kailāsaśikharē ramyē gaurī paprachCha śaṅkaram ।
brahmāṇḍākhilanāthastvaṃ sṛṣṭisaṃhārakārakaḥ ॥ 1 ॥
tvamēva pūjyasē lōkairbrahmaviṣṇusurādibhiḥ ।
nityaṃ paṭhasi dēvēśa kasya stōtraṃ mahēśvara ॥ 2 ॥
āścharyamidamatyantaṃ jāyatē mama śaṅkara ।
tatprāṇēśa mahāprājña saṃśayaṃ Chindhi mē prabhō ॥ 3 ॥
śrīmahādēva uvācha-
dhanyāsi kṛtapuṇyāsi pārvati prāṇavallabhē ।
rahasyātirahasyaṃ cha yatpṛchChasi varānanē ॥ 4 ॥
strīsvabhāvānmahādēvi punastvaṃ paripṛchChasi ।
gōpanīyaṃ gōpanīyaṃ gōpanīyaṃ prayatnataḥ ॥ 5 ॥
dattē cha siddhihāniḥ syāttasmādyatnēna gōpayēt ।
idaṃ rahasyaṃ paramaṃ puruṣārthapradāyakam ॥ 6 ॥
dhanaratnaughamāṇikyaṃ turaṅgaṃ cha gajādikam ।
dadāti smaraṇādēva mahāmōkṣapradāyakam ॥ 7 ॥
tattē'haṃ sampravakṣyāmi śṛṇuṣvāvahitā priyē ।
yō'sau nirañjanō dēvaśchitsvarūpī janārdanaḥ ॥ 8 ॥
saṃsārasāgarōttārakāraṇāya nṛṇāṃ sadā ।
śrīraṅgādikarūpēṇa trailōkyaṃ vyāpya tiṣṭhati ॥ 9 ॥
tatō lōkā mahāmūḍhā viṣṇubhaktivivarjitāḥ ।
niśchayaṃ nādhigachChanti punarnārāyaṇō hariḥ ॥ 10 ॥
nirañjanō nirākārō bhaktānāṃ prītikāmadaḥ ।
bṛndāvanavihārāya gōpālaṃ rūpamudvahan ॥ 11 ॥
muraḻīvādanādhārī rādhāyai prītimāvahan ।
aṃśāṃśēbhyaḥ samunmīlya pūrṇarūpakaḻāyutaḥ ॥ 12 ॥
śrīkṛṣṇachandrō bhagavān nandagōpavarōdyataḥ ।
dharaṇīrūpiṇī mātā yaśōdā nandagēhinī ॥ 13 ॥
dvābhyāṃ prayāchitō nāthō dēvakyāṃ vasudēvataḥ ।
brahmaṇā'bhyarthitō dēvō dēvairapi surēśvaraḥ ॥ 14 ॥
jātō'vanyāṃ cha muditō muraḻīvāchanēchChayā ।
śriyā sārdhaṃ vachaḥ kṛtvā tatō jātō mahītalē ॥ 15 ॥
saṃsārasārasarvasvaṃ śyāmalaṃ mahadujjvalam ।
ētajjyōtirahaṃ vandyaṃ chintayāmi sanātanam ॥ 16 ॥
gauratējō vinā yastu śyāmatējassamarchayēt ।
japēdvā dhyāyatē vāpi sa bhavētpātakī śivē ॥ 17 ॥
sa brahmahā surāpī cha svarṇastēyī cha pañchamaḥ ।
ētairdōṣairvilipyēta tējōbhēdānmahīśvari ॥ 18 ॥
tasmājjyōtirabhūddvēdhā rādhāmādhavarūpakam ।
tasmādidaṃ mahādēvi gōpālēnaiva bhāṣitam ॥ 19 ॥
durvāsasō munērmōhē kārtikyāṃ rāsamaṇḍalē ।
tataḥ pṛṣṭavatī rādhā sandēhaṃ bhēdamātmanaḥ ॥ 20 ॥
nirañjanātsamutpannaṃ māyātītaṃ jaganmayam ।
śrīkṛṣṇēna tataḥ prōktaṃ rādhāyai nāradāya cha ॥ 21 ॥
tatō nāradatassarvaṃ viraḻā vaiṣṇavāstathā ।
kalau jānanti dēvēśi gōpanīyaṃ prayatnataḥ ॥ 22 ॥
śaṭhāya kṛpaṇāyātha ḍāmbhikāya surēśvari ।
brahmahatyāmavāpnōti tasmādyatnēna gōpayēt ॥ 23 ॥
ōṃ asya śrīgōpālasahasranāmastōtra mahāmantrasya śrīnārada ṛṣiḥ, anuṣṭup Chandaḥ, śrīgōpālō dēvatā, kāmō bījaṃ, māyā śaktiḥ, chandraḥ kīlakaṃ, śrīkṛṣṇachandra bhaktirūpaphalaprāptayē śrīgōpālasahasranāmastōtrajapē viniyōgaḥ ।
ōṃ aiṃ klīṃ bījaṃ, śrīṃ hrīṃ śaktiḥ, śrī bṛndāvananivāsaḥ kīlakaṃ, śrīrādhāpriyaṃ paraṃ brahmēti mantraḥ, dharmādi chaturvidha puruṣārthasiddhyarthē japē viniyōgaḥ ।
nyāsaḥ ।
ōṃ nārada ṛṣayē namaḥ śirasi ।
anuṣṭup Chandasē namaḥ mukhē ।
śrīgōpāladēvatāyai namaḥ hṛdayē ।
klīṃ kīlakāya namaḥ nābhau ।
hrīṃ śaktayē namaḥ guhyē ।
śrīṃ kīlakāya namaḥ phālayōḥ ।
ōṃ klīṃ kṛṣṇāya gōvindāya gōpījanavallabhāya svāhā iti mūlamantraḥ ।
karanyāsaḥ ।
ōṃ klāṃ aṅguṣṭhābhyāṃ namaḥ ।
ōṃ klīṃ tarjanībhyāṃ namaḥ ।
ōṃ klūṃ madhyamābhyāṃ namaḥ ।
ōṃ klaiṃ anāmikābhyāṃ namaḥ ।
ōṃ klauṃ kaniṣṭhikābhyāṃ namaḥ ।
ōṃ klaḥ karatalakarapṛṣṭhābhyāṃ namaḥ ।
hṛdayādinyāsaḥ ।
ōṃ klāṃ hṛdayāya namaḥ ।
ōṃ klīṃ śirasē svāhā ।
ōṃ klūṃ śikhāyai vaṣaṭ ।
ōṃ klaiṃ kavachāya hum ।
ōṃ klauṃ nētratrayāya vauṣaṭ ।
ōṃ klaḥ astrāya phaṭ ।
mūlamantranyāsaḥ ।
klīṃ aṅguṣṭhābhyāṃ namaḥ ।
kṛṣṇāya tarjanībhyāṃ namaḥ ।
gōvindāya madhyamābhyāṃ namaḥ ।
gōpījana anāmikābhyāṃ namaḥ ।
vallabhāya kaniṣṭhikābhyāṃ namaḥ ।
svāhā karatalakarapṛṣṭhābhyāṃ namaḥ ।
klīṃ hṛdayāya namaḥ ।
kṛṣṇāya śirasē svāhā ।
gōvindāya śikhāyai vaṣaṭ ।
gōpījana kavachāya hum ।
vallabhāya nētratrayāya vauṣaṭ ।
svāhā astrāya phaṭ ।
dhyānam ।
phullēndīvarakāntiminduvadanaṃ barhāvataṃsapriyaṃ
śrīvatsāṅkamudārakaustubhadharaṃ pītāmbaraṃ sundaram ।
gōpīnāṃ nayanōtpalārchitatanuṃ gōgōpasaṅghāvṛtaṃ
gōvindaṃ kalavēṇuvādanaparaṃ divyāṅgabhūṣaṃ bhajē ॥ 1 ॥
kastūrītilakaṃ lalāṭaphalakē vakṣassthalē kaustubhaṃ
nāsāgrē varamauktikaṃ karatalē vēṇuṃ karē kaṅkaṇam ।
sarvāṅgē harichandanaṃ cha kalayan kaṇṭhē cha muktāvaliṃ
gōpastrīparivēṣṭitō vijayatē gōpālachūḍāmaṇiḥ ॥ 2 ॥
ōṃ klīṃ dēvaḥ kāmadēvaḥ kāmabījaśirōmaṇiḥ ।
śrīgōpālō mahīpālō vēdavēdāṅgapāragaḥ ॥ 1 ॥
kṛṣṇaḥ kamalapatrākṣaḥ puṇḍarīkaḥ sanātanaḥ ।
gōpatirbhūpatiḥ śāstā prahartā viśvatōmukhaḥ ॥ 2 ॥
ādikartā mahākartā mahākālaḥ pratāpavān ।
jagajjīvō jagaddhātā jagadbhartā jagadvasuḥ ॥ 3 ॥
matsyō bhīmaḥ kuhūbhartā hartā vārāhamūrtimān ।
nārāyaṇō hṛṣīkēśō gōvindō garuḍadhvajaḥ ॥ 4 ॥
gōkulēśō mahāchandraḥ śarvarīpriyakārakaḥ ।
kamalāmukhalōlākṣaḥ puṇḍarīkaḥ śubhāvahaḥ ॥ 5 ॥
durvāsāḥ kapilō bhaumaḥ sindhusāgarasaṅgamaḥ ।
gōvindō gōpatirgōtraḥ kāḻindīprēmapūrakaḥ ॥ 6 ॥
gōpasvāmī gōkulēndraḥ gōvardhanavarapradaḥ ।
nandādigōkulatrātā dātā dāridryabhañjanaḥ ॥ 7 ॥
sarvamaṅgaḻadātā cha sarvakāmavarapradaḥ ।
ādikartā mahībhartā sarvasāgarasindhujaḥ ॥ 8 ॥
gajagāmī gajōddhārī kāmī kāmakalānidhiḥ ।
kaḻaṅkarahitaśchandrō bimbāsyō bimbasattamaḥ ॥ 9 ॥
mālākāraḥ kṛpākāraḥ kōkilasvarabhūṣaṇaḥ ।
rāmō nīlāmbarō dēhī halī dvividamardanaḥ ॥ 10 ॥
sahasrākṣapurībhēttā mahāmārīvināśanaḥ ।
