Mahanyasam - 7.5. Prati Purusham - Grantha

𑌪𑍍𑌰॒𑌤𑌿॒𑌪𑍂॒𑌰𑍁॒𑌷 𑌮𑍇𑌕॑𑌕𑌪𑌾𑌲𑌾॒𑌨𑍍 𑌨𑌿𑌰𑍍𑌵॑𑌪॒𑌤𑍍𑌯𑍇-𑌕॒𑌮𑌤𑌿॑𑌰𑌿𑌕𑍍𑌤𑌂॒-𑌯𑌾𑌁𑌵𑌂॑𑌤𑍋 𑌗𑍃॒𑌹𑍍𑌯𑌾𑌃᳚ 𑌸𑍍𑌮𑌸𑍍𑌤𑍇𑌭𑍍𑌯𑌃॒ 𑌕𑌮॑𑌕𑌰𑌂 𑌪𑌶𑍂॒𑌨𑌾𑌗𑍍𑌮𑍍 𑌶𑌰𑍍𑌮𑌾॑𑌸𑌿॒ 𑌶𑌰𑍍𑌮॒ 𑌯𑌜॑𑌮𑌾𑌨𑌸𑍍𑌯॒ 𑌶𑌰𑍍𑌮॑ 𑌮𑍇
𑌯॒𑌚𑍍𑌛𑍈𑌕॑ 𑌏॒𑌵 𑌰𑍁॒𑌦𑍍𑌰𑍋 𑌨 𑌦𑍍𑌵𑌿॒𑌤𑍀𑌯𑌾॑𑌯 𑌤𑌸𑍍𑌥 𑌆॒𑌖𑍁𑌸𑍍𑌤𑍇॑ 𑌰𑍁𑌦𑍍𑌰 𑌪॒𑌶𑍁𑌸𑍍𑌤𑌂 𑌜𑍁॑𑌷𑌸𑍍𑌵𑍈॒𑌷 𑌤𑍇॑ 𑌰𑍁𑌦𑍍𑌰 𑌭𑌾॒𑌗𑌃 𑌸॒𑌹 𑌸𑍍𑌵𑌸𑍍𑌰𑌾𑌂-𑌽𑌬𑌿॑𑌕𑌯𑌾॒ 𑌤𑌂𑌜𑍁॑𑌷𑌸𑍍𑌵 𑌭𑍇𑌷॒𑌜𑌂 𑌗𑌵𑍇𑌽𑌶𑍍𑌵𑌾॑𑌯॒
𑌪𑍁𑌰𑍁॑𑌷𑌾𑌯 𑌭𑍇𑌷॒𑌜𑌮𑌥𑍋॑ 𑌅॒𑌸𑍍𑌮𑌭𑍍𑌯𑌂॑ 𑌭𑍇𑌷॒𑌜𑌗𑍍𑌮𑍍 𑌸𑍁𑌭𑍇॑𑌷𑌜𑌂॒-𑌯𑌁𑌥𑌾𑌽𑌸॑𑌤𑌿 । 1

𑌸𑍁॒𑌗𑌂 𑌮𑍇॒𑌷𑌾𑌯॑ 𑌮𑍇॒𑌷𑍍𑌯𑌾॑ 𑌅𑌵𑌾᳚𑌬𑌂 𑌰𑍁॒𑌦𑍍𑌰𑌮॑𑌦𑌿-𑌮॒𑌹𑍍𑌯𑌵॑ 𑌦𑍇॒𑌵𑌂 𑌤𑍍𑌰𑍍𑌯॑𑌬𑌂𑌕𑌮𑍍 ।
𑌯𑌥𑌾॑ 𑌨𑌃॒ 𑌶𑍍𑌰𑍇𑌯॑𑌸𑌃॒ 𑌕𑌰॒𑌦𑍍𑌯𑌥𑌾॑ 𑌨𑍋॒ 𑌵𑌸𑍍𑌯॑ 𑌸𑌃॒ 𑌕𑌰॒𑌦𑍍𑌯𑌥𑌾॑ 𑌨𑌃 𑌪𑌶𑍁॒𑌮𑌤𑌃॒
𑌕𑌰॒𑌦𑍍𑌯𑌥𑌾॑ 𑌨𑍋 𑌵𑍍𑌯𑌵𑌸𑌾॒𑌯𑌯𑌾᳚𑌤𑍍 । 𑌤𑍍𑌰𑍍𑌯॑𑌬𑌂𑌕𑌂-𑌯𑌁𑌜𑌾𑌮𑌹𑍇 𑌸𑍁𑌗𑌂॒𑌧𑌿𑌂 𑌪𑍁॑𑌷𑍍𑌟𑌿॒𑌵𑌰𑍍𑌧॑𑌨𑌮𑍍 ।
𑌉॒𑌰𑍍𑌵𑌾॒𑌰𑍁॒𑌕𑌮𑌿॑𑌵॒ 𑌬𑌂𑌧॑𑌨𑌾𑌨𑍍 𑌮𑍃॒𑌤𑍍𑌯𑍋 𑌰𑍍𑌮𑍁॑𑌕𑍍𑌷𑍀𑌯॒ 𑌮𑌾𑌽𑌮𑍃𑌤𑌾᳚𑌤𑍍 । 𑌏॒𑌷𑌤𑍇॑ 𑌰𑍁𑌦𑍍𑌰 𑌭𑌾॒𑌗 𑌸𑍍𑌤𑌂𑌜𑍁॑𑌷𑌸𑍍𑌵॒ 𑌤𑍇𑌨𑌾॑𑌵॒𑌸𑍇𑌨॑ 𑌪॒𑌰𑍋 𑌮𑍂𑌜॑𑌵॒𑌤𑍋-𑌽𑌤𑍀॒𑌹𑍍𑌯𑌵॑𑌤𑌤
𑌧𑌨𑍍𑌵𑌾॒ 𑌪𑌿𑌨𑌾॑𑌕𑌹𑌸𑍍𑌤𑌃॒ 𑌕𑍃𑌤𑍍𑌤𑌿॑𑌵𑌾𑌸𑌾𑌃 ॥ 2

𑌪𑍍𑌰॒𑌤𑌿॒𑌪𑍂॒𑌰𑍁॒𑌷-𑌮𑍇𑌕॑𑌕𑌪𑌾𑌲𑌾॒𑌨𑍍 𑌨𑌿𑌰𑍍𑌵॑𑌪𑌤𑌿 । 𑌜𑌾॒𑌤𑌾 𑌏॒𑌵 𑌪𑍍𑌰॒𑌜𑌾 𑌰𑍁॒𑌦𑍍𑌰𑌾𑌨𑍍 𑌨𑌿॒𑌰𑌵॑𑌦𑌯𑌤𑍇 । 𑌏𑌕॒𑌮𑌤𑌿॑𑌰𑌿𑌕𑍍𑌤𑌮𑍍 । 𑌜॒𑌨𑌿॒𑌷𑍍𑌯𑌮𑌾॑𑌣𑌾 𑌏॒𑌵 𑌪𑍍𑌰॒𑌜𑌾 𑌰𑍁॒𑌦𑍍𑌰𑌾𑌨𑍍 𑌨𑌿॒𑌰𑌵॑𑌦𑌯𑌤𑍇 । 𑌏𑌕॑𑌕𑌪𑌾𑌲𑌾 𑌭𑌵𑌂𑌤𑌿 । 𑌏॒𑌕॒𑌧𑍈𑌵 𑌰𑍁॒𑌦𑍍𑌰𑌂 𑌨𑌿॒𑌰𑌵॑𑌦𑌯𑌤𑍇 । 𑌨𑌾𑌭𑌿𑌘𑌾॑𑌰𑌯𑌤𑌿 । 𑌯𑌦॑𑌭𑌿𑌘𑌾॒𑌰𑌯𑍇᳚𑌤𑍍 । 𑌅𑌂॒𑌤॒𑌰॒𑌵॒-𑌚𑌾॒𑌰𑌿𑌣𑌗𑍍𑌮𑍍॑ 𑌰𑍁॒𑌦𑍍𑌰𑌂 𑌕𑍁॑𑌰𑍍𑌯𑌾𑌤𑍍 ।
𑌏॒𑌕𑍋॒𑌲𑍍𑌮𑍁॒𑌕𑍇𑌨॑ 𑌯𑌂𑌤𑌿 । 3

