චතුර්ථඃ ප්රශ්නඃ
අථ හෛනං සෞර්යායණි ගාර්ග්යඃ පප්රච්ඡ।
භගවන්නේතස්මින්‌ පුරුෂේ කානි ස්වපංති කාන්යස්මිංජාග්රති කතර ඒෂ දේවඃ ස්වප්නාන් පශ්යති කස්යෛතත්සුඛං භවති කස්මින්නු සර්වේ සංප්රතිෂ්ඨිතා භවංතීති ॥1॥
තස්මෛ ස හෝවාච। යථ ගාර්ග්ය මරීචයෝऽර්කස්යාස්තං ගච්ඡතඃ සර්වා ඒතස්මිංස්තේජෝමංඩල ඒකීභවංති।
තාඃ පුනඃ පුනරුදයතඃ ප්රචරංත්යේවං හ වෛ තත්‌ සර්වං පරේ දේවේ මනස්යේකීභවති।
තේන තර්හ්යේෂ පුරුෂෝ න ශෘණෝති න පශ්යති න ජිඝ්රති න රසයතේ න ස්පෘශතේ නාභිවදතේ නාදත්තේ නානංදයතේ න විසෘජතේ නේයායතේ ස්වපිතීත්යාචක්ෂතේ ॥2॥
ප්රාණාග්රය ඒවෛතස්මින්‌ පුරේ ජාග්රති।
ගාර්හපත්යෝ හ වා ඒෂෝऽපානෝ ව්යානෝऽන්වාහාර්යපචනෝ යද් ගාර්හපත්යාත්‌ ප්රණීයතේ ප්රණයනාදාහවනීයඃ ප්රාණඃ ॥3॥
යදුච්ඡ්වාසනිඃශ්වාසාවේතාවාහුතී සමං නයතීති ස සමානඃ।
මනෝ හ වාව යජමානඃ ඉෂ්ටඵලමේවෝදානඃ ස ඒනං-යඁජමානමහරහර්බ්රහ්ම ගමයති ॥4॥
අත්රෛෂ දේවඃ ස්වප්නේ මහිමානමනුභවති।
යද් දෘෂ්ටං දෘෂ්ටමනුපශ්යති ශ්රුතං ශ්රුතමේවාර්ථමනුශෘණෝති දේශදිගංතරෛශ්ච ප්රත්යනුභූතං පුනඃ පුනඃ ප්රත්යනුභවති දෘෂ්ටං චාදෘෂ්ටං ච ශ්රුතං චාශ්රුතං චානුභූතං චානනුභූතං ච සච්චාසච්ච සර්වං පශ්යති සර්වඃ පස්යති ॥5॥
ස යදා තේජසාභිභූතෝ භවත්යත්රෛෂ දේවඃ ස්වප්නාන් න පශ්යත්යථ යදෛතස්මිඤ්ශරීරේ ඒතත්සුඛං භවති ॥6॥
ස යථා සෝභ්ය වයාංසි වසෝවෘක්ෂං සංප්රතිෂ්ඨංතේ ඒවං හ වෛ තත්‌ සර්වං පර ආත්මනි සංප්රතිෂ්ඨතේ ॥7॥
පෘථිවී ච පෘථිවීමාත්රා චාපශ්චාපෝමාත්රා ච තේජශ්ච තේජෝමාත්රා ච වායුශ්ච වායුමාත්රා චාකාශශ්චාකාශමාත්රා ච චක්ෂුශ්ච ද්රෂ්ටව්යං ච ශ්රෝත්රං ච ශ්රෝතව්යං ච ඝ්රාණං ච ඝ්රාතව්යං ච රසශ්ච රසයිතව්යං ච ත්වක්ච ස්පර්ශයිතව්යං ච වාක්ච වක්තව්යං ච හස්තෞ චාදාතව්යං චෝපස්ථශ්චානංදයිතව්යං ච පායුශ්ච විසර්ජයිතව්යං ච යාදෞ ච ගංතව්යං ච මනශ්ච මංතව්යං ච බුද්ධිශ්ච බෝද්ධව්යං චාහංකාරශ්චාහංකර්තව්යං ච චිත්තං ච චේතයිතව්යං ච තේජශ්ච විද්යෝතයිතව්යං ච ප්රාණශ්ච විද්යාරයිතව්යං ච ॥8॥
ඒෂ හි ද්රෂ්ට ස්ප්රෂ්ටා ශ්රෝතා ඝ්රාතා රසයිතා මංතා බෝද්ධා කර්තා විජ්ඤානාත්මා පුරුෂඃ।
ස පරේऽක්ෂර ආත්මනි සංප්රතිෂ්ඨතේ ॥9॥
පරමේවාක්ෂරං ප්රතිපද්යතේ ස යෝ හ වෛ තදච්ඡායමශරීරම්ලෝහිතං ශුභ්රමක්ෂරං-වේඁදයතේ යස්තු සෝම්ය ස සර්වජ්ඤඃ සර්වෝ භවති තදේෂ ශ්ලෝකඃ ॥10॥
විජ්ඤානාත්මා සහ දේවෛශ්ච සර්වෛඃ ප්රාණා භුතානි සංප්රතිෂ්ඨංති යත්ර।
තදක්ෂරං-වේඁදයතේ යස්තු සෝම්ය ස සර්වජ්ඤඃ සර්වමේවාවිවේශේති ॥11॥