śivaḥ śivatamō bhēttā balārātiprapūjakaḥ ॥ 11 ॥
kumārīvaradāyī cha varēṇyō mīnakētanaḥ ।
narō nārāyaṇō dhīrō dharāpatirudāradhīḥ ॥ 12 ॥
śrīpatiḥ śrīnidhiḥ śrīmān māpatiḥ pratirājahā ।
bṛndāpatiḥ kulaṃ grāmī dhāma brahmasanātanaḥ ॥ 13 ॥
rēvatīramaṇō rāmaḥ priyaśchañchalalōchanaḥ ।
rāmāyaṇaśarīraścha rāmō rāmaḥ śriyaḥpatiḥ ॥ 14 ॥
śarvaraḥ śarvarī śarvaḥ sarvatra śubhadāyakaḥ ।
rādhārādhayitārādhī rādhāchittapramōdakaḥ ॥ 15 ॥
rādhāratisukhōpētō rādhāmōhanatatparaḥ ।
rādhāvaśīkarō rādhāhṛdayāmbhōjaṣaṭpadaḥ ॥ 16 ॥
rādhāliṅganasammōdō rādhānartanakautukaḥ ।
rādhāsañjātasamprītō rādhākāmaphalapradaḥ ॥ 17 ॥
bṛndāpatiḥ kōkanidhiḥ kōkaśōkavināśanaḥ ।
chandrāpatiśchandrapatiśchaṇḍakōdaṇḍabhañjanaḥ ॥ 18 ॥
rāmō dāśarathī rāmō bhṛguvaṃśasamudbhavaḥ ।
ātmārāmō jitakrōdhō mōhō mōhāndhabhañjanaḥ ॥ 19 ॥
vṛṣabhānubhavō bhāvī kāśyapiḥ karuṇānidhiḥ ।
kōlāhalō halō hālī halī haladharapriyaḥ ॥ 20 ॥
rādhāmukhābjamārtāṇḍō bhāskarō ravijō vidhuḥ ।
vidhirvidhātā varuṇō vāruṇō vāruṇīpriyaḥ ॥ 21 ॥
rōhiṇīhṛdayānandī vasudēvātmajō baliḥ ।
nīlāmbarō rauhiṇēyō jarāsandhavadhō'malaḥ ॥ 22 ॥
nāgō javāmbhō virudō vīrahā varadō balī ।
gōpadō vijayī vidvān śipiviṣṭaḥ sanātanaḥ ॥ 23 ॥
paraśurāmavachōgrāhī varagrāhī sṛgālahā ।
damaghōṣōpadēṣṭā cha rathagrāhī sudarśanaḥ ॥ 24 ॥
vīrapatnīyaśastrātā jarāvyādhivighātakaḥ ।
dvārakāvāsatattvajñō hutāśanavarapradaḥ ॥ 25 ॥
yamunāvēgasaṃhārī nīlāmbaradharaḥ prabhuḥ ।
vibhuḥ śarāsanō dhanvī gaṇēśō gaṇanāyakaḥ ॥ 26 ॥
lakṣmaṇō lakṣaṇō lakṣyō rakṣōvaṃśavināśakaḥ ।
vāmanō vāmanībhūtō vamanō vamanāruhaḥ ॥ 27 ॥
yaśōdānandanaḥ kartā yamaḻārjunamuktidaḥ ।
ulūkhalī mahāmānō dāmabaddhāhvayī śamī ॥ 28 ॥
bhaktānukārī bhagavān kēśavō'chaladhārakaḥ ।
kēśihā madhuhā mōhī vṛṣāsuravighātakaḥ ॥ 29 ॥
aghāsuravighātī cha pūtanāmōkṣadāyakaḥ ।
kubjāvinōdī bhagavān kaṃsamṛtyurmahāmukhī ॥ 30 ॥
aśvamēdhō vājapēyō gōmēdhō naramēdhavān ।
kandarpakōṭilāvaṇyaśchandrakōṭisuśītalaḥ ॥ 31 ॥
ravikōṭipratīkāśō vāyukōṭimahābalaḥ ।
brahmā brahmāṇḍakartā cha kamalāvāñChitapradaḥ ॥ 32 ॥
kamalī kamalākṣaścha kamalāmukhalōlupaḥ ।
kamalāvratadhārī cha kamalābhaḥ purandaraḥ ॥ 33 ॥
saubhāgyādhikachittaścha mahāmāyī madōtkaṭaḥ ।
tāṭakāriḥ suratrātā mārīchakṣōbhakārakaḥ ॥ 34 ॥
viśvāmitrapriyō dāntō rāmō rājīvalōchanaḥ ।
laṅkādhipakuladhvaṃsī vibhīṣaṇavarapradaḥ ॥ 35 ॥
sītānandakarō rāmō vīrō vāridhibandhanaḥ ।
kharadūṣaṇasaṃhārī sākētapuravāsavān ॥ 36 ॥
chandrāvaḻipatiḥ kūlaḥ kēśikaṃsavadhō'maraḥ ।
mādhavō madhuhā mādhvī mādhvīkō mādhavī vibhuḥ ॥ 37 ॥
muñjāṭavīgāhamānō dhēnukārirdaśātmajaḥ ।
