හි॒ර॒ණ්ය॒ග॒ර්භ-ස්සම॑වර්ත॒-තාග්රේ॑ භූ॒තස්ය॑ ජා॒තඃ පති॒රේක॑ ආසීත් ।
සදා॑ධාර පෘථි॒වීං ද්යාමු॒තේමාං කස්මෛ॑ දේ॒වාය॑ හ॒විෂා॑ විධේම ॥
උරසා නමඃ ॥ 1 (තෛ. සං. 4.1.8.3)
යඃ ප්රා॑ණ॒තෝ නි॑මිෂ॒තෝ ම॑හි॒ත්වෛක॒ ඉද්රාජා॒ ජග॑තෝ බ॒භූව॑ ।
ය ඊශේ॑ අ॒ස්ය ද්වි॒පද॒-ශ්චතු॑ෂ්පදඃ॒ කස්මෛ॑ දේ॒වාය॑ හ॒විෂා॑ විධේම ॥
ශිරසා නමඃ ॥ 2 (තෛ. සං. 4.1.8.4)
බ්රහ්ම॑ජජ්ඤා॒නං ප්ර॑ථ॒මං පු॒රස්තා॒-ද්විසී॑ම॒ත-ස්සු॒රුචෝ॑ වේ॒න ආ॑වඃ ।
ස බු॒ධ්නියා॑ උප॒මා අ॑ස්ය වි॒ෂ්ඨා-ස්ස॒තශ්ච॒ යෝනි॒ම-ස॑තශ්ච॒ විවඃ॑ । (
දෘෂ්යා නමඃ । 3 (තෛ. සං. 4.2.8.2.)
ම॒හී ද්යෞඃ පෘ॑ථි॒වී ච॑ න ඉ॒මං-යඁ॒ජ්ඤං මි॑මික්ෂතාම් ।
පි॒පෘ॒තාන්නෝ॒ භරී॑මභිඃ ।
මනසා නමඃ ॥ 4 (තෛ. සං. 3.3.10.2)
උප॑ශ්වාසය පෘථි॒වී-මු॒ත ද්යාං පු॑රු॒ත්රා තේ॑ මනුතාං॒-විඁෂ්ඨි॑තං॒ ජග॑ත් ।
ස දුං॑දුභේ ස॒ජූරිංද්රේ॑ණ දේ॒වෛ-ර්දූ॒රාද්දවී॑යෝ॒ අප॑සේධ॒ ශත්රූන්॑ ।
වචසා නමඃ ॥ 5 (තෛ. සං. 4.6.6.6)
අග්නේ॒ නය॑ සු॒පථා॑ රා॒යේ අ॒ස්මාන් විශ්වා॑නි දේව ව॒යුනා॑නි වි॒ද්වාන් ।
යු॒යෝ॒ද්ධ්ය॑ස්ම-ජ්ජු॑හුරා॒ණ-මේනෝ॒ භූයි॑ෂ්ඨාංතේ॒ නම॑ උක්තිං-විඁධේම ॥
පධ්භ්යාං නමඃ ॥ 6 (තෛ. සං. 1.1.14.3)
යා තේ॑ අග්නේ॒ රුද්රි॑යා ත॒නූස්තයා॑ නඃ පාහි॒ තස්යා᳚ස්තේ॒ ස්වාහා᳚ ।
යා තේ॑ අග්නේऽයාශ॒යා ර॑ජාශ॒යා හ॑රාශ॒යා ත॒නූර්වර්ෂි॑ෂ්ඨා ගහ්වරේ॒ෂ්ඨෝග්රං-වඁචෝ॒ අපා॑වධීං ත්වේ॒ෂං-වඁචෝ॒ අපා॑වධී॒ග්ම්॒ ස්වාහා᳚ ॥
කරාභ්යාං නමඃ ॥ 7 (තෛ. සං. 1.2.11.2)
ඉ॒මං-යඁ ॑මප්රස්ත॒රමාහි සීදාංගි॑රෝභිඃ පි॒තෘභිඃ॑ සංවිඁදා॒නඃ ।
ආත්වා॒ මංත්රාඃ॑ කවිශ॒ස්තා ව॑හංත්වේ॒නා රා॑ජන් හ॒විෂා॑ මාදයස්ව ॥
කර්ණාභ්යාං නමඃ ॥ 8 (තෛ. සං. 2.6.12.6)
උරසා ශිරසා දෘෂ්ට්යා මන॑සා වචසා ත॒ථා ।
පද්භ්යාං කරාභ්යාං කර්ණාභ්යාං ප්රණාමෝऽෂ්ටාංග॑ උච්යතේ ॥
උමාමහේශ්වරාභ්යාං නමඃ ॥
