చతుశ్లోకీ భాగవతమ్

శ్రీభగవానువాచ ।
జ్ఞానం పరమగుహ్యం మే యద్విజ్ఞానసమన్వితమ్ ।
సరహస్యం తదఙ్గం చ గృహాణ గదితం మయా ॥ 1 ॥
యావానహం యథాభావో యద్రూపగుణకర్మకః ।
తథైవ తత్త్వవిజ్ఞానమస్తు తే మదనుగ్రహాత్ ॥ 2 ॥
అహమేవాసమేవాగ్రే నాన్యద్యత్సదసత్పరమ్ ।
పశ్చాదహం యదేతచ్చ యోఽవశిష్యేత సోఽస్మ్యహమ్ ॥ 3 ॥
ఋతేఽర్థం యత్ప్రతీయేత న ప్రతీయేత చాత్మని ।
తద్విద్యాదాత్మనో మాయాం యథాఽభాసో యథా తమః ॥ 4 ॥
యథా మహాన్తి భూతాని భూతేషూచ్చావచేష్వను ।
ప్రవిష్టాన్యప్రవిష్టాని తథా తేషు న తేష్వహమ్ ॥ 5 ॥
ఏతావదేవ జిజ్ఞాస్యం తత్త్వజిజ్ఞాసునాఽత్మనః ।
అన్వయవ్యతిరేకాభ్యాం యత్స్యాత్సర్వత్ర సర్వదా ॥ 6 ॥
ఏతన్మతం సమాతిష్ఠ పరమేణ సమాధినా ।
భవాన్కల్పవికల్పేషు న విముహ్యతి కర్హిచిత్ ॥ 7 ॥

.. ఇతి శ్రీమద్భాగవతే మహాపురాణేఽష్టాదశసాహస్ర్యాం
సంహితాయాం వైయసిక్యాం ద్వితీయస్కన్ధే భగవద్బ్రహ్మసంవాదే
నవమాధ్యాయాన్తర్గతం చతుఃశ్లోకీభాగవతం సమాప్తమ్ . ।

భాగవతపురాణ . అధ్యాయ 2/9/30-36 . ।

Browse Related Categories: