අධ්යාය 2
වල්ලී 3
ඌර්ධ්වමූලෝऽවාක්ශාඛ ඒෂෝऽශ්වත්ථඃ සනාතනඃ।
තදේව ශුක්රං තද් බ්රහ්ම තදේවාමෘතමුච්යතේ।
තස්මිංල්ලෝඁකාඃ ශ්රිතාඃ සර්වේ තදු නාත්යේති කශ්චන। ඒතද්වෛ තත් ॥1॥
යදිදං කිං ච ජගත්සර්වං ප්රාණ ඒජති නිඃසෘතම්।
මහද් භයං-වඁජ්රමුද්යතං-යඁ ඒතද්විදුරමෘතාස්තේ භවංති ॥2॥
භයාදස්යාග්නිස්තපති භයාත්තපති සූර්යඃ।
භයාදිංද්රශ්ච වායුශ්ච මෘත්යුර්ධාවති පංචමඃ ॥3॥
ඉහ චේදශකද්බෝද්ධුං ප්රාක් ශරීරස්ය විස්රසඃ।
තතඃ සර්ගේෂු ලෝකේෂු ශරීරත්වාය කල්පතේ ॥4॥
යථාऽऽදර්ශේ තථාऽऽත්මනි යථා ස්වප්නේ තථා පිතෘලෝකේ।
යථාऽප්සු පරීව දදෘශේ තථා ගංධර්වලෝකේ ඡායාතපයෝරිව බ්රහ්මලෝකේ ॥5॥
ඉංද්රියාණාං පෘථග්භාවමුදයාස්තමයෞ ච යත්।
පෘථගුත්පද්යමානානාං මත්වා ධීරෝ න ශෝචති ॥6॥
ඉංද්රියේභ්යඃ පරං මනෝ මනසඃ සත්ත්වමුත්තමම්।
සත්ත්වාදධි මහානාත්මා මහතෝऽව්යක්තමුත්තමම් ॥7॥
අව්යක්තාත්තු පරඃ පුරුෂෝ ව්යාපකෝऽලිංග ඒව ච।
යං ජ්ඤාත්වා මුච්යතේ ජංතුරමෘතත්වං ච ගච්ඡති ॥8॥
න සංදෘශේ තිෂ්ඨති රූපමස්ය න චක්ෂුෂා පශ්යති කශ්චනෛනම්।
හෘදා මනීෂා මනසාऽභික්ලෘප්තෝ ය ඒතද්විදුරමෘතාස්තේ භවංති ॥9॥
යදා පංචාවතිෂ්ඨංතේ ජ්ඤානානි මනසා සහ।
බුද්ධිශ්ච න විචේෂ්ටතේ තාමාහුඃ පරමාං ගතිම් ॥10॥
තාං-යෝඁගමිති මන්යංතේ ස්ථිරාමිංද්රියධාරණාම්।
අප්රමත්තස්තදා භවති යෝගෝ හි ප්රභවාප්යයෞ ॥11॥
නෛව වාචා න මනසා ප්රාප්තුං ශක්යෝ න චක්ෂුෂා।
අස්තීති බ්රුවතෝऽන්යත්ර කථං තදුපලභ්යතේ ॥12॥
අස්තීත්යේවෝපලබ්ධව්යස්තත්ත්වභාවේන චෝභයෝඃ।
අස්තීත්යේවෝපලබ්ධස්ය තත්ත්වභාවඃ ප්රසීදති ॥13॥
යදා සර්වේ ප්රමුච්යංතේ කාමා යේऽස්ය හෘදි ශ්රිතාඃ।
අථ මර්ත්යෝऽමෘතෝ භවත්යත්ර බ්රහ්ම සමශ්නුතේ ॥14॥
යථා සර්වේ ප්රභිද්යංතේ හෘදයස්යේහ ග්රංථයඃ।
අථ මර්ත්යෝऽමෘතෝ භවත්යේතාවද්ධ්යනුශාසනම් ॥15॥
ශතං චෛකා ච හෘදයස්ය නාඩ්යස්තාසාං මූර්ධානමභිනිඃසෘතෛකා।
තයෝර්ධ්වමායන්නමෘතත්වමේති විශ්වඞ්ඞන්යා උත්ක්රමණේ භවංති ॥16॥
අංගුෂ්ඨමාත්රඃ පුරුෂෝऽංතරාත්මා සදා ජනානාං හෘදයේ සංනිවිෂ්ටඃ।
තං ස්වාච්ඡරීරාත්ප්රවෘහේන්මුංජාදිවේෂීකාං ධෛර්යේණ।
තං-විඁද්යාච්ඡුක්රමමෘතං තං-විඁද්යාච්ඡුක්රමමෘතමිති ॥17॥
මෘත්යුප්රෝක්තාං නචිකේතෝऽථ ලබ්ධ්වා විද්යාමේතාං-යෝඁගවිධිං ච කෘත්ස්නම්।
බ්රහ්මප්රාප්තෝ විරජෝऽභූද්විමෘත්යු රන්යෝऽප්යේවං-යෝඁ විදධ්යාත්මමේව ॥18॥
