දේවරාජ-සේව්යමාන-පාවනාංඝ්රි-පංකජං
ව්යාළයජ්ඤ-සූත්රමිංදු-ශේඛරං කෘපාකරම් ।
නාරදාදි-යෝගිබෘංද-වංදිතං දිගංබරං
කාශිකාපුරාධිනාථ කාලභෛරවං භජේ ॥ 1 ॥
භානුකෝටි-භාස්වරං භවබ්ධිතාරකං පරං
නීලකංඨ-මීප්සිතාර්ථ-දායකං ත්රිලෝචනම් ।
කාලකාල-මංබුජාක්ෂ-මක්ෂශූල-මක්ෂරං
කාශිකාපුරාධිනාථ කාලභෛරවං භජේ ॥ 2 ॥
ශූලටංක-පාශදංඩ-පාණිමාදි-කාරණං
ශ්යාමකාය-මාදිදේව-මක්ෂරං නිරාමයම් ।
භීමවික්රමං ප්රභුං විචිත්ර තාංඩව ප්රියං
කාශිකාපුරාධිනාථ කාලභෛරවං භජේ ॥ 3 ॥
භුක්ති-මුක්ති-දායකං ප්රශස්තචාරු-විග්රහං
භක්තවත්සලං ස්ථිරං සමස්තලෝක-විග්රහම් । [ස්ථිතං]
නික්වණන්-මනෝජ්ඤ-හේම-කිංකිණී-ලසත්කටිං [විනික්වණන්]
කාශිකාපුරාධිනාථ කාලභෛරවං භජේ ॥ 4 ॥
ධර්මසේතු-පාලකං ත්වධර්මමාර්ග නාශකං [නාශනං]
කර්මපාශ-මෝචකං සුශර්ම-දායකං විභුම් ।
ස්වර්ණවර්ණ-කේශපාශ-ශෝභිතාංග-මංඩලං [ශෙෂපාශ, නිර්මලං]
කාශිකාපුරාධිනාථ කාලභෛරවං භජේ ॥ 5 ॥
රත්න-පාදුකා-ප්රභාභිරාම-පාදයුග්මකං
නිත්ය-මද්විතීය-මිෂ්ට-දෛවතං නිරංජනම් ।
මෘත්යුදර්ප-නාශනං කරාළදංෂ්ට්ර-මෝක්ෂදං [භූෂණං]
කාශිකාපුරාධිනාථ කාලභෛරවං භජේ ॥ 6 ॥
අට්ටහාස-භින්න-පද්මජාංඩකෝශ-සංතතිං
දෘෂ්ටිපාත-නෂ්ටපාප-ජාලමුග්ර-ශාසනම් ।
අෂ්ටසිද්ධි-දායකං කපාලමාලිකා-ධරං
කාශිකාපුරාධිනාථ කාලභෛරවං භජේ ॥ 7 ॥
භූතසංඝ-නායකං විශාලකීර්ති-දායකං
කාශිවාසි-ලෝක-පුණ්යපාප-ශෝධකං විභුම් । [කශිවාස]
නීතිමාර්ග-කෝවිදං පුරාතනං ජගත්පතිං
කාශිකාපුරාධිනාථ කාලභෛරවං භජේ ॥ 8 ॥
කාලභෛරවාෂ්ටකං පඨංති යේ මනෝහරං
ජ්ඤානමුක්ති-සාධකං විචිත්ර-පුණ්ය-වර්ධනම් ।
ශෝකමෝහ-ලෝභදෛන්ය-කෝපතාප-නාශනං
තේ ප්රයාංති කාලභෛරවාංඝ්රි-සන්නිධිං ධ්රුවම් ॥
ඉති ශ්රීමත්පරමහංසපරිව්රාජකාචර්යස්ය
ශ්රීගෝවිංදභගවත්පූජ්යපාදශිෂ්යස්ය
ශ්රීමච්ඡංකරභගවතඃ කෘතෞ
ශ්රී කාලභෛරවාෂ්ටකං සංපූර්ණම් ।
