கைலாஸஶிக²ரே ரம்யே கௌ³ரீ பப்ரச்ச² ஶங்கரம் ।
ப்³ரஹ்மாண்டா³கி²லனாத²ஸ்த்வம் ஸ்ருஷ்டிஸம்ஹாரகாரக: ॥ 1 ॥
த்வமேவ பூஜ்யஸே லோகைர்ப்³ரஹ்மவிஷ்ணுஸுராதி³பி⁴: ।
நித்யம் பட²ஸி தே³வேஶ கஸ்ய ஸ்தோத்ரம் மஹேஶ்வர ॥ 2 ॥
ஆஶ்சர்யமித³மத்யந்தம் ஜாயதே மம ஶங்கர ।
தத்ப்ராணேஶ மஹாப்ராஜ்ஞ ஸம்ஶயம் சி²ந்தி⁴ மே ப்ரபோ⁴ ॥ 3 ॥
ஶ்ரீமஹாதே³வ உவாச-
த⁴ன்யாஸி க்ருதபுண்யாஸி பார்வதி ப்ராணவல்லபே⁴ ।
ரஹஸ்யாதிரஹஸ்யம் ச யத்ப்ருச்ச²ஸி வரானநே ॥ 4 ॥
ஸ்த்ரீஸ்வபா⁴வான்மஹாதே³வி புனஸ்த்வம் பரிப்ருச்ச²ஸி ।
கோ³பனீயம் கோ³பனீயம் கோ³பனீயம் ப்ரயத்னத: ॥ 5 ॥
த³த்தே ச ஸித்³தி⁴ஹானி: ஸ்யாத்தஸ்மாத்³யத்னேன கோ³பயேத் ।
இத³ம் ரஹஸ்யம் பரமம் புருஷார்த²ப்ரதா³யகம் ॥ 6 ॥
த⁴னரத்னௌக⁴மாணிக்யம் துரங்க³ம் ச கஜ³ாதி³கம் ।
த³தா³தி ஸ்மரணாதே³வ மஹாமோக்ஷப்ரதா³யகம் ॥ 7 ॥
தத்தேஹம் ஸம்ப்ரவக்ஷ்யாமி ஶ்ருணுஷ்வாவஹிதா ப்ரியே ।
யோஸௌ நிரஞ்ஜனோ தே³வஶ்சித்ஸ்வரூபீ ஜனார்த³ன: ॥ 8 ॥
ஸம்ஸாரஸாக³ரோத்தாரகாரணாய ந்ருணாம் ஸதா³ ।
ஶ்ரீரங்கா³தி³கரூபேண த்ரைலோக்யம் வ்யாப்ய திஷ்ட²தி ॥ 9 ॥
ததோ லோகா மஹாமூடா⁴ விஷ்ணுப⁴க்திவிவர்ஜிதா: ।
நிஶ்சயம் நாதி⁴க³ச்ச²ந்தி புனர்னாராயணோ ஹரி: ॥ 1௦ ॥
நிரஞ்ஜனோ நிராகாரோ ப⁴க்தானாம் ப்ரீதிகாமத:³ ।
ப்³ருந்தா³வனவிஹாராய கோ³பாலம் ரூபமுத்³வஹன் ॥ 11 ॥
முரளீவாத³னாதா⁴ரீ ராதா⁴யை ப்ரீதிமாவஹன் ।
அம்ஶாம்ஶேப்⁴ய: ஸமுன்மீல்ய பூர்ணரூபகளாயுத: ॥ 12 ॥
ஶ்ரீக்ருஷ்ணசந்த்³ரோ ப⁴க³வான் நந்த³கோ³பவரோத்³யத: ।
த⁴ரணீரூபிணீ மாதா யஶோதா³ நந்த³கே³ஹினீ ॥ 13 ॥
த்³வாப்⁴யாம் ப்ரயாசிதோ நாதோ² தே³வக்யாம் வஸுதே³வத: ।
ப்³ரஹ்மணாப்⁴யர்தி²தோ தே³வோ தே³வைரபி ஸுரேஶ்வர: ॥ 14 ॥
ஜாதோவன்யாம் ச முதி³தோ முரளீவாசனேச்ச²யா ।
ஶ்ரியா ஸார்த⁴ம் வச: க்ருத்வா ததோ ஜாதோ மஹீதலே ॥ 15 ॥
ஸம்ஸாரஸாரஸர்வஸ்வம் ஶ்யாமலம் மஹது³ஜ்ஜ்வலம் ।
ஏதஜ்ஜ்யோதிரஹம் வந்த்³யம் சிந்தயாமி ஸனாதனம் ॥ 16 ॥
கௌ³ரதேஜோ வினா யஸ்து ஶ்யாமதேஜஸ்ஸமர்சயேத் ।
ஜபேத்³வா த்⁴யாயதே வாபி ஸ ப⁴வேத்பாதகீ ஶிவே ॥ 17 ॥
ஸ ப்³ரஹ்மஹா ஸுராபீ ச ஸ்வர்ணஸ்தேயீ ச பஞ்சம: ।
ஏதைர்தோ³ஷைர்விலிப்யேத தேஜோபே⁴தா³ன்மஹீஶ்வரி ॥ 18 ॥
தஸ்மாஜ்ஜ்யோதிரபூ⁴த்³த்³வேதா⁴ ராதா⁴மாத⁴வரூபகம் ।
தஸ்மாதி³த³ம் மஹாதே³வி கோ³பாலேனைவ பா⁴ஷிதம் ॥ 19 ॥
து³ர்வாஸஸோ முனேர்மோஹே கார்திக்யாம் ராஸமண்ட³லே ।
தத: ப்ருஷ்டவதீ ராதா⁴ ஸந்தே³ஹம் பே⁴த³மாத்மன: ॥ 2௦ ॥
நிரஞ்ஜனாத்ஸமுத்பன்னம் மாயாதீதம் ஜக³ன்மயம் ।
ஶ்ரீக்ருஷ்ணேன தத: ப்ரோக்தம் ராதா⁴யை நாரதா³ய ச ॥ 21 ॥
ததோ நாரத³தஸ்ஸர்வம் விரளா வைஷ்ணவாஸ்ததா² ।
கலௌ ஜானந்தி தே³வேஶி கோ³பனீயம் ப்ரயத்னத: ॥ 22 ॥
ஶடா²ய க்ருபணாயாத² டா³ம்பி⁴காய ஸுரேஶ்வரி ।
ப்³ரஹ்மஹத்யாமவாப்னோதி தஸ்மாத்³யத்னேன கோ³பயேத் ॥ 23 ॥
ஓம் அஸ்ய ஶ்ரீகோ³பாலஸஹஸ்ரனாமஸ்தோத்ர மஹாமந்த்ரஸ்ய ஶ்ரீனாரத³ ருஷி:, அனுஷ்டுப் ச²ந்த:³, ஶ்ரீகோ³பாலோ தே³வதா, காமோ பீ³ஜம், மாயா ஶக்தி:, சந்த்³ர: கீலகம், ஶ்ரீக்ருஷ்ணசந்த்³ர ப⁴க்திரூபப²லப்ராப்தயே ஶ்ரீகோ³பாலஸஹஸ்ரனாமஸ்தோத்ரஜபே வினியோக:³ ।
ஓம் ஐம் க்லீம் பீ³ஜம், ஶ்ரீம் ஹ்ரீம் ஶக்தி:, ஶ்ரீ ப்³ருந்தா³வனநிவாஸ: கீலகம், ஶ்ரீராதா⁴ப்ரியம் பரம் ப்³ரஹ்மேதி மந்த்ர:, த⁴ர்மாதி³ சதுர்வித⁴ புருஷார்த²ஸித்³த்⁴யர்தே² ஜபே வினியோக:³ ।
ந்யாஸ: ।
ஓம் நாரத³ ருஷயே நம: ஶிரஸி ।
அனுஷ்டுப் ச²ந்த³ஸே நம: முகே² ।
ஶ்ரீகோ³பாலதே³வதாயை நம: ஹ்ருத³யே ।
க்லீம் கீலகாய நம: நாபௌ⁴ ।
ஹ்ரீம் ஶக்தயே நம: கு³ஹ்யே ।
ஶ்ரீம் கீலகாய நம: பா²லயோ: ।
ஓம் க்லீம் க்ருஷ்ணாய கோ³விந்தா³ய கோ³பீஜனவல்லபா⁴ய ஸ்வாஹா இதி மூலமந்த்ர: ।
கரன்யாஸ: ।
ஓம் க்லாம் அங்கு³ஷ்டா²ப்⁴யாம் நம: ।
ஓம் க்லீம் தர்ஜனீப்⁴யாம் நம: ।
ஓம் க்லூம் மத்⁴யமாப்⁴யாம் நம: ।
ஓம் க்லைம் அனாமிகாப்⁴யாம் நம: ।
ஓம் க்லௌம் கனிஷ்டி²காப்⁴யாம் நம: ।
ஓம் க்ல: கரதலகரப்ருஷ்டா²ப்⁴யாம் நம: ।
ஹ்ருத³யாதி³ன்யாஸ: ।
ஓம் க்லாம் ஹ்ருத³யாய நம: ।
ஓம் க்லீம் ஶிரஸே ஸ்வாஹா ।
ஓம் க்லூம் ஶிகா²யை வஷட் ।
ஓம் க்லைம் கவசாய ஹும் ।
ஓம் க்லௌம் நேத்ரத்ரயாய வௌஷட் ।
ஓம் க்ல: அஸ்த்ராய ப²ட் ।
மூலமந்த்ரன்யாஸ: ।
க்லீம் அங்கு³ஷ்டா²ப்⁴யாம் நம: ।
க்ருஷ்ணாய தர்ஜனீப்⁴யாம் நம: ।
கோ³விந்தா³ய மத்⁴யமாப்⁴யாம் நம: ।
கோ³பீஜன அனாமிகாப்⁴யாம் நம: ।
வல்லபா⁴ய கனிஷ்டி²காப்⁴யாம் நம: ।
ஸ்வாஹா கரதலகரப்ருஷ்டா²ப்⁴யாம் நம: ।
க்லீம் ஹ்ருத³யாய நம: ।
க்ருஷ்ணாய ஶிரஸே ஸ்வாஹா ।
கோ³விந்தா³ய ஶிகா²யை வஷட் ।
கோ³பீஜன கவசாய ஹும் ।
வல்லபா⁴ய நேத்ரத்ரயாய வௌஷட் ।
ஸ்வாஹா அஸ்த்ராய ப²ட் ।
த்⁴யானம் ।
பு²ல்லேந்தீ³வரகாந்திமிந்து³வத³னம் ப³ர்ஹாவதம்ஸப்ரியம்
ஶ்ரீவத்ஸாங்கமுதா³ரகௌஸ்துப⁴த⁴ரம் பீதாம்ப³ரம் ஸுந்த³ரம் ।
கோ³பீனாம் நயனோத்பலார்சிததனும் கோ³கோ³பஸங்கா⁴வ்ருதம்
கோ³விந்த³ம் கலவேணுவாத³னபரம் தி³வ்யாங்க³பூ⁴ஷம் பஜ⁴ே ॥ 1 ॥
கஸ்தூரீதிலகம் லலாடப²லகே வக்ஷஸ்ஸ்த²லே கௌஸ்துப⁴ம்
நாஸாக்³ரே வரமௌக்திகம் கரதலே வேணும் கரே கங்கணம் ।
ஸர்வாங்கே³ ஹரிசந்த³னம் ச கலயன் கண்டே² ச முக்தாவலிம்
கோ³பஸ்த்ரீபரிவேஷ்டிதோ விஜயதே கோ³பாலசூடா³மணி: ॥ 2 ॥
ஓம் க்லீம் தே³வ: காமதே³வ: காமபீ³ஜஶிரோமணி: ।
ஶ்ரீகோ³பாலோ மஹீபாலோ வேத³வேதா³ங்க³பாரக:³ ॥ 1 ॥
க்ருஷ்ண: கமலபத்ராக்ஷ: புண்ட³ரீக: ஸனாதன: ।
கோ³பதிர்பூ⁴பதி: ஶாஸ்தா ப்ரஹர்தா விஶ்வதோமுக:² ॥ 2 ॥
ஆதி³கர்தா மஹாகர்தா மஹாகால: ப்ரதாபவான் ।
ஜகஜ³்ஜீவோ ஜக³த்³தா⁴தா ஜக³த்³ப⁴ர்தா ஜக³த்³வஸு: ॥ 3 ॥
மத்ஸ்யோ பீ⁴ம: குஹூப⁴ர்தா ஹர்தா வாராஹமூர்திமான் ।
நாராயணோ ஹ்ருஷீகேஶோ கோ³விந்தோ³ க³ருட³த்⁴வஜ: ॥ 4 ॥
கோ³குலேஶோ மஹாசந்த்³ர: ஶர்வரீப்ரியகாரக: ।
கமலாமுக²லோலாக்ஷ: புண்ட³ரீக: ஶுபா⁴வஹ: ॥ 5 ॥
து³ர்வாஸா: கபிலோ பௌ⁴ம: ஸிந்து⁴ஸாக³ரஸங்க³ம: ।
கோ³விந்தோ³ கோ³பதிர்கோ³த்ர: காளிந்தீ³ப்ரேமபூரக: ॥ 6 ॥
கோ³பஸ்வாமீ கோ³குலேந்த்³ர: கோ³வர்த⁴னவரப்ரத:³ ।
நந்தா³தி³கோ³குலத்ராதா தா³தா தா³ரித்³ர்யப⁴ஞ்ஜன: ॥ 7 ॥
ஸர்வமங்கள³தா³தா ச ஸர்வகாமவரப்ரத:³ ।
ஆதி³கர்தா மஹீப⁴ர்தா ஸர்வஸாக³ரஸிந்து⁴ஜ: ॥ 8 ॥
கஜ³கா³மீ கஜ³ோத்³தா⁴ரீ காமீ காமகலானிதி⁴: ।
களங்கரஹிதஶ்சந்த்³ரோ பி³ம்பா³ஸ்யோ பி³ம்ப³ஸத்தம: ॥ 9 ॥
மாலாகார: க்ருபாகார: கோகிலஸ்வரபூ⁴ஷண: ।
ராமோ நீலாம்ப³ரோ தே³ஹீ ஹலீ த்³விவித³மர்த³ன: ॥ 1௦ ॥
ஸஹஸ்ராக்ஷபுரீபே⁴த்தா மஹாமாரீவினாஶன: ।
ஶிவ: ஶிவதமோ பே⁴த்தா ப³லாராதிப்ரபூஜக: ॥ 11 ॥
குமாரீவரதா³யீ ச வரேண்யோ மீனகேதன: ।
நரோ நாராயணோ தீ⁴ரோ த⁴ராபதிருதா³ரதீ⁴: ॥ 12 ॥
ஶ்ரீபதி: ஶ்ரீனிதி⁴: ஶ்ரீமான் மாபதி: ப்ரதிராஜஹா ।
ப்³ருந்தா³பதி: குலம் க்³ராமீ தா⁴ம ப்³ரஹ்மஸனாதன: ॥ 13 ॥
ரேவதீரமணோ ராம: ப்ரியஶ்சஞ்சலலோசன: ।
ராமாயணஶரீரஶ்ச ராமோ ராம: ஶ்ரிய:பதி: ॥ 14 ॥
ஶர்வர: ஶர்வரீ ஶர்வ: ஸர்வத்ர ஶுப⁴தா³யக: ।
ராதா⁴ராத⁴யிதாராதீ⁴ ராதா⁴சித்தப்ரமோத³க: ॥ 15 ॥
ராதா⁴ரதிஸுகோ²பேதோ ராதா⁴மோஹனதத்பர: ।
ராதா⁴வஶீகரோ ராதா⁴ஹ்ருத³யாம்போ⁴ஜஷட்பத:³ ॥ 16 ॥
ராதா⁴லிங்க³னஸம்மோதோ³ ராதா⁴னர்தனகௌதுக: ।
ராதா⁴ஸஞ்ஜாதஸம்ப்ரீதோ ராதா⁴காமப²லப்ரத:³ ॥ 17 ॥
ப்³ருந்தா³பதி: கோகனிதி⁴: கோகஶோகவினாஶன: ।
சந்த்³ராபதிஶ்சந்த்³ரபதிஶ்சண்ட³கோத³ண்ட³ப⁴ஞ்ஜன: ॥ 18 ॥
ராமோ தா³ஶரதீ² ராமோ ப்⁴ருகு³வம்ஶஸமுத்³ப⁴வ: ।
ஆத்மாராமோ ஜிதக்ரோதோ⁴ மோஹோ மோஹாந்த⁴ப⁴ஞ்ஜன: ॥ 19 ॥
வ்ருஷபா⁴னுப⁴வோ பா⁴வீ காஶ்யபி: கருணானிதி⁴: ।
கோலாஹலோ ஹலோ ஹாலீ ஹலீ ஹலத⁴ரப்ரிய: ॥ 2௦ ॥
ராதா⁴முகா²ப்³ஜமார்தாண்டோ³ பா⁴ஸ்கரோ ரவிஜோ விது⁴: ।
விதி⁴ர்விதா⁴தா வருணோ வாருணோ வாருணீப்ரிய: ॥ 21 ॥
ரோஹிணீஹ்ருத³யானந்தீ³ வஸுதே³வாத்மஜோ ப³லி: ।
நீலாம்ப³ரோ ரௌஹிணேயோ ஜராஸந்த⁴வதோ⁴மல: ॥ 22 ॥
நாகோ³ ஜவாம்போ⁴ விருதோ³ வீரஹா வரதோ³ ப³லீ ।
கோ³பதோ³ விஜயீ வித்³வான் ஶிபிவிஷ்ட: ஸனாதன: ॥ 23 ॥
பரஶுராமவசோக்³ராஹீ வரக்³ராஹீ ஸ்ருகா³லஹா ।
த³மகோ⁴ஷோபதே³ஷ்டா ச ரத²க்³ராஹீ ஸுத³ர்ஶன: ॥ 24 ॥
வீரபத்னீயஶஸ்த்ராதா ஜராவ்யாதி⁴விகா⁴தக: ।
த்³வாரகாவாஸதத்த்வஜ்ஞோ ஹுதாஶனவரப்ரத:³ ॥ 25 ॥
யமுனாவேக³ஸம்ஹாரீ நீலாம்ப³ரத⁴ர: ப்ரபு⁴: ।
விபு⁴: ஶராஸனோ த⁴ன்வீ க³ணேஶோ க³ணனாயக: ॥ 26 ॥
லக்ஷ்மணோ லக்ஷணோ லக்ஷ்யோ ரக்ஷோவம்ஶவினாஶக: ।
வாமனோ வாமனீபூ⁴தோ வமனோ வமனாருஹ: ॥ 27 ॥
யஶோதா³னந்த³ன: கர்தா யமளார்ஜுனமுக்தித:³ ।
உலூக²லீ மஹாமானோ தா³மப³த்³தா⁴ஹ்வயீ ஶமீ ॥ 28 ॥
ப⁴க்தானுகாரீ ப⁴க³வான் கேஶவோசலதா⁴ரக: ।
கேஶிஹா மது⁴ஹா மோஹீ வ்ருஷாஸுரவிகா⁴தக: ॥ 29 ॥
அகா⁴ஸுரவிகா⁴தீ ச பூதனாமோக்ஷதா³யக: ।
குப்³ஜாவினோதீ³ ப⁴க³வான் கம்ஸம்ருத்யுர்மஹாமுகீ² ॥ 3௦ ॥
அஶ்வமேதோ⁴ வாஜபேயோ கோ³மேதோ⁴ நரமேத⁴வான் ।
கந்த³ர்பகோடிலாவண்யஶ்சந்த்³ரகோடிஸுஶீதல: ॥ 31 ॥
ரவிகோடிப்ரதீகாஶோ வாயுகோடிமஹாப³ல: ।
ப்³ரஹ்மா ப்³ரஹ்மாண்ட³கர்தா ச கமலாவாஞ்சி²தப்ரத:³ ॥ 32 ॥
கமலீ கமலாக்ஷஶ்ச கமலாமுக²லோலுப: ।
கமலாவ்ரததா⁴ரீ ச கமலாப:⁴ புரந்த³ர: ॥ 33 ॥
ஸௌபா⁴க்³யாதி⁴கசித்தஶ்ச மஹாமாயீ மதோ³த்கட: ।
தாடகாரி: ஸுரத்ராதா மாரீசக்ஷோப⁴காரக: ॥ 34 ॥
விஶ்வாமித்ரப்ரியோ தா³ந்தோ ராமோ ராஜீவலோசன: ।
லங்காதி⁴பகுலத்⁴வம்ஸீ விபீ⁴ஷணவரப்ரத:³ ॥ 35 ॥
ஸீதானந்த³கரோ ராமோ வீரோ வாரிதி⁴ப³ந்த⁴ன: ।
க²ரதூ³ஷணஸம்ஹாரீ ஸாகேதபுரவாஸவான் ॥ 36 ॥
சந்த்³ராவளிபதி: கூல: கேஶிகம்ஸவதோ⁴மர: ।
மாத⁴வோ மது⁴ஹா மாத்⁴வீ மாத்⁴வீகோ மாத⁴வீ விபு⁴: ॥ 37 ॥
முஞ்ஜாடவீகா³ஹமானோ தே⁴னுகாரிர்த³ஶாத்மஜ: ।
வம்ஶீவடவிஹாரீ ச கோ³வர்த⁴னவனாஶ்ரய: ॥ 38 ॥
ததா² தாளவனோத்³தே³ஶீ பா⁴ண்டீ³ரவனஶங்கர: ।
த்ருணாவர்தக்ருபாகாரீ வ்ருஷபா⁴னுஸுதாபதி: ॥ 39 ॥
ராதா⁴ப்ராணஸமோ ராதா⁴வத³னாப்³ஜமதூ⁴த்கட: ।
கோ³பீரஞ்ஜனதை³வஜ்ஞ: லீலாகமலபூஜித: ॥ 4௦ ॥
க்ரீடா³கமலஸந்தோ³ஹோ கோ³பிகாப்ரீதிரஞ்ஜன: ।
ரஞ்ஜகோ ரஞ்ஜனோ ரங்கோ³ ரங்கீ³ ரங்க³மஹீருஹ: ॥ 41 ॥
காம: காமாரிப⁴க்தஶ்ச புராணபுருஷ: கவி: ।
நாரதோ³ தே³வலோ பீ⁴மோ பா³லோ பா³லமுகா²ம்பு³ஜ: ॥ 42 ॥
அம்பு³ஜோ ப்³ரஹ்மஸாக்ஷீ ச யோகீ³ த³த்தவரோ முனி: ।
ருஷப:⁴ பர்வதோ க்³ராமோ நதீ³பவனவல்லப:⁴ ॥ 43 ॥
பத்³மனாப:⁴ ஸுரஜ்யேஷ்டோ² ப்³ரஹ்மா ருத்³ரோஹிபூ⁴ஷித: ।
க³ணானாம் த்ராணகர்தா ச க³ணேஶோ க்³ரஹிளோ க்³ரஹி: ॥ 44 ॥
க³ணாஶ்ரயோ க³ணாத்⁴யக்ஷோ க்ரோடீ³க்ருதஜக³த்த்ரய: ।
யாத³வேந்த்³ரோ த்³வாரகேந்த்³ரோ மது²ராவல்லபோ⁴ து⁴ரீ ॥ 45 ॥
ப்⁴ரமர: குந்தலீ குந்தீஸுதரக்ஷீ மஹாமனா: ।
யமுனாவரதா³தா ச காஶ்யபஸ்ய வரப்ரத:³ ॥ 46 ॥
ஶங்க³சூட³வதோ⁴த்³தா³மோ கோ³பீரக்ஷணதத்பர: ।
பாஞ்சஜன்யகரோ ராமீ த்ரிராமீ வனஜோ ஜய: ॥ 47 ॥
பா²ல்கு³ண: ப²ல்கு³னஸகோ² விராத⁴வத⁴காரக: ।
ருக்மிணீப்ராணனாத²ஶ்ச ஸத்யபா⁴மாப்ரியங்கர: ॥ 48 ॥
கல்பவ்ருக்ஷோ மஹாவ்ருக்ஷோ தா³னவ்ருக்ஷோ மஹாப²ல: ।
அங்குஶோ பூ⁴ஸுரோ பா⁴வோ பா⁴மகோ ப்⁴ராமகோ ஹரி: ॥ 49 ॥
ஸரள: ஶாஶ்வதோ வீரோ யது³வம்ஶஶிவாத்மக: ।
ப்ரத்³யும்னோ ப³லகர்தா ச ப்ரஹர்தா தை³த்யஹா ப்ரபு⁴: ॥ 5௦ ॥
மஹாத⁴னோ மஹாவீரோ வனமாலாவிபூ⁴ஷண: ।
துலஸீதா³மஶோபா⁴ட்⁴யோ ஜாலந்த⁴ரவினாஶன: ॥ 51 ॥
ஸூர: ஸூர்யோ ம்ருகண்டு³ஶ்ச பா⁴ஸ்வரோ விஶ்வபூஜித: ।
ரவிஸ்தமோஹா வஹ்னிஶ்ச பா³ட³போ³ ப³ட³பா³னல: ॥ 52 ॥
தை³த்யத³ர்பவினாஶீ ச க³ருடோ³ க³ருடா³க்³ரஜ: ।
கோ³பீனாதோ² மஹீனாதோ² ப்³ருந்தா³னாதோ²வரோத⁴க: ॥ 53 ॥
ப்ரபஞ்சீ பஞ்சரூபஶ்ச லதாகு³ல்மஶ்ச கோ³மதி: ।
க³ங்கா³ ச யமுனாரூபோ கோ³தா³ வேத்ரவதீ ததா² ॥ 54 ॥
காவேரீ நர்மதா³ தாபீ க³ண்ட³கீ ஸரயூ ரஜ: ।
ராஜஸஸ்தாமஸஸ்ஸத்த்வீ ஸர்வாங்கீ³ ஸர்வலோசன: ॥ 55 ॥
ஸுதா⁴மயோம்ருதமயோ யோகி³னாம் வல்லப:⁴ ஶிவ: ।
பு³த்³தோ⁴ பு³த்³தி⁴மதாம் ஶ்ரேஷ்டோ² விஷ்ணுர்ஜிஷ்ணு: ஶசீபதி: ॥ 56 ॥
வம்ஶீ வம்ஶத⁴ரோ லோகோ விலோகோ மோஹனாஶன: ।
ரவராவோ ரவோ ராவோ வலோ வாலோ வலாஹக: ॥ 57 ॥
ஶிவோ ருத்³ரோ நலோ நீலோ லாங்க³லீ லாங்க³லாஶ்ரய: ।
பாரத:³ பாவனோ ஹம்ஸோ ஹம்ஸாரூடோ⁴ ஜக³த்பதி: ॥ 58 ॥
மோஹினீமோஹனோ மாயீ மஹாமாயோ மஹாஸுகீ² ।
வ்ருஷோ வ்ருஷாகபி: கால: காலீத³மனகாரக: ॥ 59 ॥
குப்³ஜாபா⁴க்³யப்ரதோ³ வீரோ ரஜகக்ஷயகாரக: ।
கோமலோ வாருணீ ராஜா ஜலஜோ ஜலதா⁴ரக: ॥ 6௦ ॥
ஹாரக: ஸர்வபாபக்⁴ன: பரமேஷ்டீ² பிதாமஹ: ।
க²ட்³க³தா⁴ரீ க்ருபாகாரீ ராதா⁴ரமணஸுந்த³ர: ॥ 61 ॥
த்³வாத³ஶாரண்யஸம்போ⁴கீ³ ஶேஷனாக³ப²ணாலய: ।
காம: ஶ்யாம: ஸுக²ஶ்ரீத:³ ஶ்ரீபதி: ஶ்ரீனிதி⁴: க்ருதி: ॥ 62 ॥
ஹரிர்ஹரோ நரோ நாரோ நரோத்தம இஷுப்ரிய: ।
கோ³பாலசித்தஹர்தா ச கர்தா ஸம்ஸாரதாரக: ॥ 63 ॥
ஆதி³தே³வோ மஹாதே³வோ கௌ³ரீகு³ருரனாஶ்ரய: ।
ஸாது⁴ர்மது⁴ர்விது⁴ர்தா⁴தா த்ராதாக்ரூரபராயண: ॥ 64 ॥
ரோலம்பீ³ ச ஹயக்³ரீவோ வானராரிர்வனாஶ்ரய: ।
வனம் வனீ வனாத்⁴யக்ஷோ மஹாவந்த்³யோ மஹாமுனி: ॥ 65 ॥
ஸ்யமந்தகமணிப்ராஜ்ஞ: விஜ்ஞோ விக்⁴னவிகா⁴தக: ।
கோ³வர்த⁴னோ வர்த⁴னீயோ வர்த⁴னீ வர்த⁴னப்ரிய: ॥ 66 ॥
வார்த⁴ன்யோ வர்த⁴னோ வர்தீ⁴ வர்தி⁴ஷ்ணஸ்து ஸுக²ப்ரிய: ।
வர்தி⁴தோ வர்த⁴கோ வ்ருத்³தோ⁴ ப்³ருந்தா³ரகஜனப்ரிய: ॥ 67 ॥
கோ³பாலரமணீப⁴ர்தா ஸாம்ப³குஷ்ட²வினாஶன: ।
ருக்மிணீஹரணப்ரேமா ப்ரேமீ சந்த்³ராவலீபதி: ॥ 68 ॥
ஶ்ரீகர்தா விஶ்வப⁴ர்தா ச நாராயண நரோ ப³லீ ।
க³ணோ க³ணபதிஶ்சைவ த³த்தாத்ரேயோ மஹாமுனி: ॥ 69 ॥
வ்யாஸோ நாராயணோ தி³வ்யோ ப⁴வ்யோ பா⁴வுகதா⁴ரக: ।
ஶ்வ:ஶ்ரேயஸம் ஶிவம் ப⁴த்³ரம் பா⁴வுகம் ப⁴வுகம் ஶுப⁴ம் ॥ 7௦ ॥
ஶுபா⁴த்மக: ஶுப:⁴ ஶாஸ்தா ப்ரஶஸ்தோ மேக⁴னாத³ஹா ।
ப்³ரஹ்மண்யதே³வோ தீ³னானாமுத்³தா⁴ரகரணக்ஷம: ॥ 71 ॥
க்ருஷ்ண: கமலபத்ராக்ஷ: க்ருஷ்ண: கமலலோசன: ।
க்ருஷ்ண: காமீ ஸதா³ க்ருஷ்ண: ஸமஸ்தப்ரியகாரக: ॥ 72 ॥
நந்தோ³ நந்தீ³ மஹானந்தீ³ மாதீ³ மாத³னக: கிலீ ।
மீலீ ஹிலீ கி³லீ கோ³லீ கோ³லோ கோ³லாலயோ கு³லீ ॥ 73 ॥
கு³க்³கு³லீ மாரகீ ஶாகீ² வட: பிப்பலக: க்ருதீ ।
ம்லேச்ச²ஹா காலஹர்தா ச யஶோதா³ யஶ ஏவ ச ॥ 74 ॥
அச்யுத: கேஶவோ விஷ்ணு: ஹரி: ஸத்யோ ஜனார்த³ன: ।
ஹம்ஸோ நாராயணோ நீலோ லீனோ ப⁴க்திபராயண: ॥ 75 ॥
ஜானகீவல்லபோ⁴ ராமோ விராமோ விஷனாஶன: ।
ஸிம்ஹபா⁴னுர்மஹாபா⁴னு-ர்வீரபா⁴னுர்மஹோத³தி⁴: ॥ 76 ॥
ஸமுத்³ரோப்³தி⁴ரகூபார: பாராவார: ஸரித்பதி: ।
கோ³குலானந்த³காரீ ச ப்ரதிஜ்ஞாபரிபாலக: ॥ 77 ॥
ஸதா³ராம: க்ருபாராமோ மஹாராமோ த⁴னுர்த⁴ர: ।
பர்வத: பர்வதாகாரோ க³யோ கே³யோ த்³விஜப்ரிய: ॥ 78 ॥
கமலாஶ்வதரோ ராமோ ராமாயணப்ரவர்தக: ।
த்³யௌர்தி³வோ தி³வஸோ தி³வ்யோ ப⁴வ்யோ பா⁴கீ³ ப⁴யாபஹ: ॥ 79 ॥
பார்வதீபா⁴க்³யஸஹிதோ ப⁴ர்தா லக்ஷ்மீஸஹாயவான் । [விலாஸவான்]
விலாஸீ ஸாஹஸீ ஸர்வீ க³ர்வீ க³ர்விதலோசன: ॥ 8௦ ॥
ஸுராரிர்லோகத⁴ர்மஜ்ஞோ ஜீவனோ ஜீவனாந்தக: ।
யமோ யமாரிர்யமனோ யமீ யாமவிகா⁴தக: ॥ 81 ॥
வம்ஶுலீ பாம்ஶுலீ பாம்ஸு: பாண்டு³ரர்ஜுனவல்லப:⁴ ।
லலிதா சந்த்³ரிகாமாலா மாலீ மாலாம்பு³ஜாஶ்ரய: ॥ 82 ॥
அம்பு³ஜாக்ஷோ மஹாயக்ஷோ த³க்ஷஶ்சிந்தாமணிப்ரபு⁴: ।
மணிர்தி³னமணிஶ்சைவ கேதா³ரோ ப³த³ரீஶ்ரய: ॥ 83 ॥
ப³த³ரீவனஸம்ப்ரீதோ வ்யாஸ: ஸத்யவதீஸுத: ।
அமராரினிஹந்தா ச ஸுதா⁴ஸிந்து⁴விதூ⁴த³ய: ॥ 84 ॥
சந்த்³ரோ ரவி: ஶிவ: ஶூலீ சக்ரீ சைவ க³தா³த⁴ர: ।
ஶ்ரீகர்தா ஶ்ரீபதி: ஶ்ரீத:³ ஶ்ரீதே³வோ தே³வகீஸுத: ॥ 85 ॥
ஶ்ரீபதி: புண்ட³ரீகாக்ஷ: பத்³மனாபோ⁴ ஜக³த்பதி: ।
வாஸுதே³வோப்ரமேயாத்மா கேஶவோ க³ருட³த்⁴வஜ: ॥ 86 ॥
நாராயண: பரம் தா⁴ம தே³வதே³வோ மஹேஶ்வர: ।
சக்ரபாணி: களாபூர்ணோ வேத³வேத்³யோ த³யானிதி⁴: ॥ 87 ॥
ப⁴க³வான் ஸர்வபூ⁴தேஶோ கோ³பால: ஸர்வபாலக: ।
அனந்தோ நிர்கு³ணோ நித்யோ நிர்விகல்போ நிரஞ்ஜன: ॥ 88 ॥
நிராதா⁴ரோ நிராகாரோ நிராபா⁴ஸோ நிராஶ்ரய: ।
புருஷ: ப்ரணவாதீதோ முகுந்த:³ பரமேஶ்வர: ॥ 89 ॥
க்ஷணாவனி: ஸார்வபௌ⁴மோ வைகுண்டோ² ப⁴க்தவத்ஸல: ।
விஷ்ணுர்தா³மோத³ர: க்ருஷ்ணோ மாத⁴வோ மது²ராபதி: ॥ 9௦ ॥
தே³வகீக³ர்ப⁴ஸம்பூ⁴தோ யஶோதா³வத்ஸலோ ஹரி: ।
ஶிவ: ஸங்கர்ஷண: ஶம்பு⁴ர்பூ⁴தனாதோ² தி³வஸ்பதி: ॥ 91 ॥
அவ்யய: ஸர்வத⁴ர்மஜ்ஞோ நிர்மலோ நிருபத்³ரவ: ।
நிர்வாணனாயகோ நித்யோ நீலஜீமூதஸன்னிப:⁴ ॥ 92 ॥
கலாக்ஷயஶ்ச ஸர்வஜ்ஞ: கமலாரூபதத்பர: ।
ஹ்ருஷீகேஶ: பீதவாஸா வஸுதே³வப்ரியாத்மஜ: ॥ 93 ॥
நந்த³கோ³பகுமாரார்யோ நவனீதாஶனோ விபு⁴: ।
புராண: புருஷஶ்ரேஷ்ட:² ஶங்க³பாணி: ஸுவிக்ரம: ॥ 94 ॥
அனிருத்³த⁴ஶ்சக்ரத⁴ர: ஶார்ங்க³பாணிஶ்சதுர்பு⁴ஜ: ।
க³தா³த⁴ர: ஸுரார்திக்⁴னோ கோ³விந்தோ³ நந்த³காயுத:⁴ ॥ 95 ॥
ப்³ருந்தா³வனசர: ஶௌரிர்வேணுவாத்³யவிஶாரத:³ ।
த்ருணாவர்தாந்தகோ பீ⁴மஸாஹஸோ ப³ஹுவிக்ரம: ॥ 96 ॥
ஶகடாஸுரஸம்ஹாரீ ப³காஸுரவினாஶன: ।
தே⁴னுகாஸுரஸம்ஹாரீ பூதனாரிர்ன்ருகேஸரீ ॥ 97 ॥
பிதாமஹோ கு³ருஸ்ஸாக்ஷீ ப்ரத்யகா³த்மா ஸதா³ஶிவ: ।
அப்ரமேய: ப்ரபு⁴: ப்ராஜ்ஞோப்ரதர்க்ய: ஸ்வப்னவர்த⁴ன: ॥ 98 ॥
த⁴ன்யோ மான்யோ ப⁴வோ பா⁴வோ தீ⁴ர: ஶாந்தோ ஜக³த்³கு³ரு: ।
அந்தர்யாமீஶ்வரோ தி³வ்யோ தை³வஜ்ஞோ தே³வஸம்ஸ்துத: ॥ 99 ॥
க்ஷீராப்³தி⁴ஶயனோ தா⁴தா லக்ஷ்மீவான் லக்ஷ்மணாக்³ரஜ: ।
தா⁴த்ரீபதிரமேயாத்மா சந்த்³ரஶேக²ரபூஜித: ॥ 1௦௦ ॥
லோகஸாக்ஷீ ஜக³ச்சக்ஷு: புண்யசாரித்ரகீர்தன: ।
கோடிமன்மத²ஸௌந்த³ர்யோ ஜக³ன்மோஹனவிக்³ரஹ: ॥ 1௦1 ॥
மந்த³ஸ்மிததனுர்கோ³பகோ³பிகாபரிவேஷ்டித: ।
பு²ல்லாரவிந்த³னயனஶ்சாணூராந்த்⁴ரனிஷூத³ன: ॥ 1௦2 ॥
இந்தீ³வரதள³ஶ்யாமோ ப³ர்ஹிப³ர்ஹாவதம்ஸக: ।
முரளீனினதா³ஹ்லாதோ³ தி³வ்யமாலாம்ப³ராவ்ருத: ॥ 1௦3 ॥
ஸுகபோலயுக:³ ஸுப்⁴ரூயுகள³: ஸுலலாடகம் ।
கம்பு³க்³ரீவோ விஶாலாக்ஷோ லக்ஷ்மீவாஞ்சு²ப⁴லக்ஷண: ॥ 1௦4 ॥
பீனவக்ஷாஶ்சதுர்பா³ஹுஶ்சதுர்மூர்திஸ்த்ரிவிக்ரம: ।
களங்கரஹித: ஶுத்³தோ⁴ து³ஷ்டஶத்ருனிப³ர்ஹண: ॥ 1௦5 ॥
கிரீடகுண்ட³லத⁴ர: கடகாங்க³த³மண்டி³த: ।
முத்³ரிகாப⁴ரணோபேத: கடிஸூத்ரவிராஜித: ॥ 1௦6 ॥
மஞ்ஜீரரஞ்ஜிதபத:³ ஸர்வாப⁴ரணபூ⁴ஷித: ।
வின்யஸ்தபாத³யுகள³ோ தி³வ்யமங்கள³விக்³ரஹ: ॥ 1௦7 ॥
கோ³பிகானயனானந்த:³ பூர்ணசந்த்³ரனிபா⁴னந: ।
ஸமஸ்தஜக³தா³னந்த:³ ஸுந்த³ரோ லோகனந்த³ன: ॥ 1௦8 ॥
யமுனாதீரஸஞ்சாரீ ராதா⁴மன்மத²வைப⁴வ: ।
கோ³பனாரீப்ரியோ தா³ந்தோ கோ³பீவஸ்த்ராபஹாரக: ॥ 1௦9 ॥
ஶ்ருங்கா³ரமூர்தி: ஶ்ரீதா⁴மா தாரகோ மூலகாரணம் ।
ஸ்ருஷ்டிஸம்ரக்ஷணோபாய: க்ரூராஸுரவிப⁴ஞ்ஜன: ॥ 11௦ ॥
நரகாஸுரஸம்ஹாரீ முராரிர்வைரிமர்த³ன: ।
ஆதி³தேயப்ரியோ தை³த்யபீ⁴கரோ யது³ஶேக²ர: ॥ 111 ॥
ஜராஸந்த⁴குலத்⁴வம்ஸீ கம்ஸாராதி: ஸுவிக்ரம: ।
புண்யஶ்லோக: கீர்தனீயோ யாத³வேந்த்³ரோ ஜக³ன்னுத: ॥ 112 ॥
ருக்மிணீரமண: ஸத்யபா⁴மாஜாம்ப³வதீப்ரிய: ।
மித்ரவிந்தா³னாக்³னஜிதீலக்ஷ்மணாஸமுபாஸித: ॥ 113 ॥
ஸுதா⁴கரகுலே ஜாதோனந்த: ப்ரப³லவிக்ரம: ।
ஸர்வஸௌபா⁴க்³யஸம்பன்னோ த்³வாரகாபட்டணஸ்தி²த: ॥ 114 ॥
ப⁴த்³ராஸூர்யஸுதானாதோ² லீலாமானுஷவிக்³ரஹ: ।
ஸஹஸ்ரஷோட³ஶஸ்த்ரீஶோ போ⁴க³மோக்ஷைகதா³யக: ॥ 115 ॥
வேதா³ந்தவேத்³ய: ஸம்வேத்³யோ வைத்³யோ ப்³ரஹ்மாண்ட³னாயக: ।
கோ³வர்த⁴னத⁴ரோ நாத:² ஸர்வஜீவத³யாபர: ॥ 116 ॥
மூர்திமான் ஸர்வபூ⁴தாத்மா ஆர்தத்ராணபராயண: ।
ஸர்வஜ்ஞ: ஸர்வஸுலப:⁴ ஸர்வஶாஸ்த்ரவிஶாரத:³ ॥ 117 ॥
ஷட்³கு³ணைஶ்வர்யஸம்பன்ன: பூர்ணகாமோ து⁴ரந்த⁴ர: ।
மஹானுபா⁴வ: கைவல்யதா³யகோ லோகனாயக: ॥ 118 ॥
ஆதி³மத்⁴யாந்தரஹித: ஶுத்³த⁴ஸாத்த்விகவிக்³ரஹ: ।
அஸமான: ஸமஸ்தாத்மா ஶரணாக³தவத்ஸல: ॥ 119 ॥
உத்பத்திஸ்தி²திஸம்ஹாரகாரணம் ஸர்வகாரணம் ।
க³ம்பீ⁴ர: ஸர்வபா⁴வஜ்ஞ: ஸச்சிதா³னந்த³விக்³ரஹ: ॥ 12௦ ॥
விஷ்வக்ஸேன: ஸத்யஸந்த:⁴ ஸத்யவாக் ஸத்யவிக்ரம: ।
ஸத்யவ்ரத: ஸத்யரத: ஸத்யத⁴ர்மபராயண: ॥ 121 ॥
ஆபன்னார்திப்ரஶமன: த்³ரௌபதீ³மானரக்ஷக: ।
கந்த³ர்பஜனக: ப்ராஜ்ஞோ ஜக³ன்னாடகவைப⁴வ: ॥ 122 ॥
ப⁴க்திவஶ்யோ கு³ணாதீத: ஸர்வைஶ்வர்யப்ரதா³யக: ।
த³மகோ⁴ஷஸுதத்³வேஷீ பா³ணபா³ஹுவிக²ண்ட³ன: ॥ 123 ॥
பீ⁴ஷ்மப⁴க்திப்ரதோ³ தி³வ்ய: கௌரவான்வயனாஶன: ।
கௌந்தேயப்ரியப³ந்து⁴ஶ்ச பார்த²ஸ்யந்த³னஸாரதி²: ॥ 124 ॥
நாரஸிம்ஹோ மஹாவீர: ஸ்தம்பஜ⁴ாதோ மஹாப³ல: ।
ப்ரஹ்லாத³வரத:³ ஸத்யோ தே³வபூஜ்யோப⁴யங்கர: ॥ 125 ॥
உபேந்த்³ர இந்த்³ராவரஜோ வாமனோ ப³லிப³ந்த⁴ன: ।
கஜ³ேந்த்³ரவரத:³ ஸ்வாமீ ஸர்வதே³வனமஸ்க்ருத: ॥ 126 ॥
ஶேஷபர்யங்கஶயனோ வைனதேயரதோ² ஜயீ ।
அவ்யாஹதப³லைஶ்வர்யஸம்பன்ன: பூர்ணமானஸ: ॥ 127 ॥
யோகீ³ஶ்வரேஶ்வர: ஸாக்ஷீ க்ஷேத்ரஜ்ஞோ ஜ்ஞானதா³யக: ।
யோகி³ஹ்ருத்பங்கஜாவாஸோ யோக³மாயாஸமன்வித: ॥ 128 ॥
நாத³பி³ந்து³களாதீதஶ்சதுர்வர்க³ப²லப்ரத:³ ।
ஸுஷும்னாமார்க³ஸஞ்சாரீ தே³ஹஸ்யாந்தரஸம்ஸ்தி²த: ॥ 129 ॥
தே³ஹேந்த்³ரியமன:ப்ராணஸாக்ஷீ சேத:ப்ரஸாத³க: ।
ஸூக்ஷ்ம: ஸர்வக³தோ தே³ஹீ ஜ்ஞானத³ர்பணகோ³சர: ॥ 13௦ ॥
தத்த்வத்ரயாத்மகோவ்யக்த: குண்ட³லீ ஸமுபாஶ்ரித: ।
ப்³ரஹ்மண்ய: ஸர்வத⁴ர்மஜ்ஞ: ஶாந்தோ தா³ந்தோ க³தக்லம: ॥ 131 ॥
ஶ்ரீனிவாஸ: ஸதா³னந்தோ³ விஶ்வமூர்திர்மஹாப்ரபு⁴: ।
ஸஹஸ்ரஶீர்ஷா புருஷ: ஸஹஸ்ராக்ஷ: ஸஹஸ்ரபாத் ॥ 132 ॥
ஸமஸ்தபு⁴வனாதா⁴ர: ஸமஸ்தப்ராணரக்ஷக: ।
ஸமஸ்தஸ்ஸர்வபா⁴வஜ்ஞோ கோ³பிகாப்ராணவல்லப:⁴ ॥ 133 ॥
நித்யோத்ஸவோ நித்யஸௌக்²யோ நித்யஶ்ரீர்னித்யமங்கள³ம் ।
வ்யூஹார்சிதோ ஜக³ன்னாத:² ஶ்ரீவைகுண்ட²புராதி⁴ப: ॥ 134 ॥
பூர்ணானந்த³க⁴னீபூ⁴தோ கோ³பவேஷத⁴ரோ ஹரி: ।
கலாபகுஸுமஶ்யாம: கோமல: ஶாந்தவிக்³ரஹ: ॥ 135 ॥
கோ³பாங்க³னாவ்ருதோனந்தோ ப்³ருந்தா³வனஸமாஶ்ரய: ।
வேணுனாத³ரத: ஶ்ரேஷ்டோ² தே³வானாம் ஹிதகாரக: ॥ 136 ॥
ஜலக்ரீடா³ஸமாஸக்தோ நவனீதஸ்ய தஸ்கர: ।
கோ³பாலகாமினீஜாரஶ்சோரஜாரஶிகா²மணி: ॥ 137 ॥
பரஞ்ஜ்யோதி: பராகாஶ: பராவாஸ: பரிஸ்பு²ட: ।
அஷ்டாத³ஶாக்ஷரோ மந்த்ரோ வ்யாபகோ லோகபாவன: ॥ 138 ॥
ஸப்தகோடிமஹாமந்த்ரஶேக²ரோ தே³வஶேக²ர: ।
விஜ்ஞானஜ்ஞானஸந்தா⁴னஸ்தேஜோராஶிர்ஜக³த்பதி: ॥ 139 ॥
ப⁴க்தலோகப்ரஸன்னாத்மா ப⁴க்தமந்தா³ரவிக்³ரஹ: ।
ப⁴க்ததா³ரித்³ர்யஶமனோ ப⁴க்தானாம் ப்ரீதிதா³யக: ॥ 14௦ ॥
ப⁴க்தாதீ⁴னமனா: பூஜ்யோ ப⁴க்தலோகஶிவங்கர: ।
ப⁴க்தாபீ⁴ஷ்டப்ரத:³ ஸர்வப⁴க்தாகௌ⁴க⁴னிக்ருந்தக: ॥ 141 ॥
அபாரகருணாஸிந்து⁴ர்ப⁴க³வான் ப⁴க்ததத்பர: ॥ 142 ॥
[இதி ஶ்ரீராதி⁴கானாத² நாம்னாம் ஸாஹஸ்ரமீரிதம் । ]
ஸ்மரணாத்பாபராஶீனாம் க²ண்ட³னம் ம்ருத்யுனாஶனம் ॥ 1 ॥
வைஷ்ணவானாம் ப்ரியகரம் மஹாதா³ரித்³ர்யனாஶனம் ।
ப்³ரஹ்மஹத்யாஸுராபானம் பரஸ்த்ரீக³மனம் ததா² ॥ 2 ॥
பரத்³ரவ்யாபஹரணம் பரத்³வேஷஸமன்விதம் ।
மானஸம் வாசிகம் காயம் யத்பாபம் பாபஸம்ப⁴வம் ॥ 3 ॥
ஸஹஸ்ரனாமபட²னாத்ஸர்வே நஶ்யந்தி தத்க்ஷணாத் ।
மஹாதா³ரித்³ர்யயுக்தோ வை வைஷ்ணவோ விஷ்ணுப⁴க்திமான் ॥ 4 ॥
கார்திக்யாம் ய: படே²த்³ராத்ரௌ ஶதமஷ்டோத்தரம் க்ரமாத் ।
பீதாம்ப³ரத⁴ரோ தீ⁴மான் ஸுக³ந்தீ⁴ புஷ்பசந்த³னை: ॥ 5 ॥
புஸ்தகம் பூஜயித்வா ச நைவேத்³யாதி³பி⁴ரேவ ச ।
ராதா⁴த்⁴யானாங்கிதோ தீ⁴ரோ வனமாலாவிபூ⁴ஷித: ॥ 6 ॥
ஶதமஷ்டோத்தரம் தே³வி படே²ன்னாமஸஹஸ்ரகம் ।
சைத்ரே க்ருஷ்ணே ச ஶுக்லே ச குஹூஸங்க்ராந்திவாஸரே ॥ 7 ॥
படி²தவ்யம் ப்ரயத்னேன த்ரைலோக்யம் மோஹயேத் க்ஷணாத் ।
துலஸீமாலயா யுக்தோ வைஷ்ணவோ ப⁴க்திதத்பர: ॥ 8 ॥
ரவிவாரே ச ஶுக்ரே ச த்³வாத³ஶ்யாம் ஶ்ராத்³த⁴வாஸரே ।
ப்³ராஹ்மணம் பூஜயித்வா ச போ⁴ஜயித்வா விதா⁴னத: ॥ 9 ॥
படே²ன்னாமஸஹஸ்ரம் ச தத: ஸித்³தி⁴: ப்ரஜாயதே ।
மஹானிஶாயாம் ஸததம் வைஷ்ணவோ ய: படே²த்ஸதா³ ॥ 1௦ ॥
தே³ஶாந்தரக³தா லக்ஷ்மீ: ஸமாயாதி ந ஸம்ஶய: ।
த்ரைலோக்யே து மஹாதே³வி ஸுந்த³ர்ய: காமமோஹிதா: ॥ 11 ॥
முக்³தா⁴: ஸ்வயம் ஸமாயாந்தி வைஷ்ணவம் ச பஜ⁴ந்தி தா: ।
ரோகீ³ ரோகா³த்ப்ரமுச்யேத ப³த்³தோ⁴ முச்யேத ப³ந்த⁴னாத் ॥ 12 ॥
க³ர்பி⁴ணீ ஜனயேத்புத்ரம் கன்யா விந்த³தி ஸத்பதிம் ।
ராஜானோ வஶதாம் யாந்தி கிம் புன: க்ஷுத்³ரமானுஷா: ॥ 13 ॥
ஸஹஸ்ரனாமஶ்ரவணாத் பட²னாத் பூஜனாத் ப்ரியே ।
தா⁴ரணாத் ஸர்வமாப்னோதி வைஷ்ணவோ நாத்ர ஸம்ஶய: ॥ 14 ॥
வம்ஶீவடே சான்யவடே ததா² பிப்பலகேத² வா ।
கத³ம்ப³பாத³பதலே ஶ்ரீகோ³பாலஸ்ய ஸன்னிதௌ⁴ ॥ 15 ॥
ய: படே²த்³வைஷ்ணவோ நித்யம் ஸ யாதி ஹரிமந்தி³ரம் ।
க்ருஷ்ணேனோக்தம் ராதி⁴காயை தயா ப்ரோக்தம் புரா ஶிவே ॥ 16 ॥
நாரதா³ய மயா ப்ரோக்தம் நாரதே³ன ப்ரகாஶிதம் ।
மயா தவ வராரோஹே ப்ரோக்தமேதத்ஸுது³ர்லப⁴ம் ॥ 17 ॥
கோ³பனீயம் ப்ரயத்னேன ந ப்ரகாஶ்யம் கதா³சன ।
ஶடா²ய பாபினே சைவ லம்படாய விஶேஷத: ॥ 18 ॥
ந தா³தவ்யம் ந தா³தவ்யம் ந தா³தவ்யம் கதா³சன ।
தே³யம் ஶாந்தாய ஶிஷ்யாய விஷ்ணுப⁴க்திரதாய ச ॥ 19 ॥
கோ³தா³னப்³ரஹ்மயஜ்ஞாதே³ர்வாஜபேயஶதஸ்ய ச ।
அஶ்வமேத⁴ஸஹஸ்ரஸ்ய ப²லம் பாடே² ப⁴வேத்³த்⁴ருவம் ॥ 2௦ ॥
மோஹனம் ஸ்தம்ப⁴னம் சைவ மாரணோச்சாடனாதி³கம் ।
யத்³யத்³வாஞ்ச²தி சித்தேன தத்தத்ப்ராப்னோதி வைஷ்ணவ: ॥ 21 ॥
ஏகாத³ஶ்யாம் நர: ஸ்னாத்வா ஸுக³ந்த⁴த்³ரவ்யதைலகை: ।
ஆஹாரம் ப்³ராஹ்மணே த³த்த்வா த³க்ஷிணாம் ஸ்வர்ணபூ⁴ஷணம் ॥ 22 ॥
தத: ப்ராரம்ப⁴கர்தாஸௌ ஸர்வம் ப்ராப்னோதி மானவ: ।
ஶதாவ்ருத்த ஸஹஸ்ரம் ச ய: படே²த்³வைஷ்ணவோ ஜன: ॥ 23 ॥
ஶ்ரீப்³ருந்தா³வனசந்த்³ரஸ்ய ப்ரஸாதா³த்ஸர்வமாப்னுயாத் ।
யத்³க்³ருஹே புஸ்தகம் தே³வி பூஜிதம் சைவ திஷ்ட²தி ॥ 24 ॥
ந மாரீ ந ச து³ர்பி⁴க்ஷம் நோபஸர்க³ப⁴யம் க்வசித் ।
ஸர்பாதி³பூ⁴தயக்ஷாத்³யா நஶ்யந்தே நாத்ர ஸம்ஶய: ॥ 25 ॥
ஶ்ரீகோ³பாலோ மஹாதே³வி வஸேத்தஸ்ய க்³ருஹே ஸதா³ ।
யத்³க்³ருஹே ச ஸஹஸ்ரம் ச நாம்னாம் திஷ்ட²தி பூஜிதம் ॥ 26 ॥
இதி ஶ்ரீஸம்மோஹனதந்த்ரே ஹரகௌ³ரீஸம்வாதே³ ஶ்ரீகோ³பால ஸஹஸ்ரனாமஸ்தோத்ரம் ।