𑌤𑌦𑍍𑌧𑌿 𑌰𑍁॒𑌦𑍍𑌰𑌸𑍍𑌯॑ 𑌭𑌾𑌗॒𑌧𑍇𑌯᳚𑌮𑍍 । 𑌇॒𑌮𑌾𑌂 𑌦𑌿𑌶𑌂॑-𑌯𑌂𑌁𑌤𑌿 । 𑌏॒𑌷𑌾 𑌵𑍈 𑌰𑍁॒𑌦𑍍𑌰𑌸𑍍𑌯॒ 𑌦𑌿𑌕𑍍 । 𑌸𑍍𑌵𑌾𑌯𑌾॑ 𑌮𑍇॒𑌵 𑌦𑌿॒𑌶𑌿 𑌰𑍁॒𑌦𑍍𑌰𑌂 𑌨𑌿॒𑌰𑌵॑𑌦𑌯𑌤𑍇 । 𑌰𑍁॒𑌦𑍍𑌰𑍋 𑌵𑌾 𑌅॑𑌪॒𑌶𑍁𑌕𑌾॑𑌯𑌾॒ 𑌆𑌹𑍁॑𑌤𑍍𑌯𑍈॒ 𑌨𑌾𑌤𑌿॑𑌷𑍍𑌠𑌤 । 𑌅॒𑌸𑍌 𑌤𑍇॑ 𑌪॒𑌶𑍁𑌰𑌿𑌤𑌿॒ 𑌨𑌿𑌰𑍍𑌦𑌿॑𑌶𑍇॒𑌦𑍍𑌯𑌂 𑌦𑍍𑌵𑌿॒𑌷𑍍𑌯𑌾𑌤𑍍 । 𑌯𑌮𑍇॒𑌵 𑌦𑍍𑌵𑍇𑌷𑍍𑌟𑌿॑ ।
𑌤𑌮॑𑌸𑍍𑌮𑍈 𑌪॒𑌶𑍁𑌂 𑌨𑌿𑌰𑍍𑌦𑌿॑𑌶𑌤𑌿 । 𑌯𑌦𑌿॒ 𑌨 𑌦𑍍𑌵𑌿॒𑌷𑍍𑌯𑌾𑌤𑍍 ।
𑌆॒𑌖𑍁𑌸𑍍𑌤𑍇॑ 𑌪॒𑌶𑍁𑌰𑌿𑌤𑌿॑ 𑌬𑍍𑌰𑍂𑌯𑌾𑌤𑍍 । 4

𑌨 𑌗𑍍𑌰𑌾॒𑌮𑍍𑌯𑌾𑌨𑍍 𑌪॒𑌶𑍂𑌨𑍍 𑌹𑌿॒𑌨𑌸𑍍𑌤𑌿॑ । 𑌨𑌾𑌰॒𑌣𑍍𑌯𑌾𑌨𑍍 । 𑌚॒𑌤𑍁॒𑌷𑍍𑌪॒𑌥𑍇 𑌜𑍁॑𑌹𑍋𑌤𑌿 । 𑌏॒𑌷 𑌵𑌾 𑌅॑𑌗𑍍𑌨𑍀॒𑌨𑌾𑌂 𑌪𑌡𑍍𑌬𑍀॑𑌶𑍋॒ 𑌨𑌾𑌮॑ । 𑌅॒𑌗𑍍𑌨𑌿॒𑌵𑌤𑍍𑌯𑍇॒𑌵 𑌜𑍁॑𑌹𑍋𑌤𑌿 ।
𑌮॒𑌦𑍍𑌧𑍍𑌯॒𑌮𑍇𑌨॑ 𑌪॒𑌰𑍍𑌣𑍇𑌨॑ 𑌜𑍁𑌹𑍋𑌤𑌿 । 𑌸𑍍𑌰𑍁𑌗𑍍𑌘𑍍𑌯𑍇॑𑌷𑌾 । 𑌅𑌥𑍋॒ 𑌖𑌲𑍁॑ । 𑌅𑌂॒𑌤॒𑌮𑍇𑌨𑍈॒𑌵 𑌹𑍋॑𑌤॒𑌵𑍍𑌯᳚𑌮𑍍 । 𑌅𑌂॒𑌤॒𑌤 𑌏॒𑌵 𑌰𑍁॒𑌦𑍍𑌰𑌂 𑌨𑌿॒𑌰𑌵॑𑌦𑌯𑌤𑍇 । 5

𑌏𑌷॒ 𑌤𑍇॑ 𑌰𑍁𑌦𑍍𑌰𑌭𑌾॒𑌗𑌃 𑌸॒𑌹𑌸𑍍𑌵𑌸𑍍𑌰𑌾𑌂-𑌽𑌬𑌿॑𑌕॒𑌯𑍇𑌤𑍍𑌯𑌾॑𑌹 । 𑌶॒𑌰𑌦𑍍𑌵𑌾 𑌅॒𑌸𑍍𑌯𑌾𑌂𑌬𑌿॑𑌕𑌾॒ 𑌸𑍍𑌵𑌸𑌾᳚ ।
𑌤𑌯𑌾॒ 𑌵𑌾 𑌏॒𑌷 𑌹𑌿॑𑌨𑌸𑍍𑌤𑌿 । 𑌯𑌗𑍍𑌮𑍍 𑌹𑌿॒𑌨𑌸𑍍𑌤𑌿॑ । 𑌤𑌯𑍈॒𑌵𑍈𑌨𑌗𑍍𑌮𑍍॑ 𑌸॒𑌹 𑌶॑𑌮𑌯𑌤𑌿 ।
𑌭𑍇॒𑌷॒𑌜𑌂𑌗𑌵॒ 𑌇𑌤𑍍𑌯𑌾॑𑌹 । 𑌯𑌾𑌵𑌂॑𑌤 𑌏॒𑌵 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑌃॑ । 𑌤𑍇𑌭𑍍𑌯𑍋॑ 𑌭𑍇𑌷॒𑌜𑌂 𑌕॑𑌰𑍋𑌤𑌿 । 𑌅𑌵𑌾᳚𑌬𑌂 𑌰𑍁॒𑌦𑍍𑌰𑌮॑𑌦𑌿 𑌮॒𑌹𑍀𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈-𑌤𑌾𑌮𑌾 𑌶𑌾᳚𑌸𑍍𑌤𑍇 । 6

𑌤𑍍𑌰𑍍𑌯॑𑌬𑌂𑌕𑌂-𑌯𑌁𑌜𑌾𑌮𑌹॒ 𑌇𑌤𑍍𑌯𑌾॑𑌹 । 𑌮𑍃॒𑌤𑍍𑌯𑍋 𑌰𑍍𑌮𑍁॑𑌕𑍍𑌷𑍀𑌯॒ 𑌮𑌾𑌽𑌮𑍃𑌤𑌾॒-𑌦𑌿𑌤𑌿॒ 𑌵𑌾 𑌵𑍈 𑌤𑌦𑌾॑𑌹 ।
𑌉𑌤𑍍𑌕𑌿॑𑌰𑌂𑌤𑌿 । 𑌭𑌗॑𑌸𑍍𑌯 𑌲𑍀𑌫𑍍𑌸𑌂𑌤𑍇 । 𑌮𑍂𑌤𑍇॑ 𑌕𑍃॒𑌤𑍍𑌵𑌾 𑌸॑𑌜𑌂𑌤𑌿 ।
𑌯𑌥𑌾॒ 𑌜𑌨𑌂॑-𑌯𑌁॒𑌤𑍇॑𑌽𑌵॒𑌸𑌂 𑌕॒𑌰𑍋𑌤𑌿॑ । 𑌤𑌾॒𑌦𑍃𑌗𑍇॒𑌵 𑌤𑌤𑍍 । 𑌏॒𑌷 𑌤𑍇॑ 𑌰𑍁𑌦𑍍𑌰𑌭𑌾॒𑌗 𑌇𑌤𑍍𑌯𑌾॑𑌹 𑌨𑌿॒𑌰𑌵॑𑌤𑍍𑌯𑍈 । 𑌅𑌪𑍍𑌰॑𑌤𑍀𑌕𑍍𑌷॒-𑌮𑌾𑌯𑌂॑𑌤𑌿 । 𑌅॒𑌪𑌃 𑌪𑌰𑌿॑𑌷𑌿𑌂𑌚𑌤𑌿 । 𑌰𑍁॒𑌦𑍍𑌰𑌸𑍍𑌯𑌾𑌂॒𑌤 𑌰𑍍𑌹𑌿॑𑌤𑍍𑌯𑍈 । 𑌪𑍍𑌰𑌵𑌾 𑌏॒𑌤𑍇᳚𑌽𑌸𑍍𑌮𑌾-𑌲𑍍𑌲𑍋॒𑌕𑌾-𑌚𑍍𑌚𑍍𑌯॑𑌵𑌂𑌤𑍇 । 𑌯𑍇 𑌤𑍍𑌰𑍍𑌯॑𑌬𑌂𑌕𑍈॒-𑌶𑍍𑌚𑌰𑌂॑𑌤𑌿 । 𑌆॒𑌦𑌿॒𑌤𑍍𑌯𑌂 𑌚॒𑌰𑍁𑌂 𑌪𑍁𑌨॒𑌰𑍇𑌤𑍍𑌯॒ 𑌨𑌿𑌰𑍍𑌵॑𑌪𑌤𑌿 । 𑌇॒𑌯𑌂-𑌵𑌾𑌁 𑌅𑌦𑌿॑𑌤𑌿𑌃 । 𑌅॒𑌸𑍍𑌯𑌾𑌮𑍇॒𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌂𑌤𑌿 ॥ 𑍭

𑌓𑌂 𑌨𑌮𑍋 𑌭𑌗𑌵𑌤𑍇॑ 𑌰𑍁𑌦𑍍𑌰𑌾॒𑌯 ॥ 𑌪𑍍𑌰𑌤𑌿𑌪𑍂𑌰𑍁𑌷𑌂-𑌵𑌿𑌁𑌭𑌾𑌡𑌿𑌤𑌿 𑌨𑍇𑌤𑍍𑌰𑌤𑍍𑌰𑌯𑌾॑𑌯 𑌵𑍌॒𑌷𑌟𑍍 ॥

Browse Related Categories: