Mahanyasam - 0. Kalasa Pratishtapana Mantras - Grantha

𑌆𑌪𑍍𑌯𑌾॑𑌯𑌸𑍍𑌵॒ 𑌸𑌮𑍇॑𑌤𑍁 𑌤𑍇 𑌵𑌿॒𑌶𑍍𑌵𑌤𑌃॑ 𑌸𑍋𑌮॒ 𑌵𑍃𑌷𑍍𑌣𑌿॑𑌯𑌮𑍍 । 𑌭𑌵𑌾॒ 𑌵𑌾𑌜॑𑌸𑍍𑌯 𑌸𑌂𑌗॒𑌥𑍇 ।
𑌯𑍋 𑌰𑍁॒𑌦𑍍𑌰𑍋 𑌅॒𑌗𑍍𑌨𑍌 𑌯𑍋 𑌅॒𑌫𑍍𑌸𑍁 𑌯 𑌓𑌷॑𑌧𑍀𑌷𑍁॒ 𑌯𑍋 𑌰𑍁॒𑌦𑍍𑌰𑍋 𑌵𑌿𑌶𑍍𑌵𑌾॒
𑌭𑍁𑌵॑𑌨𑌾𑌽𑌽𑌵𑌿॒𑌵𑍇𑌶॒ 𑌤𑌸𑍍𑌮𑍈॑ 𑌰𑍁॒𑌦𑍍𑌰𑌾𑌯॒ 𑌨𑌮𑍋॑ 𑌅𑌸𑍍𑌤𑍁 । 1 (𑌅𑌪 𑌉𑌪𑌸𑍍𑌪𑍃𑌶𑍍𑌯)
𑌇॒𑌦𑌂-𑌵𑌿𑌁𑌷𑍍𑌣𑍁॒ 𑌰𑍍𑌵𑌿𑌚॑𑌕𑍍𑌰𑌮𑍇 𑌤𑍍𑌰𑍇॒𑌧𑌾 𑌨𑌿𑌦॑𑌧𑍇 𑌪॒𑌦𑌮𑍍 । 𑌸𑌮𑍂॑𑌢𑌮𑌸𑍍𑌯 𑌪𑌾𑌗𑍍𑌮𑍍 𑌸𑍁॒𑌰𑍇 ।
𑌇𑌂𑌦𑍍𑌰𑌂॒-𑌵𑌿𑌁𑌶𑍍𑌵𑌾॑ 𑌅𑌵𑍀𑌵𑍃𑌧𑌂𑌥𑍍 𑌸𑌮𑍁॒𑌦𑍍𑌰𑌵𑍍𑌯॑𑌚𑌸𑌂॒ 𑌗𑌿𑌰𑌃॑ ।
𑌰॒𑌥𑍀𑌤॑𑌮𑌗𑍍𑌮𑍍 𑌰𑌥𑍀॒𑌨𑌾𑌂-𑌵𑌾𑌁𑌜𑌾॑𑌨𑌾॒𑌗𑍍𑌮𑍍॒ 𑌸𑌤𑍍𑌪॑𑌤𑌿𑌂॒ 𑌪𑌤𑌿᳚𑌮𑍍 ।
𑌆𑌪𑍋॒ 𑌵𑌾 𑌇॒𑌦𑌂𑌗𑍍𑌮𑍍 𑌸𑌰𑍍𑌵𑌂॒-𑌵𑌿𑌁𑌶𑍍𑌵𑌾॑ 𑌭𑍂॒𑌤𑌾𑌨𑍍𑌯𑌾𑌪𑌃॑ 𑌪𑍍𑌰𑌾॒𑌣𑌾 𑌵𑌾 𑌆𑌪𑌃॑ 𑌪॒𑌶𑌵॒ 𑌆𑌪𑍋𑌽𑌨𑍍𑌨॒𑌮𑌾𑌪𑍋-𑌽𑌮𑍃॑𑌤॒𑌮𑌾𑌪॑-𑌸𑍍𑌸॒𑌮𑍍𑌰𑌾𑌡𑌾𑌪𑍋॑ 𑌵𑌿॒𑌰𑌾𑌡𑌾𑌪॑-𑌸𑍍𑌸𑍍𑌵॒𑌰𑌾𑌡𑌾𑌪॒-𑌶𑍍𑌛𑌂𑌦𑌾॒𑌗𑍍॒𑌶𑍍𑌯𑌾𑌪𑍋॒ 𑌜𑍍𑌯𑍋𑌤𑍀॒𑌗𑍍॒𑌷𑍍𑌯𑌾𑌪𑍋॒ 𑌯𑌜𑍂॒𑌗𑍍॒𑌷𑍍𑌯𑌾𑌪॑-𑌸𑍍𑌸॒𑌤𑍍𑌯𑌮𑌾𑌪॒-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒ 𑌆𑌪𑍋॒ 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒𑌰𑌾𑌪॒ 𑌓𑌮𑍍 । 2
𑌅॒𑌪𑌃 𑌪𑍍𑌰𑌣॑𑌯𑌤𑌿 । 𑌶𑍍𑌰॒𑌦𑍍𑌧𑌾 𑌵𑌾 𑌆𑌪𑌃॑ । 𑌶𑍍𑌰॒𑌦𑍍𑌧𑌾𑌮𑍇॒𑌵𑌾𑌰𑌭𑍍𑌯॑ 𑌪𑍍𑌰॒𑌣𑍀𑌯॒ 𑌪𑍍𑌰𑌚॑𑌰𑌤𑌿 ।
𑌅॒𑌪𑌃 𑌪𑍍𑌰𑌣॑𑌯𑌤𑌿 ।
𑌯॒𑌜𑍍𑌞𑍋 𑌵𑌾 𑌆𑌪𑌃॑ । 𑌯॒𑌜𑍍𑌞𑌮𑍇॒𑌵𑌾𑌰𑌭𑍍𑌯॑ 𑌪𑍍𑌰॒𑌣𑍀𑌯॒ 𑌪𑍍𑌰𑌚॑𑌰𑌤𑌿 । 𑌅॒𑌪𑌃 𑌪𑍍𑌰𑌣॑𑌯𑌤𑌿 ।
𑌵𑌜𑍍𑌰𑍋॒ 𑌵𑌾 𑌆𑌪𑌃॑ । 𑌵𑌜𑍍𑌰॑𑌮𑍇॒𑌵 𑌭𑍍𑌰𑌾𑌤𑍃॑𑌵𑍍𑌯𑍇𑌭𑍍𑌯𑌃 𑌪𑍍𑌰॒𑌹𑍃𑌤𑍍𑌯॑ 𑌪𑍍𑌰॒𑌣𑍀𑌯॒ 𑌪𑍍𑌰𑌚॑𑌰𑌤𑌿 ।
𑌅॒𑌪𑌃 𑌪𑍍𑌰𑌣॑𑌯𑌤𑌿 ।
𑌆𑌪𑍋॒ 𑌵𑍈 𑌰॑𑌕𑍍𑌷𑍋॒𑌘𑍍𑌨𑍀𑌃 । 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 । 𑌅॒𑌪𑌃 𑌪𑍍𑌰𑌣॑𑌯𑌤𑌿 ।
𑌆𑌪𑍋॒ 𑌵𑍈 𑌦𑍇॒𑌵𑌾𑌨𑌾𑌂᳚ 𑌪𑍍𑌰𑌿॒𑌯𑌂 𑌧𑌾𑌮॑ । 𑌦𑍇॒𑌵𑌾𑌨𑌾॑𑌮𑍇॒𑌵 𑌪𑍍𑌰𑌿॒𑌯𑌂 𑌧𑌾𑌮॑ 𑌪𑍍𑌰॒𑌣𑍀𑌯॒ 𑌪𑍍𑌰𑌚॑𑌰𑌤𑌿 । 𑌅॒𑌪𑌃 𑌪𑍍𑌰𑌣॑𑌯𑌤𑌿 ।
𑌆𑌪𑍋॒ 𑌵𑍈 𑌸𑌰𑍍𑌵𑌾॑ 𑌦𑍇॒𑌵𑌤𑌾𑌃᳚ । 𑌦𑍇॒𑌵𑌤𑌾॑ 𑌏॒𑌵𑌾𑌰𑌭𑍍𑌯॑ 𑌪𑍍𑌰॒𑌣𑍀𑌯॒ 𑌪𑍍𑌰𑌚॑𑌰𑌤𑌿 ।
𑌅॒𑌪𑌃 𑌪𑍍𑌰𑌣॑𑌯𑌤𑌿 ।
𑌆𑌪𑍋॒ 𑌵𑍈 𑌶𑌾𑌂॒𑌤𑌾𑌃 । 𑌶𑌾𑌂॒𑌤𑌾𑌭𑌿॑𑌰𑍇॒𑌵𑌾𑌸𑍍𑌯॒ 𑌶𑍁𑌚𑌗𑍍𑌮𑍍॑ 𑌶𑌮𑌯𑌤𑌿 । 𑌦𑍇॒𑌵𑍋 𑌵𑌃॑
𑌸𑌵𑌿॒𑌤𑍋𑌤𑍍 𑌪𑍁॑𑌨𑌾॒𑌤𑍍𑌵-𑌚𑍍𑌛𑌿॑𑌦𑍍𑌰𑍇𑌣 𑌪॒𑌵𑌿𑌤𑍍𑌰𑍇॑𑌣॒ 𑌵𑌸𑍋॒𑌸𑍍𑌸𑍂𑌰𑍍𑌯॑𑌸𑍍𑌯 𑌰॒𑌶𑍍𑌮𑌿𑌭𑌿𑌃॑ ॥ 3

𑌕𑍂𑌰𑍍𑌚𑌾𑌗𑍍𑌰𑍈 𑌰𑍍𑌰𑌾𑌕𑍍𑌷𑌸𑌾𑌨𑍍 𑌘𑍋𑌰𑌾𑌨𑍍 𑌛𑌿𑌂𑌧𑌿 𑌕𑌰𑍍𑌮𑌵𑌿𑌘𑌾𑌤𑌿𑌨𑌃 ।
𑌤𑍍𑌵𑌾𑌮𑌰𑍍𑌪𑌯𑌾𑌮𑌿 𑌕𑍁𑌂𑌭𑍇𑌽𑌸𑍍𑌮𑌿𑌨𑍍 𑌸𑌾𑌫𑌲𑍍𑌯𑌂 𑌕𑍁𑌰𑍁 𑌕𑌰𑍍𑌮𑌣𑌿 ।
𑌵𑍃𑌕𑍍𑌷𑌰𑌾𑌜 𑌸𑌮𑍁𑌦𑍍𑌭𑍂𑌤𑌾𑌃 𑌶𑌾𑌖𑌾𑌯𑌾𑌃 𑌪𑌲𑍍𑌲𑌵𑌤𑍍𑌵 𑌚𑌃 ।
𑌯𑍁𑌷𑍍𑌮𑌾𑌨𑍍 𑌕𑍁𑌂𑌭𑍇𑌷𑍍𑌵𑌰𑍍𑌪𑌯𑌾𑌮𑌿 𑌸𑌰𑍍𑌵𑌪𑌾𑌪𑌾𑌪𑌨𑍁𑌤𑍍𑌤𑌯𑍇 ।
𑌨𑌾𑌳𑌿𑌕𑍇𑌰-𑌸𑌮𑍁𑌦𑍍𑌭𑍂𑌤 𑌤𑍍𑌰𑌿𑌨𑍇𑌤𑍍𑌰 𑌹𑌰 𑌸𑌮𑍍𑌮𑌿𑌤 ।
