மாங்க³ல்ய ஸ்தவ:

ஶ்ரீ புலஸ்த்ய::
ஜனார்த³னம் பூ⁴தபதிம் ஜக³த்³கு³ரும் ஸ்மரன் மனுஷ்ய: ஸததம் மஹாமுனே ।
து³ஷ்டான்யஶேஷண்யபஹந்தி ஸாத⁴யதி அஶேஷகார்யாணி ச யான்யபீ⁴ப்ஸதி ॥ 3 ॥

ஶ்ருணுஷ்வ சான்யத் க³த³தோ மமாகி²லம் வதா³மி யத் தே த்³விஜவர்ய! மங்க³லம் ।
ஸர்வார்த²ஸித்³தி⁴ம் ப்ரத³தா³தி யத் ஸதா³ நிஹந்த்ய்ஶேஷாணி ச பாதகானி ॥ 4 ॥

ப்ரதிஷ்டிதம் யத்ர ஜக³ச்சராசரம் ஜக³த்த்ரயே யோ ஜக³தஶ்ச ஹேது: ।
ஜக³ச்ச பாத்யத்தி ச ய: ஸ ஸர்வதா³ மமாஸ்து மாங்க³ல்யவிவ்ருத்³த⁴யே ஹரி: ॥ 5 ॥

வ்யோமாம்பு³வாய்வக்³னிமஹீஸ்வரூபை: விஸ்தாரவான் யோணுதரோணுபா⁴வாத் ।
அஸ்தூ²லஸூக்ஷ்ம: ஸததம் பரேஶ்வரோ மமாஸ்து மாங்க³ல்யவிவ்ருத்³த⁴யே ஹரி: ॥ 6 ॥

யஸ்மாத் பரஸ்மாத் புருஷாத³னந்தாத் அனாதி³மத்⁴யாத³தி⁴கம் ந கிஞ்சித் ।
ஸ ஹேதுஹேது: பரமேஶ்வரேஶ்வர: மமாஸ்து மாங்க³ல்யவிவ்ருத்³த⁴யே ஹரி: ॥ 7 ॥

ஹிரண்யக³ர்பா⁴ச்யுதருத்³ரரூபீ ஸ்ருஜத்யஶேஷம் பரிபாதி ஹந்தி ।
கு³ணாக்³ரணீர்யோ ப⁴க³வான் ஸ ஸர்வதா³ மமாஸ்து மாங்க³ல்யவிவ்ருத்³த⁴யே ஹரி: ॥ 8 ॥

பர: ஸுராணாம் பரமோஸுராணாம் பரோ யதீனாம் பரமோ முனீனாம் ।
பர: ஸமஸ்தஸ்ய ச ய: ஸ ஸர்வதா³ மமாஸ்து மாங்க³ல்யவிவ்ருத்³த⁴யே ஹரி: ॥ 9 ॥

த்⁴யாதோ முனீனாமபகல்மஷைர்யோ த³தா³தி முக்திம் பரமேஶ்வரேஶ்வர: ।
மனோபி⁴ராம: புருஷ: ஸ ஸர்வதா³ மமாஸ்து மாங்க³ல்யவிவ்ருத்³த⁴யே ஹரி: ॥ 1௦ ॥

ஸுரேந்த்³ரவைவஸ்வதவித்தபாம்பு³பஸ்வரூபரூபீ பரிபாதி யோ ஜக³த் ।
ஸ ஶுத்³த⁴ஶுத்³த:⁴ பரமேஶ்வரேஶ்வரோ மமாஸ்து மாங்க³ல்யவிவ்ருத்³த⁴யே ஹரி: ॥ 11 ॥

யன்னாமஸங்கீர்தனதோ விமுச்யதே ஹ்யனேகஜன்மார்ஜிதபாபஸஞ்சயாத் ।
பாபேந்த⁴னாக்³னி: ஸ ஸதை³வ நிர்மலோ மமாஸ்து மாங்க³ல்யவிவ்ருத்³த⁴யே ஹரி: ॥ 12 ॥

யேனோத்³த்⁴ருதேயம் த⁴ரணீ ரஸாதலாத் அஶேஷஸ்ருஷ்டிஸ்தி²திகாரணாதி³கம் ।
பி³ப⁴ர்தி விஶ்வம் ஜக³த: ஸ மூலம் மமாஸ்து மாங்க³ல்யவிவ்ருத்³த⁴யே ஹரி: ॥ 13 ॥

பாதே³ஷு வேதா³ ஜட²ரே சராசரம் ரோமஸ்வஶேஷா முனயோ முகே² மகா²: ।
யஸ்யேஶ்வரேஶஸ்ய ஸ ஸர்வதா³ ப்ரபு⁴: மமாஸ்து மாங்க³ல்யவிவ்ருத்³த⁴யே ஹரி: ॥ 14 ॥

ஸமஸ்த யஜ்ஞாங்க³மயம் வபு: ப்ரபோ⁴: யஸ்யாங்க³மீஶேஶ்வரஸம்ஸ்துதஸ்ய ।
வராஹரூபீ ப⁴க³வான் ஸ ஸர்வதா³ மமாஸ்து மாங்க³ல்யவிவ்ருத்³த⁴யே ஹரி: ॥ 15 ॥

விக்ஷோப்⁴ய ஸர்வோத³தி⁴தோயஸம்ப⁴வம் த³தா⁴ர தா⁴த்ரீம் ஜக³தஶ்ச யோ பு⁴வம் ।
யஜ்ஞேஶ்வரோ யஜ்ஞபுமான் ஸ ஸர்வதா³ மமாஸ்து மாங்க³ல்யவிவ்ருத்³த⁴யே ஹரி: ॥ 16 ॥

பாதாலமூலேஶ்வரபோ⁴கி³ஸம்ஹதோ வின்யஸ்ய பாதௌ³ ப்ருதிவீம் ச பி³ப்⁴ரத: ।
யஸ்யோபமானம் ந ப³பூ⁴வ ஸோச்யுதோ மமாஸ்து மாங்க³ல்யவிவ்ருத்³த⁴யே ஹரி: ॥ 17 ॥

ஸக⁴ர்க⁴ரம் யஸ்ய ச ப்³ரும்ஹிதம் முஹு: ஸனந்த³னாத்³யைர்ஜனலோகஸம்ஶ்ரிதை: ।
ஶ்ருதம் ஜயேத்யுக்திபரை: ஸ ஸர்வதா³ மமாஸ்து மாங்க³ல்யவிவ்ருத்³த⁴யே ஹரி: ॥ 18 ॥

ஏகார்ணவாத்³ யஸ்ய மஹீயஸௌ மஹீம் ஆதா³ய வேகே³ன க²முத்பதிஷ்யத: ।
நதம் வபுர்யோகி³வரை: ஸ ஸர்வதா³ மமாஸ்து மாங்க³ல்யவிவ்ருத்³த⁴யே ஹரி: ॥ 19 ॥

ஹதோ ஹிரண்யாக்ஷமஹாஸுர: புரா புராணபும்ஸா பரமேண யேன ।
வராஹரூப: ஸ பதி: ப்ரஜாபதி: மமாஸ்து மாங்க³ல்யவிவ்ருத்³த⁴யே ஹரி: ॥ 2௦ ॥

த³ம்ஷ்ட்ராகராலம் ஸுரபீ⁴தினாஶகம் க்ருதம் வபுர்தி³வ்யன்ருஸிம்ஹரூபிணா ।
த்ராதும் ஜக³த் யேன ஸ ஸர்வதா³ ப்ரபு⁴: மமாஸ்து மாங்க³ல்யவிவ்ருத்³த⁴யே ஹரி: ॥ 21 ॥

தை³த்யேந்த்³ரவக்ஷ:ஸ்த²லதா³ரதா³ருணை:
கரேருஹைர்ய: க்ரகசானுகாரிபி⁴: ।
விச்சே²த³ லோகஸ்ய ப⁴யானி ஸோச்யுதோ
மமாஸ்து மாங்க³ல்யவிவ்ருத்³த⁴யே ஹரி: ॥ 22 ॥

த³ந்தாந்ததீ³ப்தத்³யுதினிர்மலானி ய: சகார ஸர்வாணி தி³ஶாம் முகா²னி ।
நினாத³வித்ராஸிததா³னவோ ஹ்யஸௌ மமாஸ்து மாங்க³ல்யவிவ்ருத்³த⁴யே ஹரி: ॥ 23 ॥

யன்னாமஸங்கீர்தனதோ மஹாப⁴யாத் விமோக்ஷமாப்னோதி ந ஸம்ஶயம் நர: ।
ஸ ஸர்வலோகார்திஹரோ ந்ருகேஸரீ மமாஸ்து மாங்க³ல்யவிவ்ருத்³த⁴யே ஹரி: ॥ 24 ॥

ஸடாகராலப்⁴ரமணானிலாஹதா: ஸ்பு²டந்தி யஸ்யாம்பு³த⁴ரா: ஸமந்தத: ।
ஸ தி³வ்யஸிம்ஹ: ஸ்பு²ரிதானலேக்ஷணோ மமாஸ்து மாங்க³ல்யவிவ்ருத்³த⁴யே ஹரி: ॥ 25 ॥

யதீ³க்ஷணஜ்யோதிஷி ரஶ்மிமண்ட³லம் ப்ரலீனமீஷன்ன ரராஜ பா⁴ஸ்வத: ।
குத: ஶஶாங்கஸ்ய ஸ தி³வ்யரூபத்⁴ருக் மமாஸ்து மாங்க³ல்யவிவ்ருத்³த⁴யே ஹரி: ॥ 26 ॥

அஶேஷதே³வேஶனரேஶ்வரேஶ்வரை: ஸதா³ ஸ்துதம் யச்சரிதம் மஹாத்³பு⁴தம் ।
ஸ ஸர்வலோகார்திஹரோ மஹாஹரி: மமாஸ்து மாங்க³ல்யவிவ்ருத்³த⁴யே ஹரி: ॥ 27 ॥

த்³ரவந்தி தை³த்யா: ப்ரணமந்தி தே³வதா: நஶ்யந்தி ரக்ஷாம்ஸி அபயாந்தி சாரய: ।
யத்கீர்தனாத் ஸோத்³பு⁴தரூபகேஸரீ மமாஸ்து மாங்க³ல்யவிவ்ருத்³த⁴யே ஹரி: ॥ 28 ॥

ருக்பாவிதம் யோ யஜுஷா ஹி ஶ்ரீமத் ஸாமத்⁴வனித்⁴வஸ்தஸமஸ்தபாதகம் ।
சக்ரே ஜக³த் வாமனக: ஸ ஸர்வதா³ மமாஸ்து மாங்க³ல்யவிவ்ருத்³த⁴யே ஹரி: ॥ 29 ॥

யத்பாத³வின்யாஸபவித்ரதாம் மஹீ யயௌ வியச்சர்க்³யஜுஷாமுதீ³ரணாத் ।
ஸ வாமனோ தி³வ்யஶரீரரூபத்³ரும் மமாஸ்து மாங்க³ல்யவிவ்ருத்³த⁴யே ஹரி: ॥ 3௦ ॥

யஸ்மின் ப்ரயாதேஸுரபூ⁴ப்⁴ருதோத்⁴வராத் நனாம கே²தா³த³வனி: ஸஸாக³ரா ।
ஸ வாமன: ஸர்வஜக³ன்மய: ஸதா³ மமாஸ்து மாங்க³ல்யவிவ்ருத்³த⁴யே ஹரி: ॥ 31 ॥

மஹாத்³பு⁴தே தை³த்யபதேர்மஹாத்⁴வரே யஸ்மின் ப்ரவிஷ்டே க்ஷுபி⁴தம் மஹாஸுரை: ।
ஸ வாமனோந்தஸ்தி²தஸப்தலோகத்⁴ரும் மமாஸ்து மாங்க³ல்யவிவ்ருத்³த⁴யே ஹரி: ॥ 32 ॥

ஸங்கை⁴: ஸுராணாம் தி³வி பூ⁴தலஸ்தி²தை: ததா² மனுஷ்யைர்க³க³னே ச கே²சரை: ।
ஸ்துத: க்ரமாத்³ ய: ப்ரச்சார ஸர்வதா³ மமாஸ்து மாங்க³ல்யவிவ்ருத்³த⁴யே ஹரி: ॥ 33 ॥

க்ராந்த்வா த⁴ரித்ரீம் க³க³னம் ததா² தி³வம் மருத்பதேர்ய: ப்ரத³தௌ³ த்ரிவிஷ்டபம் ।
ஸ தே³வதே³வோ பு⁴வனேஶ்வரேஶ்வரோ மமாஸ்து மாங்க³ல்யவிவ்ருத்³த⁴யே ஹரி: ॥ 34 ॥

அனுக்³ரஹம் சாபி ப³லேரனுத்த்மம் சகார யஶ்சேந்த்³ரபதோ³பமம் க்ஷணாத் ।
ஸுராம்ஶ்ச யஜ்ஞாம்ஶபு⁴ஜ: ஸ ஸர்வதா³ மமாஸ்து மாங்க³ல்யவிவ்ருத்³த⁴யே ஹரி: ॥ 35 ॥

ரஸாதலாத்³ யேன புரா ஸமாஹ்ருதா: ஸமஸ்தவேதா³ ஜலசாரரிரூபிணா ।
ஸ கைடபா⁴ரிமது⁴ஹாம்பு³ஶாயீ மமாஸ்து மாங்க³ல்யவிவ்ருத்³த⁴யே ஹரி: ॥ 36 ॥

நி:க்ஷத்ரியம் யஶ்ச சகார மேதி³னீம் அனேகஶோ பா³ஹுவனம் ததா²ச்சி²னத் ।
ய: கார்தவீர்யஸ்ய ஸ பா⁴ர்க³வோத்தமோ மமாஸ்து மாங்க³ல்யவிவ்ருத்³த⁴யே ஹரி: ॥ 37 ॥

நிஹத்ய யோ வாலினமுக்³ரவிக்ரமம்
நிப³த்³த்⁴ய ஸேதும் ஜலதௌ⁴ த³ஶானநம் ।
ஜகா⁴ன சான்யான் ரஜனீசரான் அஸௌ
மமாஸ்து மாங்க³ல்யவிவ்ருத்³த⁴யே ஹரி: ॥ 38 ॥

சிக்ஷேப பா³ல: ஶகடம், ப³ப⁴ஞ்ஜ யோ யமார்ஜுனம், கம்ஸமரிம் ஜகா⁴ன ச ।
மமர்த³ சாணூரமுகா²ன் ஸ ஸர்வதா³ மமாஸ்து மாங்க³ல்யவிவ்ருத்³த⁴யே ஹரி: ॥ 39 ॥

ப்ராத: ஸஹஸ்ராம்ஶுமரீசினிர்மலம் கரேண பி³ப்⁴ரத் ப⁴க³வான் ஸுத³ர்ஶனம் ।
கௌமோத³கீ சாபி க³தா³மனந்தோ மமாஸ்து மாங்க³ல்யவிவ்ருத்³த⁴யே ஹரி: ॥ 4௦ ॥

ஹிமேந்து³குந்த³ஸ்ப²டிகாப⁴னிர்மலம் முகா²னிலாபூரிதமீஶ்வரேஶ்வர: ।
மத்⁴யாஹ்னகாலேபி ஸ ஶன்க²முத்³வஹன் மமாஸ்து மாங்க³ல்யவிவ்ருத்³த⁴யே ஹரி: ॥ 41 ॥

ததா²பராஹ்ணே ப்ரவிகாஸி பங்கஜம் வக்ஷஸ்த²லேன ஶ்ரியமுத்³வஹன் ஹரி: ।
விஸ்தாரிபத்³மாயதபத்ரலோசனோ மமாஸ்து மாங்க³ல்யவிவ்ருத்³த⁴யே ஹரி: ॥ 42 ॥

ஸர்வேஷு காலேஷு ஸமஸ்ததே³ஶேஷு அஶேஷகார்யேஷு ததே²ஶ்வரேஶ்வர: ।
ஸர்வை: ஸ்வரூபைர்ப⁴க³வான் அனாதி³மான் மமாஸ்து மாங்க³ல்யவிவ்ருத்³த⁴யே ஹரி: ॥ 43 ॥

ஏதத் பட²ன் தா³ல்ப்⁴ய ஸமஸ்தபாபை:
விமுச்யதே விஷ்ணுபரோ மனுஷ்ய: ।
ஸித்³த்⁴யந்தி கார்யாணி ததா²ஸ்ய ஸர்வான்
அர்தா²னவாப்னோதி யதே²ச்ச²தே தான் ॥ 44 ॥

து³:ஸ்வப்ன: ப்ரஶமமுபைதி பட்²யமானே
ஸ்தோத்ரேஸ்மின் ஶ்ரவணவிதௌ⁴ ஸதோ³த்³யதஸ்ய ।
ப்ராரம்போ⁴ த்³ருதமுபயாதி ஸித்³தி⁴மீஶ:
பாபானி க்ஷபயதி சாஸ்ய தே³வதே³வ: ॥ 45 ॥

மாங்க³ல்யம் பரமபத³ம் ஸதா³ர்த²ஸித்³தி⁴ம்
நிர்விக்⁴னாமதி⁴கப²லாம் ஶ்ரியம் த³தா³தி ।
கிம் லோகே ததி³ஹ பரத்ர சாபி பும்ஸாம்
யத்³விஷ்ணுப்ரவணதி⁴யாம் ந தா³ல்ப்⁴ய! ஸாத்⁴யம் ॥ 46 ॥

தே³வேந்த்³ரஸ்த்ரிபு⁴வனமர்த²மேகபிங்க:³
ஸம்ஸித்³தி⁴ம் த்ரிபு⁴வனகா³ம் ச கார்தவீர்ய: ।
வைதே³ஹ: பரமபத³ம் ப்ரஸாத்³ய விஷ்ணும்
ஸம்ப்ராப்தா: ஸகலப²லப்ரதோ³ ஹி விஷ்ணு: ॥ 47 ॥

ஸர்வாரம்பே⁴ஷு தா³ல்ப்⁴யைதத்³ து³:ஸ்வப்னேஷு ச பண்டி³த: ।
ஜபேதே³கமனா விஷ்ணௌ ததா²மங்க³ல்யத³ர்ஶனே ॥ 48 ॥

ஶமம் ப்ரயாந்தி து³ஷ்டானி க்³ரஹபீடா³ஶ்ச தா³ருணா: ।
கர்மாரம்பா⁴ஶ்ச ஸித்³த்⁴யந்தி புண்யமாப்னோதி சோத்தமம் ॥ 49 ॥

ஹரிர்த³தா³தி ப⁴த்³ராணி மங்க³ல்யஸ்துதிஸம்ஸ்துத: ।
கரோத்யகி²லரூபைஸ்து ரக்ஷாமக்ஷதஶக்திப்⁴ருத் ॥ 5௦ ॥

॥ ஶ்ரீவிஷ்ணுத⁴ர்மோத்தராந்தர்க³த: மாங்க³ல்யஸ்தவ: ஸம்பூர்ண: ॥

Browse Related Categories: