కాలియ కృతా కృష్ణ స్తొత్రమ్

వ్యాస ఉవాచ ।
ఇత్యుక్తే తాభిరాశ్వాస్య క్లాన్తదేహోఽపి పన్నగః ।
ప్రసీద దేవదేవేతి ప్రాహ వాక్యం శనైః శనైః ॥ 43 ॥
కాలీయ ఉవాచ ।
తవాష్టగుణమైశ్వర్యం నాథ స్వాభవికం పరమ్ ।
నిరస్తాతిశయం యస్య తస్య స్తోష్యామి కిన్వహమ్ ॥ 44 ॥
త్వం పరస్త్వం పరస్యాఽద్యః పరం త్వం తత్పరాత్మకమ్ ।
పరస్మాత్పరమో యస్త్వం తస్య స్తోష్యామి కిం న్వహమ్ ॥ 45 ॥
యథాఽహం భవతా సృష్టో జాత్యా రూపేణ చేశ్వరః ।
స్వభావేన చ సంయుక్తస్తథేదం చేష్టితం మయా ॥ 46 ॥
యద్యన్యథా ప్రవర్తేయ దేవదేవ తతో మయి ।
న్యాయ్యో దణ్డనిపాతస్తే తవైవ వచనం యథా ॥ 47 ॥
తథాఽపి యం జగత్స్వామీ దణ్డం పాతితవాన్మయి ।
స సోఢోఽయం వరో దణ్డస్త్వత్తో నాన్యోఽస్తు మే వరః ॥ 48 ॥
హతవీర్యో హతవిషో దమితోఽహం త్వయాఽచ్యుత ।
జీవితం దీయతామేకమాజ్ఞాపయ కరోమి కిమ్ ॥ 49 ॥

ఇతి బ్రహ్మపురాణే పఞ్చాశీత్యధికశతతమాధ్యాయాన్తర్గతం
కాలియకృతం శ్రీకృష్ణస్తోత్రం సమాప్తమ్ ।

బ్రహ్మపురాణ . అధ్యాయ 185/43-49 . ।

Browse Related Categories: