నారాయణ అష్టాక్షరీ స్తుతి

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

ఓం నమః ప్రణవార్థార్థ స్థూలసూక్ష్మ క్షరాక్షర
వ్యక్తావ్యక్త కళాతీత ఓఙ్కారాయ నమో నమః ॥ 1 ॥

నమో దేవాదిదేవాయ దేహసఞ్చారహేతవే
దైత్యసఙ్ఘవినాశాయ నకారాయ నమో నమః ॥ 2 ॥

మోహనం విశ్వరూపం చ శిష్టాచారసుపోషితమ్
మోహవిధ్వంసకం వన్దే మోకారాయ నమో నమః ॥ 3 ॥

నారాయణాయ నవ్యాయ నరసింహాయ నామినే
నాదాయ నాదినే తుభ్యం నాకారాయ నమో నమః ॥ 4 ॥

రామచన్ద్రం రఘుపతిం పిత్రాజ్ఞాపరిపాలకమ్
కౌసల్యాతనయం వన్దే రాకారాయ నమో నమః ॥ 5 ॥

యజ్ఞాయ యజ్ఞగమ్యాయ యజ్ఞరక్షాకరాయ చ
యజ్ఞాఙ్గరూపిణే తుభ్యం యకారాయ నమో నమః ॥ 6 ॥

ణాకారం లోకవిఖ్యాతం నానాజన్మఫలప్రదమ్
నానాభీష్టప్రదం వన్దే ణాకారాయ నమో నమః ॥ 7 ॥

యజ్ఞకర్త్రే యజ్ఞభర్త్రే యజ్ఞరూపాయ తే నమః
సుజ్ఞానగోచరాయాఽస్తు యకారాయ నమో నమః ॥ 8 ॥

ఇతి శ్రీ నారాయణ అష్టాక్షరీ స్తుతిః ।

Browse Related Categories: