තෛත්තිරීය අරණ්යක - චතුර්ථඃ ප්රශ්නඃ

ඕං ස॒හ නා॑ වවතු । ස॒හ නෞ॑ භුනක්තු । ස॒හ වී॒ර්යං॑ කරවාවහෛ । තේ॒ජ॒ස්විනා॒ වධී॑තමස්තු॒ මා වි॑ද්විෂා॒වහෛ᳚ ॥
ඕං ශාංතිඃ॒ ශාංතිඃ॒ ශාංතිඃ॑ ॥

අංභස්යපාරේ (4.1)
අංභ॑ස්ය පා॒රේ භුව॑නස්ය॒ මද්ධ්යේ॒ නාක॑ස්ය පෘ॒ෂ්ඨේ ම॑හ॒තෝ මහී॑යාන් । ශු॒ක්රේණ॒ ජ්යෝතීග්​ම්॑ෂි සමනු॒ප්රවි॑ෂ්ටඃ ප්ර॒ජාප॑තිශ්චරති॒ ගර්භේ॑ අං॒තඃ । යස්මි॑න්නි॒දග්​ම් සංච॒ විචෛති॒ සර්වං॒-යඁස්මි॑න් දේ॒වා අධි॒ විශ්වේ॑ නිෂේ॒දුඃ । තදේ॒ව භූ॒තං තදු॒ භව්ය॑මා ඉ॒දං තද॒ක්ෂරේ॑ පර॒මේ ව්යෝ॑මන්න් । යේනා॑ වෘ॒තං ඛංච॒ දිවං॑ ම॒හීංච॒ යේනා॑දි॒ත්ය-ස්තප॑ති॒ තේජ॑සා॒ භ්රාජ॑සා ච । යමං॒තඃ ස॑මු॒ද්රේ ක॒වයෝ॒ වයං॑ති॒ යද॒ක්ෂරේ॑ පර॒මේ ප්ර॒ජාඃ । යතඃ॑ ප්රසූ॒තා ජ॒ගතඃ॑ ප්රසූතී॒ තෝයේ॑න ජී॒වාන් ව්යච॑සර්ජ॒ (ව්යස॑සර්ජ॒) භූම්යා᳚ම් । යදෝෂ॑ධීභිඃ පු॒රුෂා᳚න් ප॒ශූග්ග්​ශ්ච॒ විවේ॑ශ භූ॒තානි॑ චරාච॒රාණි॑ । අතඃ॑ පරං॒ නාන්ය॒-දණී॑යසහි॒ පරා᳚ත් පරං॒-යඁන් මහ॑තෝ ම॒හාංත᳚ම් । යදේ॑ක-ම॒ව්යක්ත॒-මනං॑තරූපං॒-විඁශ්වං॑ පුරා॒ණං තම॑සඃ॒ පර॑ස්තාත් ॥ 1.5 (තෛ. අර. 6.1.1)

තදේ॒වර්තං තදු॑ ස॒ත්යමා॑හු॒-ස්තදේ॒ව බ්රහ්ම॑ පර॒මං ක॑වී॒නාම් । ඉ॒ෂ්ටා॒පූ॒ර්තං බ॑හු॒ධා ජා॒තං ජාය॑මානං-විඁ॒ශ්වං බි॑භර්ති॒ භුව॑නස්ය॒ නාභිඃ॑ । තදේ॒වාග්නි-ස්තද්වා॒යු-ස්තථ්සූර්ය॒ස්තදු॑ චං॒ද්රමාඃ᳚ । තදේ॒ව ශු॒ක්රම॒මෘතං॒ තද්බ්රහ්ම॒ තදාපඃ॒ ස ප්ර॒ජාප॑තිඃ । සර්වේ॑ නිමේ॒ෂා ජ॒ජ්ඤිරේ॑ වි॒ද්යුතඃ॒ පුරු॑ෂා॒දධි॑ । ක॒ලා මු॑හූ॒ර්තාඃ කාෂ්ඨා᳚ශ්චාහෝ-රා॒ත්රාශ්ච॑ සර්ව॒ශඃ । අ॒ර්ධ॒මා॒සා මාසා॑ ඍ॒තවඃ॑ සං​වඁථ්ස॒රශ්ච॑ කල්පංතාම් । ස ආපඃ॑ ප්රදු॒ඝේ උ॒භේ ඉ॒මේ අං॒තරි॑ක්ෂ॒-මථෝ॒ සුවඃ॑ । නෛන॑-මූ॒ර්ධ්වං න ති॒ර්යං ච॒ න මද්ධ්යේ॒ පරි॑ජග්රභත් । න තස්යේ॑ශේ॒ කශ්ච॒න තස්ය॑ නාම ම॒හද්යශඃ॑ ॥ 1.10 (තෛ. අර. 6.1.2)

න ස॒දෘංශේ॑ තිෂ්ඨති॒ රූප॑මස්ය॒ න චක්ෂු॑ෂා පශ්යති॒ කශ්ච॒නෛන᳚ම් । හෘ॒දා ම॑නී॒ෂා මන॑සා॒ऽභි ක්ලෘ॑ප්තෝ॒ ය ඒ॑නං-විඁ॒දු-රමෘ॑තා॒ස්තේ භ॑වංති । අ॒ද්භ්යඃ සංභූ॑තෝ හිරණ්යග॒ර්භ ඉත්ය॒ෂ්ටෞ । ඒ॒ෂ හි දේ॒වඃ ප්ර॒දිශෝऽනු॒ සර්වාඃ॒ පූර්වෝ॑ හි ජා॒තඃ ස උ॒ ගර්භේ॑ අං॒තඃ । ස වි॒ජාය॑මානඃ සජනි॒ෂ්යමා॑ණඃ ප්ර॒ත්යං-මුඛා᳚ ස්තිෂ්ඨති වි॒ශ්වතෝ॑මුඛඃ । වි॒ශ්වත॑ශ්ච-ක්ෂුරු॒ත වි॒ශ්වතෝ॑ මුඛෝ වි॒ශ්වතෝ॑ හස්ත උ॒ත වි॒ශ්වත॑ස්පාත් । සං බා॒හුභ්යාං॒ නම॑ති॒ සං පත॑ත්රෛ॒-ර්ද්යාවා॑ පෘථි॒වී ජ॒නය॑න් දේ॒ව ඒකඃ॑ । වේ॒නස්තත් පශ්ය॒න්. විශ්වා॒ භුව॑නානි වි॒ද්වාන්. යත්ර॒ විශ්වං॒ භව॒ත්යේක॑-නීළම් । යස්මි॑න්නි॒දග්​ම් සංච॒ විචෛක॒ග්​ම්॒ ස ඕතඃ॒ ප්රෝත॑ශ්ච වි॒භුඃ ප්ර॒ජාසු॑ । ප්රතද්වෝ॑චේ අ॒මෘත॒න්නු වි॒ද්වාන් ගං॑ධ॒ර්වෝ නාම॒ නිහි॑තං॒ ගුහා॑සු ॥ 1.15 (තෛ. අර. 6.1.3)

ත්රීණි॑ ප॒දා නිහි॑තා॒ ගුහා॑සු॒ යස්තද්වේද॑ සවි॒තුඃ පි॒තාऽස॑ත් । ස නෝ॒ බංධු॑-ර්ජනි॒තා ස වි॑ධා॒තා ධාමා॑නි॒ වේද॒ භුව॑නානි॒ විශ්වා᳚ । යත්ර॑ දේ॒වා අ॒මෘත॑මාන-ශා॒නාස්තෘ॒තීයේ॒ ධාමා᳚න්ය॒-භ්යෛර॑යංත । පරි॒ ද්යාවා॑පෘථි॒වී යං॑ති ස॒ද්යඃ පරි॑ ලෝ॒කාන් පරි॒ දිශඃ॒ පරි॒ සුවඃ॑ । ඍ॒තස්ය॒ තංතුං॑-විඁතතං-විඁ॒චෘත්ය॒ තද॑පශ්ය॒ත් තද॑භවත් ප්ර॒ජාසු॑ । ප॒රීත්ය॑ ලෝ॒කාන් ප॒රීත්ය॑ භූ॒තානි॑ ප॒රීත්ය॒ සර්වාඃ᳚ ප්ර॒දිශෝ॒ දිශ॑ශ්ච । ප්ර॒ජාප॑තිඃ ප්රථම॒ජා ඍ॒තස්යා॒ත්මනා॒-ऽऽත්මාන॑-ම॒භි-සංබ॑භූව । සද॑ස॒ස්පති॒-මද්භු॑තං ප්රි॒යමිංද්ර॑ස්ය॒ කාම්ය᳚ම් । සනිං॑ මේ॒ධා ම॑යාසිෂම් । උද්දී᳚ප්යස්ව ජාතවේදෝ ऽප॒ඝ්නන්නිර්​ඍ॑තිං॒ මම॑ ॥ 1.19 (තෛ. අර. 6.1.4)

ප॒ශූග්ග්​ශ්ච॒ මහ්ය॒මාව॑හ॒ ජීව॑නංච॒ දිශෝ॑ දිශ । මානෝ॑ හිග්​ම්සී ජ්ජාතවේදෝ॒ ගාමශ්වං॒ පුරු॑ෂං॒ ජග॑ත් । අබි॑භ්ර॒දග්න॒ ආග॑හි ශ්රි॒යා මා॒ පරි॑පාතය ॥ 1.21 (තෛ. අර. 6.1.5)

ගායත්රී මංත්රාඃ (4.2)
පුරු॑ෂස්ය විද්ම සහස්රා॒ක්ෂස්ය॑ මහාදේ॒වස්ය॑ ධීමහි । තන්නෝ॑ රුද්රඃ ප්රචෝ॒දයා᳚ත් ॥
තත්පුරු॑ෂාය වි॒ද්මහේ॑ මහාදේ॒වාය॑ ධීමහි । තන්නෝ॑ රුද්රඃ ප්රචෝ॒දයා᳚ත් ॥।
තත්පුරු॑ෂාය වි॒ද්මහේ॑ වක්රතුං॒ඩාය॑ ධීමහි । තන්නෝ॑ දංතිඃ ප්රචෝ॒දයා᳚ත් ॥
තත්පුරු॑ෂාය වි॒ද්මහේ॑ චක්රතුං॒ඩාය॑ ධීමහි । තන්නෝ॑ නංදිඃ ප්රචෝ॒දයා᳚ත් ॥
තත්පුරු॑ෂාය වි॒ද්මහේ॑ මහාසේ॒නාය॑ ධීමහි । තන්නඃ॑ ෂණ්මුඛඃ ප්රචෝ॒දයා᳚ත් ॥
තත්පුරු॑ෂාය වි॒ද්මහේ॑ සුවර්ණප॒ක්ෂාය॑ ධීමහි । තන්නෝ॑ ගරුඩඃ ප්රචෝ॒දයා᳚ත් ॥
වේ॒දා॒ත්ම॒නාය॑ වි॒ද්මහේ॑ හිරණ්යග॒ර්භාය॑ ධීමහි । තන්නෝ᳚ බ්රහ්ම ප්රචෝ॒දයා᳚ත් ॥
නා॒රා॒ය॒ණාය॑ වි॒ද්මහේ॑ වාසුදේ॒වාය॑ ධීමහි । තන්නෝ॑ විෂ්ණුඃ ප්රචෝ॒දයා᳚ත් ॥
ව॒ජ්ර॒න॒ඛාය॑ වි॒ද්මහේ॑ තීක්ෂ්ණ-ද॒ග්ග්॒ෂ්ට්රාය॑ ධීමහි । තන්නෝ॑ නාරසිග්​ම්හඃ ප්රචෝ॒දයා᳚ත් ॥
භා॒ස්ක॒රාය॑ වි॒ද්මහේ॑ මහද්ද්යුතික॒රාය॑ ධීමහි । තන්නෝ॑ ආදිත්යඃ ප්රචෝ॒දයා᳚ත් ॥
වෛ॒ශ්වා॒න॒රාය॑ වි॒ද්මහේ॑ ලාලී॒ලාය॑ ධීමහි । තන්නෝ॑ අග්නිඃ ප්රචෝ॒දයා᳚ත් ॥
කා॒ත්යා॒ය॒නාය॑ වි॒ද්මහේ॑ කන්යකු॒මාරි॑ ධීමහි । තන්නෝ॑ දුර්ගිඃ ප්රචෝ॒දයා᳚ත් ॥ 1.33 (තෛ. අර. 6.1.5-7)

දූර්වා සූක්තං (4.3)
ස॒හ॒ස්ර॒පර॑මා දේ॒වී॒ ශ॒තමූ॑ලා ශ॒තාංකු॑රා । සර්වග්​ම්॑ හරතු॑ මේ පා॒පං॒ දූ॒ර්වා දුඃ॑ස්වප්න॒ නාශ॑නී । කාංඩා᳚ත් කාංඩාත් ප්ර॒රෝහං॑තී॒ පරු॑ෂඃ පරුෂඃ॒ පරි॑ ।

ඒ॒වා නෝ॑ දූර්වේ॒ ප්රත॑නු ස॒හස්රේ॑ණ ශ॒තේන॑ ච । යා ශ॒තේන॑ ප්රත॒නෝෂි॑ ස॒හස්රේ॑ණ වි॒රෝහ॑සි । තස්යා᳚ස්තේ දේවීෂ්ටකේ වි॒ධේම॑ හ॒විෂා॑ ව॒යම් । අශ්ව॑ක්රාං॒තේ ර॑ථක්රාං॒තේ॒ වි॒ෂ්ණුක්රාං᳚තේ ව॒සුංධ॑රා । ශිරසා॑ ධාර॑යිෂ්යා॒මි॒ ර॒ක්ෂ॒ස්ව මාං᳚ පදේ॒ පදේ ॥ 1.37 (තෛ. අර. 6.1.8)

මෘත්තිකා සූක්තම් (4.4)
භූමි-ර්ධේනු-ර්ධරණී ලෝ॑කධා॒රිණී । උ॒ධෘතා॑ऽසි ව॑රාහේ॒ණ॒ කෘ॒ෂ්ණේ॒න ශ॑ත බා॒හුනා । මෘ॒ත්තිකේ॑ හන॑ මේ පා॒පං॒-යඁ॒න්ම॒යා දු॑ෂ්කෘතං॒ කෘතම් । මෘ॒ත්තිකේ᳚ බ්රහ්ම॑දත්තා॒ऽසි॒ කා॒ශ්යපේ॑නාභි॒මංත්රි॑තා । මෘ॒ත්තිකේ॑ දේහි॑ මේ පු॒ෂ්ටිං॒ ත්ව॒යි ස॑ර්වං ප්ර॒තිෂ්ඨි॑තම් ॥ 1.39

මෘ॒ත්තිකේ᳚ ප්රතිෂ්ඨි॑තේ ස॒ර්වං॒ ත॒න්මේ නි॑ර්ණුද॒ මෘත්ති॑කේ । තයා॑ හ॒තේන॑ පාපේ॒න॒ ග॒ච්ඡා॒මි ප॑රමාං॒ ගතිම් ॥ 1.40 (තෛ. අර. 6.1.9)

ශත්රුජය මංත්රාඃ (4.5)
යත॑ ඉංද්ර॒ භයා॑මහේ॒ තතෝ॑ නෝ॒ අභ॑යං කෘධි । මඝ॑වන් ඡ॒ග්ධි තව॒ තන්න॑ ඌ॒තයේ॒ විද්විෂෝ॒ විමෘධෝ॑ ජහි । ස්ව॒ස්ති॒දා වි॒ශස්පති॑-ර්වෘත්ර॒හා විමෘධෝ॑ ව॒ශී । වෘෂේංද්රඃ॑ පු॒ර ඒ॑තු නඃ ස්වස්ති॒දා අ॑භයංක॒රඃ । ස්ව॒ස්ති න॒ ඉංද්රෝ॑ වෘ॒ද්ධශ්ර॑වාඃ ස්ව॒ස්ති නඃ॑ පූ॒ෂා වි॒ශ්වවේ॑දාඃ । ස්ව॒ස්ති න॒ස්තාර්ක්ෂ්යෝ॒ අරි॑ෂ්ටනේමිඃ ස්ව॒ස්ති නෝ॒ බෘහ॒ස්පති॑-ර්දධාතු । ආපාං᳚ත-මන්යුස්තෘ॒පල॑ප්රභර්මා॒ ධුනිඃ॒ ශිමී॑වාං॒-ඡරු॑මාග්​ම් ඍජී॒ෂී । සෝමෝ॒ විශ්වා᳚න්යත॒සා වනා॑නි॒ නාර්වාගිංද්රං॑ ප්රති॒මානා॑නි දේභුඃ ॥ 1.44

බ්රහ්ම॑ ජජ්ඤා॒නං ප්ර॑ථ॒මං පු॒රස්තා॒ද්-විසී॑ම॒තඃ සු॒රුචෝ॑ වේ॒න ආ॑වඃ । ස බු॒ධ්නියා॑ උප॒මා අ॑ස්ය වි॒ෂ්ඨාඃ ස॒තශ්ච॒ යෝනි॒-මස॑තශ්ච॒ විවඃ॑ । ස්යෝ॒නා පෘ॑ථිවි॒ භවා॑ නෘක්ෂ॒රා නි॒වේශ॑නී । යච්ඡා॑ නඃ॒ ශර්ම॑ ස॒ප්රථාඃ᳚ । ගං॒ධ॒ද්වා॒රාං දු॑රාධ॒ර්​ෂාං॒ නි॒ත්යපු॑ෂ්ටාං කරී॒ෂිණී᳚ම් । ඊ॒ශ්වරීග්​ම්॑ සර්ව॑භූතා॒නාං॒ තාමි॒හෝප॑හ්වයේ॒ ශ්රියම් । ශ්රී᳚ර්මේ භ॒ජතු । අලක්ෂ්මී᳚ර්මේ න॒ශ්යතු । විෂ්ණු॑මුඛා॒ වෛ දේ॒වාඃ ඡංදෝ॑-භිරි॒මාං​ල්ලෝඁ॒කා-න॑නපජ॒ය්ය-ම॒භ්ය॑ජයන්න් । ම॒හාග්​ම් ඉංද්රෝ॒ වජ්ර॑බාහුඃ ෂෝඩ॒ශී ශර්ම॑ යච්ඡතු ॥ 1.48 (තෛ. අර. 6.1.10)

ස්ව॒ස්ති නෝ॑ ම॒ඝවා॑ කරෝතු॒ හංතු॑ පා॒ප්මානං॒-යෝඁ᳚ऽස්මාන් ද්වේෂ්ටි॑ । සෝ॒මාන॒ග්ග්॒ ස්වර॑ණං කෘණු॒හි බ්ර॑හ්මණස්පතේ । ක॒ක්ෂීවං॑තං॒-යඁ ඖ॑ශි॒ජම් । ශරී॑රං-යඁජ්ඤශම॒ලං කුසී॑දං॒ තස්මි᳚න් ථ්සීදතු॒ යෝ᳚ऽස්මාන් ද්වේෂ්ටි॑ । චර॑ණං ප॒විත්රං॒-විඁත॑තං පුරා॒ණං-යේඁන॑ පූ॒ත-ස්තර॑ති දුෂ්කෘ॒තානි॑ । තේන॑ ප॒විත්රේ॑ණ ශු॒ද්ධේන॑ පූ॒තා අති॑ පා॒ප්මාන॒-මරා॑තිං තරේම । ස॒ජෝෂා॑ ඉංද්ර॒ සග॑ණෝ ම॒රුද්භිඃ॒ සෝමං॑ පිබ වෘත්රහංඡූර වි॒ද්වාන් । ජ॒හි ශත්රූ॒ග්​ම්॒ රප॒ මෘධෝ॑ නුද॒ස්වාථාභ॑යං කෘණුහි වි॒ශ්වතෝ॑ නඃ । සු॒මි॒ත්රා න॒ ආප॒ ඕෂ॑ධයඃ සංතු දුර්මි॒ත්රාස්තස්මෛ॑ භූයාසු॒-ර්යා᳚ऽස්මාන් ද්වේෂ්ටි॒ යංච॑ ව॒යං ද්වි॒ෂ්මඃ । ආපෝ॒ හිෂ්ඨා ම॑යෝ॒ භුව॒ස්තා න॑ ඌ॒ර්ජේ ද॑ධාතන । 1.53 (තෛ. අර. 6.1.11)

ම॒හේරණා॑ය॒ චක්ෂ॑සේ । යෝ වඃ॑ ශි॒වත॑මෝ॒ රස॒-ස්තස්ය॑ භාජයතේ॒ හ නඃ॑ । උ॒ශ॒තී-රි॑ව මා॒තරඃ॑ । තස්මා॒ අරං॑ගමාමවෝ॒ යස්ය॒ ක්ෂයා॑ය॒ ජින්ව॑ථ । ආපෝ॑ ජ॒නය॑ථා ච නඃ ॥ 1.54 (තෛ. අර. 6.1.12)

අඝමර්​ෂණ සූක්තම් (4.6)
හිර॑ණ්යශෘංගං॒-වඁරු॑ණං॒ ප්රප॑ද්යේ තී॒ර්ථං මේ॑ දේහි॒ යාචි॑තඃ । ය॒න්මයා॑ භු॒ක්ත-ම॒සාධූ॑නාං පා॒පේභ්ය॑ශ්ච ප්ර॒තිග්ර॑හඃ । යන්මේ॒ මන॑සා වා॒චා॒ ක॒ර්ම॒ණා වා දු॑ෂ්කෘතං॒ කෘතම් । තන්න॒ ඉංද්රෝ॒ වරු॑ණෝ॒ බෘහ॒ස්පතිඃ॑ සවි॒තා ච॑ පුනංතු॒ පුනඃ॑ පුනඃ । නමෝ॒ऽග්නයේ᳚-ऽඵ්සු॒මතේ॒ නම॒ ඉංද්රා॑ය॒ නමෝ॒ වරු॑ණාය॒ නමෝ වාරුණ්යෛ॑ නමෝ॒ऽද්භ්යඃ ॥ 1.57

යද॒පාං ක්රූ॒රං-යඁද॑මේ॒ද්ධ්යං-යඁද॑ශාං॒තං තදප॑ගච්ඡතාත් । අ॒ත්යා॒ශ॒නා-ද॑තීපා॒නා॒-ද්ය॒ච්ච උ॒ග්රාත් ප්ර॑ති॒ග්රහා᳚ත් । තන්නෝ॒ වරු॑ණෝ රා॒ජා॒ පා॒ණිනා᳚ හ්යව॒මර්​ශ॑තු । සෝ॑ऽහම॑පා॒පෝ වි॒රජෝ॒ නිර්මු॒ක්තෝ මු॑ක්තකි॒ල්බිෂඃ । නාක॑ස්ය පෘ॒ෂ්ඨමාරු॑හ්ය॒ ගච්ඡේ॒-ද්බ්රහ්ම॑සලෝ॒කතාම් । යශ්චා॒॑ඵ්සු වරු॑ණඃ॒ ස පු॒නාත්ව॑ඝමර්​ෂ॒ණඃ । ඉ॒මං මේ॑ ගංගේ යමුනේ සරස්වති॒ ශුතු॑ද්රි॒ ස්තෝමග්​ම්॑ සචතා॒ පරු॒ෂ්ණියා । අ॒සි॒ක්නි॒යා ම॑රුද්වෘධේ වි॒තස්ත॒යා-ऽऽර්ජී॑කීයේ ශෘණු॒හ්යා සු॒ෂෝම॑යා । ඍ॒තංච॑ ස॒ත්යංචා॒-භී᳚ද්ධා॒ ත්තප॒සෝऽද්ධ්ය॑ජායත । තතෝ॒ රාත්රි॑-රජායත॒ තතඃ॑ සමු॒ද්රෝ අ॑ර්ණ॒වඃ ॥ 1.63 (තෛ. අර. 6.1.13)

ස॒මු॒ද්රා-ද॑ර්ණ॒වා-දධි॑ සං​වඁථ්ස॒රෝ අ॑ජායත । අ॒හෝ॒රා॒ත්රාණි॑ වි॒දධ॒-ද්(මි॒දධ॒ද්) විශ්ව॑ස්ය මිෂ॒තෝ ව॒ශී । සූ॒ර්යා॒චං॒ද්ර॒මසෞ॑ ධා॒තා ය॑ථා පූ॒ර්ව ම॑කල්පයත් । දිවං॑ච පෘථි॒වීං චාං॒තරි॑ක්ෂ॒ මථෝ॒ සුවඃ॑ । යත් පෘ॑ථි॒ව්යාග්​ම් රජ॑ස්ස්ව॒ මාංතරි॑ක්ෂේ වි॒රෝද॑සී । ඉ॒මාග්ග්​ ස්තදා॒පෝ ව॑රුණඃ පු॒නාත්ව॑ඝමර්​ෂ॒ණඃ । පු॒නංතු॒ වස॑වඃ පු॒නාතු॒ වරු॑ණඃ පු॒නාත්ව॑ඝමර්​ෂ॒ණඃ । ඒ॒ෂ භූ॒තස්ය॑ ම॒ද්ධ්යේ භුව॑නස්ය ගෝ॒ප්තා । ඒ॒ෂ පු॒ණ්යකෘ॑තාං-ලෝඁ॒කා॒නේ॒ෂ මෘ॒ත්යෝ-ර්​හි॑ර॒ණ්මය᳚ම් । ද්යාවා॑පෘථි॒ව්යෝ-ර්​හි॑ර॒ණ්මය॒ග්​ම්॒ සග්ග්​ශ්රි॑ත॒ග්​ම්॒ සුවඃ॑ । 1.66 (තෛ. අර. 6.1.14)

ස නඃ॒ සුවඃ॒ සග්​ම් ශි॑ශාධි । ආර්ද්රං॒ ජ්වල॑ති॒ ජ්යෝති॑-ර॒හම॑ස්මි । ජ්යෝති॒-ර්ජ්වල॑ති॒ බ්රහ්මා॒හම॑ස්මි । යෝ॑ऽහම॑ස්මි॒ බ්රහ්මා॒හම॑ස්මි । අ॒හම॑ස්මි॒ බ්රහ්මා॒හම॑ස්මි । අ॒හමේ॒වාහං මාං ජු॑හෝමි॒ ස්වාහා᳚ । අ॒කා॒ර්ය॒-කා॒ර්ය॑ව කී॒ර්ණී ස්තේ॒නෝ භ්රූ॑ණ॒හා ගු॑රුත॒ල්පගඃ । වරු॑ණෝ॒-ऽපාම॑ඝමර්​ෂ॒ණ-ස්තස්මා᳚ත් පා॒පාත් ප්රමු॑ච්යතේ । ර॒ජෝභූමි॑ස්ත්ව॒මාග්​ම් රෝද॑යස්ව॒ ප්රව॑දංති॒ ධීරාඃ᳚ । ආක්රාං᳚ථ්-සමු॒ද්රඃ ප්ර॑ථ॒මේ විධ॑ර්ම-ංජ॒නය॑න් ප්ර॒ජා භුව॑නස්ය॒ රාජා᳚ । වෘෂා॑ ප॒විත්රේ॒ අධි॒සානෝ॒ අව්යේ॑ බෘ॒හථ් සෝමෝ॑ වාවෘධේ සුවා॒න ඉංදුඃ॑ ॥ 1.70

(පුර॑ස්තා॒-ද්- යශෝ॒ - ගුහා॑සු॒ - මම॑ - චක්රතුං॒ඩාය॑ ධීමහි - තීක්ෂද॒ග්ග්॒ෂ්ඨ්රාය॑ ධීමහි॒ - පරි॑ - ප්ර॒තිෂ්ඨි॑තං - දේභු--ර් යච්ඡතු - දධාතනා॒- ද්භ්යෝ᳚ - ऽර්ණ॒වඃ - සුවෝ॒ - රාජෛකං॑ ච) (ආ1)

දුර්ගා සූක්තම් (4.7)
ජා॒තවේ॑දසේ සුනවාම॒ සෝම॑-මරාතීය॒තෝ නිද॑හාති॒ වේදඃ॑ । ස නඃ॑ පර්​ෂ॒දති॑ දු॒ර්ගාණි॒ විශ්වා॑ නා॒වේව॒ සිංධුං॑ දුරි॒තාऽත්ය॒ග්නිඃ ।තාම॒ග්නිව॑ර්ණාං॒ තප॑සා ජ්වලං॒තීං-වෛඁ ॑රෝච॒නීං ක॑ර්මඵ॒ලේෂු॒ ජුෂ්ටා᳚ම් । දු॒ර්ගාං දේ॒වීග්​ම් ශර॑ණම॒හං ප්රප॑ද්යේ සු॒තර॑සි තරසේ॒ නමඃ॑ ।අග්නේ॒ ත්වං පා॑රයා॒ නව්යෝ॑ අ॒ස්මාංථ් ස්ව॒ස්ති-භි॒රති॑ දු॒ර්ගාණි॒ විශ්වා᳚ । පූශ්ච॑ පෘ॒ථ්වී බ॑හු॒ලා න॑ උ॒ර්වී භවා॑ තෝ॒කාය॒ තන॑යාය॒ ශං​යෝඁඃ । විශ්වා॑නි නෝ දු॒ර්ගහා॑ ජාතවේදඃ॒ සිංධුං॒ න නා॒වා දු॑රි॒තාऽති॑පර්​ෂි । අග්නේ॑ අත්රි॒වන් මන॑සා ගෘණා॒නෝ᳚ऽස්මාකං॑ බෝද්ධ්යවි॒තා ත॒නූනා᳚ම් । පෘ॒ත॒නා॒ජිත॒ග්​ම්॒ සහ॑මාන-මු॒ග්රම॒ග්නිග්​ම් හු॑වේම පර॒මාථ් ස॒ධස්ථා᳚ත් । ස නඃ॑ පර්​ෂ॒දති॑ දු॒ර්ගාණි॒ විශ්වා॒ ක්ෂාම॑ද්දේ॒වෝ අති॑ දුරි॒තාऽත්ය॒ග්නිඃ । ප්ර॒ත්නෝෂි॑-ක॒මීඩ්යෝ॑ අද්ධ්ව॒රේෂු॑ ස॒නාච්ච॒ හෝතා॒ නව්ය॑ශ්ච॒ සථ්සි॑ । ස්වාංචා᳚ග්නේ ත॒නුවං॑ පි॒ප්රය॑ස්වා॒ස්මභ්යං॑ච॒ සෞභ॑ග॒මාය॑ජස්ව । ගෝභි॒-ර්ජුෂ්ට॑ම॒යුජෝ॒ නිෂි॑ක්තං॒ තවේං᳚ද්ර විෂ්ණෝ॒-රනු॒සංච॑රේම । නාක॑ස්ය පෘ॒ෂ්ඨම॒භි සං॒​වඁසා॑නෝ॒ වෛෂ්ණ॑වීං-ලෝඁ॒ක ඉ॒හ මා॑දයංතාම් ॥ 2.7 (දු॒රි॒තාऽත්ය॒ග්නිශ්ච॒ත්වාරි॑ ච) (තෛ. අර. 6.2.1)

[ ඕං කා॒ත්යා॒ය॒නාය॑ වි॒ද්මහේ॑ කන්යකු॒මාරි॑ ධීමහි । තන්නෝ॑ දුර්ගිඃ ප්රචෝ॒දයා᳚ත් ॥ ]

ව්යාහෘති හෝම මංත්රාඃ (4.8)
භූ-රන්න॑-ම॒ග්නයේ॑ පෘථි॒ව්යෛ ස්වාහා॒, භුවෝऽන්නං॑-වාඁ॒යවේ॒ऽංතරි॑ක්ෂාය॒ ස්වාහා॒, සුව॒රන්න॑-මාදි॒ත්යාය॑ දි॒වේ ස්වාහා॒, භූර්භුව॒ස්සුව॒-රන්නං॑ චං॒ද්රම॑සේ දි॒ග්භ්යඃ ස්වාහා॒, නමෝ॑ දේ॒වේභ්යඃ॑ ස්ව॒ධා පි॒තෘභ්යෝ॒ භූර්භුව॒ස්සුව॒-රන්න॒මෝම් ॥ 3.1 (තෛ. අර. 6.3.1)

භූ-ර॒ග්නයේ॑ පෘථි॒ව්යෛ ස්වාහා॒, භුවෝ॑ වා॒යවේ॒ऽංතරි॑ක්ෂාය॒ ස්වාහා॒ ,
සුව॑රාදි॒ත්යාය॑ දි॒වේ ස්වාහා॒, භූ-ර්භුව॒ස්සුව॑-ශ්චං॒ද්රම॑සේ දි॒ග්භ්යඃ ස්වාහා॒, නමෝ॑ දේ॒වේභ්යඃ॑ ස්ව॒ධා පි॒තෘභ්යෝ॒ භූර්භුව॒ස්සුව॒-රග්න॒ ඕම් ॥ 4.1

භූ-ර॒ග්නයේ॑ ච පෘථි॒ව්යෛ ච॑ මහ॒තේ ච॒ ස්වාහා॒, භුවෝ॑ වා॒යවේ॑ චාං॒තරි॑ක්ෂාය ච මහ॒තේ ච॒ ස්වාහා॒, සුව॑රාදි॒ත්යාය॑ ච දි॒වේ ච॑ මහ॒තේ ච॒ ස්වාහා॒, භූ-ර්භුව॒ස්සුව॑-ශ්චං॒ද්රම॑සේ ච॒ නක්ෂ॑ත්රේභ්යශ්ච දි॒ග්භ්යශ්ච॑ මහ॒තේ ච॒ ස්වාහා॒, නමෝ॑ දේ॒වේභ්යඃ॑ ස්ව॒ධා පි॒තෘභ්යෝ॒ භූර්භුව॒ස්සුව॒-ර්මහ॒රෝම් ॥ 5.1 (තෛ. අර. 6.4.1)

ජ්ඤානප්රාප්ත්යර්ථා හෝමමංත්රාඃ (4.9)
පාහි නෝ අග්න ඒන॑සේ ස්වා॒හා । පාහි නෝ විශ්වවේද॑සේ ස්වා॒හා । යජ්ඤං පාහි විභාව॑සෝ ස්වා॒හා । සර්වං පාහි ශතක්ර॑තෝ ස්වා॒හා ॥ 6.1 (තෛ. අර. 6.7.1)

පා॒හි නෝ॑ අග්න॒ ඒක॑යා । පා॒හ්යු॑ත ද්වි॒තීය॑යා । පා॒හ්යූර්ජං॑ තෘ॒තීය॑යා । පා॒හි ගී॒ර්භි-ශ්ච॑ත॒සෘභි॑-ර්වසෝ॒ ස්වාහා᳚ ॥ 7.1 (තෛ. අර. 6.6.1)

වේදාවිස්මරණාය ජපමංත්රාඃ (4.10)
යඃ ඡංද॑සා-මෘෂ॒භෝ වි॒ශ්වරූ॑පඃ॒ ඡංදෝ᳚භ්යඃ॒ ඡංදාග්ග්॑ස්යා වි॒වේශ॑ । සචාග්​ම් ශික්යඃ පුරෝ වාචෝ॑පනි॒ෂ-දිංද්රෝ᳚ ජ්යේ॒ෂ්ඨ ඉං॑ද්රි॒යාය॒ ඍෂි॑භ්යෝ॒ නමෝ॑ දේ॒වේභ්යඃ॑ ස්ව॒ධා පි॒තෘභ්යෝ॒ භූර්භුව॒ස්සුවඃ॒ ඡංද॒ ඕම් ॥ 8.1 (තෛ. අර. 6.8.1)

නමෝ॒ බ්රහ්ම॑ණේ ධා॒රණං॑ මේ අ॒ස්ත්ව-නි॑රාකරණං-ධා॒රයි॑තා භූයාසං॒ කර්ණ॑යෝඃ ශ්රු॒තං මාච්යෝ᳚ඪ්වං॒ මමා॒මුෂ්ය॒ ඕම් ॥ 9.1 (තෛ. අර. 6.9.1)

තපඃ ප්රශංසා (4.11)
ඍ॒තං තපඃ॑ ස॒ත්යං තපඃ॑ ශ්රු॒තං තපඃ॑ ශාං॒තං තපෝ॒ දම॒ ස්තපඃ॒ ශම॒ස්තපෝ॒ දානං॒ තපෝ॒ යජ්ඤං॒ තපෝ॒ භූර්භුව॒ස්සුව॒-ර්බ්රහ්මෛ॒-තදුපා᳚ස්යෛ॒-තත්තපඃ॑ ॥ 10.1 (තෛ. අර. 6.10.1)

විහිතාචරණ ප්රශංසා නිෂිද්ධාචරණ නිංදා ච (4.12)
යථා॑ වෘ॒ක්ෂස්ය॑ ස॒පුංෂ්පි॑තස්ය දූ॒රා-ද්ගං॒ධෝ වා᳚ත්යේ॒වං පුණ්ය॑ස්ය ක॒ර්මණෝ॑ දූ॒රා-ද්ගං॒ධෝ වා॑ති॒ යථා॑ऽසිධා॒රාං ක॒ර්තේऽව॑හිතා-මව॒ක්රාමේ॒ යද්යුවේ॒ යුවේ॒ හවා॑ වි॒හ්වයි॑ෂ්යාමි ක॒ර්තං ප॑තිෂ්යා॒මීත්යේ॒ව-ම॒මෘතා॑-දා॒ත්මානං॑ ජු॒ගුඵ්සේ᳚ත් ॥ 11.1 (තෛ. අර. 6.11.1)

දහර විද්යා (4.13)
අ॒ණෝ-රණී॑යාන් මහ॒තෝ මහී॑යා-නා॒ත්මා ගුහා॑යාං॒ නිහි॑තෝऽස්ය ජං॒තෝඃ । තම॑ක්රතුං පශ්යති වීතශෝ॒කෝ ධා॒තුඃ ප්ර॒සාදා᳚න්-මහි॒මාන॑මීශම් । ස॒ප්ත ප්රා॒ණාඃ ප්ර॒භවං॑ති॒ තස්මා᳚ථ් ස॒ප්තාර්චිෂඃ॑ ස॒මිධඃ॑ ස॒ප්ත ජි॒හ්වාඃ । ස॒ප්ත ඉ॒මේ ලෝ॒කා යේෂු॒ චරං॑ති ප්රා॒ණා ගු॒හාශ॑යා॒-න්නිහි॑තාඃ ස॒ප්ත ස॑ප්ත । අතඃ॑ සමු॒ද්රා ගි॒රය॑ශ්ච॒ සර්වේ॒ऽස්මාථ් ස්යංදං॑තේ॒ සිංධ॑වඃ॒ සර්ව॑රූපාඃ । අත॑ශ්ච॒ විශ්වා॒ ඕෂ॑ධයෝ॒ රසා᳚ච්ච॒ යේනෛ॑ෂ භූ॒ත-ස්ති॑ෂ්ඨත්යංතරා॒ත්මා । බ්ර॒හ්මා දේ॒වානාං᳚ පද॒වීඃ ක॑වී॒නා-මෘෂි॒-ර්විප්රා॑ණාං මහි॒ෂෝ මෘ॒ගාණා᳚ම් । ශ්යේ॒නෝ ගෘධ්රා॑ණා॒ග්ග්॒ ස්වධි॑ති॒-ර්වනා॑නා॒ග්​ම්॒ සෝමඃ॑ ප॒විත්ර॒ මත්යේ॑ති॒ රේභන්න්॑ । අ॒ජා මේකාං॒-ලෝඁහි॑ත-ශුක්ල-කෘ॒ෂ්ණාං බ॒හ්වීං ප්ර॒ජාං ජ॒නයං॑තී॒ග්​ම්॒ සරූ॑පාම් । අ॒ජෝ හ්යේකෝ॑ ජු॒ෂමා॑ණෝऽනු॒ශේතේ॒ ජහා᳚ත්යේනාං භු॒ක්ත-භෝ॑ගා॒මජෝ᳚ऽන්යඃ ॥ 12.5 (තෛ. අර. 6.12.1)

හ॒ග්​ම්॒ස-ශ්ශු॑චි॒ෂ-ද්වසු॑-රංතරික්ෂ॒-සද්ධෝතා॑ වේදි॒ෂ-දති॑ථි-ර්දුරෝණ॒සත් । නෘ॒ෂ-ද්ව॑ර॒ස-දෘ॑ත॒ස-ද්ව්යෝ॑ම॒ස-ද॒බ්ජා ගෝ॒ජා ඍ॑ත॒ජා අ॑ද්රි॒ජා ඍ॒තං බෘ॒හත් । ඝෘ॒තං මි॑මික්ෂිරේ ඝෘ॒තම॑ස්ය॒ යෝනි॑-ර්ඝෘ॒තේ ශ්රි॒තෝ ඝෘ॒තමු॑වස්ය॒ ධාම॑ । අ॒නු॒ෂ්ව॒ධමාව॑හ මා॒දය॑ස්ව॒ ස්වාහා॑ කෘතං-වෘඁෂභ වක්ෂි හ॒ව්යම් । ස॒මු॒ද්රා දූ॒ර්මි-ර්මධු॑මා॒ග්​ම්॒ උදා॑ර-දුපා॒ග්​ම්॒ශුනා॒ සම॑මෘත॒ත්ව මා॑නට් । ඝෘ॒තස්ය॒ නාම॒ ගුහ්යං॒-යඁදස්ති॑ ජි॒හ්වා දේ॒වානා॑-ම॒මෘත॑ස්ය॒ නාභිඃ॑ । ව॒යං නාම॒ ප්රබ්ර॑වාමා ඝෘ॒තේනා॒ස්මින්. ය॒ජ්ඤේ ධා॑රයාමා॒ නමෝ॑භිඃ । උප॑ බ්ර॒හ්මා ශෘ॑ණවච්ඡ॒ස්යමා॑නං॒ චතුඃ॑ ශෘංගෝ ऽවමී-ද්ගෞ॒ර ඒ॒තත් । ච॒ත්වාරි॒ ශෘංගා॒ ත්රයෝ॑ අස්ය॒ පාදා॒ ද්වේ ශී॒ර॒.ෂේ ස॒ප්ත හස්තා॑සෝ අ॒ස්ය । ත්රිධා॑ බ॒ද්ධෝ වෘ॑ෂ॒භෝ රෝ॑රවීති ම॒හෝ දේ॒වෝ මර්ත්යා॒ග්​ම්॒ ආවි॑වේශ ॥ 12.10 (තෛ. අර. 6.12.2)

ත්රිධා॑ හි॒තං ප॒ණිභි॑-ර්ගු॒හ්යමා॑නං॒ ගවි॑-දේ॒වාසෝ॑ ඝෘ॒තමන්ව॑විංදන්න් । ඉංද්ර॒ ඒක॒ග්​ම්॒ සූර්ය॒ ඒකං॑ ජජාන වේ॒නා දේකග්ග්॑ ස්ව॒ධයා॒ නිෂ්ට॑තක්ෂුඃ । යෝ දේ॒වානාං᳚ ප්රථ॒මං පු॒රස්තා॒-ද්විශ්වා॒ධියෝ॑ රු॒ද්රෝ ම॒හර්​ෂිඃ॑ । හි॒ර॒ණ්ය॒ග॒ර්භං ප॑ශ්යත॒ ජාය॑මාන॒ග්​ම්॒ සනෝ॑ දේ॒වඃ ශු॒භයා॒ ස්මෘත්යා॒ සං​යුඁ ॑නක්තු । යස්මා॒ත්පරං॒ නාප॑ර॒ මස්ති॒ කිංචි॒ද්යස්මා॒න් නාණී॑යෝ॒ න ජ්යායෝ᳚ऽස්ති॒ කශ්චි॑ත් । වෘ॒ක්ෂ ඉ॑ව ස්තබ්ධෝ දි॒වි ති॑ෂ්ඨ॒-ත්යේක॒ස්තේනේ॒දං පූ॒ර්ණං පුරු॑ෂේණ॒ සර්ව᳚ම් ॥ 12.13

(සන්යාස සූක්තම්)
න කර්ම॑ණා න ප්ර॒ජයා॒ ධනේ॑න॒ ත්යාගේ॑නෛකේ අමෘත॒ත්ව-මා॑න॒ශුඃ । පරේ॑ණ॒ නාකං॒ නිහි॑තං॒ ගුහා॑යාං-විඁ॒භ්රාජ॑දේ॒ත-ද්යත॑යෝ වි॒ශංති॑ ॥ වේ॒දාං॒ත॒ වි॒ජ්ඤාන॒-සුනි॑ශ්චිතා॒ර්ථාඃ සන්යා॑ස යෝ॒ගාද්යත॑යඃ ශුද්ධ॒ සත්ත්වාඃ᳚ । තේ බ්ර॑හ්මලෝ॒කේ තු॒ පරාං᳚තකාලේ॒ පරා॑මෘතා॒ත් පරි॑මුච්යංති॒ සර්වේ᳚ । ද॒හ්රං॒-විඁ॒පා॒පං ප॒රමේ᳚ශ්ම භූතං॒-යඁත් පුං॑ඩරී॒කං පු॒රම॑ද්ධ්ය ස॒ග්ග්॒ස්ථම් ।
ත॒ත්රා॒පි॒ ද॒හ්රං ග॒ගනං॑-විඁශෝක॒-ස්තස්මි॑න්. යදං॒තස්ත-දුපා॑සිත॒ව්යම් ॥ යෝ වේදාදෞ ස්ව॑රඃ ප්රෝ॒ක්තෝ॒ වේ॒දාංතේ॑ ච ප්ර॒තිෂ්ඨි॑තඃ । තස්ය॑ ප්ර॒කෘති॑-ලීන॒ස්ය॒ යඃ॒ පරඃ॑ ස॒ ම॒හේශ්ව॑රඃ ॥ 12.17 (තෛ. අර. 6.12.3)

(අජෝ᳚ऽන්ය॒ - ආවි॑වේශ॒ - සර්වේ॑ ච॒ත්වාරි॑ ච)

නාරායණ සූක්තං (4.14)

ස॒හ॒ස්ර॒ශීර්​ෂං॑ දේ॒වං॒-විඁ॒ශ්වාක්ෂං॑-විඁ॒ශ්ව ශං॑ භුවම් । විශ්වං॑ නා॒රාය॑ණං දේ॒ව॒ම॒ක්ෂරං॑ පර॒මං ප॒දම් । වි॒ශ්වතඃ॒ පර॑මාන්නි॒ත්යං॒-විඁ॒ශ්වං නා॑රාය॒ණග්​ම් හ॑රිම් । විශ්ව॑මේ॒වේදං පුරු॑ෂ॒-ස්ත-ද්විශ්ව॒මුප॑ජීවති । පතිං॒-විඁශ්ව॑ස්යා॒ත්මේශ්ව॑ර॒ග්​ම්॒ ශාශ්ව॑තග්​ම් ශි॒වම॑ච්යුතම් । නා॒රාය॒ණං ම॑හාජ්ඤේ॒යං॒-විඁ॒ශ්වාත්මා॑නං ප॒රාය॑ණම් । නා॒රාය॒ණ ප॑රෝ ජ්යෝ॒ති॒රා॒ත්මා නා॑රය॒ණඃ ප॑රඃ । නා॒රාය॒ණ ප॑රං බ්ර॒හ්ම॒ ත॒ත්ත්වං නා॑රාය॒ණඃ ප॑රඃ । නා॒රාය॒ණ ප॑රෝ ධ්යා॒තා॒ ධ්යා॒නං නා॑රාය॒ණඃ ප॑රඃ । යච්ච॑ කිං॒චිජ්-ජ॑ගථ් ස॒ර්වං॒ දෘ॒ශ්යතේ᳚ ශ්රූය॒තේऽපි॑ වා । 13.4 (තෛ. අර. 6.13.1)

අංත॑-ර්බ॒හිශ්ච॑ තථ් ස॒ර්වං॒-ව්යාඁ॒ප්ය නා॑රාය॒ණඃ ස්ථි॑තඃ । අනං॑ත॒ මව්ය॑යං ක॒විග්​ම් ස॑මු॒ද්රේऽංතං॑-විඁ॒ශ්ව ශ॑භුං​වඁම් । ප॒ද්ම॒කෝ॒ශ-ප්ර॑තීකා॒ශ॒ග්​ම්॒ හෘ॒දයං॑ චාප්ය॒ධෝමු॑ඛම් । අධෝ॑ නි॒ෂ්ට්යා වි॑තස්ත්යාං॒තේ॒ නා॒භ්යාමු॑පරි॒ තිෂ්ඨ॑ති । ජ්වා॒ල॒මා॒ලා කු॑ලං භා॒තී॒ වි॒ශ්වස්යා॑යත॒නං ම॑හත් । සංත॑තග්​ම් ශි॒ලාභි॑ස්තු॒ ලංබ॑ත්යා කෝශ॒සන්නි॑භම් । තස්යාංතේ॑ සුෂි॒රග්​ම් සූ॒ක්ෂ්මං තස්මිං᳚ථ් ස॒ර්වං ප්රති॑ෂ්ඨිතම් । තස්ය॒ මද්ධ්යේ॑ ම॒හාන॑ග්නි-ර්වි॒ශ්වාර්චි॑-ර්වි॒ශ්වතෝ॑ මුඛඃ । සෝऽග්ර॑භු॒ග් විභ॑ජන් ති॒ෂ්ඨ॒න්-නාහා॑ර-මජ॒රඃ ක॒විඃ । ති॒ර්ය॒ගූ॒ර්ධ්ව ම॑ධඃ ශා॒යී॒ ර॒ශ්මය॑ස්තස්ය॒ සංත॑තා । සං॒තා॒පය॑ති ස්වං දේ॒හමාපා॑දතල॒ මස්ත॑කඃ । තස්ය॒ මද්ධ්යේ॒ වහ්නි॑ශිඛා අ॒ණීයෝ᳚ර්ධ්වා ව්ය॒වස්ථි॑තඃ । නී॒ලතෝ॑ යද॑ මද්ධ්ය॒ස්ථා॒-ද්වි॒ද්යුල්ලේ॑ඛේව॒ භාස්ව॑රා । නී॒වාර॒ ශූක॑වත්ත॒න්වී॒ පී॒තා භා᳚ස්වත්ය॒ණූප॑මා । තස්යාඃ᳚ ශිඛා॒යා ම॑ද්ධ්යේ ප॒රමා᳚ත්මා ව්ය॒වස්ථි॑තඃ । ස බ්රහ්ම॒ ස ශිවඃ॒ ස හරිඃ॒ සේංද්රඃ॒ සෝऽක්ෂ॑රඃ පර॒මඃ ස්ව॒රාට් ॥ 13.12 (තෛ. අර. 6.13.2)
(අපි॑ වා॒ - සංත॑තා॒ ෂට් ච॑)

ආදිත්ය මංඩලේ පරබ්රහ්මෝපාසනං (4.15)
ආ॒දි॒ත්යෝ වා ඒ॒ෂ ඒ॒තන් මං॒ඩලං॒ තප॑ති॒ තත්ර॒ තා ඍච॒ස්තදෘ॒චා මං॑ඩල॒ග්​ම්॒ ස ඍ॒චාං-ලෝඁ॒කෝऽථ॒ය ඒ॒ෂ ඒ॒තස්මි॑න් මං॒ඩලේ॒ऽර්​චි-ර්දී॒ප්යතේ॒ තානි॒ සාමා॑නි॒ ස සා॒ම්නාං-ලෝඁ॒කෝऽථ॒ ය ඒ॒ෂ ඒ॒තස්මි॑න් මං॒ඩලේ॒ऽර්චිෂි॒ පුරු॑ෂ॒ස්තානි॒ යජූග්​ම්॑ෂි॒ ස යජු॑ෂා මංඩල॒ග්​ම්॒ ස යජු॑ෂාං-ලෝඁ॒කඃ සෛෂා ත්ර॒ය්යේව॑ වි॒ද්යා ත॑පති॒ ය ඒ॒ෂෝ᳚ऽංත-රා॑දි॒ත්යේ හි॑ර॒ණ්මයඃ॒ පුරු॑ෂඃ ॥ 14.1 (තෛ. අර. 6.14.1)

ආදිත්යපුරුෂස්ය සර්වාත්මකත්ව ප්රදර්​ශනං (4.16)
ආ॒දි॒ත්යෝ වෛ තේජ॒ ඕජෝ॒ බලං॒-යඁශ॒-ශ්චක්ෂුඃ॒ ශ්රෝත්ර॑මා॒ත්මා මනෝ॑ ම॒න්යු-ර්මනු॑-ර්මෘ॒ත්යුඃ ස॒ත්යෝ මි॒ත්රෝ වා॒යුරා॑කා॒ශඃ ප්රා॒ණෝ ලෝ॑කපා॒ලඃ කඃ කිං කං තථ් ස॒ත්යමන්න॑-ම॒මෘතා॑ ජී॒වෝ විශ්වඃ॑ කත॒මඃ ස්ව॑ය॒භුං බ්රහ්මෛ॒ තදමෘ॑ත ඒ॒ෂ පුරු॑ෂ ඒ॒ෂ භූ॒තානා॒-මධි॑පති॒-ර්බ්රහ්ම॑ණඃ॒ සායු॑ජ්යග්​ම් සලෝ॒කතා॑-මාප්නෝ-ත්යේ॒තාසා॑මේ॒ව දේ॒වතා॑නා॒ග්​ම්॒ සායු॑ජ්යග්​ම් සා॒ර්​ෂ්ටිතාග්​ම්॑ සමාන ලෝ॒කතා॑-මාප්නෝති॒ ය ඒ॒වං-වේඁදේ᳚ත්යුප॒නිෂත් ॥ 15.1 (තෛ. අර. 6.15.1)

ශිවෝපාසන මංත්රාඃ (4.17)
නිධ॑නපතයේ॒ නමඃ । නිධ॑නපතාංතිකාය॒ නමඃ ।
ඌර්ධ්වාය॒ නමඃ । ඌර්ධ්වලිංගාය॒ නමඃ ।
හිරණ්යාය॒ නමඃ । හිරණ්යලිංගාය॒ නමඃ ।
සුවර්ණාය॒ නමඃ । සුවර්ණලිංගාය॒ නමඃ ।
දිව්යාය॒ නමඃ । දිව්යලිංගාය॒ නමඃ । 16.1 (තෛ. අර. 6.16.1)

භවාය॒ නමඃ । භවලිංගාය॒ නමඃ ।
ශර්වාය॒ නමඃ । ශර්වලිංගාය॒ නමඃ ।
ශිවාය॒ නමඃ । ශිවලිංගාය॒ නමඃ ।
ජ්වලාය॒ නමඃ । ජ්වලලිංගාය॒ නමඃ ।
ආත්මාය॒ නමඃ । ආත්මලිංගාය॒ නමඃ ।
පරමාය॒ නමඃ । පරමලිංගාය॒ නමඃ ।
ඒතථ්සෝමස්ය॑ සූර්ය॒ස්ය॒ සර්වලිංගග්ග්॑ ස්ථාප॒ය॒ති॒ පාණිමංත්රං॑ පවි॒ත්රම් ॥ 16.1 (තෛ. අර. 6.16.2)

පශ්චිමවක්ත්ර ප්රතිපාදක මංත්රඃ (4.18)
තෛ. අර. 6.17.1
ස॒ද්යෝජා॒තං ප්ර॑පද්යා॒මි॒ ස॒ද්යෝජා॒තාය॒ වෛ නමෝ॒ නමඃ॑ । භ॒වේ භ॑වේ॒ නාති॑භවේ භවස්ව॒ මාම් । භ॒වෝද්භ॑වාය॒ නමඃ॑ ॥ 17.1

උත්තර වක්ත්ර ප්රතිපාදක මංත්රඃ (4.19)
වා॒ම॒දේ॒වාය॒ නමෝ᳚ ජ්යේ॒ෂ්ඨාය॒ නමඃ॑ ශ්රේ॒ෂ්ඨාය॒ නමෝ॑ රු॒ද්රාය॒ නමඃ॒ කාලා॑ය॒ නමඃ॒ කල॑විකරණාය॒ නමෝ॒ බල॑විකරණාය॒ නමෝ॒ බලා॑ය॒ නමෝ॒ බල॑ප්රමථනාය॒ නමඃ॒ සර්ව॑භූතදමනාය॒ නමෝ॑ ම॒නෝන්ම॑නාය॒ නමඃ॑ ॥ 18.1 (තෛ. අර. 6.18.1)

දක්ෂිණ වක්ත්ර ප්රතිපාදක මංත්රඃ (4.20)
අ॒ඝෝරේ᳚භ්යෝऽථ॒ ඝෝරේ᳚භ්යෝ॒ ඝෝර॒ඝෝර॑තරේභ්යඃ ।
සර්වේ᳚භ්යඃ සර්ව॒ ශර්වේ᳚භ්යෝ॒ නම॑ස්තේ අස්තු රු॒ද්රරූ॑පේභ්යඃ ॥ 19.1 (තෛ. අර. 6.19.1)

ප්රාග්වක්ත්ර ප්රතිපාදක මංත්රඃ (4.21)
තත්පුරු॑ෂාය වි॒ද්මහේ॑ මහාදේ॒වාය॑ ධීමහි । තන්නෝ॑ රුද්රඃ ප්රචෝ॒දයා᳚ත් ॥ 20.1 (තෛ. අර. 6.20.1)

ඌර්ධ්ව වක්ත්ර ප්රතිපාදක මංත්රඃ (4.22)
ඊශානඃ සර්ව॑විද්යා॒නා॒- මීශ්වරඃ සර්ව॑භූතා॒නාං॒ බ්රහ්මාධි॑පති॒-ර්බ්රහ්ම॒ණෝऽධි॑පති॒-ර්බ්රහ්මා॑ ශි॒වෝ මේ॑ අස්තු සදාශි॒වෝම් ॥ 21.1 (තෛ. අර. 6.21.1)

නමස්කාරාර්ථ මංත්රාඃ (4.23)
නමෝ හිරණ්යබාහවේ හිරණ්යවර්ණාය හිරණ්යරූපාය හිරණ්යපතයේ ऽබිංකාපතය උමාපතයේ පශුපතයේ॑ නමෝ॒ නමඃ ॥ 22.1 (තෛ. අර. 6.22.1)

ඍ॒තග්​ම් ස॒ත්යං ප॑රං බ්ර॒හ්ම॒ පු॒රුෂං॑ කෘෂ්ණ॒පිංග॑ලම් । ඌ॒ර්ධ්වරේ॑තං-විඁ ॑රූපා॒ක්ෂං॒-විඁ॒ශ්වරූ॑පාය॒ වෛ නමෝ॒ නමඃ॑ ॥ 23.1 (තෛ. අර. 6.23.1)

සර්වෝ॒ වෛ රු॒ද්රස්තස්මෛ॑ රු॒ද්රාය॒ නමෝ॑ අස්තු । පුරු॑ෂෝ॒ වෛ රු॒ද්රඃ සන්ම॒හෝ නමෝ॒ නමඃ॑ । විශ්වං॑ භූ॒තං භුව॑නං චි॒ත්රං බ॑හු॒ධා ජා॒තං ජාය॑මානං ච॒ යත් । සර්වෝ॒ හ්යේ॑ෂ රු॒ද්රස්තස්මෛ॑ රු॒ද්රාය॒ නමෝ॑ අස්තු ॥ 24.1 (තෛ. අර. 6.24.1)

කද්රු॒ද්රාය॒ ප්රචේ॑තසේ මී॒ඪුෂ්ට॑මාය॒ තව්ය॑සේ । වෝ॒චේම॒ ශංත॑මග්​ම් හෘ॒දේ ॥ සර්වෝ॒හ්යේ॑ෂ රු॒ද්රස්තස්මෛ॑ රු॒ද්රාය॒ නමෝ॑ අස්තු ॥ 25.1 (තෛ. අර. 6.25.1)

අග්නිහෝත්ර හවණ්යාඃ උපයුක්තස්ය වෘක්ෂ විශේෂ-ස්යාභිධානම් (4.24-25)
යස්ය॒ වෛ කං॑කත්යග්නි-හෝත්ර॒හව॑ණී භවති॒ ප්රත්යේ॒වා-ස්යාහු॑තය-ස්තිෂ්ඨං॒ත්යථෝ॒ ප්රති॑ෂ්ඨිත්යෛ ॥ 26.1 (තෛ. අර. 6.26.1)

භූදේවතාක මංත්රඃ (4.26)
අදි॑ති-ර්දේ॒වා ගං॑ධ॒ර්වා ම॑නු॒ෂ්යාඃ᳚ පි॒තරෝ-ऽසු॑රා॒-ස්තේෂාග්​ම්॑ සර්ව භූ॒තානාං᳚ මා॒තා මේ॒දිනී॑ මහ॒තා ම॒හී සා॑වි॒ත්රී ගා॑ය॒ත්රී ජග॑ත්යු॒ර්වී පෘ॒ථ්වී බ॑හු॒ලා විශ්වා॑ භූ॒තා ක॑ත॒මා කායා සා ස॒ත්යේ-ත්ය॒මෘතේති॑ වසි॒ෂ්ඨඃ ॥ 28.1 (තෛ. අර. 6.28.1)

සර්වා දේවතා ආපඃ (4.27)
ආපෝ॒ වා ඉ॒දග්​ම් සර්වං॒-විඁශ්වා॑ භූ॒තාන්යාපඃ॑ ප්රා॒ණා වා ආපඃ॑ ප॒ශව॒ ආපෝऽන්න॒මාපෝ -ऽමෘ॑ත॒මාපඃ॑ ස॒ම්රාඩාපෝ॑ වි॒රාඩාපඃ॑ ස්ව॒රාඩාපඃ॒
ඡංදා॒ග්ග්॒ස්යාපෝ॒ ජ්යෝතී॒ග්ග්॒ෂ්යාපෝ॒ යජූ॒ග්ග්॒ෂ්යාපඃ॑ ස॒ත්යමාපඃ॒ සර්වා॑
දේ॒වතා॒ ආපෝ॒ භූර්භුව॒ස්සුව॒රාප॒ ඕම් ॥ 29.1 (තෛ. අර. 6.29.1)

සංධ්යාවංදන මංත්රාඃ (4.28)
ආපඃ॑ පුනංතු පෘථි॒වීං පෘ॑ථි॒වී පූ॒තා පු॑නාතු॒ මාම් । පු॒නංතු॒ බ්රහ්ම॑ණ॒ස්පති॒-ර්බ්රහ්ම॑ පූ॒තා පු॑නාතු॒ මාම් । යදුච්ඡි॑ෂ්ට॒-මභෝ᳚ජ්යං॒-යඁද්වා॑ දු॒ශ්චරි॑තං॒ මම॑ । සර්වං॑ පුනංතු॒ මාමාපෝ॑-ऽස॒තාංච॑ ප්රති॒ග්රහ॒ග්ග්॒ ස්වාහා᳚ ॥ 30.2 (තෛ. අර. 6.30.1)

අග්නිශ්ච මා මන්යුශ්ච මන්යුපතයශ්ච මන්යු॑කෘතේ॒භ්යඃ । පාපේභ්යෝ॑ රක්ෂං॒තාම් । යදහ්නා පාප॑මකා॒ර්॒ෂම් । මනසා වාචා॑ හස්තා॒භ්යාම් । පද්භ්යා-මුදරේ॑ණ ශි॒ශ්නා । අහ॒ස්තද॑වලු॒පංතු । යත්කිංච॑ දුරි॒තං මයි॑ । ඉදමහ-මාමමෘ॑ත යෝ॒නෞ । සත්යේ ජ්යෝතිෂි ජුහෝ॑මි ස්වා॒හා ॥ 31.1 (තෛ. අර. 6.31.1)

සූර්යශ්ච මා මන්යුශ්ච මන්යුපතයශ්ච මන්යු॑කෘතේ॒භ්යඃ । පාපේභ්යෝ॑ රක්ෂං॒තාම් । යද්රාත්රියා පාප॑මකා॒ර්॒ෂම් । මනසා වාචා॑ හස්තා॒භ්යාම් । පද්භ්යා-මුදරේ॑ණ ශි॒ශ්නා । රාත්රි॒-ස්තද॑වලු॒පංතු । යත්කිංච॑ දුරි॒තං මයි॑ । ඉදමහ-මාමමෘ॑ත යෝ॒නෞ । සූර්යේ ජ්යෝතිෂි ජුහෝ॑මි ස්වා॒හා ॥ 32.1 (තෛ. අර. 6.32.1)

ප්රණවස්ය ඍෂ්යාදි විවරණං (4.29)
ඕමිත්යේකාක්ෂ॑රං බ්ර॒හ්ම । අග්නිර්දේවතා බ්රහ්ම॑ ඉත්යා॒ර්​ෂම් । ගායත්රං ඡංදං පරමාත්මං॑ සරූ॒පම් । සායුජ්යං-විඁ ॑නියෝ॒ගම් ॥ 33.1 (තෛ. අර. 6.33.1)

ගායත්ර්යාවාහන මංත්රාඃ (4.30)
ආයා॑තු॒ වර॑දා දේ॒වී॒ අ॒ක්ෂරං॑ බ්රහ්ම॒ සංමි॑තම් । ගා॒ය॒ත්රීං᳚ ඡංද॑සාං මා॒තේදං බ්ර॑හ්ම ජු॒ෂස්ව॑ මේ । යදහ්නා᳚ත් කුරු॑තේ පා॒පං॒ තදහ්නා᳚ත් ප්රති॒මුච්ය॑තේ । ය-ද්රාත්රියා᳚ත් කුරු॑තේ පා॒පං॒ ත-ද්රාත්රියා᳚ත් ප්රති॒මුච්ය॑තේ । සර්ව॑ ව॒ර්ණේ ම॑හාදේ॒වි॒ සං॒ධ්යා වි॑ද්යේ ස॒රස්ව॑ති ॥ 34.2 (තෛ. අර. 6.34.1)

ඕජෝ॑ऽසි॒ සහෝ॑ऽසි॒ බල॑මසි॒ භ්රාජෝ॑ऽසි දේ॒වානාං॒ ධාම॒නාමා॑॑ऽසි॒ විශ්ව॑මසි වි॒ශ්වායුඃ॒ සර්ව॑මසි ස॒ර්වායු-රභිභූරෝං-ගායත්රී-මාවා॑හයා॒මි॒ සාවිත්රී-මාවා॑හයා॒මි॒ සරස්වතී-මාවා॑හයා॒මි॒ ඡංදර්​ෂී-නාවා॑හයා॒මි॒ ශ්රිය-මාවා॑හයා॒මි॒ ගායත්රියා ගායත්රී ඡංදෝ විශ්වාමිත්ර ඍෂිඃ සවිතා දේවතාऽග්නිර්මුඛං බ්රහ්මා ශිරෝ විෂ්ණුර්​හෘදයග්​ම් රුද්රඃ ශිඛා පෘථිවීයෝනිඃ ප්රාණාපාන-ව්යානෝදාන-සමානා සප්රාණා ශ්වේතවර්ණා සාංඛ්යායන-සගෝත්රා ගායත්රී චතුර්විග්​ම්ශත්යක්ෂරා ත්රිපදා॑ ෂට්කු॒ක්ෂිඃ॒ පංච ශීර්​ෂෝපනයනේ වි॑නියෝ॒ග॒, ඕං භූඃ । ඕං භුවඃ । ඕග්​ම් සුවඃ । ඕං මහඃ । ඕං ජනඃ । ඕං තපඃ । ඕග්​ම් ස॒ත්යම් । ඕං තථ් ස॑වි॒තුර්වරේ᳚ණ්යං॒ භර්ගෝ॑ දේ॒වස්ය॑ ධීමහි । ධියෝ॒ යෝ නඃ॑ ප්රචෝ॒දයා᳚ත් । ඕමාපෝ॒ ජ්යෝතී॒ රසෝ॒ऽමෘතං॒ බ්රහ්ම॒ භූර්භුව॒ස්සුව॒රෝම් ॥ 35.2 (තෛ. අර. 6.35.1)

ගායත්රී උපස්ථාන මංත්රාඃ (4.31)
උ॒ත්තමේ॑ ශිඛ॑රේ ජා॒තේ॒ භූ॒ම්යාං ප॑ර්වත॒ මූර්ධ॑නි । බ්රා॒හ්මණේ᳚භ්යෝ-ऽභ්ය॑නුජ්ඤා॒තා॒ ග॒ච්ඡ දේ॑වි ය॒ථාසු॑ඛම් । ස්තුතෝ මයා වරදා වේ॑දමා॒තා॒ ප්රචෝදයංතී පවනේ᳚ ද්විජා॒තා । ආයුඃ පෘථිව්යාං-ද්රවිණං බ්ර॑හ්මව॒ර්ච॒සං॒ මහ්යං දත්වා ප්රජාතුං බ්ර॑හ්මලෝ॒කම් ॥ 36.2 (තෛ. අර. 6.36.1)

ආදිත්යදේවතා මංත්රඃ (4.32)
ඝෘණිඃ॒ සූර්ය॑ ආදි॒ත්යෝ න ප්රභා॑-වා॒ත්යක්ෂ॑රම් । මධු॑ක්ෂරංති॒ ත-ද්ර॑සම් । ස॒ත්යං-වෛඁ ත-ද්රස॒-මාපෝ॒ ජ්යෝතී॒රසෝ॒ऽමෘතං॒ බ්රහ්ම॒ භූර්භුව॒ස්සුව॒රෝම් ॥ 37.1 (තෛ. අර. 6.37.1)

ත්රිසුපර්ණමංත්රාඃ (4.33)
බ්රහ්ම॑ මේතු॒ මාම් । මධු॑ මේතු॒ මාම් । බ්රහ්ම॑-මේ॒ව මධු॑ මේතු॒ මාම් । යාස්තේ॑ සෝම ප්ර॒ජාව॒ථ්සෝ-ऽභි॒සෝ අ॒හම් । දුඃෂ්ව॑ප්න॒හන් දු॑රුෂ්වහ । යාස්තේ॑ සෝම ප්රා॒ණාග්ග්​ස්තාං ජු॑හෝමි । ත්රිසු॑පර්ණ॒ මයා॑චිතං බ්රාහ්ම॒ණාය॑ දද්යාත් । බ්ර॒හ්ම॒හ॒ත්යාං-වාඁ ඒ॒තේ ඝ්නං॑ති । යේ බ්රා᳚හ්ම॒ණා-ස්ත්රිසු॑පර්ණං॒ පඨං॑ති । තේ සෝමං॒ ප්රාප්නු॑වංති । ආ॒ස॒හ॒ස්රාත් ප॒ක්තිං පුනං॑ති । ඕම් ॥ 38.1 (තෛ. අර. 6.38.1)

බ්රහ්ම॑ මේ॒ධයා᳚ । මධු॑ මේ॒ධයා᳚ । බ්රහ්ම॑මේ॒ව මධු॑ මේ॒ධයා᳚ । අ॒ද්යා නෝ॑ දේව සවිතඃ ප්ර॒ජාව॑ථ්සාවීඃ॒ සෞභ॑ගම් । පරා॑ දුඃ॒ෂ්වප්නි॑යග්​ම් සුව । විශ්වා॑නි දේව සවිත-ර්දුරි॒තානි॒ පරා॑සුව । ය-ද්භ॒ද්රං තන්ම॒ ආසු॑ව । මධු॒වාතා॑ ඍතාය॒තේ මධු॑ක්ෂරංති॒ සිංධ॑වඃ । මාද්ධ්වී᳚ර්නඃ සං॒ත්වෝෂ॑ධීඃ । මධු॒නක්ත॑ මු॒තෝෂසි॒ මධු॑ම॒ත් පාර්ථි॑ව॒ග්​ම්॒ රජඃ॑ । මධු॒ද්යෞර॑ස්තු නඃ පි॒තා । මධු॑මාන්නෝ॒ වන॒ස්පති॒-ර්මධු॑මාග්​ම් අස්තු॒ සූර්යඃ॑ । මාද්ධ්වී॒ ර්ගාවෝ॑ භවංතු නඃ । ය ඉ॒මං ත්රිසු॑පර්ණ॒-මයා॑චිතං බ්රාහ්ම॒ණාය॑ දද්යාත් । භ්රූ॒ණ॒හ॒ත්යාං-වාඁ ඒ॒තේ ඝ්නං॑ති । යේ බ්රා᳚හ්ම॒ණා-ස්ත්රිසු॑පර්ණං॒ පඨං॑ති । තේ සෝමං॒ ප්රාප්නු॑වංති । ආ॒ස॒හ॒ස්රාත් ප॒ක්තිං පුනං॑ති । ඕම් ॥ 39.7 (තෛ. අර. 6.39.1)

බ්රහ්ම॑ මේ॒ධවා᳚ । මධු॑ මේ॒ධවා᳚ । බ්රහ්ම॑මේ॒ව මධු॑ මේ॒ධවා᳚ । බ්ර॒හ්මා දේ॒වානාං᳚ පද॒වීඃ ක॑වී॒නා-මෘෂි॒-ර්විප්රා॑ණාං මහි॒ෂෝ මෘ॒ගාණා᳚ම් । ශ්යේ॒නෝ ගෘද්ධ්රා॑ණා॒ග්ග්॒ ස්වධි॑ති॒-ර්වනා॑නා॒ග්​ම්॒ සෝමඃ॑ ප॒විත්ර॒-මත්යේ॑ති॒ රේභන්න්॑ । හ॒ග්​ම්॒සඃ ශු॑චි॒ෂ-ද්වසු॑රංතරික්ෂ॒ සද්ධෝතා॑- වේදි॒ෂ-දති॑ථි-ර්දුරෝණ॒සත් । නෘ॒ෂද්ව॑ර॒-සදෘ॑ත॒-ස-ද්ව්යෝ॑ම॒-සද॒බ්ජා- ගෝ॒ජා ඍ॑ත॒ජා අ॑ද්රි॒ජා ඍ॒තං බෘ॒හත් । ඍ॒චේත්වා॑ රු॒චේත්වා॒ සමිථ් ස්ර॑වංති ස॒රිතෝ॒ න ධේනාඃ᳚ । අං॒ත-ර්​හෘ॒දා මන॑සා පූ॒යමා॑නාඃ । ඝෘ॒තස්ය॒ ධාරා॑ අ॒භිචා॑කශීමි । හි॒ර॒ණ්යයෝ॑ වේත॒සෝ මද්ධ්ය॑ ආසාම් । තස්මිං᳚ථ් සුප॒ර්ණෝ ම॑ධු॒කෘත් කු॑ලා॒යී භජ॑න්නාස්තේ॒ මධු॑ දේ॒වතා᳚භ්යඃ । තස්යා॑ සතේ॒ හර॑යඃ ස॒ප්තතීරේ᳚ ස්ව॒ධාං දුහා॑නා අ॒මෘත॑ස්ය॒ ධාරා᳚ම් । ය ඉ॒දං ත්රිසු॑පර්ණ॒-මයා॑චිතං බ්රාහ්ම॒ණාය॑ දද්යාත් । වී॒ර॒හ॒ත්යාං-වාඁ ඒ॒තේ ඝ්නං॑ති । යේ බ්රා᳚හ්ම॒ණා-ස්ත්රිසු॑පර්ණං॒ පඨං॑ති । තේ සෝමං॒ ප්රාප්නු॑වංති । ආ॒ස॒හ॒ස්රාත් පං॒ක්තිං පුනං॑ති । ඕම් ॥ 40.6 (තෛ. අර. 6.40.1)

මේධා සූක්තං (4.34)
මේ॒ධාදේ॒වී ජු॒ෂමා॑ණා න॒ ආගා᳚-ද්වි॒ශ්වාචී॑ භ॒ද්රා සු॑මන॒ස්ය මා॑නා । ත්වයා॒ ජුෂ්ටා॑ නු॒දමා॑නා දු॒රුක්තා᳚න් බෘ॒හද්ව॑දේම වි॒දථේ॑ සු॒වීරාඃ᳚ । ත්වයා॒ ජුෂ්ට॑ ඍ॒ෂි-ර්භ॑වති දේවි॒ ත්වයා॒ බ්රහ්මා॑ऽऽග॒තශ්රී॑ රු॒ත ත්වයා᳚ । ත්වයා॒ ජුෂ්ට॑ශ්චි॒ත්රං-විඁ ං॑දතේ වසු॒ සා නෝ॑ ජුෂස්ව॒ ද්රවි॑ණෝ නමේධේ ॥ 41.1 (තෛ. අර. 6.41.1)

මේ॒ධාං ම॒ ඉංද්රෝ॑ දදාතු මේ॒ධාං දේ॒වී සර॑ස්වතී । මේ॒ධාං මේ॑ අ॒ශ්විනා॑-වු॒භාවාධ॑ත්තාං॒ පුෂ්ක॑රස්රජා ॥ අ॒ඵ්ස॒රාසු॑ ච॒ යා මේ॒ධා ගං॑ධ॒ර්වේෂු॑ ච॒ යන්මනඃ॑ । දෛවීං᳚ මේ॒ධා සර॑ස්වතී॒ සා මාං᳚ මේ॒ධා සු॒රභි॑-ර්ජුෂතා॒ග්ග්॒ ස්වාහා᳚ ॥ 42.1 (තෛ. අර. 6.42.1)

ආමාං᳚ මේ॒ධා සු॒රභි॑-ර්වි॒ශ්වරූ॑පා॒ හිර॑ණ්යවර්ණා॒ ජග॑තී ජග॒ම්යා । ඌර්ජ॑ස්වතී॒ පය॑සා॒ පින්ව॑මානා॒ සා මාං᳚ මේ॒ධා සු॒ප්රතී॑කා ජුෂංතාම් ॥ 43.1 (තෛ. අර. 6.43.1)

මයි॑ මේ॒ධාං මයි॑ ප්ර॒ජාං මය්ය॒ග්නිස්තේජෝ॑ දධාතු॒ මයි॑ මේ॒ධාං මයි॑ ප්ර॒ජාං මයීංද්ර॑ ඉංද්රි॒යං ද॑ධාතු॒ මයි॑ මේ॒ධාං මයි॑ ප්ර॒ජාං මයි॒ සූර්යෝ॒ භ්රාජෝ॑ දධාතු ॥ 44.1 (තෛ. අර. 6.44.1)

මෘත්යුනිවාරණ මංත්රාඃ (4.35)
අපෛ॑තු මෘ॒ත්යු-ර॒මෘත॑න්න॒ ආග॑න්. වෛවස්ව॒තෝ නෝ॒ අභ॑යංකෘණෝතු । ප॒ර්ණං-වඁන॒ස්පතේ॑ රිවා॒භිනඃ॑ ශීයතාග්​ම් ර॒යිඃ සච॑තාන්නඃ॒ ශචී॒පතිඃ॑ ॥ 45.1 (තෛ. අර. 6.45.1)

පරං॑ මෘත්යෝ॒ අනු॒ පරේ॑හි॒ පංථාං॒-යඁස්තේ॒ස්ව ඉත॑රෝ දේව॒යානා᳚ත් । චක්ෂු॑ෂ්මතේ ශෘණ්ව॒තේ තේ᳚ බ්රවීමි॒ මානඃ॑ ප්ර॒ජාග්​ම් රී॑රිෂෝ॒ මෝත වී॒රාන් ॥ 46.1 (තෛ. අර. 6.46.1)

වාතං॑ ප්රා॒ණං මන॑සා॒ න්වාර॑භාමහේ ප්ර॒ජාප॑තිං॒-යෝඁ භුව॑නස්ය ගෝ॒පාඃ । සනෝ॑ මෘ॒ත්යෝ ස්ත්රා॑යතාං॒ පාත්වග්​ම්හ॑සෝ॒ ජ්යෝග් ජී॒වා ජ॒රාම॑ශීමහි ॥ 47.1 (තෛ. අර. 6.47.1)

අ॒මු॒ත්ර॒ භූයා॒දධ॒ යද්ය॒මස්ය॒ බෘහ॑ස්පතේ අ॒භිශ॑ස්තේ॒ර මුං॑චඃ । ප්රත්යෞ॑හතා ම॒ශ්විනා॑ මෘ॒ත්යු ම॑ස්මා-ද්දේ॒වානා॑මග්නේ භි॒ෂජා॒ ශචී॑භිඃ ॥ 48.1 (තෛ. අර. 6.48.1)

හරි॒ග්​ම්॒ හරං॑ත॒- මනු॑යංති දේ॒වා විශ්ව॒ස්යේශා॑නං-වෘඁෂ॒භං ම॑තී॒නාම් । බ්රහ්ම॒ සරූ॑ප॒-මනු॑මේ॒දමා॑ගා॒-දය॑නං॒ මා විව॑ධී॒-ර්වික්ර॑මස්ව ॥ 49.1 (තෛ. අර. 6.49.1)

ශල්කෛ॑ර॒ග්නි-මිං॑ධා॒න උ॒භෞ ලෝ॒කෞ ස॑නේම॒හම් । උ॒භයෝ᳚ ර්ලෝ॒කයා॑-ර්​ඍ॒ධ්ද්වාऽති॑ මෘ॒ත්යුං ත॑රාම්ය॒හම් ॥ 50.1 (තෛ. අර. 6.50.1)

මා ඡි॑දෝ මෘත්යෝ॒ මා ව॑ධී॒ර්​මා මේ॒ බලං॒-විඁවෘ॑හෝ॒ මා ප්රමෝ॑ෂීඃ । ප්ර॒ජාං මා මේ॑ රීරිෂ॒ ආයු॑රුග්ර නෘ॒චක්ෂ॑සං ත්වා හ॒විෂා॑ විධේම ॥ 51.1 (තෛ. අර. 6.51.1)

මා නෝ॑ ම॒හාංත॑මු॒ත මා නෝ॑ අර්භ॒කං මා න॒ උක්ෂං॑තමු॒ත මා න॑ උක්ෂි॒තම් । මා නෝ॑ වධීඃ පි॒තරං॒ මෝත මා॒තරං॑ ප්රි॒යා මා න॑ස්ත॒නුවෝ॑ රුද්ර රීරිෂඃ ॥ 52.1 (තෛ. අර. 6.52.1)

මා න॑ස්තෝ॒කේ තන॑යේ॒ මා න॒ ආයු॑ෂි॒ මා නෝ॒ ගෝෂු॒ මා නෝ॒ අශ්වේ॑ෂු රීරිෂඃ । වී॒රාන්මා නෝ॑ රුද්ර භාමි॒තෝව॑ධී-ර්​හ॒විෂ්මං॑තෝ॒ නම॑සා විධේම තේ ॥ 53.1 (තෛ. අර. 6.53.1)

ප්රජාපති-ප්රාර්ථනා මංත්රඃ (4.36)
ප්රජා॑පතේ॒ න ත්වදේ॒තා-න්ය॒න්යෝ විශ්වා॑ ජා॒තානි॒ පරි॒තා බ॑භූව । යත් කා॑මාස්තේ ජුහු॒මස්තන්නෝ॑ අස්තු ව॒යග්ග්​ ස්යා॑ම॒ පත॑යෝ රයී॒ණාම් ॥ 54.1 (තෛ. අර. 6.54.1)

ඉංද්රප්රාර්ථනා මංත්රඃ (4.37)
ස්ව॒ස්ති॒දා වි॒ශස්පති॑-ර්වෘත්ර॒හා විමෘධෝ॑ ව॒ශී । වෘෂේංද්රඃ॑ පු॒ර ඒ॑තු නස්ස්වස්ති॒දා අ॑භයං ක॒රඃ ॥ 55.1 (තෛ. අර. 6.55.1)

මෘත්යුංජය මංත්රාඃ (4.38)
ත්ර්යං॑බකං-යඁජාමහේ සුගං॒ධිං පු॑ෂ්ටි॒වර්ධ॑නම් । උ॒ර්වා॒රු॒කමි॑ව॒ බංධ॑නාන්-මෘ॒ත්යෝ-ර්මු॑ක්ෂීය॒ මාऽමෘතා᳚ත් ॥ 56.1 (තෛ. අර. 6.56.1)

යේ තේ॑ ස॒හස්ර॑ම॒යුතං॒ පාශා॒ මෘත්යෝ॒ මර්ත්යා॑ය॒ හංත॑වේ । තාන්. ය॒ජ්ඤස්ය॑ මා॒යයා॒ සර්වා॒නව॑ යජාමහේ । මෘ॒ත්යවේ॒ ස්වාහා॑ මෘ॒ත්යවේ॒ ස්වාහා᳚ ॥ 58.1 (තෛ. අර. 6.57-58)

පාපනිවාරකා මංත්රාඃ (4.39)
දේ॒වකෘ॑ත॒ස්යෛන॑සෝ-ऽව॒යජ॑නමසි॒ ස්වාහා᳚ ।
ම॒නු॒ෂ්ය॑කෘත॒ස්යෛන॑සෝ ऽව॒යජ॑නමසි॒ ස්වාහා᳚ ।
පි॒තෘකෘ॑ත॒ස්යෛන॑සෝ ऽව॒යජ॑නමසි॒ ස්වාහා᳚ ।
ආ॒ත්මකෘ॑ත॒ස්යෛන॑සෝ ऽව॒යජ॑නමසි॒ ස්වාහා᳚ ।
අ॒න්යකෘ॑ත॒ස්යෛන॑සෝ ऽව॒යජ॑නමසි॒ ස්වාහා᳚ ।
අ॒ස්මත්කෘ॑ත॒ස්යෛන॑සෝ ऽව॒යජ॑නමසි॒ ස්වාහා᳚ ।
යද්දි॒වා ච॒ නක්තං॒ චෛන॑ශ්චකෘ॒ම තස්යා॑ ව॒යජ॑නමසි॒ ස්වාහා᳚ ।
යථ් ස්ව॒පංත॑ශ්ච॒ ජාග්ර॑ත॒-ශ්චෛන॑ශ්ච-කෘ॒ම තස්යා॑ ව॒යජ॑නමසි॒ ස්වාහා᳚ ।
යථ් සු॒ෂුප්ත॑ශ්ච॒ ජාග්ර॑ත॒-ශ්චෛන॑ශ්ච-කෘ॒ම තස්යා॑ ව॒යජ॑නමසි॒ ස්වාහා᳚ ।
ය-ද්වි॒ද්වාග්​ම්ස॒ශ්චා වි॑ද්වාග්​ම්ස॒ශ්චෛන॑ශ්ච-කෘ॒ම තස්යා॑ ව॒යජ॑නමසි॒ ස්වාහා᳚ ।
ඒනස ඒනසෝ වයජනම॑සි ස්වා॒හා ॥ 59.1 (තෛ. අර. 6.59.1)

වසු-ප්රාර්ථනා මංත්රඃ (4.40)
යද්වෝ॑ දේවාශ්චකෘ॒ම ජි॒හ්වයා॑ ගු॒රුමන॑සෝ වා॒ ප්රයු॑තී දේව॒ හේඩ॑නම් । අරා॑වා॒යෝ නෝ॑ අ॒භිදු॑ච්ඡුනා॒යතේ॒ තස්මි॒න් තදේනෝ॑ වසවෝ॒
නිධේ॑තන॒ ස්වාහා᳚ ॥ 60.1 (තෛ. අර. 6.60.1)

කාමෝऽකාර්​ෂීත් - මන්යුරකාර්​ෂීත් මංත්රඃ (4.41)
කාමෝऽකාර්​ෂී᳚න් නමෝ॒ නමඃ । කාමෝऽකාර්​ෂීත් කාමඃ කරෝති නාහං කරෝමි කාමඃ කර්තා නාහං කර්තා කාමඃ॑ කාර॒යිතා නාහං॑ කාර॒යිතා ඒෂ තේ කාම කාමා॑ය ස්වා॒හා ॥ 61.1 (තෛ. අර. 6.61.1)

මන්යුරකාර්​ෂී᳚න් නමෝ॒ නමඃ । මන්යුරකාර්​ෂීන් මන්යුඃ කරෝති නාහං කරෝමි මන්යුඃ කර්තා නාහං කර්තා මන්යුඃ॑ කාර॒යිතා නාහං॑ කාර॒යිතා ඒෂ තේ මන්යෝ මන්ය॑වේ ස්වා॒හා ॥ 62.1 (තෛ. අර. 6.62.1)

විරජා හෝම මංත්රාඃ (4.42)
තිලාංජුහෝමි සරසාග්​ම් සපිෂ්ටාන් ගංධාර මම චිත්තේ රමං॑තු ස්වා॒හා । ගාවෝ හිරණ්යං ධනමන්නපානග්​ම් සර්වේෂාග්ග්​ ශ්රි॑යෛ ස්වා॒හා । ශ්රියංච ලක්ෂ්මිංච පුෂ්ටිංච කීර්තිං॑ චා නෘ॒ණ්යතාම් । බ්රහ්මණ්යං බ॑හුපු॒ත්රතාම් । ශ්රද්ධාමේධේ ප්රජාඃ සංදදා॑තු ස්වා॒හා ॥ 63.3 (තෛ. අර. 6.63.1)

තිලාඃ කෘෂ්ණා-ස්ති॑ලාඃ ශ්වේ॒තා॒-ස්තිලාඃ සෞම්යා ව॑ශානු॒ගාඃ । තිලාඃ පුනංතු॑ මේ පා॒පං॒-යඁත්කිංචි-ද්දුරිතං ම॑යි ස්වා॒හා । චෝර॒ස්යාන්නං න॑වශ්රා॒ද්ධං॒ බ්ර॒හ්ම॒හා ගු॑රුත॒ල්පගඃ । ගෝස්තේයග්​ම් ස॑රාපා॒නං॒ භ්රූණහත්යා තිලා ශාංතිග්​ම් ශමයං॑තු ස්වා॒හා । ශ්රීශ්ච ලක්ෂ්මීශ්ච පුෂ්ටීශ්ච කීර්තිං॑ චා නෘ॒ණ්යතාම් । බ්රහ්මණ්යං බ॑හුපු॒ත්රතාම් । ශ්රද්ධාමේධේ ප්රජ්ඤාතු ජාතවේදඃ සංදදා॑තු ස්වා॒හා ॥ 64.3 (තෛ. අර. 6.64.1)

ප්රාණාපාන-ව්යානෝදාන-සමානා මේ॑ ශුද්ධ්යං॒තාං॒ ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ । වාං-මන-ශ්චක්ෂුඃ-ශ්රෝත්ර-ජිහ්වා-ඝ්රාණ-රේතෝ-බුද්ධ්යාකූතිඃ සංකල්පා මේ॑ ශුද්ධ්යං॒තාං॒ ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ । ත්වක්-චර්ම-මාග්​ම්ස-රුධිර-මේදෝ-මජ්ජා-ස්නායවෝ-ऽස්ථීනි මේ॑ ශුද්ධ්යං॒තාං॒ ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ । ශිරඃ පාණි පාද පාර්​ශ්ව පෘෂ්ඨෝ-රූදර-ජංඝ-ශිශ්ර්නෝපස්ථ පායවෝ මේ॑ ශුද්ධ්යං॒තාං॒ ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ । උත්තිෂ්ඨ පුරුෂ හරිත-පිංගල ලෝහිතාක්ෂි දේහි දේහි දදාපයිතා මේ॑ ශුද්ධ්යං॒තාං॒ ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥ 65.5 (තෛ. අර. 6.65.1)

පෘථිව්යාප ස්තේජෝ වායු-රාකාශා මේ॑ ශුද්ධ්යං॒තාං॒ ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ । ශබ්ද-ස්පර්​ශ-රූපරස-ගංධා මේ॑ ශුද්ධ්යං॒තාං॒ ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ । මනෝ-වාක්-කාය-කර්මාණි මේ॑ ශුද්ධ්යං॒තාං॒ ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ । අව්යක්තභාවෛ-ර॑හංකා॒ර॒-ර්ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ । ආත්මා මේ॑ ශුද්ධ්යං॒තාං॒ ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ । අංතරාත්මා මේ॑ ශුද්ධ්යං॒තාං॒ ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ । පරමාත්මා මේ॑ ශුද්ධ්යං॒තාං॒ ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ । ක්ෂු॒ධේ ස්වාහා᳚ । ක්ෂුත්පි॑පාසාය॒ ස්වාහා᳚ । විවි॑ට්යෛ॒ ස්වාහා᳚ । ඍග්වි॑ධානාය॒ ස්වාහා᳚ । ක॒ෂෝ᳚ත්කාය॒ ස්වාහා᳚ । ක්ෂු॒ත්පි॒පා॒සාම॑ලං ජ්යේ॒ෂ්ඨා॒ම॒ල॒ක්ෂ්මී-ර්නා॑ශයා॒ම්යහම් । අභූ॑ති॒-මස॑මෘද්ධිං॒ච॒ සර්වාං (සර්වා) නිර්ණුද මේ පාප්මා॑නග්ග්​ ස්වා॒හා । අන්නමය-ප්රාණමය-මනෝමය-විජ්ඤානමය-මානංදමය-මාත්මා මේ॑ ශුද්ධ්යං॒තාං॒ ජ්යෝති॑ ර॒හං-විඁ॒රජා॑ විපා॒ප්මා භූ॑යාස॒ග්ග්॒ ස්වාහා᳚ ॥ 66.10 (තෛ. අර. 6.66.1)

වෛශ්වදේව මංත්රාඃ (4.43)
අ॒ග්නයේ॒ ස්වාහා᳚ । විශ්වේ᳚භ්යෝ දේ॒වේභ්යඃ॒ ස්වාහා᳚ । ධ්රු॒වාය॑ භූ॒මාය॒ ස්වාහා᳚ । ධ්රු॒ව॒ක්ෂිත॑යේ॒ ස්වාහා᳚ । අ॒ච්යු॒ත॒ක්ෂිත॑යේ॒ ස්වාහා᳚ । අ॒ග්නයේ᳚ ස්විෂ්ට॒කෘතේ॒ ස්වාහා᳚ । ධර්මා॑ය॒ ස්වාහා᳚ । අධ॑ර්මාය॒ ස්වාහා᳚ । අ॒ද්භ්යඃ ස්වාහා᳚ । ඕ॒ෂ॒ධි॒ව॒න॒ස්ප॒තිභ්යඃ॒ ස්වාහා᳚ । 67.1 (තෛ. අර. 6.67.1)

ර॒ක්ෂෝ॒දේ॒ව॒ජ॒නේභ්යඃ॒ ස්වාහා᳚ ।
ගෘහ්යා᳚භ්යඃ॒ ස්වාහා᳚ । අ॒ව॒සානේ᳚භ්යඃ॒ ස්වාහා᳚ । අ॒ව॒සාන॑පතිභ්යඃ॒ ස්වාහා᳚ । ස॒ර්ව॒භූ॒තේභ්යඃ॒ ස්වාහා᳚ । කාමා॑ය॒ ස්වාහා᳚ । අං॒තරි॑ක්ෂාය॒ ස්වාහා᳚ । යදේජ॑ති॒ ජග॑ති॒ යච්ච॒ චේෂ්ට॑ති॒ නාම්නෝ॑ භා॒ගෝऽයං නාම්නේ॒ ස්වාහා᳚ । පෘ॒ථි॒ව්යෛ ස්වාහා᳚ । අං॒තරි॑ක්ෂාය॒ ස්වාහා᳚ । 67.2 (තෛ. අර. 6.67.2)

දි॒වේ ස්වාහා᳚ । සූර්යා॑ය॒ ස්වාහා᳚ । චං॒ද්රම॑සේ॒ ස්වාහා᳚ । නක්ෂ॑ත්රේභ්යඃ॒ ස්වාහා᳚ । ඉංද්රා॑ය॒ ස්වාහා᳚ । බෘහ॒ස්පත॑යේ॒ ස්වාහා᳚ । ප්ර॒ජාප॑තයේ॒ ස්වාහා᳚ । බ්රහ්ම॑ණේ॒ ස්වාහා᳚ । ස්ව॒ධා පි॒තෘභ්යඃ॒ ස්වාහා᳚ । නමෝ॑ රු॒ද්රාය॑ පශු॒පත॑යේ॒ ස්වාහා᳚ । 67.3 (තෛ. අර. 6.67.3)

දේ॒වේභ්යඃ॒ ස්වාහා᳚ । පි॒තෘභ්යඃ॑ ස්ව॒ධාऽස්තු॑ । භූ॒තේභ්යෝ॒ නමඃ॑ । ම॒නු॒ෂ්යේ᳚භ්යෝ॒ හංතා᳚ । ප්ර॒ජාප॑තයේ॒ ස්වාහා᳚ । ප॒ර॒මේ॒ෂ්ඨිනේ॒ ස්වාහා᳚ । යථා කූ॑පඃ ශ॒තධා॑රඃ ස॒හස්ර॑ධාරෝ॒ අක්ෂි॑තඃ । ඒ॒වා මේ॑ අස්තු ධා॒න්යග්​ම් ස॒හස්ර॑ධාර॒-මක්ෂි॑තම් । ධන॑ධාන්යෛ॒ ස්වාහා᳚ ॥ යේ භූ॒තාඃ ප්ර॒චරං॑ති॒ දිවා॒නක්තං॒ බලි॑-මි॒ච්ඡංතෝ॑ වි॒තුද॑ස්ය॒ ප්රේෂ්යාඃ᳚ । තේභ්යෝ॑ බ॒ලිං පු॑ෂ්ටි॒කාමෝ॑ හරාමි॒ මයි॒ පුෂ්ටිං॒ පුෂ්ටි॑පති-ර්දධාතු॒ ස්වාහා᳚ ॥ 67.4 (තෛ. අර. 6.67.4)

(ඕ॒ෂ॒ධි॒ව॒න॒ස්ප॒තිභ්යඃ॒ ස්වාහා॒ - ऽංතරි॑ක්ෂාය॒ ස්වාහා॒ - නමෝ॑ රු॒ද්රාය॑ පශු॒පත॑යේ॒ ස්වාහා॑ - වි॒තුද॑ස්ය॒ ප්රේෂ්යා॒ ඒකං॑ ච)

ඕං᳚ ත-ද්බ්ර॒හ්ම । ඕං᳚ ත-ද්වා॒යුඃ । ඕං᳚ තදා॒ත්මා । ඕං᳚ තථ් ස॒ත්යම් । ඕං᳚ තථ් සර්ව᳚ම් । ඕං᳚ තත් පුරෝ॒-ර්නමඃ । අංතශ්චරති॑ භූතේ॒ෂු॒ ගුහායාං-විඁ ॑ශ්ව මූ॒ර්තිෂු । ත්වං-යඁජ්ඤස්ත්වං-වඁෂට්කාරස්ත්ව-මිද්රස්ත්වග්​ම් රුද්රස්ත්වං​විඁෂ්ණුස්ත්වං බ්රහ්මත්වං॑ ප්රජා॒පතිඃ । ත්වං ත॑දාප॒ ආපෝ॒ ජ්යෝතී॒ රසෝ॒ऽමෘතං॒ බ්රහ්ම॒ භූර්භුව॒ස්සුව॒රෝම් ॥ 68.2 (තෛ. අර. 6.68.1)

4.44 ප්රාණාහුති මංත්රාඃ
ශ්ර॒ද්ධායාං᳚ ප්රා॒ණේ නිවි॑ෂ්ටෝ॒ऽමෘතං॑ ජුහෝමි ।
ශ්ර॒ද්ධායා॑මපා॒නේ නිවි॑ෂ්ටෝ॒ऽමෘතං॑ ජුහෝමි ।
ශ්ර॒ද්ධායාං᳚-ව්යාඁ॒නේ නිවි॑ෂ්ටෝ॒ऽමෘතං॑ ජුහෝමි ।
ශ්ර॒ද්ධායා॑මුදා॒නේ නිවි॑ෂ්ටෝ॒ऽමෘතං॑ ජුහෝමි ।
ශ්ර॒ද්ධායාග්​ම්॑ සමා॒නේ නිවි॑ෂ්ටෝ॒ऽමෘතං॑ ජුහෝමි ।
බ්රහ්ම॑ණි ම ආ॒ත්මාऽමෘ॑ත॒ත්වාය॑ ॥
අ॒මෘ॒තෝ॒ප॒ස්තර॑ණමසි ॥
ශ්ර॒ද්ධායාං᳚ ප්රා॒ණේ නිවි॑ෂ්ටෝ॒ऽමෘතං॑ ජුහෝමි ।
ශි॒වෝ මා॑ වි॒ශාප්ර॑දාහාය । ප්රා॒ණාය॒ ස්වාහා᳚ ।
ශ්ර॒ද්ධායා॑මපා॒නේ නිවි॑ෂ්ටෝ॒ऽමෘතං॑ ජුහෝමි ।
ශි॒වෝ මා॑ වි॒ශාප්ර॑දාහාය । අ॒පා॒නාය॒ ස්වාහා᳚ ।
ශ්ර॒ද්ධායාං᳚-ව්යාඁ॒නේ නිවි॑ෂ්ටෝ॒ऽමෘතං॑ ජුහෝමි ।
ශි॒වෝ මා॑ වි॒ශාප්ර॑දාහාය । ව්යා॒නාය॒ ස්වාහා᳚ ।
ශ්ර॒ද්ධායා॑-මුදා॒නේ නිවි॑ෂ්ටෝ॒ऽමෘතං॑ ජුහෝමි ।
ශි॒වෝ මා॑ වි॒ශාප්ර॑දාහාය । උ॒දා॒නාය॒ ස්වාහා᳚ ।
ශ්ර॒ද්ධායාග්​ම්॑ සමා॒නේ නිවි॑ෂ්ටෝ॒ऽමෘතං॑ ජුහෝමි ।
ශි॒වෝ මා॑ වි॒ශාප්ර॑දාහාය । ස॒මා॒නාය॒ ස්වාහා᳚ ।
බ්රහ්ම॑ණි ම ආ॒ත්මාऽමෘ॑ත॒ත්වාය॑ ॥
අ॒මෘ॒තා॒පි॒ධා॒නම॑සි ॥ 69.4 (තෛ. අර. 6.69.1)

භුක්තාන්නාභිමංත්රණ මංත්රාඃ (4.45)
ශ්ර॒ද්ධායාං᳚ ප්රා॒ණේ නිවි॑ශ්යා॒ऽමෘතග්​ම්॑ හු॒තම් । ප්රා॒ණ මන්නේ॑නාප්යායස්ව ।
ශ්ර॒ද්ධායා॑මපා॒නේ නිවි॑ශ්යා॒ऽමෘතග්​ම්॑ හු॒තම් । අ॒පා॒න මන්නේ॑නාප්යායස්ව ।
ශ්ර॒ද්ධායාං᳚-ව්යාඁ॒නේ නිවි॑ශ්යා॒ऽමෘතග්​ම්॑ හු॒තම් । ව්යා॒න මන්නේ॑නාප්යායස්ව ।
ශ්ර॒ද්ධායා॑-මුදා॒නේ නිවි॑ශ්යා॒ऽමෘතග්​ම්॑ හු॒තම් । උ॒දා॒න මන්නේ॑නාප්යායස්ව ।
ශ්ර॒ද්ධායාග්​ම්॑ සමා॒නේ නිවි॑ශ්යා॒ऽමෘතග්​ම්॑ හු॒තම් । ස॒මාන॒ මන්නේ॑නාප්යායස්ව ॥ 70.1 (තෛ. අර. 6.70.1)

භෝජනාංතේ ආත්මානුසංධාන මංත්රාඃ (4.46)
අංගුෂ්ඨමාත්රඃ පුරුෂෝऽංගුෂ්ඨංච॑ සමා॒ශ්රිතඃ । ඊශඃ සර්වස්ය ජගතඃ ප්රභුඃ ප්රීණාති॑ විශ්ව॒භුක් ॥ 71.1 (තෛ. අර. 6.71.1)

අවයවස්වස්ථතා ප්රාර්ථනා මංත්රඃ (4.47)
වාංම॑ ආ॒සන්න් । න॒සෝඃ ප්රා॒ණඃ । අ॒ක්ෂ්යෝ-ශ්චක්ෂුඃ॑ । කර්ණ॑යෝඃ॒ ශ්රෝත්ර᳚ම් । බා॒හු॒වෝ-ර්බල᳚ම් । ඌ॒රු॒වෝ රෝජඃ॑ । අරි॑ෂ්ටා॒ විශ්වා॒න්යංගා॑නි ත॒නූඃ । ත॒නුවා॑ මේ ස॒හ නම॑ස්තේ අස්තු॒ මා මා॑ හිග්​ම්සීඃ ॥ 72.1 (තෛ. අර. 6.72.1)

ඉංද්ර සප්තර්​ෂි සං​වාඁද මංත්රඃ (4.48)
වයඃ॑ සුප॒ර්ණා උප॑සේදු॒රිංද්රං॑ ප්රි॒ය මේ॑ධා॒ ඍෂ॑යෝ॒ නාධ॑මානාඃ । අප॑ද්ධ්වාං॒ත මූ᳚ර්ණු॒හි පූ॒ර්ධි චක්ෂු॑-ර්මුමු॒ග්ධ්ය॑ස්මාන් නි॒ධයේ॑ ऽවබ॒ද්ධාන් ॥ 73.1 (තෛ. අර. 6.73.1)

හෘදයාලංභන මංත්රඃ (4.49)
ප්රාණානාං ග්රංථිරසි රුද්රෝ මා॑ විශාං॒තකඃ । තේනාන්නේනා᳚-ප්යාය॒ස්ව ॥ 74.1 (තෛ. අර. 6.74.1)

දේවතා ප්රාණනිරූපණ මංත්රඃ (4.50)
නමෝ රුද්රාය විෂ්ණවේ මෘත්යු॑ර්මේ පා॒හි ॥ 75.1 (තෛ. අර. 6.75.1)

අග්නි ස්තුති මංත්රඃ (4.51)
ත්වම॑ග්නේ॒ ද්යුභි॒-ස්ත්වමා॑ශු-ශු॒ක්ෂණි॒-ස්ත්වම॒ද්භ්ය-ස්ත්වමශ්ම॑න॒ස්පරි॑ । ත්වං-වඁනේ᳚භ්ය॒-ස්ත්වමෝෂ॑ධීභ්ය॒-ස්ත්වං නෘ॒ණාං නෘ॑පතේ ජායසේ॒ ශුචිඃ॑ ॥ 76.1 (තෛ. අර. 6.76.1)

අභීෂ්ට යාචනා මංත්රඃ (4.52)
ශි॒වේන॑ මේ॒ සංති॑ෂ්ඨස්ව ස්යෝ॒නේන॑ මේ॒ සංති॑ෂ්ඨස්ව සුභූ॒තේන॑ මේ॒ සංති॑ෂ්ඨස්ව බ්රහ්මවර්ච॒සේන॑ මේ॒ සංති॑ෂ්ඨස්ව ය॒ජ්ඤස්යර්ධි॒ මනු॒ සංති॑ෂ්ඨ॒ ස්වෝප॑ තේ යජ්ඤ॒ නම॒ උප॑ තේ॒ නම॒ උප॑ තේ॒ නමඃ॑ ॥ 77.1 (තෛ. අර. 6.77.1)

පර තත්ත්ව නිරූපණං (4.53)
ස॒ත්යං පරං॒ පරග්​ම්॑ ස॒ත්යග්​ම් ස॒ත්යේන॒ න සු॑ව॒ර්ගා-ල්ලෝ॒කාච්ච්ය॑වංතේ
ක॒දාච॒න ස॒තාග්​ම් හි ස॒ත්යං තස්මා᳚ථ් ස॒ත්යේ ර॑මංතේ॒,
තප॒ ඉති॒ තපෝ॒ නානශ॑නා॒ත් පරං॒-යඁද්ධි පරං॒ තප॒ස්ත-ද්දුධ॑ර්​ෂං॒
ත-ද්දුරා॑ධර්​ෂං॒ තස්මා॒ත් තප॑සි රමංතේ॒,
දම॒ ඉති॒ නිය॑තං බ්රහ්මචා॒රිණ॒-ස්තස්මා॒-ද්දමේ॑ රමංතේ॒,
ශම॒ ඉත්යර॑ණ්යේ මු॒නය॒-ස්තස්මා॒ච්ඡමේ॑ රමංතේ,
දා॒නමිති॒ සර්වා॑ණි භූ॒තානි॑ ප්ර॒ශග්​ම්සං॑ති දා॒නාන්නාති॑ දු॒ශ්චරං॒ තස්මා᳚-ද්දා॒නේ ර॑මංතේ,
ධ॒ර්ම ඉති॒ ධර්මේ॑ණ॒ සර්ව॑මි॒දං පරි॑ගෘහීතං ධ॒ර්මාන්නාති॑-දු॒ෂ්කරං॒ තස්මා᳚-ද්-ධ॒ර්මේ ර॑මංතේ,
ප්ර॒ජන॒ ඉති॒ භූයාග්​ම්॑॑ස॒-ස්තස්මා॒-ද්භූයි॑ෂ්ඨාඃ॒ ප්රජා॑යංතේ॒ තස්මා॒-ද්භූයි॑ෂ්ඨාඃ ප්ර॒ජන॑නේ රමංතේ॒,
ऽග්නය॒ ඉත්යා॑හ॒ තස්මා॑-ද॒ග්නය॒ ආධා॑තව්යා අග්නිහෝ॒ත්ර-මිත්යා॑හ॒ තස්මා॑-දග්නිහෝ॒ත්රේ ර॑මංතේ,
ය॒ජ්ඤ ඉති॑ ය॒ජ්ඤෝ හි දේ॒වා ස්තස්මා᳚-ද්ය॒ජ්ඤේ ර॑මංතේ,
මාන॒ස-මිති॑ වි॒ද්වාග්​ම්ස॒-ස්තස්මා᳚-ද්වි॒ද්වාග්​ම්ස॑ ඒ॒ව මා॑න॒සේ ර॑මංතේ,
න්යා॒ස ඉති॑ බ්ර॒හ්මා බ්ර॒හ්මා හි පරඃ॒ පරෝ॑ හි බ්ර॒හ්මා තානි॒ වා ඒ॒තාන්යව॑රාණි॒ පරාග්​ම්॑සි න්යා॒ස ඒ॒වාත්ය॑රේචය॒-ද්ය ඒ॒වං-වේඁදේ᳚ත්යුප॒නිෂත් ॥ 78.11 (තෛ. අර. 6.78.1)

4.54 ජ්ඤාන සාධන නිරූපණං
ප්රා॒ජා॒ප॒ත්යෝ හාරු॑ණිඃ සුප॒ර්ණේයඃ॑ ප්ර॒ජාප॑තිං පි॒තර॒-මුප॑සසාර॒ කිං භ॑ගවං॒තඃ ප॑ර॒මං-වඁ ॑දං॒තීති॒ තස්මෛ॒ ප්රෝ॑වාච,
ස॒ත්යේන॑ වා॒යුරාවා॑ති ස॒ත්යේ-නා॑දි॒ත්යෝ රෝ॑චතේ දි॒වි ස॒ත්යං-වාඁ॒චඃ ප්ර॑ති॒ෂ්ඨා ස॒ත්යේ ස॒ර්වං ප්රති॑ෂ්ඨිතං॒ තස්මා᳚ථ් ස॒ත්යං ප॑ර॒මං-වඁදං॑ති॒,
තප॑සා දේ॒වා දේ॒වතා॒-මග්ර॑ ආය॒න් තප॒සර්​ෂ॑යඃ॒ සුව॒රන්ව॑-විංද॒න් තප॑සා ස॒පත්නා॒න් ප්රණු॑දා॒-මාරා॑තී॒ ස්තප॑සි ස॒ර්වං ප්රති॑ෂ්ඨිතං॒ තස්මා॒ත් තපඃ॑ පර॒මං-වඁදං॑ති॒,
දමේ॑න දාං॒තාඃ කි॒ල්බිෂ॑-මවධූ॒න්වංති॒ දමේ॑න බ්රහ්මචා॒රිණඃ॒ සුව॑රගච්ඡ॒න් දමෝ॑ භූ॒තානාං᳚ දුරා॒ධර්​ෂං॒ දමේ॑ ස॒ර්වං ප්රති॑ෂ්ඨිතං॒ තස්මා॒-ද්දමඃ॑ පර॒මං-වඁදං॑ති॒,
ශමේ॑න ශාං॒තාඃ ශි॒ව-මා॒චරං॑ති॒ ශමේ॑න නා॒කං මු॒නයෝ॒-ऽන්වවිං॑ද॒න් ඡමෝ॑ භූ॒තානාං᳚ දුරා॒ධර්​ෂං॒ ඡමේ॑ ස॒ර්වං ප්රති॑ෂ්ඨිතං॒ තස්මා॒ච්ඡමඃ॑ පර॒මං-වඁදං॑ති,
දා॒නං-යඁ॒ජ්ඤානාං॒-වඁරූ॑ථං॒ දක්ෂි॑ණා ලෝ॒කේ දා॒තාරග්​ම්॑ සර්ව භූ॒තාන්යු॑පජී॒වංති॑ දා॒නේනාරා॑තී॒-රපා॑නුදංත දා॒නේන॑ ද්විෂං॒තෝ මි॒ත්රා භ॑වංති දා॒නේ ස॒ර්වං ප්රති॑ෂ්ඨිතං॒ තස්මා᳚-ද්දා॒නං ප॑ර॒මං-වඁදං॑ති,
ධ॒ර්මෝ විශ්ව॑ස්ය॒ ජග॑තඃ ප්රති॒ෂ්ඨා ලෝ॒කේ ධ॒ර්මිෂ්ඨං॑ ප්ර॒ජා උ॑පස॒ර්පංති॑ ධ॒ර්මේණ॑ පා॒ප-ම॑ප॒නුද॑ති ධ॒ර්මේ ස॒ර්වං ප්රති॑ෂ්ඨිතං॒ තස්මා᳚-ද්ධ॒ර්මං ප॑ර॒මං-වඁදං॑ති,
ප්ර॒ජන॑නං॒-වෛඁ ප්ර॑ති॒ෂ්ඨා ලෝ॒කේ සා॒ධු ප්ර॒ජායා᳚ ස්තං॒තුං-ත॑න්වා॒නඃ පි॑තෘ॒ණා ම॑නෘ॒ණෝ භව॑ති॒ තදේ॑ව ත॒ස්යා අනෘ॑ණං॒ තස්මා᳚ත් ප්ර॒ජන॑නං පර॒මං-වඁදං॑ත්ය॒,
ග්නයෝ॒ වෛ ත්රයී॑ වි॒ද්යා දේ॑ව॒යානඃ॒ පංථා॑ ගාර්​හප॒ත්ය ඍක්-පෘ॑ථි॒වී ර॑ථංත॒ර-ම॑න්වාහා-ර්ය॒පච॑නං॒-යඁජු॑රං॒තරි॑ක්ෂං-වාඁමදේ॒ව්ය මා॑හව॒නීයඃ॒ සාම॑සුව॒ර්ගෝ ලෝ॒කෝ බෘ॒හත්-තස්මා॑-ද॒ග්නීන් ප॑ර॒මං-වඁදං॑ත්ය,
ග්නිහෝ॒ත්රග්​ම් සා॑යං ප්රා॒ත-ර්ගෘ॒හාණාං॒-නිෂ්කෘ॑තිඃ॒ ස්වි॑ෂ්ටග්​ම් සුහු॒තං-යඁ ॑ජ්ඤක්රතූ॒නාං ප්රාය॑ණග්​ම් සුව॒ර්ගස්ය॑ ලෝ॒කස්ය॒ ජ්යෝති॒-ස්තස්මා॑-දග්නිහෝ॒ත්රං ප॑ර॒මං-වඁදං॑ති,
ය॒ජ්ඤ ඉති॑ ය॒ජ්ඤේන॒ හි දේ॒වා දිවං॑ ග॒තා ය॒ජ්ඤේනාසු॑රා॒-නපා॑නුදංත ය॒ජ්ඤේන॑ ද්විෂං॒තෝ මි॒ත්රා භ॑වංති ය॒ජ්ඤේ ස॒ර්වං ප්රති॑ෂ්ඨිතං॒ තස්මා᳚-ද්ය॒ජ්ඤං ප॑ර॒මං-වඁදං॑ති,
මාන॒සං-වෛඁ ප්රා॑ජාප॒ත්යං ප॒විත්රං॑ මාන॒සේන॒ මන॑සා සා॒ධු ප॑ශ්යති මාන॒සා ඍෂ॑යඃ ප්ර॒ජා අ॑සෘජංත මාන॒සේ ස॒ර්වං ප්රති॑ෂ්ඨිතං॒ තස්මා᳚න් මාන॒සං ප॑ර॒මං-වඁදං॑ති,
න්යා॒ස ඉ॒ත්යාහු॑-ර්මනී॒ෂිණෝ᳚ බ්ර॒හ්මාණං॑ බ්ර॒හ්මා විශ්වඃ॑ කත॒මඃ ස්ව॑ය॒භුංඃ ප්ර॒ජාප॑තිඃ සං​වඁථ්සර॒ ඉති॑, සං​වඁථ්ස॒රෝ॑ ऽසාවා॑දි॒ත්යෝ ය ඒ॒ෂ ආ॑දි॒ත්යේ පුරු॑ෂඃ॒ ස ප॑රමේ॒ෂ්ඨී බ්රහ්මා॒ත්මා,

යාභි॑රාදි॒ත්ය-ස්තප॑ති ර॒ශ්මිභි॒ස්තාභිඃ॑ ප॒ර්ජන්යෝ॑ වර්​ෂති ප॒ර්ජන්යේ॑-නෞෂධි-වනස්ප॒තයඃ॒ ප්රජා॑යංත ඕෂධි-වනස්ප॒තිභි॒-රන්නං॑ භව॒ත්යන්නේ॑න ප්රා॒ණාඃ ප්රා॒ණෛ-ර්බලං॒ බලේ॑න॒ තප॒-ස්තප॑සා ශ්ර॒ද්ධා ශ්ර॒ද්ධයා॑ මේ॒ධා මේ॒ධයා॑ මනී॒ෂා ම॑නී॒ෂයා॒ මනෝ॒ මන॑සා॒ ශාංතිඃ॒ ශාංත්යා॑ චි॒ත්තං චි॒ත්තේන॒ ස්මෘති॒ග්ග්॒ ස්මෘත්යා॒ ස්මාර॒ග්ග්॒ ස්මාරේ॑ණ වි॒ජ්ඤානං॑-විඁ॒ජ්ඤානේ॑-නා॒ත්මානං॑-වේඁදයති॒ තස්මා॑ද॒න්නං දදං॒ථ් සර්වා᳚ණ්යේ॒තානි॑ දදා॒-ත්යන්නා᳚ත් ප්රා॒ණා භ॑වංති,
භූ॒තානාං᳚ ප්රා॒ණෛ-ර්මනෝ॒ මන॑සශ්ච වි॒ජ්ඤානං॑-විඁ॒ජ්ඤානා॑-දානං॒දෝ බ්ර॑හ්ම යෝ॒නිඃ ස වා ඒ॒ෂ පුරු॑ෂඃ පංච॒ධා පං॑චා॒ත්මා යේන॒ සර්ව॑මි॒දං ප්රෝතං॑ පෘථි॒වී චාං॒තරි॑ක්ෂං ච॒ ද්යෞශ්ච॒ දිශ॑ශ්චාවාංතරදි॒ශාශ්ච॒ ස වෛ සර්ව॑මි॒දං ජග॒ථ්ස ස॒භූතග්​ම්॑ ස භ॒ව්යං ජි॑ජ්ඤාස ක්ලෘ॒ප්ත ඍ॑ත॒ජා රයි॑ෂ්ඨා,
ශ්ර॒ද්ධා ස॒ත්යෝ මහ॑ස්වාන් ත॒පසෝ॒ පරි॑ෂ්ඨා॒ද් (වරි॑ෂ්ඨා॒ද්) ජ්ඤාත්වා॑ තමේ॒වං මන॑සා හෘ॒දා ච॒ භූයෝ॑ න මෘ॒ත්යු-මුප॑යාහි වි॒ද්වාන් තස්මා᳚-න්න්යා॒ස-මේ॒ෂාං තප॑සා-මතිරික්ත॒මාහු॑-ර්වසුර॒ණ්වෝ॑ වි॒භූර॑සි ප්රා॒ණේ ත්වමසි॑ සංධා॒තා
බ්රහ්ම॑න් ත්වමසි॑ විශ්ව॒ධෘත්තේ॑-ජෝ॒දාස් ත්වම॑ස්ය॒ග්නි-ර॑සි වර්චෝ॒දා-ස්ත්වම॑සි॒ සූර්ය॑ස්ය ද්යුම්නෝ॒දා ස්ත්වම॑සි චං॒ද්රම॑ස උපයා॒මගෘ॑හීතෝऽසි බ්ර॒හ්මණේ᳚ ත්වා॒ මහස॒,
ඕමිත්යා॒ත්මානං॑-යුංඁජීතෛ॒තද්වෛ ම॑හෝප॒නිෂ॑දං දේ॒වානාං॒ ගුහ්යං॒-යඁ ඒ॒වං-වේඁද॑ බ්ර॒හ්මණෝ॑ මහි॒මාන॑-මාප්නෝති॒ තස්මා᳚-ද්බ්ර॒හ්මණෝ॑ මහි॒මාන॑-මිත්යුප॒නිෂත් ॥ 79.20 (තෛ. අර. 6.79.1)

ජ්ඤානයජ්ඤඃ (4.55)
තස්යෛ॒වං-විඁ॒දුෂෝ॑ ය॒ජ්ඤස්යා॒ත්මා යජ॑මානඃ-ශ්ර॒ධ්දාපත්නී॒ ශරී॑ර-මි॒ද්ධ්මමුරෝ॒
වේදි॒-ර්ලෝමා॑නි බ॒ර॒ඃඉ-ර්වේ॒දඃ-ශිඛා॒ හෘද॑යං॒-යූඁපඃ॒ කාම॒ ආජ්යං॑ ම॒න්යුඃ ප॒ශු-ස්තපෝ॒ऽග්නි-ර්දමඃ॑ ශමයි॒තා දක්ෂි॑ණා॒-වාග්ඝෝතා᳚ ප්රා॒ණ
උ॑ද්ග॒තා චක්ෂු॑රධ්ව॒ර්යු-ර්මනෝ॒ බ්රහ්මා॒ ශ්රෝත්ර॑ම॒ග්නී-ධ්යාව॒ධ්ද්රිය॑තේ॒ සා දී॒ක්ෂා යදශ්ර්නා॑ති॒ තධ්දවි॒-ර්යත්පිබ॑ති॒ තද॑ස්ය සෝමපා॒නං-යඁද්රම॑තේ॒ තදු॑ප॒සදෝ॒ යථ් සං॒චර॑-ත්යුප॒විශ॑-ත්යු॒ත්තිෂ්ඨ॑තේ ච॒ සප්ර॑ව॒ර්ග්යෝ॑ යන්මුඛං॒ තදා॑හව॒නීයෝ॒ යා ව්යාහෘ॑ති-රාහු॒ති-ර්යද॑ස්ය වි॒ජ්ඤානං॒ තජ්ජු॒හෝති॒ යථ්සා॒යං ප්රා॒තර॑ත්ති॒ තථ්ස॒මිධං॒-යඁත්ප්රා॒ත-ර්ම॒ද්ධ්යංදි॑නග්​ම් සා॒යං ච॒ තානි॒ සව॑නානි॒ යේ අ॑හෝරා॒ත්රේ තේ ද॑ර්​ශපූර්ණමා॒සෞ යේ᳚ऽර්ධමා॒සාශ්ච॒ මාසා᳚ශ්ච॒ තේ චා॑තුර්මා॒ස්යානි॒ ය ඍ॒තව॒ස්තේ ප॑ශුබං॒ධා යේ සං॑​වඁථ්ස॒රාශ්ච॑ පරිවථ්ස॒රාශ්ච॒ තේऽහ॑ර්​ග॒ණාඃ ස॑ර්ව වේද॒සං-වාඁ ඒ॒තථ් ස॒ත්රං-යඁන්මර॑ණං॒ තද॑ව॒භෘථ॑
ඒ॒තද්වෛ ජ॑රාමර්ය-මග්නිහෝ॒ත්රග්​ම් ස॒ත්රං-යඁ ඒ॒වං-විඁ॒ද්වා-නු॑ද॒ගය॑නේ ප්ර॒මීය॑තේ
දේ॒වානා॑මේ॒ව ම॑හි॒මානං॑ ග॒ත්වාऽऽදි॒ත්යස්ය॒ සායු॑ජ්යං ගච්ඡ॒ත්යථ॒ යෝ ද॑ක්ෂි॒ණේ ප්ර॒මීය॑තේ පිතෘ॒ණා-මේ॒ව ම॑හි॒මානං॑ ග॒ත්වා චං॒ද්රම॑සඃ॒ සායු॑ජ්යග්​ම් සලෝ॒කතා॑-මාප්නෝත්යේ॒තෞ වෛ සූ᳚ර්යා චංද්ර॒මසෞ᳚-ර්මහි॒මානෞ᳚ බ්රාහ්ම॒ණෝ වි॒ද්වා-න॒භිජ॑යති॒ තස්මා᳚-ද්බ්ර॒හ්මණෝ॑ මහි॒මාන॑මාප්නෝති॒ තස්මා᳚-ද්බ්ර॒හ්මණෝ॑ මහි॒මාන॑-මිත්යුප॒නිෂත් ॥ 80.1 (තෛ. අර. 6.80.1)

ස॒හ නා॑ වවතු । ස॒හ නෞ॑ භුනක්තු । ස॒හ වී॒ර්යං॑ කරවාවහෛ । තේ॒ජ॒ස්විනා॒ වධී॑තමස්තු॒ මා වි॑ද්විෂා॒වහෛ᳚ ॥
॥ ඕං ශාංතිඃ॒ ශාංතිඃ॒ ශාංතිඃ॑ ॥

ඉති මහානාරායණෝපනිෂත් සමාප්තා

(අංභ॒ස්යෛක॑පංචා॒ශච්ඡ॒තං - ජා॒තවේ॑දසේ॒ චතු॑ර්දශ॒ - භූරන්නං॒ - භූර॒ග්නයේ॒ - භූර॒ග්නයේ॒ චෛක॑මේකං - පාහි - පා॒හි ච॒ත්වාරි॑ චත්වාරි॒ - යඃ ඡංද॑සාං॒ ද්වේ - නමෝ॒ බ්රහ්ම॑ණේ - ඍ॒තං තපෝ॒ - යථා॑ වෘ॒ක්ෂස්යෛක॑ මේක - ම॒ණෝරණී॑යා॒ග්ග්॒ ශ්චතු॑ස්ත්රිග්​ම්ශථ් - සහස්ර॒ශී॑ෂ॒ග්​ම්॒ ෂට්වි॑ග්​ම්ශති - රාදි॒ත්යෝ වා ඒ॒ෂ - ආ॑දි॒ත්යෝ වෛ තේජ॒ ඒක॑මේකං॒ - නිධ॑නපතයේ॒ ත්රයෝ॑විග්​ම්ශතිඃ - ස॒ද්යෝජා॒තං ත්රීණි॑ - වාමදේ॒වායෛක॑ - ම॒ඝෝරේ᳚භ්ය॒ - ස්තත්පුරු॑ෂාය॒ ද්වේ ද්වේ॒ - ඊශානෝ - නමෝ හිරණ්යබාහව॒ ඒක॑මේක - මෘ॒තග්​ම් ස॒ත්යං ද්වේ - සර්වෝ॒ වෛ ච॒ත්වාරි॒ - කද්රු॒ද්රාය॒ ත්රීණි॒ - යස්ය॒ වෛ කංක॑තී - කෘණු॒ෂ්ව පාජෝ - ऽදි॑ති॒ - රාපෝ॒ වා ඉ॒දග්​ම් සර්ව॒ මේක॑මේක॒ - මාපඃ॑ පුනංතු ච॒ත්වා - ර්යග්නිශ්ච - සූර්යශ්ච නව॑ - න॒වෝමිති॑ ච॒ත්වා - ර්යායා॑තු॒ පචෞ - ජෝ॑ऽසි॒ දශෝ॒ - ත්තමේ॑ ච॒ත්වාරි॒ - ඝෘණි॒ස්ත්රීණි॒ - බ්රහ්ම॑මේතු॒ මාං-යාඁස්තේ᳚ බ්රහ්මහ॒ත්යාං ද්වාද॑ශ॒ - බ්රහ්ම॑ මේ॒ධයා॒ऽද්යා න॑ ඉ॒මං භ්රූ॑ෂහ॒ත්යාං - බ්රහ්ම॑ මේ॒ධවා᳚ බ්ර॒හ්මා දේ॒වානා॑මි॒දං-වීඁ ॑රහ॒ත්යාමේකා॒න්න වි॑ග්​ම්ශති॒ රේකා॒න්නවි॑ග්​ම්ශති--ර් මේ॒ධා දේ॒වී - මේ॒ධාං ම॒ ඉංද්ර॑ශ්ච॒ත්වාරි॑ චත්වා॒ර්යා - මාං᳚ මේ॒ධා ද්වේ - මයි॑ මේ॒ධා මේක॒- මපෛ॑තු॒ - පරං॒ - ඁවාතං॑ ප්රා॒ණ - ම॑මුත්ර॒භූයා॒-ද්- ද්ධරි॒ග්​ම්॒ - ශල්කෛ॑ර॒ග්නිං - මා ඡි॑දෝ මෘත්යෝ॒ - මා නෝ॑ ම॒හාංතං॒ - මාන॑ස්තෝ॒කේ - ප්රජා॑පතේ - ස්වස්ති॒දා - ත්ර්යං॑බකං॒ - ඁයේ තේ॑ ස॒හස්රං॒ ද්වේ ද්වේ - මෘ॒ත්යවේ॒ ස්වාහෛකං॑ - දේ॒වකෘ॑ත॒ස්යෛකා॑දශ॒ - යද්වෝ॑ දේවාඃ॒ - කාමෝऽකාර්​ෂී॒න් - මන්යුරකාර්​ෂී॒-ද්ද්වේ ද්වේ॒ - තිලාංජුහෝමි ගාවඃ ශ්රියං ප්ර॑ජාඃ පංච॒ - තිලාඃ කෘණ්ෂාශ්චෝර॑ස්ය॒ ශ්රීඃ ප්රජ්ඤාතු ජාතවේ॑දඃ ස॒ප්ත - ප්රාණ වාක් ත්වක් ඡිර උත්තිෂ්ඨ පුරුෂ॑ පංච॒ - පෘථිවී ශබ්ද මනෝ වාග් ව්යක්තාऽऽත්මාऽංතරාත්මා පරමාත්මා මේ᳚ ක්ෂු॒ධේऽන්නමය॒ පංච॑දශා॒ - ග්නයේ॒ ස්වාහෛක॑චත්වාරි॒ග්​ම්॒ශ - ර්දෝ᳚ ංතද්බ්ර॒හ්ම නව॑ - ශ්ර॒ද්ධායාං᳚ ප්රා॒ණේ නිවිෂ්ට॒ ශ්චතු॑ර්විග්​ම්ශතිඃ - ශ්ර॒ද්ධායාං॒ දශා - ංගුෂ්ඨ මාත්රඃ පුරුෂෝ ද්වේ - වාංම॑ ආ॒සන්න॒ෂ්ටෞ - වයඃ॑ සුප॒ර්​ෂාඃ - ප්රාණානාං ග්රංථිරසි ද්වේ ද්වේ - නමෝ රුද්රායෛකං॒ - ත්වම॑ග්නේ॒ ද්යුභිර්॒ ද්වේ - ශි॒වේන॑ මේ॒ සංති॑ෂ්ඨස්ව - ස॒ත්යං - ප්රා॑ජාප॒ත්ය - ස්තස්යෛ॒ව මේක॑ මේක॒ මශතිඃ)