ఆత్మ పఞ్చకమ్

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

ఆత్మ పఞ్చకమ్

నాఽహం దేహో నేన్ద్రియాణ్యన్తరఙ్గం
నాఽహఙ్కారః ప్రాణవర్గో న చాఽహమ్ ।
దారాపత్యక్షేత్రవిత్తాదిదూర-
స్సాక్షీ నిత్యః ప్రత్యగాత్మా శివోఽహమ్ ॥ 1 ॥

రజ్జ్వజ్ఞానాద్భాతి రజ్జుర్యథా హి-
స్స్వాత్మాజ్ఞానాదాత్మనో జీవభావః ।
ఆప్తోక్త్యా హి భ్రాన్తినాశే స రజ్జు-
ర్జీవో నాఽహం దేశికోక్త్యా శివోఽహమ్ ॥ 2 ॥

అభాతీదం విశ్వమాత్మన్యసత్యం
సత్యజ్ఞానానన్దరూపే విమోహాత్ ।
నిద్రామోహా-త్స్వప్నవత్తన్న సత్త్యం
శుద్ధః పూర్ణో నిత్య ఏకశ్శివోఽహమ్ ॥ 3 ॥

మత్తో నాన్యత్కిఞ్చిదత్రాప్తి విశ్వం
సత్యం బాహ్యం వస్తుమాయోపక్లుప్తమ్ ।
ఆదర్శాన్తర్భాసమానస్య తుల్యం
మయ్యద్వైతే భాతి తస్మాచ్ఛివోఽహమ్ ॥ 4 ॥

నాఽహం జాతో న ప్రవృద్ధో న నష్టో
దేహస్యోక్తాః ప్రాకృతాస్సర్వధర్మాః ।
కర్తృత్వాది-శ్చిన్మయస్యాస్తి నాఽహం
కారస్యైవ హ్యాత్మనో మే శివోఽహమ్ ॥ 5 ॥

నాఽహం జాతో జన్మమృత్యుః కుతో మే
నాఽహం ప్రాణః క్షుత్పిపాసే కుతో మే ।
నాఽహం చిత్తం శోకమోహౌ కుతో మే
నాఽహం కర్తా బన్ధమోక్షౌ కుతో మే ॥ 6 ॥

ఇతి శ్రీమచ్ఛఙ్కరభవత్పాదాచార్య స్వామి విరచితాత్మపఞ్చకమ్ ॥

Browse Related Categories: