පංචමඃ ප්රශ්නඃ
අථ හෛනං සෛබ්යඃ සත්යකාමඃ පප්රච්ඡ।
ස යෝ හ වෛ තද් වගවන්මනුෂ්යේෂු ප්රායණාංතමෝංකාරමභිධ්යායීත කතමං-වාඁව ස තේන ලෝකං ජයතීති ॥1॥
තස්මෛ ස හෝවාච ඒතද් වෛ සත්යකාම පරං චාපරං ච බ්රහ්ම යදෝංකාරඃ।
තස්මාද් විද්වානේතේනෛවායතනේනෛකතරමන්වේති ॥2॥
ස යධ්යේකමාත්රමභිධ්යායීත ස තේනෛව සංවේඁදිතස්තූර්ණමේව ජගත්යාභිසංපධ්යතේ।
තමෘචෝ මනුෂ්යලෝකමුපනයංතේ ස තත්ර තපසා බ්රහ්මචර්යේණ ශ්රද්ධයා සංපන්නෝ මහිමානමනුභවති ॥3॥
අථ යදි ද්විමාත්රේණ මනසි සංපද්යතේ සෝऽංතරික්ෂං-යඁජුර්භිරුන්නීයතේ සෝමලෝකම්‌।
ස සෝමලෝකේ විභුතිමනුභූය පුනරාවර්තතේ ॥4॥
යඃ පුනරේතං ත්රිමාත්රේණෝමිත්යේතේනෛවාක්ෂරේණ පරං පුරුෂමභිධ්යායීත ස තේජසි සූර්යේ සංපන්නඃ।
යථා පාදෝදරස්ත්වචා විනිර්භුච්යත ඒවං හ වෛ ස පාප්මනා විනිර්භුක්තඃ ස සාමභිරුන්නීයතේ බ්රහ්මලෝකං ස ඒතස්මාජ්ජීවඝනාත්පරාත්පරං පුරිශයං පුරුෂමීක්ෂතේ තදේතෞ ශ්ලෝකෞ භවතඃ ॥5॥
තිස්රෝ මාත්රා මෘත්යුමත්යඃ ප්රයුක්තා අන්යෝන්යසක්තාඃ අනවිප්රයුක්තාඃ।
ක්රියාසු බාහ්යාංතරමධ්යමාසු සම්යක්ප්රයුක්තාසු න කංපතේ ජ්ඤඃ ॥6॥
ඍග්භිරේතං-යඁජුර්භිරංතරික්ෂං සාමභිර්යත්තත්කවයෝ වේදයංතේ।
තමෝංකාරේණෛවායතනේනාන්වේති විද්වාන්‌ යත්තච්ඡාංතමජරමමෘතමභයං පරං චේති ॥7॥
