ප්රථමඃ ප්රශ්නඃ
ඕං නමඃ පරමාත්මනේ । හරිඃ ඕම් ॥
සුකේශා ච භාරද්වාජඃ ශෛබ්යශ්ච සත්යකාමඃ සෞර්යායණී ච ගාර්ග්යඃ කෞසල්යශ්චාශ්වලායනෝ භාර්ගවෝ වෛදර්භිඃ කබංධී කාත්යායනස්තේ හෛතේ බ්රහ්මපරා බ්රහ්මනිෂ්ඨාඃ පරං බ්රහ්මාන්වේෂමාණාඃ ඒෂ හ වෛ තත්සර්වං-වඁක්ෂ්යතීති තේ හ සමිත්පාණයෝ භගවංතං පිප්පලාදමුපසන්නාඃ ॥1॥
තාන්‌ හ ස ඍෂිරුවාච භූය ඒව තපසා බ්රහ්මචර්යේණ ශ්රද්ධයා සංවඁත්සරං සංවඁත්ස්යථ යථාකාමං ප්රශ්නාන්‌ පෘච්ඡත යදි විජ්ඤාස්යාමඃ සර්වං හ වෝ වක්ෂාම ඉති ॥2॥
අථ කබංධී කාත්යායන උපේත්ය පප්රච්ඡ භගවන්‌ කුතෝ හ වා ඉමාඃ ප්රජාඃ ප්රජායංත ඉති ॥3॥
තස්මෛ ස හෝවාච-
ප්රජාකාමෝ වෛ ප්රජාපතිඃ ස තපෝऽතප්යත ස තපස්තප්ත්වා ස මිථුනමුත්පාදයතේ।
රයිං ච ප්රාණංචේති ඒතෞ මේ බහුධා ප්රජාඃ කරිෂ්යත ඉති ॥4॥
ආදිත්යෝ හ වෛ ප්රාණෝ රයිරේව චංද්රමාඃ රයිර්වා ඒතත්‌ සර්වං-යඁන්මූර්තං චාමූර්තං ච තස්මාන්මූර්තිරේව රයිඃ ॥5॥
අථාදිත්ය උදයන් යත් ප්රාචීං දිශං ප්රවිශති තේන ප්රාච්යාන්‌ ප්රාණාන්‌ රශ්මිෂු සන්නිධත්තේ।
යද්දක්ෂිණාං-යඁත්‌ ප්රතීචීං-යඁදුදීචීං-යඁදධෝ යදූර්ධ්වං-යඁදංතරා දිශෝ යත්සර්වං ප්රකාශයති තේන සර්වාන්‌ ප්රාණාන්‌ රශ්මිෂු සන්නිධත්තේ ॥6॥
ස ඒෂ වෛශ්වානරෝ විශ්වරුපඃ ප්රාණෝऽග්නිරුදයතේ।
තදේතද් ඍචාऽභ්යුක්තම්‌ ॥7॥
විශ්වරූපං හරිණං ජාතවේදසං පරායණං ජ්යෝතිරේකං තපංතම්‌।
සහස්රරශ්මිඃ ශතධා වර්තමානඃ ප්රාණඃ ප්රජානාමුදයත්යේෂ සූර්යඃ ॥8॥
සංවඁත්සරෝ වෛ ප්රජාපතිඃ ස්තස්යායනේ දක්ෂිණංචෝත්තරං ච।
තද්යේ හ වෛ තදිෂ්ටාපූර්තේ කෘතමිත්යුපාසතේ තේ චාංද්රමසමේව ලෝකමභිජයංතේ ත ඒව පුනරාවර්තංතේ।
තස්මාදේත ඍෂයඃ ප්රජාකාමා දක්ෂිණං ප්රතිපද්යංතේ। ඒෂ හ වෛ රයිර්යඃ පිතෘයාණඃ ॥9॥
අථෝත්තරේණ තපසා බ්රහ්මචර්යේණ ශ්රද්ධයා විද්යයාත්මානමන්විෂ්යාදිත්යමභිජයංතේ।
ඒතද්වෛ ප්රාණානාමායතනමේතදමෘතමභයමේතත්‌ පරායණමේතස්මාන්න පුනරාවර්තංත ඉත්යේෂ නිරෝධඃ। තදේෂ ශ්ලෝකඃ ॥10॥
පංචපාදං පිතරං ද්වාදශාකෘතිං දිව ආහුඃ පරේ අර්ධේ පුරීෂිණම්‌।
අථේමේ අන්ය උ පරේ විචක්ෂණං සප්තචක්රේ ෂඩර ආහුරර්පිතමිති ॥11॥
මාසෝ වෛ ප්රජාපතිස්තස්ය කෘෂ්ණපක්ශ ඒව රයිඃ ශුක්ලඃ ප්රණස්තස්මාදේත ඍෂයඃ ශුක්ල ඉෂ්ටං කුර්වංතීතර ඉතරස්මින්‌ ॥12॥
අහෝරාත්රෝ වෛ ප්රජාපතිස්තස්යාහරේව ප්රාණෝ රාත්රිරේව රයිඃ।
ප්රාණං-වාඁ ඒතේ ප්රස්කංදංති යේ දිවා රත්යා සංයුඁජ්යංතේ බ්රහ්මචර්යමේව තද්යද්රාත්රෞ රත්යා සංයුඁජ්යංතේ ॥13॥
අන්නං-වෛඁ ප්රජාපතිස්තතෝ හ වෛ තද්රේතස්තස්මාදිමාඃ ප්රජාඃ ප්රජායංත ඉති ॥14॥
තද්යේ හ වෛ තත්ප්රජාපතිව්රතං චරංති තේ මිථුනමුත්පාදයංතේ।
තේෂාමේවෛෂ බ්රහ්මලෝකෝ යේෂාං තපෝ බ්රහ්මචර්යං-යේඁෂු සත්යං ප්රතිෂ්ඨිතම්‌ ॥15॥
තේෂාමසෞ විරජෝ බ්රහ්මලෝකෝ න යේෂු ජිහ්මමනෘතං න මායා චේති ॥16॥
