අධ්යාය 2
වල්ලී 2

පුරමේකාදශද්වාරමජස්යාවක්රචේතසඃ।
අනුෂ්ඨාය න ශෝචති විමුක්තශ්ච විමුච්යතේ। ඒතද්වෛ තත්‌ ॥ ॥1॥

හංසඃ ශුචිෂද්වසුරාංතරික්ෂසද්ධෝතා වේදිෂදතිථිර්දුරෝණසත්‌।
නෘෂද්වරසදෘතසද්ව්යෝමසදබ්ජා ගෝජා ඍතජා අද්රිජා ඍතං බෘහත්‌ ॥ ॥2॥

ඌර්ධ්වං ප්රාණමුන්නයත්යපානං ප්රත්යගස්යති।
මධ්යේ වාමනමාසීනං-විඁශ්වේ දේවා උපාසතේ ॥ ॥3॥

අස්ය විස්රංසමානස්ය ශරීරස්ථස්ය දේහිනඃ।
දේහාද්විමුච්යමානස්ය කිමත්ර පරිශිෂ්යතේ। ඒතද්වෛ තත්‌ ॥ ॥4॥

න ප්රාණේන නාපානේන මර්ත්යෝ ජීවති කශ්චන।
ඉතරේණ තු ජීවංති යස්මින්නේතාවුපාශ්රිතෞ ॥ ॥5॥

හංත ත ඉදං ප්රවක්ෂ්යාමි ගුහ්යං බ්රහ්ම සනාතනම්‌।
යථා ච මරණං ප්රාප්ය ආත්මා භවති ගෞතම ॥ ॥6॥

යෝනිමන්යේ ප්රපද්යංතේ ශරීරත්වාය දේහිනඃ।
ස්ථාණුමන්යේऽනුසං​යංඁති යථාකර්ම යථාශ්රුතම්‌ ॥ ॥7॥

ය ඒෂ සුප්තේෂු ජාගර්ති කාමං කාමං පුරුෂෝ නිර්මිමාණඃ।
තදේව ශුක්රං තද් බ්රහ්ම තදේවාමෘතමුච්යතේ।
තස්මිං​ල්ලෝඁකාඃ ශ්රිතාඃ සර්වේ තදු නාත්යේති කශ්චන। ඒතද්වෛ තත්‌ ॥ ॥8॥

අග්නිර්යථෛකෝ භුවනං ප්රවිෂ්ටෝ රූපං රූපං ප්රතිරූපෝ බභූව।
ඒකස්තථා සර්වභූතාංතරාත්මා රූපං රූපං ප්රතිරූපෝ බහිශ්ච ॥ ॥9॥

වායුර්යථෛකෝ භුවනං ප්රවිෂ්ටෝ රූපං රූපං ප්රතිරූපෝ බභූව।
ඒකස්තථා සර්වභූතාංතරාත්මා රූපං රූපං ප්රතිරූපෝ බහිශ්ච ॥ ॥10॥

සූර්යෝ යථා සර්වලෝකස්ය චක්ෂුර්න ලිප්යතේ චාක්ෂුෂෛර්බහ්යිදෝෂෛඃ।
ඒකස්තථා සර්වභූතාංතරාත්මා න ලිප්යතේ ලෝකදුඃඛේන බාහ්යඃ ॥ ॥11॥

ඒකෝ වශී සර්වභූතාංතරාත්මා ඒකං රූපං බහුධා යඃ කරෝති।
තමාත්මස්ථං-යේඁऽනුපශ්යංති ධීරාස්තේෂාං සුඛං ශාශ්වතං නේතරේෂාම්‌ ॥ ॥12॥

නිත්යෝऽනිත්යානාං චේතනශ්චේතනානාමේකෝ බහූනාං-යෝඁ විදධාති කාමාන්‌।
තමාත්මස්ථං-යේඁऽනුපශ්යංති ධීරාස්තේෂාං ශාංතිඃ ශාශ්වතී නේතරේෂාම්‌ ॥ ॥13॥

තදේතදිති මන්යංතේऽනිර්දේශ්යං පරමං සුඛම්‌।
කථං නු තද්විජානීයාං කිමු භාති විභාති වා ॥ ॥14॥

න තත්ර සූර්යෝ භාති න චංද්රතාරකං නේමා විද්යුතෝ භාංති කුතෝऽයමග්නිඃ।
තමේව භාංතමනුභාති සර්වං තස්ය භාසා සර්වමිදං-විඁභාති ॥ ॥15॥