॥ இந்த்³ராத³யோ ஊசு: ॥
ஜடாகடாஹயுக்தமுண்ட³ப்ராந்தவிஸ்த்ருதம் ஹரே:
அபாங்க³க்ருத்³த⁴த³ர்ஶனோபஹார சூர்ணகுந்தல: ।
ப்ரசண்ட³வேக³காரணேன பிஞ்ஜல: ப்ரதிக்³ரஹ:
ஸ க்ருத்³த⁴தாண்ட³வஸ்வரூபத்⁴ருக்³விராஜதே ஹரி: ॥ 1 ॥
அதே²ஹ வ்யூஹபார்ஷ்ணிப்ராக்³வரூதி²னீ நிஷங்கி³ன:
ததா²ஞ்ஜனேய்ருக்ஷபூ⁴பஸௌரபா³லினந்த³னா: ।
ப்ரசண்ட³தா³னவானலம் ஸமுத்³ரதுல்யனாஶகா:
நமோஸ்துதே ஸுராரிசக்ரப⁴க்ஷகாய ம்ருத்யவே ॥ 2 ॥
கலேவரே கஷாயவாஸஹஸ்தகார்முகம் ஹரே:
உபாஸனோபஸங்க³மார்த²த்⁴ருக்³விஶாக²மண்ட³லம் ।
ஹ்ருதி³ ஸ்மரன் த³ஶாக்ருதே: குசக்ரசௌர்யபாதகம்
விதா³ர்யதே ப்ரசண்ட³தாண்ட³வாக்ருதி: ஸ ராக⁴வ: ॥ 3 ॥
ப்ரகாண்ட³காண்ட³காண்ட³கர்மதே³ஹசி²த்³ரகாரணம்
குகூடகூடகூடகௌணபாத்மஜாபி⁴மர்த³னம் ।
ததா²கு³ணங்கு³ணங்கு³ணங்கு³ணங்கு³ணேன த³ர்ஶயன்
க்ருபீடகேஶலங்க்⁴யமீஶமேகராக⁴வம் பஜ⁴ே ॥ 4 ॥
ஸவானரான்வித: ததா²ப்லுதம் ஶரீரமஸ்ருஜா
விரோதி⁴மேத³ஸாக்³ரமாம்ஸகு³ல்மகாலக²ண்ட³னை: ।
மஹாஸிபாஶஶக்தித³ண்ட³தா⁴ரகை: நிஶாசரை:
பரிப்லுதம் க்ருதம் ஶவைஶ்ச யேன பூ⁴மிமண்ட³லம் ॥ 5 ॥
விஶாலத³ம்ஷ்ட்ரகும்ப⁴கர்ணமேக⁴ராவகாரகை:
ததா²ஹிராவணாத்³யகம்பனாதிகாயஜித்வரை: ।
ஸுரக்ஷிதாம் மனோரமாம் ஸுவர்ணலங்கனாக³ரீம்
நிஜாஸ்த்ரஸங்குலைரபே⁴த்³யகோடமர்த³னம் க்ருத: ॥ 6 ॥
ப்ரபு³த்³த⁴பு³த்³த⁴யோகி³பி⁴: மஹர்ஷிஸித்³த⁴சாரணை:
விதே³ஹஜாப்ரிய: ஸதா³னுதோ ஸ்துதோ ச ஸ்வஸ்திபி⁴: ।
புலஸ்த்யனந்த³னாத்மஜஸ்ய முண்ட³ருண்ட³சே²த³னம்
ஸுராரியூத²பே⁴த³னம் விலோகயாமி ஸாம்ப்ரதம் ॥ 7 ॥
கராலகாலரூபிணம் மஹோக்³ரசாபதா⁴ரிணம்
குமோஹக்³ரஸ்தமர்கடாச்ச²ப⁴ல்லத்ராணகாரணம் ।
விபீ⁴ஷணாதி³பி⁴: ஸதா³பி⁴ஷேணனேபி⁴சிந்தகம்
பஜ⁴ாமி ஜித்வரம் ததோ²ர்மிலாபதே: ப்ரியாக்³ரஜம் ॥ 8 ॥
இதஸ்தத: முஹுர்முஹு: பரிப்⁴ரமந்தி கௌந்திகா:
அனுப்லவப்ரவாஹப்ராஸிகாஶ்ச வைஜயந்திகா: ।
ம்ருதே⁴ ப்ரபா⁴கரஸ்ய வம்ஶகீர்தினோபதா³னதாம்
அபி⁴க்ரமேண ராக⁴வஸ்ய தாண்ட³வாக்ருதே: க³தா: ॥ 9 ॥
நிராக்ருதிம் நிராமயம் ததா²தி³ஸ்ருஷ்டிகாரணம்
மஹோஜ்ஜ்வலம் அஜம் விபு⁴ம் புராணபூருஷம் ஹரிம் ।
நிரங்குஶம் நிஜாத்மப⁴க்தஜன்மம்ருத்யுனாஶகம்
அத⁴ர்மமார்க³கா⁴தகம் கபீஶவ்யூஹனாயகம் ॥ 1௦ ॥
கராலபாலிசக்ரஶூலதீக்ஷ்ணபி⁴ந்தி³பாலகை:
குடா²ரஸர்வலாஸிதே⁴னுகேலிஶல்யமுத்³க³ரை: ।
ஸுபுஷ்கரேண புஷ்கராஞ்ச புஷ்கராஸ்த்ரமாரணை:
ஸதா³ப்லுதம் நிஶாசரை: ஸுபுஷ்கரஞ்ச புஷ்கரம் ॥ 11 ॥
ப்ரபன்னப⁴க்தரக்ஷகம் வஸுந்த⁴ராத்மஜாப்ரியம்
கபீஶவ்ருந்த³ஸேவிதம் ஸமஸ்ததூ³ஷணாபஹம் ।
ஸுராஸுராபி⁴வந்தி³தம் நிஶாசராந்தகம் விபு⁴ம்
ஜக³த்ப்ரஶஸ்திகாரணம் பஜ⁴ேஹ ராமமீஶ்வரம் ॥ 12 ॥
॥ இதி ஶ்ரீபா⁴க³வதானந்த³கு³ருணா விரசிதே ஶ்ரீராக⁴வேந்த்³ரசரிதே
இந்த்³ராதி³ தே³வக³ணை: க்ருதம் ஶ்ரீராமதாண்ட³வஸ்தோத்ரம் ஸம்பூர்ணம் ॥