vaṃśīvaṭavihārī cha gōvardhanavanāśrayaḥ ॥ 38 ॥
tathā tāḻavanōddēśī bhāṇḍīravanaśaṅkaraḥ ।
tṛṇāvartakṛpākārī vṛṣabhānusutāpatiḥ ॥ 39 ॥
rādhāprāṇasamō rādhāvadanābjamadhūtkaṭaḥ ।
gōpīrañjanadaivajñaḥ līlākamalapūjitaḥ ॥ 40 ॥
krīḍākamalasandōhō gōpikāprītirañjanaḥ ।
rañjakō rañjanō raṅgō raṅgī raṅgamahīruhaḥ ॥ 41 ॥
kāmaḥ kāmāribhaktaścha purāṇapuruṣaḥ kaviḥ ।
nāradō dēvalō bhīmō bālō bālamukhāmbujaḥ ॥ 42 ॥
ambujō brahmasākṣī cha yōgī dattavarō muniḥ ।
ṛṣabhaḥ parvatō grāmō nadīpavanavallabhaḥ ॥ 43 ॥
padmanābhaḥ surajyēṣṭhō brahmā rudrō'hibhūṣitaḥ ।
gaṇānāṃ trāṇakartā cha gaṇēśō grahiḻō grahiḥ ॥ 44 ॥
gaṇāśrayō gaṇādhyakṣō krōḍīkṛtajagattrayaḥ ।
yādavēndrō dvārakēndrō mathurāvallabhō dhurī ॥ 45 ॥
bhramaraḥ kuntalī kuntīsutarakṣī mahāmanāḥ ।
yamunāvaradātā cha kāśyapasya varapradaḥ ॥ 46 ॥
śaṅkhachūḍavadhōddāmō gōpīrakṣaṇatatparaḥ ।
pāñchajanyakarō rāmī trirāmī vanajō jayaḥ ॥ 47 ॥
phālguṇaḥ phalgunasakhō virādhavadhakārakaḥ ।
rukmiṇīprāṇanāthaścha satyabhāmāpriyaṅkaraḥ ॥ 48 ॥
kalpavṛkṣō mahāvṛkṣō dānavṛkṣō mahāphalaḥ ।
aṅkuśō bhūsurō bhāvō bhāmakō bhrāmakō hariḥ ॥ 49 ॥
saraḻaḥ śāśvatō vīrō yaduvaṃśaśivātmakaḥ ।
pradyumnō balakartā cha prahartā daityahā prabhuḥ ॥ 50 ॥
mahādhanō mahāvīrō vanamālāvibhūṣaṇaḥ ।
tulasīdāmaśōbhāḍhyō jālandharavināśanaḥ ॥ 51 ॥
sūraḥ sūryō mṛkaṇḍuścha bhāsvarō viśvapūjitaḥ ।
ravistamōhā vahniścha bāḍabō baḍabānalaḥ ॥ 52 ॥
daityadarpavināśī cha garuḍō garuḍāgrajaḥ ।
gōpīnāthō mahīnāthō bṛndānāthō'varōdhakaḥ ॥ 53 ॥
prapañchī pañcharūpaścha latāgulmaścha gōmatiḥ ।
gaṅgā cha yamunārūpō gōdā vētravatī tathā ॥ 54 ॥
kāvērī narmadā tāpī gaṇḍakī sarayū rajaḥ ।
rājasastāmasassattvī sarvāṅgī sarvalōchanaḥ ॥ 55 ॥
sudhāmayō'mṛtamayō yōgināṃ vallabhaḥ śivaḥ ।
buddhō buddhimatāṃ śrēṣṭhō viṣṇurjiṣṇuḥ śachīpatiḥ ॥ 56 ॥
vaṃśī vaṃśadharō lōkō vilōkō mōhanāśanaḥ ।
ravarāvō ravō rāvō valō vālō valāhakaḥ ॥ 57 ॥
śivō rudrō nalō nīlō lāṅgalī lāṅgalāśrayaḥ ।
pāradaḥ pāvanō haṃsō haṃsārūḍhō jagatpatiḥ ॥ 58 ॥
mōhinīmōhanō māyī mahāmāyō mahāsukhī ।
vṛṣō vṛṣākapiḥ kālaḥ kālīdamanakārakaḥ ॥ 59 ॥
kubjābhāgyapradō vīrō rajakakṣayakārakaḥ ।
kōmalō vāruṇī rājā jalajō jaladhārakaḥ ॥ 60 ॥
hārakaḥ sarvapāpaghnaḥ paramēṣṭhī pitāmahaḥ ।
khaḍgadhārī kṛpākārī rādhāramaṇasundaraḥ ॥ 61 ॥
dvādaśāraṇyasambhōgī śēṣanāgaphaṇālayaḥ ।
kāmaḥ śyāmaḥ sukhaśrīdaḥ śrīpatiḥ śrīnidhiḥ kṛtiḥ ॥ 62 ॥
harirharō narō nārō narōttama iṣupriyaḥ ।
gōpālachittahartā cha kartā saṃsāratārakaḥ ॥ 63 ॥
ādidēvō mahādēvō gaurīgururanāśrayaḥ ।
sādhurmadhurvidhurdhātā trātā'krūraparāyaṇaḥ ॥ 64 ॥
rōlambī cha hayagrīvō vānarārirvanāśrayaḥ ।
vanaṃ vanī vanādhyakṣō mahāvandyō mahāmuniḥ ॥ 65 ॥
syamantakamaṇiprājñaḥ vijñō vighnavighātakaḥ ।
gōvardhanō vardhanīyō vardhanī vardhanapriyaḥ ॥ 66 ॥
vārdhanyō vardhanō vardhī vardhiṣṇastu sukhapriyaḥ ।
vardhitō vardhakō vṛddhō bṛndārakajanapriyaḥ ॥ 67 ॥
gōpālaramaṇībhartā sāmbakuṣṭhavināśanaḥ ।
rukmiṇīharaṇaprēmā prēmī chandrāvalīpatiḥ ॥ 68 ॥
śrīkartā viśvabhartā cha nārāyaṇa narō balī ।
gaṇō gaṇapatiśchaiva dattātrēyō mahāmuniḥ ॥ 69 ॥
vyāsō nārāyaṇō divyō bhavyō bhāvukadhārakaḥ ।
śvaḥśrēyasaṃ śivaṃ bhadraṃ bhāvukaṃ bhavukaṃ śubham ॥ 70 ॥
śubhātmakaḥ śubhaḥ śāstā praśastō mēghanādahā ।
brahmaṇyadēvō dīnānāmuddhārakaraṇakṣamaḥ ॥ 71 ॥
kṛṣṇaḥ kamalapatrākṣaḥ kṛṣṇaḥ kamalalōchanaḥ ।
kṛṣṇaḥ kāmī sadā kṛṣṇaḥ samastapriyakārakaḥ ॥ 72 ॥
nandō nandī mahānandī mādī mādanakaḥ kilī ।
mīlī hilī gilī gōlī gōlō gōlālayō gulī ॥ 73 ॥
guggulī mārakī śākhī vaṭaḥ pippalakaḥ kṛtī ।
mlēchChahā kālahartā cha yaśōdā yaśa ēva cha ॥ 74 ॥
achyutaḥ kēśavō viṣṇuḥ hariḥ satyō janārdanaḥ ।
haṃsō nārāyaṇō nīlō līnō bhaktiparāyaṇaḥ ॥ 75 ॥
jānakīvallabhō rāmō virāmō viṣanāśanaḥ ।
siṃhabhānurmahābhānu-rvīrabhānurmahōdadhiḥ ॥ 76 ॥
samudrō'bdhirakūpāraḥ pārāvāraḥ saritpatiḥ ।
gōkulānandakārī cha pratijñāparipālakaḥ ॥ 77 ॥
sadārāmaḥ kṛpārāmō mahārāmō dhanurdharaḥ ।
parvataḥ parvatākārō gayō gēyō dvijapriyaḥ ॥ 78 ॥
kamalāśvatarō rāmō rāmāyaṇapravartakaḥ ।
dyaurdivō divasō divyō bhavyō bhāgī bhayāpahaḥ ॥ 79 ॥
pārvatībhāgyasahitō bhartā lakṣmīsahāyavān । [vilāsavān]
vilāsī sāhasī sarvī garvī garvitalōchanaḥ ॥ 80 ॥
surārirlōkadharmajñō jīvanō jīvanāntakaḥ ।
yamō yamāriryamanō yamī yāmavighātakaḥ ॥ 81 ॥
vaṃśulī pāṃśulī pāṃsuḥ pāṇḍurarjunavallabhaḥ ।
lalitā chandrikāmālā mālī mālāmbujāśrayaḥ ॥ 82 ॥
ambujākṣō mahāyakṣō dakṣaśchintāmaṇiprabhuḥ ।
maṇirdinamaṇiśchaiva kēdārō badarīśrayaḥ ॥ 83 ॥
badarīvanasamprītō vyāsaḥ satyavatīsutaḥ ।
amarārinihantā cha sudhāsindhuvidhūdayaḥ ॥ 84 ॥
chandrō raviḥ śivaḥ śūlī chakrī chaiva gadādharaḥ ।
śrīkartā śrīpatiḥ śrīdaḥ śrīdēvō dēvakīsutaḥ ॥ 85 ॥
śrīpatiḥ puṇḍarīkākṣaḥ padmanābhō jagatpatiḥ ।
vāsudēvō'pramēyātmā kēśavō garuḍadhvajaḥ ॥ 86 ॥
nārāyaṇaḥ paraṃ dhāma dēvadēvō mahēśvaraḥ ।
chakrapāṇiḥ kaḻāpūrṇō vēdavēdyō dayānidhiḥ ॥ 87 ॥
bhagavān sarvabhūtēśō gōpālaḥ sarvapālakaḥ ।
anantō nirguṇō nityō nirvikalpō nirañjanaḥ ॥ 88 ॥
nirādhārō nirākārō nirābhāsō nirāśrayaḥ ।
puruṣaḥ praṇavātītō mukundaḥ paramēśvaraḥ ॥ 89 ॥
kṣaṇāvaniḥ sārvabhaumō vaikuṇṭhō bhaktavatsalaḥ ।
viṣṇurdāmōdaraḥ kṛṣṇō mādhavō mathurāpatiḥ ॥ 90 ॥
dēvakīgarbhasambhūtō yaśōdāvatsalō hariḥ ।
śivaḥ saṅkarṣaṇaḥ śambhurbhūtanāthō divaspatiḥ ॥ 91 ॥
avyayaḥ sarvadharmajñō nirmalō nirupadravaḥ ।
nirvāṇanāyakō nityō nīlajīmūtasannibhaḥ ॥ 92 ॥
kalākṣayaścha sarvajñaḥ kamalārūpatatparaḥ ।
hṛṣīkēśaḥ pītavāsā vasudēvapriyātmajaḥ ॥ 93 ॥
nandagōpakumārāryō navanītāśanō vibhuḥ ।
purāṇaḥ puruṣaśrēṣṭhaḥ śaṅkhapāṇiḥ suvikramaḥ ॥ 94 ॥
aniruddhaśchakradharaḥ śārṅgapāṇiśchaturbhujaḥ ।
gadādharaḥ surārtighnō gōvindō nandakāyudhaḥ ॥ 95 ॥
bṛndāvanacharaḥ śaurirvēṇuvādyaviśāradaḥ ।
tṛṇāvartāntakō bhīmasāhasō bahuvikramaḥ ॥ 96 ॥
śakaṭāsurasaṃhārī bakāsuravināśanaḥ ।
dhēnukāsurasaṃhārī pūtanārirnṛkēsarī ॥ 97 ॥
pitāmahō gurussākṣī pratyagātmā sadāśivaḥ ।
apramēyaḥ prabhuḥ prājñō'pratarkyaḥ svapnavardhanaḥ ॥ 98 ॥
dhanyō mānyō bhavō bhāvō dhīraḥ śāntō jagadguruḥ ।
antaryāmīśvarō divyō daivajñō dēvasaṃstutaḥ ॥ 99 ॥
kṣīrābdhiśayanō dhātā lakṣmīvān lakṣmaṇāgrajaḥ ।
dhātrīpatiramēyātmā chandraśēkharapūjitaḥ ॥ 100 ॥
lōkasākṣī jagachchakṣuḥ puṇyachāritrakīrtanaḥ ।
kōṭimanmathasaundaryō jaganmōhanavigrahaḥ ॥ 101 ॥
mandasmitatanurgōpagōpikāparivēṣṭitaḥ ।
phullāravindanayanaśchāṇūrāndhraniṣūdanaḥ ॥ 102 ॥
indīvaradaḻaśyāmō barhibarhāvataṃsakaḥ ।
muraḻīninadāhlādō divyamālāmbarāvṛtaḥ ॥ 103 ॥
sukapōlayugaḥ subhrūyugaḻaḥ sulalāṭakam ।
kambugrīvō viśālākṣō lakṣmīvāñChubhalakṣaṇaḥ ॥ 104 ॥
pīnavakṣāśchaturbāhuśchaturmūrtistrivikramaḥ ।
kaḻaṅkarahitaḥ śuddhō duṣṭaśatrunibarhaṇaḥ ॥ 105 ॥
kirīṭakuṇḍaladharaḥ kaṭakāṅgadamaṇḍitaḥ ।
mudrikābharaṇōpētaḥ kaṭisūtravirājitaḥ ॥ 106 ॥
mañjīrarañjitapadaḥ sarvābharaṇabhūṣitaḥ ।
vinyastapādayugaḻō divyamaṅgaḻavigrahaḥ ॥ 107 ॥
gōpikānayanānandaḥ pūrṇachandranibhānanaḥ ।
samastajagadānandaḥ sundarō lōkanandanaḥ ॥ 108 ॥
yamunātīrasañchārī rādhāmanmathavaibhavaḥ ।
gōpanārīpriyō dāntō gōpīvastrāpahārakaḥ ॥ 109 ॥
śṛṅgāramūrtiḥ śrīdhāmā tārakō mūlakāraṇam ।
sṛṣṭisaṃrakṣaṇōpāyaḥ krūrāsuravibhañjanaḥ ॥ 110 ॥
narakāsurasaṃhārī murārirvairimardanaḥ ।
āditēyapriyō daityabhīkarō yaduśēkharaḥ ॥ 111 ॥
jarāsandhakuladhvaṃsī kaṃsārātiḥ suvikramaḥ ।
puṇyaślōkaḥ kīrtanīyō yādavēndrō jagannutaḥ ॥ 112 ॥
rukmiṇīramaṇaḥ satyabhāmājāmbavatīpriyaḥ ।
mitravindānāgnajitīlakṣmaṇāsamupāsitaḥ ॥ 113 ॥
sudhākarakulē jātō'nantaḥ prabalavikramaḥ ।
sarvasaubhāgyasampannō dvārakāpaṭṭaṇasthitaḥ ॥ 114 ॥
bhadrāsūryasutānāthō līlāmānuṣavigrahaḥ ।
sahasraṣōḍaśastrīśō bhōgamōkṣaikadāyakaḥ ॥ 115 ॥
vēdāntavēdyaḥ saṃvēdyō vaidyō brahmāṇḍanāyakaḥ ।
gōvardhanadharō nāthaḥ sarvajīvadayāparaḥ ॥ 116 ॥
mūrtimān sarvabhūtātmā ārtatrāṇaparāyaṇaḥ ।
sarvajñaḥ sarvasulabhaḥ sarvaśāstraviśāradaḥ ॥ 117 ॥
ṣaḍguṇaiśvaryasampannaḥ pūrṇakāmō dhurandharaḥ ।
mahānubhāvaḥ kaivalyadāyakō lōkanāyakaḥ ॥ 118 ॥
ādimadhyāntarahitaḥ śuddhasāttvikavigrahaḥ ।
asamānaḥ samastātmā śaraṇāgatavatsalaḥ ॥ 119 ॥
utpattisthitisaṃhārakāraṇaṃ sarvakāraṇam ।
gambhīraḥ sarvabhāvajñaḥ sachchidānandavigrahaḥ ॥ 120 ॥
viṣvaksēnaḥ satyasandhaḥ satyavāk satyavikramaḥ ।
satyavrataḥ satyarataḥ satyadharmaparāyaṇaḥ ॥ 121 ॥
āpannārtipraśamanaḥ draupadīmānarakṣakaḥ ।
kandarpajanakaḥ prājñō jagannāṭakavaibhavaḥ ॥ 122 ॥
bhaktivaśyō guṇātītaḥ sarvaiśvaryapradāyakaḥ ।
damaghōṣasutadvēṣī bāṇabāhuvikhaṇḍanaḥ ॥ 123 ॥
bhīṣmabhaktipradō divyaḥ kauravānvayanāśanaḥ ।
kauntēyapriyabandhuścha pārthasyandanasārathiḥ ॥ 124 ॥
nārasiṃhō mahāvīraḥ stambhajātō mahābalaḥ ।
prahlādavaradaḥ satyō dēvapūjyō'bhayaṅkaraḥ ॥ 125 ॥
upēndra indrāvarajō vāmanō balibandhanaḥ ।
gajēndravaradaḥ svāmī sarvadēvanamaskṛtaḥ ॥ 126 ॥
śēṣaparyaṅkaśayanō vainatēyarathō jayī ।
avyāhatabalaiśvaryasampannaḥ pūrṇamānasaḥ ॥ 127 ॥
yōgīśvarēśvaraḥ sākṣī kṣētrajñō jñānadāyakaḥ ।
yōgihṛtpaṅkajāvāsō yōgamāyāsamanvitaḥ ॥ 128 ॥
nādabindukaḻātītaśchaturvargaphalapradaḥ ।
suṣumnāmārgasañchārī dēhasyāntarasaṃsthitaḥ ॥ 129 ॥
dēhēndriyamanaḥprāṇasākṣī chētaḥprasādakaḥ ।
sūkṣmaḥ sarvagatō dēhī jñānadarpaṇagōcharaḥ ॥ 130 ॥
tattvatrayātmakō'vyaktaḥ kuṇḍalī samupāśritaḥ ।
brahmaṇyaḥ sarvadharmajñaḥ śāntō dāntō gataklamaḥ ॥ 131 ॥
śrīnivāsaḥ sadānandō viśvamūrtirmahāprabhuḥ ।
sahasraśīrṣā puruṣaḥ sahasrākṣaḥ sahasrapāt ॥ 132 ॥
samastabhuvanādhāraḥ samastaprāṇarakṣakaḥ ।
samastassarvabhāvajñō gōpikāprāṇavallabhaḥ ॥ 133 ॥
nityōtsavō nityasaukhyō nityaśrīrnityamaṅgaḻam ।
vyūhārchitō jagannāthaḥ śrīvaikuṇṭhapurādhipaḥ ॥ 134 ॥
pūrṇānandaghanībhūtō gōpavēṣadharō hariḥ ।
kalāpakusumaśyāmaḥ kōmalaḥ śāntavigrahaḥ ॥ 135 ॥
gōpāṅganāvṛtō'nantō bṛndāvanasamāśrayaḥ ।
vēṇunādarataḥ śrēṣṭhō dēvānāṃ hitakārakaḥ ॥ 136 ॥
jalakrīḍāsamāsaktō navanītasya taskaraḥ ।
gōpālakāminījāraśchōrajāraśikhāmaṇiḥ ॥ 137 ॥
parañjyōtiḥ parākāśaḥ parāvāsaḥ parisphuṭaḥ ।
aṣṭādaśākṣarō mantrō vyāpakō lōkapāvanaḥ ॥ 138 ॥
saptakōṭimahāmantraśēkharō dēvaśēkharaḥ ।
vijñānajñānasandhānastējōrāśirjagatpatiḥ ॥ 139 ॥
bhaktalōkaprasannātmā bhaktamandāravigrahaḥ ।
bhaktadāridryaśamanō bhaktānāṃ prītidāyakaḥ ॥ 140 ॥
bhaktādhīnamanāḥ pūjyō bhaktalōkaśivaṅkaraḥ ।
bhaktābhīṣṭapradaḥ sarvabhaktāghaughanikṛntakaḥ ॥ 141 ॥
apārakaruṇāsindhurbhagavān bhaktatatparaḥ ॥ 142 ॥
[iti śrīrādhikānātha nāmnāṃ sāhasramīritam । ]
smaraṇātpāparāśīnāṃ khaṇḍanaṃ mṛtyunāśanam ॥ 1 ॥
vaiṣṇavānāṃ priyakaraṃ mahādāridryanāśanam ।
brahmahatyāsurāpānaṃ parastrīgamanaṃ tathā ॥ 2 ॥
paradravyāpaharaṇaṃ paradvēṣasamanvitam ।
mānasaṃ vāchikaṃ kāyaṃ yatpāpaṃ pāpasambhavam ॥ 3 ॥
sahasranāmapaṭhanātsarvē naśyanti tatkṣaṇāt ।
mahādāridryayuktō vai vaiṣṇavō viṣṇubhaktimān ॥ 4 ॥
kārtikyāṃ yaḥ paṭhēdrātrau śatamaṣṭōttaraṃ kramāt ।
pītāmbaradharō dhīmān sugandhī puṣpachandanaiḥ ॥ 5 ॥
pustakaṃ pūjayitvā cha naivēdyādibhirēva cha ।
rādhādhyānāṅkitō dhīrō vanamālāvibhūṣitaḥ ॥ 6 ॥
śatamaṣṭōttaraṃ dēvi paṭhēnnāmasahasrakam ।
chaitrē kṛṣṇē cha śuklē cha kuhūsaṅkrāntivāsarē ॥ 7 ॥
paṭhitavyaṃ prayatnēna trailōkyaṃ mōhayēt kṣaṇāt ।
tulasīmālayā yuktō vaiṣṇavō bhaktitatparaḥ ॥ 8 ॥
ravivārē cha śukrē cha dvādaśyāṃ śrāddhavāsarē ।
brāhmaṇaṃ pūjayitvā cha bhōjayitvā vidhānataḥ ॥ 9 ॥
paṭhēnnāmasahasraṃ cha tataḥ siddhiḥ prajāyatē ।
mahāniśāyāṃ satataṃ vaiṣṇavō yaḥ paṭhētsadā ॥ 10 ॥
dēśāntaragatā lakṣmīḥ samāyāti na saṃśayaḥ ।
trailōkyē tu mahādēvi sundaryaḥ kāmamōhitāḥ ॥ 11 ॥
mugdhāḥ svayaṃ samāyānti vaiṣṇavaṃ cha bhajanti tāḥ ।
rōgī rōgātpramuchyēta baddhō muchyēta bandhanāt ॥ 12 ॥
garbhiṇī janayētputraṃ kanyā vindati satpatim ।
rājānō vaśatāṃ yānti kiṃ punaḥ kṣudramānuṣāḥ ॥ 13 ॥
sahasranāmaśravaṇāt paṭhanāt pūjanāt priyē ।
dhāraṇāt sarvamāpnōti vaiṣṇavō nātra saṃśayaḥ ॥ 14 ॥
vaṃśīvaṭē chānyavaṭē tathā pippalakē'tha vā ।
kadambapādapatalē śrīgōpālasya sannidhau ॥ 15 ॥
yaḥ paṭhēdvaiṣṇavō nityaṃ sa yāti harimandiram ।
kṛṣṇēnōktaṃ rādhikāyai tayā prōktaṃ purā śivē ॥ 16 ॥
nāradāya mayā prōktaṃ nāradēna prakāśitam ।
mayā tava varārōhē prōktamētatsudurlabham ॥ 17 ॥
gōpanīyaṃ prayatnēna na prakāśyaṃ kadāchana ।
śaṭhāya pāpinē chaiva lampaṭāya viśēṣataḥ ॥ 18 ॥
na dātavyaṃ na dātavyaṃ na dātavyaṃ kadāchana ।
dēyaṃ śāntāya śiṣyāya viṣṇubhaktiratāya cha ॥ 19 ॥
gōdānabrahmayajñādērvājapēyaśatasya cha ।
aśvamēdhasahasrasya phalaṃ pāṭhē bhavēddhruvam ॥ 20 ॥
mōhanaṃ stambhanaṃ chaiva māraṇōchchāṭanādikam ।
yadyadvāñChati chittēna tattatprāpnōti vaiṣṇavaḥ ॥ 21 ॥
ēkādaśyāṃ naraḥ snātvā sugandhadravyatailakaiḥ ।
āhāraṃ brāhmaṇē dattvā dakṣiṇāṃ svarṇabhūṣaṇam ॥ 22 ॥
tataḥ prārambhakartāsau sarvaṃ prāpnōti mānavaḥ ।
śatāvṛtta sahasraṃ cha yaḥ paṭhēdvaiṣṇavō janaḥ ॥ 23 ॥
śrībṛndāvanachandrasya prasādātsarvamāpnuyāt ।
yadgṛhē pustakaṃ dēvi pūjitaṃ chaiva tiṣṭhati ॥ 24 ॥
na mārī na cha durbhikṣaṃ nōpasargabhayaṃ kvachit ।
sarpādibhūtayakṣādyā naśyantē nātra saṃśayaḥ ॥ 25 ॥
śrīgōpālō mahādēvi vasēttasya gṛhē sadā ।
yadgṛhē cha sahasraṃ cha nāmnāṃ tiṣṭhati pūjitam ॥ 26 ॥
iti śrīsammōhanatantrē haragaurīsaṃvādē śrīgōpāla sahasranāmastōtram ।
