බ්රහ්ම හ දේවේභ්යෝ විජිග්යේ තස්ය හ බ්රහ්මණෝ විජයේ දේවා අමහීයංත ॥ 1॥

ත ඓක්ෂංතාස්මාකමේවායං-විඁජයෝऽස්මාකමේවායං මහිමේති । තද්ධෛෂාං-විඁජජ්ඤෞ තේභ්යෝ හ ප්රාදුර්බභූව තන්න ව්යජානත කිමිදං-යඁක්ෂමිති ॥ 2॥

තේऽග්නිමබ්රුවංජාතවේද ඒතද්විජානීහි කිමිදං-යඁක්ෂමිති තථේති ॥ 3॥

තදභ්යද්රවත්තමභ්යවදත්කෝऽසීත්යග්නිර්වා අහමස්මීත්යබ්රවීජ්ජාතවේදා වා අහමස්මීති ॥ 4॥

තස්මින්ස්ත්වයි කිං-වීඁර්යමිත්යපීදꣳ සර්වං දහේයං-යඁදිදං පෘථිව්යාමිති ॥ 5॥

තස්මෛ තෘණං නිදධාවේතද්දහේති । තදුපප්රේයාය සර්වජවේන තන්න ශශාක දග්ධුං ස තත ඒව නිවවෘතේ නෛතදශකං-විඁජ්ඤාතුං-යඁදේතද්යක්ෂමිති ॥ 6॥

අථ වායුමබ්රුවන්වායවේතද්විජානීහි කිමේතද්යක්ෂමිති තථේති ॥ 7॥

තදභ්යද්රවත්තමභ්යවදත්කෝऽසීති වායුර්වා අහමස්මීත්යබ්රවීන්මාතරිශ්වා වා අහමස්මීති ॥ 8॥

තස්මින්ස්ත්වයි කිං-වීඁර්යමිත්යපීදං සර්වමාදදීය යදිදං පෘථිව්යාමිති ॥ 9॥

තස්මෛ තෘණං නිදධාවේතදාදත්ස්වේති තදුපප්රේයාය සර්වජවේන තන්න ශශාකාදාතුං ස තත ඒව නිවවෘතේ නෛතදශකං-විඁජ්ඤාතුං-යඁදේතද්යක්ෂමිති ॥ 10॥

අථේංද්රමබ්රුවන්මඝවන්නේතද්විජානීහි කිමේතද්යක්ෂමිති තථේති තදභ්යද්රවත්තස්මාත්තිරෝදධේ ॥ 11॥

ස තස්මින්නේවාකාශේ ස්ත්රියමාජගාම බහුශෝභමානාමුමාං හෛමවතීං තාග්​ම්හෝවාච කිමේතද්යක්ෂමිති ॥ 12॥

॥ ඉති කේනෝපනිෂදි තෘතීයඃ ඛංඩඃ ॥