮ್ಪ್ರಥಮಾ ಸ್ವಧಾ।
ಋಷೀಣಾ-ಞ್ಚರಿತಂ ಸತ್ಯಮಥರ್ವಾಙ್ಗಿರಸಾಮಸಿ ॥8॥

ಇನ್ದ್ರಸ್ತ್ವ-ಮ್ಪ್ರಾಣ ತೇಜಸಾ ರುದ್ರೋ-ಽಸಿ ಪರಿರಖ್ಷಿತಾ।
ತ್ವಮನ್ತರಿಖ್ಷೇ ಚರಸಿ ಸೂರ್ಯಸ್ತ್ವ-ಞ್ಜ್ಯೋತಿಷಾ-ಮ್ಪತಿಃ ॥9॥

ಯದಾ ತ್ವಮಭಿವರ್​ಷಸ್ಯಥೇಮಾಃ ಪ್ರಾಣ ತೇ ಪ್ರಜಾಃ।
ಆನನ್ದರೂಪಾಸ್ತಿಷ್ಠನ್ತಿ ಕಾಮಾಯಾನ್ನ-ಮ್ಭವಿಷ್ಯತೀತಿ ॥10॥

ವ್ರಾತ್ಯಸ್ತ್ವ-ಮ್ಪ್ರಾಣೈಕರ್​ಷರತ್ತಾ ವಿಶ್ವಸ್ಯ ಸತ್ಪತಿಃ।
ವಯಮಾದ್ಯಸ್ಯ ದಾತಾರಃ ಪಿತಾ ತ್ವ-ಮ್ಮಾತರಿಶ್ವ ನಃ ॥11॥

ಯಾ ತೇ ತನೂರ್ವಾಚಿ ಪ್ರತಿಷ್ಠಿತಾ ಯಾ ಶ್ರೋತ್ರೇ ಯಾ ಚ ಚಖ್ಷುಷಿ।
ಯಾ ಚ ಮನಸಿ ಸನ್ತತಾ ಶಿವಾ-ನ್ತಾ-ಙ್ಕುರೂ ಮೋತ್ಕ್ರಮೀಃ ॥12॥

ಪ್ರಾಣಸ್ಯೇದಂ-ವಁಶೇ ಸರ್ವ-ನ್ತ್ರಿದಿವೇ ಯತ್‌ ಪ್ರತಿಷ್ಠಿತಮ್‌।
ಮಾತೇವ ಪುತ್ರಾನ್‌ ರಖ್ಷಸ್ವ ಶ್ರೀಶ್ಚ ಪ್ರಜ್ಞಾ-ಞ್ಚ ವಿಧೇಹಿ ನ ಇತಿ ॥13॥