𑌶𑌿𑌖𑌯𑌾 𑌦𑍁𑌰𑌿𑌤𑌂 𑌸𑌰𑍍𑌵𑌂 𑌪𑌾𑌪𑌂 𑌪𑍀𑌡𑌾𑌂 𑌚 𑌮𑍇 𑌨𑍁𑌦 ।
𑌸॒ 𑌹𑌿 𑌰𑌤𑍍𑌨𑌾॑𑌨𑌿 𑌦𑌾॒𑌶𑍁𑌷𑍇॑ 𑌸𑍁॒𑌵𑌾𑌤𑌿॑ 𑌸𑌵𑌿॒𑌤𑌾 𑌭𑌗𑌃॑ ।
𑌤𑌂 𑌭𑌾॒𑌗𑌂 𑌚𑌿॒𑌤𑍍𑌰𑌮𑍀॑𑌮𑌹𑍇 । (𑌋𑌗𑍍𑌵𑍇𑌦 𑌮𑌂𑌤𑍍𑌰𑌃)

𑌤𑌤𑍍𑌵𑌾॑ 𑌯𑌾𑌮𑌿॒ 𑌬𑍍𑌰𑌹𑍍𑌮॑𑌣𑌾॒ 𑌵𑌂𑌦॑𑌮𑌾𑌨॒-𑌸𑍍𑌤𑌦𑌾𑌶𑌾᳚𑌸𑍍𑌤𑍇॒ 𑌯𑌜॑𑌮𑌾𑌨𑍋 𑌹॒𑌵𑌿𑌰𑍍𑌭𑌿𑌃॑ ।
𑌅𑌹𑍇॑𑌡𑌮𑌾𑌨𑍋 𑌵𑌰𑍁𑌣𑍇॒𑌹 𑌬𑍋॒𑌦𑍍𑌧𑍍𑌯𑍁𑌰𑍁॑𑌶𑌗𑍍𑌮𑍍𑌸॒ 𑌮𑌾 𑌨॒ 𑌆𑌯𑍁𑌃॒ 𑌪𑍍𑌰𑌮𑍋॑𑌷𑍀𑌃 ॥

𑌓𑌂 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒𑌰𑍋𑌮𑍍 । 𑌅𑌸𑍍𑌮𑌿𑌨𑍍 𑌕𑍁𑌂𑌭𑍇 𑌵𑌰𑍁𑌣𑌮𑌾𑌵𑌾𑌹𑌯𑌾𑌮𑌿 ।
𑌵𑌰𑍁𑌣𑌸𑍍𑌯 𑌇𑌦𑌮𑌾𑌸𑌨𑌮𑍍 । 𑌵𑌰𑍁𑌣𑌾𑌯 𑌨𑌮𑌃 । 𑌸𑌕𑌲𑌾𑌰𑌾𑌧𑌨𑍈𑌃 𑌸𑍍𑌵𑌰𑍍𑌚𑌿𑌤𑌮𑍍 ।
𑌰𑌤𑍍𑌨𑌸𑌿𑌂𑌹𑌾𑌸𑌨𑌂 𑌸𑌮𑌰𑍍𑌪𑌯𑌾𑌮𑌿 । 𑌪𑌾𑌦𑍍𑌯𑌂 𑌸𑌮𑌰𑍍𑌪𑌯𑌾𑌮𑌿 ।
𑌅𑌰𑍍𑌘𑍍𑌯𑌂 𑌸𑌮𑌰𑍍𑌪𑌯𑌾𑌮𑌿 । 𑌆𑌚𑌮𑌨𑍀𑌯𑌂 𑌸𑌮𑌰𑍍𑌪𑌯𑌾𑌮𑌿 ।
𑌮𑌧𑍁𑌪𑌰𑍍𑌕𑍍𑌕𑌂 𑌸𑌮𑌰𑍍𑌪𑌯𑌾𑌮𑌿 । 𑌸𑍍𑌨𑌾𑌨𑌂 𑌸𑌮𑌰𑍍𑌪𑌯𑌾𑌮𑌿 ।
𑌸𑍍𑌨𑌾𑌨𑌾𑌨𑌂𑌤𑌰𑌂 𑌆𑌚𑌮𑌨𑍀𑌯𑌂 𑌸𑌮𑌰𑍍𑌪𑌯𑌾𑌮𑌿 ।
𑌵𑌸𑍍𑌤𑍍𑌰𑍋𑌤𑍍𑌤𑌰𑍀𑌯𑌂 𑌸𑌮𑌰𑍍𑌪𑌯𑌾𑌮𑌿 । 𑌉𑌪𑌵𑍀𑌤𑌂 𑌸𑌮𑌰𑍍𑌪𑌯𑌾𑌮𑌿 ।
𑌗𑌂𑌧𑌾𑌨𑍍 𑌧𑌾𑌰𑌯𑌾𑌮𑌿 । 𑌅𑌕𑍍𑌷𑌤𑌾𑌨𑍍 𑌸𑌮𑌰𑍍𑌪𑌯𑌾𑌮𑌿 ।
𑌪𑍁𑌷𑍍𑌪𑌾𑌣𑌿 𑌸𑌮𑌰𑍍𑌪𑌯𑌾𑌮𑌿 ।
1. 𑌓𑌂-𑌵𑌁𑌰𑍁𑌣𑌾𑌯 𑌨𑌮𑌃
2. 𑌓𑌂 𑌪𑍍𑌰𑌚𑍇𑌤𑌸𑍇 𑌨𑌮𑌃
3. 𑌓𑌂 𑌸𑍁𑌰𑍂𑌪𑌿𑌣𑍇 𑌨𑌮𑌃
4. 𑌓𑌂 𑌅𑌪𑌾𑌂𑌪𑌤𑌯𑍇 𑌨𑌮𑌃
5. 𑌓𑌂 𑌮𑌕𑌰𑌵𑌾𑌹𑌨𑌾𑌯 𑌨𑌮𑌃
6. 𑌜𑌲𑌾𑌧𑌿𑌪𑌤𑌯𑍇 𑌨𑌮𑌃
𑍭. 𑌓𑌂 𑌪𑌾𑌶𑌹𑌸𑍍𑌤𑌾𑌯 𑌨𑌮𑌃
𑍮. 𑌓𑌂 𑌤𑍀𑌰𑍍𑌥𑌰𑌾𑌜𑌾𑌯 𑌨𑌮𑌃

𑌓𑌂-𑌵𑌁𑌰𑍁𑌣𑌾𑌯 𑌨𑌮𑌃 । 𑌨𑌾𑌨𑌾𑌵𑌿𑌧 𑌪𑌰𑌿𑌮𑌳 𑌪𑌤𑍍𑌰 𑌪𑍁𑌷𑍍𑌪𑌾𑌣𑌿 𑌸𑌮𑌰𑍍𑌪𑌯𑌾𑌮𑌿 ।
𑌧𑍂𑌪𑌂 𑌆𑌘𑍍𑌰𑌾𑌪𑌯𑌾𑌮𑌿 । 𑌦𑍀𑌪𑌂 𑌦𑌰𑍍𑌶𑌯𑌾𑌮𑌿 ।
𑌧𑍂𑌪𑌦𑍀𑌪𑌾𑌨𑌂𑌤𑌰𑌂 𑌆𑌚𑌮𑌨𑍀𑌯𑌂 𑌸𑌮𑌰𑍍𑌪𑌯𑌾𑌮𑌿 ।
𑌓𑌂 𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌃 । 𑌤𑌥𑍍𑌸॑𑌵𑌿॒𑌤𑍁𑌰𑍍𑌵𑌰𑍇᳚𑌣𑍍𑌯𑌂॒ 𑌭𑌰𑍍𑌗𑍋॑ 𑌦𑍇॒𑌵𑌸𑍍𑌯॑ 𑌧𑍀𑌮𑌹𑌿 ।
𑌧𑌿𑌯𑍋॒ 𑌯𑍋𑌨॑ 𑌪𑍍𑌰𑌚𑍋॒𑌦𑌯𑌾᳚𑌤𑍍 ।
𑌦𑍇𑌵 𑌸𑌵𑌿𑌤𑌃 𑌪𑍍𑌰𑌸𑍁𑌵𑌃 । 𑌸𑌤𑍍𑌯𑌂 𑌤𑍍𑌵𑌰𑍍𑌤𑍇𑌨 𑌪𑌰𑌿𑌷𑌿𑌂𑌚𑌾𑌮𑌿 ।
(𑌰𑌾𑌤𑍍𑌰𑍌 - 𑌋𑌤𑌂 𑌤𑍍𑌵𑌾 𑌸𑌤𑍍𑌯𑍇𑌨 𑌪𑌰𑌿𑌷𑌿𑌂𑌚𑌾𑌮𑌿) ।
𑌓𑌂-𑌵𑌁𑌰𑍁𑌣𑌾𑌯 𑌨𑌮𑌃 । 𑌅𑌮𑍃𑌤𑌂 𑌭𑌵𑌤𑍁 । 𑌅𑌮𑍃𑌤𑍋𑌪𑌸𑍍𑌤𑌰𑌣𑌮𑌸𑌿 ।
𑌓𑌂 𑌪𑍍𑌰𑌾𑌣𑌾𑌯 𑌸𑍍𑌵𑌾𑌹𑌾 । 𑌓𑌂 𑌅𑌪𑌾𑌨𑌾𑌯 𑌸𑍍𑌵𑌾𑌹𑌾 । 𑌓𑌂-𑌵𑍍𑌯𑌾𑌁𑌨𑌾𑌯 𑌸𑍍𑌵𑌾𑌹𑌾 ।
𑌓𑌂 𑌉𑌦𑌾𑌨𑌾𑌯 𑌸𑍍𑌵𑌾𑌹𑌾 । 𑌓𑌂 𑌸𑌮𑌾𑌨𑌾𑌯 𑌸𑍍𑌵𑌾𑌹𑌾 । 𑌓𑌂 𑌬𑍍𑌰𑌹𑍍𑌮𑌣𑍇 𑌸𑍍𑌵𑌾𑌹𑌾 ।
𑌕𑌦𑌳𑍀𑌫𑌲𑌂 𑌨𑌿𑌵𑍇𑌦𑌯𑌾𑌮𑌿 । 𑌮𑌦𑍍𑌧𑍍𑌯𑍇𑌮𑌦𑍍𑌧𑍍𑌯𑍇 𑌅𑌮𑍃𑌤𑌪𑌾𑌨𑍀𑌯𑌂 𑌸𑌮𑌰𑍍𑌪𑌯𑌾𑌮𑌿 । 𑌅𑌮𑍃𑌤𑌾𑌪𑌿𑌧𑌾𑌨𑌮𑌸𑌿 । 𑌨𑍈𑌵𑍇𑌦𑍍𑌯𑌾𑌨𑌂𑌤𑌰𑌂 𑌆𑌚𑌮𑌨𑍀𑌯𑌂 𑌸𑌮𑌰𑍍𑌪𑌯𑌾𑌮𑌿 ।
𑌤𑌾𑌂𑌬𑍂𑌲𑌂 𑌸𑌮𑌰𑍍𑌪𑌯𑌾𑌮𑌿 । 𑌕𑌰𑍍𑌪𑍂𑌰 𑌨𑍀𑌰𑌾𑌜𑌨𑌂 𑌪𑍍𑌰𑌦𑌰𑍍𑌶𑌯𑌾𑌮𑌿 ।
𑌨𑍀𑌰𑌾𑌜𑌨𑌾𑌨𑌂𑌤𑌰𑌂 𑌆𑌚𑌮𑌨𑍀𑌯𑌂 𑌸𑌮𑌰𑍍𑌪𑌯𑌾𑌮𑌿 । 𑌮𑌂𑌤𑍍𑌰 𑌪𑍁𑌷𑍍𑌪𑌂 𑌸𑌮𑌰𑍍𑌪𑌯𑌾𑌮𑌿 ।
𑌸𑍁𑌵𑌰𑍍𑌣 𑌪𑍁𑌷𑍍𑌪𑌂 𑌸𑌮𑌰𑍍𑌪𑌯𑌾𑌮𑌿 । 𑌸𑌮𑌸𑍍𑌤𑍋𑌪𑌚𑌾𑌰𑌾𑌨𑍍 𑌸𑌮𑌰𑍍𑌪𑌯𑌾𑌮𑌿 ॥

Browse Related Categories: